صحى نحنا شعب متحشر

[حاتم مرزوق]

نسب احد السودانيين للسودانيين صفة التِحِشِر ..

قائلاً ذهبت للهند والسند مركب الأفيال وإلى أوربا والصومال فلم أجد شعب يتدخل فى شئون الآخرين أكثر من شعبنا السودانى الفطر :cool:

(الفطر دى منى أنا )

طيب عايزين نناقش الحتة دى بموضوعية ونضرب بعض الأمثلة للتِحِشِر البقولوهو دا وعشان ما نظلم نفسنا ربما هناك قبائل بعينها هى التى جلبت المتاعب للآخرين (بدون تسميات بالله المنتدى مليان) يكفى إشارة أو لمحة من بعيد...

ولو ما فى تِحِشِر وأن هذا الإدعاء مجرد فرية مغرضة كمان قولوا ُ


ثمِح

[آلاء عبد الرحمن]

والله صراحة في تحشر وانا الحاجة دي مابحبها
بعني استحالة يسيبو زول في حالو

وانا مرات بحس انو الكلام ده ناتج من الفراغ وعدم الموضوع يعني اي زول لو اهتمه بشؤونو وركز في حاجاتو يكون اقضل

[مايسة]

تحياتي أستاذ حاتم مرزوق -

زكرتني النكته القال ليهو في النهاية التحشر المتل تحشرك دا - :o

صراحة متحشرين وبنتحشر - والتحشر زاتو اشكال

[حاتم مرزوق]

والله صراحة في تحشر وانا الحاجة دي مابحبها
بعني استحالة يسيبو زول في حالو

وانا مرات بحس انو الكلام ده ناتج من الفراغ وعدم الموضوع يعني اي زول لو اهتمه بشؤونو وركز في حاجاتو يكون اقضل



وجهة نظر يا آلاء وتعجبنى الصراحة

لكن أليس للتربية المشتركة التى نتميز بها دخل فى هذه التصرفات التى قد تكون بحسن نية وقد يقصد منها الشخص متقصى الحقائق معرفة أحوالك والإطمئنان عليك؟

[حاتم مرزوق]

تحياتي أستاذ حاتم مرزوق -

زكرتني النكته القال ليهو في النهاية التحشر المتل تحشرك دا - :o

صراحة متحشرين وبنتحشر - والتحشر زاتو اشكال



ههههههههههههههههههههه إتذكرتها! طبعاً نكتة جاية مع الموضوع ..

قصدك تقولى نحنا التحشر ذاتو:cool:

يعنى .. مرات تلقى زول بيسأل أسئلة غريبة شوية :o


اصلو الزول الكان بتكلم معاى فى موضوع التِحِشر دا ما إتزوج لى هسة وطبعاً شكلو عمو وأنا قلت سبب زعلو يكون فى واحد سالوا قال ليهو أووووووووووا لى هسة ما عرست ولا شنو :rolleyes::rolleyes::rolleyes:

[مدنيّة]

صراحة متحشرين وبنتحشر - والتحشر زاتو اشكال


اها شوف النوعية دي ياحاتم بالله
يعني مع سبق الاصرار والتربص حاضرا ومستقبلا دون هوادة
ههههههههههههههههههههههههه


---------
والله متحشرين جددددددددددددددددا للاسف الشديد

[مايسة]

ههههههههههههههههههههه إتذكرتها! طبعاً نكتة جاية مع الموضوع ..

قصدك تقولى نحنا التحشر ذاتو:cool:

يعنى .. مرات تلقى زول بيسأل أسئلة غريبة شوية :o


اصلو الزول الكان بتكلم معاى فى موضوع التِحِشر دا ما إتزوج لى هسة وطبعاً شكلو عمو وأنا قلت سبب زعلو يكون فى واحد سالوا قال ليهو أووووووووووا لى هسة ما عرست ولا شنو :rolleyes::rolleyes::rolleyes:


بس ياها زاته الاسئلة الغريبة دي - واحنا كسودانيين بنعتبرها نوع من الظرافة ولا خفة الدم ولا شنو ما عارفة غايتو -

مثلا اتنين متزوجين ليه ما بقيتو تلاته - (ياخ انت مالك ان شاء الله نبقى واحد زاتو)
وانت ليه ياخ ما عرسته لحد هسي - (ياخ انا حر اعرس ولا اعنس انت دخلك شنو - يمكن خايف من العرس)

ليه جاي متأخر كدا الجماعة هرشوك من الصباح ولا شنو (اي ياخ هرشوني ودقوني زاتو انت مالك)

ياخ كتير ياخ التحشر دا -

- اها في تحشر نوع تاني - زي ما اقول ليك انا هسي صورتك الرمزية يا استاذ حاتم معبرة جدا أخير من الأستوب - :o

[مايسة]

اها شوف النوعية دي ياحاتم بالله
يعني مع سبق الاصرار والتربص حاضرا ومستقبلا دون هوادة
ههههههههههههههههههههههههه


---------
والله متحشرين جددددددددددددددددا للاسف الشديد


اي بنتحشر وانت مالك - (اها دا نوع من التحشر برضو) :cool:;)

جيبي أمثلة ياخ وانت في الشغل اكيد مليون سؤال بتتعرضي ليهو اقصد تحشر

[مدنيّة]

جيبي أمثلة ياخ وانت في الشغل اكيد مليون سؤال بتتعرضي ليهو اقصد تحشر

خليها بكرة ياخ
عشان تكون لايف
ههههههههههههههههههههههه

[حاتم مرزوق]

والله متحشرين جددددددددددددددددا للاسف الشديد

طيب ناس الشغل ديل بدوكى كم هسة :cool::cool:

[عمو 75]

ـ





وألذ حاجة انو التحشر دا ما عنده معيار

ولا عنده حد

يعني مثلاً الزول ممكن يتحشر في حاجات أخوه

واللا صاحبه

واللا ان شاء الله ود جيرانهم

لا

دا تحشر عام

بلا حدود

تكون في الباص

تفتح الجريدة

تلقى واحد بتاوق معاك فيها

واللا تكون شايل ليك كتاب

يقول ليك كدي أقلب الكتاب خلينا نشوف إسمه شنو ؟

طيب انت مالك ومال الكتاب

دي مكتبة ؟

ما يمكن الكتاب ال..... ؟

ولا كأنك بتقول في حاجة





ديل واحد منهم مشى لي واحد صاحبو في حي بعيد

بيدق في الباب

لاحظ أنو في واحد قدام البيت المقابل

قاعد يغسل في العربية بتاعتو

عمك خلى دقديق الباب

وبقى متابع ليك غسيل العربية

وبي تركيز شديد

شوية كدا وقام قطع الشارع

مشى ليك للزول البيغسل في العربية

وبمنتهى الجدية نهروا ليك

انت أعمى

الحتة دي

دي

ما شايفها

ما تديها صابون









ـ

[حاتم مرزوق]

ـ



وألذ حاجة انو التحشر دا ما عنده معيار

ولا عنده حد

يعني مثلاً الزول ممكن يتحشر في حاجات أخوه

واللا صاحبه

واللا ان شاء الله ود جيرانهم

لا

دا تحشر عام

بلا حدود

تكون في الباص

تفتح الجريدة

تلقى واحد بتاوق معاك فيها

واللا تكون شايل ليك كتاب

يقول ليك كدي أقلب الكتاب خلينا نشوف إسمه شنو ؟

طيب انت مالك ومال الكتاب

دي مكتبة ؟

ما يمكن الكتاب ال..... ؟

ولا كأنك بتقول في حاجة





ديل واحد منهم مشى لي واحد صاحبو في حي بعيد

بيدق في الباب

لاحظ أنو في واحد قدام البيت المقابل

قاعد يغسل في العربية بتاعتو

عمك خلى دقديق الباب

وبقى متابع ليك غسيل العربية

وبي تركيز شديد

شوية كدا وقام قطع الشارع

مشى ليك للزول البيغسل في العربية

وبمنتهى الجدية نهروا ليك

انت أعمى

الحتة دي

دي

ما شايفها

ما تديها صابون









ـ


والعجب يا عمو فى المقابر

إثنين بيحفرو وسبعين واحد للتنظير - سيب دى أحفر هنا وسع الحتة دى - جيب طينة يا ولد - أطلع إنت - أنزل إنت مع أن الذين يحفرون القبور لهم خبرات كبيرة فى الحفر ..


مثال آخر فى التربية و سبعين واحد يربى معاك ولدك -

الأب : ما تمشى تلعب الليلة
العم : امشى ألعب شوية وتعال
الخال : سيبك من اللعب أمشى خش جوة
الجيران : تعال يا خالد ماش وين

يعنى الولد يطلع مجهجه ما يعرف يمشى على كلام منو وبعد داك يحس بأن كل هذا التِحشر عادى ويستمر فى التِحِشِر ..

[عمو 75]

ـ




العجب كمان التحشر في الامور الشخصية

واحد يجي يقول ليك ياخ انت مقصر مع ناس فلان ديل

ليك كم زمن ما مشيت ليهم ليه

لمن يخلعك

لأنك يا دوبك انت جايي منهم

وخد بعد داك الغلات

لالا ما مشيت

ياخ والله أنا هسي جايي منهم

لا لا ما مشيت

انت مراقبني ياخ ؟








وأغرب محاولة للتحشر لاقتني مؤخراً

بكل بجاحة واحدة من الاهل أدتني تلفون

أقل من دقيقة

ألو .. معليش يا عمو

عايزاك تتصل شوية

جداً

أقفل

اتصل

ألو

حق الله بق الله

اكتر من عشر دقايق وأنت عايز تعرف الموضوع شنو

تسألها

أبداً والله أنا عرفت أنو أنت قلت ما عايز تطهر بتك دي

أنت عايز تطلعها معقدة واللا شنو ؟

من الخلعة ما تعرف تتكلم ذااااتو

يا بشر

البت دي عمرها لسه ما تم شهر

بعدين انتي مالك ومالها

بعدين ما تخطبيها لي ولدك

ثم والاهم

انتي بناتك الفتوات ديل هسي طهرتيهم

واللا ما طهرتيهم



مالك علي بتي ياخ








ـ

[ودسمير]

التحشر سببه الفراااااااااااااااااااااااااااااااااغ ...

ونحن للاسف شعب محتار كيف يملا اوقات فراغه !!

[مولانا جلال]

نعم نحن شعب متحشر ومرات بنتحشر فى حاجه بدون مايكونوا البتكلموا عاوزننا نتحشر على فكرة نحن من شدة تحشرنا بندور الناس يتحشروا معنا والله جد فى نوع من الناس تلقاه بيتكلم مع واحد وكل كلمة يرفع راسوا بعاين ليك انت ماعندك علاقه بكلاموا ماتعرف بيقصد شنو يعنى عاوز يقول لى رائك فى كلامى للشخس ده شنو ومرات بنتبرع بالتحشر برانا قبل ساعه انا وزوجتى جايين من دكتور فى واحد من الاحياء قالوا شاطر طلعنا منو ومعانا ولدى الصغير ركبنا ركشة بس دقيقة وبتاع الركشة بدا الحكاية 0والله الدكتور ده شاطر خلاص لكن مابيعالجك الا وهو سكران مرة انا جبت ليهو ابوى لقيت ليك القزازه بتاعت العرقى تحت التربيزه قلت ليهو يادكتور انا شامى رئحة عرقى قال لى اى انا لومابسكر بعالج ابوك والله زول شاطر احسن من حقين السوق ) ووصلنا البيت

[امال مالك]

زمان كان الواحد لما يتحشر غى كلام ينط واحد ويقول ليه ماتتحشر البتحشر بودوا بحشر
يااااااااااااااااريت اى واحد الان يتحشر يحصل بحشر

[samia]

فعلا زمان لما الواحد يتحشّر بقولوا ليه - سألتك ياحشرة يامنتشرة؟ نعوذبالله من التحشر الافي وقت الضرورة وللمصلحة

[ريمون]

انا ما حادافع عن تحشر السودانيين لكن لو راجعنا اسبابه بنلقاها السبب الاساسي فيها نحن ذاتنا والتربيه المشتركة والاسره الكبيره والمجتمع المفتوح و.. و ....
يعني الواحد لما يلقي حاجه بستلمها طوالي كأنها حقتو بحسن نيه ..
بس المفروض نحاول نهذب الحاجه دي لكن في الاصل هي نوع من المشاركة ..
الكلام كتير لكن اظن وجهة نظري وصلت ..
احكي ليكم حاجه ..
لما اولادي كانوا صغار كنت ساكنه بره مدني لظروف عمل ابوهم وما كنت بعرف الناس كويس ..
وبحكم تربية الدرجة ما عندنا علاقة وطيدة مع الشارع واللعب في الشارع ..
المهم .. ما كنت بخليهم يطلعوا يلعبوا بره الا وانا حارساهم ..
جاتني جارتي وهي كبيره في السن نهزرتني ليك جنس نهزره ..
خلي اولادك يطلعوا الشارع زي ما عاوزين ليه تحبسيهم , كلام كتيييير ..
خليتها لما فشت روحها وقلت ليها مافي مشكله ..
بلعت لسانها ومشت ..
اها ما تحشر ..؟؟!!
لكن ما زعلت منها بس ضحكت لاني عارفاها حسنة النيه وحاسه بان الحالة واحدة ..

[بت أم درمان]

اي السودانين حشريييييييييييييييييييييييين ومتحشرين وبتحشروا
في اي شي
والتنظير دا حقهم
وبدون هوادة

وانا زعلانة منهم كتير كتير

تخـــــــ ريمة في شكل حشرية : عثمان جلالة قالوا امه وصلت من السودان بالسلامة ولا في زول منكم حمد ليهو السلامة لوم السوااااااد :o

[حاتم مرزوق]

التحشر سببه الفراااااااااااااااااااااااااااااااااغ ...

ونحن للاسف شعب محتار كيف يملا اوقات فراغه !!


هذا جزء كبير من المشكلة أخى ود سمير ضف على ذلك نوعية التربية التى ليس فيها خصوصية بحكم أننا نعيش كأسر ممتدة فى بيت واحد والكل له الحق فى معرفة جميع تفاصيلك ولو كانت شخصية ولا يجدون حرجاً فى مناقشة أدق تفاصيل حياتك وعلى الملأ ولكنى أجد أمور كثيرة قد تغيرت حالياً بعد أن إستقلت الأسر الصغيرة واصبح إجتماعها فى البيت الكبير فى نهاية الأسبوع .

[حاتم مرزوق]

نعم نحن شعب متحشر ومرات بنتحشر فى حاجه بدون مايكونوا البتكلموا عاوزننا نتحشر على فكرة نحن من شدة تحشرنا بندور الناس يتحشروا معنا والله جد فى نوع من الناس تلقاه بيتكلم مع واحد وكل كلمة يرفع راسوا بعاين ليك انت ماعندك علاقه بكلاموا ماتعرف بيقصد شنو يعنى عاوز يقول لى رائك فى كلامى للشخس ده شنو ومرات بنتبرع بالتحشر برانا قبل ساعه انا وزوجتى جايين من دكتور فى واحد من الاحياء قالوا شاطر طلعنا منو ومعانا ولدى الصغير ركبنا ركشة بس دقيقة وبتاع الركشة بدا الحكاية 0والله الدكتور ده شاطر خلاص لكن مابيعالجك الا وهو سكران مرة انا جبت ليهو ابوى لقيت ليك القزازه بتاعت العرقى تحت التربيزه قلت ليهو يادكتور انا شامى رئحة عرقى قال لى اى انا لومابسكر بعالج ابوك والله زول شاطر احسن من حقين السوق ) ووصلنا البيت


تعرف يا شيخ جلال فى مناطق فى السودان يشتهر اهلها بالشمارات والتحشر ولا أريد أن اذكر البلد لكنى اذكر قصة تعبر عن تحِشِر اهلها:

كان فى واحد بيبيع شاى فى محطة القطار وفى يوم من الأيام إنكسر القطر ليلاً فى المحطة بتاعت المنطقة دى وكان الجو باردا جداًوأصبح الرجل ما ملاحق جاب الحلل الفى البيت والصفائح وما فى ماعون ما جابو المهم الليل كله يبيع فى الشاى وعندما خلّص بيع الشاى كان الفجر قد أذن المهم لملم العدة وماشى على البيت قابلوه الجماعة الماشين الصلاة فى الشارع وقالوا ليهو والله قالو قالب قلب عجيب أمس :rolleyes:

قال ليهم متين بس جاتكم الأخبار دى :cool:

[ود المطامير]

تحشر بالطريقه الصاح
قال ليك والله أعلم

على متن قطار كان فى رجل وإبنه يجلسان ويقابلهما رجلان
وكان الإبن الشاب فى العشرينيات من العمر يجلس بالقرب من النافذه

وكان يهتف فى والده ، أبى ما هذا ؟ فيقول له شجره ، أبى ما هذا
فيقول له شمس وكثرت الأسئله من الإبن ووالده يجيب بكل سرور

الرجلان اللى يجلسان فى مقابلهما مستغربان
وعندما إقترب القطار من المحطه وهمّ الناس بالنزول
إنحنى أحدهما على الوالد وقال له

_ إبنك هذا يحتاج للذهاب إلى المستشفى
فأجابه الوالد بكل سرور

_ نحن اليوم طلعنا من المستشفى بعد أن إسترد إبنى نعمة البصر لأول مره فى حياته

[حاتم مرزوق]

تحشر بالطريقه الصاح
قال ليك والله أعلم

على متن قطار كان فى رجل وإبنه يجلسان ويقابلهما رجلان
وكان الإبن الشاب فى العشرينيات من العمر يجلس بالقرب من النافذه

وكان يهتف فى والده ، أبى ما هذا ؟ فيقول له شجره ، أبى ما هذا
فيقول له شمس وكثرت الأسئله من الإبن ووالده يجيب بكل سرور

الرجلان اللى يجلسان فى مقابلهما مستغربان
وعندما إقترب القطار من المحطه وهمّ الناس بالنزول
إنحنى أحدهما على الوالد وقال له

_ إبنك هذا يحتاج للذهاب إلى المستشفى
فأجابه الوالد بكل سرور

_ نحن اليوم طلعنا من المستشفى بعد أن إسترد إبنى نعمة البصر لأول مره فى حياته


قصة تبكى يا ود المطامير لكن هل تعتقد أنهم فهموا الدرس ؟ بينى وبينك بكونوا قالو ليه رجعوا المستشفى تانى :cool:

نفس قصة الرجل الذى قتل كلبه !!

عندما رأى الكلب وفى فمه دم فظن أن الكلب قد عض البنت فقام بقتله وبعد و بعد شوية إتضح أن البنت بخير بعد أن فاجأها ثعبان وهى تلعب فقام الكلب بالتصدى للثعبان وقتله وأنقذ البنت من موت محقق ..

مشكور يا عروة الجميل ..

[حاتم مرزوق]

زمان كان الواحد لما يتحشر غى كلام ينط واحد ويقول ليه ماتتحشر البتحشر بودوا بحشر
يااااااااااااااااريت اى واحد الان يتحشر يحصل بحشر

بحشر يشيل منو ويخلى منو يا امال ...

[حاتم مرزوق]

فعلا زمان لما الواحد يتحشّر بقولوا ليه - سألتك ياحشرة يامنتشرة؟ نعوذبالله من التحشر الافي وقت الضرورة وللمصلحة


طبعاً فى ناس بيحرجوا المتحشرين ديل طوالى يا سامية وديل الناس القادرين على وقف التحِشر لأنه إذا سمحت للزول يتدخل فى امورك الخاصة يوم بتلقاه إستلمها بالنيابة عنك :cool:

[حاتم مرزوق]

انا ما حادافع عن تحشر السودانيين لكن لو راجعنا اسبابه بنلقاها السبب الاساسي فيها نحن ذاتنا والتربيه المشتركة والاسره الكبيره والمجتمع المفتوح و.. و ....
يعني الواحد لما يلقي حاجه بستلمها طوالي كأنها حقتو بحسن نيه ..
بس المفروض نحاول نهذب الحاجه دي لكن في الاصل هي نوع من المشاركة ..
الكلام كتير لكن اظن وجهة نظري وصلت ..
احكي ليكم حاجه ..
لما اولادي كانوا صغار كنت ساكنه بره مدني لظروف عمل ابوهم وما كنت بعرف الناس كويس ..
وبحكم تربية الدرجة ما عندنا علاقة وطيدة مع الشارع واللعب في الشارع ..
المهم .. ما كنت بخليهم يطلعوا يلعبوا بره الا وانا حارساهم ..
جاتني جارتي وهي كبيره في السن نهزرتني ليك جنس نهزره ..
خلي اولادك يطلعوا الشارع زي ما عاوزين ليه تحبسيهم , كلام كتيييير ..
خليتها لما فشت روحها وقلت ليها مافي مشكله ..
بلعت لسانها ومشت ..
اها ما تحشر ..؟؟!!
لكن ما زعلت منها بس ضحكت لاني عارفاها حسنة النيه وحاسه بان الحالة واحدة ..


تعرفى يا ريمون مرة لقيت واحد متحيّر ! قال لى أنا ما عارف الولد دا أبوهو أنا ولا أبوهو فلان دا ؟؟ فلان دا جاره .. تعال يا حمادة جيب لى كدا .. يا حمادة أمك طابخة شنو الليلة .. يا حمادة قريت ولا لسة .. يا حمادة إشتروا ليك هدوم العيد ولا بكرة ؟ طيب غشتريتو خروفكم بكم ...

انا لو محل الزول داك كان جبت ليه ولد بالتبنى يخدمه :cool:

يعنى حالة ما محتملة أبدا

[مايسة]

ما هو الفرق بين التحشر والشمار

تكون بتتكلم في التلفون الجبنك يقول ليك بتتكلم مع منو :confused:

[بت أم درمان]

ما هو الفرق بين التحشر والشمار

تكون بتتكلم في التلفون الجبنك يقول ليك بتتكلم مع منو :confused:


كان قال ليك افتح الاسبيكر خلينا نسمع مش اسحن ;)

[حاتم مرزوق]

ما هو الفرق بين التحشر والشمار

تكون بتتكلم في التلفون الجبنك يقول ليك بتتكلم مع منو :confused:

أو قال ليك شنو ..

[حاتم عمر]

غايتو انا اتخيل لي انو دي طيبة شديدة وسذاجة (ذي ما كتب محمد الجزولي عن طيبة السودانيين) لكن اذا كانت بالحجم دة مرفوضة مرفوضة ، بعدين يا حاتم انت ما شفت تحشر الاخوة الصوماليين مبااااالغة كدي اسال منها عبدة وعمو ، زمان كان معانا واحد صومالي لما نحس بيهو جاي علينا بنقوم جاريين جري لانه ح يسالك 45 سؤال في خلال خمس دقائق وحتى لو كنا فاتحين موضوع (توووف) يخش في الموضوع بصراحة انا بعتبرها كوميديا وبقعد اضحك ومش كدة وبس مرات (بكوس ) ليهو عشان اغير بيهو جو ..........