المساعد الشخصي الرقمي

مشاهدة النسخة كاملة : يــاك عكاز عمايا


صلاح ودالطاهر
12-10-2011, 12:44 AM
انـت لــمـا خـلاص كـبـرتـا دار تسيبني أعيش برايا ..
دار تـفـارقـني وتـسـافــر والـحــزن يصـبــح جـزايا ..
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
مـاني عــارفـي سـبــب رحـيلك يـا وليدي شنو الحكاية ..
إلا تبـقي بـــراك شــايـف فـي فــــراق الــوالــدة غـايـه ..
ما بعاتبك وما بلومك لو رحلت بلـقي في الأمثال عزايا ..
عـلـي حـجــر دايـمـاً قليـبـك وقليـبـي كـله عليـك جنـايا


http://www.youtube.com/watch?v=n9OxayxgVG4
نزار حسن محمد
12-10-2011, 01:05 AM
غايتو ياود الطاهر الله اديك الصحه والعافيه
وياك الزول الثمح الفات الكبار والقدره
ريمون
12-10-2011, 02:01 AM
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
ريمون
12-10-2011, 02:03 AM
اتمني لكل عازب ان يتزوج ولكل متزوج ان يرزق اطفالاً ..
حتي ولو تركوك وذهبوا ..
هم الدنيا كلها ..
حاتم مرزوق
12-10-2011, 09:53 AM
عكاز عمايا تعبير فى غاية البلاغة والأنس وفيها قوة غير عادية فى التعبير وهذه القصيدة تعبر عن ملكة لغوية بديعة تؤكد أن لغتنا المحلية ليست بأقل إبداعاً من العربية الفصيحة ويمكن أن تتفوق عليها فى كثير من الأحيان وهكذا تتراقص التعابير طلاوة وبهاء ،شـوفتـك دوايا ، حنـك روايا ، ضُـلـي وضرايا ، إنـت للـمـكشـوف غطايا وهكذا ..

مشكور عمدة النفاج على هذه اللقطة و اقـســمـلـك غـتـايا .
بحيرى
12-10-2011, 10:00 PM
رضاك وعفوك يا امى ....

شكراً عمدتنا وعمدة المنتدى كلو .....
محمد الجزولى
15-10-2011, 09:30 PM
اكتب ليك
رسالة طويله بى دمى
اقالدك فيها يا امى
واضمـك ساعة فى حضنى

وحاتك لا بخط عنوان
ولابكتب اسم انسان
وما برمى الجواب فى بريد
وما بديهو لى زولا
كمان فى الايد

كفايه اقيف
وانقش فى جناح الريح
كلامى الدايرو يوصل ليك

وازيدك فى الكلام تسبيح
يخلى الريح تترتر
فى المسافه عروس
تحيل كل الصحارى بروش
مضفره بى سعف بلدى
وملونه بى مشاعرى اليك
يا امــى
خالد علونى
15-10-2011, 09:46 PM
عمدتنا ....
دعونا ننحني إجلالاً وتقديراً لكل أمهاتنا ...






وبي مناسبة إنو الحج قريب ... رايكم شنو في مشروع حج لكل أمهاتنا ...
صلاح ودالطاهر
15-10-2011, 10:40 PM
غايتو ياود الطاهر الله اديك الصحه والعافيه
وياك الزول الثمح الفات الكبار والقدره

يا نزار ودحسن هذه الاغنيه تعمل فيني العمائل ربنا يرحم جميع الامهات الاحياء منهم والاموات لا زوجاتنا مثل امهاتنا ولا نحن ذي اباءنا
صلاح ودالطاهر
15-10-2011, 10:40 PM
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا

نعم ريمون هذه من اكثر الابيات تاثيرا
صلاح ودالطاهر
15-10-2011, 10:42 PM
عكاز عمايا تعبير فى غاية البلاغة والأنس وفيها قوة غير عادية فى التعبير وهذه القصيدة تعبر عن ملكة لغوية بديعة تؤكد أن لغتنا المحلية ليست بأقل إبداعاً من العربية الفصيحة ويمكن أن تتفوق عليها فى كثير من الأحيان وهكذا تتراقص التعابير طلاوة وبهاء ،شـوفتـك دوايا ، حنـك روايا ، ضُـلـي وضرايا ، إنـت للـمـكشـوف غطايا وهكذا ..

مشكور عمدة النفاج على هذه اللقطة و اقـســمـلـك غـتـايا .

اخي حاتم تعرف اهلنا الشوايقه لهم كلام عجيب فتجدهم في قصائد الغزل وتجدهم في قصائد الرثاء وقوة شعرهم نابته من قوة ترابطهم وتاثيرهم بالبيئة التي يعشون فيها
صلاح ودالطاهر
15-10-2011, 10:43 PM
رضاك وعفوك يا امى ....

شكراً عمدتنا وعمدة المنتدى كلو .....

الله يديك العافيه ويتقي ويوقيك ويجعل البركه فيك
صلاح ودالطاهر
15-10-2011, 10:44 PM
اكتب ليك
رسالة طويله بى دمى
اقالدك فيها يا امى
واضمـك ساعة فى حضنى

وحاتك لا بخط عنوان
ولابكتب اسم انسان
وما برمى الجواب فى بريد
وما بديهو لى زولا
كمان فى الايد

كفايه اقيف
وانقش فى جناح الريح
كلامى الدايرو يوصل ليك

وازيدك فى الكلام تسبيح
يخلى الريح تترتر
فى المسافه عروس
تحيل كل الصحارى بروش
مضفره بى سعف بلدى
وملونه بى مشاعرى اليك
يا امــى

يا سلام عليك ياود الجزولي يارائع والام تستحق اكثر واكثر
صلاح ودالطاهر
15-10-2011, 10:44 PM
عمدتنا ....
دعونا ننحني إجلالاً وتقديراً لكل أمهاتنا ...






وبي مناسبة إنو الحج قريب ... رايكم شنو في مشروع حج لكل أمهاتنا ...

اقف معك بشده ونسأل الله التوفيق للجميع
بدر الدين محمد
17-10-2011, 04:47 AM
حنية حنية كلام ممزوج بي حنية وصدق