يفاجىء الركاب بوجوده بينهم دون حرس

[بابكر]

http://www.m5zn.com/uploads2/2011/10/15/photo/101511091015jgr8az4kiecyqmhjary.jpg

دون أن يرافقه أحد من حراسه


فوجئ ركاب المترو في دبي بوجود نائب رئيس دولة الإمارات رئيس مجلس الوزراء حاكم دبي، الشيخ محمد بن راشد آل مكتوم، في إحدى عربات المترو متوجهاً من معرض جيتكس إلى منزل أحد أعيان المدينة.
وكان اللافت أن الشيخ محمد بن راشد آل مكتوم لم يصطحب معه أحداً من معاونيه أو حراسه، بل شوهد يقف وحيداً طوال الرحلة، وحازت الصورة الملتقطة على نسبة تعليقات كبيرة في مواقع التواصل الاجتماعي وأجهزة البلاك بيري.

عندنا حتى الغنايين الجرابيع بقى عندهم بودى غارد سبحان الله !!!

[مايسة]

ياخ ديل بوزعو القروش للشباب وبعرسو ليهم
وبدوهم فلل مش بيوت -

يعني ليهو حق يمشي في الشارع
وما معاهو ولا حارس

حليل السودان الماعندو وجيع

[آلاء عبد الرحمن]

والله الجماعة ديل ربنا يحفظهم

ناسنا في الشارع ساي مابقدرو يمشو براهم

[بت أم درمان]

الناس ديل الشعب بحبهم لانهم مالين ليهم عيونهم وخشومهم وجيوبهم

[المسافر]

كده شوفو ناس نافع الواحد بمشي من الخرطوم لغاية مدني بطيارة
وعايزة إستقبالات حاشدة وده كلو عشان يجتمع بناس حزب المؤتمر
السجمي ويقول ليهم نحن مستهدفين وأمريكا عايز تدين السودان . . .

أها شفتو الفرق شنو ؟

الله يأخدهم أخذ عزيز مقتدر

[ود المطامير]

الشيخ محمد بن راشد ال مكتوم
والله هو فارس لا يشق له غبار

فى ميدان سباقات الخيول تجده يمشى بين الجمهور
أكتر من جلوسه على المنصه الفاخره

وفى سباقات الهجن والله الحق أيام عملى فى تلك المنطقه
كان عامل ليهو راكوبه بس وكانت مهمتنا تجعلنا مرافقين له

والكثير الكثير الذى يجعلك تحبه لله فى الله لأنه يبحب السودانيين
متعه الله بالصحه والعافيه آمين يا رب العالمين

[نزار احمد كوارتي]

ياخ ديل بوزعو القروش للشباب وبعرسو ليهم

وبدوهم فلل مش بيوت -


يعني ليهو حق يمشي في الشارع
وما معاهو ولا حارس



حليل السودان الماعندو وجيع





ليه كِده يا مايسا ياخ

هسي انا بس فتحت خشمي قلت داير أعرس ساي الحكومه ما قصرت معاي

هسي أمس ناس البيت لمحو لي كِده إنهم دايرين يعملو الخبيز والفطير خلو خشمي مِلِح وريقي فطير وعقلي يطير

والتور بقي بي مرتب دكتور (عشان كِده داير أتسلف مُرتب هِنايه الشهر ده).

[مايسة]

ليه كِده يا مايسا ياخ

هسي انا بس فتحت خشمي قلت داير أعرس ساي الحكومه ما قصرت معاي

هسي أمس ناس البيت لمحو لي كِده إنهم دايرين يعملو الخبيز والفطير خلو خشمي مِلِح وريقي فطير وعقلي يطير

والتور بقي بي مرتب دكتور (عشان كِده داير أتسلف مُرتب هِنايه الشهر ده).



كر على -
هو انت لسى شفته حاجة
لامن تمشي هناك بتعرف الباقي