ابيض واسود ومرات رمادي .... الامساك بالعصاء من النصف

[الجندي المجهول]

نحن بني البشر متقلبي المزاج وهذا بلا شك طبع اساسي في البشر ، ولا نلوم عليه احداً في ذلك بسبب تغير الظروف والزمان والمكان والمتغيرات الكثيرة التي هي من حولنا .. ولكن .
هنالك ثوابت ومبادئي وبغض النظر عن (حجمها ونوعها) فهي في بعض الاحيان تحتاج لموقف (ابيض ) أو (اسود) ، ولكن نحن بصفة (خاصة) السودانين مرات نميل (للرمادي) لمنع الحرج ، يعني بالدارجي (بنمسك العصاية من النص) هل هي دبلوماسية أم ضعف ام بعض المواقف (قد تتطلب) منا التعامل باللون الرمادي ...
هل انت من انصار اللون الرمادي (في بعض الاوقات) ؟ ولماذا ...

أم تفضلها يا ابيض يا اسود ...

تخريمة : من اراد الاستمتاع بالجمال يزور بوست في الثقافي اسمه (صباح مساء الجمال)

http://wadmadani.com/vb/showthread.php?t=43175&p=638215#post638215

مع خالص الود

[Isam Hussien H]

يا حبيب شوق لكم من القلب .. مسك العصا من النص دي حاجة ما عندها معنى حين يكون الأمر إختلاف جوهري في التوجهات .. ممكن تمسكها من النص أحياناً عندما يخرج من دائرة الجوهر بشرط أن لا يكون الأمر بضار لأحد والقصد شريف لا خبث فيه وبغرض الإصلاح أو الوصول ولأغراض إيجابية ..

[مدنيّة]

عارف يا الجندي
مشكلتي انا في الدنيا دي
انه ماعندي اللون الرمادي
ياابيض يااسود (ياقول عادل امام)
والحاجة دي بتعمل لي مشاكل كتير مع الناس
لاني مابعرف اجامل
بالذات في الشغل
وحاة الله يخربي في الدبلوماسية
بجنبها ما بجي مارة ياخ

--------
شكرا يا الجندي

[الجندي المجهول]

يا حبيب شوق لكم من القلب .. مسك العصا من النص دي حاجة ما عندها معنى حين يكون الأمر إختلاف جوهري في التوجهات .. ممكن تمسكها من النص أحياناً عندما يخرج من دائرة الجوهر بشرط أن لا يكون الأمر بضار لأحد والقصد شريف لا خبث فيه وبغرض الإصلاح أو الوصول ولأغراض إيجابية ..

الحبيب تكعيب ... تحياتي وشوقي
اتفق معك تماماً ( وبدون زيادة أو نقصان)

[الجندي المجهول]

عارف يا الجندي
مشكلتي انا في الدنيا دي
انه ماعندي اللون الرمادي
ياابيض يااسود (ياقول عادل امام)
والحاجة دي بتعمل لي مشاكل كتير مع الناس
لاني مابعرف اجامل
بالذات في الشغل
وحاة الله يخربي في الدبلوماسية
بجنبها ما بجي مارة ياخ

--------
شكرا يا الجندي


العمة تحياتي ،،، وصباح الجمال
فعلاً الامور (في العمل) لا تتحمل (المجاملة) ولكن نحن كسودانين قد نجامل على حساب ( انفسنا) بغض النظر عن نوع المجاملة .. ولكن تركيبتنا هكذا مبنية على (المجاملة) وكان ما جاملت يقولوا عليك (ثقيل) ...
تخريمة : عندي اقتراح بعد الدعاية الانا عملتها فوق دي وحا تجيب حقها لان البوست يستحق ( رايك شنو بعد ما الناس تخش وتعرف الحاصل وتدمن الدخول - نخلي الدخول بي الف/القديم) والبنص أو بالشنقيطي أو الوادي زي ما يعجبك ( بعجبني)

[بت أم درمان]

اللون الرمادي جميل في الالوان
ولكنه غير جميل في المعاملة والتعامل بين الناس


تخريمة : قالو الجندي ترك البنيان وتوجه الى الدعاية والاعلان
والدليل ترك اعرش على كدا مع ملاحظة حملة الدعاية لبوست العمة في الثقافي

[الجندي المجهول]

اللون الرمادي جميل في الالوان
ولكنه غير جميل في المعاملة والتعامل بين الناس


تخريمة : قالو الجندي ترك البنيان وتوجه الى الدعاية والاعلان
والدليل ترك اعرش على كدا مع ملاحظة حملة الدعاية لبوست العمة في الثقافي

بتنا بت امدرمان
تحياتي ،،،
بكل تاكيد لا ابرر (التعامل الرمادي) ولا احبه ولكنه يفرض عليك فرضاً في بعض الاحيان ..

رد التخريمة : انتهيت من العرش الايام دي بضرب في البوهية (هههههه)

واعرش على كدا