نزار احمد كوارتي
31-10-2011, 02:40 AM
شُفَع خالتي حناكيش شويه كِده, نظام الأولاد وِلادة وتربية بحري, أولاد عمهم طوالي ما بمرقم من البلد إلا الشديد القوي.
ونِحن راقدين في نُص الحوش بعد ما شرِبنا شاي المُغرب والجو من النوع بتاع المِلايات تهبهِب داك, أولاد خالتي قاعدين بِتناقشو في موضوع حساس جداً وراقِد جنبهم واحد من أولاد عمهم النزلو اللوري من الشماليه قبل شوييييييه داك, انا راقد بعيييييد منهم مره أسرح ومره أتصنت ومره تغلبني القِرايه, اهااااااا النِقاش إحتدَّ بيناتمُ لي درجة التفوه بي كلمات من شاكلة (إنت ما ناقش أيي حاجه و والله إنت طلعت وَهَم ساي وزوقك ما راقي وما عارف شنو وشنو)
انا والكاشِف أخوي الراقِد جنبهم داك ساكتييييين وقاطعين الحركه وبيني وبينكم انا ثقافتي وعلاقتي بي الحاجه الكانو بتناقشو فيها دي زي علاقة حبوبة صاحبي ود المطامير بي الكمبيوتر (طبعاً انا حبوبتي قَرَّت ابو النور كَم سيميستر كِده ما عارِف والمغالطني يسأل بحيري صاحبو, كان بشوفها في الجامعه لمن يمشي يوصل بِت جيرانُم, هي!!! عفواً أقصد صاحبو)
ما علينا
أهااااااا
والنِقاش مُحتد’ ده شابكو ليك هاني شاكِر, وداك شابكو ليك كاظِم الساهِر ولا حماده بِت (طبعاً ما داير أقول حماده هناي حِفاظاً علي علاقاتي مع مدنيه وكِده) وما خلو ليهُم إسِم غُنيه ما إتغالطو فيها والحِجه قالعه والعلاله في السماء وشيلك خُتَّك شِيلك خُتَك ود عمهُم صمَتَ دهراً ونطقَ كُفراً
قال ليهُم هوي يا جِنيات الغُنا مووو عِن عَمَكُم النعام الضَكَر.
طبعاً انا فكيت ليك الضحكه بي طريقه جنونيه كِده لمن هم زاتم إتخلعو, وطبعاً النعام الضكَر ده فنان بِقلِد فنانين الطمبور
وإمكن من الله خلقو ما غنا بره العفاض.
هسي الكلام ده كلللللللللو الجابو شنو؟؟؟
والله العظيم ما خارم بارم ساي أكنكم أصبرو بتفهموا الحاصل شِنو.
واحده مِن مشاكلي القديمه جِداً والمُستعصيه إني ما بعرِف أطقطِق بي يدي اليمين’ وطبعاً الحاجه دي سببت لي مشاكِل كتيره جِداً قبل كِده, أولها لمن فكرته أشتغل كمساري في حافلتنا بتاعة سنكات جبرونا لقيت نفسي ما مؤهل لي للمنافسه في الوظيفه دي, ثانياً أستاذ عموش وأُستاذ صلاح الطاهِر آآآآآآي قُلت أستاذ صلاح الطاهِر سمعوني ما فيه الكفايه في رفِع يدي الشمال في حِصصهُم والعجَب أستاذ حسبو إيييييييييييييك كُنت بخاف ليك منِو جِنِس خوف.
ده كُلو كوم ودِكتور المنصوري كوم براهو لمن قال لي نَزِل رِجلَك الشِمال وأرفع رِجلك اليمين والقاعه كُلها قعدت تضحك فيني.
انا زول أيي زول بِركب معاي في عربيتي أول سؤال بسألني ليه
ياخ إنت عُمرك كم سنه؟؟؟ ده شنو ده ده ياخ؟
انا بستمع لي أغاني قديييييييييييمه وفنانين بتاعين زماااااااااااااااان وجِني طمبور وإلا ما ألقي لي فُرصه بقوم أنطِط قطعته شباشب الدُنيا والعالمين بالنِطيط.
طيب؟!
هسي الواحِد لمن ينزِل من العربيه موش بِكون ماسِك عروسو بي يدو الشِمال زي التقول دايرين يختِفوها منو؟؟؟
وموش بِبشِر بي يدو اليمين؟؟؟
وتيب؟؟؟
هسي دي يحلوها كييييييييييييييييييييييييف؟؟؟
وهسي هنري أخوي ده انا أقول ليه مِن عِصام محمد نور وإنت طالِع, أمِس يقول لي حجزت ليك محمد توم وعلاء الدين صِيره؟؟؟
طيب انا هسي أجبجب ليك كيييييييييييييف؟؟؟
كدي أفتوني يا جماعه هسي دي يحلوها كيف؟؟؟
ونِحن راقدين في نُص الحوش بعد ما شرِبنا شاي المُغرب والجو من النوع بتاع المِلايات تهبهِب داك, أولاد خالتي قاعدين بِتناقشو في موضوع حساس جداً وراقِد جنبهم واحد من أولاد عمهم النزلو اللوري من الشماليه قبل شوييييييه داك, انا راقد بعيييييد منهم مره أسرح ومره أتصنت ومره تغلبني القِرايه, اهااااااا النِقاش إحتدَّ بيناتمُ لي درجة التفوه بي كلمات من شاكلة (إنت ما ناقش أيي حاجه و والله إنت طلعت وَهَم ساي وزوقك ما راقي وما عارف شنو وشنو)
انا والكاشِف أخوي الراقِد جنبهم داك ساكتييييين وقاطعين الحركه وبيني وبينكم انا ثقافتي وعلاقتي بي الحاجه الكانو بتناقشو فيها دي زي علاقة حبوبة صاحبي ود المطامير بي الكمبيوتر (طبعاً انا حبوبتي قَرَّت ابو النور كَم سيميستر كِده ما عارِف والمغالطني يسأل بحيري صاحبو, كان بشوفها في الجامعه لمن يمشي يوصل بِت جيرانُم, هي!!! عفواً أقصد صاحبو)
ما علينا
أهااااااا
والنِقاش مُحتد’ ده شابكو ليك هاني شاكِر, وداك شابكو ليك كاظِم الساهِر ولا حماده بِت (طبعاً ما داير أقول حماده هناي حِفاظاً علي علاقاتي مع مدنيه وكِده) وما خلو ليهُم إسِم غُنيه ما إتغالطو فيها والحِجه قالعه والعلاله في السماء وشيلك خُتَّك شِيلك خُتَك ود عمهُم صمَتَ دهراً ونطقَ كُفراً
قال ليهُم هوي يا جِنيات الغُنا مووو عِن عَمَكُم النعام الضَكَر.
طبعاً انا فكيت ليك الضحكه بي طريقه جنونيه كِده لمن هم زاتم إتخلعو, وطبعاً النعام الضكَر ده فنان بِقلِد فنانين الطمبور
وإمكن من الله خلقو ما غنا بره العفاض.
هسي الكلام ده كلللللللللو الجابو شنو؟؟؟
والله العظيم ما خارم بارم ساي أكنكم أصبرو بتفهموا الحاصل شِنو.
واحده مِن مشاكلي القديمه جِداً والمُستعصيه إني ما بعرِف أطقطِق بي يدي اليمين’ وطبعاً الحاجه دي سببت لي مشاكِل كتيره جِداً قبل كِده, أولها لمن فكرته أشتغل كمساري في حافلتنا بتاعة سنكات جبرونا لقيت نفسي ما مؤهل لي للمنافسه في الوظيفه دي, ثانياً أستاذ عموش وأُستاذ صلاح الطاهِر آآآآآآي قُلت أستاذ صلاح الطاهِر سمعوني ما فيه الكفايه في رفِع يدي الشمال في حِصصهُم والعجَب أستاذ حسبو إيييييييييييييك كُنت بخاف ليك منِو جِنِس خوف.
ده كُلو كوم ودِكتور المنصوري كوم براهو لمن قال لي نَزِل رِجلَك الشِمال وأرفع رِجلك اليمين والقاعه كُلها قعدت تضحك فيني.
انا زول أيي زول بِركب معاي في عربيتي أول سؤال بسألني ليه
ياخ إنت عُمرك كم سنه؟؟؟ ده شنو ده ده ياخ؟
انا بستمع لي أغاني قديييييييييييمه وفنانين بتاعين زماااااااااااااااان وجِني طمبور وإلا ما ألقي لي فُرصه بقوم أنطِط قطعته شباشب الدُنيا والعالمين بالنِطيط.
طيب؟!
هسي الواحِد لمن ينزِل من العربيه موش بِكون ماسِك عروسو بي يدو الشِمال زي التقول دايرين يختِفوها منو؟؟؟
وموش بِبشِر بي يدو اليمين؟؟؟
وتيب؟؟؟
هسي دي يحلوها كييييييييييييييييييييييييف؟؟؟
وهسي هنري أخوي ده انا أقول ليه مِن عِصام محمد نور وإنت طالِع, أمِس يقول لي حجزت ليك محمد توم وعلاء الدين صِيره؟؟؟
طيب انا هسي أجبجب ليك كيييييييييييييف؟؟؟
كدي أفتوني يا جماعه هسي دي يحلوها كيف؟؟؟