صندوق دعم مناسبات خاص باعضاء المنتدى

[الجندي المجهول]

السلام عليكم ورحمة الله وبركاته ،،،
طالما الحياة ماشة باذن الله والناس هنا اجتمعوا لاهداف سامية ونبيلة والغالبية العظمى بتعرف بعض (شخص شخص ، ونفر نفر ، وزول زول) اقترح بعمل (صندوق لدعم مناسبات اعضاء المنتدى)
على ان يتم عمل جمعية عمومية للاتفاق على المناسبات التي يتم دعمها ....مثل
1/ الزواج
2/العلاج الملكف (طريح بفراش المستشفى ) مثلا
3/ الوفاة (لاقدر الله)
وهكذا
الخ ..
وكيفية التنفيذ على ان يشمل هذا الدعم ( العضو وافراد اسرته من الام والاب /فقط) وللجميع الحرية في الدلو بدلوهم وطرح ما هو مناسب ...
ولا ننسى ايضا ان يكون الاشتراك الشهري ( رمزي ) بحيث لا يتجاوز (5 - 10 ) الف (بالقديم) لكن شوفوا المبلغ دا لم يتفاعل الاعضاء ( مثلاً 100 عضو ) ضرب 10 الف = (مليون) ولو ( 5 الف) = ( نص مليون) ويمكن شهر شهرين او اكثر يكون مافي مناسبة ويزيد الرصيد وهكذا

فقط اتمنى ان يكون الاشتراك رمزي حتى يتفاعل الجميع في ظل هذه الظروف (الصعبة)

ادفع (5 الف) شهرياً وتكون مستحق لدعم صندوق المناسبات ....

الشروط ( اعتقد مافي اسهل من انك تكون عضو فعال )

اتمنى من الجميع المشاركة في هذا الطرح ،،، الذي يعود على الجميع بالفائدة المرجوة
والله من وراء القصد

[مدنيّة]

شنو يا الجندي ياخ
وين حقوقي انا! ):

---------
ندعم ونساند الفكرة بكل مااوتينا من قوة

[ريمون]

مشروع الصندوق الخيري المقترح من قبل الجمعية بدعم نفس الفكرة ..
يلا نفعل الكلام ده ..
ومن هسه الاعلام للموضوع ده عليك ..

[ساريه]

كلام ميه ميه يا الجندى ....


موافقين ومساندين ....


الامانة الاجتماعية شدى حيلك ونفذى هذا المقترح ونبدأ من الان ...........

[abomazeen]

مشروع الصندوق الخيري المقترح من قبل الجمعية بدعم نفس الفكرة ..
يلا نفعل الكلام ده ..
ومن هسه الاعلام للموضوع ده عليك ..



وعليك إنت كمان يا أخ ريمــون

[abomazeen]

معاااكم ... لي قدام

[آلاء عبد الرحمن]

معكم باذن الله

:)

[مصطفى هاتريك]

مافي كلام يا الجندي

والله العظيم أنا صوتي إنبح في المكتب التنفيذي لتفعيل هذا المقترح

يلا خطوة عملية كده و عايزين مقترحات حول كيفية السداد و مسئولية التحصيل

أنا بقترح نجعل على كل مدينة مسئول عن تحصيل الإشتراكات : مثلا

جده ...... الجندي المجهول

مدني ..... عمر الماحي

الخرطوم .... مدنية

أبو ظبي ..... موودي

الدوحه .... عصام حسين

وو وهكذا

[سلمي ابوالكيلك]

والله فكرة جيدة خالص ويلا نحققا سواء

[الجندي المجهول]

ياخ دا كلام جميل جمال طباعكم واخلاقكم

واجمل ما في الموضوع ان الرسوم ( بسيطة حتى يتفاعل الجميع بدون فرز)

فقط 5 -10 الف شهرياً

ولكن شوفوا معاي المبلغ دا لما يندفع من 100- 200 شخص بيساوي كم

زمان قلت ليكم قوتنا في وحدتنا ....

ونحن نلتقي هنا لنرتقي لنساعد بعضنا البعض

لنعيش هموم بعض ونواسي بعض

ونفرح مع بعض

بكل بساطة

اخرها كوووم تراب

ولن نحمل معنا غير (الكفن)

وهو زاتو من غير (جيوب)

اللهم اسالك حسن الخاتمة يا واحد يا احد

نسال الله ان يوفقنا لما فيه الخير للجميع (بدون فرز)

يلا يا اعضاء لا تبخلوا على انفسكم ( ببرنامج) هادف وطموح يلبي احتياجات الجميع ،،،

واليد الواحد ما بتصفق
وعاوزين باسرع فرصة نبدا البرنامج دا
ونسال الله النجاح

وتقبلوا تحياتي ،،،،،

[Isam Hussien H]

جندي ندعم الفكرة بقوة ..

[Amin Idries]

فكرة ممتازة جدا و ندعمها بشدة بس ان شاء الله تتنفذ و ما تكون تعليقات جميلة ساي و عشان البداية تكون جادة أنا بقترح تكوين لجنة لوضع لائحة تنظيمية و ترسل لمن ذكرهم الأخ هاتريك في المدن المختلفة لتوزيعها للأعضاء و تحديد فترة زمنية لإنجاز كل ذلك و بالتوفيق إن شاء الله

[mohd saeed magazoub]

نحن كتاااااار وهدفنا واااااحد ...

[ahmed algam]

قول 12

اها يلا ياشباب

فكرة رائعة جدا

ندعم وبقوة ان شاء الله

[ahmed algam]

عشان الفكرة

ماتموت لازم نبداء

[مايسة]

أكيد معاكم

[عنكوليب]

عيونا ليكم والله ،،

أؤيد وبشدة ،، الدفع كيف ؟


مستعجلين الشهر بدأ

ربنا يحفظكم ،،،

[ودسمير]

السلام عليكم ورحمة الله وبركاته ،،،
طالما الحياة ماشة باذن الله والناس هنا اجتمعوا لاهداف سامية ونبيلة والغالبية العظمى بتعرف بعض (شخص شخص ، ونفر نفر ، وزول زول) اقترح بعمل (صندوق لدعم مناسبات اعضاء المنتدى)
على ان يتم عمل جمعية عمومية للاتفاق على المناسبات التي يتم دعمها ....مثل
1/ الزواج
2/العلاج الملكف (طريح بفراش المستشفى ) مثلا
3/ الوفاة (لاقدر الله)
وهكذا
الخ ..
وكيفية التنفيذ على ان يشمل هذا الدعم ( العضو وافراد اسرته من الام والاب /فقط) وللجميع الحرية في الدلو بدلوهم وطرح ما هو مناسب ...
ولا ننسى ايضا ان يكون الاشتراك الشهري ( رمزي ) بحيث لا يتجاوز (5 - 10 ) الف (بالقديم) لكن شوفوا المبلغ دا لم يتفاعل الاعضاء ( مثلاً 100 عضو ) ضرب 10 الف = (مليون) ولو ( 5 الف) = ( نص مليون) ويمكن شهر شهرين او اكثر يكون مافي مناسبة ويزيد الرصيد وهكذا

فقط اتمنى ان يكون الاشتراك رمزي حتى يتفاعل الجميع في ظل هذه الظروف (الصعبة)

ادفع (5 الف) شهرياً وتكون مستحق لدعم صندوق المناسبات ....

الشروط ( اعتقد مافي اسهل من انك تكون عضو فعال )

اتمنى من الجميع المشاركة في هذا الطرح ،،، الذي يعود على الجميع بالفائدة المرجوة
والله من وراء القصد



انا من زمااااااااااااااااااان باقول الجندى ده زول التائه ...

انا أؤيد وبشده ...

العمل التكافلى هو الان حالى كثير من مشاكل السودانيين ولولاه لأخذ كل سودانى ( قرعه ) ووقف امام الجامع !

قبل ما تعرش .. ختنى نمره واحد...

[مصطفى هاتريك]

شنو يا الجندي ياخ
وين حقوقي انا! ):

---------
ندعم ونساند الفكرة بكل مااوتينا من قوة


جندي ندعم الفكرة بقوة ..


نحن في إنتظار الرأي الإداري ...

و رسمية تكليف المتحصلين .........

ما تقولو لي نكون لجنة

[Isam Hussien H]

معاك يا هاترك مافي داعي للجنة ، يًضاف كعبء إضافي لناس المكتب التفيذي للجمعية ونبدأ ومن الممكن فتح حساب منفصل يتم تكليف عمر الماحي وأحمد علقم بإدارته ولي قري مان عمل لائحة تنظيم تطرح بهذا البوست لإقرارها .. وأقترح كذلك أن يكون السداد كل ثلاثة أشهر جملة ..

[بنت الرفاعي]

:):):)
:):)
:)

[خالد حسن احمد يوسف]

نشيد بهذه الفكرة حتي يكون التكاتف الاجتماعي بين الاعضاء قوي
وانا لدي مقترحات لائحة جاهزه لكل المناسبات ( زواج- وفاة - علاج بالداخل - علاج بالخارج
دعم للدراسة - الحريق -السرقه - الخ................)
انا امين مال الصندوق الخيري للمحاسبين والصيارف بالولاية

[اكرم]

بس خلااااااااص عرسنا .. وين أنت من زمان ياخي ههههههههه

أوافق طبعا وأؤيد............

[ابو عبد الرحمن]

تسلم يا الجندي يا ( باكـــــــــــــــــــــــــــــا ) والله ده عمل جيد ومن دروب فعل
الخير والتعاون على البر والتقوي .. وتعاونوا على البر والتقوي ولا تعاونوا على الإثم والعدوان)
ومن سنة سنة حسنة كان له اجرها وأجر من عمل بها الى يوم القيامة ولا يتقص من اجورهم شيئا.
ورونا كيف طريفة الدفع . وان شاء الله كل المغتربين ما بقصروا .. وزي ما قال أحد الشباب
ممكن يكون الدفع لثلاثة شهور أو ستة شهور ... على حسب الاستطاعة والله لا يضيع أجر المحسنين...

[mahagoub]

الكلام حلو وساهل
والتأيد كويس بس ما بحل مشكله
على اهل الخبره وضع برامج العمل
للاسراع بالتنفيذ
لكن اقترح فى الفترة الاولى العمل لتجهيز مصدر دخل ليضاف ويدعم الصندوق
اقترح اخذ قطعة من الولايه ويعمل عليها هنقر ضخم
ليكون مقر للجنة والاعضاء لانه ليس لنا دار
ويكوت صالة افراح تؤجر وبذلك يزيد الدخل

[أحمد عمر ( MOODY )]

معاً .. يداً بيد
بعون الله

[مصطفى هاتريك]

ما عارف أكتب شنو ؟؟؟؟؟


وين الناس ديل ؟؟؟؟؟؟؟؟؟؟؟؟؟؟؟


إلى متى سنظل ندور في فلك الفراغ ......


وين .... نبيل حمدتو

وين ....جري مان

وين .... ناس الجمعية

.... المشروع ده مفروض يدخل حيز التنفيذ ... الشهر الجاي

ويييييييييييين الادمن


أقول ليكم حاجه .. سيظل حالنا هكذا في ود مدني


نلوك الكلام في العصاري .... ثم ينفض سامرنا

[ود سعدابى]

ماااا اجمل ان تجد من يتشارك معك هموهك

اؤيد

وبشدة

وانا غايتو ما بنتظر

بتصل على عمر الماحى طوالى كان قام جميل وكان ما قام

برضو جميل لانو على الاقل بكون عملت العلى
|
والله الموفق

[mahagoub]

الكلام دخل الحوش
يا اداره يا تلمو يا يطير

[مصطفى هاتريك]

فوق ... فوق ..... فوق