ككر النفاج يستضيف صاحب بوست اغالب دمعي وأتصبر (خالد علوني)

[مايسة]

السلام عليكم نفاجه

كيفنكم –

شهد المنتدى الفترة السابقة احداث كثيرة كانت في قمة الجمال
آخرها زواج الاخ نزار


وسبقها إحتفالات الشمعة التاسعة لمنتديات ودمدني –
وكل هذه الافراح أظهرت لنا مجموعة من البكايين جدا
والذين كانو في زمن مضى يحتسبون من صناديد النفاج –

ولكن إنهارو في لحظة فرح خلف المايكروفون في يوم الإذاعة




ضيفنا في الككر هذه المرة


البكاي الرئيسي في إحتفالات الشمعة








خالد علوني



تخريمة : يا جماعة أي حد يخش يجيب معاهو علبة كلينكس

[مايسة]

غايتو الحا يخش أول واحد دا
معرووووووووووووووف

علوني شيل شيلتك - ثمح
ما شيلة العرس

[ريمون]

احمممممم احممممممم ..

[ريمون]

عاين ..
بعد يخشوا عليك ناس السيرة الذاتية والحاجات دي جاوبني ..
ياتو مقطع البكاك شديد قوي في القصيدة الشهيرة ديك ..
وش زول داير يسخن الككر من اوله ..

[أحمد عمر ( MOODY )]

عاين ..
بعد يخشوا عليك ناس السيرة الذاتية والحاجات دي جاوبني ..
ياتو مقطع البكاك شديد قوي في القصيدة الشهيرة ديك ..
وش زول داير يسخن الككر من اوله ..



تسخني ليهو شنو ؟؟ ده مولع من العنوان
بس خلينا .. نحنا بنجي بعد لفة أربجي

[ود المطامير]

منتظرين التثبيت ;)

[ود المطامير]

الحبيب
كل سنه وإنتا طيب

وسؤالى ليك

ياخ إنتا من الأخ ريمون جاب لينا خبر الجوعير

بقيت ما بتتشاف لشنو ؟

[مايسة]

علوني

يلا يا أخوي

زمان كنت بتقول مما الواحد يقعدو في الككر ويجيبو ليهو سيرة السيرة الذاتية
يضرب طناش ويكب الذوقة

دحين انت ما ياكا بتعمل زيهم

تعال ساي ياخ - ما هو الحصل حصل
وعرفناك متجرس - ما تخاف ما بنسألك دي منو ثمح

----------------------------
اها

السيرة الذاتية بالتفصيل الممل

الاسم
العمر
السكن
الهواية
مكان العمل
الحالة الاجتماعية (حتى لو كنت خاطب - مشان بس الناس تعرف )

وما قصة إسم علوني - هل هو اسم شهرة ام عائلة

تخريمة: سيب الفيس وتعال هنا :p:cool:

[ahmed algam]

هلا بي حبيب القساء

علوني

لكن والله الناس دي ناوية ليك نية بييييييضاء

[بت أم درمان]

تخريمة : يا جماعة أي حد يخش يجيب معاهو علبة كلينكس


أمانة يا علوني
كان العلبة دي خلصت
قول لي

http://i43.tinypic.com/2m3fyhl.jpg

[ahmed algam]

بجيك راجع تاني

بس اوعي تكب الجرسه

[مايسة]

هلا بي حبيب القساء

علوني

لكن والله الناس دي ناوية ليك نية بييييييضاء


وانت مالك بتقدم في السبت ولا شنو
خليك معانا - وما تخاف دورك لما يجي بنشوف ليك طريقة تخارجك

[مايسة]

أمانة يا علوني
كان العلبة دي خلصت
قول لي

http://i43.tinypic.com/2m3fyhl.jpg


كان تعمليهم اتنين
بت امدرمان تحياتي

[بت أم درمان]

كان تعمليهم اتنين
بت امدرمان تحياتي

ام البنات العسولات
كل سنة وانتِ طيبة

[مايسة]

ام البنات العسولات
كل سنة وانتِ طيبة


وانت طيبة يا رب -
غايتو الكرفته دي مشكلة
أخير كانت الملونة ;)

[المسافر]

أمانة يا علوني
كان العلبة دي خلصت
قول لي

http://i43.tinypic.com/2m3fyhl.jpg


بت أم درمان مالك بخيلة كده
هسه بالله عليك علبة الكلينكس دي
بتسوي لعلوني شنو ؟ ياخ ده قاعد
يبكي من يوم الشمعة لغاية هسه


شوف الكرم هنا كيف

http://i44.tinypic.com/2duffw8.jpg

[بت أم درمان]

بت أم درمان مالك بخيلة كده
هسه بالله عليك علبة الكلينكس دي
بتسوي لعلوني شنو ؟ ياخ ده قاعد
يبكي من يوم الشمعة لغاية هسه


شوف الكرم هنا كيف

http://i44.tinypic.com/2duffw8.jpg

ههههههه
جبت ليهو مزرعة القطن بي حالها
ما قصرت والله
وعلوني يستاهل :cool:

[بت أم درمان]

وانت طيبة يا رب -
غايتو الكرفته دي مشكلة
أخير كانت الملونة ;)

:) ........

[بحيرى]

----------------------------
اها

السيرة الذاتية بالتفصيل الممل

الاسم صابر متألم عمر إحساس
العمر البينا روح ومافى زول بقدر بجيبو
السكن النشيشيبه جوار مستشفى القلب الجديده
الهواية سهر الليل
مكان العمل نادى النجوم مدنى جوار السكه حديد
الحالة الاجتماعية (حتى لو كنت خاطب - مشان بس الناس تعرف )
مشووووووووووووووووووووووووكش
وما قصة إسم علوني - هل هو اسم شهرة ام عائلة
اسم ست الشاكوش
تخريمة: سيب الفيس وتعال هنا :p:cool:



بهدى الغنية لجميع اعضاء ولعيبة نادى النجوم ودمدنى بمناسبة صعودهم للدرجه الاولى ...

القطار دور حديدو ... منى شال زولى البريدو ... دمعى ولع فينى ناااااار ...
ما كتب عنوان بريدو ... قولوا لى كيفن اجيبو ... الفراقو على حاااااار ...

[ريمون]

بهدى الغنية لجميع اعضاء ولعيبة نادى النجوم ودمدنى بمناسبة صعودهم للدرجه الاولى ...

القطار دور حديدو ... منى شال زولى البريدو ... دمعى ولع فينى ناااااار ...
ما كتب عنوان بريدو ... قولوا لى كيفن اجيبو ... الفراقو على حاااااار ...

انتوا يا جماعة هو القاعد منو في الككر ؟؟؟؟؟؟؟

[أحمد عمر ( MOODY )]

ههههههه
جبت ليهو مزرعة القطن بي حالها
ما قصرت والله
وعلوني يستاهل :cool:



لا ياااخ .. ما تفهميهو غلط
القطن ده عشان الجروح بتاعت الشاكوش

[ام ساره]

لسة ماقبضوه والله حكايتكم حكاية والله يكون في عونك يا علوني.

[ام ساره]

انتوا يا جماعة هو القاعد منو في الككر ؟؟؟؟؟؟؟

الحمد لله مابراي طاشة كنت عاوزه اسأل نفس السؤال .

[ريمون]

اظهر ساي يا علوني ..
للحول بنرجاك ...!!!!!!!

[بحيرى]

انتوا يا جماعة هو القاعد منو في الككر ؟؟؟؟؟؟؟



اسالى ست الكركر ...!!!

[بحيرى]

الحمد لله مابراي طاشة كنت عاوزه اسأل نفس السؤال .



برضك ....!!!!
حالتو شربوتكم ولا سمح ....!!!!

[ساريه]

علونى منور الككر ..

[ساريه]

اهدااااااااااااااااء خاااااااااااااااص يا علونى



http://www.youtube.com/watch?v=O53uP0uvZ-k&feature=related



شكراً لإشتراكك فى خدمة بكينى وما تضحك الناس علي

[خالد علونى]

احمممممم احممممممم ..

بس فالحه في الكلام دا ما تشوفي ليك زول دميعاتو جرن فللي لي عندو

[آلاء عبد الرحمن]

انتوا يا جماعة هو القاعد منو في الككر ؟؟؟؟؟؟؟

ههههه

اتزكرته كلامك قالتي في زول رقص واتجدع في ياجارة
اها بخسوس الكلام ده انحنا وبما انو سيد الكركر ما ظنيت يجي فنحول المسار
بسم الله ظهر مع كتابتي
كان انتظرته شوية كان اتعفيت

[خالد علونى]

السلام عليكم نفاجه

كيفنكم –

شهد المنتدى الفترة السابقة احداث كثيرة كانت في قمة الجمال
آخرها زواج الاخ نزار


وسبقها إحتفالات الشمعة التاسعة لمنتديات ودمدني –
وكل هذه الافراح أظهرت لنا مجموعة من البكايين جدا
والذين كانو في زمن مضى يحتسبون من صناديد النفاج –

ولكن إنهارو في لحظة فرح خلف المايكروفون في يوم الإذاعة




ضيفنا في الككر هذه المرة


البكاي الرئيسي في إحتفالات الشمعة








خالد علوني



تخريمة : يا جماعة أي حد يخش يجيب معاهو علبة كلينكس


خالتي مايسة كل سنة وانتي طيبه والسنة الجاية ان شاء الله زي ما تتمني
لكين لقيتك جاده جنس جدوديه
عايني التلفون بطاريتو نزلت بشحنا وبجيك

[ahmed algam]

اهدااااااااااااااااء خاااااااااااااااص يا علونى



http://www.youtube.com/watch?v=O53uP0uvZ-k&feature=related



شكراً لإشتراكك فى خدمة بكينى وما تضحك الناس علي




والله ياعلوني سارية دي

ضارب ليك علي الوتر الحساس

[خالد علونى]

تخريمة : يا جماعة أي حد يخش يجيب معاهو علبة كلينكس

اي عليك الله واهم شي الخامه تكون Soft عشان ما يبقن علياتنين

[خالد علونى]

عاين ..
بعد يخشوا عليك ناس السيرة الذاتية والحاجات دي جاوبني ..
ياتو مقطع البكاك شديد قوي في القصيدة الشهيرة ديك ..
وش زول داير يسخن الككر من اوله ..
ابيييييييييييييت

[مايسة]

الحمد لله مابراي طاشة كنت عاوزه اسأل نفس السؤال .


ام ساره - كيفنك
الحاصل شنو الناس دي كلها طاشة
معقولة دا كلو من داك

[مايسة]

علوني - غايتو بحيري جاوب بلسانك
شايفاهو أتعود مما اتكلم بإسم الاعضاء في الليلة ديك :cool:


منتطرنك تشحن

[بت أم درمان]

لا ياااخ .. ما تفهميهو غلط
القطن ده عشان الجروح بتاعت الشاكوش

للدرجة ديك يعني

وبالمناسبة دي ممكن يا اخ مشوكش
أقصد علوني
ممكن تجي تحكي لينا ماهي الاسباب التي أدت الى الشاكوش
بما انك زول خبرة يعني
وكتنوير للبقية يعني

[بت أم درمان]

علوني
ممكن يعني
تكبر الخط وتلونه
كديكور للصفحة بس

[ريمون]

علوني - غايتو بحيري جاوب بلسانك
شايفاهو أتعود مما اتكلم بإسم الاعضاء في الليلة ديك :cool:


منتطرنك تشحن

شكلو مشي يشحن .. مناديل ..
غايتو ..برضو منتظرين ..

[بحيرى]

علوني - غايتو بحيري جاوب بلسانك
شايفاهو أتعود مما اتكلم بإسم الاعضاء في الليلة ديك :cool:



لا وانتى الصادقه ....
مش تانى مافى عضو حيتكلم الا بلسانى انا ...!!!
اه والله ...
حتى اسألى الادمن ....!!!
حكومه والناس اهالى ....

اسمعى ...
انا الايام دى مظلل القزاز ....!!!

[خالد علونى]

تسخني ليهو شنو ؟؟ ده مولع من العنوان


بس خلينا .. نحنا بنجي بعد لفة أربجي


هلا بي الحبيب والله


اخبارك وأحوالك

كل سنة وأنت طيب

اها وصلت التفتيش ولا لسة؟

قالوا لقيت حريف

وعشان كدا يا أخوي كدي خت البتغسل فيهو دا وتعال لي عديل

[المسافر]

علوني
إنت جيت

[مايسة]

علوني

المناديل خليناها خلاص

تعال ساي

[خالد علونى]

منتظرين التثبيت ;)



انت يا يابا يتنظرك السمح

اها ثبوتوهو تعال

[خالد علونى]

الحبيب
كل سنه وإنتا طيب

وسؤالى ليك

ياخ إنتا من الأخ ريمون جاب لينا خبر الجوعير

بقيت ما بتتشاف لشنو ؟


والله عطل فني بس

[خالد علونى]

علوني

يلا يا أخوي

زمان كنت بتقول مما الواحد يقعدو في الككر ويجيبو ليهو سيرة السيرة الذاتية
يضرب طناش ويكب الذوقة


دحين انت ما ياكا بتعمل زيهم

تعال ساي ياخ - ما هو الحصل حصل
وعرفناك متجرس - ما تخاف ما بنسألك دي منو ثمح
:p:cool:


مش بقولوا الفي البر عوام
اها دا كان حالي زمان
هسي بقيت في نص الحلبة



علوني

----------------------------
اها

السيرة الذاتية بالتفصيل الممل

الاسم : ما هو دا زاتو المحيرني
زمان لحدي سابع كان اسمي خالد عبد الله بله سعد
ومن جيت تامن بي قدرة قادر بقيت خالد عبد الله عبد الله سعد مالوا الاسامي ديل من قلتن في الدنيا لمن يدبلو لي الاسم
العمر : هسي دا خلوهو شوية بجيهو في نهاية الحلقة
السكن : قبيل ولا هسي علي العموم انا ما ساكن في حتة واحدة محل ما تجي في بالي بمشي
لكين يا في مارنجان يا حبيب الله
الهواية : دي كتيرة لكين أكتر شي يا القراية (الما فيها دق) يا كتابة الشعر ومرات مرات القصص القصيرة وتاني المعاينا في السما لمن بقي راسي يدوش وعيني حوصن
مكان العمل : سيمو للإنتاج الفني والإعلامي
الحالة الاجتماعية (حتى لو كنت خاطب - مشان بس الناس تعرف )
عايني بجاوب ليك علي سؤال عمرك كم أحسن لي

وما قصة إسم علوني - هل هو اسم شهرة ام عائلة
والله دا قصتو طويلة خليني بعد أجيهو بي رواقة كدا
تخريمة: سيب الفيس وتعال هنا

ثمح


:p:cool:

[خالد علونى]

هلا بي حبيب القساء

علوني

لكن والله الناس دي ناوية ليك نية بييييييضاء

يا علقم أخبارك وأحوالك ياخي

خليك واقف في الصف لانو جاني كلام شايلو النسيم قالوا أنت خليفتي في الككر

[خالد علونى]

أمانة يا علوني
كان العلبة دي خلصت
قول لي

http://i43.tinypic.com/2m3fyhl.jpg


والله يا بت مر درمان ما بتقصري لكين علبتك دي صغيرة شديد
شوفي لي منها كم دستة كده عليك الله

لكين بيني وبيك شكلها لزيز الزول يبكي ويعاين فيها

[خالد علونى]

بجيك راجع تاني

بس اوعي تكب الجرسه

لا لا ياخ اخد راحتك لي النهاية أصلك ما تستعجل علي الجية

[خالد علونى]

بت أم درمان مالك بخيلة كده
هسه بالله عليك علبة الكلينكس دي
بتسوي لعلوني شنو ؟ ياخ ده قاعد
يبكي من يوم الشمعة لغاية هسه


شوف الكرم هنا كيف

http://i44.tinypic.com/2duffw8.jpg


والله كريم كُرُم

قمت بي الواجب وزيادة

ما تتعب نفسك بي شي تاني

[خالد علونى]

بهدى الغنية لجميع اعضاء ولعيبة نادى النجوم ودمدنى بمناسبة صعودهم للدرجه الاولى ...

القطار دور حديدو ... منى شال زولى البريدو ... دمعى ولع فينى ناااااار ...
ما كتب عنوان بريدو ... قولوا لى كيفن اجيبو ... الفراقو على حاااااار ...


ياخي انت
أحسن زول والله


خلاص انا بعمل لي توكيل بي البوست دا

ودا طرفي منو

[خالد علونى]

انتوا يا جماعة هو القاعد منو في الككر ؟؟؟؟؟؟؟


بـــحـــيـــري

[خالد علونى]

لا ياااخ .. ما تفهميهو غلط
القطن ده عشان الجروح بتاعت الشاكوش


قطن قدر دا لي شاكوش ليييييي

قالوا ليك مشوكشاني عراقية

[خالد علونى]

لسة ماقبضوه والله حكايتكم حكاية والله يكون في عونك يا علوني.




كسلا يااااااااااااااا


الله يكون في عوني ساي

شكلهم كدا كلهم كانو لابدين لي في زقاق

[خالد علونى]

اظهر ساي يا علوني ..
للحول بنرجاك ...!!!!!!!

ما دي الخايف منها أنا زاااااااااااااااتي

هو مش البوست دا بقوهو تلاتة يوم بس

[خالد علونى]

اسالى ست الكركر ...!!!


وانت مالك ما تجاوب سافي سكر؟

[خالد علونى]

علونى منور الككر ..


الله ينور ديارك


،،،،،،،،،


بس دا البنطلع بيهو كلمتين ظراف في الأول وتاني عينك ما تشوف إلا النور

[خالد علونى]

اهدااااااااااااااااء خاااااااااااااااص يا علونى



http://www.youtube.com/watch?v=O53uP0uvZ-k&feature=related



شكراً لإشتراكك فى خدمة بكينى وما تضحك الناس علي



ما يا هو الكنت بقول فيهو هسي



خلاص بدينا؟

[خالد علونى]

ههههه

اتزكرته كلامك قالتي في زول رقص واتجدع في ياجارة
اها بخسوس الكلام ده انحنا وبما انو سيد الكركر ما ظنيت يجي فنحول المسار
بسم الله ظهر مع كتابتي
كان انتظرته شوية كان اتعفيت


غايتو جنس شفقة لا حولااااااااااااااااااااااااااااااااااااااااااااااا ا


هسي لو كل زول صبر يومين تلاتة كده النفاج دا بمشي بي مزاااااااااااااااج

مش عليك الله؟

[خالد علونى]

للدرجة ديك يعني

وبالمناسبة دي ممكن يا اخ مشوكش
أقصد علوني
ممكن تجي تحكي لينا ماهي الاسباب التي أدت الى الشاكوش
بما انك زول خبرة يعني
وكتنوير للبقية يعني


لا والله ما لي الدرجة دي لكين نسوي شنو حكمة الله في خلقو
نعم يا أخت مواسية
اقصد يا بت أم درمان
دا برضو بنضموا لي السيرة الذاتية

وكان دايرين تعرفوا السبب أسالوا أبو النور
دا ان هو عارف

[ودسمير]

علونى .................

بدون النضاره ...... انت وزنك كم كيلو ؟

والسؤال ده لو ما عايزو ... كلم مايسه يمكن تشيلو !!

[خالد علونى]

علوني
ممكن يعني
تكبر الخط وتلونه
كديكور للصفحة بس




تعرفي ما هي أصلو الحكاية شنو

الحكاية ما في الكباية

لانو الكباية طلعت فاضية

وتحت تحت قالوا انكسرت لكين ما كلمو حبوبة

السبب في عدم تنسيق الكلام دا انو انا كنت بخش من التلفون والتلفون ما بنسق خط ولا بلون
عشان كدا بجي زي درب النمل ما بتفم منو أي شي
لكين الحمد لله علي حين فرة لقيت لي كمبيوتر
كده كيف؟

[خالد علونى]

شكلو مشي يشحن .. مناديل ..
غايتو ..برضو منتظرين ..


مناديل بعد (تقاة) المسافر دي

الما بتعرف الجملة دي تسأل منها شيخي مطرة

[خالد علونى]

علوني
إنت جيت


ها زول المستعجل ليها شنو

عليك الله كان عندك مشاوير أعملا في الاول






عاين




الامتحان محلووووووووووووووووووووووووووووول

[خالد علونى]

علونى .................

بدون النضاره ...... انت وزنك كم كيلو ؟

والسؤال ده لو ما عايزو ... كلم مايسه يمكن تشيلو !!





بعد أجيك وأمش علي التلاجة بتاعتكم حتي أجاوب علي السؤال علي دا




















والله انا وزنت نفسي مرتين بس

مرة لقيتو 58

وجيت بعد يومين وزنت قال لي 51

تاني بقيت كان شفت لي ميزان يغير الشارع ياخي دا جن ساي والله

[مايسة]

قطن قدر دا لي شاكوش ليييييي

قالوا ليك مشوكشاني عراقية


حلوة

ونسأل ابو النور ليه احنا - ما تجاوب انت -
غايتو - احسن تجاوب قبل ما نجيك بأسئلة تحيرك وتخليك تعاين للنجوم زيادة

[خالد علونى]

كدي يا خالتي مايسة جاوبني علي السؤال الصغنون دا


انتي علاقتك شنو بي مشايخ سنار


وما تقولي لي لي شنو

بعد تجاوبي بوريك السبب في السؤال دا

[مايسة]

كدي يا خالتي مايسة جاوبني علي السؤال الصغنون دا


انتي علاقتك شنو بي مشايخ سنار


وما تقولي لي لي شنو

بعد تجاوبي بوريك السبب في السؤال دا


ثمح


قبل كدا فكو لي عمل
وكمان ود جيرانا مشى ليهم عمل لخطيبتو حاجة عشان ما تسيبو
وكمان عشان ما تخليهو يغسل العدة بعد العرس

اها وريني انت السبب في السؤال
--------------
وبعدين شكلك نسيت انك انت القاعد في الككر :p

[ود المطامير]

بعد أجيك وأمش علي التلاجة بتاعتكم حتي أجاوب علي السؤال علي دا


والله انا وزنت نفسي مرتين بس

مرة لقيتو 58

وجيت بعد يومين وزنت قال لي 51

تاني بقيت كان شفت لي ميزان يغير الشارع ياخي دا جن ساي والله

;);););););););)

[mahagoub]

بعد أجيك وأمش علي التلاجة بتاعتكم حتي أجاوب علي السؤال علي دا




















والله انا وزنت نفسي مرتين بس

مرة لقيتو 58

وجيت بعد يومين وزنت قال لي 51

تاني بقيت كان شفت لي ميزان يغير الشارع ياخي دا جن ساي والله

يوم الدخله اظن العروس البتشيلك

[ام ساره]

ماذا تعني لك مدينة ود مدني؟. اجمل هدية قدمت ليك في حياتك؟. أصعب خبر تلقيتة؟. متي يحزن خالد؟ ومتي يفرح؟. موقف طريف خالد في ذاكرتك؟ السبب الخلاك تقيف ضد النواعم شنو؟ والقدم ليك رشوة منو؟ اول قصيدة كتبتها في منو والسبب شنو؟ جاوب علي ديل لحدي ما احضر الباقي.

[ريمون]

ماذا تعني لك مدينة ود مدني؟. اجمل هدية قدمت ليك في حياتك؟. أصعب خبر تلقيتة؟. متي يحزن خالد؟ ومتي يفرح؟. موقف طريف خالد في ذاكرتك؟ السبب الخلاك تقيف ضد النواعم شنو؟ والقدم ليك رشوة منو؟ اول قصيدة كتبتها في منو والسبب شنو؟ جاوب علي ديل لحدي ما احضر الباقي.
عفيت منك ...

[مصطفى هاتريك]

ماذا تعني لك مدينة ود مدني؟. اجمل هدية قدمت ليك في حياتك؟. أصعب خبر تلقيتة؟. متي يحزن خالد؟ ومتي يفرح؟. موقف طريف خالد في ذاكرتك؟ السبب الخلاك تقيف ضد النواعم شنو؟ والقدم ليك رشوة منو؟ اول قصيدة كتبتها في منو والسبب شنو؟ جاوب علي ديل لحدي ما احضر الباقي.




قلبي معاك والله يا علوني ....


دموعك ما بتفيدك

[مايسة]

غايتو يا علوني غشيتنا غشة

شكرن

[خالد علونى]

ماذا تعني لك مدينة ود مدني؟. اجمل هدية قدمت ليك في حياتك؟. أصعب خبر تلقيتة؟. متي يحزن خالد؟ ومتي يفرح؟. موقف طريف خالد في ذاكرتك؟ السبب الخلاك تقيف ضد النواعم شنو؟ والقدم ليك رشوة منو؟ اول قصيدة كتبتها في منو والسبب شنو؟ جاوب علي ديل لحدي ما احضر الباقي.

مدني
الله علي مدني
الهدو والبساطه
طيبة انسان الجزيره وطبعو المسالم
الابتسامه المرسومه علي الشفاه حتي في احلك اللحظات
والله لو قعدت اكتب لحدي ما اصل الخرطوم ما بديها حقها
اجمل هديه كانت كلمه اتقالت لي في لحظه ما كنت محتاج اسمع غيرا وانا بحمد ربي انو كان معاي زول بحس بي حتي لو كان بعيد مني
الاخبار الصعبه كتيره لكين اصعبا كان خبر وفاة واحد من اعز اصحابي
بحزن لما يشوف مسحه حزن او دمعه او حد محتاج لي مساعدتو وما يقدر يعمل حاجه
كو جينا لي الفرح يا ام ساره انا اسم ساره دا بعمل ليك فيني عمايل
يخليني اتكشم زي نار القصب

ابتسامه صادقه من وجه مليان رضا كافيه لي بث الفرحه في نفسي

اطرف موقف كنت انا وصحبي ماشين ام درقسي الموضوع ضرب في راسنا واتوكلنا غشينا ناس عمتي في الحشاحيصا قعدنا معاهم لحدي بعد المغرب قال سفر الليل سمح
المهم طلعنا من البيت قال لي نمشي نضرب سمك واحي انا من سمك الحصاحيصا وقفنا قرب ومشينا قدام الظلط ركبنا قريب الساعه ١٠ كده واحده من حافلات الخرطوم وقلنا لي الكمساري نحن نازلين ام دقرسي لو ما انتبهنا ليها نزلنا قال وصلتو تب
بعد مده قلت لي صاحبي دي مش الكاملين قال لي ياها
قلت لي الكمساري نزلنا هنا قال هو انتو لسه راكبين
نزلنا في الكاملين وقدر ما حنسنا بتاعين العربات مافي زول رضا يوصلنا قلت ليهو نبيت في اقرب جامع قال لي شتين يمين الا في البيت قلت لي خلاص نركب حداشر وهاك يا الكداري نحن لي ٣ صباح ماشين لما وصلنا اللافته برا صاحبي بقي حاضنا ويبوس فيها ومره يضحك ومره يبكي بعدا دا انتظرنا لحي اذان الضبح صلين اومشينا البيت وفرت نومه ما صحينا الا تاني يوم العصر

الآدمن قال لي لو وقفت ضد النواعم ببقيك نائب رئيس مجلس الاداره والرئيس طبعا ود المطامير

هو في رشوه اكبر من المنصب دا


والله يا ام ساره اصبعي انطفق من كيبات التلفون بعد يستعدل بجيك راجع ا
ان شاء الله

[mahagoub]

ما قلنا ليك الحب قاسى وصعيب من اوله
وجيت براك قلت العذاب بتحمله

[خالد علونى]

ما قلنا ليك الحب قاسى وصعيب من اوله
وجيت براك قلت العذاب بتحمله

دا كان زمن الجاهليه الاولي لما كان القلب رهيف

[مايسة]

علوني شكلك بتعاني معاناة شديدة في الكتابة
ممكن تفوض زول يكتب ليك :p:cool:

[خالد علونى]

علوني شكلك بتعاني معاناة شديدة في الكتابة
ممكن تفوض زول يكتب ليك :p:cool:

اصعب مما تتصوري
قاتل الله اللصوص

[mahagoub]

علوني شكلك بتعاني معاناة شديدة في الكتابة
ممكن تفوض زول يكتب ليك :p:cool:

انت اكتب لى وانا بكتب ليك
الزول مزنوق

[خالد علونى]

انت اكتب لى وانا بكتب ليك
الزول مزنوق

زنقه ساي غايتو دي الله لا وقع فيها حبيب

انا خايف بعد اقوم من الككر دا اصبعي الكبير يكون فاضل فيهو مفصل واحد.


انتو بي مناسبه الفواصل دي زول ساي يقول لي هاك ان شاء الله الشربوت دا بل بيهو ريقك مافي


غايتو جنس كرم في حاتم ما لاقاني

[مايسة]

اصعب مما تتصوري
قاتل الله اللصوص


صراااااحة -
حالتك تحنن بالجد

غايتو انا ما بسألك تاني -

وما عايزين ليك كسير الاصابع والمفاصل -
هي كدا البكا شغال - لو اتكسرن نقبل وين تاني

[مايسة]

انت اكتب لى وانا بكتب ليك
الزول مزنوق


قدم ليهو مساعدة طيب
ولا انت زيو برضو

[ريمون]

يا علوني خلي الزول الشففته في ككره يجي يساعدك ..
:rolleyes::p:rolleyes:






















هو كان منو ؟؟؟!!
















مايسه ..
قلت لي ورق المنتدي مالو ؟؟؟؟:confused:

[خالد علونى]

صراااااحة -
حالتك تحنن بالجد

غايتو انا ما بسألك تاني -

وما عايزين ليك كسير الاصابع والمفاصل -
هي كدا البكا شغال - لو اتكسرن نقبل وين تاني

دانا غلبااااااااااان

[خالد علونى]

يا علوني خلي الزول الشففته في ككره يجي يساعدك ..
:rolleyes::p:rolleyes:
هو كان منو ؟؟؟!!
مايسه ..
قلت لي ورق المنتدي مالو ؟؟؟؟:confused:

هو لو كان قريب مالو

ولو كان بعيد
او كان قريب
انوارو آخذه بدون سلوك



كان الفوقو بنضم شعري ديمه واغني
صبوح المحيا طله وجهه تاخد مني
كل هما دخل في جوفي يوم فارقني
شفيف البسمه حالي اللهجه والباسرني





قالت ليك فواصلك دي صغيره مالا

[مايسة]

يا علوني خلي الزول الشففته في ككره يجي يساعدك ..
:rolleyes::p:rolleyes:

هو كان منو ؟؟؟!!

مايسه ..
قلت لي ورق المنتدي مالو ؟؟؟؟:confused:


انتهى :cool:;)

[بت أم درمان]

شوف يا علوني
رأيك بإستفاضة فيما يخص الحاصل في الوطن عربي
إبتداء من تونس ومصر وليبيا واليمن وسوريا
ورأيك في مقتل معمر القذافي والطريقة المات بها
وتفتكر هم كتلوهو ليـــــــــــــــــــه
والشكلة الحصلت في البرلمان الكويتي بتقول عنها شنو
وبالنسبة لإجتماع رؤساء الوزراء الاسبوع الفات كانت نتيجته شنو
وتعتقدر بشار حا ينفذ القرار ؟

مع اني ما بحب السياسة ولا الاخبار
بس لقيت نفسي مؤخرا ما بتابع غير الجزيرة والعربية
لدرجة اني بفكر بجدية اقدم للشغل كمذيعة اخبار عندهم تفتكر حأنفع ؟

سؤال اخير
يتبع .......

[ابو عبد الرحمن]

مع اني ما بحب السياسة ولا الاخبار
بس لقيت نفسي مؤخرا ما بتابع غير الجزيرة والعربية
لدرجة اني بفكر بجدية اقدم للشغل كمذيعة اخبار عندهم تفتكر حأنفع ؟

سؤال اخير
يتبع .......
أكيد ما حا تنجحي ؟؟؟ وبعد ده ما بتحبي السياسة ...

[ابو عبد الرحمن]

والله يا علوني داير اسال بس والله محتار اسالك من شنو ؟؟ وأخلي شنو ؟؟
خايف اسالك من الريدة والبكاء . وما اوفيك حقك ؟؟
ومن الجرسة ؟؟ وما اوفيك حقك . في الجرسة ؟؟
اقول شنو واخلي شنو يا علوني .. ؟؟
بس سؤال كدي على الماشي لحدي ما ارسي على بر ؟؟؟
المشاط القالتو هناية ده قصتو شنو ؟؟؟

[مايسة]

علوني يا اخوي
شوف ليك طريقة جاوب باقي الاسئلة دي

امشي ليك مقهى - واشرب ليك قهوة :cool::p

[بت أم درمان]

أكيد ما حا تنجحي ؟؟؟ وبعد ده ما بتحبي السياسة ...


وانا قلت كدا برضو

ما بحبها
بس
مجبر اخاك لا بطل
وحكم القوي على المسكينة انا

[بحيرى]

أكيد ما حا تنجحي ؟؟؟ وبعد ده ما بتحبي السياسة ...



هاهاهاها ....
وتاني ... هاهاهاهاهاها ....

[بنت الرفاعي]

:):):)

لك التحيّة أخي خالد علوني.:)

سؤال لو سمحت::)
كيف تكتب الشعر (مثلاً: بطقوس مُعينة،
أو في حالات مُحددة.....)؟!


:):):)

[خالد علونى]

وانا قلت كدا برضو
ما بحبها
بس
مجبر اخاك لا بطل
وحكم القوي على المسكينة انا




والجابرك علي جنس الكلام دا شنو
هسي في داعي تختي لي اسعلة قدر دي

كدي ادوني موية النشرب تاني الرد هين

[خالد علونى]

شوف يا علوني
رأيك بإستفاضة فيما يخص الحاصل في الوطن عربي
إبتداء من تونس ومصر وليبيا واليمن وسوريا
ورأيك في مقتل معمر القذافي والطريقة المات بها
وتفتكر هم كتلوهو ليـــــــــــــــــــه
والشكلة الحصلت في البرلمان الكويتي بتقول عنها شنو
وبالنسبة لإجتماع رؤساء الوزراء الاسبوع الفات كانت نتيجته شنو
وتعتقدر بشار حا ينفذ القرار ؟

مع اني ما بحب السياسة ولا الاخبار
بس لقيت نفسي مؤخرا ما بتابع غير الجزيرة والعربية
لدرجة اني بفكر بجدية اقدم للشغل كمذيعة اخبار عندهم تفتكر حأنفع ؟

سؤال اخير
يتبع .......






دا الرد الخامس اكتبو علي المداخلة دي
غايتو تاني لو الجهاز قفل ولا علق ولا حصلت ليهو أي حاجة انا تاني إلا أشجب وأدين البحصل في الوطن العربي دا
انا عموماالسياسة دي ما عندنا فيها كبير غرض لكين بنجر ليك
علي العموم انا شايفا صحوة دينية في المقام الأول ويمكن ربنا داير لي الأمة دي أنها تسلك طريق الحق وتبعد عن الضلال البتغلغل كل يوم في فكر ومعقدات الاجيال

من المعلومات التي قرأتها أو سمعتها عن تونس مثلاً
لا تستطيع أن تصلي في المسجد إلا أذا استخرجت بطاقة (أي والله) والبطاقة بتدخلك مسجد واحد بس وما الصلوات كلها
اما الصيام فقالوا بن علي وقفوا قال الناس ما تصوم لانو الصوم بقلل الإنتاج
عليكم الله لاقتكم مسخرة زي دي
المعقلات مليااااااااااااااانة بي الاسلاميين والمعارضين والمصيبة الواحد كان ساي قال الله وأكبر في ناس بره ديل يقولوا ليك الزول دا إرهابي

اما مصر دي كوم براها سبحان من جمع بين الأزهر الشريف وحسني مبارك في بلد واحد والمحيرني إنهم لي الليلة في مشاكل

اها جينا لي القائد الأممي وملك ملوك أفريقيا وتاني شنو ما عارف دا كان سبب أي مصيبة بتحصل في الوطن العربي وخصوصاً عندنا في السودان غايتو نحن الله بريدنا ساي مرق لينا حسني مبارك والقذافي (بعد دا يا اخوانا اكربوا الفتل مع الجداد ديل والناس أولاد عم) ولا ما كده يا الجندي

سوريا وحزب البعث العربي الاشتراكي والوحدة العربية وأمال وأحلام سادت ثم بادت المصيبة أنها من الأول قايمة علي فكر دخيل
(ههههههههههههه حلوة فكر دخيل دي سمعتا بقولوا كده في أركان النقاش)

والله سوريا دي انا كل البعرفوا زيادة فوق الكلام دا المسلسلات تاني ما عارف أي شي عشان كدا ما بقدر أفتي ليك


مقتل معمر القذافي جابو لي روحوا براهو لو سمع الكلام وشاف ليهو طريقة مرق من بدري كان أخير ليهو لكين الكبرياء وصل لي ابعد مراحلوا في الزول دا ياخي دا طلع في المظاهرات البتطالب بي تنحيهو عن السلطة وقال أنا بأيد المظاهرات دي هههههههههههه
زمان ما قال ليهم سابقي في ليبيا حتي أموت أو يوافيني الاجل

مالوا البرلمان الكويتي كمان في زول قال مبني في واطاتي ولا شنو ؟
هم الوزراء العرب اجتمعوا لي شنو؟


ياخ إنتي لا حولااااااااااااااااااااااااااااااااااااااااااااااا اااااااااا
اما في حتة مزيعة دي ممكن لكين يوم بتلقي ليك زول زهجان بدقك في الاستديو
جواب السؤال الأخير
شكرا لحسن تعاونكم بعدم كتابة الاسئلة الطويلة

[خالد علونى]

المشاط القالتو هناية ده قصتو شنو ؟؟؟




مشــــــــاط؟

[خالد علونى]

:):):)

لك التحيّة أخي خالد علوني.:)

سؤال لو سمحت::)
كيف تكتب الشعر (مثلاً: بطقوس مُعينة،
أو في حالات مُحددة.....)؟!


:):):)










دكتورة مرام
نهارك سعيد إن شاء الله

بالنسبة لطقوس الكتابة كالإرتباط بمكان معين أو خلافة فلا اعتماد علي نهج معين في أغلب الحالات، (وما بمشي البحر هههههههههههههههههه) لأني أري أنها تحد من المخيلة ولكن الهدوء عامل أساسي من عوامل نحاج الفكرة
اما في ما يخص الوقت والمكان فقوة الفكرة ومدي نضوجها والقدرة علي الترجمة هذه الثلاثة عوامل وحدها التي تحدد الزمان والمكان، الكثير من الأفكار تأتي وتذهب هكذا في الظاهر لكنها في الحقيقة تبقي في ظل الذاكرة لحين اكتمالها أو إبعادها من خانة الشعر لأنها لا تصلح أن تكون مقفاة فيمكن ترجمتها وقتها إلي نثر أو قصة قصيرة

كوني دوماً بكل الخير

[مايسة]

علوني ليه يعني تفطني
اولا طالباك اجابة سؤال بخصوص اسم علوني
ثانيا انت ما وضحته لي سبب سؤالك لي -

ما بتطلع من هنا الا تجاوب على الاتنين ديل

[بنت الرفاعي]

:):):)


لو سمحتوا:
مُمكن الشخص يسأل الضيف
أسئلة كان قد سألها لمن قبله في الككر؟!:rolleyes::o:cool:


:):):)

[بت أم درمان]

هاهاهاها ....
وتاني ... هاهاهاهاهاها ....

دي شماتة ؟

[amino]

ممكن لحظة!!

.
.
.
.
.
.
.
.
.
.
.
والله بس مشتاق ليكم
وحابى اسلم عليكم
والله ليكم شووووق يطعن!

[مايسة]

ممكن لحظة!!

.
.
.
.
.
.
.
.
.
.
.
والله بس مشتاق ليكم
وحابى اسلم عليكم
والله ليكم شووووق يطعن!


طيب أدونا فرصة
انت وأبو قرجة - خلعتونا


أمينو - تحياتي
وعساك عافية

[خالد علونى]

علوني ليه يعني تفطني
اولا طالباك اجابة سؤال بخصوص اسم علوني
ثانيا انت ما وضحته لي سبب سؤالك لي -

ما بتطلع من هنا الا تجاوب على الاتنين ديل







خالتي مايسة صباحك نور والله ما فطيتك لكين قلت أمشي وأجيك والمشية بقت بي سفر
علوني دا زمااااااااااااااان
لمن كنت صغير بلعب بي التراب ماما لبستني الجزمة والشراب
لما كنا في الثانوي زمن حرب افغانستان كنت كل يوم بحضر الجزيرة هذا الصباح وبجي نظام الود داير يقرا إعلام وكده وكل يوم بلقي الطابور خلص والحصة الأولي شغالة من الباب لي مكتب المدير وين ياخالد لحدي هسي؟ وكل يوم بجيب ليهو عذر شكل قال لي الكلام دا لكين ما كل يوم في حاجة أكيد لما لقيت نفسي مزنوق في الحتة دي قلت اناأصلي كل يوم بقي عندي تلاتة جلدات ثابتات احسن أكلمو فقلت ليهو بحضر الجزيرة ولو ما الاخبار خلصت ما بجي فمن الوقت داك وأنا علوني




بالنسبة لي شيوخ سنار السؤال دا عندو علاقة بي اسم الككر

اطلع؟

[مايسة]

خالتي مايسة صباحك نور والله ما فطيتك لكين قلت أمشي وأجيك والمشية بقت بي سفر
علوني دا زمااااااااااااااان
لمن كنت صغير بلعب بي التراب ماما لبستني الجزمة والشراب
لما كنا في الثانوي زمن حرب افغانستان كنت كل يوم بحضر الجزيرة هذا الصباح وبجي نظام الود داير يقرا إعلام وكده وكل يوم بلقي الطابور خلص والحصة الأولي شغالة من الباب لي مكتب المدير وين ياخالد لحدي هسي؟ وكل يوم بجيب ليهو عذر شكل قال لي الكلام دا لكين ما كل يوم في حاجة أكيد لما لقيت نفسي مزنوق في الحتة دي قلت اناأصلي كل يوم بقي عندي تلاتة جلدات ثابتات احسن أكلمو فقلت ليهو بحضر الجزيرة ولو ما الاخبار خلصت ما بجي فمن الوقت داك وأنا علوني




بالنسبة لي شيوخ سنار السؤال دا عندو علاقة بي اسم الككر

اطلع؟





يعني مذيع (ياخ الوشو ما شغالة معاي )

---------------------

لا ما بتطلع الكلام واضح - شوف ليك طريقة

[خالد علونى]

ممكن لحظة!!

.
.
.
.
.
.
.
.
.
.
.
والله بس مشتاق ليكم
وحابى اسلم عليكم
والله ليكم شووووق يطعن!



ااااااااااااااااااااااو

حبيبنا أمينو الزول الشوقوا نص الليل بصحي



اخبارك وأحوالك

ها زول والله ود حلال تب من قبييل عندي مشوار وخايف اقوم اخلي الككر فاضي تعال اقعد لي هنا خمسة دقايق بس وأجيك

[خالد علونى]

والله انا من ككر مايسه لي ككر االاوتورن

[خالد علونى]

يعني مذيع (ياخ الوشو ما شغالة معاي )

---------------------

لا ما بتطلع الكلام واضح - شوف ليك طريقة

اها يا خالتي مايسة شفت لي تريقة


انتو مش الليلة الخميس؟

[مايسة]

نظرا للحالية الكمبيوترية والعولمية التي يمر بها علوني
قررنا أن نفك أسرك

-----------------

الشكر جزيل الشكر لشخصك الكريم علوني
ولطولة بالك ونفسك معانا -

وتسلم كتير - واتمنى ان يحل محل البكا داك فرحة ومسرة من جوا الجوف :cool:

تحياتي لك ولكل المتداخلين

[خالد علونى]

نظرا للحالية الكمبيوترية والعولمية التي يمر بها علوني
قررنا أن نفك أسرك

-----------------

الشكر جزيل الشكر لشخصك الكريم علوني
ولطولة بالك ونفسك معانا -

وتسلم كتير - واتمنى ان يحل محل البكا داك فرحة ومسرة من جوا الجوف :cool:

تحياتي لك ولكل المتداخلين

يعني خلاث اقوم؟

[مايسة]

يعني خلاث اقوم؟


وكاتبة لي ملونة كدي
عايز تغيظني ولا شنو -

قوم آي وشيل معاك الطبشيرة دي وديها الصف التاني

[خالد علونى]

وكاتبة لي ملونة كدي
عايز تغيظني ولا شنو -

قوم آي وشيل معاك الطبشيرة دي وديها الصف التاني
انا مش قلت ليك حليت مشكلتي مؤقتن

[مايسة]

انا مش قلت ليك حليت مشكلتي مؤقتن


خلاث بالمناسبة السعيدة دي احكي لينا اي موقف طريف مر بيك

[خالد علونى]

خلاث بالمناسبة السعيدة دي احكي لينا اي موقف طريف مر بيك

طريف في الزحمة دي مااظن يتلقي

لكين بيني وبينك في الجلسة بتاعت عم محجوب انا ذوالنون قال لي الآدمن دا مالوا الليلة كان ما براو
انا بطلت من الحساب وذو النون واقع من الكرسي ثلاثة مرات من الضحك












هسي الطرافه هناوين غايتو جنس غايتو

[بت أم درمان]

نظرا للحالية الكمبيوترية والعولمية التي يمر بها علوني
قررنا أن نفك أسرك

-----------------

الشكر جزيل الشكر لشخصك الكريم علوني
ولطولة بالك ونفسك معانا -

وتسلم كتير - واتمنى ان يحل محل البكا داك فرحة ومسرة من جوا الجوف :cool:

تحياتي لك ولكل المتداخلين

انتِ جادة اطلقتي صراحه؟
ولا فهمنا اي شي
ولا حكا لينا نوع الشاكوش ولا سببه ولا كيف حصل ولا متين
انتِ مقتنعة بي كلامك دا يا زولة

[بت أم درمان]

طريف في الزحمة دي مااظن يتلقي

لكين بيني وبينك في الجلسة بتاعت عم محجوب انا ذوالنون قال لي الآدمن دا مالوا الليلة كان ما براو
انا بطلت من الحساب وذو النون واقع من الكرسي ثلاثة مرات من الضحك
هسي الطرافه هناوين غايتو جنس غايتو

قدر ما فتشت لي سبب اضحكني في الطرفة دي ما لقيتو

[مايسة]

انتِ جادة اطلقتي صراحه؟
ولا فهمنا اي شي
ولا حكا لينا نوع الشاكوش ولا سببه ولا كيف حصل ولا متين
انتِ مقتنعة بي كلامك دا يا زولة


ههههههههههه
انت ما شايفاهو بخش بحمد وبطلع بخوجلي
وعملها لينا كلها نت وموبايل وأعذار

ومافي مشكلة البوست قاعد -
وهو قاعد -
علوني لو سمحته احكي للبت دي قصة الشاكوش بسرعة
ولا بنادي ليك سيد الشاكوش :cool::p

[مايسة]

طريف في الزحمة دي مااظن يتلقي

لكين بيني وبينك في الجلسة بتاعت عم محجوب انا ذوالنون قال لي الآدمن دا مالوا الليلة كان ما براو
انا بطلت من الحساب وذو النون واقع من الكرسي ثلاثة مرات من الضحك












هسي الطرافه هناوين غايتو جنس غايتو

منو الما براهو
الآدمن - يمكن مشان قطر

[خالد علونى]

انتِ جادة اطلقتي صراحه؟
ولا فهمنا اي شي
ولا حكا لينا نوع الشاكوش ولا سببه ولا كيف حصل ولا متين
انتِ مقتنعة بي كلامك دا يا زولة

تصدقي انا زاتي لحدي هسي محتار

بتقول لي شوف ليك حل لي المشكلة دي

اقول ليها لقيت الحل

تقول لي قوم أمش

يا سبحانك الله

[خالد علونى]

قدر ما فتشت لي سبب اضحكني في الطرفة دي ما لقيتو

ما دي الطرافة هنا زااااااتو

[خالد علونى]

ههههههههههه
انت ما شايفاهو بخش بحمد وبطلع بخوجلي
وعملها لينا كلها نت وموبايل وأعذار

ومافي مشكلة البوست قاعد -
وهو قاعد -
علوني لو سمحته احكي للبت دي قصة الشاكوش بسرعة
ولا بنادي ليك سيد الشاكوش :cool::p

احي انا من الشاكوش والله براااااااااي سويتا في نفسي


انا الشوكشت روحي وبقيت اقبض في الهوا


كدي النشرب لي كباية شاي واجيك بي رواااااااقة لانو الموضوع طويل

بت ام درمان خليك قريبة

[خالد علونى]

منو الما براهو
الآدمن - يمكن مشان قطر

انا زاتي قلت كدا


لكين لقيت الموضوع ماشي بي العريجا

[ريمون]

ما بقدر اعمل كواليس الجلسه ..
بعد ده بهرشوني ..
غايتو في كترت شمارات ..
غايتو ذنون لما يقع من الكرسي من الضحك جد ..

[خالد علونى]

شوف عيني قبل شوية البوست دا كان حايم تحت قلت خلاث بروح في الزحمة

اكان القي ليك تاني معلق من اضانو

محير الله

[خالد علونى]

ما بقدر اعمل كواليس الجلسه ..
بعد ده بهرشوني ..
غايتو في كترت شمارات ..
غايتو ذنون لما يقع من الكرسي من الضحك جد ..

الحناكيش بقولوا العصفورة قالت لينا

نحن ما عندنا عصافير من ود أبرق وانت نازل
عشان كدا انا بقول طيرتنا قالت لي الآدمن اليومين دي بقعد مع بحيري كتييير

[ريمون]

شوف عيني قبل شوية البوست دا كان حايم تحت قلت خلاث بروح في الزحمة

اكان القي ليك تاني معلق من اضانو

محير الله

ما قلت ليك ..


































للحول !!!!

[خالد علونى]

ما قلت ليك ..


































للحول !!!!

وريتونا لكين وريتونا

[ريمون]

وريتونا لكين وريتونا
اقلبها زاوية مشاترة وتعال نجرب غوانتينامو كيف ..

[خالد علونى]

اقلبها زاوية مشاترة وتعال نجرب غوانتينامو كيف ..

الضايق عقارب الريدة برميهو الاتر بي الخلعة
لو خشينا غوانتامو بنطق من الزهج
المنتدى دا زي الموية لي السمك

[ريمون]

الضايق عقارب الريدة برميهو الاتر بي الخلعة
لو خشينا غوانتامو بنطق من الزهج
المنتدى دا زي الموية لي السمك



معاك حق والله ..
كلو ولا غوانتينامو ..

[خالد علونى]

معاك حق والله ..
كلو ولا غوانتينامو ..

عن قناعة ولا هرشوك هههههههههههههه

[ريمون]

عن قناعة ولا هرشوك هههههههههههههه

انت ما سمعت بالادمان ..











ما كلمتك يوم الجلسه ..؟؟؟!!!!

[ود المطامير]

شوف عيني قبل شوية البوست دا كان حايم تحت قلت خلاث بروح في الزحمة

اكان القي ليك تاني معلق من اضانو

محير الله
وحات أمى صدقت

والغريب وكت فك التثبيت وتثبيته من جديد

ما كان فى ولا مشرف على النفاج ولا أى من الضباط

يكون ككرك دا مسكون يا فرده ؟ ;)

[خالد علونى]

وحات أمى صدقت

والغريب وكت فك التثبيت وتثبيته من جديد

ما كان فى ولا مشرف على النفاج ولا أى من الضباط

يكون ككرك دا مسكون يا فرده ؟ ;)

يا الشيخ مطره في حواك

[ود المطامير]

يا الشيخ مطره في حواك
;););););););)

[مايسة]

وحات أمى صدقت

والغريب وكت فك التثبيت وتثبيته من جديد

ما كان فى ولا مشرف على النفاج ولا أى من الضباط

يكون ككرك دا مسكون يا فرده ؟ ;)


وانت كنت وين
خلف الكواليس :rolleyes::cool:

[مايسة]

يا الشيخ مطره في حواك


تباري شيخك مطرة دا
البسويها فيك تاني
شيخ تاتو ما يفكها منك

[ود المطامير]

وانت كنت وين
خلف الكواليس :rolleyes::cool:
كنت بسبِّح ساااااااى

[ود المطامير]

تباري شيخك مطرة دا
البسويها فيك تاني
شيخ تاتو ما يفكها منك
;););););)

هو ذاتو خلاص عاوزين نرقيهو

[مايسة]

كنت بسبِّح ساااااااى


ههههههههههههه
انا زاتي قلته كدا

بس أبعد من علوني دا
هسي انت سألتهو شنو
ما تسألو شوية عشان نعرف حاجة
ولا عشان حواريك -
غايتو

[ود المطامير]

ههههههههههههه
انا زاتي قلته كدا

بس أبعد من علوني دا
هسي انت سألتهو شنو
ما تسألو شوية عشان نعرف حاجة
ولا عشان حواريك -
غايتو
ههههههههههههههههههههههههههههههههه

أسألو علشان يبقى الحوار الغلب شيخو ؟

[خالد علونى]

تباري شيخك مطرة دا
البسويها فيك تاني
شيخ تاتو ما يفكها منك

عرفنا مطرة (تاتو) دا منو؟

[خالد علونى]

;););););)

هو ذاتو خلاص عاوزين نرقيهو

لا لا يا ابوي الشيخ خليني كده احسن لي واحسن ليك

[خالد علونى]

ههههههههههههه
انا زاتي قلته كدا

بس أبعد من علوني دا
هسي انت سألتهو شنو
ما تسألو شوية عشان نعرف حاجة
ولا عشان حواريك -
غايتو

ويقولن ليك بتحاربو فينا ماكن


هسي في داعي لي التحاريش دي

غايتو عالم تمرق لي الاسعلة التعسفية عن شيوخ مايرنو

[ريمون]

علوني ..
ياتو مرحله من عمرك كانت اروع ..؟؟
وانداح لينا بشوية ذكريات ..

[خالد علونى]

علوني ..
ياتو مرحله من عمرك كانت اروع ..؟؟
وانداح لينا بشوية ذكريات ..

تعرفي يا ريمون

فترة الجامعة دي عندها دايماً طعم خاص

بالرغم من المعاناه البتكون في فترات لكين لما الواحد يخلص منها بتكون من أجمل الذكريات

ومنها الواحد ببني علاقات بتكون من أمتن وأصدق العلاقات

الصداقة
الخوة
المشاوير في العصاري
جلسات الطابية جم جامعة السودان
وشرت مواصلات ام درمان
والخزين عوض الجيد النجيض ود الشدرة الخدرا
وخواجه
ومهند فلة
والجيكو ود جزيرة الفيل الزول الجميل
والحبشي
ومحمد نور الدائم (طبعاً دا اقصر زول في الشلة)
عادل حسن
وجدو الله يهدو


واركان النقاش ونتائج الانتخابات
والسهر لي انصاص الليالي في الجامعة






هييييييييييييه يا دنيا

[ريمون]

تعرفي يا ريمون فترة الجامعة دي عندها دايماً طعم خاص بالرغم من المعاناه البتكون في فترات لكين لما الواحد يخلص منها بتكون من أجمل الذكريات ومنها الواحد ببني علاقات بتكون من أمتن وأصدق العلاقات الصداقة الخوة المشاوير في العصاري جلسات الطابية جم جامعة السودان وشرت مواصلات ام درمان والخزين عوض الجيد النجيض ود الشدرة الخدرا وخواجه ومهند فلة والجيكو ود جزيرة الفيل الزول الجميل والحبشي ومحمد نور الدائم (طبعاً دا اقصر زول في الشلة) عادل حسن وجدو الله يهدو واركان النقاش ونتائج الانتخابات والسهر لي انصاص الليالي في الجامعة هييييييييييييه يا دنيا
اندياح اندياح ..
مش اي كلام ..

[ريمون]

علوني ..
شكرا للعالم اللمانا فيك ..

[المسافر]

خلودي المشوكش كيف أمسيت وقبلها كيف قيلت وقبلها كيف اصبحت . . . إلخ
طبعا إنت زول نفاجي معتق وقديم ولا يجوز لنا أن نمتحنك إمتحان النفاج التأسيسي
لكن في حاجات في نفسي ودواخلي وأحاسيسي عايز اعرفها عشان مستقبلي السياسي
والفني والثقافي ( الظروف ما معروفة ) .


1- متى كان الشاكوش وعلى يد من ؟
2- أثر الشاكوس على المشوكش الآنية ، وهل له تأثيرات مستقبلية ! أذكرها بإجاز
3- هل يحق للمشوكش البكاء نهاراً ؟
4- إذا تعرض الشخص لعدة شواكيش في عام واحد ، هل سيبقى على قيد الحياة ؟
5- في أزمة الأخلاق وعدم الوفاء حالياً هل يعتبر الشاكوس ظاهرة صحية ؟
6- هل مقابلة الشخص المشوكش لمن شوكشه بها نظرات ونترات وحركات ؟
7- بعد فترة طويلة من الشاكوش ، هل يمكن أن ترجع المياه لمجاريها ؟ وما هي التنازلات الواجب تقديمها من أجل ذلك ؟
8- في عام 2010 تعرض ممثل شهير لشاكوش أودى بحياته ، أذكر إسم المشوكش وما هو المرض الذي ألم به نتيجة ذلك؟
9- أذكر أكثر الأغاني التي يعشقها المشوكشين في الأرض ؟
10- هل الدموع التي زرفتها جابت حقها ولا إحتسبها عن الله ؟

وإلى اللقاء في العدد القادم من مجلة الأسرة

[خالد علونى]

خلودي المشوكش كيف أمسيت وقبلها كيف قيلت وقبلها كيف اصبحت . . . إلخ

مرحب بي خالد الما مشوكش اسعد الله نهارك والقبلو والقبلو _... الح



[quote=المسافر;646998][right][size=4]طبعا إنت زول نفاجي معتق وقديم ولا يجوز لنا أن نمتحنك إمتحان النفاج التأسيسي
لكن في حاجات في نفسي ودواخلي وأحاسيسي عايز اعرفها عشان مستقبلي السياسي
والفني والثقافي ( الظروف ما معروفة ) .
كدي اديني لوحين تلاته قبل اكمل الفي يدي ديل
نشكر اداره النفاج متمثله في شخصكم لهذه الثقه واتمني ان نكون اهل لها




1- متى كان الشاكوش وعلى يد من ؟


غايتو اول واحد دا ما متذكرو كان متين لكين اخر واجد كان الفين وتسعه
في اغنيه بتقول براي سويتا في نفسي

2- أثر الشاكوس على المشوكش الآنية ، وهل له تأثيرات مستقبلية ! أذكرها بإجاز


الاثار الانيه تتمثل فو الشرود والسرحان وسهر امليل والبكا الما خمج
اما الاثار المستقبليه دي عاين في مرايا بتعرفا برااااك

3- هل يحق للمشوكش البكاء نهاراً ؟
[/color]

دا عندو حق الفيتو خلي البكا الهين دا

4- إذا تعرض الشخص لعدة شواكيش في عام واحد ، هل سيبقى على قيد الحياة ؟
[/color]
دا بعتمد علي الشخص وقدره تحملو لي الشواكيش بيني وبينك في ناس بقو حيط بس الشاكوش يدق ويرجع وتلقاهو يقول ليك اخوك بقا صنديد



5- في أزمة الأخلاق وعدم الوفاء حالياً هل يعتبر الشاكوس ظاهرة صحية ؟
[/color]
نأم


6- هل مقابلة الشخص المشوكش لمن شوكشه بها نظرات ونترات وحركات ؟
[/color]
دي فيها بلاوي
7- بعد فترة طويلة من الشاكوش ، هل يمكن أن ترجع المياه لمجاريها ؟ وما هي التنازلات الواجب تقديمها من أجل ذلك ؟
[/color]

دا ما الحاميني النوم زاااتو
8- في عام 2010 تعرض ممثل شهير لشاكوش أودى بحياته ، أذكر إسم المشوكش وما هو المرض الذي ألم به نتيجة ذلك؟
[/color]
هو بالله ٢٠١٠ جات


9- أذكر أكثر الأغاني التي يعشقها المشوكشين في الأرض ؟
[/color]
امسك هاشم ميرغني من طرف
وتعال تمها بي في الليله ديك
بتلقي الديك يكورك في راسك يقول ليك خلاص اصبحت قوم كفاك

10- هل الدموع التي زرفتها جابت حقها ولا إحتسبها عن الله ؟
[/color]
منو العوض وعليهو العوض

وإلى اللقاء في العدد القادم من مجلة الأسرة
[/color]

ما تخلي اللقا الجايي يلون في برنامج بيتنا يمكن يلون الواحد اتنيل علي عينو وشاف ليهو صينيه خدره أقصد عرس

[مايسة]

عرفنا مطرة (تاتو) دا منو؟


دا شيخ من شيوخ مايرنو :cool:

[خالد علونى]

دا شيخ من شيوخ مايرنو :cool:

دا كان فكي محلي لكين هسي بقي محترف في الإمارات

[مايسة]

دا كان فكي محلي لكين هسي بقي محترف في الإمارات


صااااااااااااااااااااااح

[مايسة]

الشكر جزيل الشكر لشخصك الكريم علوني
ولطولة بالك ونفسك معانا -

وتسلم كتير - واتمنى ان يحل محل البكا داك فرحة ومسرة من جوا الجوف :cool:

تحياتي لك ولكل المتداخلين


شكرا جزيلا مرة أخرى علوني
ومتك الله بالعافية والصحة

وربنا يعرس ليك قريب
بس لأنو صراحة مناديلنا كملت
- بس الخايفة منو بعدين تقول ودوني مصنع المناديل

[خالد علونى]

وربنا يعرس ليك قريب





آميييييييييييييييييييييييييييييييييييييييييييييييي ييييييييييييييييييييييييييييين

[مايسة]

آميييييييييييييييييييييييييييييييييييييييييييييييي ييييييييييييييييييييييييييييين


:rolleyes::rolleyes::rolleyes::rolleyes:
كويس بعدين شيل الصبر بث

[أحمد عمر ( MOODY )]

مشــــــــاط؟







لا .. شِعِرْ

[أحمد عمر ( MOODY )]

كنت بسبِّح ساااااااى



إنت قلبت الشفت .. و بقيت تضبح بالنهار

[أحمد عمر ( MOODY )]

:rolleyes::rolleyes::rolleyes::rolleyes:
كويس بعدين شيل الصبر بث




يشيل شنو يا مايسة .. الله يهداك
ده قال ليك وزنو 51 كيلو
غايتو إلاّ يدوهو ليهو درِّبات

[بدر الدين محمد]

السلام عليكم نفاجه

كيفنكم –

شهد المنتدى الفترة السابقة احداث كثيرة كانت في قمة الجمال
آخرها زواج الاخ نزار


وسبقها إحتفالات الشمعة التاسعة لمنتديات ودمدني –
وكل هذه الافراح أظهرت لنا مجموعة من البكايين جدا
والذين كانو في زمن مضى يحتسبون من صناديد النفاج –

ولكن إنهارو في لحظة فرح خلف المايكروفون في يوم الإذاعة




ضيفنا في الككر هذه المرة


البكاي الرئيسي في إحتفالات الشمعة








خالد علوني



تخريمة : يا جماعة أي حد يخش يجيب معاهو علبة كلينكس


خالد علوني .. صديق برغم فارق السن وهو ايضا صديق لابني عمرو .. وصديق لأصدقائي بحكم الفترة التي قضاها في الخرطوم
من الجوانب المضيئة في شخصة .. الهمة العالية .. المعرفة بعمله في مجال الكمبيوتر والجمع الالكتروني والتصميم .. محدث لبق وشاعر (بكاااااااي) يقدر على استخلاص المفردات الجميلة والمفاجئة في كتاباته وهو من اعمدة (الثقافي) ومرات بغفلنا ونفتش ليه نلقاه في النفاج

[خالد علونى]

خالد علوني .. صديق برغم فارق السن وهو ايضا صديق لابني عمرو .. وصديق لأصدقائي بحكم الفترة التي قضاها في الخرطوم
من الجوانب المضيئة في شخصة .. الهمة العالية .. المعرفة بعمله في مجال الكمبيوتر والجمع الالكتروني والتصميم .. محدث لبق وشاعر (بكاااااااي) يقدر على استخلاص المفردات الجميلة والمفاجئة في كتاباته وهو من اعمدة (الثقافي) ومرات بغفلنا ونفتش ليه نلقاه في النفاج

استاذي

تحية إجلال وتقدير

لي كامل الافتخار بان تكتب عني أنت مثل هذا الكلام والذي اعلقه وسام علي صدري تيها وفخرا

والله من قعدت في الككر دا أول مرة افتش لي علي رد عشان اكتبوا لاني كل اكتب بقول يا علوني الكلام دا شوية علي أستاذ بدر الدين


وانا في النهاية تلميذك وود بحري يا عمك

ولا شنو؟
لكين خليني أقول ليك

متعك الله بي الصحة والعافية

[خالد علونى]

يشيل شنو يا مايسة .. الله يهداك
ده قال ليك وزنو 51 كيلو
غايتو إلاّ يدوهو ليهو درِّبات

دربات جلكوز

ولا حنان يا عمك


هسيتجيك هناية تقول ليك حنان دي منو

[مايسة]

يشيل شنو يا مايسة .. الله يهداك
ده قال ليك وزنو 51 كيلو
غايتو إلاّ يدوهو ليهو درِّبات


ههههههههههههههههههههههه
جميل التعليق - Like
---------------------
اها بخصوص الدربات هو بيتحملا لكن

[مايسة]

خالد علوني .. صديق برغم فارق السن وهو ايضا صديق لابني عمرو .. وصديق لأصدقائي بحكم الفترة التي قضاها في الخرطوم
من الجوانب المضيئة في شخصة .. الهمة العالية .. المعرفة بعمله في مجال الكمبيوتر والجمع الالكتروني والتصميم .. محدث لبق وشاعر (بكاااااااي) يقدر على استخلاص المفردات الجميلة والمفاجئة في كتاباته وهو من اعمدة (الثقافي) ومرات بغفلنا ونفتش ليه نلقاه في النفاج


تحياتي أستاذ بدر الدين
بعد كلامك دا عاد تاني مافي كلام في علوني

لكن تصدق حكاية انك شهدته ليهو بالبكا دي - تاني ما حا تفوتو
وحا نطلق عليهو خالد دموع
بدل خالد علوني