اغاني واغاني من نوع تاني

[آلاء عبد الرحمن]

هووسيه"طبيبة امتياز" نجاضه:-



*دلفت الي الحوادث بكامل اناقتها وخلبت لب المرافقين قبل الاطباء حتي من كانو في غيبوبه تامه استيقظوا علي صوتها الرخيم وهي تشدو حامله ورقه استلام العمل:-

باسم الطب ,,, بقدم ليك خدماتي
عليك ياريليز"ورقة استلام العمل ووبتتملي ويسلموك ليها بعد تخلص الشفت" تحياتي
عليك اوقفت غاياتي
لرليزي اضحي بحياتي
حياه الطب اسميها,,, كتاس"زحمة الشغل" بي كل معانيها
*********
اكتس وانسي فيك زاتي
وانسي كل غاياتي
واهجر كل ملاياتي
أخاصم كل مخداتي
وانسي كل مسراتي

[آلاء عبد الرحمن]

*حينها يختطف منها الرجسترار"نائب الاخصائي" استلام العمل ويمهره بتوقيعه منشدا بلهجه لاتخلو من التهديد لابعاد الهوواوويس عنها:-



اظنك عرفتي

رليزك في يدي

لو هووسي ساقك,,,, يسوقك يودي

رليزك يعدي,,,, والبوص مابيدي

الوزاره توزع,,, وانا ده البربي

[آلاء عبد الرحمن]

*وهنا يتدخل الرجسترار الاخر الذي يعمل في الكو يونت (التي تحفل بالميلز وتخلو تماما من الفيميلز) محاولا استمالتها ليونته وهو يقول:-



يونتنا ليه قسمين

مالبوص بتاعنا واحد,,, كيفن نكون قسمين

شي عجيب في توزيعاتك,,, يامدير ياشين

انا بس يوزعو لي الميل وراء الميلين

ماجابو لي فيميله,,, الا تبور سنيتن

شي عجيب في توزيعاتك,,,, يامدير ياشين

انا يامدير ياطبي,,,, زهجت من شفتين

مليتني بالميلات,,,, يملاك قمل ياشين

[آلاء عبد الرحمن]

وبعد ان يتنازع الرجستراران في احقيتهما بالهووسيه ويذهبان للمدير الطبي يتركون الفرصه للهوواوويس لاستعراض عضلاتهم الغزليه فينشد اوجههم واوسمهم في محاوله للايقاع بها:-



لو حتبسمي لي,,,, انا بسد ليك

فايلين لي,,,, وفايل ليك

******

لو حتضربي لي,,, انا بتندس ليك

حافز لي,,,, وحافزين ليك

*****

ماليك امان ياالهاوس مان

ياليالي زمان ,,, ياليالي زمان

[آلاء عبد الرحمن]

*وعندما لاتؤثر فيها المحاوله الفاشله يحاول احد الهوواوويس من الذين يمتلكون بطاقه عضويه دائمه في اتحاد الصلع والجلحات الصغيره وبطاقه عضويه شرفيه في نادي اكل زبادي وتعال بي غادي للتخسيس وتفتخر بعض شعيراته الباقيه بتميزها باللون الابيض قائلا:-



ياجمال النيل ,,,, والكتاس بالليل

ياهوسيه بين يونتين ,,, بحسنك الفتان

ياقبله العيانين ,,,, يادره اليونتان

ماتعايني لي كرشي,,, والصلعه والالوان

بس عايني لي جيبي ,,, دايما كمان مليان

[آلاء عبد الرحمن]

*وتستفز محاوله الضغط المادي هووسي مفلس ليجرب حظه في الحنك مترنما:-



ماقلنا ليك خليها

حنكك جبان خليها

العنظزه تخليها

قروشك اشبع بيها

*******

عارفنو حنكك ميت

اصلك قبيح ومزيت

******

العب بعيد جليها

المزه دي خليها

انا بس بعرف ليها

[آلاء عبد الرحمن]

*وهنا يكثر الضغط علي الهووسيه القديمه التي احست بخطوره موقفها في اليونت حيث ستتعرض للاهمال التام فتجهش بالبكاء قائله:-



لا رليزك بيفرحني,,, ولا قعادك بيفرحني

وفي الحالتين انا ضايع ,,, ماحالقي البيحبني

اقول انساك,,, افوت لي يونت اخليك براك

افرح اقول انساك,,, تاني البوص يرجعني

اتعب واشقي برضي معاك

وفي الحالتين انا ضايع,,, ماحاالقي البيعبرني

لا قعادك بيريحني

[آلاء عبد الرحمن]

*وتقطع جهيزه قول كل خطيب حين تتعمد ان نريهم دبلتها علي اليمين مترنمه:-



ارحل

اسوق خطواتي من يونتا بقت زحمه

اشوكش ديل

واشاكل ديل

اتووووه من غمزه لي همسه

*******

رحلت مشيت

ابارك العيد

واظبط حله اللحمه







*واخير

ينطق هووسي كان ينتبذ ركنا قصيا:-



الداقسين ديل,,, عاملين مفتحين

من زمان كشفت,,, ليدها اليمن

*******

في اليد اليمن ,,, شفت دهبا لمع

المفتح خطبا,,,, من زمان ارتفع

قوموا يااحبه,,, نلوك الوجع

والعرس ياشباب,,,, نسمعبو سمع

*******

الكتاس يجيكم,,, في الليل الهجيع

من الزحمه تنسو,,, وتجافو الضجيع

وفي الحاله دي,,,, كوراكم يذيع

واحسره شبابي ,,,, في الطب يضيع

*******

الداقسين ديل,,, عاملين مفتحين

من زمان عاينت,,, ليديها اليمين

[آلاء عبد الرحمن]

مقطع اخير:-

أميرة الشباب يا السمحة أنا جايك عريس

بي كتب الكتاب يا الملكة مهرك مو رخيص

عارفك جميله وزايده في البنوت حلا

المال عليك يا غالية أبداً ما غِلا

لكن ظروفنا القاسية كيف بنبدلا

فاضل وحاتك بس نفوس مدللا

من نص الشهر الهووسي قاعد في الخلا









الي ان نلتقيكم في حلقه اخري من اغاني واغاني لكم تحيات السر قدور واسره البرنامج

كان معكم في الاخراج:-

المكتس الهووسابي

في الانتاج:-

المعفوص الامتيازابي

اغاني واغاني والهاوس اوفيسر يعاني - ل-احمد عبدالرحمن محمد حمد

[ahmed algam]

هههههههه ههههههه ههههههه


مبالغة يادكتورة

[آلاء عبد الرحمن]

هههههههه ههههههه ههههههه


مبالغة يادكتورة

:)


:)

[ahmed algam]

في انتظار الحلقات التالية

من اغاني واغاني

من نوع تاني

[آلاء عبد الرحمن]

في انتظار الحلقات التالية

من اغاني واغاني

من نوع تاني

بث كده


حاااضر

[آلاء عبد الرحمن]

(حنك الهواوويس)


-قالت له عبر الهاتف:-
*حبيبي تعال تعال نتلم
مادام الديوتي"نبطشية" اختلط بالهم
انا ذنبي ايه امشي بنك الدم


-قال لها ونبراته تقطر حسره:-
*اجيك من وين, وانا اللاحاسي لاشايف
اجيك بيشن؟ اجيك زاحف
بقيت خايف
بقيت خايف
وانتي مشيتي في المستشفي البعيده براك
اجي امسك ليك العنبر, ولا في الحوادث معاك


-قالت وهي تزيد نبره الدلال في صوتها:-
*بستناك انا في البنبر
بستناك انا جنب السستر
انا ذنبي ايه يمسكوني العنبر
ياحبيبي
بستناك انا في رجاك
بستناك انا لي لقاك
انا ذنبي ايه امشي لي استاك
ياحبيبي

-حينها يتدخل رجسترار اليونت حينما يجدها اطالت المكاله الهاتفيه قائلا:-
*لو قايلا عنبرنا
فيهو ناس مهند ونور
تبقي عيانه ودايره ليك دكتور
قرايه الطب طويله, عايزه ليها دهور
وانتي ماناقشه, لاجمال لا حضور
يعني عايزه تزوغي, بالتلفون والزور
الاكان اهبل, ناقص الطرطور
قدامي لليبر, ماتقولي عايزه فطور
الليله تشتغلي, ولا تقعي الخور


-فتقول الهاوسيه بآخر انفاسها للرجسترار وهي تشك ان هناك مؤامره من هوسيات اليونت باابلاغ الرجسترار عن هبلستها:-
*لو مصدق الحدثك, تسمع كلام الناس
احبسني في عنبرك, املاني انا كتاااااااااااس
انا جايبه ليك زول, يسد لي بدلي
عليك الله بس وافق, تم لي املي


-وحينما يشير الرجسترار برأسه علامه الموافقه تسكب كل دلالها عبر الاثير لتخاطب ذلك المسكين المنتظر عبر الهاتف:-
*ياقسيم الريد تعال,
تعال لي وتعااااااااااال
فبرد سريعا:-
جاييك سايقني الحنين, اتمني اسد بدلك
فردت لابكوتي شراع, واشواقي ليك ماليها حد


-وبعد ان تضمن حضور المسكين تتجه مباشره صوب البوابه للخروج , الا ان رجيسترار من يونت اخري يلتقيها متبسما وهو يقول:-
*صدفه
صدفه واجمل صدفه انا يوم لاقيتا
اسعد يوم, في باب المستشفي وافيتا
نور عيني, في الكافتريا ياما حبيتا

-فتجيب سرا هي دون تردد (اصلا غازا عينا عليهو):-
*ههوسياتو مادارينو لي, مسترو ماراضي بيا
اتحدا أي هووسيه واجيب قسيمه شرعيه
تم ترفع صوتها:-
وحنانه
هديك الكافتريا ورانا
وهييي حنانه
الحاباك معاي تعبانه

-وبينما هي منداحه مع الرجسترار الجديد اذا يرن هاتفها ليصدح الهووسي المسكين (الكركرتو من بيتم يسد ليها) قائلا:-
*في الليله ديك...... لا هان علي اسد بدالك
ولا هان علي اقول ابيت
شلت الميزان....والسماعه....وقعدت راجيك لي ساعه
جيت اسد ليك واصالحك......جيت اقول ليك امشي البيت

-وبعد ان تامره بالذهاب للعنبر للاستلام بدلا عنها من الرجسترار بحجه انها ذهبت للمنزل يتآمر عليها القدر مع الصدفه ويجد الهووسي ان الرجسترار سنيره بالجامعه ليذهبا معا لنفس الكافتريا التي تخلط بها ويتفاجئان بمنظرها منداحه فيصدح الهووسي قائلا:-
*باب الريده......وانسده
وقصر الشوق وانهده
تمر ديوتهات........وتتعدي
بكرهك من هنا......لام بده
محال ارجع اسد ليك
محال لي ريدتك ارتد
لو في يوم بس حنيت ليك
بقعد اغسل العده


-ولا يفوت الرجسترار مشاركه برلومه الاحزان قائلا:-
*البتحبها دي كشا مشا
بس بتحبك دايره عشا
بندما ليك يابرلوم
بحميها ليك حتي النوم
مابسألا نهائي, بس بوزعا الليبر روم


-وهنا يتدخل الرجسترار (الغازه عينا عليهو):-
*تحبي معاي هووسي؟
ناسيه كل قروشي؟
انشالله تجيكم مناسبه, وفي الصاج تقعدي تعوسي


-وبعد ان تطمئن الهووسيه الي ان ليتها مظلمه ظلام دامس تهمس مخاطبه نفسها:-
*الدقو منو ياناس؟
القبضو منو ياناس؟
قبض نفسو برا ياناس
قبضوهو في كافتريا, جنب الصيدليه, 3 ياناس ماكفا؟
قبضوهو بس خالط, والحنك ماشي ظابط, ده شنو الحقد ده؟


*نغمه اخيره:-
لو تبقي خلاطه
تحبي اتنين تلاته
والرابع زياده
ماتنسي يوم جاييك, يوم اسمو الشماته


الي ان نلتقيكم في حلقه اخري من اغاني واغاني لكم تحيات السر قدور واسره البرنامج
كان معكم في الاخراج:-
المكتس الهووسابي
في الانتاج:-
المعفوص الامتيازابي

[خالد علونى]

شكيت محنك
خلاص كفاك الشربتيهو دا
وباقي الشاربوت اكشحي

[آلاء عبد الرحمن]

شكيت محنك
خلاص كفاك الشربتيهو دا
وباقي الشاربوت اكشحي

هههههه

انا ماتبع الجماعة ياخ

[mahagoub]

يبقى اكيد شاربه حاجه تانى
انت بحيرى مر عليكم
لكن روعه خلط الاغانى بالحلمنتيش

[ود المطامير]

يبقى اكيد شاربه حاجه تانى
انت بحيرى مر عليكم
لكن روعه خلط الاغانى بالحلمنتيش
يا عمك

عليك الله ترجم لى ;)

[ود المطامير]

يا دكتوره ياخ عاوزين شريط ترجمه متحرك لناس عبدالمنعم خدره ;)

[مايسة]

ألوية نصيحة أمشي ليك
لـ الرجسترار:p

تسلمي - ضحكتينا والله

[mahagoub]

يا عمك

عليك الله ترجم لى ;)

كبر النضاره
الترجمه على الشريط

[أحمد عمر ( MOODY )]

شكيت محنك
خلاص كفاك الشربتيهو دا
وباقي الشاربوت اكشحي



شربوت شنو يا علوني .. البشربوا الشربوت ما بنعرفهم
غايتو يا دكتورة .. جبتيها كبيييييييييييييييييييييرة

[أحمد عمر ( MOODY )]

يا عمك

عليك الله ترجم لى ;)


كنت عاااااارفك ح تقعد تتلفت
أطبع البوست ده .. و أمشي الصيدلية
خليهم يدّوك ليهو كبسولات

http://i41.tinypic.com/14y77tv.gif http://i41.tinypic.com/14y77tv.gif http://i41.tinypic.com/14y77tv.gif

[أحمد عمر ( MOODY )]

قدُر ما كلّمتك .. قلت ليك و وعّيتك
شربوت ناس هناية ده .. قام بعم محجوب
أبيتي تسمعي الكلام .. هسه كده كويس

[آلاء عبد الرحمن]

والله حاولته اترجم ياخ لكن ماعارفة الحصل شنو



اها انا مابشرب شربوت شوف ليكم حاجة تانية

[آلاء عبد الرحمن]

قدُر ما كلّمتك .. قلت ليك و وعّيتك
شربوت ناس هناية ده .. قام بعم محجوب
أبيتي تسمعي الكلام .. هسه كده كويس

اها قلته لي هنايه دي منو

[آلاء عبد الرحمن]

يبقى اكيد شاربه حاجه تانى
انت بحيرى مر عليكم
لكن روعه خلط الاغانى بالحلمنتيش

ياساتر

اسي الجاب سيرت بحيري ودخلو في الحته دي شنو
اذا كان في غنية ياجارة كان لقينا الرابط
:)

[آلاء عبد الرحمن]

ويكلكس في ضيافه اغاني واغاني



نص الحوار:-



- السيد مدير موقع ويكليكس هلا اوضحت لنا ماذا تعني ويكليكس

- شكرا للاستضافه في برنامجكم اغاني واغاني والهاوس اوفسير يعاني وبالنسبه الي ويكليكس فهي اختصار للعباره الاتيه ( ويل يتظركم كل لحظه يا كل الهاوس اوفسير)



- شكرا للايضاح ونحن نتسأءل هنا هل انتهيتم من كشف الفساد العالمي ولم يتبق غيرنا الهوواوويس

- الحقيقه انكم كنتم علي رأس اولوياتنا بعد الاداره الامريكيه مباشره ولكنكم كنتم لاتتركون وثائق تدينكم كما يفعل الباقون ولكن بعد ان استخدمنا سياسه التجسس المباشر تم الايقاع بكم



- هل من الممكن توضيح نوعيه الوثائق التي نشرتموها علي موقعكم خاصه التي تدين الهوواوويس

- اولا احب ان اكشف لكم اننا تحصلنا علي الوثائق بعد جهد جهيد نظرا لتعدد حيل اطباء الامتياز ومراوغتهم الدائمه ولكن من كشف هيلاري كلنتون لهو قادر علي كشفكم



- نترك لك الكلمه للتحدث عن الوثائق سيد ويكليكس

- حقيقه للشفافيه التي نملكها والماممكن تنكروها طبعا الزمنا انفسنا بكشف كل اسراركم لكل العالم حتي لاتدعو المسكنه والطيبه ونحن نمتلك حتي الان 3وثائق ونبحث في 5 اخري لم نتحصل عليها حتي الان اما ال3 وثائق فهي:-



الوثيقه الاولي :-

سعينا للحصول علي هذه الوثيقه لتنبيه الميدكلس والرجسترارس للاماكن التي يزوغ فيها اطباء الامتياز بعدما اصبحت الاستراحات والكافتريات موضه قديمه نسبه لقربها من موقع العمل وازدحامها بالميدكلس والرجستراس علاوه علي ذلك الجاسوس المعين من قبل الرجستراس لمتابعه ومراقبه اطباء الامتاز الذي غالبا مايكون بتاع الكاشير (اهم جاسوس ولا تقتصر مهمته علي المراقبه فقط بل تتعدي ذلك لاخطار الرجسترار من الذي دفع حق الفطور هو ولا هي ويمد الرجسترار بمعلومات عن شكل علاقه هو ب هي ومن منهما الباكي في التاني) فاابتدع الهوواوويس اماكن اخري نزكر منها:-

ست الشاي الجنب المستشفي

مكتب الاحصاء بالمستشفي

مكتب النظام العام بالمستشفي

والوثائق هي:-

كشف حساب من ست الشاي (لانو من اهم صفات الهووسي كرهه الكاش والاعتماد علي الدين)

شهاده موظفه الاحصاء (بعد ان فتح ليها الهووسي واكتشفت انو حبو ليها مجرد طريقه يرطب بيها في المكتب)

شهاده افراد النظام العام (نسبه لانو الهوواوويس كرهوهم في شحده السجائر والشاي وخلافه)



الوثيقه الثانيه:-

تعبنا كثيرا للحصول علي هذه الوثيقه وهي تدين اطباء الامتياز بتهمه التهرب من العمل وتحويل كل الحالات لمستشفي آخر مستغلين غياب الميدكل وذلك لان للادميشن تبعاته من كليرنس وفلو اب وديسجارج فالاقرب الي الهووسي كتابه ريفير لاي مستشفي وتسريب الحاله قبل وصول الميدكال او الرجسترار وقد مدنا هووسي باقي ليهو 7ايام ويخلص بهذه الوثيقه وهي:-

المستشفي ال.............

نرجو منكم اعطاء الدم للمريض اعلاه لانو بنك الدم عندنا مغلق







الوثيقه الثالثه:-

الحقيقه ان اطباء الامتياز ابدو براعه منقطعه النظير ولولا حرصنا علي كشف الحقائق لما وصلنا لدليل الادانه فالكل يعرف ان الهوواوويس يحبون في المستشفيات دون دليل قاطع علي اثبات ذلك ولكننا توصلنا الي قانون اطباء الامتياز في هذا الموضوع وهو قانون يورث ولا يكتب ينص علي

1- لاتحب في وحدتك ابدا حتي تبعد الشبهات عنك

2- لا تبدأ الحنك في وجود ميدكال او رجسترار ويستحسن ان تضع عندهم انطباع انك فاره

3- لا تملك اسرارك العاطفيه لرجسترارك حتي ولو كان صديقك فالظروف مامعروفه

4- حاول دائما ان تخلط في مستشفي محايده عشان القيل والقال

اما الوثيقه فهي:-

صوره لمجموعه من الهواوويس مقسمين اتنين اتنين التقطت بالصدفه من قبل مصور هاوي



- وبعد ان فضحتنا وبشتنتنا والصفحه مليانه ميدكلات ورجسترارس انشالله ادوك وكيل عريف

- بالرغم من لهجه السخريه الواضحه الا اننا ونظرا للشفافيه نعدكم قريبا بنشر وثائق تدين الميدكلات والرجسترارس



- شكرا مدير الموقع علي اللقاء وننتظر طبعا الوثائق التي تدين الميدكلات والرجسترارس قريبا ولكن قبل الختام نترك لك كلمه اخيره

- احب ان اشكركم عل الاستضافه وقريبا سننشر الوثائق ولكل اطباء الامتياز عزرا فموقعنا لا يعرف قوي او ضعيف فقط الوثائق والادانه واتمني ان تقدمو للمحاكمه قريبا



- شكرا علي الامنيه الغاليه ولو مامنتظرين منك وثائق الميدكلات والرجسترارس كان قلت ليك اقطع وشك

-شكرا



والي ان نلتقيكم في برنامجكم اغاني واغاني والهاوس اوفسير يعاني لكم منا كل الود والسلام

[ريمون]

قدُر ما كلّمتك .. قلت ليك و وعّيتك
شربوت ناس هناية ده .. قام بعم محجوب
أبيتي تسمعي الكلام .. هسه كده كويس

:rolleyes::cool::rolleyes:

[ريمون]

شربوت ناس الاء ده شوفوه في موبايل بحيري ..
بصنعوه بالمقادير ..

[آلاء عبد الرحمن]

شربوت ناس الاء ده شوفوه في موبايل بحيري ..
بصنعوه بالمقادير ..

شكلو انتي هناية وكملتي الشربوت كلو والدليل اهوه