المساعد الشخصي الرقمي

مشاهدة النسخة كاملة : مريخ كعب ... كاتلو التعب ........


tito_santana
19-11-2011, 09:49 AM
النصيحه ليك يا الله
مريخ كعب شديد
اكتر من تلاته كور
لا باص ,. لا صناعة لعب
و لا اي لمحه لفريق من فرق الروابط
غايتو الفريق ده لو ما (ملصوه) كلو و جابو غيرو .....
(ياني) السويتا ....!!
حراق الروح ما حبابو ....
tito_santana
19-11-2011, 09:50 AM
جرجرة كرعين
و مرض زي المرض ....
و ده حالتو متصدرين
السنه كلها من معسكر لمعسكر
و من بلد لي بلد
و مخصصات
و عربات
ووضع اجتماعي
الواحد لو ما المريخ ... صبي في دكان عطرون في سوق ليبيا ما كان بيلم فيها ....
و بعد ده ....
tito_santana
19-11-2011, 09:51 AM
طبعاً في ناس حيجوا يقولوا ليك حصاد
و دريسه
و ترعة اب عشرين ....

ده براهو
و ده براهو
و ده بالمناسبه بيسموه بيت القصيد

المريخ ده كعب
و اكعب من الكعب من منتصف الدوره التانيه و حالو في النازل ...

فريق كلو محترفين
و معلوفين كمان
و بيجاري انديه ممزقه
بالكتير فيها تربيزة ضومنه و شِعبة شايله لمبه لمبتين نايلون
و تلفزيون و حيطه نصها واقع
و الامثله كتيره ....
بدايه بالمورده و نهايه باأهلي الخرطوم ...
tito_santana
19-11-2011, 09:53 AM
و اكرر
الفريق ده لو ما الشايفنهم قاعدين فيهو تمنيه سنه و زياده انشطبوا
ما بيمشي قدام
و قدام دي فضل ليها شوية اسابيع ....
يعني المريخ ممكن القرعه ترميهو في دور ال 64
و ممكن براااحه مع اي فريق ...
و خطين تحت اي فريق دي ....
و كلها 8 اسابيع
8 اسابيع فقط ... و القرعه حتجيب المحظور .....
غير كده ....
اغتراب ليبيا و اليمن ....
و لا انسى ان اكرر ....
المريخ ما يصل الهلال متعادل مع (اهلي الخرطوم) ....
ﻷنو في اسباب كتيييييييره
بكترة اسنان الكديس بتقول المريخ ساعتها لن يصمد ....

و تااااااااااااني جاب سيرة البحر ...
tito_santana
19-11-2011, 09:54 AM
من آخرو
الشطب من طرف
اصلو حيحصل شنو اكتر من القاعد يحصل ليهو 8 و لا 9 سنه ...
ما ياهو الكاس الكان عاوز يطير اول امس ده و لا حاجه تانيه ....

الخوف بكره واحد من الجماعه الطيبين يجيب قوون و نلقاهو مانشيتات و اعمده زي الحاصل اليومين ديل ....

غايتو يعز من يشاء و يزل من يشاء ...
كورة النسور دي لو كانت طلعت تعادل
نفس الاعمده و البونطات ديك كانت حتعمل عمايل نيرو ما عملها في روما .....
tito_santana
19-11-2011, 09:56 AM
من طرف
و بالحته الفيها الحديده و كفايه دفن رؤوس في الرمال ....
صدقوني القيامه كانت حتقوم هنا و في غير هنا لو كورة النسور ديك انتهت تعادليه ....
قطع شك في ناس بعد كورة النسور افتكرت المريخ ده ارجنتين عديل ...
و الله بقى فرقو من فرق الزيليه و الوسط في المستوى
الشعار و الجمهور اللسع صابر ....

الاداره اتغيًرت ليها 8 سنوات
بقت ما شبه ادارات (الرجال) بتاعين زمان ...
و الصحافه زاتا اتغيرت ...
ما زي صحافة زمان ....

باقي بس الشعار و الجمهور ....

غير كده لو النسور و المريخ اتبادلوا الفنايل و لا حتى حي العرب ...
تحلف تقول ده المريخ ....
tito_santana
19-11-2011, 09:59 AM
اول مره اقولها ...في العجب
العجب يورينا عرض اكتافو
بقى محسوب على المريخ
و بيجرجر كرعينو
و ما عندو حبه زياده بيقدر يقدمها لي نفسو و لا للمريخ
مصعب يمشي و موسى الزومه يمشي و عاصم عابدين يمشي
و نجم الدين ينشاف ليهو بديل
و بله جابر ينشاف ليهو بديل
و سفاري ينشطب
و خط نص كامل ...قلق ينشطب و سعيد ينشطب و الباشا ينشطب ووارغو يمشي و الدافي يمشي و بديل تقيل و محترم للشغيل ...
ست جديد لنج
و حارس محترف ....
و كنبة احتياطي فيها سوط عنج
اي ككو حليمه غير الجهاز الفني و اللعيبه ما يقربا
و فريق شباب يهز و يرز
تمارينو صباح و مسا
و ياسر الشريف يتعلق في نص السوق العربي فوق طربيزة جزاره عظه و عبره
و معسكرات محترمه للفريق الاول
لا في الامارات و لا في مصر
لا مع بشتيل
و لا الفتى العربي ....

و بيت لعيبه قدامو كلب بوليسي جد جد ...
و تمارين صباح و مسا
و تجارب مع هارت لاند و الافريقي و ماميلودي صن دانز و الكرامه السوري و السد القطري و الشباب السعودي و وفاق سطيف و افريكا اسبورت و بترواتيليتكو ....
كل شهر مباراتين عيار تقيل ....

و لغلغه فارغه من همت و قريش ما تنفع
ضرب بالمبان و من غير تصريحات ....
و بيت اي ككو حليمه يتطاول يلحق بيت ابوشنب زمان ....

و غنم الاشلاق و الحراميه و الارزقيه و الصحافه (النص مكنه) يركبوا الزلط
ZANOON
19-11-2011, 11:22 PM
اول مره اقولها ...في العجب
العجب يورينا عرض اكتافو
بقى محسوب على المريخ
و بيجرجر كرعينو
و ما عندو حبه زياده بيقدر يقدمها لي نفسو و لا للمريخ
مصعب يمشي و موسى الزومه يمشي و عاصم عابدين يمشي
و نجم الدين ينشاف ليهو بديل
و بله جابر ينشاف ليهو بديل
و سفاري ينشطب
و خط نص كامل ...قلق ينشطب و سعيد ينشطب و الباشا ينشطب ووارغو يمشي و الدافي يمشي و بديل تقيل و محترم للشغيل ...


تيتو ....
لو نحن ديل كلهم دايرين غيار ومعاك حق والله.....
........
ناس ابو بونيه ديل دايرين شنو ؟؟؟
ابداها من الريس ......
وعد طوااااالي...
وياريت لو حصلتا فداسي ....
ابوالفن
20-11-2011, 11:00 PM
يوم الاربعاء سنلقن المريخ درساً لن ينساهو سادومبا جاهز وعينو علي الهداف والفرق بينو بين سكواها هدفين ويا ياسين ارجي الراجيك