الف مبروك الممتاز لفريق المريخ

[روبش]

الف الف الف مبرووووك لفريق المريخ الدوري الممتاز ... فقد أتى بعد حصاد وجهد مقدر يحسب للادارة التي يترأسها السيد / جمال الوالي . وللاعبين الذين سعوا لاسعاد قاعدتهم التي غابت طويلا عن افراح الممتاز، فقد فارق الممتاز الديار الزرقاء بعد سنوات من الاستحواز ... لذا التهنئة موصوله اولاً لجميع اعضاء منتدى ودمدني عاشقي الاحمر الوهاج وعلى رأسهم الزعيمة (عمتي) واخوانا ذنون وايمن واحمد علقم والجندي المجهول وتيتو الهندي وبتاع الجزيرة ابو جبره (محمد نور) وكل اهل القبيلة الحمراء هذا الانتصار المستحق
ختاما نتمنى ان يترجم هذا الانتصار في الاستحقاقات الخارجية بصورة افضل نتمنى ذلك

[الجندي المجهول]

الحبيب روبش
بصراحة تهنئتك اجمل من الانتصار نفسه لتدل على ( الوعي) الذي يتمتع به اعضاء منتديات ود مدني وكذلك الروح الرياضية

تخريمة : لكن ابشرك افريقيا لو ( ياهو دا الفريق) تاني حا نكون في نفس الدائرة ( لافين ساكت)
اقللاها المريخ محتاج يشطب (9 ) لاعبيبن مع المجاملة واولهم
1/ الزومة
2/سفاري
3/الدافي
4/محمد مقدم
5/هيثم طمبل
6/محمد كمال
7/اعتزال وتكريم (العجب)
8/كلتشي
9/حمد الشجرة

ولا زال في جعبتي الكثير ، أو حا تبقى القصمة مجاملة
واعرش على كدا ،،،

[ZANOON]

كبير ياكابتن ....
غايتو الفهم دا ....ماحق الصهاينه ....
ياروبش تعال راجع بيتك ...شبهنا عدييييل ...
خلقه ...واخلاق...
وحلاتك بالاحمر....
:
:
:
:
:
:
:
:
اقول:::الوالي زاااااتو نمشيهو ليك..بس انت ارجع

[hadi salih]

مبروك كاسآ رجعت ديارا سليمه
مبروك يازعيم إنشاءالله عامر ديمه
جبناهو الدهب فراسة ورجال وعزيمه
طوعنا الكفر والكوره بي تحكيمه

*********************
الحكمة عند الانتصار..
الدنيا ترقص وتنتشي..
والظلمة تتبدل نهار..
ما أحلى ساعة الانتصار..
لما البلد تهدأ وتروق..
ويهتف الجمع الخلوق..
مريخنا فوق.. مريخنا فوق


مليون مبروك يا جندينا ويا ذا النون يا ناسينا

[ZANOON]

مبروك كاسآ رجعت ديارا سليمه
مبروك يازعيم إنشاءالله عامر ديمه
جبناهو الدهب فراسة ورجال وعزيمه
طوعنا الكفر والكوره بي تحكيمه

*********************
الحكمة عند الانتصار..
الدنيا ترقص وتنتشي..
والظلمة تتبدل نهار..
ما أحلى ساعة الانتصار..
لما البلد تهدأ وتروق..
ويهتف الجمع الخلوق..
مريخنا فوق.. مريخنا فوق


مليون مبروك يا جندينا ويا ذا النون يا ناسينا

نحن اسياد بلد نقعد نقوم علي كيفنا..
ونحن الزعيم افريقيا تشهد لينا...
من بدايه الدوري ساكواها سوي عمايل..
وباديكو العجيب الليله عدل المايل..
..ننساك ياهادي والاربعاء قرررربت

[moh_alnour]

الف مبروك الممتاز لفريق المريخ

أقول : من قلبك :p
أقول تاني : عام 2008 فاز المريخ ببطولة الدوري
أي لم يغب طويلا ً عن الممتاز كما ذكرت
أقول للمرة الأخيرة : ما كان تخلي التهنئة بعد مباراة الهلال :rolleyes:

[روبش]

أقول للمرة الأخيرة : ما كان تخلي التهنئة بعد مباراة الهلال :rolleyes:

اقول ::: خايف اجرح مشاعرك

[moh_alnour]

اقول ::: خايف اجرح مشاعرك

أقول : لا ما تخاف المشاعر حديد و المريخ حديد
أقول : و الله التكريم من المقبرة أقصد من الزريبة ليهو طعم جميل خاااااااااااااااالص :rolleyes:

[ahmed algam]

أقول : لا ما تخاف المشاعر حديد و المريخ حديد
أقول : و الله التكريم من المقبرة أقصد من الزريبة ليهو طعم جميل خاااااااااااااااالص :rolleyes:


http://i41.tinypic.com/11qpauc.jpg

[مدنيّة]

زي ود الجاك انا ياروبش
البوست دا من قلبك!

---------
هسي امس ناسكم قفلوا الانوار
ترشيد استهلاك ولاشنو!