المساعد الشخصي الرقمي

مشاهدة النسخة كاملة : ككر النفاج يستضيف الانسانة الجميلة - مشرفة الإسلامي (تغريدا)


مايسة
26-11-2011, 09:47 AM
كن فى الحياة كعابر سبيل وأترك وراءك كل أثر جميل فما نحن فى الدنيا إلا ضيوف
وماعلى الضيوف إلا الرحيل


هكذا هو توقيعها في منتدانا


ضيفتنا إنسانة تجبرك على إحترامها
من أي ناحية -

دعونا نتعرف معا على أختنا





تغريدا -



إتفضلي لجوا
واكيد كلنا متشوقين عشان نتعرف عليك عن قُرب
مايسة
26-11-2011, 09:50 AM
غايتو بديك نصيحة أولية

النفاج دا خشي فيهو شمال طوالي
عشان ما يستفردو بيك الجماعة

ويختوك في اللستة حقتهم ويعتبروك جزء منهم
طبعا كلامي دا مبهم بالنسبة ليك - وكمية من الضمائر صح

لكن شوية كدا وحا تفهمي انا قصدته شنو

بس الشيخ حقهم يخش وحا تعرفي انا قصدته شنو
ريمون
26-11-2011, 09:55 AM
والله يا مايسه اختيار جميل جداً ..
تغريد دي زوله روعه عديييييل ..
مرحب حبابك يا ست الناس ..
ومشكورة مايسه ..
مايسة
26-11-2011, 10:01 AM
والله يا مايسه اختيار جميل جداً ..
تغريد دي زوله روعه عديييييل ..
مرحب حبابك يا ست الناس ..
ومشكورة مايسه ..

تسلمي ريم -
وعايزين نتعرف فعلا على الزولة الروعة
ونتمنى كمان نكون عند حسن ظنها فينا

- البنات بتعدو بالاصابع في المنتدى -
بعد شوية الا ندبل - وحا نبدأ بيك انت :p
المسافر
26-11-2011, 10:15 AM
كلمونا فهمونا أن مفروض نثبت البوست ده
الواحد بقى ما فاهم حاجة زاتو في المنتدى !!
والله أنا من الصباح حاسي أنو ده ما النفاج!!


تغريدا يا أختي
ألف مرحب يا ( زميل )
ونورتينا وإن شاء الله يطيب ليك المكان
بحيرى
26-11-2011, 10:32 PM
يا سلام عليك يا مايسه ....
والله فعلاً اختيار موفق لشخصية الكركر ....
اول مره تستضيفى لينا زول جادى ...!!!
لكن ...
هل تستطيع تغريدا الصبر على اهل النفاج ...؟!!
والله ما ظنيت ...
ديل ثقيلين جنس ثقاله ...
واحد ثقيل منهم سألنى من الصباح ...
قال لى الفرق بين تغريد وتغريدا شنو ...؟!!
واحد اثقل منو ...
قال لى دى تغريد الحلبيه ولا السمراء ....؟!!
واحد اثقل منهم الاتنين ...
قال لى دى تغريد الاسلاميه ولا الثقافيه ....؟!!
هسه عليكم الله تغريدا بتقدر علي الناس ديل ....!!
جنهم قلاط ... من مشرفهم اليمين الى مشرفهم الشمال وبالعكس ...!!
مايسة
26-11-2011, 10:44 PM
كلمونا فهمونا أن مفروض نثبت البوست ده
الواحد بقى ما فاهم حاجة زاتو في المنتدى !!
والله أنا من الصباح حاسي أنو ده ما النفاج!!


تغريدا يا أختي
ألف مرحب يا ( زميل )
ونورتينا وإن شاء الله يطيب ليك المكان


غايتو المتحيل تبكي الريشة
كدي حس بروحك اول وبعدين النفاج
---------------
اهااااااا
ولا تقول لي زميل ولا رفيق
بما انو هى زولة جديدة على الكركر
الإمتحان طواااااااالي بتاع القدرات
مايسة
26-11-2011, 10:49 PM
يا سلام عليك يا مايسه ....
والله فعلاً اختيار موفق لشخصية الكركر ....
اول مره تستضيفى لينا زول جادى ...!!!
لكن ...
هل تستطيع تغريدا الصبر على اهل النفاج ...؟!!
والله ما ظنيت ...
ديل ثقيلين جنس ثقاله ...
واحد ثقيل منهم سألنى من الصباح ...
قال لى الفرق بين تغريد وتغريدا شنو ...؟!!
واحد اثقل منو ...
قال لى دى تغريد الحلبيه ولا السمراء ....؟!!
واحد اثقل منهم الاتنين ...
قال لى دى تغريد الاسلاميه ولا الثقافيه ....؟!!
هسه عليكم الله تغريدا بتقدر علي الناس ديل ....!!
جنهم قلاط ... من مشرفهم اليمين الى مشرفهم الشمال وبالعكس ...!!


بحيري -
إزيك يا ود أمي - قالو مما عملته كلمة الشمعة
بقيت شايف حالك -
صحي الكلام دا:p
-------------------------
اها بخصوص الثقيل صحبك دا
قول ليهو ياخ الفرق الألف

--------------------
وبعدين قصدك شنو يعني أول مرة استضيف زول جادي
قصدك انو مدنية زولة ما جادة
والجندي
وساريه
والباقين
-----------------------

تغريد الثقيل صاحب الزول دا ما تشتغلي بيهو ثمح
أصلا دا نوع جديد من الثقالة :p
ahmed algam
26-11-2011, 11:18 PM
اهلا بتغريدا

في النفاج

وخصوصا الككر
مايسة
26-11-2011, 11:21 PM
اهلا بتغريدا

في النفاج

وخصوصا الككر


بالنيابة عن تغريدا
شكرن ود علقم وعقبال ما نبارك ليك كمان
-----------------

اها عايزين همة شوية الزولة دي جديدة علينا
وعايزين تشجيع أكتر ياخ
بحيرى
27-11-2011, 01:40 AM
بحيري -
إزيك يا ود أمي - قالو مما عملته كلمة الشمعة
بقيت شايف حالك -
صحي الكلام دا:p


والله تهمه لا انكرها .... نظام بقيت زول مهم وكده ...!!!


اها بخصوص الثقيل صحبك دا
قول ليهو ياخ الفرق الألف


فى زمتك الفرق الف بث ...!!!


وبعدين قصدك شنو يعني أول مرة استضيف زول جادي
قصدك انو مدنية زولة ما جادة
والجندي
وساريه
والباقين


مدنيه والجندى ديل حكومه .... ما بنقدر نتكلم فيهم ...
لكن ساريه والباقين ديل زينا وجاى ....
هبو هبو لا ام لا ابو ... قولى فيهم سااااااى ....!!



تغريد الثقيل صاحب الزول دا ما تشتغلي بيهو ثمح
أصلا دا نوع جديد من الثقالة :p


هاهاهاها ....
والله اخير ليها الثقيل ده من الثقاله الحتشوفها ....
ده حالتو المسافر ومودى ما شرفوا لسه ....!!!
تغريدا
27-11-2011, 01:58 AM
جاياااااااااااااكم ياحلوين بس مهلونى شوية اصلى لافه ببحت فى الككرات القديمة يمكن القى لى معلومة تعينى ومالاقية اتو الككرات القديمة بودوها وين وعليك الله يابحيرى خليكم حنينين على سسسسسسسسسسمح أها بجيكم المسا
ودسمير
27-11-2011, 02:34 AM
يا سلام عليك يا مايسه ....
والله فعلاً اختيار موفق لشخصية الكركر ....
اول مره تستضيفى لينا زول جادى ...!!!
لكن ...
هل تستطيع تغريدا الصبر على اهل النفاج ...؟!!
والله ما ظنيت ...
ديل ثقيلين جنس ثقاله ...
واحد ثقيل منهم سألنى من الصباح ...
قال لى الفرق بين تغريد وتغريدا شنو ...؟!!
واحد اثقل منو ...
قال لى دى تغريد الحلبيه ولا السمراء ....؟!!
واحد اثقل منهم الاتنين ...
قال لى دى تغريد الاسلاميه ولا الثقافيه ....؟!!
هسه عليكم الله تغريدا بتقدر علي الناس ديل ....!!
جنهم قلاط ... من مشرفهم اليمين الى مشرفهم الشمال وبالعكس ...!!

انت داير تولع النيران من حسى .....

كدى بينى وبينك ..... تغريدا دى صحى على وزن مديدا ؟!!
ودسمير
27-11-2011, 02:37 AM
انت متهمه بانك ضعيفة المشاركات والحضور للمناسبات المنتدى ...

يعنى على راى واحد اخونا .... مستثقلانا !! ولا نحنا ما قد المقام ؟!!
ريمون
27-11-2011, 02:43 AM
انت متهمه بانك ضعيفة المشاركات والحضور للمناسبات المنتدى ...

يعنى على راى واحد اخونا .... مستثقلانا !! ولا نحنا ما قد المقام ؟!!
ما قالوا ليك والشمس حيه ..
شنو ياخ ..!!!
ريمون
27-11-2011, 02:47 AM
جاياااااااااااااكم ياحلوين بس مهلونى شوية اصلى لافه ببحت فى الككرات القديمة يمكن القى لى معلومة تعينى ومالاقية اتو الككرات القديمة بودوها وين وعليك الله يابحيرى خليكم حنينين على سسسسسسسسسسمح أها بجيكم المسا
حركات ساريه وعلوني دي ما دايرنها ..
غايتو براعي الصحبه حبه بس قدر كده ...-اتخيلي براك-
وبجيك راجعه ..
همسات
27-11-2011, 03:20 PM
هلا هلا حباب الغاليه تغريدا
منوره النفاج والككر معا
بحيرى
27-11-2011, 08:56 PM
يابحيرى خليكم حنينين على سسسسسسسسسسمح أها بجيكم المسا


يا حنين ذى عش العصفور ... معروش بالنور ...
والله انا حنين جنس حنيه ...
بث ربنا ابعد العوارض ....
وبعدين ما تتزاوقى .... علشان نكون حلوين ...
نحن ناس بنحب الدقرى .... وحكاية بجيكم المساء ما بتخارجك ....
ولا عذر لمن انزر ....!!!
مع تحيات اعلام الدفاع الشعبى ...!!!
بحيرى
27-11-2011, 08:58 PM
كدى بينى وبينك ..... تغريدا دى صحى على وزن مديدا ؟!!


مديده ....!!
مديده وحاااااااره كمان ....!!!
بحيرى
27-11-2011, 09:00 PM
انت متهمه بانك ضعيفة المشاركات والحضور للمناسبات المنتدى ...
يعنى على راى واحد اخونا .... مستثقلانا !! ولا نحنا ما قد المقام ؟!!


يعنى بصريح العباره مقفله الغزاز .....
يعنى لو قدمت كلمة الاعضاء فى يوم الشمعه (ذى بحيرى) كان عملت شنو ...!!!
مايسة
27-11-2011, 09:51 PM
انت متهمه بانك ضعيفة المشاركات والحضور للمناسبات المنتدى ...

يعنى على راى واحد اخونا .... مستثقلانا !! ولا نحنا ما قد المقام ؟!!


الكلام دا شفتو وين قبل كدا
مايسة
27-11-2011, 09:54 PM
يا حنين ذى عش العصفور ... معروش بالنور ...
والله انا حنين جنس حنيه ...
بث ربنا ابعد العوارض ....
وبعدين ما تتزاوقى .... علشان نكون حلوين ...
نحن ناس بنحب الدقرى .... وحكاية بجيكم المساء ما بتخارجك ....
ولا عذر لمن انزر ....!!!
مع تحيات اعلام الدفاع الشعبى ...!!!


هوووووووووي يا بحيري
البوست دا ما للدعاية الشخصية
والحنية دي شيلها من هنا هسي - عارفين حنيتك :p
----------------------

الزولة دي قالت بجي المسا
والمسا المنتدى طشا كم ساعة كدا -
تكون حوار من حوار الشيخ واحنا ما عارفين
مايسة
27-11-2011, 09:55 PM
هلا هلا حباب الغاليه تغريدا
منوره النفاج والككر معا


همسات عاش من شافك ياخ
عساك عافية خيتي
مايسة
27-11-2011, 09:57 PM
حركات ساريه وعلوني دي ما دايرنها ..
غايتو براعي الصحبه حبه بس قدر كده ...-اتخيلي براك-
وبجيك راجعه ..


ريمون لو سمحت -
دا كركر وككر - يعني لازم تكركري الضيف تكرير
الصحوبية دي بعدين - ثمح
تغريدا
27-11-2011, 10:30 PM
كن فى الحياة كعابر سبيل وأترك وراءك كل أثر جميل فما نحن فى الدنيا إلا ضيوف
وماعلى الضيوف إلا الرحيل


هكذا هو توقيعها في منتدانا


ضيفتنا إنسانة تجبرك على إحترامها
من أي ناحية -

دعونا نتعرف معا على أختنا





تغريدا -



إتفضلي لجوا
واكيد كلنا متشوقين عشان نتعرف عليك عن قُرب






أولن بالتبادى أشكر اللخت مايسة شكرن عميقن على الدعوة الجميلة دى وياستى نردها ليك فى الافراح وككرات قريبات
تغريدا
27-11-2011, 10:36 PM
غايتو بديك نصيحة أولية

النفاج دا خشي فيهو شمال طوالي
عشان ما يستفردو بيك الجماعة

ويختوك في اللستة حقتهم ويعتبروك جزء منهم
طبعا كلامي دا مبهم بالنسبة ليك - وكمية من الضمائر صح

لكن شوية كدا وحا تفهمي انا قصدته شنو

بس الشيخ حقهم يخش وحا تعرفي انا قصدته شنو





ختيت نصيحتك فرق عينى وجيت داخلة اهى برقشة وفهمت كلامك ياغالية انتى قايلانى بمنأى عن الأحداث لااااااااااا كنت متابعة المظاهرات والحرب حقت النواعم وكنت معاكم بالدعاء بس وشيخكم دا شكله قووووووووووى خلى المنتدى أمس يطششششش عدييييل حيث كدا حباب الشيخ :)
مايسة
27-11-2011, 10:41 PM
أولن بالتبادى أشكر اللخت مايسة شكرن عميقن على الدعوة الجميلة دى وياستى نردها ليك فى الافراح وككرات قريبات



الرقشة جات بسرعة لكن :p
كم سلندر
ود المطامير
27-11-2011, 10:42 PM
أووووووووه
مولانا كيفك ياخ ؟
والله منوره الككر والنفاج
وجيتك لينا بالدنيا والله

سؤالى .. هلت إنتى راضيه عن حال القسم الإسلامى من ناحية تفاعل الأحبّه ؟
وما هى النصيحه التى توجهينها للمقصرين وأنا أولهم
تغريدا
27-11-2011, 10:44 PM
والله يا مايسه اختيار جميل جداً ..
تغريد دي زوله روعه عديييييل ..
مرحب حبابك يا ست الناس ..
ومشكورة مايسه ..


أهلن وسهلن حباااااااااااااااب ست الكرم والجودوالحلاااااااا كووووووله ريمون أها يختى وزارينى ياجارتى العزيزة أن شاء الله نوازرك فى يوم أثنين ولا سبت قادمات باذن الله:)
تغريدا
27-11-2011, 10:51 PM
كلمونا فهمونا أن مفروض نثبت البوست ده
الواحد بقى ما فاهم حاجة زاتو في المنتدى !!
والله أنا من الصباح حاسي أنو ده ما النفاج!!


تغريدا يا أختي
ألف مرحب يا ( زميل )
ونورتينا وإن شاء الله يطيب ليك المكان




غلطانين غلوطية شديدة أقل شئ كان يدوك (((((((((نكزززز))))))))))))))
المسافر يأخى الكريم حبابك ألف وعشرة أتفضل البيت بيتكم منوررر والمكان طيب بيكم مشكووووووووور
مايسة
27-11-2011, 10:57 PM
غلطانين غلوطية شديدة أقل شئ كان يدوك (((((((((نكزززز))))))))))))))
المسافر يأخى الكريم حبابك ألف وعشرة أتفضل البيت بيتكم منوررر والمكان طيب بيكم مشكووووووووور



أفهم من هذه المشاركة بأنك من رواد الفيس
أدينا نكزه طيب - على وزن لكزه - :p
ريمون
27-11-2011, 11:05 PM
ريمون لو سمحت - دا كركر وككر - يعني لازم تكركري الضيف تكرير الصحوبية دي بعدين - ثمح

بس كده ..
انتي تأمري ..
ليك علينا نخليها زيت كركار عديل كده ..
ساريه
27-11-2011, 11:05 PM
هلا بشيخى ......

اها اخش طوالى ولا تلاقينى برا احسن ؟؟؟؟

منورة والله
ساريه
27-11-2011, 11:10 PM
دا مرور سااااااااااااااااى
وما تقولى لى مرورك ذى عربية الكشه ....

بجييك للسؤالات ....

ذاااااااكرى كويس ... نصيحه .... وعشانك الباص من 20
مايسة
27-11-2011, 11:14 PM
بس كده ..
انتي تأمري ..
ليك علينا نخليها زيت كركار عديل كده ..


بس - ما تقولي عايزة لي شوية زيت كمان :o
مايسة
27-11-2011, 11:16 PM
دا مرور سااااااااااااااااى
وما تقولى لى مرورك ذى عربية الكشه ....

بجييك للسؤالات ....

ذاااااااكرى كويس ... نصيحه .... وعشانك الباص من 20


اليسمعك كدا يقول انت باصيتي :p:cool:
ما تكوني بس طالباها حاجة
ريمون
27-11-2011, 11:50 PM
ابدي بالسيرة الذاتية ..
بعدين وريني دخلت المنتدي كيف ؟؟
وقصة تاتا شنو ؟؟؟
بحيرى
28-11-2011, 12:43 AM
تغريدا ...
بدون اى مقدمات ....
حصل زغرتى ....؟!!!
ما عارف اسمك طوالى بزكرنى الزغاريد ....!!!
بحيرى
28-11-2011, 12:49 AM
تاتا ...
علاقتك شنو مع المطبخ ....؟!!!
ومن ياتو منظور ناس البيت بنظروا ليك وانتى فى المطبخ ...!!!
وهل قبل كده عزمتى ليك ناس للغداء فى البيت ....؟!!
واحساسك شنو لمن امبوبة الغاز تقطع ليك وانتى خاته الحله فى النار ....؟!!!
عمر المامون
28-11-2011, 02:00 AM
يلا شدي حييييلك وذغرتي سااااي يا تقرير ذي المرة ديك
تغريدا
28-11-2011, 08:12 AM
يا سلام عليك يا مايسه ....
ربنا يديها الصحة والعافية وعلى قدر نيتا الطيبة
والله فعلاً اختيار موفق لشخصية الكركر ....
شكرن لرايك الذوق
اول مره تستضيفى لينا زول جادى ...!!!
جادى جنس جداد:o
لكن ...
هل تستطيع تغريدا الصبر على اهل النفاج ...؟!!
والله ما ظنيت ...
ديل ثقيلين جنس ثقاله ...
ليه ياخ أصلهم بجدعوا بالطوب ولاشنو;)
واحد ثقيل منهم سألنى من الصباح ...
طالما من الصباح معناتو صباحك طلة الياسمين صح:)
قال لى الفرق بين تغريد وتغريدا شنو ...؟!!
تغريد+تغريدا- ألف=تغريد == توووووووووووووويتر
واحد اثقل منو ...
قال لى دى تغريد الحلبيه ولا السمراء ....؟!!
قوليه دى الخاطف لونين
واحد اثقل منهم الاتنين ...
قال لى دى تغريد الاسلاميه ولا الثقافيه ....؟!!
أكيد مابنفصلوا عن بعض والتانية دى فيها حته مزاجية شوية
هسه عليكم الله تغريدا بتقدر علي الناس ديل ....!!
بنقدر انت بس يدك معانا وبأذن الواحد بنمشى
جنهم قلاط ... من مشرفهم اليمين الى مشرفهم الشمال وبالعكس ...!!
سلاااااااام تحية نحن جند الله نحن جند الوطن



أهلن بيك يايحيرى والله منوووووور وشكرن ليك ياخ
تغريدا
28-11-2011, 08:16 AM
غايتو المتحيل تبكي الريشة
كدي حس بروحك اول وبعدين النفاج
---------------
اهااااااا
ولا تقول لي زميل ولا رفيق
بما انو هى زولة جديدة على الكركر
الإمتحان طواااااااالي بتاع القدرات




مايسة يابت أمى ماكنتى ماشة كوووووويس مالك على وبالمناسبة الأمتحان دا انا أجتزتوا بس ماجيت شلت النتيجة حقتى ولا شنو ياسعادة المشرف (انت اليمين ولا اليسار)
تغريدا
28-11-2011, 08:23 AM
بحيري -
إزيك يا ود أمي - قالو مما عملته كلمة الشمعة
بقيت شايف حالك -
صحي الكلام دا:p
-------------------------
اها بخصوص الثقيل صحبك دا
قول ليهو ياخ الفرق الألف
وفى النهاية كوله غنا طير
--------------------
وبعدين قصدك شنو يعني أول مرة استضيف زول جادي
قصدك انو مدنية زولة ما جادة
والجندي
وساريه
والباقين
لهم التحية والاحترام بلاحدود
-----------------------

تغريد الثقيل صاحب الزول دا ما تشتغلي بيهو ثمح
أصلا دا نوع جديد من الثقالة :p



خلاص كلمه عليك الله يابحيرى مايكره الضيوف
تغريدا
28-11-2011, 08:26 AM
اهلا بتغريدا

في النفاج

وخصوصا الككر

حبابك مليون يأحمد منووووور البيت بيتكم اتفضل مشكوووووووور
عقبال نجاملك فى ككرك يارب:)
تغريدا
28-11-2011, 08:29 AM
بالنيابة عن تغريدا
شكرن ود علقم وعقبال ما نبارك ليك كمان
-----------------

اها عايزين همة شوية الزولة دي جديدة علينا
وعايزين تشجيع أكتر ياخ



اى الدعوة عااااااااامة عموم والعيزومة فطور
تغريدا
28-11-2011, 08:34 AM
هاهاهاها ....
والله اخير ليها الثقيل ده من الثقاله الحتشوفها ....
ده حالتو المسافر ومودى ما شرفوا لسه ....!!!


انت عارف يابحيرى بكونوا مشوا يجيبوا التورتات والحلويات أكيد عايزين يعملوا لى حفلة كااااااااااربة انا ماأختهم ياخ أنت هسع الببسى القلت بتجيبه وينه غايتو بس حنك منك
تغريدا
28-11-2011, 08:38 AM
انت داير تولع النيران من حسى .....

كدى بينى وبينك ..... تغريدا دى صحى على وزن مديدا ؟!!

مااااااااااااايسة انت ماسامعة السؤال دا ليك
تغريدا
28-11-2011, 08:45 AM
نفسى انقطع عديييييييييل كده بمشى واجيكم كان الله مد فى العمر مساكم ورد دا الفاصل والاعلانات سمح

http://www.youtube.com/watch?v=9HGw2EDNQQk&feature=related
مايسة
28-11-2011, 08:56 AM
مااااااااااااايسة انت ماسامعة السؤال دا ليك



لي بوين -
انا ما رافعة اي قزاز -
---------------------------

عايني زي ما قالت ليك ريما
عايزين السيرة الذاتية بالتفصيل الممل -

ثمح

الاسم
العمر
المراحل الدراسية من الروضة ثمح
الهواية
الحالة الاجتماعية
مكان الاقامة
رقم التلفون
رقم البريد
الايميل

وبجيك اتم ليك الباقي

هربتي بث هسي
وختمتيها بياني
شكرن على الفاصل
تغريدا
28-11-2011, 09:47 AM
لي بوين -
انا ما رافعة اي قزاز -
---------------------------

عايني زي ما قالت ليك ريما
عايزين السيرة الذاتية بالتفصيل الممل -

ثمح

الاسم
العمر
المراحل الدراسية من الروضة ثمح
الهواية
الحالة الاجتماعية
مكان الاقامة
رقم التلفون
رقم البريد
الايميل

وبجيك اتم ليك الباقي

هربتي بث هسي
وختمتيها بياني
شكرن على الفاصل


هههههههههههههههههه وحات الله ياحبيبة عينى طششن قلت أخدر راحة بس
وانا ياخ ماعندى قزاز من أصلوا;););)
وحاااااااااااااااااااااضرين ياستى انتى بس تأمر أمر
بس علييييييك الله رفقاً بالقوارير:)
تغريدا
28-11-2011, 10:02 AM
انت متهمه بانك ضعيفة المشاركات والحضور للمناسبات المنتدى ...

يعنى على راى واحد اخونا .... مستثقلانا !! ولا نحنا ما قد المقام ؟!!

ود سمير حبابك مليييييييييييييييييييون وألف ومنور ياخ وسعيدة بجيتك أيما سعادة لكن ياخوى مالك داخل بالمديدة والنار المولعة دى
أها ياخوى ندخل فى الموضوع اولن بالتبادى أى زول والله فى المنتدى دا بعرفه ولما بعرفة على راسى من فوق وليه كل أحترام وود
نمرة أتنين الأتهام بتاع أنى ضعيفة المشاركات والحضور دى تهمة جد مابنفيها لانها حاصلة ودا لأسباب وظروف خاصة بى خارجة عن أرادتى لكن ليس تقليل من حجم الناس أو الاستهانة بيهم والله العظيم ياود سمير الخوة القيتا فى المنتدى دا مالقيتا فى مكان تانى بس البتمناهو من كل اخوانى وأخواتى يلتمسوا لى العذر لو قلت مشاركتى عبر الكيبور أو الحضور فى المناسبات
ومشكوووووووور ياود سمير ونجاملك فى الفرح يارب
بنت الرفاعي
28-11-2011, 10:06 AM
:):):)

أهلاً أهلاً بعزيزتنا تغريد،
وإن شاء الله تحقيق سعيد:rolleyes::cool:

:):):)
تغريدا
28-11-2011, 10:06 AM
ما قالوا ليك والشمس حيه ..
شنو ياخ ..!!!


أمسك عندك ياود سمير دى نمرة تلاته ايوا كدا وازرينى أنت يايمه اوازرك فى كككككككرك يارب
تغريدا
28-11-2011, 10:12 AM
حركات ساريه وعلوني دي ما دايرنها ..
غايتو براعي الصحبه حبه بس قدر كده ...-اتخيلي براك-
وبجيك راجعه ..


ساريه مالاها يايمه ماهى الحوار بتاعى وعلونى قالوا والقوالة تطير بكاى اناسمعت سمع بس ماشفت
عليك الله ياريمو خليك حنينة على
تغريدا
28-11-2011, 10:15 AM
هلا هلا حباب الغاليه تغريدا
منوره النفاج والككر معا



همسة ياخ انت وين الحقى أختك مزرورة زرة
منور بيكم ياستى تسلللللللللللللللللمى
تغريدا
28-11-2011, 10:25 AM
يا حنين ذى عش العصفور ... معروش بالنور ...
والله انا حنين جنس حنيه ...
بث ربنا ابعد العوارض ....
وبعدين ما تتزاوقى .... علشان نكون حلوين ...
نحن ناس بنحب الدقرى .... وحكاية بجيكم المساء ما بتخارجك ....
ولا عذر لمن انزر ....!!!
مع تحيات اعلام الدفاع الشعبى ...!!!




13979

علشان أنت حنين بس اوعك تدى ناس الدفاع الشعبى
المسافر
28-11-2011, 10:27 AM
أختنا تغريدا
أها بإذن الله تعالى بكرة عندك إمتحان النفاج التأسيسي
عشان نعرفك مستواك النفاجي ، وعلى العموم أنا بنصحك
تقرئ الكتب التالية عشان تساعدك في حل الإمتحان وتكوني
من المتفوقات والشاطرات وتجي الأولى مشترك :

في الإداب:
الأغاني , العقد الفريد , خزانة الأدب , أسرار البلاغة , طوق الحمامة

في اللغة :
الأغاني , العقد الفريد , خزانة الأدب , أسرار البلاغة , طوق الحمامة

في القرآن :
تفسير القرطبي , الكشاف , أسباب نزول القرآن , طبقات المفسرين , الإحكام في أصول القرآن

في التاريخ :
الكامل في التاريخ , تاريخ الرسل والملوك , مروج الذهب , فتوح الشام , تاريخ ابن خلدون

في الفقه :
المبسوط , المحلى , طبقات الحنابلة , ترتيب المدارك وتقريب المسالك , طبقات الفقهاء


في التصوف :
الفتوحات المكية , إحياء علوم الدين , المواقف والمخاطبات , الحكم العطائية , الطبقات الكبرى

في العقيد :
المنقذ من الضلال , مقالات الإسلاميين , نهاية الإقدام في علم الكلام , جامع الرسائل , الاقتصاد في الاعتقاد

في تفسير الأحلام :
تفسير الأحلام , الاشارات في علم العبارات , تعطير الأنام في تفسير الأحلام , موسوعة تفسير الأحلام

في الشعر :
أخبار أبي تمام , الحماسة البصرية , جمهرة أشعار العرب , طبقات الشعراء , يتيمة الدهر

وفي الختام تسمعي شرائط الفنانين التالية :
حمادة بت , الجزار , زهرة ردحي , قيقم ( فنان الثورة ) .

مع خالص الدعاء بالنجاح
تغريدا
28-11-2011, 10:29 AM
مديده ....!!
مديده وحاااااااره كمان ....!!!



أها المديييييييييييييييييييييييييييييييييييييييييييييي ييييييدة والروووووووووووب عيونى طششن ودى لسة الصفحة الاولى ياجماعة الروووووووووووووب:rolleyes::rolleyes::rolleyes::ro lleyes::rolleyes:
تغريدا
28-11-2011, 12:06 PM
يعنى بصريح العباره مقفله الغزاز .....
يعنى لو قدمت كلمة الاعضاء فى يوم الشمعه (ذى بحيرى) كان عملت شنو ...!!!


بصرييييييح العبارة انا أساساً ماعندى غزاز علشان أقفله
لكن لو قدمت كلمة الأعضاء فى يوم الشمعة كان غفلت غزازى:o:p
تغريدا
28-11-2011, 12:09 PM
الكلام دا شفتو وين قبل كدا


برئ يعمينى ويطرش جيرانى:cool::o:confused:
تغريدا
28-11-2011, 12:12 PM
هوووووووووي يا بحيري
البوست دا ما للدعاية الشخصية
والحنية دي شيلها من هنا هسي - عارفين حنيتك :p
----------------------

الزولة دي قالت بجي المسا
والمسا المنتدى طشا كم ساعة كدا -
تكون حوار من حوار الشيخ واحنا ما عارفين


الحمد لله يعنى دا الشيخ الطشش المنتدى انا كنت قايلاه دا ككرى كوكر الدنيا اقصد المنتدى
تغريدا
28-11-2011, 12:29 PM
ريمون لو سمحت -
دا كركر وككر - يعني لازم تكركري الضيف تكرير
الصحوبية دي بعدين - ثمح



بس كده ..
انتي تأمري ..
ليك علينا نخليها زيت كركار عديل كده ..


مفاااااااااااااجأة
بمناسبة العام الهجرى الجديد زيت الكركر الجديد
تغريداااااااااا مديداااااااااااااااااااا
احصلوا على طلبكم الكمية محدودة
وكل عام وانتم بخير
مايسة
28-11-2011, 09:52 PM
أها المديييييييييييييييييييييييييييييييييييييييييييييي ييييييدة والروووووووووووب عيونى طششن ودى لسة الصفحة الاولى ياجماعة الروووووووووووووب:rolleyes::rolleyes::rolleyes::ro lleyes::rolleyes:



غايتو جِرس شديدة
يا بت أركزي - وسرعة أصلي لينا حتة السيرة الذاتية دي
لأنو الاسئلة الجاية بتعتمد عليها ياخ :cool:
مايسة
28-11-2011, 09:53 PM
مفاااااااااااااجأة
بمناسبة العام الهجرى الجديد زيت الكركر الجديد
تغريداااااااااا مديداااااااااااااااااااا
احصلوا على طلبكم الكمية محدودة
وكل عام وانتم بخير



ربع رطل لو ممكن
تغريدا
29-11-2011, 05:32 AM
الرقشة جات بسرعة لكن :p
كم سلندر


دى لكن مارقشة الأحبة:):) جات سريع لانها جاياااااااكم
تغريدا
29-11-2011, 05:43 AM
أووووووووه
مولانا كيفك ياخ ؟
والله منوره الككر والنفاج
وجيتك لينا بالدنيا والله

سؤالى .. هلت إنتى راضيه عن حال القسم الإسلامى من ناحية تفاعل الأحبّه ؟
وما هى النصيحه التى توجهينها للمقصرين وأنا أولهم
أوووووووووووووووووووووووووووووووووووووووووووووو
معقول العين تعلا على الحاجب حباب شيخنااااااا الكبير حبابك والله ودا نوركم وشرف الله قدرك وتسلم على الترحيب وزى ماجيانكم أريتكم تجونا فى بيتنا الاسلامى
أها ياشيخنا بالنسبة لسؤالك أنا غير راضية لانه بالجد مقصرين وأنا أول المقصرين يعنى الواحد لو مانزل ليه موضوع على الاقل يدخل يشارك بمشاركة وكلمة ثناء وتشجيع مابتكلف شئ ولاشنو؟ وأتمنى أتمنى أنه القسم الاسلامى زى ماهو اول قسم من تفتح المنتدى يكون اول قسم بالمشاركات والمواضيع ويكون المنتدى كله منتعش مايكون كل قسم حكر على فئة معينة من المشاركات والتفاعل النصيحة لنفسى أولاً ثم الجميع وربنا يوفقنا نكون يد واحدة جوة وبرة والحمد لله
شكراً عميقاً شيخ النفاج ود المطامير ونووووووووووووووورتا
تغريدا
29-11-2011, 05:50 AM
أفهم من هذه المشاركة بأنك من رواد الفيس
أدينا نكزه طيب - على وزن لكزه - :p

عليك الله وش الكتاب دا فى زول ماقاعد يرتااااااااده
أها نكزززززززززززززز;)
تغريدا
29-11-2011, 05:55 AM
هلا بشيخى ......

اها اخش طوالى ولا تلاقينى برا احسن ؟؟؟؟

منورة والله


أنت ماغلبتى الشيخ وخليتيه يتلفت وخشى ساااااااى البيت بيتكم ياسروووووا والله منور بيك وطبعا أخير لى وعد اللقيا البرا

همسة وتخريمة ولفة بالجمبة: جد مشتاقة ليك ودايرة الاقيك بس انتى عارفة ؟
تغريدا
29-11-2011, 05:58 AM
دا مرور سااااااااااااااااى
وما تقولى لى مرورك ذى عربية الكشه ....

بجييك للسؤالات ....

ذاااااااكرى كويس ... نصيحه .... وعشانك الباص من 20


قولى بسسسسسسسسسسم الله ياأم أحمد ومرورك ياخ زى عربية الزهور وعلى بال ماتجى الككر بكون قفل أنا هسى بنتهى منه أسسسسسسى دى
تغريدا
29-11-2011, 06:02 AM
اليسمعك كدا يقول انت باصيتي :p:cool:
ما تكوني بس طالباها حاجة



أنا غايتو طالباااااااااااااااااااااها حاجات
تغريدا
29-11-2011, 06:13 AM
ابدي بالسيرة الذاتية ..
بعدين وريني دخلت المنتدي كيف ؟؟
وقصة تاتا شنو ؟؟؟


حااااااااااضرين ياريمونا
أها الاسم معروف أنا خريجة أقتصاد جامعة الجزيرة وأعمل الآن بقسم الحاسب الآلى والسكرتارية حاصلة على كورسات ودورات تدريبية فى الحاسب الآلى والسكرتارية والعلاقات العامة وأدارة الملفات كنت ناوية أدرس كلية الفنون الجميلة بس ربنا ماأراد والرغبة مازالت موجودة وسبب دخولى المنتدى كنت جد بفتش لى كلية أو معهد بختص بالفنون أو الفندقة والسياحة فى مدينة ودمدنى هنا وبالصدفة شفت المنتدى أتصفحته عجبنى وسجلت فيه أما تاتا دى كلمة حلوة خصتنى بيها أنسانة عزيزة أشكر ربنا على معرفتى بيها ومهما أقول مابقدر أوصفا وهى أم الجميع فى المنتدى بحكمتا وطيبتا وحلاوة كلاما الغالية (مدنية أم الجماااااااال) لها تحية والود والمحبة والجمال
تغريدا
29-11-2011, 06:19 AM
تغريدا ...
بدون اى مقدمات ....
حصل زغرتى ....؟!!!
ما عارف اسمك طوالى بزكرنى الزغاريد ....!!!


أها يابحيرى وبدون أى مقدمات ماحصل والله زغردت لأنى مابعرف وياريت كنت بعرف لأانه الزغاريد دائماً ليها وقع جميل على النفس وبتدخل الفرحة والبهجة وأن شاء الله دايماً تتزكرونا يابحيرى بالفرح والسعادة وكل شئ جميل
تخريمة بهناك: ماتخاف يوم عرسك كان الله حيانا بجيب لى صفارة
تغريدا
29-11-2011, 06:27 AM
تاتا ...
علاقتك شنو مع المطبخ ....؟!!!
ومن ياتو منظور ناس البيت بنظروا ليك وانتى فى المطبخ ...!!!
وهل قبل كده عزمتى ليك ناس للغداء فى البيت ....؟!!
واحساسك شنو لمن امبوبة الغاز تقطع ليك وانتى خاته الحله فى النار ....؟!!!


نعم يابحيرى........
علاقتى مع المطبخ علاقة لا بريدك ولا بتحمل بلاك
وناس البيت بنظرول لى لمن أكون فى المطبخ نظرة أنه الحاجة البعمل فيها دى ممكن يأكلوا يدهم كلها وراها أوووووو ماياكلوا خالص لانه يمكن تطلع تمرق العافية وتسكن بلاها
اى عزمت لى ناس غداء قاموا جونى عشاء
أحساسى لمن أمبوبة الغاز تقطع بكون نفسى أتغدى مع عمر البشير وزوجته
تغريدا
29-11-2011, 06:35 AM
يلا شدي حييييلك وذغرتي سااااي يا تقرير ذي المرة ديك


عمر المأمون أخوى أهلن بيك لكن ياخوى بهتنى بهيته شديدة أنت أكيد ملخبط :rolleyes::oعموما دا هاك دا حق أتوز وأنزل من زحمة المواصلات دى ومنوووووور
تغريدا
29-11-2011, 06:44 AM
:):):)

أهلاً أهلاً بعزيزتنا تغريد،
وإن شاء الله تحقيق سعيد:rolleyes::cool:

:):):)







هلاااااا وغلاااااا بالغالية بت الرفاعى لكن مالك ماجيت حققتى تسسسسسسسسسسللمى والسعادة بيكم ومعاكم
تغريدا
29-11-2011, 06:52 AM
أختنا تغريدا
أها بإذن الله تعالى بكرة عندك إمتحان النفاج التأسيسي
عشان نعرفك مستواك النفاجي ، وعلى العموم أنا بنصحك
تقرئ الكتب التالية عشان تساعدك في حل الإمتحان وتكوني
من المتفوقات والشاطرات وتجي الأولى مشترك :

في الإداب:
الأغاني , العقد الفريد , خزانة الأدب , أسرار البلاغة , طوق الحمامة

في اللغة :
الأغاني , العقد الفريد , خزانة الأدب , أسرار البلاغة , طوق الحمامة

في القرآن :
تفسير القرطبي , الكشاف , أسباب نزول القرآن , طبقات المفسرين , الإحكام في أصول القرآن

في التاريخ :
الكامل في التاريخ , تاريخ الرسل والملوك , مروج الذهب , فتوح الشام , تاريخ ابن خلدون

في الفقه :
المبسوط , المحلى , طبقات الحنابلة , ترتيب المدارك وتقريب المسالك , طبقات الفقهاء


في التصوف :
الفتوحات المكية , إحياء علوم الدين , المواقف والمخاطبات , الحكم العطائية , الطبقات الكبرى

في العقيد :
المنقذ من الضلال , مقالات الإسلاميين , نهاية الإقدام في علم الكلام , جامع الرسائل , الاقتصاد في الاعتقاد

في تفسير الأحلام :
تفسير الأحلام , الاشارات في علم العبارات , تعطير الأنام في تفسير الأحلام , موسوعة تفسير الأحلام

في الشعر :
أخبار أبي تمام , الحماسة البصرية , جمهرة أشعار العرب , طبقات الشعراء , يتيمة الدهر

وفي الختام تسمعي شرائط الفنانين التالية :
حمادة بت , الجزار , زهرة ردحي , قيقم ( فنان الثورة ) .

مع خالص الدعاء بالنجاح





بالغت فينى بوليغ شديد أت يالمسافر داير حبة النظر الفى دى تروح شمار فى مرقة ولاشنو دا نجاح وعمى مضممممممممممون :rolleyes::)
ياخ كدى راجعوا الارشيف انا أمتحانكم دا حليييييييييييييييييييييييته:confused:
تغريدا
29-11-2011, 06:57 AM
غايتو جِرس شديدة
يا بت أركزي - وسرعة أصلي لينا حتة السيرة الذاتية دي
لأنو الاسئلة الجاية بتعتمد عليها ياخ :cool:



أها ياغالية ركززززززت وأديتك السيرة الذاتية بس شوفى لى شغل عليك الله فى الأمارات عندكم:)
مايسة
29-11-2011, 07:33 AM
هلاااااا وغلاااااا بالغالية بت الرفاعى لكن مالك ماجيت حققتى تسسسسسسسسسسللمى والسعادة بيكم ومعاكم



أصبري بتجيك -
الا غايتو تحن عليك ساي -
مرام أمانة جيبي ليها أسئلتك ديك العاملة زي الامتحان بتاع النفاج
عشان يبقو ليها إمتحانين سمح ;)
مايسة
29-11-2011, 07:35 AM
أها ياغالية ركززززززت وأديتك السيرة الذاتية بس شوفى لى شغل عليك الله فى الأمارات عندكم:)



هههههههههههههههه
ناس الامارات بقولو عايزين السيرة الذاتية مكملة
مش ناقصة ومشحتفة زي حقتك دي
وأهم شئ يكون فيها ليسن ;):cool:
-----------------------
تميها أول وبعدين نتفاهم
مايسة
29-11-2011, 07:39 AM
سُعال - نمرة (1)

ما رائك في المثل صاحب بالين كضاب
والذي على وزن ركيب سرجين وقيع

لأقرب لك المثل او قصدي -
إذا قُبلتي بجامعتين في وقت واحد - ماذا ستفعلين


بإسهاب ثمح -


السؤال دا طبعا بعد السيرة الذاتية
(اي زول طبعا في الككر بقعد بهرب منها ما عارفة ليه);)
تغريدا
29-11-2011, 11:32 AM
أصبري بتجيك -
الا غايتو تحن عليك ساي -
مرام أمانة جيبي ليها أسئلتك ديك العاملة زي الامتحان بتاع النفاج
عشان يبقو ليها إمتحانين سمح ;)



شنو الحريش داياخ يعنى أصلوا زول مايتمنى لى زول السعادة التحقيقية مافى:mad::)
تغريدا
29-11-2011, 11:36 AM
هههههههههههههههه
ناس الامارات بقولو عايزين السيرة الذاتية مكملة
مش ناقصة ومشحتفة زي حقتك دي
وأهم شئ يكون فيها ليسن ;):cool:
-----------------------
تميها أول وبعدين نتفاهم



كدى عليك الله وضحى لى الكلمة دى جد مادرسونا ليها أو يمكن يوم درسوهم ليها أنا كنت غايبة وبعداك نتفاهم:p
ام ساره
29-11-2011, 03:14 PM
مرحب فيك خطوة عزيزة وشرفتينا.ونتمني ليك اجمل وأحلي الأوقات بين اهلك
بحيرى
29-11-2011, 09:17 PM
تخريمة بهناك: ماتخاف يوم عرسك كان الله حيانا بجيب لى صفارة



هاهاهاها ....
قالوا ليك داير اعرس مشرف نفايات ولا شنو ...!!!!
عنكوليب
29-11-2011, 10:41 PM
هاهاهاها ....
قالوا ليك داير اعرس مشرف نفايات ولا شنو ...!!!!

لا عشان ترقص مع ناس الكمبلا ،،،

بتعرفن يا بحيري ؟

تغريدا انتي قوية دوما ،،،

جاوبي على الناس ديل كلهن ،،، ذي ما دايرة،،،

وصدقيني ،،، فايزه ،،، فايزه ،،، ان شاء الله ،،
المسافر
29-11-2011, 11:15 PM
طبعاً الإمتحان ده أديناهو للأخت سارية بس للأسف ( هربت ) منه
عشان كده هي هسه ساقطة ( نفاج) ، قلنا نحولوا ليك عشان نعرفك
مقدرتك النفاجية :

جهمورية ( الزودان ) العشوائية
وزارة الصحة والعلوم والفن والرياضة
إمتحان النفاج

إسم الطالبة ……………………………………..

______________________
أوعك تجازفي وتكتبي في الدائرة دي
______________________


(أ) أختر الإجابة الصحيحة :

1- ( إحتمال أبيت برة ) هي عبارة عن :
( أ ) عزومة عرس (ب) غرفة نوم ( ج ) شنطة نسائية .
** الإجابة : ……….

2- ( قيقم ) هل هو ؟
( أ ) نوع من أنواع الحبوب (ب) فنان الثورة ( ج ) حيوان زاحف .
** الإجابة : ……….


3- صاحبة أغنية (الضعف دااا - سوء تغذية - العضم داااا -الكلب أباااا. . . وين الصفقة الصفقة النبق النبق ) ؟
( أ ) حنان ردحي (ب) مني منهول ( ج ) تراث وماضي أسود .
** الإجابة : ……….

4- رئيس يريد أن يحكم شعبه مؤبد (25) سنة وقيل أكثر ، وهو wanted ؟
( لا توجد خيارات )
** الإجابة : ……….

5- قناة ساهور قناة لتعظيم . . . . . . . . :
( أ ) الغناء (ب) الإختلاط ( ج ) كل ما ذكر صحيح .
** الإجابة : ……….

6- نتائج المنتخب السوداني المتوقعة في نهائيات بطولة أفريقيا 2012 بقيادة مازدا:
( أ ) ثلاثات (ب) أربعات ( ج ) أعداد فردية.
** الإجابة : ……….

7- المتمردين مالك عقار والحلو هما صناعة :
( أ ) المؤتمر الوطني (ب) جياد ( ج ) صناعة صينية .
** الإجابة : ……….

8- ولاية الجزيرة تحكم حكم رشيد :
( أ ) نعم (ب) لا لا ( ج ) معقولة بس.
** الإجابة : ……….

9- بدري صحيت من نومي ، هذه دعاية لـ :
( أ ) بتاع اللبن (ب) واحد شغال في النسيج ( ج ) شركة إتصالات.
** الإجابة : ……….

10- أسوا السرقات عن :
( أ ) سرقة الدولة (ب) سرقة الجيوب ( ج ) سرقة القلوب.
** الإجابة : ……….

11- لو إتصلت عليك واحدة وقالت ليك إنتي ما بتعرفيني نهائياً ، لكن أنا ما في زول بحصلني في كل شيء يعني بتزكي نفسها جداً في نفس ذات الوقت ، هذه الحالة تعاني من :
( أ ) إضطرابات نفسية (ب) إنفصام شخصية ( ج ) كل من ذكر صحيح .
** الإجابة : ……….


12- بماذا تدل هذه الأسماء العجيبة :
( أ ) مستطردة (ب) حرجلي ( ج ) تركوازي .
** الإجابة : ……….

13- ما هي أسرع وأسهل وأضمن طريقة لإستخراج الجنسية السودانية :
( أ ) مراجعة الجنسية والهجرة (ب) الذهاب إلى ( جمال الوالي ) ( ج ) الذهاب إلى المتهور ( الأمين البرير )
** الإجابة : ……….

14- أكثر المواد التالية آماناً في فرد الشعر :
( أ ) كركار (ب) ودك ( ج ) كريم ( التمليس )
** الإجابة : ……….


15- أكثر المواد المنتشرة الخاصة بتثمين النساء :
( أ ) حبوب ( حبيبي لاقني بكرة ) (ب) مديدة ( ج ) كسرة مخلوطة
** الإجابة : ……….


(ب) أكمل الفراغات :

1- نأكل مما نزرع ونلبس مما . . . . . ( نسرق ، نستورد ، نقلع ) .
2- ثورة الإنقطاس الـ . . . . ( دموي ، نهبي ، سلطوي ).
3- البيرقص ما بيغطي . . . . . ( دقنو ، دقنو ، دقنو ) .
4- كلما نهب مسؤول وإرتفع حتى كما طار . . . . . ( إرتفع تاني ، سكن كافوري ، ترقي في أعلى المناصب ) .
5- الراجل افجخي بصلة قبل ما يبقي . . . ( عوير ، يجن ، أصلة ) .

(ج) عللي :

1- إستعمال كريمات تفتيح البشرة . . . . . . . . . .
2- عرسان برنامج (أفراح أفراح ) كبار في السن ، هل المشكلة في البرنامج . . . . . . .
3- الكرور في البيوت السودانية . . . . . . . . . .
4- قلة أدب سواقين الرقشات . . . . . . . . .
5- كثرة الجزارات . . . . . . . . . . . . . .

(د) اختر من القائمة ( أ ) ما يناسبها من القائمة (ب) :-

القائمة ( أ ) القائمة ( ب )
1- الجيبا 1- غرفة وسيارات فقط ( . . . )
2- أعاني وأعاني 2- طايوووووق ( . . . )
3- قرقريبا 3- موضة عجيبة ( . . . )
4- مطار ود مدني 4- أكثر من عدد المواطنين ( . . . )
5- الأمجاد 5 – برنامج لعرض الملابس والميك أب ( . . . )

(هـ) أكمل أبيات الشعر التالية :-

1-
الدقو منو ياناس و مافي زول دقا ياناس دقا روحو برا
دقو يوم جمعة والامة مجتمعة و انكشحت السمعة
دقو في شمبات اتلمت العربات تشهد الثورات
. . . . . . . . . . . . . . . . . . . . . . . . .

2-
رافع القزاز مالك عامل تقول سيدا
غايتو فيك حاجات انا قلبي مابريده
. . . . . . . . . . . . . . . . . . . . . . . . .

3-
البغنو ديل كشى مشا
البغنو دايرين عشا
. . . . . . . . . . . . . . . . . . . . . . . . .

4-
لو قايلة ريدتنا زي مهند ونور
تبقي عيانة وشوفي ليك دكتور
رغم انو هواك ليا فيهو دهور
. . . . . . . . . . . . . . . . . . . . . . . . .

5-
جاب الاول ما مشكلة
جاب التانية ما مشكلة
جاب التالته ما مشكلي
جابني انا وما حلوا حلا
. . . . . . . . . . . . . . . . . . . . . . . . .


(و) أجيبي على الأسئلة التالية بإيجاز :-

1- أثناء عمل ( سليقة ) لزوجك وجدتي أن الزيت بقى كتير ؟
. . . . . . . . . . . . . . . . . . . . . . . . .
2- لو عايزة تشيلي ( غداء بيت بكاء ) الأنصاف المفروض تسويها شنو ؟.
. . . . . . . . . . . . . . . . . . . . . . . . .
3- هل يصل الإنسان إلى مرحلة ما يستطع تحمل تقطيع البصل بدون دموع ، متى وكيف؟
. . . . . . . . . . . . . . . . . . . . . . . . .
4- أسرع وسيلة للمواصلات تفضيلها عند خروج من البيت مع مراعاة ( ظروف خرم الأزون ) !
. . . . . . . . . . . . . . . . . . . . . . . . .
5- بلة دق الرقم جلا ، لماذا جلا ؟
. . . . . . . . . . . . . . . . . . . . . . . . .
6- أطول حلة طبيخ قعدت معاك في الثلاجة كم يوم ؟
. . . . . . . . . . . . . . . . . . . . . . . . .
7- كم حلة تمتلكين ومقاساتها ؟
. . . . . . . . . . . . . . . . . . . . . . . . .
8- طبعاً ركبتي رقشة !!!! ما الفرق بين الرقشة والكارو؟
. . . . . . . . . . . . . . . . . . . . . . . . .
9- زمن الدفارات ( أعاين ليك وإنت تبسم لي ) هل هو أفضل من زمن الأمجاد ( علبة ساردين ) ، ولماذا ؟
. . . . . . . . . . . . . . . . . . . . . . . . .
10- لماذا الجكس بقول دائماً عبارة ( إنت ما فاهمني ) ؟
. . . . . . . . . . . . . . . . . . . . . . . . .

(ح) ضع علامة صح او خطا :-

1- المؤتمر الوطني يعمل من أجل مصلحة الوطن والمواطن ( )
2- برنامج نجوم الغد برنامج يدعو إلى ضلال وفسوق ( )
3- يدار مشروع تجميل مدينة بواسطة إناس مثال في الأخلاق والنزاهة ( )
4- الكيزان مثال الشرف ( )
5- حب مهند لنور كان ضرباً من الخيال لا أساس له في الواقع ( )


(ر) من القائل :-

1-
الدقو منو ياناس و مافي زول دقا ياناس دقا روحو برا
دقو يوم جمعة والامة مجتمعة و انكشحت السمعة
دقو في شمبات اتلمت العربات تشهد الثورات
دقوهو يوم اتنين لخوهو لخ الطين دقوهو في عابدين
دقوهو يوم تلات دقو دق السواد دقو السايق امجاد
كفين و بلنجة و جابو الطبنجة في خور ابعنجة
دقوهو في الرابعة اضاني ماسامعة جا جاري للسابعة
دقوهو في الريفيرا بعكاز كبيرا دا السايق النوبيرا
جانا من جدة خشمو انسدة دقوهو في امبدة

. . . . . . . . . . . . . . . . . . . . . . . . .

2-
الضعف دااا
سوء تغذية
العضم داااا
الكلب أباااا
الشحم داااا
اللحم داااا
وين الصفقة ؟؟؟

. . . . . . . . . . . . . . . . . . . . . . . . .

3-
البغنو ديل كشى مشا
البغنو دايرين عشا
. . . . . . . . . . . . . . . . . . . . . . . . .

4-
لو قايلة ريدتنا زي مهند ونور
تبقي عيانة وشوفي ليك دكتور
رغم انو هواك ليا فيهو دهور
انتي عادية لا ملاك لا حور
. . . . . . . . . . . . . . . . . . . . . . . . .

5-
جاب الاول ما مشكلة
جاب التانية ما مشكلة
جاب التالته ما مشكلي
جابني انا وما حلوا حلا

. . . . . . . . . . . . . . . . . . . . . . . . .
تغريدا
30-11-2011, 05:46 AM
سُعال - نمرة (1)

ما رائك في المثل صاحب بالين كضاب
والذي على وزن ركيب سرجين وقيع

لأقرب لك المثل او قصدي -
إذا قُبلتي بجامعتين في وقت واحد - ماذا ستفعلين


بإسهاب ثمح -


السؤال دا طبعا بعد السيرة الذاتية
(اي زول طبعا في الككر بقعد بهرب منها ما عارفة ليه);)
أنت قايلة الكلام عن الذات دا هييييين كده:rolleyes::p:)


طيب حاجاوب عل سعالك فى صفحة براهو علشان أسههههههههب;)
تغريدا
30-11-2011, 06:03 AM
سُعال - نمرة (1)

ما رائك في المثل صاحب بالين كضاب
والذي على وزن ركيب سرجين وقيع

لأقرب لك المثل او قصدي -
إذا قُبلتي بجامعتين في وقت واحد - ماذا ستفعلين


بإسهاب ثمح -





طيب ياغالية نجى للسعال اول حاجة صاحب البالين دا ماكضاب فى كل الحالات اقوليك كيف يعنى أنا عن نفسى درست الجامعة بعد ماأشتغلت وكنت بدرس وبحضر محاضراتى وأمتحاناتى وكله تمام وفى نفس الوقت كنت بأدى شغلى على أكمل وجه بمعنى أنه العنده رغبة فى حاجة بحاول يزلل كل الصعاب ويهونا على نفسة وأهمها يفضى باله ويركز فى الحاجتين فى آن واحد أما بالنسبة للقبول فى جامعتين فى آن واحد بشوف برضوا أنها يمكن تكون صعبة لكن بجد كل أنسان أدرى بمقدراته أذا بقدر يوفق بين الأثنين ولا لا
أتمنى أكون أسههههههههههبت بالمفيد
مايسة
30-11-2011, 09:45 AM
شنو الحريش داياخ يعنى أصلوا زول مايتمنى لى زول السعادة التحقيقية مافى:mad::)



انت سيرة ساي خلتك ...
ما بعرف اوصف ليك حالك هسي

يحققو معاك معناتو الا نضرب 999
بنت الرفاعي
30-11-2011, 09:46 AM
عليك الله وش الكتاب دا فى زول ماقاعد يرتااااااااده
أها نكزززززززززززززز;)





:):):)


أكيد في.:rolleyes::cool:


:):):)
بنت الرفاعي
30-11-2011, 09:52 AM
هلاااااا وغلاااااا بالغالية بت الرفاعى لكن مالك ماجيت حققتى تسسسسسسسسسسللمى والسعادة بيكم ومعاكم







:):):)


يا ليت،
لكن في الككر السابق سألت سؤال والظاهر كل من قرأه
رأى أنهُ ما بيعنيه :D ،
وعليه ما سألتك (لكن الأخ المُسافر ما قصّر جاب ليهُ
أسئلة أسهل منّها أسئلتي المقالية:rolleyes::cool:):)


:):):)
مايسة
30-11-2011, 09:55 AM
كدى عليك الله وضحى لى الكلمة دى جد مادرسونا ليها أو يمكن يوم درسوهم ليها أنا كنت غايبة وبعداك نتفاهم:p




License
اها كدا كيف
تغريدا
30-11-2011, 09:57 AM
مرحب فيك خطوة عزيزة وشرفتينا.ونتمني ليك اجمل وأحلي الأوقات بين اهلك

هلا بالغالية أم سارة شرف الله قدرك ياستى ومشكورة ياذوق على الترحيب الجميل تسسسسسسسسسسلمى وأتمنى أكون خفيفة الظل عليكم
تغريدا
30-11-2011, 10:02 AM
انت سيرة ساي خلتك ...
ما بعرف اوصف ليك حالك هسي

يحققو معاك معناتو الا نضرب 999


ههههههههههههههههههههههههههههههههه أوصف ليك انا حالى طيب بالجد سعيدة ومبسوطة لأنى هنا وخلاص برجع للسيرة الذاتية بحلها كولها بس ماتكلموا تلاته تسعات:)
بنت الرفاعي
30-11-2011, 10:03 AM
أصبري بتجيك -
الا غايتو تحن عليك ساي -
مرام أمانة جيبي ليها أسئلتك ديك العاملة زي الامتحان بتاع النفاج
عشان يبقو ليها إمتحانين سمح ;)





:):):)


ما أدّيتوني إذن أو حتى تصريح علشان أسأل:rolleyes:
يعني بعض من الرد أعلاه جواب وتصريح؟!
أسئلة النفاج دي الواحد ما بيقدر يحلها كُلها،
فيها أشياء غريبة (أونكون نحن الما مواكبين)!!
زي ما قلتَ أسهل منّها أسئلتي:cool:

:):):)
تغريدا
30-11-2011, 10:05 AM
هاهاهاها ....
قالوا ليك داير اعرس مشرف نفايات ولا شنو ...!!!!



هاهاهاهاهاها
الصفارة لى أنا لأنى مابعرف أزغرد لمن أنت تجى مع الزفة أقوم أصفر بيها ;)
ومشرف النفايات مالو على الأقل تريحكم من الرسوم :o:p
تغريدا
30-11-2011, 10:09 AM
لا عشان ترقص مع ناس الكمبلا ،،،

بتعرفن يا بحيري ؟

تغريدا انتي قوية دوما ،،،

جاوبي على الناس ديل كلهن ،،، ذي ما دايرة،،،

وصدقيني ،،، فايزه ،،، فايزه ،،، ان شاء الله ،،


أوووووووه الأخ عنكوليبة والله منوووووووووووووورة ياستى طمنتينى الله يطمن قلبك فى يوم ككرك يااااااااااااااااارب أنت بس يدك معاى ياغالية وماعدمناك
تغريدا
30-11-2011, 10:15 AM
طبعاً الإمتحان ده أديناهو للأخت سارية بس للأسف ( هربت ) منه
عشان كده هي هسه ساقطة ( نفاج) ، قلنا نحولوا ليك عشان نعرفك
مقدرتك النفاجية :







حاضرين بأذن الله ماهااااااااربة ومن الناجحين وهدا أخوى عنكوليب طمنى وواقف معاى بجيكم للأمتحان بعدما أتعشى
تغريدا
30-11-2011, 10:22 AM
:):):)


أكيد في.:rolleyes::cool:


:):):)







تعرفى يابت الرفاعى (الاسم غالبنى متعودين على مرام):) أنا ماكنت من رواده وأردته من فترة قريبة بس حب استطلاع وأشوف الحاصل جوه وش الكتاب دا شنو والبتكلم بيه الصغير والكبير وعموم الناس
تغريدا
30-11-2011, 10:28 AM
:):):)


يا ليت،
لكن في الككر السابق سألت سؤال والظاهر كل من قرأه
رأى أنهُ ما بيعنيه :D ،

لاياخ مامعقول كدى حققى معاى وشوفينى بيعنينى ولالا

وعليه ما سألتك (لكن الأخ المُسافر ما قصّر جاب ليهُ
أسئلة أسهل منّها أسئلتي المقالية:rolleyes::cool:):)
أى والله ماتساعدونى :)


:):):)




منتظره تحقيقك سمح
تغريدا
30-11-2011, 10:34 AM
License
اها كدا كيف


هههههههههههههههههههههههههه معقول خلاص بمشى أعمل License وبجى
تغريدا
30-11-2011, 10:39 AM
:):):)


ما أدّيتوني إذن أو حتى تصريح علشان أسأل:rolleyes:
أنا أديتك الأذن بس ماتصعبى السؤال سمح
يعني بعض من الرد أعلاه جواب وتصريح؟!
أى تصرييييييييح
أسئلة النفاج دي الواحد ما بيقدر يحلها كُلها،
اى كلميهم وحات الله صعبة شديد
فيها أشياء غريبة (أونكون نحن الما مواكبين)!!
زي ما قلتَ أسهل منّها أسئلتي:cool:

:):):)




غريبة جنس غربة تعرفى أسى انا البجى فى راسى بس بقوله
تغريدا
30-11-2011, 10:51 AM
عايني زي ما قالت ليك ريما
عايزين السيرة الذاتية بالتفصيل الممل -

ثمح

الاسم : تغريد عبد العظيم سعيد عبد الهادى زياد
العمر : عمر الزهوروالمنى
المراحل الدراسية من الروضة ثمح: روضة التمرين وبعدها الابتدائى مدارس التمرين المتوسط مدرسة (ب)بنات وحاليا اسمها نازك الملائكة الثانوى مدرسة مدنى بنات الجامعة الجزيرة كليه الاقتصاد
الهواية : الرسم والقرأة وأحياناً الكتابة
الحالة الاجتماعية : معقدة جداً
مكان الاقامة :ودمدنى الجميلة
رقم التلفون تلاتة تسعات ;)
رقم البريد :هو عليك الله تانى فى بريد ولابكره;)
الايميل :tgreedabdelazeem@yahoo.com

وبجيك اتم ليك الباقي




أها ياغاليه كدا كيييييييييييييييييييييييييييف بعد كدا الوظيفة فى الامارات وجبت
مايسة
30-11-2011, 10:52 AM
:):):)


ما أدّيتوني إذن أو حتى تصريح علشان أسأل:rolleyes:
يعني بعض من الرد أعلاه جواب وتصريح؟!
أسئلة النفاج دي الواحد ما بيقدر يحلها كُلها،
فيها أشياء غريبة (أونكون نحن الما مواكبين)!!
زي ما قلتَ أسهل منّها أسئلتي:cool:

:):):)






أولا : قريت المشاركة دي بعد ما طلعته
ثانيا ما فهمتك طبعا - قاصدة شنو بكلامك دا - معليش الكُبر وكدا ;):cool:
ثالثا لو ما خانتني الذاكرة - بخصوص الككر السابق سألتي قلتي الواحد ممكن يعيد الأسئلة
وبتخيل دي ما محتاجة أذن ولا شنو - :rolleyes:

أي شخص حر يسأل الحاجة العايزة والبيشوفها مناسبة

همسة : ما تبقى حساسة كدا ثمح
أكيد ما قصدته ما أرد عليك في الككر السابق

أخيرا : معناتو علوني الله نجدو منك :eek:
بمزح طبعا ثمح

وأهو ست الككر أدتك الأذن -
مايسة
30-11-2011, 10:58 AM
أها ياغاليه كدا كيييييييييييييييييييييييييييف بعد كدا الوظيفة فى الامارات وجبت


وجبت تب -
لكن في شئ تاني -
بعد ما تحلى الحالة المعقدة جدا دي
هههههههههههههههه

طبعا ذكرتيني في الفيس - في الحالة الاجتماعية
كل الناس بتختار الوضع معقد
يفكو العقدة بس وبتنحلى صح
تغريدا
30-11-2011, 11:06 AM
بسسسسسسسسسسسسسسسسسسسسسسسسسسسم الله الواحد الأحد

جهمورية ( الزودان ) العشوائية
وزارة الصحة والعلوم والفن والرياضة
إمتحان النفاج

إسم الطالبة : تغريداااااا مديداااااااااااا

______________________
أوعك تجازفي وتكتبي في الدائرة دي: سمح
______________________



(أ) أختر الإجابة الصحيحة :

1- ( إحتمال أبيت برة ) هي عبارة عن :
( أ ) عزومة عرس (ب) غرفة نوم ( ج ) شنطة نسائية .
** الإجابة : شنطة نسائية

2- ( قيقم ) هل هو ؟
( أ ) نوع من أنواع الحبوب (ب) فنان الثورة ( ج ) حيوان زاحف .
** الإجابة : حيوان زاحف


3- صاحبة أغنية (الضعف دااا - سوء تغذية - العضم داااا -الكلب أباااا. . . وين الصفقة الصفقة النبق النبق ) ؟
( أ ) حنان ردحي (ب) مني منهول ( ج ) تراث وماضي أسود .
** الإجابة : تراث وماضى اسود

4- رئيس يريد أن يحكم شعبه مؤبد (25) سنة وقيل أكثر ، وهو wanted ؟
( لا توجد خيارات )
** الإجابة : أحسن زاتو

5- قناة ساهور قناة لتعظيم . . . . . . . . :
( أ ) الغناء (ب) الإختلاط ( ج ) كل ما ذكر صحيح .
** الإجابة :كل ماذكر صااااااااااااااااااح

6- نتائج المنتخب السوداني المتوقعة في نهائيات بطولة أفريقيا 2012 بقيادة مازدا:
( أ ) ثلاثات (ب) أربعات ( ج ) أعداد فردية.
** الإجابة :لا دا ماقاعدة أعرف ليه

7- المتمردين مالك عقار والحلو هما صناعة :
( أ ) المؤتمر الوطني (ب) جياد ( ج ) صناعة صينية .
** الإجابة : صينية محسنة

8- ولاية الجزيرة تحكم حكم رشيد :
( أ ) نعم (ب) لا لا ( ج ) معقولة بس.
** الإجابة : هى فيها حكم اساساً

9- بدري صحيت من نومي ، هذه دعاية لـ :
( أ ) بتاع اللبن (ب) واحد شغال في النسيج ( ج ) شركة إتصالات.
** الإجابة : بتاع اللبن

10- أسوا السرقات عن :
( أ ) سرقة الدولة (ب) سرقة الجيوب ( ج ) سرقة القلوب.
** الإجابة : سرقة القلوب ماسمعت حرامى القلوب تلب





صراحة العشاء كابس على بجيكم يوم تانى للباقى سمح:o
مصطفى الشلبى
30-11-2011, 12:46 PM
[zmn1.com] بدأ البث الأول 2
TO: More recipientsCC: recipientsYou MoreBCC: recipientsYou
Hide Details FROM:كافل القلوب Message flagged Monday, November 21, 2011 5:59 PMMessage body




كافل القلوب







: بدأ البث الأول


الرجاء النشر ولو لشخص واحد وجزيت خيرا




بدأ البث الأول لقناة الدفاع عن الرسول عليه أفضل الصلاة والسلام

التردد عمودي 10911 أو 10917



رجاءً إرساله لمن تعرف ليرسله من لا تعرف
فهذا حبيبنا رسول الله محمد بن عبدالله- صلى الله عليه وسلم-


تم تدشين موقع لسيرة الرسول الكريم - صلى الله عليه وسلم- بعشر لغات.. سيتم اضافة المزيد من اللغات قريبا بإذن الله
! http ://www.islamway .com/mohammad /



وهذا موقع كتاب يسرد سيره الرسول ويوضح الاسلام

للغه الأنجليزيه English
http://www.islam- guide.com

للغه الفرنسيه French
http://www.islam- guide.com/ f r< /SPAN>


للغه الأيطاليه Italy
http://www.islam- guide.com/ it!

للغه الأسبانية Spanish
http://www.islam- guide.com/ es

للغه الصينيه China
http://www.islam- guide.com/ cs /


للغه اليابانيه Japan
http://www.islam- guide.com/ jp /


للغه الالمانيه Germany
http://www.islam- guide.com/ de /

موقع الكتاب على الانترنت هو :
http://www.islam- guide.com


http://www.i- g.org

وهذا الكتاب على هيئة بي دي اف بشكل الكتاب الاصلي :
http://www.islam- guide.com/ Islam-guide. PDF

شارك في الأجر .. بإذن الله .. وأنشر هذه الرساله قدر استطاعتك
اللهم لك الحمد والشكر كما ينبغي لجلال وجهك وعظيم سلطانك
سبحانك اللهم وبحمدك أشهد ألا إله إلا أنت أستغفرك وأتوب إليك
الرجاء النشر ولو لشخص واحد وجزيت خيرا



اللهم صلي وسلم على سيدنا محمد وعلى آل محمد كما
صليت على إبراهيم وعلى آل إبراهيم وبارك على محمد وعلى آل محمد كما
باركت على
إبراهيم وعلى آل إبراهيم في العالمين انك حميد مجيد
اللهم اني استغفرك و أتوب إليك



















--
قروب زمن الوفاء على الفيس بوك
http://www.facebook.com/home.php?sk=...508400947&ap=1
للاشتراك بقروب زمن الوفاء اضغط على الرابطة التالية
http://groups.google.com.sa/group/zmn1/boxsubscribe
اضف ايميلك وبعدها تصل الى بريدك رسالة التأكيد اضغط عليها
للمشاركة بالقروب على الايميل
zmn1@googlegroups.com
لإلغاء الاشتراك في هذه المجموعة، ابعث برسالة إلكترونية إلى
zmn1+unsubscribe@googlegroups.com
لزيارة القروب
http://groups.google.com/group/zmn1?hl=ar?hl=ar
قناة زمن الوفاء باليوتيوب
http://www.youtube.com/user/zmn11403
لزيارة موقع ومنتدى زمن الوفاء
http://www.zmn1.com/vb


Uploads by zmn11403By zmn11403| 122 videos
Watch All2 Attached files| 39KBATT00001ATT00002View SlideshowDownload AllReply to:
Reply to ma.9996@hotmail.com




Reply to ma.9996@hotmail.com Send منقول للا مانه ولكن ابحث عن الاجر مصطفى الشلبى
ودسمير
01-12-2011, 03:27 AM
طالبك قزازة كوكا كولا !!
بحيرى
02-12-2011, 05:55 AM
طالبك قزازة كوكا كولا !!



لا فى دى عندك حق ...
وانا شاهد كمان انك ابيت تشيل منها امنيِه ....
ساريه
02-12-2011, 08:03 AM
طالبك قزازة كوكا كولا !!



وكولتى الشربتها نسيتا ؟؟؟؟؟؟؟؟؟
ناس تشرب وتنكر !!!
بت أم درمان
02-12-2011, 10:04 AM
منورة يا تغريدا يا عسل
وزي ما بقولوا تجي متأخر احسن من انك ما تجي اصلا
بت أم درمان
03-12-2011, 02:43 AM
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج خ ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
بنت الرفاعي
03-12-2011, 10:21 AM
تعرفى يابت الرفاعى (الاسم غالبنى متعودين على مرام):) أنا ماكنت من رواده وأردته من فترة قريبة بس حب استطلاع وأشوف الحاصل جوه وش الكتاب دا شنو والبتكلم بيه الصغير والكبير وعموم الناس





:):):)

قولي الإسم اللي بيعجبك ويريحك لو سمحتِ:)،
وبعد ما دخلتِ لقيتِ شنو؟
والفوائد التي قد تعود على من يدخله؟!
يعني لو سمحتِ تحدثي عنه.:rolleyes::cool:


:):):)
تغريدا
03-12-2011, 10:24 AM
وجبت تب -
لكن في شئ تاني -
بعد ما تحلى الحالة المعقدة جدا دي
هههههههههههههههه

طبعا ذكرتيني في الفيس - في الحالة الاجتماعية
كل الناس بتختار الوضع معقد
يفكو العقدة بس وبتنحلى صح


[CENTER]عأتيها زيااااااااااااادة كده :rolleyes:
[/CENTER
بنت الرفاعي
03-12-2011, 10:27 AM
منتظره تحقيقك سمح





:):):)


طيب وبما أني أخذت الإذن (مُشترك)
(مع الشُكر والتقدير لكما:))،
نمشي للسؤال الثاني بشقيه::rolleyes::)

- تحدثي لنا عن طفولتك لو سمحتِ،
ومراحل الدراسة كيف كانت؟!


:):):)
تغريدا
03-12-2011, 10:29 AM
[zmn1.com] بدأ البث الأول 2
TO: More recipientsCC: recipientsYou MoreBCC: recipientsYou
Hide Details FROM:كافل القلوب Message flagged Monday, November 21, 2011 5:59 PMMessage body




كافل القلوب







: بدأ البث الأول


الرجاء النشر ولو لشخص واحد وجزيت خيرا




بدأ البث الأول لقناة الدفاع عن الرسول عليه أفضل الصلاة والسلام

التردد عمودي 10911 أو 10917



رجاءً إرساله لمن تعرف ليرسله من لا تعرف
فهذا حبيبنا رسول الله محمد بن عبدالله- صلى الله عليه وسلم-


تم تدشين موقع لسيرة الرسول الكريم - صلى الله عليه وسلم- بعشر لغات.. سيتم اضافة المزيد من اللغات قريبا بإذن الله
! http ://www.islamway .com/mohammad /



وهذا موقع كتاب يسرد سيره الرسول ويوضح الاسلام

للغه الأنجليزيه English
http://www.islam- guide.com

للغه الفرنسيه French
http://www.islam- guide.com/ f r< /SPAN>


للغه الأيطاليه Italy
http://www.islam- guide.com/ it!

للغه الأسبانية Spanish
http://www.islam- guide.com/ es

للغه الصينيه China
http://www.islam- guide.com/ cs /


للغه اليابانيه Japan
http://www.islam- guide.com/ jp /


للغه الالمانيه Germany
http://www.islam- guide.com/ de /

موقع الكتاب على الانترنت هو :
http://www.islam- guide.com


http://www.i- g.org

وهذا الكتاب على هيئة بي دي اف بشكل الكتاب الاصلي :
http://www.islam- guide.com/ Islam-guide. PDF

شارك في الأجر .. بإذن الله .. وأنشر هذه الرساله قدر استطاعتك
اللهم لك الحمد والشكر كما ينبغي لجلال وجهك وعظيم سلطانك
سبحانك اللهم وبحمدك أشهد ألا إله إلا أنت أستغفرك وأتوب إليك
الرجاء النشر ولو لشخص واحد وجزيت خيرا



اللهم صلي وسلم على سيدنا محمد وعلى آل محمد كما
صليت على إبراهيم وعلى آل إبراهيم وبارك على محمد وعلى آل محمد كما
باركت على
إبراهيم وعلى آل إبراهيم في العالمين انك حميد مجيد
اللهم اني استغفرك و أتوب إليك



















--
قروب زمن الوفاء على الفيس بوك
http://www.facebook.com/home.php?sk=...508400947&ap=1
للاشتراك بقروب زمن الوفاء اضغط على الرابطة التالية
http://groups.google.com.sa/group/zmn1/boxsubscribe
اضف ايميلك وبعدها تصل الى بريدك رسالة التأكيد اضغط عليها
للمشاركة بالقروب على الايميل
zmn1@googlegroups.com
لإلغاء الاشتراك في هذه المجموعة، ابعث برسالة إلكترونية إلى
zmn1+unsubscribe@googlegroups.com
لزيارة القروب
http://groups.google.com/group/zmn1?hl=ar?hl=ar
قناة زمن الوفاء باليوتيوب
http://www.youtube.com/user/zmn11403
لزيارة موقع ومنتدى زمن الوفاء
http://www.zmn1.com/vb


Uploads by zmn11403By zmn11403| 122 videos
Watch All2 Attached files| 39KBATT00001ATT00002View SlideshowDownload AllReply to:
Reply to ma.9996@hotmail.com




Reply to ma.9996@hotmail.com Send منقول للا مانه ولكن ابحث عن الاجر مصطفى الشلبى


اللهم صلي وسلم على سيدنا محمد وعلى آل محمد كما
صليت على إبراهيم وعلى آل إبراهيم وبارك على محمد وعلى آل محمد كما
باركت على
إبراهيم وعلى آل إبراهيم في العالمين انك حميد مجيد
اللهم اني استغفرك و أتوب إليك
جزاك الله خير مصطفى الشلبى بس لو تسمح لو التوجيه دا يكون فى القسم الاسلامى سلمت يداك
المسافر
03-12-2011, 10:30 AM
صراحة العشاء كابس على بجيكم يوم تانى للباقى سمح:o




تغريدا
قابليني في أسرع وقت ممكن

الأستاذ
تغريدا
03-12-2011, 10:38 AM
طالبك قزازة كوكا كولا !!

فى الصقط دا ياودسمير :rolleyes::p:cool:
مافى مشكله نشربهم قزازتين فى تخريج سمير ونجاحه:)
تغريدا
03-12-2011, 10:40 AM
لا فى دى عندك حق ...
وانا شاهد كمان انك ابيت تشيل منها امنيِه ....


أنت يايمه أشهدوا عليك قاعد فى الكوشه (ماحقت الوسخ):o:);)
تغريدا
03-12-2011, 10:44 AM
وكولتى الشربتها نسيتا ؟؟؟؟؟؟؟؟؟
ناس تشرب وتنكر !!!



البركة فى الكوكا كولا الجابتك تعاودى ككرى تانى أقهدى بجيب ليك ببسى :)
تخريمه بالببسى : أريتك ماصاحبتى :mad:
تغريدا
03-12-2011, 10:54 AM
منورة يا تغريدا يا عسل
وزي ما بقولوا تجي متأخر احسن من انك ما تجي اصلا

بت ام در يا حبيبة يا منى يا قصيدة يا مليانة طيبة النور نورك ياستى ولايهمك كأنك
حاضرة الزرة من الاول :)
بس تانى متتأخرى:o
تغريدا
03-12-2011, 11:01 AM
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج خ ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج
ج ج ج ج ج ج ج ج ج ج ج ج

تصدقى ياغالية كنت بكره مادة الرياضيات جنس كره ولليوم بكره أى حاجة فيها أرقام وحسابات ماعرفه له سبحان الله وكنت طبعاً أحب مادة الفنون والانجليزى واستمتع بحصصهم جداً
المهم الحرف الشاذ هنا جردل والبديل جركانه
تغريدا
03-12-2011, 11:13 AM
:):):)

قولي الإسم اللي بيعجبك ويريحك لو سمحتِ:)،
بصراحة بريحنى أسم مرام
وبعد ما دخلتِ لقيتِ شنو؟
والفوائد التي قد تعود على من يدخله؟!
يعني لو سمحتِ تحدثي عنه.:rolleyes::cool:
:):):)



شوفى ياستى بالجد يمكن يكون هنالك فوائد ويمكن هنالك عيوب أنا عن نفسى بدخل الصفحة بتاعتى وكأنى بقرأ فى جريدة يوميه يعنى فيها من كل الاخبار وطبعا الشئ دا أنا العملاهو لنفسى يعنى وماقاعدة أكتب أى شئ إلا اللهم مقال او موضوع يلفت نظرى بقوم أنزله فى صفحتى وبالجد مستفيدة من الاخبار السريعة البلقاها فيه وصح ممكن تتوفر فى مكان تانى دى بس بصراحة الفايدة اللقيتا منه أما غير كدا لاشئ مستفاد يزكر
تغريدا
03-12-2011, 11:22 AM
:):):)


طيب وبما أني أخذت الإذن (مُشترك)
(مع الشُكر والتقدير لكما:))،
أنتى كمان بدوك الأذن ياخ أنتى صاحبة البيت
نمشي للسؤال الثاني بشقيه::rolleyes::)
الله يستتتتتتتر:):):):):):)
- تحدثي لنا عن طفولتك لو سمحتِ،
ومراحل الدراسة كيف كانت؟!


:):):)




حااااااااضرين ياستى جيك ليها برووووووواق :)
تغريدا
03-12-2011, 11:26 AM
تغريدا
قابليني في أسرع وقت ممكن

الأستاذ


بس مايكون جمب الشجرة الواقفة عندها الغنماية ;)
أسى أنا حالتى جايه ألملم باقى زيتى دا وأتخارج:o
مايسة
03-12-2011, 09:30 PM
بت ام در يا حبيبة يا منى يا قصيدة يا مليانة طيبة النور نورك ياستى ولايهمك كأنك
حاضرة الزرة من الاول :)
بس تانى متتأخرى:o



هسي وين الزرة
غاااااااااااااااااايتو - :cool:;)
بت أم درمان
03-12-2011, 10:43 PM
هسي وين الزرة
غاااااااااااااااااايتو - :cool:;)

كلامك دا براااهو زرة هههههههه
بت أم درمان
03-12-2011, 10:47 PM
تصدقى ياغالية كنت بكره مادة الرياضيات جنس كره ولليوم بكره أى حاجة فيها أرقام وحسابات ماعرفه له سبحان الله وكنت طبعاً أحب مادة الفنون والانجليزى واستمتع بحصصهم جداً
المهم الحرف الشاذ هنا جردل والبديل جركانه


دا كلو من الموية البتقطع ;)
اي شي تشوفيهو جرادل وجركانات
هههههه
بنت الرفاعي
04-12-2011, 09:25 AM
أولا : قريت المشاركة دي بعد ما طلعته
ثانيا ما فهمتك طبعا - قاصدة شنو بكلامك دا - معليش الكُبر وكدا ;):cool:

:D
قلتِ أسألها وهو المقصود.
:)

ثالثا لو ما خانتني الذاكرة - بخصوص الككر السابق سألتي قلتي الواحد ممكن يعيد الأسئلة
وبتخيل دي ما محتاجة أذن ولا شنو - :rolleyes:

:o:o:o

أي شخص حر يسأل الحاجة العايزة والبيشوفها مناسبة

:):):)
:):)
:)



همسة : ما تبقى حساسة كدا ثمح
أكيد ما قصدته ما أرد عليك في الككر السابق

:o:o:o
........
....
..
.
:rolleyes:
:)


أخيرا : معناتو علوني الله نجدو منك :eek:
بمزح طبعا ثمح

وأهو ست الككر أدتك الأذن -




:D :D
:cool:
لكن في ناس ما قصروا:rolleyes::cool:


نشوفها من الصابرين ولّا زي بعض السابقين ;)
:cool:



:):):)
تغريدا
05-12-2011, 06:00 AM
هسي وين الزرة
غاااااااااااااااااايتو - :cool:;)



كلامك دا براااهو زرة هههههههه

بت أم در ورتك ;);););););)
تغريدا
05-12-2011, 06:03 AM
دا كلو من الموية البتقطع ;)
اي شي تشوفيهو جرادل وجركانات
هههههه


أى والله يابت أم در كل الرؤيه بقت ملخبطة والحياة جردل ألوان ملخبط ومكشوح ربنا يهون ويلطف بالعباد
تغريدا
05-12-2011, 06:13 AM
:):):)

- تحدثي لنا عن طفولتك لو سمحتِ،
ومراحل الدراسة كيف كانت؟!


:):):)




طفولتى بجد كانت جميلة وأتمنى لو الزمن يعود بى تانى وأرجع ليها حقيقة كانت حلوة جداً وبعض من ذكرياتها عالقة بذهنى لليوم أحلى شئ شقيقتى التى تكبرنى بعام (الله يذكرا بالخير وين ماكانت ) كنا أنا وهى بنفس الحجم والطول مع أختلاف الشبه بينا المهم كنا لانفترق من بعض ولدرجة اـه( الوالد رحمة الله عليه والوالدة الله يديها العافية )كانوا بجيبوا لينا أى حاجة زى بعض ومن يرانا للوهلة الأولى بفتكر أننا تؤم وياسلام قضينا احلى أيام فى اللعب والفسحة أما مراحل الدراسة كما أسلفت مرحلة الروضة وبرضوا كانت جميلة وبعدها الابتدائى وصراحة مامرتبطة بذهنى شديد كدة وفترة المتوسط أما أكثر الأرتباط بذهنى فترة الثانوى والجامعة لأنها أحلى مراحل عمرى الدراسى بجد لما فيها من ذكريات حلوة وجميلة
أتمنى يامرام أكون أوفيت سؤالك
مايسة
05-12-2011, 06:56 AM
كلامك دا براااهو زرة هههههههه


انتو الزولة دي قتلت ليكم قلبكم بكلامه الحلو دا صح

تغريدا قومي على ككرك دا
هندميهو وصلحيهو
وجاوبي على اسئلة مرام الماخمج ;):p



تخريمة لمرام : ربنا يخليك لينا ;)
مايسة
05-12-2011, 07:01 AM
السعال نمرة 2

الجزء الاول
رأئك بصراحة في المنتديات عموما - ومنتدانا خصوصا
وكيف يجب علينا نحن كجنس ناعم (طبعا شاكة في الحته دي اصلا ) ;)
أن نتعامل معها

الجزء الثاني :
بنات هذا الزمن
وطريقة لبسهم وتعاملهم مع الجنس الخشن
ونظريتهم بأن الواحدة المفروض تكون مفتحة عشان ما تتغشه
رائك بصراحة اذا ممكن يعني ثمح

وما أنسى بإسهاب :cool:
مايسة
05-12-2011, 07:04 AM
السعال الثالث

ما هى مواصفات شريك حياتك إن شاء الله


وهل انت راضية بحياتك اقصد المهنية
بمعنى هل توقفت عن طلب العلم ام تريدين مواصلة الدراسة


طبعا سعال حشري شديد لكن تقولي شنو عاد لمن الواحد يكون عايز يتفشى
تغريدا
05-12-2011, 07:05 AM
انتو الزولة دي قتلت ليكم قلبكم بكلامه الحلو دا صح

تغريدا قومي على ككرك دا
هندميهو وصلحيهو
وجاوبي على اسئلة مرام الماخمج ;):p



تخريمة لمرام : ربنا يخليك لينا ;)


وحات الله يالغالية قشيته ورشيته فى السقط دا بس راجياك أشكرك على الاستضافة الحلوة دى وأشربك شاى باللقيمات ومرام جد ماقصرت ببركة ربى مايقصرن أياما ولا أيامك ولا كل الناس المروا وشاركونا هنا
مشكووووووووووووووووووووووووووووووووووورين كلكم والله
وش متخاااارج خلاص:d
مايسة
05-12-2011, 07:19 AM
وحات الله يالغالية قشيته ورشيته فى السقط دا بس راجياك أشكرك على الاستضافة الحلوة دى وأشربك شاى باللقيمات ومرام جد ماقصرت ببركة ربى مايقصرن أياما ولا أيامك ولا كل الناس المروا وشاركونا هنا
مشكووووووووووووووووووووووووووووووووووورين كلكم والله
وش متخاااارج خلاص:d



كدي قولي بسم الله

يا دوب جيتك ههههههههههههه

متخارجة وين -
كدي اقعدي النجيب ليك جبنة تعدل ليك دماغك دا -
عشان تقدري تجاوبي باقى السعالات
تغريدا
05-12-2011, 07:21 AM
كن فى الحياة كعابر سبيل وأترك وراءك كل أثر جميل فما نحن فى الدنيا إلا ضيوف
وماعلى الضيوف إلا الرحيل


هكذا هو توقيعها في منتدانا


ضيفتنا إنسانة تجبرك على إحترامها
من أي ناحية -

دعونا نتعرف معا على أختنا





تغريدا -



إتفضلي لجوا
واكيد كلنا متشوقين عشان نتعرف عليك عن قُرب





الحبيبة مايسة أشكرك جداً على هذه الاأستضافة الجميلة ويارب كنت خفيفة عليكم وسعيدة أنى كنت هنا مكوكرة وأشكر كل من شاركنى فى الكوكير ودايماً يارب النا س نقيه شفافة والبسمة على وجوهها لأننا فى هذه الحياة كعابرى سبيل فلنتررك وراءنا كل أثر جميل لأننا ضيوف وحتماً راحلون
مودتى وشكرى للجميع
مايسة
05-12-2011, 07:22 AM
إتحكري ثمح


http://i40.tinypic.com/ok7mms.gif
تغريدا
05-12-2011, 07:57 AM
إتحكري ثمح


http://i40.tinypic.com/ok7mms.gif



عاد الما بخلينى اتحكر شنو بتحححححححححححكر لمن اقعد اكمل القهوة العربية دى والبلح دا وبرضوا مابقوم تسلمى يااااااذوق
بنت الرفاعي
05-12-2011, 08:04 AM
:):):)

عُدنا لكِ عزيزتي تغريد،
ولو سمحتِ أجيبي عن التالي::rolleyes::)


- هل أنتِ فتاة مزاجيّة؟!
ومتى يجد الحزن طريقه إليك،
وهل يستمر معك فترة طويلة،
أم مِن مَن يحاولون جعل أسبابه لا تقف عائقاً
في حياتهم وسعادتهم؟!
وما الذي يُفرحك؟
و
ماهي الطرائف في حياتك؟
وما المواقف التي أحزنتك فيها؟!

- ما رأيكِ في الضوضاء العامة،
وهل يُمكنك العيش أو التأقلم معها؟
وبصفة عامة
هل أنتِ مِن مَن يتأقلمون مع التغيُّرات
التي تحدث من حولهم سريعاً،
كالأجواء أو تغيُّر المكان كالسفر والذي قد يُصاحبهُ
تغيُّرات مجتمعية (بالنسبة لك) كالعادات والتقاليد؟!

:):):)
بنت الرفاعي
05-12-2011, 08:24 AM
أتمنى يامرام أكون أوفيت سؤالك






:):):)


شُكراً لك على الإجابة يا ذوق،
لكن
اختصار شديد:rolleyes::cool:
لو سمحتِ ما قلتِ لينا
كيف كنتِ
يعني:
هادئة
مُشاغبة
.....إلخ
(في البيت والمدرسة)،
شاطرة
كسلانة،
نُص ونُص
ولّا على كيفك بتدرسي وتتفوقي؟!
هواياتك زمان،
وإجازاتك كيف كنتِ بتقضيها،
وكنتِ بتحبي الإجازة أم المدرسة؟!
هل كنتِ مِن مَن يُشاركون في الأنشطة المدرسية؟
وما هي؟
وبناء على ذلك ما هي إنجازاتك المدرسية؟!

لو سمحتِ أجيبي عن ذلك وإن تذكرتِ أشياء لم
أذكرها فنتمنى منكِ ذكرها.:)


:):):)
مايسة
05-12-2011, 08:31 AM
عاد الما بخلينى اتحكر شنو بتحححححححححححكر لمن اقعد اكمل القهوة العربية دى والبلح دا وبرضوا مابقوم تسلمى يااااااذوق



لو ما قمتي بنمد ليك الككر اسبوع تاني
يا ستي احنا السعيدين بيك -

ونتمني ما نكون أثقلنا عليك بالاسئلة -

اها يلا في إنتظارك بس طلب

عايزين اجابات بإخلاص ثمح
بنت الرفاعي
05-12-2011, 08:48 AM
انتو الزولة دي قتلت ليكم قلبكم بكلامه الحلو دا صح

في الككر ما في كلام بهذا الشكل:rolleyes:;)

تغريدا قومي على ككرك دا
هندميهو وصلحيهو
وجاوبي على اسئلة مرام الماخمج ;):p

يا سلام على الكلام اللي بيرفع المعنويات،
ويخلي الواحد يزيد في الأسئلة:cool:،
وأبشرك جيناها بالزيادة;)



تخريمة لمرام : ربنا يخليك لينا ;)




:o:o:o

تسلمي وجمعاً يا رب.:)

:):):)
ودسمير
05-12-2011, 09:40 AM
الكلام دا شفتو وين قبل كدا




خير اللهم اجعلوا خير ...

تكون جارتكم بترمى الودع ؟!!
ودسمير
05-12-2011, 09:47 AM
وكولتى الشربتها نسيتا ؟؟؟؟؟؟؟؟؟
ناس تشرب وتنكر !!!





حسى انتى السالك منو ؟!!
تغريدا
05-12-2011, 11:54 AM
السعال نمرة 2

الجزء الاول
رأئك بصراحة في المنتديات عموما - ومنتدانا خصوصا
وكيف يجب علينا نحن كجنس ناعم (طبعا شاكة في الحته دي اصلا ) ;)
أن نتعامل معها





المنتديات أنا أعتقد أنها مهمة فى طرح الرأى وتقبل الرأى من طرف ثانى ولجملة أمور ، لأن الهدف من المنتديات يجب أن يكون ساميا بعيداً عن المجاملات ، وبعيداً عن التقولات ، والمشاحنات ،والخلافات ، فالمنتديات يجب أن تكون موئلا للحوار الفكري ، والنقاش الفكري الذي يعبر عن أخلاقيات الإنسان ، وأفكاره ، وسلوكياته ، وتحمله مسؤولية الكلمة التي يطلقها ، والمنتديات هي المنبر الحر الذي يجب أن يفيد منها كلواحد منا ؛ لأن النشر لا يخص فئة عمرية معينة ، ولا شريحة مخصوصة ، ومن ثم فإن المنتديات يجب أن تكون ملتقى لتجارب مختلفة العمر ، والثقافة ، وتلاقح الأفكار ، وتبادل وجهات النظر ، ويجب على المنتديين ـ بحسب رأيي ـ فإن على كل واحد منا وواحدة الإيمان بمسألة احترام وجهة نظر الآخر ما لم تعارض الدين والأخلاق .



إننا نحتاج إلى أن نبتعد عن المجاملات التي لا تقدم إلا الإضرار بالفكر ، وأن نهتم بنشر ما يخدم الفكر الإنساني على مختلف الصعد.


أما بالنسبة لمنتدانا هنا فأنا حقيقة أسميه البيت الكبير لأننا جميعاً يجمعنا هنا حبنا الكبير لهذه المدينة المعطاءة وحقيقة أجد به أقلام متميزة تتحدث عن نفسها بلا خيلاء أو كبر وأرى به حجم أن جاز التعبير من الود والتواصل بين الأعضاء وهذا الشئ مايميز هذا البيت العامر بأهله وسعيدة أيما سعادة أنى من أفراد هذا البيت الذى أتمنى فيه تواصل المحبة والتوادد رغم أختلاف الآراء التى لا تفسد لودهم قضية.


أجيك للكلام عن الجنس الناعم واكتفى بكلمات الواحدة مننا لازم تفكر بأى حرف تكتبه ماذا يعنى وماذا يفيد وبعد التفكير فى الحزئيتين ديل يجب أن تنتقى خيار الألفاظ لتو صيل فكرتها المنشودة دونما أى أيذاء للأخرين وأحترام أراءهم وأفكارهم



دى وجهة نظري المتواضعة أتمنى أن أكون وفقت في إبرازها بإيجاز مفيد
والباقى بعد تجيبى الكيك:d
مايسة
05-12-2011, 09:08 PM
رأي سديد وبحترمه جدا

اها بخصوص الكيك -

http://i39.tinypic.com/6qjrph.jpg


;)
تغريدا
06-12-2011, 05:02 AM
رأي سديد وبحترمه جدا

اها بخصوص الكيك -

http://i39.tinypic.com/6qjrph.jpg


;)





تسللللللللللللللللللللللمى مابتقصرى والله
أها أنا لمن أقوم من الككر دا بجيب ليك تورته كبييييييييييييييييييييييرة;):):)
تغريدا
06-12-2011, 05:12 AM
الجزء الثاني :
بنات هذا الزمن
وطريقة لبسهم وتعاملهم مع الجنس الخشن
ونظريتهم بأن الواحدة المفروض تكون مفتحة عشان ما تتغشه
رائك بصراحة اذا ممكن يعني ثمح

وما أنسى بإسهاب :cool:



أها جينا والله يكفينا شر السعال:):)
بنات الزمن دا حال يغنى عن السؤال وحدث ولا حرج أخير خليهن مستورات وبعدين الاصلاها بتمشى تهابش وتتفلهم خليها تتغش والتراب يكيل خشما رأى بصراحة الواحدة تكون على الطبيعة فى كل شئ دون تكلف وبالنسبة للمظهر العام الشياكة والاأناقة مهمة للبنت لكن مش بصورة تدى صورة مقلوبة عنها وشخصيتها لأنه اعتقد أنه مظهر اللبس بشكل جزء من شخصية الواحدة والجمال والوقار الكامل فى الحشمه والسترة
تغريدا
06-12-2011, 05:17 AM
عايزين اجابات بإخلاص ثمح




والله جاوبت بأخلاص ووفاء وعشة;):p
بفطر واجى أكمل الفته:o:)
تغريدا
06-12-2011, 05:57 AM
السعال الثالث
ووووووب من سعالاتك دى:)
ما هى مواصفات شريك حياتك إن شاء الله

نقطتين فوق بعض شرطة :-
وهل انت راضية بحياتك اقصد المهنية
الحمد والشكر لله تمام الرضا والقناعة وعلى كل الاصعدة الأجتماعية والمادية والنفسية والأقتصادية والسياسية كمان واتوق للمزيد
بمعنى هل توقفت عن طلب العلم ام تريدين مواصلة الدراسة
لم أتوقف عن طلب العلم طالما فى صحة ووقت بدخل دورات وكورسات متى ماسنحت لى الفرصة لكن الرغبة والأمنية الكبيرة التى لو سمحت لى الظروف بها هى رغبتى فى دراسة الفنون الجميلة والالتحاق بكليه الفنون وربنا بسهل ويهون لى

طبعا سعال حشري شديد لكن تقولي شنو عاد لمن الواحد يكون عايز يتفشى



غايتو جنس غايتو عليك ;););)أتفشيتى وطلعتى فشفاشى معاك;):):p
تغريدا
06-12-2011, 11:15 AM
:):):)

عُدنا لكِ عزيزتي تغريد،
يعز مقدارك وحبابك ملييييييييون
ولو سمحتِ أجيبي عن التالي::rolleyes::)

حااااااااااااااضرين
- هل أنتِ فتاة مزاجيّة؟!
أحياناً
ومتى يجد الحزن طريقه إليك،
بصراحة فى حاجات كتييييييييييييييرة ممكن تصيبنى بالحزن يعنى مثلاً تتخذلى فى شخص
وهل يستمر معك فترة طويلة،
بكون جواى لكن بحاول أسيطر عليه ولا أظهره للغير لأنه الغير ماليه ذنب فى ماأصابنى
أم مِن مَن يحاولون جعل أسبابه لا تقف عائقاً
في حياتهم وسعادتهم؟!
أيوا بحاول اسيطر عليه بكل ماأوتيت من وسيله وعندى نظرية مؤمنة بها تماماً يجب أن يكون الحزن فى حيتنا منحة لا محنة
وما الذي يُفرحك؟
البفرحنى كثييييييييييييييييييييييييير مثلاً أكون ناجحة فى مجمل حياتى وأكون وموفقه طيبه السيرة والذكرى بين الناس




فاصل وبواصل :)
تغريدا
06-12-2011, 11:31 AM
ماهي الطرائف في حياتك؟
على ماأذكرعندما كنت بمصر اول هذا العام وكانت معاى الوالدة الله يعطيها العافية وشقيقتى وزوجها وكنا فى محطة المترووطبعاً عارفة الزحمة فى مصر كيف خصوصا هذه المحطة والله التقول مصرى كدى قاعد فى بيتم مافى المهم أختك واقفة مذهولة بتعاين فى كميات البشر دى وطبعاً المترو بيشتغل بالكهرباء وكل شئ فيه أتوماتيك أها وقف المترو وتعالى شوفى الزحمة والموت فى الدخول وأختك مامتعودة على الخنق دا أها مستنية الزحمة تخف وحاتك المترو طبعا مبرمج على وقت محدد والباب بقفل اوتوماتيك تعال ياعم الباب اقفل وانا لسه ماركبت وفى اللحظة ديك الوالدة واختى وزوجها كانوا ركبوا أختك فضلت مشرورة بره ومهجومة والمترو فاااااااااااااااااااااااااااااااات أجمل حاجة الوالدة فاكرة انه المترو فيه سواق بتحكى لى اختى أنها كانت بتقول هى يانااااااس بتى ماركبت كلموا السواق دا يقيق واتخيلى الكلام دا فى زحمة المصاريه ديل;)
وما المواقف التي أحزنتك فيها؟!
مواقف الحزن خلينا منها أحسن لانها بجد لمجرد الحكى بتعملى كئآآآآآآآآآآآآآآآآآآبة:mad:

:):):)




فاصل ونواصل المسلسل التركى
تغريدا
06-12-2011, 11:42 AM
- ما رأيكِ في الضوضاء العامة،
وهل يُمكنك العيش أو التأقلم معها؟
وبصفة عامة
هل أنتِ مِن مَن يتأقلمون مع التغيُّرات
التي تحدث من حولهم سريعاً،
كالأجواء أو تغيُّر المكان كالسفر والذي قد يُصاحبهُ
تغيُّرات مجتمعية (بالنسبة لك) كالعادات والتقاليد؟!

:):)


العزيزة مرام من ضمن الأشياء البحبها وأفضلها الهدؤ التام والجلوس مع نفسى لكن هذا لاينفى بعدى عن هذه الضوضاء التى ليس لنا مفر منها إلا لبرهة من الوقت لكن أنا عموماً سريعة التأقلم مع الأشياء الحوالى سواء فى السفر أوفى الحضروبحب الاندماج جداً ويمكن لى أن أتكيف مع عادات الغير وطبائعهم دونما تعب وعلى فكرة أنا بحب السفر جداً جداً وخصوصاً السفر لمسافات بعيدة
تغريدا
06-12-2011, 12:05 PM
:):):)


شُكراً لك على الإجابة يا ذوق،
لكن
اختصار شديد:rolleyes::cool:
تسلمى والله دا أنا جاوبت بأخلاص وأسهاب
لو سمحتِ ما قلتِ لينا
كيف كنتِ
يعني:
هادئة
نعم هادئة جداً جداً فى البيت والمدرسة (ياخ كنت مضرب مثل):)
مُشاغبة
.....إلخ
(في البيت والمدرسة)،
شاطرة
كسلانة،
نُص ونُص
ولّا على كيفك بتدرسي وتتفوقي؟!
يعنى ماأكذب والكذب خيبة كنت نص نص وممشية حالى
هواياتك زمان،
من زمان بحب الرسم ولليوم
وإجازاتك كيف كنتِ بتقضيها،
عادى زى أجازة بس كنت اذكر أجمل شئ تجمع العيلة
وكنتِ بتحبي الإجازة أم المدرسة؟!
بجد كنت بحبهم الاثنين يعنى مابحب الاجازة الطويلة ولا بحب فترة الدراسة الطويلة
هل كنتِ مِن مَن يُشاركون في الأنشطة المدرسية؟
وما هي؟
أكيد كنت بحب أشارك فى البرنامج الصباحى بتاع الطابور وغير كدا كنت بشارك فى الدورة المدرسية
وبناء على ذلك ما هي إنجازاتك المدرسية؟!
على مأذكر عندما كنت بالصف الثانى الثانوى كنت مع بعض الطالبات بنقوم بنشر صحيفة أو جريدة أسبوعية أسمها القبس

لو سمحتِ أجيبي عن ذلك وإن تذكرتِ أشياء لم
أذكرها فنتمنى منكِ ذكرها.:)


:):):)





عليييييييييييييييييييييييييييييييييييك الله هو أنتى فضلتى شئ :d:d
تغريدا
06-12-2011, 12:07 PM
يامااااااااااااااااااااااايسة بعد كدا ممكن أنزل من الككر دا
مايسة
06-12-2011, 09:26 PM
تسللللللللللللللللللللللمى مابتقصرى والله
أها أنا لمن أقوم من الككر دا بجيب ليك تورته كبييييييييييييييييييييييرة;):):)



ههههههههههه
قصدك كيكتي صغيرة مش

العيب في الصورة مش الكيكة
مايسة
06-12-2011, 09:31 PM
يامااااااااااااااااااااااايسة بعد كدا ممكن أنزل من الككر دا


صراحة يا تغريد مستمتعة جدا بيك كنت
واكيد الباقين كمان

وحبينا تطولي معانا اكتر واكتر
اها أتمنى نكون أضفنا ليك حاجة بسيطة
اقلاها الواحد لما يتكلم عن ماضيه برتاح وبيسعد شوية

----------------------

الشكر الجزيل لشخصك تغريدا
وربنا يسعدك في حياتك العملية والعلمية

والشكر لكل المتداخلين
وبالاخص العزيزة مرام
----------------------

وخليك قريبة ثمح
تغريدا
07-12-2011, 07:05 AM
ههههههههههه
قصدك كيكتي صغيرة مش

العيب في الصورة مش الكيكة


هههههههههههههههه بصراحة أى صغيرونة ماسدت رمقى من الكيك خلاص جيبى أكبر منها بس فى فرح أولادك يارب أنشاء الله تسلمى ياغالية عارفاك مابتقصرى والله
تغريدا
07-12-2011, 07:09 AM
صراحة يا تغريد مستمتعة جدا بيك كنت
واكيد الباقين كمان

وحبينا تطولي معانا اكتر واكتر
اها أتمنى نكون أضفنا ليك حاجة بسيطة
اقلاها الواحد لما يتكلم عن ماضيه برتاح وبيسعد شوية

----------------------

الشكر الجزيل لشخصك تغريدا
وربنا يسعدك في حياتك العملية والعلمية

والشكر لكل المتداخلين
وبالاخص العزيزة مرام
----------------------

وخليك قريبة ثمح



بجد أن كمان كنت مبسوطة ومستمتعة وأشكرك تانى وتالت يامايسة على الأستضافة ويارب أكون بيضت وجهك والشكر العميق لكل من شاركنى ومن مر من هنا وأسال الله دوام البسمة والفرحة على وجوه الناس