............... غطيني و صوًتي يا تفيده , دول عالم ما منهمش فايده !!!!!

[tito_santana]

الوالي
و الجماعه الطيبين المعاهو
زي البيعزم ضيوف
و بيقدم افضل ما عندو
و بيجي و هو شايل العصير و بيقلبوا فوق ضيوفو

بالمناسبه الحديث للتشبيه فقط
نوع ركيك من البلاغه غير الواضحه
و ليس له علاقه بمهرجان امس
و لا بمناظره المخله بالاداب العامه ....
و ليس له علاقه بكيليتشي
و لا بطمبل
و لكن له علاقه قويه بأن المريخ هو هو
ياهو زااااتو
بي نفس الملامح و الشبه داخل 2012
و ما تسمعوا الفلاشات الحاصله

قبل عامين تقريباً كان هناك دوي هائل بتسجيل وورغو
و من ثم الحضري
و هكذا ......

و لا جديد .......
اشياء معينه تتغير
و اشياء أخرى ثابته
لا تتغير ......
و ثابت المغطينا او كما يقال هو من يدق بالدلجه المريخ كل مره ......
و قابلوني ..........

يعني ايه دخل بيدي
و لا قون انييمبا و لا فيصل موسى و لا امير كمال و لا ضفر ؟
الجديد شنو ...
حمد الشجره يوم سجلناه كان منقطها في الشجره
و اتصارعنا صراع الظل عشان نقلعو .....
الجديد شنو ؟
قوون انييمبا و الحضري
باسكال و ضفر
بيدي و مرابط و لاسانا
وورغو و باولينو الفنان و لا الجاي
ايداهور و كيليتشي
اديكو و ساكواها ....
الجديد شنو .....

ثابت سبب الاذى قااااعد
و قابلوني

و الحيمشي في الشطب
معروووووف
و البيقعد معروووووف
و شطب الحيطه القصيره لا بيقدم لا بيؤخر .......

و الله يوم نمشي خطوه واحده
واحده بس اكتر من القاعدين نمشيهو كل سنه
ارموني بحجر زي ما قال الحجاج .........

[tito_santana]

و ابشكركم بالخير
نص السجلهم المريخ حيقعدوا احتياطي
و لو راس ريكاردو وصل السقف

مرات مرات مكن تشوفوا فيصل موسى
مرات مرات ممكن تشوفوا ضفر
و مرات مرات غيرهم و لا غيرهم ...
عمكم ثابت
و الاكتر من ثابت
ترتلب
يدق بيكم الدلجه في اللفه
و بالمناسبه اللفه بقت قريبه
يعني دور ال 64 او بالكتير ال 32 ....
يعني او تيسته
و ثابت حيمارس هوايتو ....
ثابت ده يا عمك اكتر من واحد
عشان الناس ما تسرح بي خيالها و تفكر في اسم اسمين ........

بالمناسبه
بعد كورة انتركلوب كان في حالة سعار مأساويه في الصحافه و المنتديات
و الناس وصلت لاجماع لا يختلف فيه اتنين ككو حليمه
او يتناطح فيه عنزان
المريخاب بينسوا بسرعه
طيبانين شديد .....
و المريخاب الطيبانين
كالعاده
وضعوا قائمة الشطب محمد مقدم المسكين
و حمد الشجره الأصلاً ما قاعد يلعب
و عاصم عابدين الدقاها مرتين
و الدافي اللعب بالكتير خمسه كور الموسم ده
و كيلتشي
و باقي الحيطان القصيره ....
و القاعدين يلعبوها 48 كوره في الموسم من الصفاره للصفاره
و يمسحوا بالمريخ الواطه
قاااااااعدييييييييييييييييييييييييين .......
و نحن قاااااعددددددددييييييييييييييييين
و قاااااااااااااااااابلوووووني

و قولوا لي ما حيشموووها
في وجود بيدي
و امير و كرنقو الماظنيت حيلعب كورتين اساسي ...

[tito_santana]

قلق
الباشا
سفاري
طمبل
موجودين في كشف مريخ 2012

الرماد كال تيتو .......

السنة الجاية خروج من دوري ال23 امام السكة حديد الزنزباري .....

[tito_santana]

..........................................Moses's stick !!!!

:o:o:o:o:o:o:o:o:o:o


و من دور ال 64 !!!!!!

حارس انييمبا (اكرم - زغبير - ياسين)
مصعب (موسى الزومه) - باسكال - نجم الدين (ضفر) - بله جوز
قلق (امير كمال) - الباشا بيه - بيدي (الشغيل) - (...........) (فيصل موسى)
اديكو - ساكواها


يعني فرقت كتير من

الحضري
مصعب (موسى الزومه) - باسكال - نجم الدين (سفاري) - بله جوز
القلق الفلق - الباشا بيه - وورغو (الدافي) - الشغيل
ساكواها - كيليتشي (اديكو) .....

يعني نفر نفرين زياده حقيقيه هم عصاية موسى الحتنقل المريخ من الطيران فررررررررررررررررر من دور ال 32 لي بطل افريقيا ....

العقل زينه آآآناس
شوفوا الروبابيكيا الاتفقت عليها الناس يوم طيران انتركلوب
اطعنوا الفيل آآآناس

صدقوني هي هي
و عمرو عاصم عابدين
و لا حمد الشجره
و لا مقدم ما كانو قاعدين يغلبونا .......
و لا عمرهم ما كانوا اساسيين

و ما ظنيت كلام الوالي بتاع (ماشي كاس العالم) بيدخل عقل طفل صغير....!!
العقل زينه آآآناس
دي عاطفه و بندق في بحر
و بكره السكاليب بتصل السما ...
و الصدمه حتكون قويه
لمن تجيب كاتاتونيا


بالمناسبه .... ناس مجدي امبده
و كرنقو و فيصل موسى زاتو
فهم زيادة عدد
و لو طاروا و ريكاردو طار معاهم
عبيد الكوره الكبار المنقطنها الما بيتشطبوا ما بيقعدوا ليهو احتياطي
و حيكونوا زيهم زي مقدم و باقي الشباب البيدخلوا الشوط التاني ....
و آخر الكور
و الناس قاعده تسلبط فيهم اي حاجه .....


شغلانه مخستكه يا عمك
و ما جايبه حقها

لينا الله

[tito_santana]

طيب ليه بنرمي مشكلة المريخ في المساكين عاصم عابدين و هنو و حمد الشجره و مقدم
و بتفتكر خلاص المريخ بقى فاسكو دي غاما البرازيلي
ايام مجدو ...؟

الهيلمانه الحاصله دي حيجي يقطعوها لينا في راسنا
ﻷنو إلى الان (الصديد) في المريخ ما اتهبش
و الناس دي شغاله برًه برًه ....
ماسكه بتحلق دقن العيان البيحتضر
و بتعمل ليهو قطعيه
و بتقلم ليهو ضفورو
و بي تحت الغرقرينه وصلت عظام الحوض
و بكره بتصل الراس ...

يا نااااس انا على قناعه ما حتتزحزح
حدنا نقلع الممتاز من الهلال مره كل كم سنه
و غير كده قرًض على كده ....
طالما (الصديد) قاااعد ....
ده قدرنا و مصيرنا

وواجعاني شديد حكاية الصحافه الصفراء الما بتجيب سيره للحكايه دي
و شغاله بتبيع الهوا للمريخاب
و خلاااس قايلا المريخ ده بي لاعب لاعبين بقى الارجنتين
و بي شوية مكاسب اعلاميه عمرها ما حتبقى اساسيه في التشكيله
و عمرها ما حتقدر تمرق (عبيد الكوره) المنقطنها في المريخ ليهم 7 و 8 سنين
و غير النفسيات و جنون البقر ما لقينا منهم حاجه

[tito_santana]

بكره يا زنووون الوالي يمرق بيهم فسحه لي راس الخيمه و لا الاسماعيليه
و يلاقي بيهم فريق اتحاد مدرسة طنطا الثانويه
و لا يمشي بيهم كينيا و لا اديس
و و يجيك الترجي و لا الاقل من الترجي و يجعل ليك اعلاها سافلها


يا جماعة الخير مجرد فكره كده إنو مجدي امبده و لا فيصل موسى و لا كرنقو و لا ضفر حيلاقوا فرصه
ابقي قابلوني ....
و اشارطكم كمان بالدايرو


مبينزا جا للسم القدر عشاهو
كنا قايلين الفيلم اتغيًر
و البطل حيموت السنه دي
البطل قاااااعد يا عمك و لو طلع فوقو قطر ....


يا زنوووووووون دي قربه مشررررروطه .....

[tito_santana]

اول الغيث قطرة ........




وقع اللاعب الكنغولي بيدى مبنيزا اليوم إمام لجنه التسجيلات على اللعب لنادي المريخ لمدة ثلاث أعوام توطئة لطلب شهادة نقله الدولية وقال اللاعب عقب التوقيع الرسمي اليوم فى الاتحاد العام انه سيقدم مواسم استثنائية بالمريخ الذي أحب جمهوره وشعبه ولن يبخل عليه بشىء ووقع من جانب المريخ السيد متوكل احمد على نائب الأمين العام وعن اللاعب وكيل اعماله
جدير بالزكر قام مجلس المريخ بااخلاء خانة اللاعب المغربي عبد الكريم الدافئ وسط استغراب ودهشة جماهير المريخ التى حضرت مراسم التسجيل من داخل مقر الاتحاد




يتم شطب الدافي ........ وقلق والباشا و سفاري وطمبل متحكرين ....

الله يأذي الاذانا دا

[tito_santana]

غير الارزقيه
و غنم الاشلاق ....
صنف جديد
اخطر كتير من اعلاهم

[tito_santana]

بالمناسبه
لاعب مثل الشغيل
بالضبط مثل البعير
في الطول و الجري ...
في خط الوسط
لا يهش و لا ينش ....
صفر على الشمال
راهن البدري على خط الوسط
و وقع به الدلجه اعلاهم
ريكاردو ايه الليجي يدرب اولائك المواسير
...

[tito_santana]

الباشا الماسوره الثانيه ..
اندفاع للامام
و ترك الوسط و خانته الاصليه حفره ....
فاكر نفسه بيليه زمانو
و قايل نفسو ايداهور عصره
انداح في الهجوم
و يسلم الوسط هديه للخصوم
راهن البدري على خط الوسط
و دق بيه الدلجه اولائك المواسير .....

[tito_santana]

لاعب كبير مثل قلق
كبير و اعني بها السن
و الاقدميه
لا يعرف متى يهدي
و متى يزيد ايقاع اللعب ...
لا يستطيع توجيه زملائه ....
يلعب بمزاج لدقائق
ثم يرقد كباقي الفريق ...
رقد و رقد معه خط الوسط الذي يراهن به البدري .....
لاعب كورته حبه
و يصر عليه المريخاب لسنوات و سنوات
و النتيجه واضحه و بائنه و لا يختلف فيها و حولها و يجادل إلا لمن يجادل في تلت التلاته ....
و الله العظيم قلق ليس لديه ما يقدمه للمريخ

يكابر بعض المريخاب و يصرون عليه
و النتيجه واضحه

[tito_santana]

الماسوره سفاري
صحى صحوة الموت في بعض مباريات المنتخب الاخيره ...
يقظة ما قبل الموت ...
كنت اعرف انه سيعود لعادته القديمه
و سيدق عنق المريخ
يتسبب في خطأ ابله
لا يرتكبه ناشيء ...
ناهيك عن لاعب في فريق المريخ ..
بالمناسبه حتى قبل الاهداف التي تلج مرمي الحضري
اكثر من كره وصلت لمرمى الحضري
و كان سعادة البيه سفاري غائباً ....
الرهان على سفاري رهان خاسر
سفاري ماسوره
وريكاردو غلطان لو اراد تدريب فريق ابرز لعيبته امثال سفاري

[tito_santana]

طمبليكا ....
و يشهد الله ياسر كدمبس مدرب فريق البحيره برابطة الامتداد ما يلعبو مهاجم اساسي
خليك في خطة مباراه كبيره لعبها المريخ بمهاجم واحد
لو لعب المريخ بعشره مهاجمين و حارس مرمى لن يكون طمبل من وجهة نظري واحد من العشره ....

و اتمنى من كل قلبي ان تكون الرساله قد وصلت لبعض المريخاب
و لو بعد فوات الاوان ....

[tito_santana]

الكلام كثير
و كثير
و المواسير كُثُر في المريخ
و المواسير تحميهم صحافة المرتزقه
و يحميهم بعض المشجعين الذين يتسببوا من حيث يدروا و لا يدروا في مآسي المريخ
المريخ يحتاج لتغيير جلده و شطب اكبر عدد من العاملين فيها عبيد كبار
الشغيل و طمبل و الباشا و سفاري و قلق يمشوا الليله قبل بكره
و ياريت يمشوا الهلال
المريخ يحتاج لشطب اعلاهم على الاقل و معهم اخرون
شطبهم اليوم قبل الغد
اي مكابره
نتائجها واضحه
و معلومه
و السيجه ستكرر نفسها
و قابلوني

[tito_santana]

اموت و اشوف صحافة المرتزقه كاتبه ايه
اكيد كاتبه قلنا و قلنا و كان يجب
و كان لا يجب ...


صدقوني
وصلت لقناعه الان ان اصغر مشاكل المريخ هي السيد جمال الوالي
و ان اكبر مشاكله هم المرتزقه
و اول اولائك المرتزقه اولائك الذي يكتبون في الصحافه المريخيه الصفراء لانهم اصحاب اجنده و مصالح ذاتيه و آخر همهم المريخ العظيم

و آخر قولي ....
الساكت عن الحق شيطان اخرس يا مرتزقه