مطلوب عاجلا

[روبش]

انا طبعا نازل البلد بعد يومين وعايز ابقى شفت ما ادقس في كثير من الحاجات خاصة اسعار بعض الاشياء، لذا مطلوب معرفة الاتي :::
1/ سعر الاجرة من المطار وحتى الميناء البري.

2/ سعر التذكرة من الخرطوم إلى ست المدائن.

3/ اجرة التاكسي من الموقف وحتى حي القبة.

4/ سعر الدولار مقابل الجنية.

5/ الجرايد بكم.

6/ الحاجة الباردة بكم.

7/ سندوتش كارب اخر موديل بكم.

ثانياً : ارقام الاتية اسماءهم :

- ود الصول
- احمد علقم.
-جنابو امير عبداللطيف لزوم المخارجه بعدين والرقم الوطني.
- ذنون الصهيوني.

[مدنيّة]

يااااااااااااااي ياروبش
اسعار عربات اجرة ومواصلات عامة!!
انت مغترب وين بالضبط كدي ورينا!!

غايتو بالشايفاه دا شكلك مغترب في السنغال وقاشر لينا بالدوحة سااااااااااي


------
تصل بالف سلامة ياروبش وتنور البلد

[معتز الريح]

يا روبش .. تصل بالسلامة ..
وما تشيل هم الحاجات الفوق دي كلها بكري فاروق بتكفل بيها ..
----------------------------------
بس ما تنسى الوصية .. وسلم لي على الجميع ..

[بدر الدين محمد]

انا طبعا نازل البلد بعد يومين وعايز ابقى شفت ما ادقس في كثير من الحاجات خاصة اسعار بعض الاشياء، لذا مطلوب معرفة الاتي :::
1/ سعر الاجرة من المطار وحتى الميناء البري.

2/ سعر التذكرة من الخرطوم إلى ست المدائن.

3/ اجرة التاكسي من الموقف وحتى حي القبة.

4/ سعر الدولار مقابل الجنية.

5/ الجرايد بكم.

6/ الحاجة الباردة بكم.

7/ سندوتش كارب اخر موديل بكم.

ثانياً : ارقام الاتية اسماءهم :

- ود الصول
- احمد علقم.
-جنابو امير عبداللطيف لزوم المخارجه بعدين والرقم الوطني.
- ذنون الصهيوني.
اولا بالتبادي ناس التاكسي ما بتقدر تهرب منهم
اقترح على ناس المنتدى استقبال بـ(الكيتة) اسوة بجلالة
التذكرة بي 17 جنية
الجريدة بي 1200في المينا البري

ود الصول 0912641176
علقم 0924602954

تصل بالسلامة

[روبش]

يااااااااااااااي ياروبش
اسعار عربات اجرة ومواصلات عامة!!
انت مغترب وين بالضبط كدي ورينا!!

غايتو بالشايفاه دا شكلك مغترب في السنغال وقاشر لينا بالدوحة سااااااااااي


------
تصل بالف سلامة ياروبش وتنور البلد

اقول ::: ده تقشف لاتمام المشاريع
تسلمي عمتي

[روبش]

يا روبش .. تصل بالسلامة ..
وما تشيل هم الحاجات الفوق دي كلها بكري فاروق بتكفل بيها ..
----------------------------------
بس ما تنسى الوصية .. وسلم لي على الجميع ..

اقول ::: عارفك حاسدني لكن وصيتك برسلها بانفراد تام

[روبش]

اولا بالتبادي ناس التاكسي ما بتقدر تهرب منهم
التذكرة بي 17 جنية
الجريدة بي 1200في المينا البري

الحبيب بدرالدين
اديك العافيه
الركشة بكم
يعني ركشه للشنط وركشه لي

[روبش]

نسيت وصف دقيق لادم شيه لو سمحتوا يا ناس مدني

[روبش]

أتت التبرعات لي وذلك بتوفير عمتي عربة لموزين من الخرطوم لمدني مدفوعة الاجر

اقول ::: خصما من ......

[روبش]

يلا يا شباب عايزين واحد يدق صدره لعزومة ادم شيه تاني يوم من الوصول

يا ذنون وينك ياخي

[معتز الريح]

والله العمة الله يديها العافية ما قاعدة تقصر ..
وبعدين ياخي ماشي مدني كيف ما أحسدك ..

[روبش]

والله العمة الله يديها العافية ما قاعدة تقصر ..
وبعدين ياخي ماشي مدني كيف ما أحسدك ..

اقول ::: التبرعات انهالت يا حبيب
تبرعك شنو وانت بعيد
اقول ::: اكتب لي تنازل

[مدنيّة]

أتت التبرعات لي وذلك بتوفير عمتي عربة لموزين من الخرطوم لمدني مدفوعة الاجر

اقول ::: خصما من ......

هوووي ياروبش
عايز تجيب لينا الكلام مالك ياخ

كمان جابت ليها خصما علي بنود!
عندنا مراجع قانوني ياخ احنا

-------
غايتو ح اكلم سعادتو امير
يوصي ليك ناس الخدمة الوطنية
يعملوا معك احلي واجب

[روبش]

هوووي ياروبش
عايز تجيب لينا الكلام مالك ياخ

كمان جابت ليها خصما علي بنود!
عندنا مراجع قانوني ياخ احنا

-------
غايتو ح اكلم سعادتو امير
يوصي ليك ناس الخدمة الوطنية
يعملوا معك احلي واجب

اقول :: كتر خيرك عمتي ناس الخدمة الوطنية واحلى واجب
اقول ::: ده زوقه من التبرع ولا شنو

[معتز الريح]

:::

اقول ::: اكتب لي تنازل

التنازل هين .. بس خليني أضمن الأول ..

[بحيرى]

انا طبعا نازل البلد بعد يومين وعايز ابقى شفت ما ادقس في كثير من الحاجات خاصة اسعار بعض الاشياء، لذا مطلوب معرفة الاتي :::
1/ سعر الاجرة من المطار وحتى الميناء البري.
احسن ليك ما تركب من النمره بتاعت التكس الفى المطار .... وحاول تتطلع بره للشارع الرئيسى وتجيب ليك امجاد حنينه بـ 15 او 20 جنيه لا غير ...

2/ سعر التذكرة من الخرطوم إلى ست المدائن.
حاول ما تخش الميناء البرى تزكرة الدخول سااااى جنيه ونص ... والتزكره براها بـ 17 جنيه ... احسن تركب من اللفه بتاعت المغابر البره بـ 10 .

3/ اجرة التاكسي من الموقف وحتى حي القبة.
يا عمك .... امجاد بـ 750 قرش لحدى القبه بمزاج ....

4/ سعر الدولار مقابل الجنية.
والله دى الحاجه الوحيده المابقدر اضمنها ليك .... الدولار ده كل يوم هو فى شأن ....

5/ الجرايد بكم.
الجرايد دى ارخص حاجه .... انت بدل تشترى الجريده ... اجرها بـ 10 قروش بث ... ورجعها لسيدها بعد تقراها ....

6/ الحاجة الباردة بكم.
الواطه سقط ومافى داعى للبارد من اساسو ...

7/ سندوتش كارب اخر موديل بكم.
التاج طعميه ولا اشرف بـ 1 جنيه ... وحاتك سندوتش الطعميه ممتحن لشاورما عديل كده ....

ثانياً : ارقام الاتية اسماءهم :

- ود الصول ... الله اعلم
- احمد علقم.... بغطس حجرك ..
-جنابو امير عبداللطيف لزوم المخارجه بعدين والرقم الوطني.
يادوب رقهوه بنات عمو ما سمعن بيهو داير تلحقوا امات طه مالك
- ذنون الصهيوني.
اخير احمد علقم ...


نسيت وصف دقيق لادم شيه لو سمحتوا يا ناس مدني


هاهاهاهااها ....
عارفنها .... قديمه ....
اى مغترب بجى من بره بقول كلامك ده ...
ولا ما كده يا ادمن ...!!!

تخريمه ....
تصل بالسلامه انشاء الله .... ومدنى منوره بجيتك ....

[روبش]

التنازل هين .. بس خليني أضمن الأول ..

اقول :: انت ما سجلت ولا شنو

[بحيرى]

غايتو ح اكلم سعادتو امير
يوصي ليك ناس الخدمة الوطنية
يعملوا معك احلي واجب


اوعى من الكشه ....!!!

[ريمون]

ربنا يوصلك بالسلامه ..
ومدني حتنور ..

[مدنيّة]

اوعى من الكشه ....!!!

خليهم يسوقوه يابحيري ياخ
عايزين بيه شنو!!

[مدنيّة]

ربنا يوصلك بالسلامه ..
ومدني حتنور ..

ريمون
امرقي بسرعة
قبل مايجي
يدرع في رقبتك ساندوتشات الاجازة كلها في صمة خشمك ):

[samia]

اخي روبش إنت أصل بالسلامة والخير في قدوم الوارين ،،،،، لكن غايتو انا بقترح يلاقيك زول طرطيبة في المطار ـ وفي الصالة جوووووووووووووووووووووووة - تحياتي لمدني وترابا

[خالد أحمد الصول]

انا طبعا نازل البلد بعد يومين وعايز ابقى شفت ما ادقس في كثير من الحاجات خاصة اسعار بعض الاشياء، لذا مطلوب معرفة الاتي :::
1/ سعر الاجرة من المطار وحتى الميناء البري.

2/ سعر التذكرة من الخرطوم إلى ست المدائن.

3/ اجرة التاكسي من الموقف وحتى حي القبة.

4/ سعر الدولار مقابل الجنية.

5/ الجرايد بكم.

6/ الحاجة الباردة بكم.

7/ سندوتش كارب اخر موديل بكم.

ثانياً : ارقام الاتية اسماءهم :

- ود الصول
- احمد علقم.
-جنابو امير عبداللطيف لزوم المخارجه بعدين والرقم الوطني.
- ذنون الصهيوني.

1. أجرة التاكسي من المطار للميناء البري بي 15 جنية أو 30 جنيه
2. تذكرة بص الخرطوم مدني 18 جنيه أو 25 جنيه
3. التاكسي من الموقف للقبة بي 7 جنيه أو 15 جنيه
4. الدولار قال لي الجنيه يالوبيا
5. الجريدة البتريده ممكن تشتريها بي 1.5 جنيه ولا تأجرها بي 5. جنيه
6. البارد بي 700 قرش القزاز و جنيه الي 2.5 العلب
7. السندوتش الكارب من 25 جنيه لي 6.5 جنيه
8. لاتسأل عن تلفون الصول إلا بعد أن تسأل عن آدم سيه
9. أحمد علقم جواله مرتبط بي باسطة الشانزليزيه
10. جنابو أمير مافاضي عندو كرامة الترقية
11. ذو النون أحسن زول

[روبش]

هاهاهاهااها ....
عارفنها .... قديمه ....
اى مغترب بجى من بره بقول كلامك ده ...
ولا ما كده يا ادمن ...!!!

تخريمه ....
تصل بالسلامه انشاء الله .... ومدنى منوره بجيتك ....

يا بحيري
بقولوا خير الامور اوسطها جايب لي من اخر الاخر يعني
طيب ما تجيب رقم تلفونك عشان اعمل ليك وجع وش

[روبش]

1. أجرة التاكسي من المطار للميناء البري بي 15 جنية أو 30 جنيه
2. تذكرة بص الخرطوم مدني 18 جنيه أو 25 جنيه
3. التاكسي من الموقف للقبة بي 7 جنيه أو 15 جنيه
4. الدولار قال لي الجنيه يالوبيا
5. الجريدة البتريده ممكن تشتريها بي 1.5 جنيه ولا تأجرها بي 5. جنيه
6. البارد بي 700 قرش القزاز و جنيه الي 2.5 العلب
7. السندوتش الكارب من 25 جنيه لي 6.5 جنيه
8. لاتسأل عن تلفون الصول إلا بعد أن تسأل عن آدم سيه
9. أحمد علقم جواله مرتبط بي باسطة الشانزليزيه
10. جنابو أمير مافاضي عندو كرامة الترقية
11. ذو النون أحسن زول

ود الصول
اديك العافيه
طالبك زيارة تفقدية لاحداث ودمدني هذا الصباح للوقوف عمليا على الاحداث
اقول :: اتوقعت تدق صدرك لادم شيه

[بنت الرفاعي]

:):):)

نتمنى لك إجازة سعيدة،
وتتهوَّن كل أمورك بإذنه تعالى.:)


:):):)

[مصطفى هاتريك]

يا زول أبقى مارق سااي و خلي الباقي علينا


بالسلامة إن شاء الله

[روبش]

ربنا يوصلك بالسلامه ..
ومدني حتنور ..

اديك العافيه ريمون وكتر خيرك وانشاء الله نتقابل
اقول ::: عمتي ده خرفت

[روبش]

خليهم يسوقوه يابحيري ياخ
عايزين بيه شنو!!

اقول ::: اسمعن

[روبش]

:):):)

نتمنى لك إجازة سعيدة،
وتتهوَّن كل أمورك بإذنه تعالى.:)


:):):)








تسلمي يا بت الرفاعي

[روبش]

يا زول أبقى مارق سااي و خلي الباقي علينا


بالسلامة إن شاء الله


اديك العافيه مصطفى وما بتقصر والله وانشاء الله نتقابل في جلسه ظريفة جدا

[ريمون]

كنا نتمني تلحق لمه الليله ..
لكن مافي مشكله ..
الجايات اكتر ..

[مجدى سنجر]

إن شاء الله كلنا نازلين إجازة في نهاية ديسمبر
بس ما أطن نسأل هذه الاسالةبعدين يقولوا علينا اغتراب الصومال
عايزين نعرف وين نلاقي الناس الحلوين
وبعدين شنو الهدايا والأغراض المطلوبة من السعودية
ونحنا تحت الخدمة
وين سيارات التأجير الفخمة
هل فتحت مطاعم خمسة نجوم بالمدينة؟
وهلم جر
تحياتنا

[Isam Hussien H]

إن شاء الله كلنا نازلين إجازة في نهاية ديسمبر
بس ما أطن نسأل هذه الاسالةبعدين يقولوا علينا اغتراب الصومال
عايزين نعرف وين نلاقي الناس الحلوين
وبعدين شنو الهدايا والأغراض المطلوبة من السعودية
ونحنا تحت الخدمة
وين سيارات التأجير الفخمة
هل فتحت مطاعم خمسة نجوم بالمدينة؟
وهلم جر
تحياتنا

جبت لينا الكلام ياروبش .. ومجدي سنجر وضع لك خريطة طريق .. حاول إتراجع وأمشي في خطاه .. بعدين كتر من القمصان والأشياء الراقية كهدايا للناس الراقين .. وأعرش علي كدا كما ينادي الجندي المجهول ..

[روبش]

كنا نتمني تلحق لمه الليله ..
لكن مافي مشكله ..
الجايات اكتر ..

اقول ما ممكن تأجيلوها
طيب اطبقوها يوم الاحد

[روبش]

إن شاء الله كلنا نازلين إجازة في نهاية ديسمبر
بس ما أطن نسأل هذه الاسالةبعدين يقولوا علينا اغتراب الصومال
عايزين نعرف وين نلاقي الناس الحلوين
وبعدين شنو الهدايا والأغراض المطلوبة من السعودية
ونحنا تحت الخدمة
وين سيارات التأجير الفخمة
هل فتحت مطاعم خمسة نجوم بالمدينة؟
وهلم جر
تحياتنا

الحبيب مجدي سنجر
اديك العافيه على المداخله
كل مغترب بنزل على حسب قروشه
وكل مغترب بشتري على حسب زوقه
وانا ذوقي زوق حي القبة
وأنا بشتري مداخلات الاعضاء
وبهدي لنفسي اولاً وليهم ثانياً لقائي بهم والتعرف بهم عن قرب
اقول ::: اها في هديه اكتر من كده

[مايسة]

إجازة سعيدة
وتصل بالسلامة ان شاء الله -

تخريمة: أديك معلومة بسيطة عشان ما تتخلع بعدين في المطار :)
لو لقيت شنطتك فيها علامة (اكس) - مكرسه يعني - اعرف انو حا تخش على الجمارك
وعينك ما حا تشوف الا النور معاهم -

[روبش]

جبت لينا الكلام ياروبش .. ومجدي سنجر وضع لك خريطة طريق .. حاول إتراجع وأمشي في خطاه .. بعدين كتر من القمصان والأشياء الراقية كهدايا للناس الراقين .. وأعرش علي كدا كما ينادي الجندي المجهول ..

الحبيب عصام
اديك العافيه
اقول :: مجدي لعب الباص لنفسه .. يعني رجع ليهو
لكن نحن يا عصام بنلعب الباص الصح

[مدنيّة]

وبهدي لنفسي اولاً وليهم ثانياً لقائي بهم والتعرف بهم عن قرب
اقول ::: اها في هديه اكتر من كده

اوسكار اددددددديل ياروبش

[روبش]

إجازة سعيدة
وتصل بالسلامة ان شاء الله -

تخريمة: أديك معلومة بسيطة عشان ما تتخلع بعدين في المطار :)
لو لقيت شنطتك فيها علامة (اكس) - مكرسه يعني - اعرف انو حا تخش على الجمارك
وعينك ما حا تشوف الا النور معاهم -

اديك العافيه مايسه على المداخله
وانشاء الله يصير خير
اطمئنك بأن الشنط خاليه من الكروسترول

[روبش]

اوسكار اددددددديل ياروبش

عمتي :: حاجة زي كده
اقول ::: اها حضرتي اليموزين

[كارلوس2008]

غايتو انا ما بقصر معاك بعطيـك الشريحـة بتاعتي بتاعت الإجازة السابقة
ووفرت عليك يعني انت من تصل بورتسودان بتدخل الشبكة السودانية وكمان مع mtn مافي مسك كوووووووووول رش على طول

والشريحة التاني بتاعت اريبا برضوا لو لقيته في اليومين ديل يعني يبقى عندك شريحتين وأريبا دي خاصة للونسه الطويله


مع تمنياتي لك بإجازة سعيدة ولما تجي لازم تجيب لي معاك فسيــــــــــــخ من اشطر بتاع فسيخ في مدني وزيت سمســم

[مجدى سنجر]

العزيز روبش
هدية أغلي بس الأنفس عايزة ضحاكات
انا عارفك ما بتشتري هدايا لكن بتوزع الكنجالات مباشرة
انت ما من قطر مش من المغتربين التعبانين
وعصام حسين عارف مستواك بس مطنش
ولنا عودة والتحايا للحلوين

[روبش]

العزيز روبش
هدية أغلي بس الأنفس عايزة ضحاكات
انا عارفك ما بتشتري هدايا لكن بتوزع الكنجالات مباشرة
انت ما من قطر مش من المغتربين التعبانين
وعصام حسين عارف مستواك بس مطنش
ولنا عودة والتحايا للحلوين

الحبيب مجدي منتظرين دعمكم السخي
اقول :: عصام حسين بطنه غريقه

[حاتم عمر]

غايتو انا ما بقصر معاك بعطيـك الشريحـة بتاعتي بتاعت الإجازة السابقة
ووفرت عليك يعني انت من تصل بورتسودان بتدخل الشبكة السودانية وكمان مع mtn مافي مسك كوووووووووول رش على طول

والشريحة التاني بتاعت اريبا برضوا لو لقيته في اليومين ديل يعني يبقى عندك شريحتين وأريبا دي خاصة للونسه الطويله


مع تمنياتي لك بإجازة سعيدة ولما تجي لازم تجيب لي معاك فسيــــــــــــخ من اشطر بتاع فسيخ في مدني وزيت سمســم

كارلوس ، انا خايفو يقول ليك فيها رصيد ولا ما فيها
امسك الخشب يا روبش وترجع بالسلامة