كلام وراهو كلام

[مصطفى هاتريك]

سؤال في المعلومات العامة

[مصطفى هاتريك]

هل يجوز للرجل

أن يخرج من المنزل دون إذن زوجته ؟؟

علل ؟؟

[بحيرى]

على حسب خبرتى العميغة فى الزواج ....!!
اعتقد على الزوج ان يأخذ الاذن فى ايام الزواج الاولى ....
لزوم دلع للمدام ... وايضاً لزوم يبعد الشبهات عنه ....
اما لمن المرأه تكون حامل .....
اعتقد فى أثخذان الاذن فرض كفايه ....
يعنى على حسب روقة دم المدام .....
اما عندما تنجب المرأه طفلاً .....
فاعتقد انو مافى داعى للإذن ....
لانك وبصراحه غير مرغوب فيك ......!!!

تخريمه :
انت ماشى وين بتكوس فى الاذن من الصباح ....
لا خلاص عرفت ....
ماشى العشاء بتاع عم محجوب ....
هاهاهاها ...
عندك حلين ....
يا إما تسوق معاك المدام ....
يا إما تسوق معاك المدام ....
لانها بصراحه فترت من عزومات المنتدى اللى نصاص الليالى دى ....
وولدك ذاتو فتر .... كملت ليهو قمصانو بمرقاتك الكل يوم دى ....

إقتراح :
إنت ما تطلب من عمك محجوب احول ليك العشاء فى بيتك .... وترتاح من الموضوع ده كلو ....
اصلو عمك محجوب ما فارقه معاهو .... لانو لاعبين معاهو مان تو مان ....
يعنى ما فرقت بره البيت ولا جوه البيت .... الامر سيان ....
هاهاهاها ...
قال إذن قال .....
والله الليله الشافك متعشى عند محمود بتاع الفول الجمب الافران ما كضب ....!!!

[mahagoub]

بحيرى سلام
انت حارقك العشا ولا شنو
انت تعال وانا بعمل ليك واحد مخصوص
يعنى الجماعه ما بطلعوا الا فى عشا محجوب
ولا عاوز تكره النسوان فى اسم محجوب

[ahmed algam]

شكلو دا واحد جاء من الصباح

وقال كمان ماقال للمره

هو مارق

لزوم حاجات كدة (( بس اتضح انو من امبارح المساء مياخد الاذن ))


ههههههه هههههه ههههه

[مصطفى هاتريك]

على حسب خبرتى العميغة فى الزواج ....!!
.!!!






خــــــــــــبرة و خـــــــــــــيط ؟؟؟

[مصطفى هاتريك]

بحيرى سلام
انت حارقك العشا ولا شنو
انت تعال وانا بعمل ليك واحد مخصوص
يعنى الجماعه ما بطلعوا الا فى عشا محجوب
ولا عاوز تكره النسوان فى اسم محجوب



عاين ,,, عليك الله أقيف بغاااادي

لما أفضى و أرجع ليك

[مصطفى هاتريك]

شكلو دا واحد جاء من الصباح

وقال كمان ماقال للمره

هو مارق

لزوم حاجات كدة (( بس اتضح انو من امبارح المساء مياخد الاذن ))


ههههههه هههههه ههههه



أحمد ,, كشفت الإمتحان ياخ

هسع ود المطامير التفتيحة داك يكون فهم الورا الكلام ذاتو

ياخ الزول ده بفهمها طايرة , و كان ما فهمها بنزلها و يفهمها

و يطيرها تاني

[أحمد عمر ( MOODY )]

أحمد ,, كشفت الإمتحان ياخ

هسع ود المطامير التفتيحة داك يكون فهم الورا الكلام ذاتو

ياخ الزول ده بفهمها طايرة , و كان ما فهمها بنزلها و يفهمها

و يطيرها تاني



بنزلها سدُر .. ويلعبها علي الطاير



الكلام دا .. ممكن يكون في أيّ وقت .. إلاّ آخر الإسبوع
و السبب إنو ما بدوهو .. إذن
يا أبو إذن إنت .. يااااااااااااا كُلك ذوق

[بحيرى]

بحيرى سلام
انت تعال وانا بعمل ليك واحد مخصوص



عزومه منك مقبوله ... معناها انا على بالك ...
لكن ....
البقنع مرتى منو ....!!!

[بحيرى]

خــــــــــــبرة و خـــــــــــــيط ؟؟؟


لا ناس البيت ....
هى يكا ....!!!

[بحيرى]

يا أبو إذن إنت .. يااااااااااااا كُلك ذوق


اصلو ما ممكن ...!!

[بنت الرفاعي]

عزومه منك مقبوله ... معناها انا على بالك ...
لكن ....
البقنع مرتى منو ....!!!




:rolleyes:
:cool:
:):):)

[بحيرى]

:rolleyes:
:cool:
:):):)



ليه يعنى النظره دى ...!!!
يعنى قصدك شنو يعنى ....
اى بخاااااف ... وبخااااف ...!!!

[ريمون]

ليه يعنى النظره دى ...!!!
يعنى قصدك شنو يعنى ....
اى بخاااااف ... وبخااااف ...!!!


انت ذاتك .. :confused:

يعني نضيفك لي علوني وعلقم خلاص ..!!! :rolleyes:

[بحيرى]

انت ذاتك .. :confused:

يعني نضيفك لي علوني وعلقم خلاص ..!!! :rolleyes:


ديل عذابه ....
انا البلمنى معاهم شنو ...!!!
سبحان الله ...!!

[ريمون]

ديل عذابه ....
انا البلمنى معاهم شنو ...!!!
سبحان الله ...!!

شايفاااااك داخل في الدور ..
انت قايلنا امبارح عقدنا ليك ولا شنو ؟؟؟؟

[بنت الرفاعي]

ليه يعنى النظره دى ...!!!
يعنى قصدك شنو يعنى ....
اى بخاااااف ... وبخااااف ...!!!








:d
لو سمحت
قلت مرتك وين؟!


:):):)

[بنت الرفاعي]

شايفاااااك داخل في الدور ..
انت قايلنا امبارح عقدنا ليك ولا شنو ؟؟؟؟






:):):)

داخل وبكل جدية،
ومعاهُ تجارب (وأشياء من هذا القبيل:cool:)!!.


:):):)

[moh_alnour]

هل يجوز للرجل أن يخرج من المنزل دون إذن زوجته ؟
علل ؟

إختلف المشرعون على أراء متفاوتة فمنهم من يرى أن الخروج للعمل لا يحتاج إلى إذن
و منهم من أفتى بضرورته ( أي الإذن ) في العمل و في كل المشاوير
بينما عند البعض مستحب و ذلك حتى تعلم الزوجة بمكان زوجها من باب العلم بالشيء فقط
و يرى بعض العلماء بضرورة إستئذان الزوجة ( الما واثقة ) من زوجها أو ( العينو زايقة ) و ذلك
حتى لا يلعب الفار في عبها و حتى لا يحدث الضرر و الغبن
و أيضا ً مخافة أن يقع خلاف بينهما في حال خرج الزوج متهندم و متعطر و قاشر :rolleyes:
و هناك طائفة ترى في الإذن من الزوجة فرض و واجب ولا يجوز الخروج من البيت لأي سبب من
الأسباب دون إذنها و الرجوع إليها و هذه الطائفة عُرفوا عند أهل الجماعة بطائفة ( المهروشين )
منهم ( معتز الريح السنهوري و رضا ود حسن الجعلي و أحمد مودي الهندسي و أبو مازن و الجندي المجهول
المعروف بعبارتة المشهورة - أعرش على كده - و أبو لوزة الخواضي و أبو عمرو حجاج بن إبيه )
و قد وصل الأمر ببعضهم أن بذلوا المال و الذهب و الإسكراتش في سبيل الخروج من المنزل :p

[مصطفى هاتريك]

إختلف المشرعون على أراء متفاوتة فمنهم من يرى أن الخروج للعمل لا يحتاج إلى إذن
و منهم من أفتى بضرورته ( أي الإذن ) في العمل و في كل المشاوير
بينما عند البعض مستحب و ذلك حتى تعلم الزوجة بمكان زوجها من باب العلم بالشيء فقط
و يرى بعض العلماء بضرورة إستئذان الزوجة ( الما واثقة ) من زوجها أو ( العينو زايقة ) و ذلك
حتى لا يلعب الفار في عبها و حتى لا يحدث الضرر و الغبن
و أيضا ً مخافة أن يقع خلاف بينهما في حال خرج الزوج متهندم و متعطر و قاشر :rolleyes:
و هناك طائفة ترى في الإذن من الزوجة فرض و واجب ولا يجوز الخروج من البيت لأي سبب من
الأسباب دون إذنها و الرجوع إليها و هذه الطائفة عُرفوا عند أهل الجماعة بطائفة ( المهروشين )
منهم ( معتز الريح السنهوري و رضا ود حسن الجعلي و أحمد مودي الهندسي و أبو مازن و الجندي المجهول
المعروف بعبارتة المشهورة - أعرش على كده - و أبو لوزة الخواضي و أبو عمرو حجاج بن إبيه )
و قد وصل الأمر ببعضهم أن بذلوا المال و الذهب و الإسكراتش في سبيل الخروج من المنزل :p


طبعا طوالي سامعين الجماعة بقولو شفافية شفافية

هذا مثال واضح للشفافية..................

و أنا (( شفيت )) الكلام ده من أستاذنا ود الجاك

لما فيه من شفافية

[بت أم درمان]

هل يجوز للرجل

أن يخرج من المنزل دون إذن زوجته ؟؟

علل ؟؟

لا يجوز
يجب
ومحبذ
ومستحب
واجباري
لازم يقول ماشي وين :o

[مصطفى هاتريك]

لا يجوز
يجب
ومحبذ
ومستحب
واجباري
لازم يقول ماشي وين :o

علل !!!!!!!!!!!!!

[نزار احمد كوارتي]

هل يجوز للرجل

أن يخرج من المنزل دون إذن زوجته ؟؟

علل ؟؟




حسب خبرتي الما حا تعجب ناس فلان وفلتكان دي

اليوم داك جيت عزومة عم محجوب وخليت مرتي ما جبتها معاي

وما وريتها زاتو ماشي وين وما بوريها وقعدت لي نصاص الليالي

وعليك الله يا ريمون أطلعي من الموضوع ده بره لو سمحتي

[ريمون]

حسب خبرتي الما حا تعجب ناس فلان وفلتكان دي اليوم داك جيت عزومة عم محجوب وخليت مرتي ما جبتها معاي وما وريتها زاتو ماشي وين وما بوريها وقعدت لي نصاص الليالي وعليك الله يا ريمون أطلعي من الموضوع ده بره لو سمحتي
هسه انا سألتك ؟؟
ولا قلت حاجه ؟؟
موبي قلنا ليهو في شمار ما رفع لينا ضوء ..
بجي مطاميرو و المسافر ..
ولا بقوليهم مهروش من اول يوم ..
ولا بقول ليهم مقيل اليوم كلو في الحنانه ..
ولا بقول ليهم العشا ده ما قدر ياكل الا بي الاذن ..
غايتو انا بس بقول ليهم ..
فات موبي بي هناااااك ..
واسألوا الباقين ..
ما بقدر اخش في التفاصيل ..هههههههه

[خالد علونى]

إختلف المشرعون على أراء متفاوتة فمنهم من يرى أن الخروج للعمل لا يحتاج إلى إذن
و منهم من أفتى بضرورته ( أي الإذن ) في العمل و في كل المشاوير
بينما عند البعض مستحب و ذلك حتى تعلم الزوجة بمكان زوجها من باب العلم بالشيء فقط
و يرى بعض العلماء بضرورة إستئذان الزوجة ( الما واثقة ) من زوجها أو ( العينو زايقة ) و ذلك
حتى لا يلعب الفار في عبها و حتى لا يحدث الضرر و الغبن
و أيضا ً مخافة أن يقع خلاف بينهما في حال خرج الزوج متهندم و متعطر و قاشر :rolleyes:
و هناك طائفة ترى في الإذن من الزوجة فرض و واجب ولا يجوز الخروج من البيت لأي سبب من
الأسباب دون إذنها و الرجوع إليها و هذه الطائفة عُرفوا عند أهل الجماعة بطائفة ( المهروشين )
منهم ( معتز الريح السنهوري و رضا ود حسن الجعلي و أحمد مودي الهندسي و أبو مازن و الجندي المجهول
المعروف بعبارتة المشهورة - أعرش على كده - و أبو لوزة الخواضي و أبو عمرو حجاج بن إبيه )
و قد وصل الأمر ببعضهم أن بذلوا المال و الذهب و الإسكراتش في سبيل الخروج من المنزل :p

والله يا ود النور البقرا كلامك دا
والبشوف حالة ود المطامير
ومودي
وكمان هسي جابت ليها هاتريك
ويشوف وريق الخدة وغسيل العدة
والاتندس صباح ومسا

يقنع من العرس مرة واحدة

[مايسة]

والله يا ود النور البقرا كلامك دا
والبشوف حالة ود المطامير
ومودي
وكمان هسي جابت ليها هاتريك
ويشوف وريق الخدة وغسيل العدة
والاتندس صباح ومسا

يقنع من العرس مرة واحدة


ديل بغشوووووووووووووووووك علوني
ما تسمع كلامهم -

هسي كونو الواحد يخش بزمن ويطلع بزمن
مش انضباط

غسيل العدة مش فيهو نظافة لليد والاظافر زاتو

كونو يحموك السهر برا مش مفيد لصحتك

باختصار

عاين للنصف الممتلئ من الكوب :cool:

[مايسة]

حسب خبرتي الما حا تعجب ناس فلان وفلتكان دي

اليوم داك جيت عزومة عم محجوب وخليت مرتي ما جبتها معاي

وما وريتها زاتو ماشي وين وما بوريها وقعدت لي نصاص الليالي

وعليك الله يا ريمون أطلعي من الموضوع ده بره لو سمحتي


قادر الله غايتو
ما إتعرفته عليك طبعا -
دا حالتو انت قوي صح

الف مبروك نزار مرة تانية - وربنا يسعدكم ان شاء الله

[خالد علونى]

ديل بغشوووووووووووووووووك علوني
ما تسمع كلامهم -

هسي كونو الواحد يخش بزمن ويطلع بزمن
مش انضباط

غسيل العدة مش فيهو نظافة لليد والاظافر زاتو

كونو يحموك السهر برا مش مفيد لصحتك

باختصار

عاين للنصف الممتلئ من الكوب :cool:





لا كان كدي خلاس

[ريمون]

والله يا ود النور البقرا كلامك دا
والبشوف حالة ود المطامير
ومودي
وكمان هسي جابت ليها هاتريك
ويشوف وريق الخدة وغسيل العدة
والاتندس صباح ومسا

يقنع من العرس مرة واحدة
بيدي لا بيد عمرو ..
:rolleyes::cool::rolleyes:

[ريمون]

قادر الله غايتو
ما إتعرفته عليك طبعا -
دا حالتو انت قوي صح

الف مبروك نزار مرة تانية - وربنا يسعدكم ان شاء الله

عينك يا ميسو ما تشوف الا النور ..

[مايسة]

عينك يا ميسو ما تشوف الا النور ..


هههههههههه
خلاث انتو ما تفضحو اقصد ما تتكلمو كدا
خلوهو براهو يكتشف وبعدين بجي يتكلم -
غايتو مودي ومطاميرو لقو ليهم رفيق تالت
نسيت نزار ود حسن برضو

وما خفى اعظم

[خالد علونى]

بيدي لا بيد عمرو ..
:rolleyes::cool::rolleyes:

عمرو منو؟ غايتو ناس تشكك الواحد في اسمو من الصباح

[أحمد (الغالي)]

ده كلام شنو يا هاتريك ياخ
مالك داير تخليني اغير رايي فيك؟؟

إستئذان؟؟؟؟؟؟؟؟؟؟؟؟؟
إستئذان ده ود ناس منو ده ؟؟
شكلك كدا انت ما ضبحت الكديسة يا صاحبي زمان

شوف يا الأخو
تحمر عينك و تطلع ساااي
قال استئذان قال
علي اليمين أنا لما أكون في مدني بطلع ساااي و لحدي نص الليل
أسأل كمان ود علقم
أي اجتماع أو كتلة أحضرا في مدني بتمها لحدي ما المو الكراسي
و حذار ان تكون من الهراشين الذين ينهرشون انهراشا
أعمل بي نصيحتي و بعدين تقول الغالي قال

[خالد علونى]

ده كلام شنو يا هاتريك ياخ
مالك داير تخليني اغير رايي فيك؟؟

إستئذان؟؟؟؟؟؟؟؟؟؟؟؟؟
إستئذان ده ود ناس منو ده ؟؟
شكلك كدا انت ما ضبحت الكديسة يا صاحبي زمان

شوف يا الأخو
تحمر عينك و تطلع ساااي
قال استئذان قال
علي اليمين أنا لما أكون في مدني بطلع ساااي و لحدي نص الليل
أسأل كمان ود علقم
أي اجتماع أو كتلة أحضرا في مدني بتمها لحدي ما المو الكراسي
و حذار ان تكون من الهراشين الذين ينهرشون انهراشا
أعمل بي نصيحتي و بعدين تقول الغالي قال



لا لا يا الغالي

هاتريك دا من ناحية ضبك الكديسة ضبحا




لكين سمعت قالوا جابو ليهو كديسة تاني

[mahagoub]

هسه انا سألتك ؟؟
ولا قلت حاجه ؟؟
موبي قلنا ليهو في شمار ما رفع لينا ضوء ..
بجي مطاميرو و المسافر ..
ولا بقوليهم مهروش من اول يوم ..
ولا بقول ليهم مقيل اليوم كلو في الحنانه ..
ولا بقول ليهم العشا ده ما قدر ياكل الا بي الاذن ..
غايتو انا بس بقول ليهم ..
فات موبي بي هناااااك ..
واسألوا الباقين ..
ما بقدر اخش في التفاصيل ..هههههههه

كلامك صحى
قالت ليه انا ما جاهزه
امشى براك قدر ما حاول ما فى طريقه
ادوه ليك عين لملم كرعينه وجانا
كلما نسأله يقول جايه بعد شويه

[mahagoub]

كدى شوفوا الاستطلاعات دى

قوة الشخصية شيء مطلوب للرجل لانه ينعكس على تصرفاته وافعاله لذا قوة الشخصية تمنحه القوة والوقار والاحترام لذا تجد دائما اي فتاة تبحث عن فارس احلامها بان يكون ذو شخصية قوية لان قوة الشخصية هو جزء من كيان الرجل وايضا قوة الشخصية مطلوبة ايضا للفتاة لان عدم الثقة يترك الانسان سلبي ويكون امعة دائما وليست مسئولاً لذا تشكل قوة الشخصية دائما هيبة للرجل لان الرجل بلا شخصية مثل الصورة.

مني شمس الدين

دائما أحبذ تكون الشخصية القوية بالنسبة للرجل اما المرأة القوية تكون متسلطة على الرجل في كل الامور ويجب ان تكون قوة الشخصية في الحد المعقول.

اسراء نصر الدين

الرجل دائما شخصيته أقوي من المرأة ويرجع ذلك من خلال التنشئة والرجل لديه صلاحيات اكثر من المرأة ودائما آرائه مسموعة أكثر من المرأة

خديجة بشير

الرجل والمرأة متساوون في قوة الشخصية ولكن حاليا اصبحت المرأة هي الرائد في قوة الشخصية واصبحت هي المسئول الاول وهذا من خلال مناصب كثيرة اثبتت جدارتها فيها واصبحت هي المسئول الاول عن عائلتها ومجتمعها لهروب الرجل من المسئوليات.

مريم بكري

الرجل يجب ان تكون شخصيته قوية في كل الاحوال حتي ولو نسبيا اما الرجل الذي شخصيته ضعيفة لا يحس بالانوثة دوما وخاصة اذا كانت شخصيتي اقوي منه ولكن عندما يكون الرجل هو قائد العلاقة يكون افضل لان قوة شخصية المرأة قد تؤثر على سلوك الاطفال وطريقة تنشأتهم قد تكون مختلفة.

خديجة صالح: -

ابحث دائما الى الرجل ذو الشخصية القوية لان الشخص الضعيف قد لا يتماشي في كثير من الامور وليس لديه كلمة.

سلمي عبد الله:-

لا يوجد رجل شخصيته ضعيفة ولكن المرأة هي التي تكسر شخصية الرجل وهذا يرجع الى مشكلة نفسية لانها قد تكون عانت من ضغط الرجل في المنزل سواء كان اب او أخ فبالتالي تظهر عقدتها النفسية في زوجها فتكون تحب السيطرة والتملك فهي مسألة نسبية تعتمد على الطريقة التي يسيرون بها حياتهم وعلى الطريقة المتفق عليها في سير الحياة في الحقوق والواجبات والاحترام المتبادل من أجل حياة هادئة.

(ع. أ)

ضعف الشخصية بالنسبة للرجل هي السلاح ذو الحدين ممكن ان يكون بالنسبة للمرأة في طاعة الاوامر وممكن ان يغلب طاعته باي طرق أخري خارج حياته الخاصة ويمكن ان يسمع اوامرها دائما فتصبح هي صاحبة الرأي.

او قوة شخصية آراء من حوله تأثر عليه فيخسر كثيراً في حياته لانه ليس لديه رأي مستقل بنفسه وتختل لديه موازين الحياة ولا يكون لديه هدف في حياته بالنسبة للشخص الضعيف حتي اذا وجد فلا يكون لديه اي طموح لتحقيق هدفه.

منقول من الدار

[مصطفى هاتريك]

والله يا ود النور البقرا كلامك دا

يقنع من العرس مرة واحدة


يا اخوي داير ليك سبب سااااي!!!!!!!!!!!

[مصطفى هاتريك]

ده كلام شنو يا هاتريك ياخ
مالك داير تخليني اغير رايي فيك؟؟

إستئذان؟؟؟؟؟؟؟؟؟؟؟؟؟
إستئذان ده ود ناس منو ده ؟؟
شكلك كدا انت ما ضبحت الكديسة يا صاحبي زمان

شوف يا الأخو
تحمر عينك و تطلع ساااي
قال استئذان قال
علي اليمين أنا لما أكون في مدني بطلع ساااي و لحدي نص الليل
أسأل كمان ود علقم
أي اجتماع أو كتلة أحضرا في مدني بتمها لحدي ما المو الكراسي
و حذار ان تكون من الهراشين الذين ينهرشون انهراشا
أعمل بي نصيحتي و بعدين تقول الغالي قال





عيني في عينك كده يا غالي !!