المساعد الشخصي الرقمي

مشاهدة النسخة كاملة : اسطوره هواي


الشمشار
03-12-2011, 05:42 AM
سلامات
ده الموضوع رقم 17 لي في المنتدي بخلاف بوست الترحيب
ودي المشاركه رقم 177
ولعل الرقمين 7و1 يعنيان لي الكثير فأنا مولود يوم 11/7ولانني مولع بالارقام
لذلك آثرت ان تاتي هذه المشاركه وهذا البوست ليكون اول ما اكتبه في مدونتي التي اخترت لها اسم كلام زول مجنون
ارحكم اوريكم المجانين بيقولو شنو عن حبيباتهم او اساطير هواهم
البوست اهداء خاص لاسطوره هواي رغم انها لاتشاركني العضويه في هذا المنتدي الا انها معنا الان بقلبها
تفويته
ماتتلفتو قلنا بقلبها هههههههههههه
الشمشار
03-12-2011, 05:53 AM
انا ماهويتك من فراغ ولاكنت كايس لي حبيب
شفتك عيان وقتي البهاتي علي الحليب
برضع حليب امي ومعاه صورتك تزوزي لي قريب
وطيفك معاي لو في المنام وحبك موهط في القليب
ريقي من ريقك سواء اصحاب بيلعبو في دريب
دمي من دمك انا وانتي الهوي وانتي النصيب
بتنفسك ضحكه وغناء وبتحسسك غصنا رطيب
ببراك لي عند البيوت بطراك في ساعه المغيب
سويتك حلم عمري وهواي وعشمي ماممكن يخيب
*********************************************

وكيفن يخيب وانا في رجاك كملت ابيات القصيد
نضف جروح الريد وراك كانت ملاني حصي وصديد
وفرشت ليك انتي القلب وكفرت بالفاتن بعيد
نصبتك انتي الملكه في وسقيت هواي من الوريد
والشتله نورت وفرهدت كسر السبيط عود الجريد
انا في هواك مجنون عديل اربطيني سوي لي الحديد
الشمشار
03-12-2011, 05:54 AM
ياملاكي ....اناكفرت بي قصص الغرام قبال اشوفك وانجرف
يومك الصادفتي قلبي وهواك الله علي احلي الصدف
كلبشت في ريدك تمام وبذرتي في جواي هواك انا معترف
حبيتك انتي وبي مزاج غرفت من فيض الحنان والله مامليت غرف
ساسقت في كل اللغات شان القي لي عيونك حروف ترسم وصف
لكن عجز عندي اللسان وشاكي الحروف المن جمالك تنكسف
شان اوصفك داير اكون جنبك عديل والكتف ملصوق في الكتف
قبل اوصفك برمق عيونك واندهش ياربي الطف وزيد لطف
سكين عينيك تضبح عديل نظره عينيك تخطف خطف
وانا ماحيلتي غير ادعو الكريم واحاول اتغاضي الطرف
لكن عيوني بيزعلن يبكن حزن و عليك دموعها تهل ترف
انا مابلومك ياعيوني ابكن وراها انا برضي كاتلني الولف
فجأه استدرك اني ماوصف ووقفت في بحر عينيك الف
ابدا في وصف عينيك كيف ؟؟؟واوري زولا ماعرف
اناني في وصفك انا عن الوصف انا منصرف
بس ياجميله بكل صراح في قلبك انتي انا معتكف
الشمشار
03-12-2011, 05:57 AM
بديت في مشوار هواك بدون تعب
جابدت لي خيوط القدر وانا اتنكب
يوم شلتي قلبي بنظرتك الدنيا ضحكت لي تب
قمت من بين المحن ايديكي قالت لي كب
ضحكه وشيك وبسمتك خلت قليبي عليك شب
مسكين انا داير اكون من سقف قلبك ولي العتب
ياخ مسكينا عشق برضو المساكين ليها رب
انا في رجاك ووعدي صادق ماكضب
انا في رجاك لو حتي طيفك احتجب
انا في رجاك ياالحبك بقي الدم والعصب
وانا في رجا صوتك يجيني انا انطرب
انا في حواك درويش مصاقر لي القبب
وانا في رجاك لامن يصير الدوم عنب
ياروحي هووووي بقوله صادق وماكذب
وفيت ديوني علي الخلوق بس دين هواك علي صعب
انا في رجاك لامن شمسو تشرق من غرب



حاجه خاصه
راجيك لي يوم يبعث الناس العباد
وحبك باقي الروح والزاد
الشمشار
03-12-2011, 05:58 AM
افتحي كفك شان اقراهو واشوف الطالع ايه بيقول
بس ارجوك عيونك غادي سهم عينيك نصل مسلول
ارجوك بحبي تداري عيونك انا بي كفك جد مشغول
وما بستحمل سهم عيونك وايدك برضو ما ما معقول
قال الطالع انك نجمه ونورك ساطع وخاتيه القول
وقالن اناملك لي ايديا يارب نتلاقي دوام علي طول
حتي ايدي بقت تتكلم وعيني سرحن في المجهول
مابوصف لك صن اضني وموت كرعي انا ما مسئول
كان مت في عيونك وقلبي انا اعلن للدنيا رحول
اقيفي استني انا ماخلصت معاك بيحلي الحكي والقول

******** ****** *************
الشمشار
03-12-2011, 05:58 AM
مستغربك انا منبهر كيفن معاي ومامعاي مرات بتبخلي بالسلام
مرات تهدهدي فيني زي طفلا رضيع مرات تفرضي علي فطام
وانا اتفطم ؟ كيفن ومين البيقدر يفطم القلب الملان ريده وهيام
ومين البيقدر ينسي ريد اتوهط الروح والجسد حتي العظام
اتوسدي الايدالتحن علي قلبك وابكي زين مادام خلاص كمل عندي الكلام
الشمشار
03-12-2011, 05:59 AM
كضبت صوت جواي بقول بعدت بعيد ما بتتلحق
رميت قليبا ليك يهيم ملياااااااااااان عشق
انا ما اظن اقدر اقول غير الكلام الجد صدق
بهواك كان بالغصب ما دام هواك بي نارويحرق في حرق
ودسمير
03-12-2011, 09:38 AM
اقول كلام تب ما بتقال ....

حروفك كان صدق كان محال

خلتنى دون قصد ...

ارن لى ست الخصال

شان تسمع حروفك ...

الخلن دمعى سال !!




رائع يا أبو اروائع
تغريدا
03-12-2011, 11:32 AM
صراحة دا بوست دايرلو قعدة موهطة

حد الروعة ياشمشارومنور والله
خالد علونى
03-12-2011, 10:52 PM
دوما جميل يا شمشار





صباحك نور
mahagoub
03-12-2011, 11:59 PM
بين شد وجذب
فى انتظار مراسيك



أن شاء الله اجن وازيد فى الجن
الشمشار
05-12-2011, 11:48 PM
اقول كلام تب ما بتقال ....

حروفك كان صدق كان محال

خلتنى دون قصد ...

ارن لى ست الخصال

شان تسمع حروفك ...

الخلن دمعى سال !!




رائع يا أبو اروائع

تسلم يا جميل ويخلي ليك ست الخصال يارب
الشمشار
05-12-2011, 11:59 PM
صراحة دا بوست دايرلو قعدة موهطة

حد الروعة ياشمشارومنور والله


يسلمو النور نورك
الشمشار
06-12-2011, 12:00 AM
دوما جميل يا شمشار





صباحك نور




صباحك بنفسج ياحبيبنا نورتني والله
الشمشار
06-12-2011, 12:03 AM
بين شد وجذب
فى انتظار مراسيك



أن شاء الله اجن وازيد فى الجن
ههههههههههه سلامتك من الجنون وان شاء الله ما اطول عليك تسلم