المساعد الشخصي الرقمي

مشاهدة النسخة كاملة : كلتشي وهجوم الفريق القومي.....



ZANOON
14-12-2011, 10:45 PM
نقلت الاخبار في الايام القليله الماضيه تصريحات الكوتش مازدا بضم النيجيريين كلتشي وسولي شريف للفريق القومي لقياده خط هجوم المنتخب بكاس الامم الافريقيه ...
تساؤلات عده خطرت عليً من هذا القرار المتوقع نزوله لارض الواقع في الايام القليله القادمه ....
هل وصل بنا الحال ان نستجلب لاعبين افارقه يمثلون منتخبنا الوطني؟؟؟؟؟
وهل أصبحت حواء هجوم السودان عاقره عن انجاب مهاجمين يحملون الاهداف بين ارجلهم ورؤسهم ؟؟؟
وهل تفيد الفكره مستقبلا ...في اعادتنا الي الواجه من جديد؟؟؟
وقفت مع الفكره ....
لانني اري ان المهاجمين السودانيين بعيديين كل البعد عن الذكاء في تطوير مستواهم من اجل الذهاب ابعد من طموح (مريخ#هلال)...وعندما يصلون الي القمه تكون الشيشه حاضره اكثر من حضورهم داخل منطقه الجزاء ....حتي المريخ والهلال عندما ارتفع سقف طموحهم لنيل العروس الافريقيه اتجهوا الي الهجوم المحترف لتحقيق هدفهم المنشود ....
صراحه لايمكن ان اثق في مهاجمونا حتي بلاعبي القمه لتخطي الدور الاول من المشاركه المنتظره ...واقصد كاريكا وبكري وطمبل وهنو وان كنت اري ان عبده جابر افضلهم لو منح الفرصه الكافيه مع فريقه ومع المنتخب .....
هل اتجاه الاتحاد يجعل لاعبينا الصغار يبتعدون عن خط الهجوم مستقبلا خوفا من وجود المجنسييييييين؟؟؟؟
عديد من الدول اتجهت الي الاستفاده من التجنيس ودونكم قطر الشقيقه والمثال سبيستيان سوريا ....
نعم قد يكون الولاء ما يميز لاعبيننا الوطنيين ...ولكن في نفس الوقت اصبح ولاءهم للماده اكثر!!!
كلتشي وسولي ...الشي الوحيد الذي لا يمكن ان ابتلعه هو لحظه النشيد الوطني وسكاتهم عن ترديده !!!
علي العموم تجربه ستلقي بكثير من التساؤلات والاراء التي لن تجد اجوبه....
وكان الله في عون مازدا وما ادخل نفسه فيه...

ايمن عبد الله
16-12-2011, 10:02 AM
الحبيب زنون .. تحياتي..

يعني هم سولي وكلاتشي ..خلاص بحلو المشكلة ..

كدي راجع شوف سولي وكلاتشي عملو شنو المؤسم الفائت وعندهم كم هدف ..

tito_santana
16-12-2011, 10:34 PM
مالو البنطون والعقرب

عيبوهم لي ...

اهي اهي اهي

بكري وكاريكا هجوووم اقوي فريق عربي وافريقي ...:cool:

ما ممكن يبقو اقوي هجوم للمنتخب

اهي اهي اهي

انا مهااااجم ماااسورة وبشوت في العرااااضة

رضا حسن محمد
17-12-2011, 12:18 AM
مالو البنطون والعقرب

عيبوهم لي ...

اهي اهي اهي

بكري وكاريكا هجوووم اقوي فريق عربي وافريقي ...:cool:

ما ممكن يبقو اقوي هجوم للمنتخب

اهي اهي اهي

انا مهااااجم ماااسورة وبشوت في العرااااضة

غصبا عنك ، انت وبلة جابر

ZANOON
17-12-2011, 12:57 AM
الحبيب زنون .. تحياتي..

يعني هم سولي وكلاتشي ..خلاص بحلو المشكلة ..

كدي راجع شوف سولي وكلاتشي عملو شنو المؤسم الفائت وعندهم كم هدف ..

حبييييبنا ايمن تحياتي ياغالي....
اعلم بان كلتشي وسولي شريف لن يحلا مشكله الهجوم في منتخبنا الوطني ....
فكلتشي حتي في هجوم المريخ يجلس احتياطيا ...وسولي شريف رزق اليوم باليوم بمعني كل موسم مع فريق ....
ولكن اذا نظرت الي مهاجمونا السودانيين تجدهم بعيدين كل البعد عن مستوي المهاجمين الذين نراهم حتي في اقرب المنافسات العربيه ....
لقناعتي بوضاعه مستوي مهاجمونا ....!!!!
طرحت الموضوع مستفبلا هل يمكن ان يفيد التجنيس المنتخب في محترفين ....يفيدونا ويغنونا عن مستوي من نراهم اليوم من لاعبين....

ZANOON
17-12-2011, 01:05 AM
مالو البنطون والعقرب

عيبوهم لي ...

اهي اهي اهي

بكري وكاريكا هجوووم اقوي فريق عربي وافريقي ...:cool:

ما ممكن يبقو اقوي هجوم للمنتخب

اهي اهي اهي

انا مهااااجم ماااسورة وبشوت في العرااااضة
تيتو الهندي ....
هذا عندما يتعلق الامر بالهلال ...محليا وخارجيا...
ولكن عندما يتعلق الامر بالمنتخب ....فهما ومن مهم من مهاجمي المريخ لن يكونا في قامه المنتخب ...
ولو رجع العجب وهيثم عشرات السنين الي الوراء...في صناعه اللعب...

ZANOON
17-12-2011, 01:07 AM
غصبا عنك ، انت وبلة جابر

شكلك محروق من تيتو اكتر من بله جابر.....
براحه علي الجماعه ياتيتو...

رضا حسن محمد
17-12-2011, 03:23 AM
شكلك محروق من تيتو اكتر من بله جابر.....
براحه علي الجماعه ياتيتو...
والله ما محروق من تيتو بل على العكس احبو جدا
ولو يتكرم ويجينا فى بحر جدة نعمل ليهو حفلة انا وزيكو

ايمن عبد الله
17-12-2011, 04:26 AM
والله ما محروق من تيتو بل على العكس احبو جدا
ولو يتكرم ويجينا فى بحر جدة نعمل ليهو حفلة انا وزيكو

هو عوير يجيك انت والمجاهد زيكو لييييييي عشان تدقو ..

رضا حسن محمد
17-12-2011, 09:43 PM
هو عوير يجيك انت والمجاهد زيكو لييييييي عشان تدقو ..

ايمن المريخابى الظريف المابشبه المريخاب
خلى يجى ندقو دق

ZANOON
17-12-2011, 10:18 PM
والله ما محروق من تيتو بل على العكس احبو جدا
ولو يتكرم ويجينا فى بحر جدة نعمل ليهو حفلة انا وزيكو

شكلك يا استاذ رضا ...
مبيت النيه ....دايرين تودوه البحر ودييييييك ....يالطاره...
دايرنك ياتيتو بالطاره الدوليه....ههههههه
حبابك في مدني ...ننورا ليك زقاق زقاق وشارع شارع ...
و
و
و
و
و
زنقه زنقه....بس انت تعال...وريًح معاك البال

ZANOON
17-12-2011, 10:21 PM
هو عوير يجيك انت والمجاهد زيكو لييييييي عشان تدقو ..

وزيكو ياايمن ...
بكون عاضي اصبعوا ...
ويقول ...بس خليهو يجي
تلقوها عند الغافل

ZANOON
17-12-2011, 10:22 PM
ايمن المريخابى الظريف المابشبه المريخاب
خلى يجى ندقو دق

ما فيو ملامحنا وصفاتنا

رضا حسن محمد
17-12-2011, 10:24 PM
شكلك يا استاذ رضا ...
مبيت النيه ....دايرين تودوه البحر ودييييييك ....يالطاره...
دايرنك ياتيتو بالطاره الدوليه....ههههههه
حبابك في مدني ...ننورا ليك زقاق زقاق وشارع شارع ...
و
و
و
و
و
زنقه زنقه....بس انت تعال...ويًح معاك البال

غربية اكتشفت انو فى كمية من المريخاااب لذيذيين
صراحة يا زنزن ناوين ليهو
وانا وزيكو فى الدافورى بنتونس بيهو
وهو بالمناسبة كتاباته جميلة وخفيفة الظل
المهم كان جا بدقو انا اول وبعدين يدقو زيكو
وزيكز لعب فى اتحاد مدنى وشوااااااااااااااااااااات

ايمن عبد الله
17-12-2011, 10:52 PM
ايمن المريخابى الظريف المابشبه المريخاب
خلى يجى ندقو دق

شكراً يا ظريف انت .. والله في هلالاب يا رضا معانا في المنتدى ده وانت اكيد منهم عسل عديييل وكان ما هم كان خلينا الرياضي وربنا يخلينا كده بس لا يحرمنا من بعض ...

لكن برضو ما بقنع تيتو اجيكم في جدة .. دايرين تغرقو في بحر ابحر ولا شنو يا شفوت

ايمن عبد الله
17-12-2011, 10:55 PM
وزيكو ياايمن ...
بكون عاضي اصبعوا ...
ويقول ...بس خليهو يجي
تلقوها عند الغافل

تيتو عارف الموضوع وعامل لابد .. لكن في مشاورات نرسل ليهم محمد الامين .. يوم الجمعة الجاية .. خليهم يكسروا ..وده بعرف ليهم كويس ومكرهم ليك الدافوري .. تيتو ده خلو .. ده موتور ساااي .. وسنة ناعمة ما بقدر على الناس ديل .. كع كع كع

ايمن عبد الله
17-12-2011, 10:58 PM
ما فيو ملامحنا وصفاتنا

العجب حلف ستين يمين قال ما بخلي اي خانة دايرين تشطبو اشطبو .. الجماعة عصرو ضنبهم ومشو لي قلق عملو لي قلق بشرط واحد (عرفت الشرط ده يا زنون)؟
وكمان ناس مازيمبي عنقدو في منبيزا الشطبو لي الدافي والخانة لسة فاضية .. غايتو جنس طرطشة يا زنون ..

مدنيّة
23-12-2011, 11:29 PM
غربية اكتشفت انو فى كمية من المريخاااب لذيذيين


إنت يارضا
اي مريخابي
بتقول ليه ما بيشبه المريخاب
طب ياخ ماياهو ديل كلهم المريخاب!
خلي الهلال وتعال بهنا
صدقني ح تكسب

رضا حسن محمد
24-12-2011, 04:28 AM
إنت يارضا
اي مريخابي
بتقول ليه ما بيشبه المريخاب
طب ياخ ماياهو ديل كلهم المريخاب!
خلي الهلال وتعال بهنا
صدقني ح تكسب
هسى فى ذمتك انتى بتشبهى قلق ولا نجم الدين ولا اديكو ولا ساكواها
انت بتشبهى مصطفى النقر لما كان عمرو 25 سنة

بنت الرفاعي
24-12-2011, 06:04 AM
:):):)

في بلادنا حتى اللاعبين المهرة
مُمكن يطلعوا برة ويستفيد من مهاراتهم الآخرين
لأنهُ لا يوجد من يهتم بهم!!،
وبالتأكيد إذا فتشوا بيلقوا،
وبعد ده كلو يا ليت إذا بتكون في إعدادات وتأهيلات ممتازة،
و......!!

الله المُستعان.

:):):)