المساعد الشخصي الرقمي

مشاهدة النسخة كاملة : $$ ثقالات بحيرى $$


بحيرى
17-12-2011, 11:49 AM
تحيه طيبه ....
لناس الحكومه .... والساده المشرفين .... لزوم كسير تلج وكده ....
والتحيه ممتده لتشمل جميع الاعضاء داخل وخارج الوطن .... بمناسبة اعياد الاستقلال المجيد .... بال (غ) ولا (ق) ما مشكله ...
مع الإعتزار لجميع خرجى كليات التربيه قسم اللغة العربيه والدراسات الإسلاميه ....
ولا شكر ولا تقدير للمستعمر الاجنبى الذى تركنا فى نص المسافه وزاق ( كبر اللفه )....
قايتو المستعمرين ديل ثقيلين جنس ثقاله .....
الحسنه الوحيده فيهم خلوا لينا عيد الاستقلال يوم 1/1 صبحية راس السنه إجازه .... يعنى ممكن الواحد اساهر للصباح ....
والتحيه ممتده لتشمل المرحوم حسن خليفه العطبراوى صاحب اغنية يلا يا غريب يلا لبلدك ....
ولا تحيه ولا تحيات لناس زين بمناسبة ذيادة القيمه المضافه لعملية تحويل الرصيد ....
والتحيه موصوله لعريس العام المنصرم نزار الصغمبروتى بمناسبة دخوله القفص الذهبى رغم الذياده المشهوده لسعر غرام الذهب ....
بمناسبة راس السنه .... انا عندى فكره بتراود فينى .... داير ابقى مشرف ... رايكم شنو ....
والله جادى معاكم ....
وكمان حاعمل حمله انتخابيه .... واترشح لمنصب قيادى كبير بالمنتدى .....
انشاء الله المشرف العام .... يعنى انا هين ولا لين .....
والله انا من يوم الشمعه الفاتت حاسى بانى مفروض اكون وزير دوله عديل كده ...
من ناحية هدوم .... عندى بنطلون وقميص جايات مع بعض .... يعنى ممكن اقطع نص فى برشلونه ماف ....
مش ذى ناس كده بأجروا البدل وما بدفعوا حق الإجار .....
مع الإعتزار لاحمد علقم وكل من لم يجد مقاسو فى ذلك اليوم ....
وكل التحايا للأستاذ مصطفى هاترك للمجهودات القيمه التى يبزلها لترقية الزوق العام .....
ولا تحيه ولا تحيات لرواد ومشرفى المنتدى العام ..... بعد ما حذفوا لى مشاركتى معاهم ......
وده السبب الرئيسى الخلانى اترشح لمنصب مشرف بالمنتدى العام .....
على بالطلاق ابقى المشرف ..... ناس ود المطامير ديل اتجدعوا جنس تجدع .....
اول حاجه حارحل البوست بتاع ( اضحك شويه ) للعام .... مالكم بتعاينوا لى كده .... اول مره تشوفوا ليكم مشرف ولا شنو ...!!
وتانى حاجه حاسحب السيد عمر الماحى من وزارة الماليه ....
تخيلوا الزول ده من ما الاقينى بقول لى ( جيب رسوم الإشتراك ) .....
ياخى ده بشيل رسوم الشهر كل تلاته يوم .... مع انو متزوج مننا ....
والتحيه موصوله لمن كانوا وراء حريق محلية ودمدنى الكبرى ....
ولا تحيه ولا تحيات للسيد الادمن بعد ما ضرب بجميع وعوده لنا عرض الحائط ..... بعد استقراره فى دوحة العرب .... ونسى العشره .... وجزمة كوره ساااى ما رسلها لينا ....
والتحيه موصوله لكل من اصلح بين السيد محمد النور وحكومة المنتدى .....
ولا تحيه ولا تحيات لكل من صج ولج وحاول الإصطياد فى المياه العكره قاصداً تشتيت الشمل وبث الفتنه .....
بالمناسبه ..... بعد ما ابقى مشرف ..... حافك تثبيت البوست بتاع ( نواعم منتديات ود مدنى ) ....
وحامنع منع بات الوصفات الغذائيه والبوستات الطعاميه داخل النفاج .....
وسوف احارب بما اوتيت من منعه اهداء الاوسمه والنياشين للجنس الناعم .....
ولا تحيه ولا تحيات للمشرفه اليمين ( ام رقبه ) وهى تواصل غيابها عن مزاولة نشاطها وتصرف مستحقاتها على الوجه الاكمل فى ذات الوقت .... بالمناسبه انا طالبها قروش ....
والتحيه موصوله للعضو المجتهد شلبى بمناسبة حصوله على وسام الفكاهه .....
ولا تحيه ولا تحيات للعضو عكاشه وهو يبعد بقلمه عن المنتدى .......
بالمناسبه عندى مروحه للبيع ..... على الراغبين الاتصال على هاتفى بعد الساعه 12 باليل .... علشان اقدر اسمع كويس .... اصلوا صوت المروحه عالى ....
مع العلم بأن هذه المروحه ولو لا الظروف الماديه السيئه وإيماناً منى بضرورة التجديد والمواكبه ما كنت ببيعها .... اصلها عزيزه على شديد ....
ولا تحيه ولا تحيات للهيئه القوميه للكهرباء وهى تذيد من العبء على كاهل المواطن البسيط باسعارها الغير متناوله باليد ....
والتحيه موصوله للشاعره نضال الحاج وهى تشعرنا بشِعرها الجميل .....
ولا تحيه ولا تحيات للسيد علونى وهو يواصل زرف دموعه على طِرح السيدات ....
بالمناسبه عيد ميلادى قرب ..... وهى دعوه للمستطيعين فقط لحضوره ..... ولا عزاء للفقراء والمستضعفين وعامة الشعب ....
والدعوه غير عامه ....
ومن يأنس فى روحه الشجاعه الماديه فاليأتى غير مبالى .... اصلوا انا عامل لى كشف .... وهذا ما لزم التنويه له ....
بالمناسبه انا ما بحب الإهداءت والهدايا العينيه .....
عينك بالتقدها ليك ..... شحاد وعينك قويه ....
قايتو جنس ثقاله عليك يا بحيرى .....!!!
ابوالنور
17-12-2011, 12:32 PM
غايتو يا صاحبي الزمان
بقينا نفتش لتحيانا في اخر السطر التاني
من تحياك الخاصه اقصد من بوست الثقاله
يا ثقيل انت باليل ده ما عارف انك انت ....
يا ثقيل
آلاء عبد الرحمن
17-12-2011, 10:25 PM
انتو مالكم كنتو مساهرين ال2
كدي احكو
بعدين بحيري ده يغيــــــــــــــب ويجي ينزل ليو كلام كتيــــــــــــــر كده


اها قلته لي عايزتترشح لشنو
اكان للعام بهناك ماف زول بسعلك لك ماتجينا بيجاي
بت أم درمان
17-12-2011, 10:28 PM
http://wadmadani.com/vb/showthread.php?t=44035&p=652513#post652513
نزار احمد كوارتي
17-12-2011, 10:43 PM
والتحيه موصوله لعريس العام المنصرم نزار الصغمبروتى بمناسبة دخوله القفص الذهبى رغم الذياده المشهوده لسعر غرام الذهب ....




ويقولو ليك ما قدر يضبح الكديسه!!!
ود المطامير
17-12-2011, 10:53 PM
اللهم حقق له مراده
اللهم سهّل له أمره
اللهم يسّر خطواته لكرسى المشرف العام
اللهم يا خالق الكون هوّن عليه الجهاد فى سبيل رفعة النفاج

غايتو بعد ما تبقى المشرف العام إن شاء الله ح نقدل فى العام بمزااااج

قلت ليك ؟ إنتا هببت شنو فى العام فى المشاركه المحذوفه ؟ ;)
عنكوليب
18-12-2011, 01:09 AM
هو انت اتثاقلت آآآآآي ،،،

لكن قاعد تهبش مالك ؟

والشمار كاتلني ،، رسل لي موضوعك المحذوف ده في الخاص

بس اقرااااهو ساكت ،،، ممكن ؟
المسافر
18-12-2011, 07:11 AM
إنت متلوم ليه ما دام عارف قيمة الجنيه
مدنيّة
18-12-2011, 07:13 AM
عارف يابحيري
ثقالاتك كلها مقدور عليها
لكن كل مااقرأ ليك (قايتو) دي
بيقرب يغمي علي
ياخ بيكتبوها كدا
غااااااااااااااايتو

------
وهسي بالمناسبة دي
اعد البوست دا
لانه كله اخطاء املائية يقشعر لها البدن ):


------
همسة : ح نرشحك مكان نبيل حمدتو ، اها رايك شنو! ):
ود المطامير
18-12-2011, 07:23 AM
عارف يابحيري
ثقالاتك كلها مقدور عليها
لكن كل مااقرأ ليك (قايتو) دي
بيقرب يغمي علي
ياخ بيكتبوها كدا
غااااااااااااااايتو

------
وهسي بالمناسبة دي
اعد البوست دا
لانه كله اخطاء املائية يقشعر لها البدن ):


------
همسة : ح نرشحك مكان نبيل حمدتو ، اها رايك شنو! ):
ورررووووك يا عمتو
الليله بجى ويشغل التلاته مراوح
وينجر فيك نونيه ذى حقت شبارقه ديك

هع هع هع هع
مدنيّة
18-12-2011, 07:28 AM
ورررووووك يا عمتو
الليله بجى ويشغل التلاته مراوح
وينجر فيك نونيه ذى حقت شبارقه ديك

هع هع هع هع

ههههههههههههههههههههههههه
الله يطراه بالخير (شباقة ما بحيري)
ههههههههههههههههههههههه
وين الزول دا بالله ياعروة!
ود المطامير
18-12-2011, 07:57 AM
ههههههههههههههههههههههههه
الله يطراه بالخير (شباقة ما بحيري)
ههههههههههههههههههههههه
وين الزول دا بالله ياعروة!
فى منتديات الشبارقه
وهو الآدمن ;)
مدنيّة
18-12-2011, 07:59 AM
فى منتديات الشبارقه
وهو الآدمن ;)

بالله!
هههههههههههههههههههههههههه
بث ما يكون شغال فيهم نونيات برضو!

--------
تحايانا ليه ياعروة والله يستاهل كل الخير
بنت الرفاعي
18-12-2011, 08:23 AM
:):):)
:):)
:)
ام ساره
18-12-2011, 08:29 AM
غايتو يابحيري البرد لمن يخش العضم بكون هضربتو صعبة خلاص والله مرارتي انفقعت بالضحك.
تغريدا
18-12-2011, 08:50 AM
تحيه طيبه ....
لناس الحكومه .... والساده المشرفين .... لزوم كسير تلج وكده ....

بمناسبة راس السنه .... انا عندى فكره بتراود فينى .... داير ابقى مشرف ... رايكم شنو ....
والله جادى معاكم ....
وكمان حاعمل حمله انتخابيه .... واترشح لمنصب قيادى كبير بالمنتدى .....
انشاء الله المشرف العام .... يعنى انا هين ولا لين .....
]




قايتو (معليش يأم جمال) أنا يابحيرى جيت على أساس التحية دى ومن مبدءها ومنطلقها جيت أصوط ليك الله يكفينا شر الصواطة بس بالله ماتنسانا لمن تبقى رئيس
مدنيّة
18-12-2011, 08:58 AM
يا تاتا ياخ
اذنك معك
وانا زاتي معك
اها تاني في شنو! ):
تغريدا
18-12-2011, 09:09 AM
يا تاتا ياخ
اذنك معك
وانا زاتي معك
اها تاني في شنو! ):

معاى فى الصواطة صح ;)
أبشر ياعم بحيرى نائب الرئيس شخصياً جاتك صايته
آلاء عبد الرحمن
18-12-2011, 09:23 AM
معاى فى الصواطة صح ;)
أبشر ياعم بحيرى نائب الرئيس شخصياً جاتك صايته


سراحة سراحة كده يستاهل يصوتو ليو
ماتتوصو
بحيرى
18-12-2011, 09:24 AM
غايتو يا صاحبي الزمان
بقينا نفتش لتحيانا في اخر السطر التاني
من تحياك الخاصه اقصد من بوست الثقاله
يا ثقيل انت باليل ده ما عارف انك انت ....
يا ثقيل


اعز ثقيل عندى ....
والله الشوق كميات ....
وانت لى هسه بتفتش .... والله يا ابو النور انا من ما عرفتك انت بتكوس ....
انا خايفك لمن تلقى اكونوا بكوسوا فيك ....
والبلقاك يا بختو .... ممكن اروح وهو مطمئن ....
عارفك قلبك رهيف وما بتحمل الفراق ...
بث تقول شنو سنه الحياه ...
والتحيه والتحيات للهيئه القوميه لمياه المدن .... وهى تواصل تغير المواسير القديمه لخدمة المواطن المغلوب على امره ....
انتهى ....
بحيرى
18-12-2011, 09:28 AM
اها قلته لي عايزتترشح لشنو
اكان للعام بهناك ماف زول بسعلك لك ماتجينا بيجاي


بهناك وبجاى واااااحد ....
بث امنى مع ياتم ....
وحاولى تحددى موقفك قبل الخريف ....
اصلوا انا عندى راى فوق اللوارى ....
بحيرى
18-12-2011, 09:33 AM
http://wadmadani.com/vb/showthread.php?t=44035&p=652513#post652513


قايتو جنس شلاقه ....
تطيروا للزول فى حلقو ...
هسه عليك الله فى زول جاب سيرة راس السنه هنا ....
قالوا الكديس قال للفار وهم فى نص البحر .... بتكتح بالتراب مالك ....
الكديس عيشتو تطير ...
هسه البحر ذنبو شنو ....
قايتو جنس قايتو ...
شكلك مرندقه على المنتدى الإسلامى ....

خارج النص :
ما عندك فكره بتراود فيك ....
يعنى ما نفسك فى منصب قيادى وكده ...
لزوم حشش واتقى الله ...!!!
بحيرى
18-12-2011, 09:37 AM
ويقولو ليك ما قدر يضبح الكديسه!!!


والله حاسى بيك ...
لكن تقول شنو ....
ممكون وصابر ....
دحين انت يا اخوى اتبلبلت .... وقالوا البتبلبل بغير هدومو ....
قايتو لو فكرت كده ... ما تنسانا من صالح الدعوات ...
انشاء الله بنطلون قديم ...
مع الإعتزار لسكان ودكنان والجزيره ...!!
بحيرى
18-12-2011, 09:40 AM
اللهم حقق له مراده
اللهم سهّل له أمره
اللهم يسّر خطواته لكرسى المشرف العام
اللهم يا خالق الكون هوّن عليه الجهاد فى سبيل رفعة النفاج

غايتو بعد ما تبقى المشرف العام إن شاء الله ح نقدل فى العام بمزااااج

قلت ليك ؟ إنتا هببت شنو فى العام فى المشاركه المحذوفه ؟ ;)


اللهم آمين .... لعبدك السمين ....
وليك على اول ما ابقى ريس .... اسجل ليك قطعة ارض ....
وبالنسبه للموضوع اياهو اعمل نايم ....
ولو عندك تلفون احمد علقم جارى بوريك الحاصل ....
بحيرى
18-12-2011, 09:43 AM
هو انت اتثاقلت آآآآآي ،،،

لكن قاعد تهبش مالك ؟

والشمار كاتلني ،، رسل لي موضوعك المحذوف ده في الخاص

بس اقرااااهو ساكت ،،، ممكن ؟



عونكوليبه ....
قايتو شمارك معاهو كسبره ....
انا برسلوا ليك ....
لكن البضمنى شنو تقريهو ساكت ....
انا عارفك جنك تبحت وتحفر ...!!!
آلاء عبد الرحمن
18-12-2011, 09:44 AM
بهناك وبجاى واااااحد ....
بث امنى مع ياتم ....
وحاولى تحددى موقفك قبل الخريف ....
اصلوا انا عندى راى فوق اللوارى ....
انحنا قاعدين بيجاي
امشي انت بهناك بنفعو معاك
بحيرى
18-12-2011, 09:45 AM
إنت متلوم ليه ما دام عارف قيمة الجنيه



عليك الله اسألنى تانى ....
بث تقول شنو ....
قالو كلام القصير ما بنسمع ....
ولا ما كده يا نزار ...
هسه فى زول جاب سيرة الطوال ....؟!!
بحيرى
18-12-2011, 09:51 AM
عارف يابحيري
ثقالاتك كلها مقدور عليها
لكن كل مااقرأ ليك (قايتو) دي
بيقرب يغمي علي
ياخ بيكتبوها كدا
غااااااااااااااايتو

------
وهسي بالمناسبة دي
اعد البوست دا
لانه كله اخطاء املائية يقشعر لها البدن ):


------
همسة : ح نرشحك مكان نبيل حمدتو ، اها رايك شنو! ):


يعنى خلاصت الكلام انا امى وابى وخالتى ....
شكراً يا خاتى ...
بالمناسبه .... هسه اقول ليك يا منو ...؟!!
عند 100 اسم ...
جيمس بوند ...
انتى ناس المنتدى بقولوا ليك ( مدنيه ) وناس البيت بقولوا ليك ( غاده ) وناس الشغل بقولوا ليك ( اسماء ) وابو جمال بقول ليك ( زوجتى ) وجمال بقول ليك ( امى ) ....
والله حيرتينا ذاتو ....
انا بفتح فيك بلاغ والله ....
انتحال عدت شخصيات ...

خارج النص :
انتى نبيل حمتو ماسك شنو ....؟!!
بحيرى
18-12-2011, 09:53 AM
ورررووووك يا عمتو
الليله بجى ويشغل التلاته مراوح
وينجر فيك نونيه ذى حقت شبارقه ديك

هع هع هع هع


المره دى سماح ...
مش حنبقى فى حكومه واحده وكده ....
وتيييييب ...!!
بحيرى
18-12-2011, 09:58 AM
:):):)
:):)
:)



وراء البسمات كتمت دموع ... بكيت من غير تحس بى ...
بهدى الاغنيه لعلونى وكل المستضعفين فى الارض من ابناء آدم ...

والله يا دكتوره ضحكتك دى فوق راى ....
انا عارف موضوع الترشح ده صادف هواك ...
وهسه الفكره فى مرحلة التخمير ...
وبكره تستلمى الموضوع وتعمليهو حقك ....
ونتطلع نحن بقد القفه ...
لكن على اول ما ابقى عضو دستورى ...
ليك على اعينك محلات خالتك مدنيه ....
بث الكلام ده بينى وبينك ...!!!
بحيرى
18-12-2011, 10:02 AM
غايتو يابحيري البرد لمن يخش العضم بكون هضربتو صعبة خلاص والله مرارتي انفقعت بالضحك.


ربنا اديم ليك الكلاوى واخليهن ليك للضحك ....
هسه عليك الله فى زمتك .... فى برد هسه ....
يعنى انتى كان ودوك بعثه موسكو تعملى شنو ....
قايتو الما بعرف اقول عدس ....
حاتى مرشحك لمنصب العلاقات الإجتماعيه ...منصب بعتمد على كسير التلج وكده ...
بحيرى
18-12-2011, 10:05 AM
قايتو (معليش يأم جمال) أنا يابحيرى جيت على أساس التحية دى ومن مبدءها ومنطلقها جيت أصوط ليك الله يكفينا شر الصواطة بس بالله ماتنسانا لمن تبقى رئيس




حد اقدر انسى نفسو ....
ليك على اعينك مدير الشئون الماليه بدل عمر الماحى ...
بث اول صرفه حقتى كويس ....
اها قصرت معاك ....
بث خلى الصواته انتى ...!!!
بحيرى
18-12-2011, 10:08 AM
انحنا قاعدين بيجاي
امشي انت بهناك بنفعو معاك



انتى اقعدى حمرى لى كده ...
كنت خاتى ليك منصب مرموق ....
لكن اسِمك ....!!
آلاء عبد الرحمن
18-12-2011, 10:10 PM
انتى اقعدى حمرى لى كده ...
كنت خاتى ليك منصب مرموق ....
لكن اسِمك ....!!

معاك انت شكرا جزيلا
احسن زاتو
بلا وجع قلب
ريمون
19-12-2011, 12:47 AM
بحيري ..
انت تغطس وتغطس وتطلع شايله كبييييره كده ..
العام عديل كده ..
كده اقلع العندك ده والطريق ممهد زي راس منو كده ما عارفه ..
آلاء عبد الرحمن
19-12-2011, 01:39 AM
بحيري ..
انت تغطس وتغطس وتطلع شايله كبييييره كده ..
العام عديل كده ..
كده اقلع العندك ده والطريق ممهد زي راس منو كده ما عارفه ..

خليو يمسك العام راسو بتعدل بعد داك

:p
وعداللقيا
19-12-2011, 02:54 AM
هااااااي شباب مشتاقه ليكم نفرنفر ههههه
عنكوليب
19-12-2011, 03:48 AM
عونكوليبه ....
قايتو شمارك معاهو كسبره ....
انا برسلوا ليك ....
لكن البضمنى شنو تقريهو ساكت ....
انا عارفك جنك تبحت وتحفر ...!!!

بري يا يابا مالي ومال ال .... هنايات ديلاك ،،،

وتعال هنا أنا فأر ،،،

ولا أرنب ؟

أرشح ،،،، أرشح ،،، أرشح ،،،

تم الباقي انت !!!
عنكوليب
19-12-2011, 03:51 AM
( حمتو )

أها يا مدنية رأيك شنو في دي ؟
mahagoub
19-12-2011, 04:12 AM
مع انو موسم الملاريا لسه ما جا
كدى شوفوا لينا الزول ده مالوا
عنكوليب
19-12-2011, 04:30 AM
امشي انت بهناك بنفعو معاك



ده ب وين يا ألوية ،،،؟
بحيرى
19-12-2011, 08:05 AM
معاك انت شكرا جزيلا
احسن زاتو
بلا وجع قلب


ما من جوه قلبك ....
انا عارفك بتكابرى بث ... عامله فيها نخرتك طويله ....
لكن متأكد تماماً انك حتجينى دايره ليك كوتت سكر .... ولا اجازه ...
وطبعاً حتكلمى لى مطره قريبك ....
وتخلى الاجاويد ....
لكن برضو اسِمك ...



خارج النص :
مافيها صينية بسبوسه ...
احتمال اغير كلامى ....!!!
آلاء عبد الرحمن
19-12-2011, 08:09 AM
امشي انت بهناك بنفعو معاك



ده ب وين يا ألوية ،،،؟
العام

بنفعو معاو وبالذات الناس البشاكلو ديل
آلاء عبد الرحمن
19-12-2011, 08:11 AM
ما من جوه قلبك ....
انا عارفك بتكابرى بث ... عامله فيها نخرتك طويله ....
لكن متأكد تماماً انك حتجينى دايره ليك كوتت سكر .... ولا اجازه ...
وطبعاً حتكلمى لى مطره قريبك ....
وتخلى الاجاويد ....
لكن برضو اسِمك ...



خارج النص :
مافيها صينية بسبوسه ...
احتمال اغير كلامى ....!!!

كدي فسر ديل اول


وكدي تكون في لمة وتجي ليك علي بسبوسة
بحيرى
19-12-2011, 08:11 AM
كده اقلع العندك ده والطريق ممهد زي راس منو كده ما عارفه ..


هاهاهاها ....
والله عرفتو ... مش قصدك الزول البجيبوهو فى الاخبار ما لابس فنيله داخليه ....
شكلو كان فى الحج ولا شنو ما عارف ...
غايتو عليك جنس محن ...
اها نوعك ده البخلينا ما نفوز بالإنتخابات ....
بحيرى
19-12-2011, 08:14 AM
خليو يمسك العام راسو بتعدل بعد داك
:p


ليه خاتين فيهو حجر شيشه ولا شنو ...؟!!!
بحيرى
19-12-2011, 08:19 AM
هااااااي شباب مشتاقه ليكم نفرنفر ههههه


اهلين وسهلين ...
والله مشتاقين ليك شديد ...
على الطلاق المنتدى مضلم عديل كده بعدك ....
ياخى وين انتى ...
حرم تتفضلى بارد ....

خارج النص :
قلت ليك .... دايرين نجيبك مشرفه فى النفاج ...
بدل ام رقبه ...
اعملى حسابك الايام دى خليك قريبه ....
وحاولى تعملى ليك بوست بتاع كسير تلج سريع ....
اصلو ناس الحكومه ديل بموتوا فى المويه البارده ...!!!
بحيرى
19-12-2011, 08:21 AM
بري يا يابا مالي ومال ال .... هنايات ديلاك ،،،

وتعال هنا أنا فأر ،،،

ولا أرنب ؟

أرشح ،،،، أرشح ،،، أرشح ،،،

تم الباقي انت !!!


العفو يا خالتو ...
والله ما قصدى ....
انتى الزيك منو ...( لزوم كسير تلج ) ...
على بالطلاق .... ان ذاتى برشح وبرشح وبرشح ...
الباقى تميهو خيال ....!!!
بحيرى
19-12-2011, 08:22 AM
مع انو موسم الملاريا لسه ما جا
كدى شوفوا لينا الزول ده مالوا


مرض حامد يا عمك ....!!!
بحيرى
19-12-2011, 08:24 AM
امشي انت بهناك بنفعو معاك
ده ب وين يا ألوية ،،،؟



سعال لا تنقصه سوى الإجابه ...!!!
بحيرى
19-12-2011, 08:27 AM
كدي فسر ديل اول
وكدي تكون في لمة وتجي ليك علي بسبوسة


انتى زعلتى ولا شنو ....
انا كنت بهزر ....
معقوله فى حد ازعل البسبوسه ....
بالمناسبه ...
انا عيد ميلادى قرب .... ولازم تعملى لى صينية ....
اى شحاد وعينى قويه ...
اصلو البسبوسه مفيده لعيد الميلاد ....
آلاء عبد الرحمن
19-12-2011, 08:44 AM
انتى زعلتى ولا شنو ....
انا كنت بهزر ....
معقوله فى حد ازعل البسبوسه ....
بالمناسبه ...
انا عيد ميلادى قرب .... ولازم تعملى لى صينية ....
اى شحاد وعينى قويه ...
اصلو البسبوسه مفيده لعيد الميلاد ....

ابيـــــــــــــــــــــــــــــت
ZANOON
19-12-2011, 09:53 AM
يا ثقيل ....
ودالماحي ....كان فكيتو من الماليه ...
قرش تاني ما بتشوفوا
ـــــــــــــــــــــــــــــــــــ
اقول ليك حاجه...
امسكو المنتدي ...انت وودسمير والتيماااااان
وتوته توته خلصت الحدوته....
لانو الناطق الرسمي ليكم ح يكون ابوالنووووووووور
mahagoub
19-12-2011, 08:11 PM
يا ثقيل ....
ودالماحي ....كان فكيتو من الماليه ...
قرش تاني ما بتشوفوا
ـــــــــــــــــــــــــــــــــــ
اقول ليك حاجه...
امسكو المنتدي ...انت وودسمير والتيماااااان
وتوته توته خلصت الحدوته....
لانو الناطق الرسمي ليكم ح يكون ابوالنووووووووور

ما تقول قفلوه احسن
ابوالنور
19-12-2011, 10:22 PM
عارف يابحيري
ثقالاتك كلها مقدور عليها
لكن كل مااقرأ ليك (قايتو) دي
بيقرب يغمي علي
ياخ بيكتبوها كدا
غااااااااااااااايتو

------
وهسي بالمناسبة دي
اعد البوست دا
لانه كله اخطاء املائية يقشعر لها البدن ):


------
:


ههههههههههههههههههههههههه
الله يطراه بالخير (شباقة )
!
اسمع























اعز ثقيل عندى ....
والله الشوق كميات ....
وانت لى هسه بتفتش .... والله يا ابو النور انا من ما عرفتك انت بتكوس ....
انا خايفك لمن تلقى اكونوا بكوسوا فيك ....
والبلقاك يا بختو .... ممكن اروح وهو مطمئن ....
عارفك قلبك رهيف وما بتحمل الفراق ...
بث تقول شنو سنه الحياه ...
والتحيه والتحيات للهيئه القوميه لمياه المدن .... وهى تواصل تغير المواسير القديمه لخدمة المواطن المغلوب على امره ....
انتهى ....

اها يابحيري
قلت لي شنو ؟
ود المطامير
20-12-2011, 09:25 AM
ابيـــــــــــــــــــــــــــــت


هييييييييييييييييييييييييع
ابوالنور
20-12-2011, 11:02 AM
يا ثقيل ....ودالماحي ....كان فكيتو من الماليه ...قرش تاني ما بتشوفوا ـــــــــــــــــــــــــــــــــــاقول ليك حاجه...امسكو المنتدي ...انت وودسمير والتيماااااانوتوته توته خلصت الحدوته....لانو الناطق الرسمي ليكم ح يكون ابوالنووووووووورمنو قال ليك خلصت دي ح تبدي يا دابواول قرار ح يكون كل شاه معلقه من عصبتهاوبعديه العين بالعين والبادي أطلموبعديه
mahagoub
23-12-2011, 08:31 AM
منو قال ليك خلصت دي ح تبدي يا دابواول قرار ح يكون كل شاه معلقه من عصبتهاوبعديه العين بالعين والبادي أطلموبعديه

انت داخل اشراف ولا معركه
ابو عبد الرحمن
23-12-2011, 11:54 AM
هههههههههههههههههههههههههههههههههه
أسي ده اقولوا عليهو شنو ؟؟؟ يا ربي يكون؟؟ الله يكضب الشينة
mahagoub
25-12-2011, 08:15 AM
هههههههههههههههههههههههههههههههههه
أسي ده اقولوا عليهو شنو ؟؟؟ يا ربي يكون؟؟ الله يكضب الشينة

قول الحقيقه
يا هو زاتو
هى الشينه جات لحدى عندكم
آلاء عبد الرحمن
25-12-2011, 08:48 AM
هييييييييييييييييييييييييع

يستاهل مش


:p