abomazeen
25-12-2011, 11:43 PM
لا أدري ما الذي دفعني لأن أكتب ما تقرأون الآن .. شيء ما أصاب يدي وكأنها لم تعد تحت سيطرتي فخطت ما تخط من كلمات ركيكة أتعبها الحزن الذي كساها بعض الوقت ...
شكل الموضوع ما بينفع هيك .. خلونا نحول عامي أستر ...
بصراحة أنا ما بعرف شو صايب الأعضاء هالأيام اللي راحت .. صح أنا جديدة بينكم وممكن ما بحقللي أطلق آراء ع فلان وعلان بس الشي مبين .. مو عارفة والله من وين أبلش الموضوع ..
بس من قاصرها صار موضوع قبل يومين عن (........) .. وما شاء الله الكل شارك وكل عضو أعطى رأيو وتناقشنا وممكن احتدينا شوي بالكلام مع بعض بس اتعدينا عن الخلافات وانبسطنا كتير بالنقاش وأثبتلي إنو بالفعل في فئة بالأعضاء فهمانة كتير وعندها وعي لا يستهان فيو ..
تاني يوم من النقاش شفت شي ما عجبني بالمنتدى وعاهدت رب العالمين ما يطلع من تمي (ممكن بالنسبة إلكم هين) .. فزدت بآخر كل رد إلي (أحبكم جميعاً في الله يا من خذلتموني) .. من نفسي الشغلة يعني ..
فحزت بنفس أعضاء حبايب وفكروني زعلانة وما هانلهم هالشي إني أكون زعلانة الله يجزيهم الخير وسألو واعترضو ليش هيك الكلام وفكرو منشان النقاش اللي صار .. ع العكس أنا أبداً ما أثر في الموضوع بتاتاً .. ورديتلهم إنو أنا مو زعلانة ولا متدايقة وحلفت يمين بس شكلهم ما سدقوني ..
مو هون المشكلة .. المشكلة صارت إنو لما صرنا بدنا نفتح موضوع أو نتناقش بموضوع .. بصيرو يحكو لأ مو مشكلة نحنا معك ورأيك الصحيح وما في داعي نفتح النقاش من أصل .. طيب ليش؟؟ .. ليش يعني كل هاد منشان ما نتزاعل من بعض ؟؟ .. وين المتعة بالنقاش وين الأخوة اللي بتسمح لكل شي يصير وبنفس الوقت ما بتخلي الشيطان (يخش) بالسيرة ..
ليش يعني مو عضو أنا متل الباقيين بحقللي أبدي رأيي وأثبت ع رأيي بنفس الوقت ما أجبر حد عليه ؟؟ .. أو إني أعترض ع فلان وعلان بحدود الأدب وعدم التجريح والقدح ؟؟ .. مو أنا مشتركة هون منشان يكون بيناتنا ألفة ومحبة وتسامح وتفاهم ؟؟ .. ومو ضروري كل مرة نتفق ع إشيا في شغلات الواحد مستحيل يتنازل عنها .. ليييش ؟؟ ..
لأ أو إزا مزحت مع حد .. بحسكم ما بتتحملو بتصيرو تحكو نحنا آسفين مو قصدنا حقك علينا ولكو نحنا إخوة (والله بقطع إيدي إزا بتحكو هيك مع خواتكو ) (هاي مزح برضو لا تقلبوها) .. ليش والله مو حلو هيك الأمور العادية نقلبها جد .. ع عيني وراسي أنا متشددة ومتعصبة ومتزمتة وتكفيرية .. بس يعني بنفس الوقت أختكو ..
اعتبرو إنو إلكو أخت خارجة عن الطور مو متماشية مع العصر مو هداك الفهم ومشو الحياة .. ليش كل شي بيتوقف عندي ؟؟ .. آسفة طولت عليكم بالكلام بس والله شي بيقهر ما عاد أتحمل أنا بنت أي شي بيئذيني سامحوني يعني حبيتكم من أول فوتة لإلي ولقيت فيكم معنى الأخوة الرائعة بالأول بعدين خلتنوني إني حساسة ما بتحمل شي مو لازم كل شي ينقاللي أو إني مو لازم أفوت بنقاشات .. والله أنا مو هيك يا جماعة ..
والله مو منشان شفقة ولا نضرة مواساة تبعتوها .. بس منشان تكونو بالصورة ما بدي بعد ما تقرأو الموضوع تحكولي والله حبيناكي ومو قصدنا هالحكي المجاملات والله ما بحبها .. فلذلك بستسمح من الإدارة إنو أي شخص آذيتو أو جرحت مشاعرو يحكيلي وهون قدامكو منشان أعتذرلو اعتذار صريح وما تسكرو الموضوع أو تمنعو بعض الردود والله عادي أصلاً ما في أحب من إنو كل واحد يعرف غلط التاني صراحة مو بالرموز والإشارات السرية ..
وآخر شي .. بطلب من الكل السماح يا أحلى عيلة بالوجود أخطاء وبتصير بكل مكان ومو من أخلاقنا نفتعل مشاكل أو نقدح فلان وعلان أو نتمادى بالكلام ع أي إنسان .. وبرجع بستسمح منكو إزا جرحت أي حد فيكم أو تماديت معو (مزح والله مزح) أو كان أسلوبي فظ بالحكي معكو .. غلطانة والمسامح كريم واللي أخذت حقو يحكي وهون وقدام الكل ورح أعتذر بكل صدق ..
عارفة من أول ما فتت ما رقت لكتير من الأعضاء ما بعرف ليش وأنا حاسة بهالشي .. ومن هالمنبر بعتذرللو لهالإنسان اللي ما فتللو من زور وهو بيعرف حالو .. وأعضاء ما فهموني وأعضاء ما همهم وجودي ولا انتبهو إلي .. هيك العيلة ناس فهمانة وناس عصبية وناس وسطية وناس مجنونة وناس مزيحة كتير وناس وناس .. وما تفكرو أي كلمة مزح بتجرحني ع العكس ما في أحلى من المزح أصلاً ..
بكل الأحوال .. سامحوني واغفرو زلتي .. والله يهدينا ويهدي الجميع ويوفقنا للخير والصلاح ويحققلنا مبتغانا من الدخول لهالمنتدى ونعلي راية الإسلام خفاقة وننصر سنة النبي محمد صلى الله عليه وسلم (صلو عليه) ..
بعتذر للمرة العشرين بعد المية إزا كان في ركاكة بأسلوبي أو ما وصلت الفكرة منيح ..
وبالنهاية طلع الضفدع سليم يا سيد مالك !! .. ..
أحبكم جميعاً في الله
والسلام عليكم ورحمة الله وبركاته
* للعلم ... منقول عن واحدة شامية تعتذر لرواد منتدى ما حدث فيه شد وجذب
شكل الموضوع ما بينفع هيك .. خلونا نحول عامي أستر ...
بصراحة أنا ما بعرف شو صايب الأعضاء هالأيام اللي راحت .. صح أنا جديدة بينكم وممكن ما بحقللي أطلق آراء ع فلان وعلان بس الشي مبين .. مو عارفة والله من وين أبلش الموضوع ..
بس من قاصرها صار موضوع قبل يومين عن (........) .. وما شاء الله الكل شارك وكل عضو أعطى رأيو وتناقشنا وممكن احتدينا شوي بالكلام مع بعض بس اتعدينا عن الخلافات وانبسطنا كتير بالنقاش وأثبتلي إنو بالفعل في فئة بالأعضاء فهمانة كتير وعندها وعي لا يستهان فيو ..
تاني يوم من النقاش شفت شي ما عجبني بالمنتدى وعاهدت رب العالمين ما يطلع من تمي (ممكن بالنسبة إلكم هين) .. فزدت بآخر كل رد إلي (أحبكم جميعاً في الله يا من خذلتموني) .. من نفسي الشغلة يعني ..
فحزت بنفس أعضاء حبايب وفكروني زعلانة وما هانلهم هالشي إني أكون زعلانة الله يجزيهم الخير وسألو واعترضو ليش هيك الكلام وفكرو منشان النقاش اللي صار .. ع العكس أنا أبداً ما أثر في الموضوع بتاتاً .. ورديتلهم إنو أنا مو زعلانة ولا متدايقة وحلفت يمين بس شكلهم ما سدقوني ..
مو هون المشكلة .. المشكلة صارت إنو لما صرنا بدنا نفتح موضوع أو نتناقش بموضوع .. بصيرو يحكو لأ مو مشكلة نحنا معك ورأيك الصحيح وما في داعي نفتح النقاش من أصل .. طيب ليش؟؟ .. ليش يعني كل هاد منشان ما نتزاعل من بعض ؟؟ .. وين المتعة بالنقاش وين الأخوة اللي بتسمح لكل شي يصير وبنفس الوقت ما بتخلي الشيطان (يخش) بالسيرة ..
ليش يعني مو عضو أنا متل الباقيين بحقللي أبدي رأيي وأثبت ع رأيي بنفس الوقت ما أجبر حد عليه ؟؟ .. أو إني أعترض ع فلان وعلان بحدود الأدب وعدم التجريح والقدح ؟؟ .. مو أنا مشتركة هون منشان يكون بيناتنا ألفة ومحبة وتسامح وتفاهم ؟؟ .. ومو ضروري كل مرة نتفق ع إشيا في شغلات الواحد مستحيل يتنازل عنها .. ليييش ؟؟ ..
لأ أو إزا مزحت مع حد .. بحسكم ما بتتحملو بتصيرو تحكو نحنا آسفين مو قصدنا حقك علينا ولكو نحنا إخوة (والله بقطع إيدي إزا بتحكو هيك مع خواتكو ) (هاي مزح برضو لا تقلبوها) .. ليش والله مو حلو هيك الأمور العادية نقلبها جد .. ع عيني وراسي أنا متشددة ومتعصبة ومتزمتة وتكفيرية .. بس يعني بنفس الوقت أختكو ..
اعتبرو إنو إلكو أخت خارجة عن الطور مو متماشية مع العصر مو هداك الفهم ومشو الحياة .. ليش كل شي بيتوقف عندي ؟؟ .. آسفة طولت عليكم بالكلام بس والله شي بيقهر ما عاد أتحمل أنا بنت أي شي بيئذيني سامحوني يعني حبيتكم من أول فوتة لإلي ولقيت فيكم معنى الأخوة الرائعة بالأول بعدين خلتنوني إني حساسة ما بتحمل شي مو لازم كل شي ينقاللي أو إني مو لازم أفوت بنقاشات .. والله أنا مو هيك يا جماعة ..
والله مو منشان شفقة ولا نضرة مواساة تبعتوها .. بس منشان تكونو بالصورة ما بدي بعد ما تقرأو الموضوع تحكولي والله حبيناكي ومو قصدنا هالحكي المجاملات والله ما بحبها .. فلذلك بستسمح من الإدارة إنو أي شخص آذيتو أو جرحت مشاعرو يحكيلي وهون قدامكو منشان أعتذرلو اعتذار صريح وما تسكرو الموضوع أو تمنعو بعض الردود والله عادي أصلاً ما في أحب من إنو كل واحد يعرف غلط التاني صراحة مو بالرموز والإشارات السرية ..
وآخر شي .. بطلب من الكل السماح يا أحلى عيلة بالوجود أخطاء وبتصير بكل مكان ومو من أخلاقنا نفتعل مشاكل أو نقدح فلان وعلان أو نتمادى بالكلام ع أي إنسان .. وبرجع بستسمح منكو إزا جرحت أي حد فيكم أو تماديت معو (مزح والله مزح) أو كان أسلوبي فظ بالحكي معكو .. غلطانة والمسامح كريم واللي أخذت حقو يحكي وهون وقدام الكل ورح أعتذر بكل صدق ..
عارفة من أول ما فتت ما رقت لكتير من الأعضاء ما بعرف ليش وأنا حاسة بهالشي .. ومن هالمنبر بعتذرللو لهالإنسان اللي ما فتللو من زور وهو بيعرف حالو .. وأعضاء ما فهموني وأعضاء ما همهم وجودي ولا انتبهو إلي .. هيك العيلة ناس فهمانة وناس عصبية وناس وسطية وناس مجنونة وناس مزيحة كتير وناس وناس .. وما تفكرو أي كلمة مزح بتجرحني ع العكس ما في أحلى من المزح أصلاً ..
بكل الأحوال .. سامحوني واغفرو زلتي .. والله يهدينا ويهدي الجميع ويوفقنا للخير والصلاح ويحققلنا مبتغانا من الدخول لهالمنتدى ونعلي راية الإسلام خفاقة وننصر سنة النبي محمد صلى الله عليه وسلم (صلو عليه) ..
بعتذر للمرة العشرين بعد المية إزا كان في ركاكة بأسلوبي أو ما وصلت الفكرة منيح ..
وبالنهاية طلع الضفدع سليم يا سيد مالك !! .. ..
أحبكم جميعاً في الله
والسلام عليكم ورحمة الله وبركاته
* للعلم ... منقول عن واحدة شامية تعتذر لرواد منتدى ما حدث فيه شد وجذب