يا جماعه يدكم معانا في السقط ده شويه

[نزار احمد كوارتي]

والله في حاجات كده الواحد لمن يتزكرها لا يعرف يبكي لا يعرف يضحك

يدكم معانا ياااااا

في البجي علي طول

وفي البعمل رايح

وفي البندمك عليها

لا وكمان في البُصُر ليك ويقرِب يديك كف داك

المُهِم

في عربات بنات حلال ختت يدك فيها بتقوم

وفي البتقوم من دفره دفرتين ديك

وفي الإييييييييييييييييك زي بتاعة ناس جيرانا الببقو لي ناس هنايه ديك الاولها بي رااا ريمون

وحاة الله ديل زمان كان عندهم بوكس كان ما أخاف الكِضِب ودكنان كلها دفرتو

ياخ ده بدفروه من ودكنان ويمشو الدباغه ويجو شاقين بي العشير وموزه كده بي أم سيوقو ومرات مرات يدور والناس الدافرنو يبطلوا هُم ويقوموا

كووووللللللللهم يركبو فيو شماعه ويجو راجعين شِدة ما فرحانين تقول قبضو التور الشرد مننا في المعسكر بتاع الخدمه الإلزاميه

داك, ومرات مرات بعد ده كلو ما بدوِر.

المُهِم

مره كِده ابوي إشتري ليه عربيه شكلو كِده غشوه فيها, ياخي دي دخلتنا ليك مع الناس في جِنِس إحراجات

هههههههههههه

الظريفه مره أبازر أخوي أبوي جا صحاهُ ليك من صباح الرحمن قال ليو قوم شوف ليك ناس تعالو نلِز العربيه دي

أبازر قعد يتداغل ليك عليه,

يا ولد ما تقوم

يا أبوي ياخ هسي انا ألقي لي ناس وين زي الساعه دي

إنت قايل الناس كولها زيك كِده؟ الناس العِندهُم هِمه قامو صلو الصُبُح من قبييييييل

يا ابوي عليك الله هسي إنت زاتو ماشي وين زي الساعه دي؟ ياخ عليك الله أمشي أرقد نوم ياخ موش مصاريف البيت دي الليله

علي انا بدفعها.

يا ولد بطل قلة أدب أمش صحي ناس يوسف مامون ومحمد تحيه وما عارف منو ومنو المباريهم ديل

أخيراً ابازر إقتنع وقام مشي فتح ليك باب الشارع ضلفتين والدنيا سقط إقطع النخره.

رفعو ليك العربيه فوووووق لحدي الزلط هو وأبوي برااااااهم. وقعدو يتلفتو بي جاي بي جاي عليك أمان الله الشارع حرامي ما فيه

الوكِت داك زيدان سيد اللبن زاتو ما صِحي

في الآخر أبوي رِكِب جوه العربيه وابازر لزاها براه من الدحراجه بتاعة الزلط ديك وشبك ليك ابوي أرفع أرفع أرفع الساعه الأبوي

رفع كراعو من الكلتش رُت رُت رُت رُت وحرنت تُر تُر أكان حُمار جِدي علي دلدوم الله يرحمو

ابوي نزل وتااااااااني رفعو العربيه الزلط, ابازر جاتو ليك فِكره مجنونه جِداً جِداً

تعرف يا ابوي دقيقه النطلع الموتر بتاعي برا ونلزها ما ترفع كراعك إلا جوه البيت عشان تدور

ورررررررر رُت رُت رُت رُت العربيه إتحشرت جوه البيت أبازر مشي قفل الباب ودور موترو وإتخارج خلي ليك ابوي قاعد

جوه العربيه جوه البيت خشمو ملح ملح

يدكُم معانا ياااااااااا

النفاج ده بطاريتو نامت نومة لِستك عجلتي الزمان ديك

[ود المطامير]

هع هع هع هع

ما علشان أنا كنت مافى يا عمك ;)

والجماعه مع الجو دا متجدعين فى حديقة الدنيا حلوه ;)

[ريمون]

عارف يا نزار نحن اسرة تموت في الهكر ..
اخواني علي اولاد اهلي ما يتكيفوا الا يجيبوا عربيه هكرة كده ويقعدوا يصلحوا ويظبطوا فيها لحدي ما تبقي عروسه وبعد داك تفقد جماله عندهم يقوموا يبيعوها ويشتروا هكره غيرها ..
كان عندنا لاندروفر شهير ابوي الله يرحمه واخواني فكوه في الارض وركبوه من اول وجديد ..
بس ده كان زمان لما كانت الناس ملمومه سوا والشغل الجماعي عندو متعته .. هسه بقي مافي زول فاضي واوقات الفراغ متضاربه .. الروح الجماعيه ذاتها بقت كسلانه زي كسل النفاج ده والمنتدي عموما ..
اها بعد الكلام الكتير ده .. لبست لي سويتر وجيت الز معاك ..

[ابوحمودى]

والله يانزار بقيت ولا اسامة انور عكاشة اسكتش جميل لكن رائك شنو فى السقط الشديد دا اليومين ديل لك التحية نزورى

[ريمون]

هع هع هع هع

ما علشان أنا كنت مافى يا عمك ;)

والجماعه مع الجو دا متجدعين فى حديقة الدنيا حلوه ;)
ايوه صدقت والله .. نجيب الدنيا الحلوه ونجي هنا ..
بعدين يا مطاميرو انت ونزار ادوكم اطلاق سراح خلاص ؟؟؟

[ود المطامير]

زمان كانت عندى التيما

ناس غياثى جت دفروها

البنعاله جيرانى بقوا بمشو بالشارع التانى

النفاج دا فاقد أبو المرواح التلاته أكان جا بهبو بالطريقه الصاح

[ود المطامير]

ايوه صدقت والله .. نجيب الدنيا الحلوه ونجي هنا ..
بعدين يا مطاميرو انت ونزار ادوكم اطلاق سراح خلاص ؟؟؟
هع هع هع هع هع

أنا غايتو طلعت من الولاده دخلت فى السمايه
وطلعت من السمايه دخلت فى تجديد قامات الوليدات
ثم أما بعد ذلك ح أدخل فى موضوع جواز البنيه وإقامتها
ثم أما بعد ذلك ح أدخل فى موضوع تجديد ملكية السياره إن شاء الله

عليك الله يا أخ ريمون ما بستحق تعملو لى كشف ؟

[ريمون]

زمان كانت عندى التيما

ناس غياثى جت دفروها

البنعاله جيرانى بقوا بمشو بالشارع التانى

النفاج دا فاقد أبو المرواح التلاته أكان جا بهبو بالطريقه الصاح
يا مطاميرو .. ابو مراوح ده جايبه كبيره الايام دي ..
مروس في حته طيرها عجمي ..
وكان جانا راجع منها سليم نحمد الله كتير ..
هههههه
خليها في سرك ..

[ريمون]

هع هع هع هع هع

أنا غايتو طلعت من الولاده دخلت فى السمايه
وطلعت من السمايه دخلت فى تجديد قامات الوليدات
ثم أما بعد ذلك ح أدخل فى موضوع جواز البنيه وإقامتها
ثم أما بعد ذلك ح أدخل فى موضوع تجديد ملكية السياره إن شاء الله

عليك الله يا أخ ريمون ما بستحق تعملو لى كشف ؟
غايتو الضامنها ليك ناس موبي والمشاتر بعملوا ليك كشف حال ..!!

[نزار احمد كوارتي]

هع هع هع هع

ما علشان أنا كنت مافى يا عمك ;)

والجماعه مع الجو دا متجدعين فى حديقة الدنيا حلوه ;)




عليك الله يا مطره ده جو إتجدعو فيه في حديقه

بالمناسبه يا أخوي حديقتكم قالو لي زي سوق المدينه عرب كلو يوم تلاته بس

تعرف أول أمس ضربت لي للمدام تلفون قلته ليها خليكم إنتي والغدا جاهزين عشان ناكل وسايقك معاي مشوار طوالي بعد الغدا

عامل فيها الود النمله الشفوقه قلت بت الناس دي مقفوله في البيت اليوم كلو النمرقها أوديها الحديقه تطلق كرعينها شويه

عليك أمان الله يا مطاميرو وقفنا العربيه في الباركن البعيد داك وماشين نتراجف انا وهي علي باب الحديقه

قبل ما نوصلو قالت لي هسي كان في زول شافنا جايين الحديقه في وكت زي ده وفي البرد ده أكيد ح يقول ديل مجانين

قلتها ليها نحن كان ما صحي مجانين هسي ده جو يخشوا فيه حديقه

ومن محلنا داك فتحنا فتِح علي عربيتنا ورجعنا.

[نزار احمد كوارتي]

عارف يا نزار نحن اسرة تموت في الهكر ..
اخواني علي اولاد اهلي ما يتكيفوا الا يجيبوا عربيه هكرة كده ويقعدوا يصلحوا ويظبطوا فيها لحدي ما تبقي عروسه وبعد داك تفقد جماله عندهم يقوموا يبيعوها ويشتروا هكره غيرها ..
كان عندنا لاندروفر شهير ابوي الله يرحمه واخواني فكوه في الارض وركبوه من اول وجديد ..
بس ده كان زمان لما كانت الناس ملمومه سوا والشغل الجماعي عندو متعته .. هسه بقي مافي زول فاضي واوقات الفراغ متضاربه .. الروح الجماعيه ذاتها بقت كسلانه زي كسل النفاج ده والمنتدي عموما ..
اها بعد الكلام الكتير ده .. لبست لي سويتر وجيت الز معاك ..



والله إنتي معناها بتكوني خبيرة دفير ( إنتي كنتي وين ياخ زمن صف الطابونه بتاعة جبرونا داك).

لا لا لا ياخ اهلك ديل انا بعرفم كوييييييييس, قررررربوا يفتحو لينا منطقه صناعيه بي ورا بيتنا

[ود المطامير]

غايتو الضامنها ليك ناس موبي والمشاتر بعملوا ليك كشف حال ..!!
هع هع هع هع هع

وحات الله صدقتى ودا الخايف منو

هو أنا ذاتى فضيحه ما أقطعها فى حنانى سااااى وأسكت ;)

[ود المطامير]

يا مطاميرو .. ابو مراوح ده جايبه كبيره الايام دي ..
مروس في حته طيرها عجمي ..
وكان جانا راجع منها سليم نحمد الله كتير ..
هههههه
خليها في سرك ..
عليك النبى ؟ هع هع هع

[نزار احمد كوارتي]

والله يانزار بقيت ولا اسامة انور عكاشة اسكتش جميل لكن رائك شنو فى السقط الشديد دا اليومين ديل لك التحية نزورى



حبابك أبو حمودي والله

ياخ ده هو سقط نصاح؟؟؟ يخلي الزول يفرفر زي المكنه الكهربتها عاليه

تعرف هسي انا يدي الشمال مدخلها في الجيب لكن يدي اليمين دي كان شفتها بقت زي نخرة الكلِب

وحاتك أكان رقبة ابوالقدح أمرقها علي الكيبورد أكتب لي حرف حرفين وجري أحشرها تاني

[نزار احمد كوارتي]

ايوه صدقت والله .. نجيب الدنيا الحلوه ونجي هنا ..
بعدين يا مطاميرو انت ونزار ادوكم اطلاق سراح خلاص ؟؟؟




عايني يا ريمون عشان ما يغشوك ساي انا ما بدس عليك حاجه طبعاً

انا قلت لي المره نحن ساكنين في البلد دي مؤقتاً وما عاوزين نشتري عده كتيره

عشان ما تتلتلنا بعدين في الرحول ساي

أقنعتها نشتري لينا صحنين ومعلقتين وكبايتين وكلو زول يكتب إسمو في صحنو ومعلقتو وكبايتو

شفتي أخوك طلع حريف كيف؟؟؟

موش زي ناس كده عدتم تلاقيك من خشم الباب

[نزار احمد كوارتي]

زمان كانت عندى التيما

ناس غياثى جت دفروها

البنعاله جيرانى بقوا بمشو بالشارع التانى

النفاج دا فاقد أبو المرواح التلاته أكان جا بهبو بالطريقه الصاح





الزول ده ما يجينا بي جاي يا عمك

الزول ده انا ما بجيب إسمو زاتو عليك الله يا مطره

الزول ده كان جا بي جاي انا ببقي مارق طواااااالي

عمك ده مراوحو تلاته لكن لسانو مراوح هليكوبتر عديييييل كده

ده بقي يجيب الهوا زي المنخفضات الحراريه

مره داير يبقي آدمن ومره داير يبقي معتز الريح ومره داير يبقي

هو بالمناسبه دي إمكن غتسو حجرو ونحن ما جايبين خبر؟؟؟

عندك تلفون أبو النور؟؟؟

[المسافر]

شنو يا حبة إنت المرة ما جات ولا شنو

[نزار احمد كوارتي]

شنو يا حبة إنت المرة ما جات ولا شنو

عشان ما إتصلت قلت حمد لله علي السلامه يعني ؟؟؟

[ام ساره]

حمد الله علي السلامة ضربت ليك بس جاني الرد عفوا هذا المشترك بغسل في العدة حاليا الرجا الاتصال بعد الوجبات بساعة هههههههههههههههههه

[ود المطامير]

حمد الله علي السلامة ضربت ليك بس جاني الرد عفوا هذا المشترك بغسل في العدة حاليا الرجا الاتصال بعد الوجبات بساعة هههههههههههههههههه
هع هع هع هع

غايتو شكيت محنك والله

وأنا ح أعملها نعمه وأخصصها بإسم هناى دا ;)

[ود المطامير]

عشان ما إتصلت قلت حمد لله علي السلامه يعني ؟؟؟
أديلوووووووووووووووووو

[مدنيّة]

يا نزار
منو ديل ناس البوكس القاصدهم! (وش كيور مليار)

[خالد علونى]

والله يا الحبيب زكرتني السقطة الخشت فيني يوم حنتك



لي يوم الليلة قدر ما اتذكرا كان نص النهار أقعد أرجف

[عنكوليب]

حمد الله علي السلامة ضربت ليك بس جاني الرد عفوا هذا المشترك بغسل في العدة حاليا الرجا الاتصال بعد الوجبات بساعة هههههههههههههههههه

ها ها ها ها ها ها ها ها ها

أم ســــارة ،، وحياة الله فتـــي الجماعة ديل ،،
ياربي نزار حا يرد يقول شنو ،،
كنتي ترسلي لينا معاه صوت ( بابـــا بغســـل العـــدا ) ،،

نزار وأم ساره ،،، تسلموا يارب ،،
بس انت اتسرعت شوية ، كنا أديناك سارة ،،
عشان المســافر يجي يطفشنا من البلد ،،

[عنكوليب]

تعرف يا نزار ،، الحاجات دي جميلة خلاص ،،
وذكراها أجمل ،،،

انت ما شفت الجماعة ،،
أبوهم يصحى ليك في السقط ده لصلاة الصبح - الصلاة خير من النوم -
يمشي ويجهم تاني ،، احم احم ،، أصحوا يا أولاد الصلاة ،، وهم عاملين ليك حميـــل ،،
بس الواحد يخلي ابوه يمرق من الأوضة ويشيل الأبريق يكشح الموية قداموا ويرقد تاني ،،
وهو تحت البطانية : الله أكبر ،، ( يصلي وهو نايم ) ،،

أولاد غايتو ،، الله يدينا خيركم ،،

تســـلم ،،،

[المسافر]

عشان ما إتصلت قلت حمد لله علي السلامه يعني ؟؟؟


يعني الواحد ما يعمل ظريف وكده ويقول الجماعة في شهر العسل .

[mahagoub]

عايني يا ريمون عشان ما يغشوك ساي انا ما بدس عليك حاجه طبعاً

انا قلت لي المره نحن ساكنين في البلد دي مؤقتاً وما عاوزين نشتري عده كتيره

عشان ما تتلتلنا بعدين في الرحول ساي

أقنعتها نشتري لينا صحنين ومعلقتين وكبايتين وكلو زول يكتب إسمو في صحنو ومعلقتو وكبايتو

شفتي أخوك طلع حريف كيف؟؟؟

موش زي ناس كده عدتم تلاقيك من خشم الباب

حريف ولعاب يا ولد
ما عاوز تكتر العده البتغسلها
ومنك الجماعه ياخدوا درس

[mahagoub]

الزول ده ما يجينا بي جاي يا عمك

الزول ده انا ما بجيب إسمو زاتو عليك الله يا مطره

الزول ده كان جا بي جاي انا ببقي مارق طواااااالي

عمك ده مراوحو تلاته لكن لسانو مراوح هليكوبتر عديييييل كده

ده بقي يجيب الهوا زي المنخفضات الحراريه

مره داير يبقي آدمن ومره داير يبقي معتز الريح ومره داير يبقي

هو بالمناسبه دي إمكن غتسو حجرو ونحن ما جايبين خبر؟؟؟

عندك تلفون أبو النور؟؟؟

ابو النور 00249912975059
وبحيرى 00249912661097
قصرت معاك ابقى افتح الجزلان وعبى رصيد وادينا مس بالباقى

[mahagoub]

يعني الواحد ما يعمل ظريف وكده ويقول الجماعة في شهر العسل .

يا اخوى ده كمل زمان بين ماليزيا والسودان
هو كان ما كمل كان بغسل العده؟؟

[المسافر]

يا اخوى ده كمل زمان بين ماليزيا والسودان
هو كان ما كمل كان بغسل العده؟؟




حالتي أنا حذرتو أنو ما يعرس في الشتاء
عشان غسيل العدة ده ، غايتو أنا بكرة برسل
ليهو هدية عرسو عبارة عن جونتيات وصابون فيري
والواحد لازم يطمئن عليهو برضو .

[خالد علونى]

يا اخوى ده كمل زمان بين ماليزيا والسودان
هو كان ما كمل كان بغسل العده؟؟



;) ;) ;) ;) ;) ;) ;)
;) ;) ;) ;) ;) ;)
;) ;) ;) ;) ;)
;) ;) ;) ;)
;) ;) ;)
;) ;)
:p

[mahagoub]

حالتي أنا حذرتو أنو ما يعرس في الشتاء
عشان غسيل العدة ده ، غايتو أنا بكرة برسل
ليهو هدية عرسو عبارة عن جونتيات وصابون فيري
والواحد لازم يطمئن عليهو برضو .

والله ما قصرت
بس ابقى طل عليه
واخد ليك كم حصه فى الغسيل

[mahagoub]

;) ;) ;) ;) ;) ;) ;)
;) ;) ;) ;) ;) ;)
;) ;) ;) ;) ;)
;) ;) ;) ;)
;) ;) ;)
;) ;)
:p

ده كله ضحك
الله يديك العافيه
ضحكك ده على شهر العسل
ولا غسيل العده

[نزار احمد كوارتي]

حمد الله علي السلامة ضربت ليك بس جاني الرد عفوا هذا المشترك بغسل في العدة حاليا الرجا الاتصال بعد الوجبات بساعة هههههههههههههههههه




الواحد ما يدقُس إحول مُكالماتو علي صاحبو كلو كلو يعني وللا شنو؟؟؟!!!

[نزار احمد كوارتي]

حمد الله علي السلامة ضربت ليك بس جاني الرد عفوا هذا المشترك بغسل في العدة حاليا الرجا الاتصال بعد الوجبات بساعة هههههههههههههههههه


هع هع هع هع

غايتو شكيت محنك والله

وأنا ح أعملها نعمه وأخصصها بإسم هناى دا ;)



الله يديمها عليك نِعمه وما يحرمك منها يا حبيب

[نزار احمد كوارتي]

يا نزار
منو ديل ناس البوكس القاصدهم! (وش كيور مليار) [/
COLOR]

[COLOR="#FF0000"]عايني يا بت جيراننا

شفتي زاوية شيخ يس ؟؟؟

وتعالي لي جاي شوييييييييييه

بس أعملي حسابك ما تطعنك حديده

[نزار احمد كوارتي]

والله يا الحبيب زكرتني السقطة الخشت فيني يوم حنتك



لي يوم الليلة قدر ما اتذكرا كان نص النهار أقعد أرجف




هسي عليك الله يا علوني في داعي تزكرني إني أول عريس يحننوهو بي داردمة حِنه

[نزار احمد كوارتي]

تعرف يا نزار ،، الحاجات دي جميلة خلاص ،،
وذكراها أجمل ،،،

انت ما شفت الجماعة ،،
أبوهم يصحى ليك في السقط ده لصلاة الصبح - الصلاة خير من النوم -
يمشي ويجهم تاني ،، احم احم ،، أصحوا يا أولاد الصلاة ،، وهم عاملين ليك حميـــل ،،
بس الواحد يخلي ابوه يمرق من الأوضة ويشيل الأبريق يكشح الموية قداموا ويرقد تاني ،،
وهو تحت البطانية : الله أكبر ،، ( يصلي وهو نايم ) ،،

أولاد غايتو ،، الله يدينا خيركم ،،

تســـلم ،،،




عايني يا عنكبه انا بحكي ليك حاجه لكن بيني وبينك ما تكلمي زول عليك الله

زمااااااااان زمن الواحد يا دووووبو بدا يبقي شباب وكده, قامت فجأه كِده طلعت لي كميه من حب الشباب لمن عقدتني ليك
وطبعاً أخوك كان عامل فيها بتاع وجاهات وتِلِبِس وماسك الجو ومكسِر الجِكس.
المُهِم:
في واحد بتاع دكان جنبنا كنت مصاحبو وبقعد أتونس معاهُ, أها يوم قاعد بتونس معاهُ قام عاين لي كداااااا, والفِكره رِكبت في راسو
هو أظِنو كان عندو كاسترد باير ما قادر إخارجو, قام قال لي:-
تعرف يا كوارتي حبوبك دي علاجها شنو, تعجن ليك كاسترد بالليل وتجلبط وشك وتنوم بيو لحدي الصباح
يومين تلاته كان ما راحت ما تديني يدك
قلت ليهُ يا عمك إنت داير تجيب لي سمعه آخر عمري كمان وللا شنو؟
قال لي لا لا يا فرده تسويه بعد تتأكد ناس البيت كلهم نامو وتتحشر تحت البطانيه وتقوم النجم في السما وتغسل وشك
المُهِم:
آخر حاجه الزول أقنعني ليك والفكره وقعت لي وهاك يا جلبيط بالليل وإتدبا زي الحرامي, لمن إتحشرت تحت البطانية, ووشي بقي ليك زي الدلوكه الختوها في الشمِس.

نزار قوم صلي الصُبُح
قلبي قعد يقول ليك دُق دُق دُق
كويس يا ابوي قايم
مافي حاجه إسمها قايم نزل كرعيك ديل هسسسسسسسسسي دي قدامي
يا ابوي والله العظيم قايم بس إنت أمشي خلاص
والله الليله ما تنزل كرعيك ديل وتقوم تنزل قدامي ما أمشي

الليله يا الله, دي شِبكة شِنو دي الوقعنا فيها دي
الله ينعلك يا سيد الدكان وينعل يومك وينعل اليوم اللماني فيك

يا ولد قلت ليك قوم نزل كرعيك ديل انا واقف راجيك
أها يا ابوي ياخ نزلتهِن

ومرقت ليك راسي من تحت البطانيه أبوي لمن خاف رجع لي ورا
عاين لي كِده مسااااافه وفات بي غادي, سامعو ليك يتكلم مع أمي قال ليها كان شفتي الولد مجلبط ليك وشو بي شي أصفر وانا إتعابطت معاو والله دخلني في ضفوري وندمني علي صحيتي ليهُ.

[نزار احمد كوارتي]

يعني الواحد ما يعمل ظريف وكده ويقول الجماعة في شهر العسل .



إسمو شهر العسل يا فرده!!! ما إسمو شهر وواحد وعشرين يوم العسل

[نزار احمد كوارتي]

حريف ولعاب يا ولد
ما عاوز تكتر العده البتغسلها
ومنك الجماعه ياخدوا درس



معقوله يا عم محجوب
انا أفرط في نصايحك؟؟؟
انا خبرتك دي أعتز بيها أدييييييييل كِده

[naz_imam]

والله ياابوالنيز لما قريت عنوان البوست اتخيلتك تعبت من غسيل العدة الحمد لله الموضوع بقي لز بس

[نزار احمد كوارتي]

والله ياابوالنيز لما قريت عنوان البوست اتخيلتك تعبت من غسيل العدة الحمد لله الموضوع بقي لز بس

والله يا الحبيب الأيامات دي البتقول ليهُ السلامُ عليكم, يقول ليك قلت العِده وللا قلت شنو؟؟؟
الأيامات دي العده مجننه ليها ناس كوتااااار, لكن ما تشيل هم أخوك حريييييييف في المُخارجات, من زمن لِعِب عِده عِده

[mahagoub]

معقوله يا عم محجوب
انا أفرط في نصايحك؟؟؟
انا خبرتك دي أعتز بيها أدييييييييل كِده

يعنى لعبتها لى باك ورد
يا ربى كده صاح

[نزار احمد كوارتي]

يعنى لعبتها لى باك ورد
يا ربى كده صاح


هي لكن إنت المهاجمين يضغطو عليك, تقوم تلعب لي باص قصير وجكسا في خط سته, انا أتخارج منو كيف يعني؟؟؟

[نزار احمد كوارتي]

;) ;) ;) ;) ;) ;) ;)
;) ;) ;) ;) ;) ;)
;) ;) ;) ;) ;)
;) ;) ;) ;)
;) ;) ;)
;) ;)
:p



الفوق ديل كووووووووللللللللللهم بِضحكو

الآخيره العامله قدوم أحمر دي مالها؟

[صلاح ودالطاهر]

والله يا الحبيب الأيامات دي البتقول ليهُ السلامُ عليكم, يقول ليك قلت العِده وللا قلت شنو؟؟؟
الأيامات دي العده مجننه ليها ناس كوتااااار, لكن ما تشيل هم أخوك حريييييييف في المُخارجات, من زمن لِعِب عِده عِده

امك عمك سقط وصقط ومصقط ومسقط

[نزار احمد كوارتي]

امك عمك سقط وصقط ومصقط ومسقط



ساعِدنا بالتشكيل يا أستاذ, إنشاااااالله شكِل تلاتات زاتو!!!