كوكتيل الاغاني السودانية [الأرشيف]

aborawan

22-02-2005, 02:40 PM

هذه دعوة مني للجميع لكي تكون عندنا اكبر مكتبة للاغاني السودانية الجميلة واتمنى من الجميع المشاركة بما لديهم وانا حا ابدا ليكم المشوار باول خطوتين ويلا همتك يا حلوين

الشاغلين فؤادي

الشاغلين فؤادي وتاييهن فاييقين
اصلي البي نازف دمع المايقين

النسيم عودني اقوم من نومي تاب
مشغول فكري سارح مشطوب انشطاب
يالنسيم بالله تجيب ردالخطاب
أوع الجاهلة نيا وما بتحمل عتاب

من القبلي لاح لي برق لمع
والصيد في الخمايل يا ناس اجتمع
قومو يا احبة نسترق السمع
ما بطيق القعدة والمايق دمع

**
شوق احبابي لي مولاي قدرو
انسلبت لحومي وعضاي خدرو
لاموني العوازل بي حالي ازدرو
هم شايفين دلالو وتايهين ما درو (وفي مقولة اخر :هم شاغلين فؤادي وتايهين ما درو)

سامرت الكواكب لما البدر لاح
منادي الفجر نادى وقال يا اهل الصلاح
صلو الوقت حاضر .. قامو اهل الصلاح
وانا الليل قايمو .. لا خيال لي لاح

البلابل ناحت في الليل الهجيع
سهرانات عيوني ومابيات الضجيع
من الحالة ديك اخير لي النجيع
واحسرة شبابي ما لقيت لي وجيع

aborawan

22-02-2005, 02:42 PM

تاجوج

تاجوج
ياغيمة تظلل كل سمانا
ونغمة جميلة بتحيا معانا
بداية الخير الشرف وجانا
يا قدم الخير الشرف وجانا
نعمة الله ملك دنيانا
يا منابع الريد الجوة محكر
ريحة المطرة الما بتأخر
كل الورد الفتح وأزهر
ونحنا معاك وديما معاك احلامنا بتكبر
صباح العيد القرب لينا
جمال تاجوج الحلوة وحنينة
يا باقي الامل العايش فينا
نسمة تفرح .. دنيا حزينة
انتي القمر الكامل طل
شعاع النور الساطع هل
لوحة شوق فنان واتجلى
رسم النسمة الجات من الله
تاجوج

aborawan

23-02-2005, 02:07 PM

انا امـدرمـان

انا امـدرمـان

كلمات الشاعر: عبدالمنعم عبد الحي

انا امدرمان تأمل في نجوعى
انا السودان تمثل في ربوعى
انا ابن الشمال سكنته قلبى
علي ابن الجنوب ضميت ضلوعى
انا امدرمان سلوا النيلين عنى
وعن عزمات فتاي عند التجنى
فخير بنيك ياسودان منى
سلو الحادي سلوا الشادي المغنى
انا امدرمان اذا ما قلت اعنى
فما نيل المطالب بالتمنى
تجيش النفس بالآمال لكن ولكن هذه لم لا تدعنى
انا امدرمان مضي امسي بنحسى
غدا وفتاى يحطم قيد حبسى
واهمس والفضاء يعلن همسى
واهتف والوري يعرف حسى
واخرج للملأ في ثوب عرسى
وابسم بعدما قد طال عبسى
فيا سودان اذ ما النفس هانت
اقدم للفداء روحي بنفسى

aborawan

23-02-2005, 02:09 PM

عازة

عازة في هواك عازة نحن الجبال
وللبخوض صفاك عازة نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال

aborawan

25-02-2005, 12:32 PM

ضامر قوامك لان

ضامر قوامك لان
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح لي يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا انسان
القمري في الاغصان
ذكرني ألفاظك وقلبي انطرب فرحان
يتواري لي لمحان
بروق درر فاهك بالراح والريحان
ليه كفك اتحنن
وليك قلب قاسي ما فيه لي حنان
يالراقص الفنان
حبك ملك قلب وجننت عقلي جنان

aborawan

25-02-2005, 12:35 PM

انته تتغابى فيني المعرفة

تجهلني كيف انته تتغابى فيني المعرفة
مشتاق وشايل الشوق ميعاد بعيون حزينة
وخائفة مكسوفة جد متأسفة

لاشايلة شوق عبر السنين كايسة الحنان والعاطفة
جابها شوق ما قدرو شوق
لو كنتي فعلا ناصفة
اديها من قلبك حنان
ياشراع يقاوم العاصفة
سيبيها من هجرك كفا كفا

شوفتك قدور كا يس الديار لو القى في عينيك وطن
او لمحة من عينك كفاي تفرحني لو جار الزمن
لكني ما لقيت معاي في الغربه والخوف والوهن
اخلاصي ليك ضاع والوفا

aborawan

25-02-2005, 12:55 PM

بخاف اسال عليك الناس

بخاف اسال عليك الناس

وسر الريده بينا يذيع

اخاف اكتر كمان ياغالى

من اييديا انت تضيع

واعيش بعدك حياتى جفاف

موسم ريده مافى ربيع

بخاف يا إنت لوجيتك

ألملم في خطاوي الشوق

وأزور بيتك

يقولو عليّ حبيتك

بخاف لوبرضي غبت عليك

تقول نسيت وجافيتك

بَهـِم لو صدفه لاقيتك

درب حِـِلـِّتنا جابك يوم

تشيل ياروحي ترمي اللوم

عليّ وتزيد همومي هموم

تقال جافيك وأنا نسيتك ؟؟؟

أريت تعرف

حنيني إليك ياريتك

كمان تعرف

لحدة وين بعزك

وفي أعماقي حسيتك

ياريت إنت تعرف

وبس خايف إذا جيتك

حكاية الريده تمشي تذيع

ومن إيديَّ إنت تضيع

وأعيش بعدك حياتي جفاف

موسم ريده مافي ربيع

aborawan

25-02-2005, 01:02 PM

بلادي انا

ياخوي بلادي انا بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
بلادي انا بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان...
وأهل الحارّة ما أهلي تصوّر

ابراهيم

25-02-2005, 05:36 PM

احيي الفكرة يا ابو روان وبدايتك جميلة وانا معاك في سرج واحد

ماهو الفافنوس ماهو الغليد البوص

ود المك عريس خيلا بجن عركوس

أحيّ علي سيفه البحد الروس

ما دايرالك الميته أم رمادا شح

دايراك يوم لقى بدميك تتوشّح

الميت مسولب والعجاج يكتح

أحيّ علي سيفه البسوي التح

إن وردن بجيك في أول الواردات

مرنا مو نشيط إن قبّلن شاردات

أسد بيشه المكرمد قمزاته متطابقات

وبرضع في ضرايع العنّز الفاردات

كوفيتك الخوده أم عصا بولاد

ودرعك في أم لهيب زي الشمس وقّاد

وسيفك من سقايته إستعجب الحدّاد

وقارحك غير شكال ما بقربه الشدّاد

يا جرعة عقود السم

يا مقنع بنات جعل العزاز من جم

الخيل عركسن ما قال عدادهن كم

فرتاق حافلن ملاي سروجهن دم

aborawan

26-02-2005, 02:32 PM

اشكر لك اطلالتك البهية اخي الغالي ابراهيم وشكرا كتير على مشاركتك

خالد حمد موسى

26-02-2005, 08:50 PM

كتبت ليك

كتبت ليك

لا بينى بينك ريدة .. لا قصة غرام

إخترت ليك

أجمل حروف .. وأصدق فواصل نادرة

فى لغة الكلام

لا قصدى ألهو معاكى بى كلمات غنا

لا شعرى ليك مرجيحة من شعر الغمام

كتبت ليك والله يا قمر الزمان

شان جيتى بى زمن المحنة

وشفت فى عينيكى .. حس أهلى القُدام

......................

كتبت ليك وأنا جايى من زمن الشقا

الممدود على وش الثوانى .. مظللا

تتمدد الساعات سنين

تتفتح الأحزان غريبة .. ومذهلة

وأشتاق أفتش نسمة .. فى الزمن العذاب

وأيامى من كتر الأسى

وكتر العزوف .. والإغتراب

صارت حروف مترهلة

لحظات أسيفة .. ومهملة

........................

كتبت ليك

ووقفت ليك .. لامن لقيتك جايه من قلب الطريق

ولمحت فيك راحة المشاوير البعيدة

ونفحة النسمة الحنينة

الجاية من قلب الطريق

حسيت عجايب الدنيا .. إتلمـّت .. بقت

جايـّانى من عصراً سحيق

عينيكى حس أطفال بنادوا القمرة لى الغايب .. يعود

وجبينك الضوّاى

حجا الحبـّوبة فى الزمن السعيد

..........................

وأنا فى قساوة الموحش

الزمن المكهرب .. بى الحريق

أنا حيلتى أيه

قوليلى يا قمر الزمان

غير أتـّكى .. وأحلم معاك

وأحضن أماسى الصحو ..

والأمل البريق

aborawan

27-02-2005, 05:26 AM

حقو تسال

حقو تسال يا حبيبى قبل ما تحكم على
لومك الرسلتة قاسى يامناى حلمك على ...
ياحبيبى انا عند وعدك انت عارفة غالى وعزيز على
انت قبال منى تعرف او بتسال عنة حالى
افرض انو البينا ولى وانتهت ايام وصالى برضو حقوا تسال قبل ماتحكم او تعتب على ؟؟
يا حبــــيبى .. الكون دا كلة بحنانك بيبقى جافى لسة قلبى الرادك انت باقى ليك مخلص ووافى لما يشعر انو تاية بيلقى فى عيونك مرافى

aborawan

27-02-2005, 05:30 AM

عيون الصيد

عيون الصيد ناعسات عيونى وعيون النيل حاكن عيونى

نسيت قلبي وروحى ونسونى وفقدت الكانوا يآنسونى

ليالى هناى جد عاكسونى وأخاصم النوم كيف درسونى

فقدت صحابي لا تنصحونى خطاب وعتاب كف بارحونى

عيون الصيد الجرحونى سرورى يتم لو يلموحونى

مع الآلام هاجت شجونى وأطبا الكون ما عالجونى

جفوا وبي نفورهم هيجونى متين فى الطيف يصبوا ويجون

غلبنى أسير هيا درجونى على الأطلال ليل عرجونى

هواى شريف لا تحرجونى وعلى الأكفان لا تدرجونى

مقر أملى وفيهم ظنونى يزيدوا دلال وتزيد جنونى

لذيذ تعذيبهم لو ضنونى وصالهم آه راحتى ومنونى

aborawan

27-02-2005, 05:34 AM

طير الرهو

والله يا طير الرهو
قسما عديل ما فيهو لو
دمع الحبايب زي دموع السارية في الوادي البعيد بتسوى جو
والله يا طير الرهو
ما كت مصدق أني ألقاك يا رهو
أشكو ليك من جور زماني كيف رماني
شوف وراك شوف الزمن كيفن يسو
حتى باقي الزاد كمل والليل طويل طولا غريب ما فيهو ضو
والريح تنوح فوق الدروب واخوفي من صوت الرياح وكتين تنوح وتسوي أو
زيك غريب والغربة طالت يا مسكين زي يا طير الرهو
التراب ملينه عيشتو
أريتني زيك كل يوم يحضني جو
في بحور الريد نسافر والمراكب كاسحة ما دام ريحنا نو
نمشي لي أرض الحبايب يا حلاتي
في الدغيش والدنيا ضو
يا سلام لمن نسالم نبقى شوق طائر معربد
نستحيل شلال عواطف في قليب عاشق
زي تميرا في الشمال لمن يفيض النيل يفرهد
تنتشي الدنيا وتزغرد
بالنسيمة الحلوة تستقبلنا
وتنقر بابنا كو.....كو
يا سلام

aborawan

27-02-2005, 05:41 AM

يا قائد الاسطول

يا قائد الأسطول تخضع لك الفرسان
ياذو الفخار والطول أرحم بنى الإنسان
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان

aborawan

27-02-2005, 06:16 AM

زى ما الدنيا دوارة والاقدار مصيرا تصييب
مواسم الريدو بكرة تعود اصادف فيها احلى حبيب
/]ما بنهتما للماضى والحب شمسو ما بتغيب
والناس ما بتسيب الناس والدرب البودى بجيب

ياما الناس عشان الحب ضحت بالعمر كلو
وفى الاخر جفوها احباب راحو وعنها اتخلو
لكن نحن اهل الريد البنريدو بنجلو

مهما نلاقى من حرمان برضو وفاءنا فى محلو
ايام العمر بتمر ابدا ما بجف خيرا
مهما نقساى فيها ظروف متروك لينا تقديرا
والناس فى سبيل الحب كتير بتضحى شان غيرا
وما بنهتما للماضى لسه الدنيا بخيرا
والناس ما بتسيب الناس والدرب البودى بجيب
وزى ما الدنيا دوارة والاقدار مصيرا تصيب
مواكب الريدة بكرة تعود اقابل فيها اغلى حبيب

خالد حمد موسى

27-02-2005, 06:35 AM

سطوة محاسنك

كان نفسى أقولك من زمان

بى الكاتمو فى سرى .. ومكتـّم فى حشاى

مدسوس سنين

بى الشايلو فى عيني معزّة

وفى القلب

ريداً يخاف الغربة والشوق .. والحنين

زاملنى زى خاطر الفرح

وكتين يقاسم الهم .. عزا

وكتين مدامعى تكون جِـزا

وتفتح مباهج الليل .. ظنون

**************

كان نفسى أقولِّـك من زمان

سطوة محاسنك عندى ما كسرة ..جفون

وكت العيون تعبرنى زى خاطر المسا

سطوة محاسنك ما الرخام .. الفى الحرير

وكت الثغير يفجعنى

بى حرفاً .. قِـسـا

سطوة محاسنك عندى وكتين كبريائك ينهزم ..

لى طيبتى .. بى لفظة حنان

وكتين مشاعرك .. تنسجم فى عمرى

تنفح قلبى بى رعشة أمان

سطوة محاسنك عندى

وكتين شوقى يصبح فى هواك

ليل عزّة

ما بتعرف هوان

***************

كان نفسى أقولك من زمان

عينيك وحاتك غربتى .. وأهلى

وبلادى الفيها ضايع لى زمن

عينيك وحاتك شوقى لى زولاً ولوف

من بعدو ساب عينى .. سهن

وانا كنت داير من زمان

أشرح حكايتى معاك ألف

أحكيك .. وأزيد القول .. إلِفْ

وأتمنى لو قلبك عرف

كان من زمان

من قبل ما فى قلبى يتحكـّر

زمان الغربة فى جرح الأسى

من قبل ما حرف الحقيقة الحلوة

.. يتبدل عسى

ويصبح أمانى كسيرة

.. فى خاطر الحنان

خالد حمد موسى

27-02-2005, 06:43 AM

الشجن الأليم
عارفنى منك

لا المسافة ولا الخيال يشغلنى منك

عارفنى

*********

ببقى بعدك فى الأسى

وتبقى إنت الظالم .. القاسى .. النـِّسى

وغصب عنى أشيل ظنونى

وأقول عليك .. إنت المسامح

فوق شجونى

أعيش زمان بالفرقة جارح

وفى إحتمالى وبالى إنـّكْ

إنت سايق فينى ظنك

**********

تحرمنى منك

والمواعيد لا بتشيل منـّك .. تودِّى

لا الشجن قادر قادر يسوقنى عليك

.. أعدِّى

لا التحايا ولا المشاعر الحيـّة

فى عمق الحنايا

لا رسالة تجينى منـّك

لا خبر طمنـِّى عنك

وإنت سايق فينى ظنك

رغم إنك .. إنت عارف

إنـّو منك .. لا الزمن يقدر يحول قلبى عنك

لا المسافة ولا الخيال يشغلنى منك

********

يا هوى الألم النعيم

خليك على الوعد القديم

وخلينى فى الشجن الأليم

وأبقى فى كل المداين

سكتى .. وسفرى الجحيم

تبقى أيه الدني من بعدك .. تكون

وأبقى أيه بعدك .. أكون؟

عارفنى منك ...

خالد حمد موسى

27-02-2005, 06:47 AM

المسافة
لسـّة بيناتنا المسافة .. والعيون ..

واللهفة والخوف .. والسكوت

ورنة الحزن البخافا

تعدّى بى الفرحة ... وتفوت

وأمشى بى الحسرة .. وأموت

*********

الأمانى الفى سفر

قبل الزمن .. كايسة الموانى

يوم تجيبنى عليك .. بصدّق

إنو مرة الحظ طرانى

وإحتوانى معاك شجن .. عذبنى قبلك

ولسـّة منك .. جايى تانى

تمشى وين الخطوة عنك

ما الزمن بى الحب بلاكا .. وإبتلانى

************

لى عيونك يا مداين الفرحة والحب .. والجسارة

عندى ليك مليون بشارة

وألف خير ... والكلمة شارة

وإنتى لمـّا الحب يهـوّم بى عيونى

وفى عيونك بى قى حائر .. بالأمارة

الفرح منك .. يجينى

يعترينى الخوف عليك

خطوة منك .. خطوة ليك

راجى منك بس إشارة

وكلمة تدينى البشارة

ولاّ بيناتنا المسافة ؟

aborawan

01-03-2005, 02:53 AM

انــــــــــســــــــــــــاك

انساك انت انت بتتنسي ماانت روحنا وحبنا

سافرنا في عينيك ولسه عقولنا بيك متجننا

وبقينا في دنيا العيون يا اغلى من النور غناء

فوق للرشاقة وامسيات باقات انيقه ملونه

الحان طروبه موشوشه انهر وسيقه ودندنه

كانت قلوبنا عليك سراب وانت في عيون دوبتنا

غار المساء والكون صبح عشاق جمال اتئملو

كل الحروف الفي الخيال بي لهفه جارو وماغلو

حتى القمر حولو النجوم اتلفو فيك اتغزلو

قالوا الجمال ياغالي بيك كانت نهايتو واولو

نحنا في هواك ياغالي اصلو البعاد لا بنحملو

اصلو المحبين الحنان لا بنسو لا بتحولو

tahaa

30-03-2005, 11:43 PM

شاغل فكري حبك والفي قلبي كامن يعلم بيه ربك
يا ذو القدر رفقا بي مهجة محبك

زبد الحسم كسبك
وأنت رشيق مهفهف يانع نامي خصك
لكن يا مدلل تعرف إني حبك
وتعلم نوع سقامي وليه تحرمني طبك

قال لي إنت أصلك في طرق المهالك داخل كل مسلك
أصلوا هواي مسرح مثل فيه فصــلك
واختم دور حياتك زي الكانو قبلك

قت له مرامي ولفك يا من عالي صدرك
وخصرك جاذبه خلفك
قال لي سيب مجونك وسيب إغراك ووصفك
في الحب أحي ذكرك بعفافك وظرفك

آسر قلبي لطفك ما ضراك مناماً لو واليتني عطفك
قالي لي إنت جاني وسبب الفتنة طرفك
دوم على نار غرامك لما تلاقي حتفك

قت له فقدت حلمك
ما دام لي محارب ومافي أمل لسلمك
مع كلا بحبك وبرضو يكون في علمك
مهما يقضي حكمك عين العدل ظلمك

جيلك يفتخر بك ليك أسطول مدرع
ومين يتمنى قربك
قصدي أكون محايد وتبعد عني حربك
وبي أسطول عيونك ليّ توالي ضربك

tahaa

03-04-2005, 08:58 AM

في غفلة رقيبي رحت أزور حبيبي لقيته شويه حاسي

ضاجع في سريره متوسد وثيره بين طيات حريره

حيية وجلست من حسنه اختلست في سـحره إنفمست

بحديث دبلوماسي قاليّ نوري ماسي وأحذر إلتماسي

قلتله في جمالك سحروك ولا مالك

صــار يا حبيبي لونك فاتر زي عيونك

قالي عندي حمه وبيّ صداع ألمّ

من أثر إنتكاسي إتعزر نعاسي

ولي يومين بقاسي

قلتله في في وسامتك وحلاوة إبتسامتك

كفارة وسلامتك والف عزيز كرامتك يا الحافظ كرامتك

مهما كنت قاسي أو لي عهدي ناسي

ليك يزداد حماسي

قال لي إنت عاقل

ومافي لزوم تشاغل وأنا في روحي شاغل

قلتله إنت روحي

وإنت سبب جروحي

وإنت لي شعري موحي

يا روعة جناسي يا حبي الأساسي

يا النسيتني ناسي

في غفلة رقيبي

عساها تنال إعجابكم

أبوبكرحامد

04-04-2005, 12:44 AM

الفكرة أكثر من رائعة وصاحب الفكرة أكثر من كونه أبوروان هو فعلاً أبو الإبداع ، واهدائى لك : نغنى لى ود القبايل سيد الراى والفهم

aborawan

04-04-2005, 05:36 AM

اولاً شكري الجزيل الغالي ود الماذون على هذا الاطراء الذي اعتز به من شخص مثلك واتمنى من الجميع المشاكرة والتفاعل

يا واحه فى دربى

ياراحه فى قلبى

يادخرى ياحبى

ياحبيبتى ياامى

ياغالية ست الكل

انتى الحنان والضل

اعيش دوام لرضاك

واخفض ليك جناح الزل

ياحبيتى ياامى يا اغلى من دمى

منك عرفت الحب

وطيبت حنان القلب

الهى يلطف بيك ويخليك لىيارب

غامرنى بالدعوات

يااعظم الامات

عفوك ياوالده على بدخل الجنات

ياحبيتى ياامى

tahaa

04-04-2005, 06:43 AM

أبداكي من وين وفيني منك لسه
حاجات من مخاوف ومن شجن
أبداكي من وين
وظني إنك فكرة إعلان الحياة
وإنتهاءات العوارض والمحن
نفسي ألقاك وأكون
أنا كلي من بعضك أو ...
بعضي من كلك بدون
داير ألقاك وأوحد دايرة الدم
المقسمة بيني وبينك والشحن
أبداكي من وين
أبداكي مني ..
ولا منك ؟
أبتديك محل محل
من ياتو منفذ بدخلك
كل المنافذ فيك سداها النحل
من ياتو شارع بوصلك
كل الدروب معطوفة لي آخر الوحل
بستبيح كل الحواجز وأدخلك
من كلامك بدخلك
من إبتسامك بدخلك
من بين مسامك بدخلك
من أي قاسم مشترك
وشبه التشابه بدخلك

ونتلاقي نهرين من تسامي وإشتهاء
وأبداكي من حيث إنتهت عندك خواتم الإنتهاء

أبداكي وأقلع خيام عمري المضى
وألقاك مبسوطة اليدين
مفتوحة أبواب الرضا

ببداك لحظة أنستك نار وأخذت من قبسك هدى
وأنا ضمه زاهد في الدروب الما ترجع لي من تالاك صدى
أبداكي من وين .. من وين ؟؟؟"

tahaa

06-04-2005, 07:13 AM

كلمـــات الأســـتاذ / الســـر كنّـــــه

يا نديمي دعــك من عثــرات قـــولي
بـاسـم الثــغر يلـــوح بالأمـــــاني

لا تظــنني أبيـــد العــمر لهــــــوا
إذ أنـــا جســـم بــه البـــركان يغلــي

ســوف يــأتي باســـم الثغــر يلــوح بالأماني
ضـــي عينيـــه بريــق وغمــوض ومعــــاني

يحمــل الروح إليّ ... يــــزرع العطــف نديــــا
يســكب الآهــات همســـا في ثنــايا أذنيـــا
وبهـــا أحيـــا وأنســى مـا ضــناني .. لا تســلني

عندمـا يبــدو حبيبـــي فــوق أفــق القلــب يحبـــو
حولــه هــالات نـــور بهــا الأضــواء .. تخبــو
وأغـاريــد الأمـــاني في حنــايــاي تشــبو

مثـل ســريان الحقيقــة في مشــــاعرنا العميقــة
مثــل حلــم الـــدهــــر يــأتيك سـريعا في دقيقـة

عنــدما أنســى كيـــاني لا تســــلني
ضــي عينيـــه بريـــق وغمـــوض ومعــاني

عهــده بالحــب أيــام ســتكثر وتطـــول
ويــح نفســــي منـــك يا بــدري إذا حــان الأفــول

قبــل أن نحصــد زرعــه مــاؤه كـــان دمعـــا
وتبــاريحـــاً وشـــوقاً وصـــدوداً وأمـــل ...
إنمــا قلبــي عنيــد ... لا يبـــالي ... لا يمـــل
ينظـــم الحـــب أغـــاني
لا تســـلني
ضـــي عينيــــه بـريــــق وغمــــوض ومعــــاني

قمر الزمان

06-04-2005, 01:49 PM

نفسي في داخلك اعاين
اروي روحي واشوف منابعك
الصحراء في عيني تتواثب جناين
ماخدة صوتك من جداول
وشايلة صورتك من كهارب
مولدا" ميدانو حافل
كل ما يصبح تجيهو الناس جحافل
ياسلام ........
لمل تعبري في الشوارع
شوفي كيف الناس تصارع
ناس تطفر وناس تدفر
في البشابي علي نجومك
وفي البخب كايس تخومك
وكل زول من عند سلافك
لا لا قال دايرلو كاس
مرة طربان شلت صوتك
شان اغني وقلت آه يا ليل و آه
انتي اول
وانتي تاني
وانتي تالت
وانت رابع
نافرة زي صيد الخلا
وساقية زي نبع المنابع
وقلتي لي غناي خلاص
حلوة عينيك زي صحابي
عنيدة كيف
تشبه شريحتين من شبابي
زي عنب طول معتق في الخوابي
وسمحة زي ما تقول ضيوفا" دقو بابي
فرحي بيهم سال ملا حتى الكبابي
&&&&&&&&&&&

رحمك الله مصطفى سيداحمد

tahaa

06-04-2005, 10:06 PM

رايعة يا قمر الزمــان لا أقدر أقول أكثر من ذلك صدقيني

وبعض أغاني الراحل الاستاذ مصطفى سيد أحمد فنان التعابة والغلابة والجنايز الفاقدة تربه والملاحم ديمة ويكه والبحلو الشاهي كمبه

ألقـاك وين
كان الفرح قفل مسامات الضياع
غناك مزمار الزمن
ارشيف عشق وتر التراخي موشحات
من غبت ما شرقت شمس
والدهشة ساساق الدروب لا وين تمش
نار العشق لو تنهبش
توقد سنون المتعبين
تعقد زفاف آخر ضمير ... أتباع مقتت بالقرش
ألقـــــاك ويــن

كان التعب ما خت أيدو
على جبين تربال يخم رمل اشقا
المليان غلب
دقست قوافلو مع السراب
رابط جليد الهم ســعن
محــزوم خشــيمو من الصــبر ... راجي الســحاب

نلقـــاك وين
أنا وأنت والنيــل ... والارض
والبور مشتت متنسي
نجامة التعب الكعب

ما كان عول ريدي الصبح صفصاف هدير البر
أيامي توب شــحاد ... هـــداه خــم وخـــم
أنا ما لقيتــك ليــه ... طعــم الفراق دم دم
ختيتــــي فوقي الليــــل ... واللـــيل ســـقاني الســـم
أنــا خـاطري في المطــره ... ريحة الدعــاش تنشــــم
ريحـــة الدعــاش تنشـــــــــم ...
وألقـــــاك وين ...

عندما تدق الساعة الثانية عشره
وتفقد الكره الأرضية توازنها
ويبدأ الراقصون يفكرون بأقدامهم
ســانســحب إلى داخل نفسي
وأسحبك معي ...
فأنت أمرأة لا ترتبط بالفرح العام
ولا بالزمن العام
ولا بتلك الطبول الوثنية التي تقرع حولنا
ولا بأقنعة الورق التي لا يبقى منها في آخر الليل
سوى رجال من ورق
ونساء من ورق ...

قمر الزمان

07-04-2005, 09:41 AM

لمحتك ....
قلت بر آمن وبديت احلم
الملم قدرتي الباقية
واشد ساعد علي المجداف
تلوح لي مدن عينيك
وترفع لي منارة بسمتك سارية
كل مالريح تطارد الموج ....
ازيد اصرار واحلف بيك
اغير سكة التيار ..
واقول يا انتي يا اغرق !!
وتلوح لي مدن عينيك
اخاف الضفة ترجع بيك قبل الحق
واخاف غيم المنى الشايل
تسوقو الريح ويتفرق
واشد ساعد على المجداف ..
واجيك بي قدرتي الباقية
حطام انسان موسم.. بي شقا الدنيا
مقسم قليبو في الاحزان ..
اجيك فنان ..
اشد اوتاري واحكيلك حكاية انسان
وهب لي سكتك نفسو
ورسم صورتك علي حسو
وربط ساعد على المجداف
وقال .. يا انتي يا اغرق !!
اخاف .. اخاف غيم المنى الشايل ..
تسوقو الريح ويتفرق ..
والاقيك يا اماني سراب
مواهبي عليه تتدفق

*******************
وتسلم يا tahaa

ياسر فقيري

11-04-2005, 05:11 AM

داوي ناري والتياعي .. وتمهل في وداعي ..
يا حبيب العمر هب لي بضع لحظات سراع ..
قف تأمل .. مغرب العمر وإخفاق الشعاع
وأبك جبار الليالي هدّه طول الصراع
وا !! ضياع الحزن بالدمع على العمر المضاع
وهتاف القلب بالشكوى على غير انتفاع
ما يهم الناس من نجم على وشك الزماع
غاب من بعد طلوع وخبا بعد التماعى
طال بي سهدي واعيائي وقد حان اضجاعي
وإذا الراحة حانت بعد لأي ونزاع
فصدور الغيد سيان .. وأنياب السباع
***********************************
أه لو تقضي لشتيت باجتماع
كم تمنيت وكم من أمل مر الخداع
وقفة أقرأ فيها لك أشعار الوداع
ساعة أغفر فيها لك أجيال امتناع
يا مناجاتي وسري وخيالي وابتداعي
ومتاعي لعيوني وشميمي وسماعي
تبعث السلوى وتنسي الموت مهتوك القناع
دمعة الحزن التي تسكبها فوق ذراعي
*******************************************
وهي موجودة عندي إلقاء بصوت مبدعتنا الراحلة ليلى المغربي رحمها الله والرائع زيدان إبراهيم سأنزلها غداً في ذات المكان

tahaa

12-04-2005, 12:38 AM

حقا رائع يا ود فقيري

لا سلام منك ولا منك تحية
للوراك خليته عايش في الأسية
ما حرام يا الفنجري ما تسيب وصيه
قمت زي طيرا غريب سافر عشيه
ما قبيل .. وصوني يا حليل الوصيه
كنت مكضب .. كنت ناسي
ودابي صدقت .. المفارق عينه قوية ..

*********************************

السواقي النايحة طول الليل .. حنين الدنيا ممزوج في بكاها
زي طيورا في الفروع محتارة بتفتش جناها
والبيوت والناس بتـســأل عن صــبية
فارقت حلتنا زي طيرا غريب ســافر عشيه
ما قبيــل وصــوني يا حليل الوصيه
وكت مكضــب .. كنت ناسي .. دابو صدقت المفارق عينه قوية

**********************************

أوعى ليل الغربع ينسيك ريحة الطين في جروفنا
والتميرات البهبن ديمة راقصات في جروفنا
والدعاش والغيم رزاز في العصير بالفرح بلل كتوفنا
ونحن راجعين في المغيرب ..للديار ما حد يشوفنا لا نشوفو لا يشوفنا

**********************************

ما حرام ماضيك يصبح ليك أســيه
يا ســــلام لو كـــان جفـــاك بي حســـن نيــه
كنت نســـيتنا الوصـــيه
والمفـــارق عينــــــــــه قويــــــــــــــــــــه

tahaa

13-04-2005, 09:58 PM

ثنائي العاصمة

في ضميرك سر كتمتـــو بس مشــاعرك ليــه تخــونه
حبي ظاهر وأنـــت حبــك شــايفه تــايه في عيـونك

في عيــونك كلمــة ســارحة والفــؤاد عايـــش عليــــها
فيــا إيـــه يـا نور عيــونـي فيهــــا إيــه لــو بحت بيها
والفـــؤاد عطشــان وحـــاتك شـــايف ملامح ريده فيهـا

من زمــان نـاداني صـــمتك من زمــــان نـــادانـي ليـك
من زمـــان حبيــت دلالـــــك والصـــفات الحلــــوة فيــك
اكتفيـــت بســـر عيــــونك مـن بعيــــد يشـــقلني بيــك

إنــت مهمــا صـــنت ســــرك أو منعــــت علــيَّ قلبـــك
مســـتحيل تمنـــع مشـاعرك عشـــان تعبــر لي محبـــك
مســتحيل تكتــم مشــاعرك مســـتحيل تغضــب محبــك

في ضمــــيرك

sambaaa

11-02-2006, 01:09 PM

http://www.alna5eel.com/up-pic/uploads/95d5b2baa5.gif (http://www.alna5eel.com/up-pic)
ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت
http://www.alna5eel.com/up-pic/uploads/95d5b2baa5.gif (http://www.alna5eel.com/up-pic)

مكتول مدنى

12-02-2006, 10:24 PM

يا مولاي آه من غُلبي من النارو حرقت قلبي
________________________________________
يا مولاي آه من غُلبي من النارو حرقت قلبي
حظي الديمة مـن رد الآنيـس جافـل iiبـي
طالـت السفـرة واتحفـت مناسـم iiتلبـي
هـب الريـم وعـاودك الحنيـن iiياقلـبـي
***
مالِـك نفسـي مظعونـة وتملـي iiتنيـنـي
مالـك عينـي للغميـض أبيـتـي تليـنـي
عطشان ديمة كفـح المويـة مـا iiبروينـي
كاتلانـي الطريفـيـة البـريـدا iiقريـنـي
***
النـاس عيـدت مرقـت علـى iiأصحابهـا
وأنا فريت على الجاهلـه السمـح ترحابهـا
فاطـراً يحكـي بـراق البـدودي iiسحابهـا
لفت قلـي زي لـف طرحتهـا iiاللافحابهـا

ختت أيدها فـوق إيـدي انجذبـت iiخِـدرت
حبيت أمشي من كُتر الطـرب مـا iiقـدرت
بقت الحنـة بيـن إيـدي وأيديهـا iiانـدرت
لـولا الحنـة بينـي وبينهـا كنـت iiودرت
***
شعـرك منتظـم زي السـلاسـل iiفتـلـو
وعينيك ترقِص الحجـر ان بقـت iiشافتلـو
الطاؤوسة قاصـدة مشيكـي مـا iiعرفتلـو
وأعصـاب الـرآك أتكهـربـت iiتلفتـلـو
***
أخدر ليهو ضل فوقـو المحاسـن انشـرن
أفلج فاطرو زي بـرق السـواري iiالكـرن
يتقسـم مقاطـع فـي المشـي ويتـحـرن
زي فـرخ القطـا الأماتـو ركـن وفـرن
***
يتمنـى الدهـب لـو لونـه يشبـه iiلونـك
اشتهت الـدرر لـو هـي تبقـى iiسنونـك
مجنون ليلى حالتـو أجـن مـن iiمجنونـك
مادام ليلى كانـت فـي المحاسـن iiدونـك
***
عن من أحبه أنـا غيـر خاطـري فرقـت
هائج بي غرام عن حالتـي خلـي iiسرقـت
لولا أدمعـي مـن نـاري كنـت iiحرقـت
ولولا ناري مـن كتـرة دموعـي iiغرقـت

sambaaa

14-02-2006, 03:06 PM

width="500" height="300"

مكتول مدنى

14-02-2006, 11:00 PM

سلمت العزيز سامبا بهذا الفلاش الرائع ادامك الله لنا

روبش

16-02-2006, 01:08 AM

مكتول مدني
سلام
شويه علينا يا ناس نحن في غربة

مكتول مدنى

17-02-2006, 11:30 AM

روبش والله كلنا فى الغربة لكن عملناها فى نفسنا برانا واغتربنا ودا نوع من عقاب الذات لازم الواحد يعذب نفسه ويعاقبا بالاغانى الزى دى ولا رايك شنو
مشكووور عزيزى روبش

حسن على

14-09-2006, 09:29 PM

السلام عليكم

سواااح

08-10-2006, 02:43 AM

الاخوات والاخوان .. الاعزاء ..

لماذا توقفتم ؟؟
ننتظر عودة الجميع
وعلي راسهم
العزيز ابو روان ..

دمـــــــــــــــتم ،،

abu_ola

08-10-2006, 10:17 AM

اييكم أخوتي الأفاضل على هذا الإبداع و التوثيق الفني

و اشاطركم هذه الأحاسيس النبيلة

و بلا نغـــــــــني

( عثمان حســـين )

بالمعزة .. بالمودة البينا بي اغلي الصلات

بالهوي العشناهو بي اعصابنا خمسة سنين ومات

بالعذاب الشفتو والسر الكتمتو معاك

وباقي الطيبات ... استحلفك اترك سبيلي

وسيبني وحدي اقاسي مر الذكريات

انا بي حناني الغالي خصيتك

وحبيتك بكل جوارحي وعواطفي العميقة

انا شلت من اجلك هموم الدنيا

قاسيت من صعابا وكل ضيقا

لسعادتك انت كم ضحيت واتغربت

ما خليت طريقة ..

في مسيري المضني

من اجل الحقيقة

كل طائر مرتحل عبر البحر قاصد الاهل

حملتو اشواقي الدفيقة

ليك يا حبيبي للوطن لترابو لشطآنو للدار الوريقة

لكن حنانك لي او حتي مشاعرك نحوي ما اكنت حقيقة

كانت وهم كانت دموع مسفوحة بي احرف رقيقة

ما بايدي لو ضباب الغيرة اعماني وزيف للحقيقة

انت انا بي حناني انت كياني

انت الدنيا

بهجتا وشروقا

من حصل زلة خطايا معاك او ضلت طريقا

هل تصدق تنتهي قصتنا يا اجمل حقيقة

نحن عشناها بدموعنا وبالضنا في كل دقيقة

يا حبيبي لم تزل قصتنا قصة حب

اقوي من الحقيقة

abu_ola

08-10-2006, 10:20 AM

ربيــــع الدنـــــــــــيا

عثمان حســـين

يا ربيع الدنيا

في عيني يا نور قلبي يا معني الجمال

يا اخت روحي يا اماني هواي

في دنيا الخيال

انا فيك عشقت الروعة ما احلاها

في الدل والدلال

والمعاني الراسمة نور اشراقا

في عينك ظلال

وابتسامتك لما تأثر قلبي

تحكي عن المحال

تحكي عن شوقك الي ...

وتحكي عن لغة الوصال

من قلبي من اجل المحبة

وهبت ليك شعر الغزل

مع انو قدامي الطريق

انا عارفو يا السمحة انقفل

وما في سكة مافي يا نور قلبي حتي بصيص امل

لا عرفت اقرب من ضراك

وما عرفت لي فراقك اصل

abu_ola

08-10-2006, 10:23 AM

لا و حبـــــــــــك

عثمان حسين

لو خلاص انكرت حبي في النهاية

لا وحبك لن تكون ابدا نهاية

انت وحدك يا حبيبي

اخترت قلبي وقلت حابك

كنت تتمني اصف حسنك

واستجلي شبابك

رحت تغريني بحنانك ومرة تأسرني بعتابك

كل يوم تزرع حياتي بالأمل ويطول عذابك

عشت في قمة شعوري وقلت فيك اجمل غنايا

فجأة يتبدل مصيري القي احلامي سبايا

لا وحبك يا وحيدي مستحيل درب النهاية

حبنا اكبر من الدنيا واطول من سنينا

فيه من وطني المسالم كل طيبة واغلي قيمة

فيه من عاطفتي معني الالفة والعشرة الحنينة

وبرضو يحصل تنسي عشك في النهاية

لا وحبك لن تكون ابدا نهاية

abu_ola

08-10-2006, 10:25 AM

أنا و النجم و المســـاء

عثمان حيسن
انا والنجم والمساء .. ضمنا الوجد والحنين

جف في كأسي الرجاء .. وبكت فرحة السنين

آه يا شاطئ الغد ... اين في الليل مقعدي

وأين بالله موعدي

يا خطاها

يا خطاها علي الربا

عطر انفاسها الصبا

تحمل الشوق والصبا والخيالات موكبا

وانا كلما دنا

طيفها الحلو وانثني

عادني الهم والضني

في الدجي شاق مسمعي

صوتها الملهم النغم

في الهوي هاج مدمعي

حبها الخالد الالم

كلما لاح بارق من محياها خافق

مات بالهم عاشق

انها رقيتي التي خلدت لحن شهرتي

اشعلت ليل وحدتي

بالاسي والصبابة

يا رؤوي البحر اشهدي

ها هنا كان مقعدي

وهنا كان موعدي

انا والنجم والمساء

abu_ola

08-10-2006, 10:45 AM

الوكـــر المهجور

عثمان حسين

كانت لنا ايام

في قلبي ذكراها..ما زلت اطراها

يا ليتنا عدنا

او عادت الايام

ان انسي ما انسي

ذكراك يا سلمي

وبكينا .....

والصمت قد عما

تحلو لنا الشدوي

والحب والنجوي

لن انسي نجواك

والهمس والبسمة

وحرارة الانفاس

في قبلتي لما

ضمتك يمناي

يا سعد دنياي

وغفوت في صدري

نشوانه بالأحلام

كانت لنا ايام

كيف انسي ايامي

يافكرتي الكبري

يا وحي الهامي

ملهمتي في الذكري

ذكري لياليك

في خدر واديك

الليل اهواه

في شعرك الناعم

والنور والنوار

في طرفك الساهر

لكن تباعدنا

دهرا وما عدنا

للوكر ياسلمي

او عادت الايام

abu_ola

09-10-2006, 01:44 AM

الشجن الأليم

عثمان حسين

لمتين يلازمك .. في هواك .. مر الشجن
ويطول في ايامك سهر .. ويطول عذابك

http://www.up07.com/upload-21/wh_884030931.gif

يا قلبي لو كانت محبتو بالتمن
يكفيك هدرت عمر .. حرقت عليه شباب
لكن هواك .. اكبر وما كان ليه تمن
والحسرة ما بتنفع .. وما بجدي العتاب
احسن تخليه .. لليالي .. وللزمن
يمكن يحس ضميرو .. ويهديه للصواب

http://www.up07.com/upload-21/wh_884030931.gif

لكني اخشي عليهو من غدر الليالي
واخشي الاماني تخيب وعشنا يبقي خالي
هو لسة في نضارة حسنو في عمر الدوالي
ما حصل فارق عيوني لحظة او بارح خيالي

http://www.up07.com/upload-21/wh_884030931.gif

أغفرلو يا حنين وجاوز لو ظلم
ما اصلها الايام مظالم .. والعمر ومضة ثواني
اغفر واصبر .. واصبر علي جرحك وإن طال الألم
دي جراحنا .. دي اشواقنا بتضوي الزمان
انا عارفو بكرة بيعود في رعشة ندم
ننسي الحصل بيناتنا والسهر اللي كان
تصبح حياتنا نغم .. عشنا يبتسم
وتعود مراكب ريدنا .. لي بر الأمان

http://www.up07.com/upload-21/wh_884030931.gif

abu_ola

09-10-2006, 01:51 AM

المصير
عثمان حسين

http://www.up07.com/upload-21/wh_492015682.gif

كل لحظه بتمر عليه انـت في خاطري وفي عينـه

انـت في فــني البعــيشـوا في الـمــدي للابــديــه

http://www.up07.com/upload-21/wh_492015682.gif

قـدر ما حاولت اخاصمك وانسي احـزاني واسايـا

واكتم الغيره الفي قلبي واطوي جرحي في الحنايا

القـي اثارك في حواسي وظلك يتبعني في خطـايــا

القـي كـل الدنيـا حولي تهاتي بي اسـمـك معايــا

http://www.up07.com/upload-21/wh_492015682.gif

في حـــياتي قبــلك انت عشته قصة حب قـاسيه

لـســه ما ذالـــت في قــلبي ذكرياته المره باقــيه

لاكن انت هدمت املي بعد عشره نــبيله سامـيه

http://www.up07.com/upload-21/wh_492015682.gif

انـا لو عــارف خــصامــك لي ايامــه بـــتطـول

كــنت مــا اترددتــه لحـظه لمي حــار بي الدلـيل

انسي ظلمك وارجي حلمك وانس كل الراح قبيل

اصـلوا حبك فـوق ارادتي حب يجاوز المستحيل

سواااح

09-10-2006, 03:27 AM

او عُلا ..

http://www.asmilies.com/smiliespic/FAWASEL/000.gif (http://www.asmilies.com)

دمـــــــت ،،

abu_ola

09-10-2006, 08:54 PM

لا و حبـــــــــــك

عثمان حســــين

جاي تترجاني اغفر ليك ذنبك
ما كفاية الشفتو من نارك وحبك
انت فاكر تاني ارجع لك واعاتبك
لا .. لا.. لا.. يا هاجر ...
دربي اصبح ... ما هو دربك

http://www.up07.com/upload-21/wh_492015682.gif

كنت تحلم بالسعادة .. وهي غير ما انت فاكر
هي في كلمة مودة ... هي في خفقات مشاعر
هي القلوب الما بتردك .. اي طارق .. اي زائر
شايلة هم الدنيا زادا ... ومالية كل الكون بشائر

http://www.up07.com/upload-21/wh_492015682.gif

اجتمعنا علي المحبة في ثواني
في طريق مفروش بي حبي وحناني
وافترقنا .. كل واحد في طريقو
انا ضائع .. وانت مخدوع بالاماني
آآآآآآآآآه ...

http://www.up07.com/upload-21/wh_492015682.gif

كل زادي في ضياعي قلبي مفتوح للاحبة
للجمال الاشقي روحي
في شعوري سحرو شب
ورسالة فن سامي تدعو للخير والمحبة
الا قلبك يا حبيبي لسة ما ادرك وشب

http://www.up07.com/upload-21/wh_492015682.gif

برضو سامحتك لحبي ما لأجلك
للمعاني الكنت انظم فيها حولك
والحقيقة كل املي ابقي جنبك
اصلي بعدك ما هويت ولا حتي قبلك

abu_ola

09-10-2006, 08:57 PM

وراق الخريف

عثمان حسين

يا ليالي المصير قولي لخلنا
اوراق الخريف دارت حولنا

http://www.up07.com/upload-21/wh_492015682.gif

يا ليالي الرجاء عودي علنا
ان لاح الضياء يبدو ظلنا
في عرض السماء وفي دنيا المني
بس انت وانا .. انا

http://www.up07.com/upload-21/wh_492015682.gif

يا ليالي الامل قولي لخلنا
البدر اكتمل والدنيا سنا
لا الجرح اندمل ولا قطفك دنا
هناك من كفنا وهنا انا في الضني

http://www.up07.com/upload-21/wh_492015682.gif

يا ليالي المني هل ما فات عاد
هل احبابنا علي عهد الوداد
هل انت وانا تؤام في السهاد
سواء كلنا
http://www.up07.com/upload-21/wh_492015682.gif

abu_ola

09-10-2006, 09:01 PM

بعــد الصبـــر

عثمــان حســـين

ليه تقول ايامنا راحت وانتهينا
يا حبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل عذابا

http://www.up07.com/upload-21/wh_884030931.gif

انت عايش .. كل ايامك محنة
وانا بحرق كل عمري في الصبابة
يا حبيبي .. ليه حياتنا ما تبقي جنة
ننسي ظلم الدنيا .. ناخد من شبابا
نبعد الشك من قلوبنا .. والمظنة ..
نمشي في درب الاماني المستطابة

http://www.up07.com/upload-21/wh_884030931.gif

لست ادري هل عذابي ام عذابك كان اكثر
لست ادري
وحين شق الدهر بينا والفراق المر اجبر
لست ادري
غير اني كنت ادري ان حبي كان اكبر
فلماذا كنت تخشي .. انت ماضي المسير
يا حبيبي

http://www.up07.com/upload-21/wh_884030931.gif

كل واحد ليهو في تاريخو ماضي
وليهو ذكرة حب قديمة
وانت عارف لما اخترتك حبيبي
كان في قلبي جرحي ينزف بالهزيمة
لكن انت صرت اغلي حب عندي
وكنت راضي معاي بظروفي الاليمة
وكنت راضي معاي بالشقا البتبع خطاي
والمآسي المرة في طفولتي اليتيمة
ليه ما نصبر ونتحمل يا حبيبي
بكرة نلقي الدنيا بي خيرا ونعميا
يا حبيبي

http://www.up07.com/upload-21/wh_884030931.gif