اتخيل لي بعد كدا الناس تعمل حسابها

[مدنيّة]

إتهم شاب خطيبته بتسبيب الألم و المرض له بعد ان تركته و تزوجت بآخر ،
وأيد دعواه بتقارير طبية و شهود اتهام
و كانت الخطيبة سهى قد تركت خطيبها "علي"
بعد سنوات من روابط الحب الذي جمع بينهما ،
ما تسبب في صدمة الخطيب و انهياره عصبياً ،
استدعى حجزه بمصحة الطب النفسي ،
و بعد خروجه من المصحة رفع دعوى جنائية ضدها استناداً
على نص المادة 124 من القانون الجنائي .و قضت المحكمة بإدانة
خطيبته السابقة و أوقعت عليها عقوبة السجن لمدة أربعة أشهر

[مدنيّة]

الموضوع تبعا لقيته في حلة مجاورة
فبالتالي العهدة عليهم هم

------------
في بعض التعليقات عجبتني برضو جبتها

--------------
المعني
انه الموضوع منقول ، وبعض التعليقات كذلك ):

[مدنيّة]

غايتو دا باب لو اتفتح ، السجون زاتها ما ح تكفي!:cool:

[مدنيّة]

اها الواحد يكون قاعد في امانة الله يجيبه محضر بدعوي من سنة 1990 عايزين يفصلوا فهيا هسي!!
الليلة وب

[مدنيّة]

العجب لو المحضر سلم الدعوي دي لواحد من الاولاد!
والكارثة يسلمها للمدام

[مدنيّة]

هسع توكل محامى تقول ليهو شنو !
ما كنت حاسس انها ماليانى عاطفيا ؟!!

دا كلام دا! :o

[عنكوليب]

غايتو دا باب لو اتفتح ، السجون زاتها ما ح تكفي!:cool:



وحياتك يا غالية ،، ما يفضل آدم حايم ،،،

[ودالعمدة]

هسع توكل محامى تقول ليهو شنو !
ما كنت حاسس انها ماليانى عاطفيا ؟!!
دا كلام دا! :o


عمتنا مدون
الظاهر ناس الحلة المجاورة ديل عزموك سماية مدنكلة
عشان كدة جبتى لينا منها الشمار التقيل دا :o :o :o
غايتو بالطريقة دى فى ناس
ح يمشوا مجلس الأمن والمحكمة الجنائية الدولية

[ابو دعاء]

إتهم شاب خطيبته بتسبيب الألم و المرض له بعد ان تركته و تزوجت بآخر ،
وأيد دعواه بتقارير طبية و شهود اتهام
و كانت الخطيبة سهى قد تركت خطيبها "علي"
بعد سنوات من روابط الحب الذي جمع بينهما ،
ما تسبب في صدمة الخطيب و انهياره عصبياً ،
استدعى حجزه بمصحة الطب النفسي ،
و بعد خروجه من المصحة رفع دعوى جنائية ضدها استناداً
على نص المادة 124 من القانون الجنائي .و قضت المحكمة بإدانة
خطيبته السابقة و أوقعت عليها عقوبة السجن لمدة أربعة أشهر

_______________________________

والله يا أخت مدنية ده باين عليهو شاكوش قوي خلاص
يا ستي نحنا عندنا في السودان جميع أنواع الشواكيش وبمقاسات مختلفة
ولو المادة دي عندنا في قانون السودان كان تسمعي بمحاميين تخصص قضايا شواكيش

والله يستر علي المتزوجين قبل العزابه

تحياتي

[مدنيّة]

وحياتك يا غالية ،، ما يفضل آدم حايم ،،،

هههههههههههههههههه
والله يا حبيبة ما قلتي الا الحق
بالله آدم واولاده
حائمين في الجكس ما خلو ليهم جهة يقبلوا عليها
جنس شواكيش ):

------------
نورتيني ياعثلنا

[عنكوليب]

هههههههههههههههههه
والله يا حبيبة ما قلتي الا الحق
بالله آدم واولاده
حائمين في الجكس ما خلو ليهم جهة يقبلوا عليها
جنس شواكيش ):

------------
نورتيني ياعثلنا

شواكيش بس !!!

والله عينك ما تشوف الا النور !!!
الجماعة ديل عايزين فتوات ، ما اناث !!!
الشكله حسه تدور معاي !!!

تسلمي يا ستهن لي حدهن

[المسافر]

آآآآآآآآآآآآي والله أنا زاتي هسه مع ( علي )
شواكيش دي تعبت الناس تعب شديد
وأرهقتهم معنوياً ومادياً

[مدنيّة]

عمتنا مدون
الظاهر ناس الحلة المجاورة ديل عزموك سماية مدنكلة
عشان كدة جبتى لينا منها الشمار التقيل دا :o :o :o
غايتو بالطريقة دى فى ناس
ح يمشوا مجلس الأمن والمحكمة الجنائية الدولية


ههههههههههههههههههه
والله ناس الحلة ديل ياسر
مكملين الظرافة
تبعا اكيد مااكتر من ناس مدني (وش خواااااااااف)

أما بالنسبة للمحكمة الجنائية ومجلس الادمن
فحدث ولا حرج
----------
كدي ياسر ومن غير مايسمع زول
ممكن يجيك كم امر قبض!

[بحيرى]

هاهاهاهاها ....
يا جماعه روقوا ...
المشكله ما فى السجن ولا حاجه ....
المشكله الواحده تكون متزوجه ... اجى واحد ثقيل افتح فيها بلاغ .....
يعنى اى واحده متزوجه وكان عندها علاقه سابقه .... التشيل شيلتها ......
يمهل ولا يهمل ..... سبحانه ....
قايتو .... جنس قايتو .....

[مدنيّة]

والله يستر علي المتزوجين قبل العزابه



ياابو دعاء
وانت قايل الخوف وين!
ماياهو للمتزوجين ديل زااااااااااااااتهم
هههههههههههههههههههه

---------
شرفتني والله

[بت أم درمان]

هاهاهاهاها ....
يا جماعه روقوا ...
المشكله ما فى السجن ولا حاجه ....
المشكله الواحده تكون متزوجه ... اجى واحد ثقيل افتح فيها بلاغ .....
يعنى اى واحده متزوجه وكان عندها علاقه سابقه .... التشيل شيلتها ......
يمهل ولا يهمل ..... سبحانه ....
قايتو .... جنس قايتو .....


شايفة ناس الشاكوش ونياتهم يا مدنية ههههههه

[بت أم درمان]

يعني بعد كدا زي ما قلتي الناس يعملو حسابهم ولا يهظرو زاتو في الحاجات دي

[عنكوليب]

انتو قايلين بحيرى ده لابس
الطاقية دي نظام وجاهة
يعني ،،،

ده راسو كلو فليـــق ،،،!!!

[ريمون]

غايتو يا مدون لو بعوضوا مادياً ..
علوني ده بتملئ قروش .. هههههه

[بت أم درمان]

وانا اتخيل لي البوست دا لازم نشيلو نوديهو مكان تاني
ولا رأيكم شنو

النفاج مثلن

[ريمون]

قمة العدل والقوة ..
الحكومة عديل كده ..
عشان تسكتوا الناس البقولوا المنتدي بتاع ناسات ..

[mahagoub]

ما شاء الله ظهر المشوكشين

[ابوالنور]

حلوه حلوه حلوه حلوه

[خالد علونى]

غايتو يا مدون لو بعوضوا مادياً ..
علوني ده بتملئ قروش .. هههههه

قلتي لي يا ريمون الواحد لو داير يفتح بلاغ يمشي وين؟

[خالد علونى]

إتهم شاب خطيبته بتسبيب الألم و المرض له بعد ان تركته و تزوجت بآخر ،
وأيد دعواه بتقارير طبية و شهود اتهام
و كانت الخطيبة سهى قد تركت خطيبها "علي"
بعد سنوات من روابط الحب الذي جمع بينهما ،
ما تسبب في صدمة الخطيب و انهياره عصبياً ،
استدعى حجزه بمصحة الطب النفسي ،
و بعد خروجه من المصحة رفع دعوى جنائية ضدها استناداً
على نص المادة 124 من القانون الجنائي .و قضت المحكمة بإدانة
خطيبته السابقة و أوقعت عليها عقوبة السجن لمدة أربعة أشهر





هيييييييييييع عفيت منو

لكين المصائب دي كووووووووولها وعقوبتا أربعة شهور بس

[عثمان جلالة]

يا مدنيه انتي جبتي الموضوع دا لكن ما حددت موقفك من الاعراب وكده :rolleyes:

انتي معانا ولا معاهم ؟؟؟؟:):)

[عنكوليب]

يا مدنية سمعت لي حاجة غريبه خلاص امس
في برنامج فتاوي :

واحدة طالبة الطلاق من زوجها ،، ليه تتخيلي ؟؟

عشان هو بنوم في الظلام وهي بتخاف من الضلام ؟؟؟؟؟؟؟؟؟


اتخيـــــــــلي ،،،!!!!!

[مايسة]

كان يعملو العقوبة مؤبد مع الاعمال الشاقة