نظرية المؤامرة ..

[ايمن عبد الله]

في الاونة الاخيرة كثرت احاديث المؤامرات في السودان ..

اي شخص يفشل في اي شي يقول في مؤامرة ضده ؟

لماذا ؟

هل هذا ضعف ؟

هل اصبحت (المؤامرة) هي الشماعة الجديدة .. حتى نعلق عليها فشلنا في اي امر .. ؟

الحكومة كل ما تجيها مشكلة .. تتدعى ان هنالك مؤامرة عليها وهي مستهدفة في عقيدتها .. كأنما هي تحارب كفار ..

الامين البرير .. يلكم الحكم .. وعندما يسود القانون ويعاقب .. يقول ان هنالك مؤامرة على الهلال وليس هو ..

هل الهلال هو الذي لكم الحكم .. ام الامين البرير هو من فعل .. ؟

اخاف ان يمرض احدهم بملاريا .. ويدعي ان البعوض قد تآمر عليه ..

[آلاء عبد الرحمن]

اذا لم يتحمل الشخص مسئوليته بدل من خلق الاعذار وشماعتها
فسوف نرتقي
ولكن طالما توجد الشماعات فسوف يظل السودان كما هو

اسهل شي تلقي ليك شماعة تعلق فيها المشاكل وده البفلحو فيو ناسنا ديل

[ايمن عبد الله]

مشكورة الاء على المرور والمشاركة ..

تسلمي كثير ..

[ريمون]

اعتقد يا ايمن ان كثرة انتشار النظريه دي يدل علي الضعف وعدم الثقة ..
وازيد لو كمان الزول متأكد منها المفروض يحاول يتناساها ويواصل كفاحه ..





مواضيعك دائما قويه ..

[ايمن عبد الله]

اعتقد يا ايمن ان كثرة انتظار النظريه دي يدل علي الضعف وعدم الثقة ..
وازيد لو كمان الزول متأكد منها المفروض يحاول يتناساها ويواصل كفاحه ..
مواضيعك دائما قويه ..

الف شكر ريمون على المشاركة الثرة ..
تسلمي كثير على ما ذكرتيه بحقي ..

منون لكي ..

[mahagoub]

اطالب باعدام وحرق كل الشماعات
وكل حبال الغسيل
نشوف الجماعه ديل بشروا وين
تسلم يا الحبيب

[ياسر عمر الامين]

فعلا هى آفة كبرى ابتلينا بها..فكلما فشلنا فى ادارة شؤوننا علقنا فشلنا فى الاخرين..والاخرون لهم مصالحهم التى يريدون ان ينالوها ولكننا بغبائنا وانانيتنا نسمح لهم بالامساك برقابنا وناتى نقول "مؤامرة مؤامرة" خذ مثلا انفصال الجنوب انشغلت صحافتنا ودوائر الحكومة عندنا فى الفترة السابقة بتسارع وتيرة العلاقات الاسرائيلية مع دولة جنوب السودان واعتبار ذلك "مؤامرة" ضد السودان..فهل كان غائبا خيار الانفصال عندما وقعت اتفاقية نيفاشا؟وما سيترتب على ذلك من فقدان مورد مهم من موارد الدولة وان هنالك دولا كثيرة لا تريد بينا خيرا وتحيك ضدنا "المؤامرات"؟؟؟.
(( ما أصابكم من مصيبة فبما كسبت أيديكم ويعفوا عن كثير ))

ولك الشكر أجزله أخى ايمن وتقبل مشاركتى.

[ايمن عبد الله]

ألف شكر .
محجوب ..
ياسر عمر الامين .

تسلمو .. على المشاركة الطيبة ..