حتى باقي العمر شيلوا.....

[محمد الجزولى]

مجتمعنا السوداني ملئء بالغرائب من الافعال والاقوال ....وتزدحم اغانينا بكلمات واوصاف اذا تمعنت فيها تجدها غريبه نوعا ما رغم روعتها ... دعونا نتناول هنا غرائب الكلمات والمقاطع في الاغنية السودانيه .. والمساحة مفتوحه للكل ليدلو بدلوه هنا واصياد ما يظهر لنا من مقاطع غريبه في غنائنا السوداني ..



حتى باقي العمر شيلوا ...


اغنية المرحوم هاشم مرغني ...


اغنية جميلة جدا ذات لحن يأسر الألباب .. اعطاها المرحوم هاشم مرغني شجنا خاصا جعل من كلمات الاغنية بناءا قائما بذاته



دعونا نتأمل هذه الكلمات



اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو

بي محنة الزول بيــــــــلوم
دمعة في الخدين بتجـــــري
كنت بأمل في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمــــري
وكنت دايرك يا



حبيـبــــــو
لو مرة بي آلامي تــــــدري

في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
كنت دايرك يا



حبيبــــــــو
كل لحظه تصبح اروع
انت من طليت علـــــــيا
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو






العباره الآخيره ( حتى باقي العمر شيلوا ) يا ربي في زول بقدر يشيل ليهو عمر زول ؟؟ حتى لو كانت العبارة تورية وإن الشاعر قصد ان المحبوب سوف يكون سببا في موت حبيبه فان الآجال بيد الله ...
ولا يا ربي في ( اقوال أُخرى )
خلونا نسمع وبعدين نواصل ...

[بدر الدين محمد]

في المدرسة الاميرية الوسطى كان اول فصلنا ونحن في السنة الاولى اسمو (انور جاد الرب) (لن انساه) في السنة الثانية لم يحضر ولما سألنا عنه عرفنا بقصته :
كان واحد من مجموعة وكانو يسبحون في بحر حنتوب واذا بشيمة جرفت الجميع بعيدا وكان انور يجيد السباحة فاخرج الاول ثم الثاني وبعد انقاذ الثاني جرفته الشيمة الى اعماق النيل رحمه الله
وهو بالتأكيد أعطى زملاءه باقي عمره القصير ... ربنا يتقبله




[RIGHT][RIGHT][COLOR=#0000cd][SIZE=5]يا ربي في زول بقدر يشيل ليهو عمر زول ؟؟ ..

[محمد الجزولى]

في المدرسة الاميرية الوسطى كان اول فصلنا ونحن في السنة الاولى اسمو (انور جاد الرب) (لن انساه) في السنة الثانية لم يحضر ولما سألنا عنه عرفنا بقصته :
كان واحد من مجموعة وكانو يسبحون في بحر حنتوب واذا بشيمة جرفت الجميع بعيدا وكان انور يجيد السباحة فاخرج الاول ثم الثاني وبعد انقاذ الثاني جرفته الشيمة الى اعماق النيل رحمه الله
وهو بالتأكيد أعطى زملاءه باقي عمره القصير ... ربنا يتقبله

ربنا يتقبله ويحسن إليه
واكيد يا استاذ بدر الدين ان ذلك الشخص قد ضحى بحياته في سبيل انقاذ اخوانه
رغما من انه كان واثقا من معرفته للسباحه فقد حان اجله في تلك الساعه
اما اذا كان لا يعرف السباحه فالامر سوف يكون مختلفا

[خالد علونى]

استاذذنا محمد الجزولي


دي حنيتنا نحنا السودانيين في المقام الأول

وزي ما غني زيدان رحمه الله
لو الأماني بإيدي كنت أهديك حياتي
وأسقيك من وريدي
لو عاينت ليها من قريب بتلقي إنو الجزء دا صعب جدا وما مفردة شعرية
لكين بي الرغم من كدا بأكد ليك حنيتنا نحنا السودانيين
بنقول أي شي في سبيل إننا نثبت قوة ومكانة الأشخاص في دواخلنا


لك كل الود والتقير دوماً

[ابو قصي]

غني الاستاذ محمد حسنين:
قالو قاسية
قلت ليهم راضي بيها
لودقيقة تحن عليّا
انا عمري يبقي الدقيقة ديّه..
وغني سيد خليفة:
يهديك الله يخليك
ويشيل من عمري انا ويديك
وغني محمد وردي:
عمري كلو اهديتو لحبك..

[ابو قصي]

غني الاستاذ محمد حسنين:
قالو قاسية
قلت ليهم راضي بيها
لودقيقة تحن عليّا
انا عمري يبقي الدقيقة ديّه..
وغني سيد خليفة:
يهديك الله يخليك
ويشيل من عمري انا ويديك
وغني محمد وردي:
عمري كلو اهديتو لحبك..

[كاظم]

اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو

بي محنة الزول بيــــــــلوم
دمعة في الخدين بتجـــــري
كنت بأمل في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمــــري
وكنت دايرك يا
حبيـبــــــو
لو مرة بي آلامي تــــــدري

في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
كنت دايرك يا
حبيبــــــــو
كل لحظه تصبح اروع
انت من طليت علـــــــيا
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو



الأغنية في حد ذاتها جمييييييلة حد الجمال .. شعر مافيهو شك .. والعجب تسمعها ملحنة عند هاشم ميرغني ..

(حتى باقي العمر شيلو) قرايتي ليها مختلفة شوية .. الجملة دي مربوطة بكل الكلام القبلها وتحديداً العبارة بتاعة (هسة لو داير تسيبو) فأظن إنو الشاعر بعد احساسو بإنو (أهدى قلبه لمن لا يستحق) فقال ليهو لو هسة قررت انك تسيبو (القلب) فليس لدي ما أخسره بعد ذلك وما تبقى من عمري يمكنك أخذه أيضاً فلا فائدة فيه بعد أن أهملت هديتي لك.

عموماً دي قراية مع اني يا أبوالجزولي في نصوص كتيرة بتجنب انو افتش لتفسير لبعض أجزائها أو كلها

محبتي يا أبوالجزولي وأبقى طيب

[انور النور محمد]

هسي لو داير تسيبو
حتى باقي العمر شيلو

اجمل الاشياء الموجودة في تصاريف الاشعار هو بناء الجمل الرمزية وهي ارادة المعنى البعيد بمفردات غد تبدو منذ الوهلة الاولي مراد بها شي اخر

كل القصيدة تتحدث في محور اساسي ترتكز عليها جملة المفردات في هيكل الفكرة
الحـــــــــــــــــــــــــــــــــــــــــــــــ ـــــــــــب
ومعلوم ان للحب مبتداء زمني وطالما ان للحب حساب زمني تقاس به مُدته (عمره) اذا له خواتيم وان كان الذي يتركه من اثر يتجاوز خواتيمه
وحسب فهمي لبناء الفكرة في هذه القصيدة المراد هو باقي عمر الحب لا عمر المحب
وموات الحب اشد الماً للنفس
ومن هنا كانت النفس اكثر ابداعا في ابتكار الافكار ونظمها شعرا او رواية او حتى نثرا
عموما انا اكثر المحبين للنظم الرمزي فهو حمال اكثر من وجه

محمد الجزولي
تحايا وسلام
ومحبة

[ZANOON]

تعرف استاذنا حاجه غرييييبه ...
منذ وفاه احن واعز واروع الناس الي قلبي والدي العزيزفي30/4/2011....
لم استمع الي اغاني..وقبل فتره كنت خارج من مسجد الصائم صلاه العشاء..
في بتاع امجاد واقف ومشغل المسجل...
جاني صوت هاشم ميرغني...
في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
كنت دايرك يا
حبيبــــــــو
كل لحظه تصبح اروع
انت من طليت علـــــــيا
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو.....
....رجعت البيت وشغلت الشريط...لا اذكر كم مره استمعت اليها ...
ولكني تاكدت ان الافراح بايامها لن تجمعنا كثيرا بمن نحب ونهوي...
شكرا يا حبيب...

[محمد الجزولى]

استاذذنا محمد الجزولي


دي حنيتنا نحنا السودانيين في المقام الأول

وزي ما غني زيدان رحمه الله
لو الأماني بإيدي كنت أهديك حياتي
وأسقيك من وريدي
لو عاينت ليها من قريب بتلقي إنو الجزء دا صعب جدا وما مفردة شعرية
لكين بي الرغم من كدا بأكد ليك حنيتنا نحنا السودانيين
بنقول أي شي في سبيل إننا نثبت قوة ومكانة الأشخاص في دواخلنا
لك كل الود والتقير دوماً
تمام يا خالد
تعرف احيانا ( يطيش ) شيطان الشعر ليخرج لك مقاطع تحتار في تصنيفه
زيدان نفسه كان عندو اغنيه بقول فيها ( البعبدها ) .. يعني اتخيل لي مهما وصلت الحنيه والريده المفروض يكون هنالك قيود على النص
تحياتي يا رائع

[مصطفى هاتريك]

ود الجزولي يا رائع

فعلا الغناء السوداني يمتاز بتراكيب شعرية متفردة وتمتاز بالبساطة

حتى أن الأغنية تحسها (( بتونسك )) .. عزمي أحمد خليل و هاشم صديق

و عوض جبريل و عبد الرحمن مكاوي وبدوي بانقا و تاج السر عباس و السر دوليب

و محمد يوسف موسى و زعيمهم الأكبر أبوقطاطي وغيرهم ممن لم يخطر على بالي

الآن ندين لهم بهذه البساطة في الغناء السوداني....

توقع إنبراشات هاتريكية في هذا البوست يا غالي

بالجنبة كده جيت في جرح

[ساريه]

نحن هنا متابعين وبس ...

[مولانا جلال]

يابكاااااااااااااااااااااااااااااااااااااااى ؟؟؟؟؟؟؟؟؟؟؟؟؟

[محمد الجزولى]

غني الاستاذ محمد حسنين:
قالو قاسية
قلت ليهم راضي بيها
لودقيقة تحن عليّا
انا عمري يبقي الدقيقة ديّه..
وغني سيد خليفة:
يهديك الله يخليك
ويشيل من عمري انا ويديك
وغني محمد وردي:
عمري كلو اهديتو لحبك..

وتعج الكثير من اغانينا بصور الإستغناء عن العمر لصالح المحبوب
ربما هو وفاء وتعبير عن مشاعر جياشة
شكرا العزيز ابو قصي على الإضافة الجميلة

[محمد الجزولى]

اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو

بي محنة الزول بيــــــــلوم
دمعة في الخدين بتجـــــري
كنت بأمل في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمــــري
وكنت دايرك يا
حبيـبــــــو
لو مرة بي آلامي تــــــدري

في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
كنت دايرك يا
حبيبــــــــو
كل لحظه تصبح اروع
انت من طليت علـــــــيا
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو



الأغنية في حد ذاتها جمييييييلة حد الجمال .. شعر مافيهو شك .. والعجب تسمعها ملحنة عند هاشم ميرغني ..

(حتى باقي العمر شيلو) قرايتي ليها مختلفة شوية .. الجملة دي مربوطة بكل الكلام القبلها وتحديداً العبارة بتاعة (هسة لو داير تسيبو) فأظن إنو الشاعر بعد احساسو بإنو (أهدى قلبه لمن لا يستحق) فقال ليهو لو هسة قررت انك تسيبو (القلب) فليس لدي ما أخسره بعد ذلك وما تبقى من عمري يمكنك أخذه أيضاً فلا فائدة فيه بعد أن أهملت هديتي لك.

عموماً دي قراية مع اني يا أبوالجزولي في نصوص كتيرة بتجنب انو افتش لتفسير لبعض أجزائها أو كلها

محبتي يا أبوالجزولي وأبقى طيب

شكرا كاظم على القراءة العميقة
طبعا عاجبني مقطع بنفس المعنى للاستاذ العاقب محمد الحسن
كدي شوف الشاعر هنا كيف عبر عن مشاعرو الدفاقة بكلمات غاية في الجمال والمقصد
إدللي .. وادللي
وانسيني يوم ما تسألي
انا قلبي بالريد مبتلي
ما بسيب هواك لو تقتلي