ابو قصي
10-01-2012, 11:34 AM
هذه محاولة لتصوير واقعنا الكروي وهي مجاراة لانشودة الاذاعة الرياضيةfm104:-
نحن في الوسط الرياضي لا بنخاصم لا بنعادي
مع الاعتزار المهذب للدكتور عمر محمود والاستاذ يوسف السماني والاذاعة الرياضيه والوسط الرياضي
محنه في الوسط الرياضي في تفاقم وفي تمادي
من اماراتها التهاتر والتناحر .. والتقاضي
خارج الميدان وجوّه اصبحت بيناتنا هوّه
وانتهت بينا الاخوه للتشجار بالايادي
القلوب من غير اراده والتدهور في زياده
العبث صار لينا عاده فوضي في كل النوادي
الحزازات الذميمه والاساليب اللئيمه
والمفاهيم العقيمه ضيعت امجاد بلادي
ليه تموت جوانا همه والعروض ماتكون مهمه
والنقاط تصبح اهم يامدرب وياقيادي
خبرة التدريب فصاحه ليها في الاعلام مساحه
والنتيجه فرص متاحه ضايعه والامر اعتيادي
الهزيمه وراء الهزيمه وياها اخطانا القديمه
فايدة التدريب عديمه دربكه وعك انفرادي
كفوة التحكيم جنايه ليها بالقانون حمايه
الظلم رافعلو رايه بالتحيز والتغاضي
افة الافات صحافه بالغت في انحرافها
عامره بالقول السخافه والكلام الكلو فاضي
ديل زعامه وديل وصافه ومره اسيادها القيافه
مفردات عادمه الحصافه واصبح الاصحاب اعادي
ناس قروشها محرقاها كل يوم يزداد طغاها
قاشره فينا مضيقاها بين فضائيات ورادي
جاهزه عضوية التكيه بي شراكتها الذكيه
فتنه مجلوبه واذيه مافي زول بالتاني راضي
يامرشح ياحليلك من شلل شيلني واشيلك
اشتروك من جيب وكيلك اصلو بيع الزمه عادي
هي قال اهليه هي وقال دمقراطيه ديه
كلمه مسلوبة الهويه بينا والاخلاص بوادي
كوره خربت من كبارها جات من الفيفا الزفاره
ناس رشاوي وناس تجاره والضحيه هي المبادئ
السبب اصل المشاكل في القوانين والهياكل
من زمان تخطيطنا فاشل ولاحياة لمن تنادي
شدي حيلك يا وزارة الالم زاد والمراره
اقلعي الحال من قرارها والمرض زحيهو غادي
خلي للتصحيح بدايه اتحاد في كل ولايه
تنهي اشكال الوصايه مذهب الحكم اتحادي
نحن في الوسط الرياضي لا بنخاصم لا بنعادي
مع الاعتزار المهذب للدكتور عمر محمود والاستاذ يوسف السماني والاذاعة الرياضيه والوسط الرياضي
محنه في الوسط الرياضي في تفاقم وفي تمادي
من اماراتها التهاتر والتناحر .. والتقاضي
خارج الميدان وجوّه اصبحت بيناتنا هوّه
وانتهت بينا الاخوه للتشجار بالايادي
القلوب من غير اراده والتدهور في زياده
العبث صار لينا عاده فوضي في كل النوادي
الحزازات الذميمه والاساليب اللئيمه
والمفاهيم العقيمه ضيعت امجاد بلادي
ليه تموت جوانا همه والعروض ماتكون مهمه
والنقاط تصبح اهم يامدرب وياقيادي
خبرة التدريب فصاحه ليها في الاعلام مساحه
والنتيجه فرص متاحه ضايعه والامر اعتيادي
الهزيمه وراء الهزيمه وياها اخطانا القديمه
فايدة التدريب عديمه دربكه وعك انفرادي
كفوة التحكيم جنايه ليها بالقانون حمايه
الظلم رافعلو رايه بالتحيز والتغاضي
افة الافات صحافه بالغت في انحرافها
عامره بالقول السخافه والكلام الكلو فاضي
ديل زعامه وديل وصافه ومره اسيادها القيافه
مفردات عادمه الحصافه واصبح الاصحاب اعادي
ناس قروشها محرقاها كل يوم يزداد طغاها
قاشره فينا مضيقاها بين فضائيات ورادي
جاهزه عضوية التكيه بي شراكتها الذكيه
فتنه مجلوبه واذيه مافي زول بالتاني راضي
يامرشح ياحليلك من شلل شيلني واشيلك
اشتروك من جيب وكيلك اصلو بيع الزمه عادي
هي قال اهليه هي وقال دمقراطيه ديه
كلمه مسلوبة الهويه بينا والاخلاص بوادي
كوره خربت من كبارها جات من الفيفا الزفاره
ناس رشاوي وناس تجاره والضحيه هي المبادئ
السبب اصل المشاكل في القوانين والهياكل
من زمان تخطيطنا فاشل ولاحياة لمن تنادي
شدي حيلك يا وزارة الالم زاد والمراره
اقلعي الحال من قرارها والمرض زحيهو غادي
خلي للتصحيح بدايه اتحاد في كل ولايه
تنهي اشكال الوصايه مذهب الحكم اتحادي