عذاب العشـــــرة.. عبدالحليم سرالختم

[ابو قصي]

حكايتك ....
لابقت قُبّال ولا اتقالت
حليلك....
راجي راكوبة السعف تحميك
وعينك للمطر شالت
***
سحاب الفجعة لما يصُب
يهد جبل الصبر جواك
يجيك سيل الحزن كاسح
يحطم بي ضراوتو ضراك
محاصر بالزبد والطين
مشمر في المخاضة براك
وتتلفت ،، قفاك اعوج
تفتش للبسندو قفاك
وتوب الحسرة يتلملم...
يضاير ضهرك المكشوف
ويترحم علي دنياك
***
وتقعد في الصقيعة وحيد
تفكر في مآلاتك
تتوه في غابة الآلام
غصون الشوك وساداتك
تنوم زي السُقد صاحي
تسامر في جراحاتك
وتسترجع صدي الايام
مشاهد شكلت ذاتك
زرعت الوادي بالطيبة
شرا القندول حصاداتك
....
عذاب العشرة لما يكون...
رفيقها بخيل
ومابحفظ وداد وجميل
ولا بيعرف يعدل الميل
ولا بيركز يشد الحيل
ولا بواسيك في الجاتك
***
وتختار الرحيل المر
تفارق والفراق بكّاي
تسافر في قوافل الصيف
تحاحي هجيرو بالدوباي
تكابد والقليب ينتح
تناهد والعرق جرّاي
تسارع والرمال تمتد
تغازل بحرها الراراي
دفقت علي الرهاب مويتك
متين كان السراب سقّاي
***
بعيد درب السلامة بعيد
مسافات رحلتك طالت
ومتعشم تصل للميس
وعيـــــنك للشمش مالت

[ساريه]

لونت صباحنا يا ابو قصى ..
مليون تحية عبرك للمبدع عبدالحليم سر الختم ..
ولك الشكر ....

[مصطفى هاتريك]

وتختار الرحيل المر
تفارق والفراق بكّاي
تسافر في قوافل الصيف
تحاحي هجيرو بالدوباي
تكابد والقليب ينتح
تناهد والعرق جرّاي
تسارع والرمال تمتد
تغازل بحرها الراراي
دفقت علي الرهاب مويتك
متين كان السراب سقّاي
***
بعيد درب السلامة بعيد
مسافات رحلتك طالت
ومتعشم تصل للميس
وعيـــــنك للشمش مالت


ومنو البقدر يقول جنس الكلام ده غير عبد الحليم سر الختم

حفظك الله يا أبوقصي و أطال لنا في عمر أبي (( أبي ))

[ياسر عمر الامين]

التحية والتجله لأستاذنا الكبير عبد الحليم سر الختم..

متعه الله بالصحة والعافية..

[ابو قصي]

لونت صباحنا يا ابو قصى ..
مليون تحية عبرك للمبدع عبدالحليم سر الختم ..
ولك الشكر ....
لك تقديري ياحوارا غلب شيخه.....

[ابو قصي]

وتختار الرحيل المر
تفارق والفراق بكّاي
تسافر في قوافل الصيف
تحاحي هجيرو بالدوباي
تكابد والقليب ينتح
تناهد والعرق جرّاي
تسارع والرمال تمتد
تغازل بحرها الراراي
دفقت علي الرهاب مويتك
متين كان السراب سقّاي
***
بعيد درب السلامة بعيد
مسافات رحلتك طالت
ومتعشم تصل للميس
وعيـــــنك للشمش مالت


ومنو البقدر يقول جنس الكلام ده غير عبد الحليم سر الختم

حفظك الله يا أبوقصي و أطال لنا في عمر أبي (( أبي ))

وطبعا عندي احترامك خاص - تسلم