المساعد الشخصي الرقمي

مشاهدة النسخة كاملة : $ مشرف فى عينك يا ثقيل $


بحيرى
12-01-2012, 04:47 AM
والله لا ثقيل لا شتين ....
لكن الفيكم اتعرفت .....
يا جماعه بأمانه كده .... المنتدى ده فيهو خيار وفقوس ....
يعنى الواحد اكسر فى التلج يمين وشمال ... وفى النهايه اودهوا قونتنامو ...
والله ما خليت حاجه ....
الادمن ده من ما جاء استلمتو .... عزمتو ادم شيه ...
عزمتو الكوره ....
عزمتو اى حاجه ....
لكن ناس احمد علقم ديل ما بدوك فرقه ذاتو ....
مدنيه دى عندهم بكاء .....
مشيت ليها كم مره فى البيت ...
مره نشيل الفاتحه .... مره نعزى .... مره نواجب ....
ما خليت حاجه ....
لكن ناس معتز سمير ديل اللعب معاهم صعب ....
ياخى معتز سمير ده شدت ما بهرس التلج هرسان .... من هو عضو مجتهد بقوهوا مشرف العام ....
والله فترنا ذاتو ...
عمر الماحى ده انا كل ما الاقيهو بدفع ليهو اشتراكات الشهر ....
مرات بدفع ليهو حق الشهر كل تلاته يوم ....
ياخى مره لقيتو فى المواصلات دفعت ليهو ...
تانى فى شنو يا جماعه ....
والله ورتونا عديل كده .....
ياخى ام رقبه دى مش حتت مشرفه ....
عليم الله كسرت ليها تلج ....
بعد ده كلو ....
اطلع الشغل ماسكو السيد سواح .....!!!!
عليك الله شفتوا البقت فوقى ....
انا اشيل واهرس واكسر فى التلج للجماعه وفى النهايه القاهم قاعدين سااااى .....
الشغل كلو عند سواااح .....
بالله سواح ده كان لابد وين ....
يا زول انت ما عارف ....!!!
والله اطرشنى ....
سواح ده ما المسعول من المشرفين وكده ....
بالله ...!!
وحاتك يا الغالى .....
حتى اسمو كان ( جامد ) .... لكن من كسير التلج ساح ....
ومن ديك بقى اسمو سوااااح .... من سااااااح ...!!
عليكم الله دى شغله دى ...!!!؟
والموضوع ما وقف على كده ...!!
ديل بهدلونى جنس بهدله فى المعاينه ....
وسألونى جنس اسعله .....
قالوا لى جيب شهاداتك الجامعيه .... وشهادة الميلاد والسكن والبطاقه الشخصيه .... وشهادة بحث للبيت بتاعكم ....وخلو طرف من الخدمه الالزاميه ... وشهادة الوفاء بتاعت جدى ( الله يرحمو ) ... ونتيجة سنه خامسه ابتدائى ... وصوره بحجم الباسبورت الماعندى ....
وبعد ده جبتهن ....
وخشيت المعاينه ....
وياريتنى ما خشيت ....
المعاينه كلها اسئله تعسفيه ....
ياخى ديل سألونى جنس اشئله ....
قالوا لى كم عدد مصانع التلج فى مدنى ومن هم اصحابها ...
كم عدد اعضاء المنتدى مع ذكر اسمايهم الحقيقيه مثلثه .....
اذكر مقاس جلابية الادمن ومقاس العمه والمركوب ...
اجمل مافى الموضوع قالوا لى ما هو تصورك الذى تضعه فى خطتك للمنتدى حينما تصبح مشرف ...؟!!!
يعنى حأعمل ليهو شنو بس ....؟!!!
حادخل ليهو مويه وكهرباء واسفلت الشوارع ولا شنو ....!!!
بس ورونى ...!!!
لكن السؤال المحيرنى .... ريمون والاء وبت الرفاعى وعلونى ديل شالوهم كيف ....؟!!!
والغريبه ما شفتهم فى المعاينات ....
ريمون طبعاً من رمضان هى بتجيب فى الاكل وتكسر فى التلج ....
الاء دى غير صينية بسبوسه واحده ما شفت ليها شئ ...!!!
بت الرفعاى عصرت ليهم حق الملاح ......!!
لكن علونى ده .... شالو كيف ؟!!
بث علونى ده اقنعونى ... شلتوهو كيف ...!!
المسافر وام رقبه ديل حكايتهم حكايه ...
كان شالو ما بتشال ... وكان خلو سكن الدار ....
والله تلجكم ده ذاتو ما عرفناهو من ياتو تلاجه .....
ياخى قالوا ليك الاتنين ديل طلعو دوره الاسكيمو عديل كده ....
والمحيرنى اكتر بت امدرمان وساريه ....
ديل قالوا ليك شايلين ليهم اللوز عديل كده ....
لكن ده كلو كوم .... وعلونى كوم براهو ....
بث علونى ده شالوهوا كيف .....
وبعد ده كلو ....
ودونى قونتانمو ....
التقول انا الترابى .....
ياخى الترابى بقوا ما بقبضوهوا .....
لكن هانت ...
اشتم رائحة الربيع .... الربيع العربى فى انفى ....
وارى معركة الجمل تغترب ....
وجمعة الصمود اوشكت ....
ومصراته تلوح فى الافق .....
قايتو .... الا تطيروا ....
انا اعلن من هذا المنبر دخولى الغابه وترحمى على روح خليل ابراهيم .... ومشاركت الاحزان مع اسرة جون اطُر ....
وهذا منى للإعتماد ....
admin
12-01-2012, 04:54 AM
غلطتك انك قلتا عايز ابقى الادمن .. اتعلم من الاخرين ياخي وكسر دقاق دقاق
بحيرى
12-01-2012, 05:01 AM
غلطتك انك قلتا عايز ابقى الادمن .. اتعلم من الاخرين ياخي وكسر دقاق دقاق


هو انا لسه حاكسر تلج ....
اللهم طولك يا روح .....
ودقاق كمان .... يعنى اكسرو بطاحونه ولا شنو ....
هسه عليك الله علونى ده كسرو دقاق ....
بث علونى ده عينتوا كيف ...!!؟
isamzaki1978
12-01-2012, 05:32 AM
يا بحيرى ما عاوز ليك رفيق فى قوانتانامو
يعنى زول ساعدك فى جمعة الصمود
ام ساره
12-01-2012, 05:45 AM
هههههههههههههههههههههههههههههههههههههههههههههههههه ههههههههههههههههههههههههههههه طلعت بي قد القفة معليش اتخيلها الكاميرا الخفية ههههههههههههههههههههههههههههههههههههههههه
آلاء عبد الرحمن
12-01-2012, 07:43 AM
عشان تغتس
وتجي لينا بي بوست الزول يقعد ليو نص ساعة عشان يقراو


:p
خالد علونى
12-01-2012, 08:07 AM
يا بحيري

ياخ وين انتا انا الناس ديل حموني القعدة


كل شوية يقولوا لي بحيري ما لامين فيهو


في النهاية قالوا لي احجز ليهو الكرسي دا لحدي ما يجي






بي المناسبة:
إنت جيت ولا لسه؟
آلاء عبد الرحمن
12-01-2012, 08:34 AM
يا بحيري

ياخ وين انتا انا الناس ديل حموني القعدة


كل شوية يقولوا لي بحيري ما لامين فيهو


في النهاية قالوا لي احجز ليهو الكرسي دا لحدي ما يجي






بي المناسبة:
إنت جيت ولا لسه؟

لسه ماجاء

:p
isamzaki1978
12-01-2012, 09:23 AM
لسه ماجاء

:p

بالله لما يجى كلمينا
آلاء عبد الرحمن
12-01-2012, 09:27 AM
بالله لما يجى كلمينا

حاضر
بث كده
بحيرى
12-01-2012, 09:41 AM
يا بحيرى ما عاوز ليك رفيق فى قوانتانامو
يعنى زول ساعدك فى جمعة الصمود


حبيبنا .... والله ليك وحشه ...
ياخى الزمن ده ما تثق فى اى زول ....
الجماعه ديل ببيعوك فى كسر من الثانيه ....
هسه جنس علونى ده كان معاى فى كنبه واحده ....
هسه بقى راكب ليهو عربيه مظلله وراتب كم مليون فى الشهر وتزاكر سفر سنويه لمليزيا ....
رصيد ساااى ما رسلو لى ....
اها تقولى رفيق ...
براى بمشى جمعة الصمود دى ...!!!
بحيرى
12-01-2012, 09:44 AM
هههههههههههههههههههههههههههههههههههههههههههههههههه ههههههههههههههههههههههههههههه طلعت بي قد القفة معليش اتخيلها الكاميرا الخفية ههههههههههههههههههههههههههههههههههههههههه


قول اتخيلتها الكميرا الخفيه ....
البقنعكم انتو شنو ...؟!!!
انا عارفك شمتانه ....
لكن ليك يوم ....
هسه صاحبتك من ما عملوها مشرفه تلقاها ما اشتغلت بيك ....
اصلها افترت ....
قايتو الله ما جابنى ليكم مشرف ....!!
بحيرى
12-01-2012, 09:49 AM
عشان تغتس
وتجي لينا بي بوست الزول يقعد ليو نص ساعة عشان يقراو
:p


هسه دى حالتك انتى بتقرأى ....
الكلمه الحمراء دى شنو ....
قايتو ...
هسه عليكم الله دى مشرفه دى ....
والله ام رقبه اخير ... على الاقل بتعرف تفك الخط ....
بأمانه كده مفروض المشرفين ديل اطلعوا دورات محو اميه ....
ما ممكن كده والله ...
عليكم الله ما حرام انا ما ابقى مشرف ....
والله العربى ده انا كنت بقفلوا عديل كده .....
قايتو ...
اللهم لا إعتراض على حكم يا الله ....
بحيرى
12-01-2012, 09:54 AM
يا بحيري
ياخ وين انتا انا الناس ديل حموني القعدة
كل شوية يقولوا لي بحيري ما لامين فيهو
في النهاية قالوا لي احجز ليهو الكرسي دا لحدي ما يجي
بي المناسبة:
إنت جيت ولا لسه؟


اسكت ... اسكت ....
انت الفيك اتعرفت ....
معقولـــــــــــــــــــــــــــــــــــــــه ....
امشى اشرب مويه اجى القاك بقيت مشرف ....
قايتو الخاين الله اخونو ....
يعنى كان إتأخرت شويه كان لقيتك بقيت الادمن ....
يا سبحان الله ....
البشوف دموعك ومخاخيتك السايله احن عليك ....
وانا القايلك بتبكى وما عارف الميت منو ...؟!!!
اتارينى انا الميت وانت البتبكى على ....!!
آلاء عبد الرحمن
12-01-2012, 10:13 AM
الزول يقرااااااااااااااااااااااو
من قراء يقراو قرايتا فهو مقرو


كدي انت بتودع بهناك مالك
هل حاسي بانو .....

وله بقيت بتهلوس
وله ف شنو وله الحكاية شنو
المسافر
12-01-2012, 10:29 AM
لكن السؤال المحيرنى .... ريمون والاء وبت الرفاعى وعلونى ديل شالوهم كيف ....؟!!!





بدفـــــار !!!
آلاء عبد الرحمن
12-01-2012, 10:32 AM
بدفـــــار !!!

كنت سايقو انت وله شنووو
بحيرى
12-01-2012, 10:36 AM
الزول يقرااااااااااااااااااااااو
من قراء يقراو قرايتا فهو مقرو
كدي انت بتودع بهناك مالك
هل حاسي بانو .....
وله بقيت بتهلوس
وله ف شنو وله الحكاية شنو


والله ما فهمت منك اى حاجه ....
هسه عليك الله الحاسى فينا منو .....
قايتو مشرفين آخر زمن ....
زمانك المشرف تلقاهو لمان تخلى ليهو الشارع ....
هسه بقو كلام سااااى ....!!!
بحيرى
12-01-2012, 10:39 AM
بدفـــــار !!!


اخيراً ....

اخيراً المسافر لبس قميصوا ....
القميص ده طبعاً لزوم الانتخابات وكده ....
هسه بملصوا ليكم ....
خلى شهر اتنين اجى بث ....
ذى الزول لمن اجيهو ضيف ادق ليه الباب ....
بلبس اى حاجه وبسرعه كمان ...
هسه القميص ده المسافر لابسو بالقلبه ...!!!
بحيرى
12-01-2012, 10:42 AM
كنت سايقو انت وله شنووو


انتى كمان شفتى ليك زول عندو صلعه بطلعوا ليهو رخصه .....
هسه عليك الله ودالامين حصل شفتيهو سايق عربيه ...!!!
قايتو ... انتى الا اشرحوا ليك كده حتين تفهمى ...!!!!
ودسمير
12-01-2012, 10:43 AM
والله يا بحيرى ما عارف اقول ليك شنو ...

انا وكت جيت المنتدى مسكيييييييين وماسك خشمى على ! الجماعه النصيحين ( والشفوت ) قالو لى يا الغبيان : لو بقيت كده حتى بحيرى ح ياكل ويقش فى هدومك !

وبعد داك صحيت من نومى وعينك ما تشوف الا النور حتى وصلت لبداية المشوار ، والجاى اكتر يعنى بعد شويه بس ح تلقانى ( الآمر النهائى ) وكل التلج سيتم تكسيره للعبد لله.




والزعلان كلموا يقع الخزااااااااااااااااااااااااان



وراس السنه كان كيف ؟
ZANOON
12-01-2012, 11:57 PM
والله يا بحيرى ما عارف اقول ليك شنو ...

انا وكت جيت المنتدى مسكيييييييين وماسك خشمى على ! الجماعه النصيحين ( والشفوت ) قالو لى يا الغبيان : لو بقيت كده حتى بحيرى ح ياكل ويقش فى هدومك !

وبعد داك صحيت من نومى وعينك ما تشوف الا النور حتى وصلت لبداية المشوار ، والجاى اكتر يعنى بعد شويه بس ح تلقانى ( الآمر النهائى ) وكل التلج سيتم تكسيره للعبد لله.




والزعلان كلموا يقع الخزااااااااااااااااااااااااان



وراس السنه كان كيف ؟

حبيبي ...
كلم الناس الشفوت ديل يعينوه مدير شركه الهدف للمنتدي...
ماهي شغلانيه محتاجه لثقييييييل زيو...
الواحد يجي خاشي ..بحيري يقول ليو التذكره ...
غايتو ..جنس ثقاله عليك...

















ياخي مشتاقين
بنت الرفاعي
13-01-2012, 05:03 AM
لكن السؤال المحيرنى .... ريمون والاء وبت الرفاعى وعلونى ديل شالوهم كيف ....؟!!!





:):):)

؟؟؟؟؟؟؟؟؟
!!!!!!!!!!

:D
لو سمحت
ما وضّحت لييه زعلان منهم للدرجة دي؟!!
:cool:

:):):)
mahagoub
13-01-2012, 09:32 PM
انا لو كنت محل خالد بحردا ليك
كل ما تتلفت خالد
يا اخى ما اكلت لحمه
ابو عبد الرحمن
13-01-2012, 09:33 PM
والله ما يحيري ما ليهم حق .. يا اخي اسي لو ادوك اي حاجة مالو ان شاء الله
حرس شخصي لأم رقبة والمسافر مالوا ... وشويه شويه العافية درجات .. لحدي
ما ( تنزغم ) وتبقي بدل واحد فيهم ... يس المشكلة انو الظاهر ثلجك ما ضابط كويس
امشي لمصنع الفكي الجيلاني ود فريقكم ... اديك ثلج ما فيهو نشارة عشان اضبط معاك
والدورة الجاية .. تكون معاهم .. والله يا بحيري ما عجبني لك ... الجاتك في شرفك سامحتك
ههههههههههههههههههههههههههههههههههههههه شفته شرفك دي حلوه كيف ؟ ههههههههههه
عنكوليب
13-01-2012, 10:35 PM
هههههههههههههههههههههههههههههههههههههههههههههههههه ههههههههههههههههههههههههههههه طلعت بي قد القفة معليش اتخيلها الكاميرا الخفية ههههههههههههههههههههههههههههههههههههههههه

كر علي يا بحيري والله ما عجبني ليك ،،،
تستاهل مجلس الأدارة ذاتو ياخ ،،،
وناس أم سارة ديل خليهم بس ،، ولا يهمك يازول ،،،

وقول ليها : بتك سارة دي ذاتها انا ما بعرسها ليك ولا أي شيء بث !!!

وبعد كدة الحاجات تكون بالتصويت ،،،
والحشاش يملأ شبكتو !!! مث ؟
mahagoub
13-01-2012, 11:01 PM
كر علي يا بحيري والله ما عجبني ليك ،،،
تستاهل مجلس الأدارة ذاتو ياخ ،،،
وناس أم سارة ديل خليهم بس ،، ولا يهمك يازول ،،،

وقول ليها : بتك سارة دي ذاتها انا ما بعرسها ليك ولا أي شيء بث !!!

وبعد كدة الحاجات تكون بالتصويت ،،،
والحشاش يملأ شبكتو !!! مث ؟
المسكين شبكتو مقدوده
عاشق الترحال
14-01-2012, 10:43 AM
تحياتي



الواحد لو عندو واسطه ما كان دا حصل
ود المطامير
14-01-2012, 08:36 PM
الحبيب
يعلم الله مشتااااقين

قلت ليك ... دا كلو من المراوح ، عاملين ليك فيهن عمل

شيل عكاز وحتهن التلاته http://im9.gulfup.com/2012-01-15/1326604690181.gif (http://www.gulfup.com/show/X34utbc0bwle2)
الجندي المجهول
14-01-2012, 09:08 PM
الحبيب بحيري ،،،،

تحياتي ،،،،،

اولا مشتااااقين
ثانياً : اعرش على كدا
ابووضاح
14-01-2012, 09:38 PM
ناس بتمشي سنين طوووووووووووووويله وناااااااااااااااااااس بدون ماتمشي توصل هيع هيع هييييييييييييييييييييييييييييييييييع
ام ساره
15-01-2012, 03:22 AM
المسكين شبكتو مقدوده

اها شفتي عمو محجوب الله يديه العافية ردا ليك . انا مانسيت انك تبع الجماعة.
ام ساره
15-01-2012, 03:27 AM
بحيري عندي ليك فكره جميلة خلاص تبقييك ادمن زاتو وتقول ام ساره قالت اعمل روحك مسافر انشالله الكامليين ياخ وكلم احمد علقم يعمل ليك جلسة وداع اها ولمن تجي ماشي الجلسة اقشي معاك المطبخ وامسح منديل بي شوية شطة ماتكترها انا كلمتك عشان في نهاية الجلسة تقض وشك وتنزل ليك كم دمعاية كدا وتعال شوف بكره لو ما بقوك مشرف بخلني السجن دا لو لمييت فيني سمح.
isamzaki1978
15-01-2012, 03:57 AM
ناس بتمشي سنين طوووووووووووووويله وناااااااااااااااااااس بدون ماتمشي توصل هيع هيع هييييييييييييييييييييييييييييييييييع

اييييييييييييك باص المزاد دا جبتو من وين يا ابو وضاح
اتلفت بالجه التانية بتلقى ( العفش داخل البص على مسئولية صاحبه)
ود المطامير
15-01-2012, 04:44 AM
بحيري عندي ليك فكره جميلة خلاص تبقييك ادمن زاتو وتقول ام ساره قالت اعمل روحك مسافر انشالله الكامليين ياخ وكلم احمد علقم يعمل ليك جلسة وداع اها ولمن تجي ماشي الجلسة اقشي معاك المطبخ وامسح منديل بي شوية شطة ماتكترها انا كلمتك عشان في نهاية الجلسة تقض وشك وتنزل ليك كم دمعاية كدا وتعال شوف بكره لو ما بقوك مشرف بخلني السجن دا لو لمييت فيني سمح.
أيوااااااااااااااا

يعنى نفهم من كدا إنو صاحبنا داك

دموعه ما أصليه ؟ ;)
بحيرى
15-01-2012, 09:12 AM
والله يا بحيرى ما عارف اقول ليك شنو ...
انا وكت جيت المنتدى مسكيييييييين وماسك خشمى على ! الجماعه النصيحين ( والشفوت ) قالو لى يا الغبيان : لو بقيت كده حتى بحيرى ح ياكل ويقش فى هدومك !
وبعد داك صحيت من نومى وعينك ما تشوف الا النور حتى وصلت لبداية المشوار ، والجاى اكتر يعنى بعد شويه بس ح تلقانى ( الآمر النهائى ) وكل التلج سيتم تكسيره للعبد لله.
والزعلان كلموا يقع الخزااااااااااااااااااااااااان
وراس السنه كان كيف ؟


هاهاها ....
حلم الجعان عيش ....
داير تبقى ادمن عديل كده ....
وحات الله ناس هناى لو سمعوا بكلامك ده بكره برفدوك ....
وإحتمال كبير تبيت يومك ده فى قونتنامو ....
اسأل ناس مطره بوروك ...
انت قايل ودالمطامير ده اعتقلوهو سياسه ولا شنو ....
ما إعتقلوهو فى جنس كلامك ده ....
نحن يادوب بنقول حتت مشرف ....
مالك داير تجيب لينا الهبوب ....!!!!
هبوبك يا الله ...!!!!
بحيرى
15-01-2012, 09:16 AM
حبيبي ...
كلم الناس الشفوت ديل يعينوه مدير شركه الهدف للمنتدي...
ماهي شغلانيه محتاجه لثقييييييل زيو...
الواحد يجي خاشي ..بحيري يقول ليو التذكره ...
غايتو ..جنس ثقاله عليك...
ياخي مشتاقين


انت اقعد بارى لى فى قعدات ود علقم دي ....
لمان تلقى نفسك عضو مجتهد ....
القدرك بقو آدمنات ....


تخريمه :
مسطول ادى امو كف ... قال ليها دى عمله تعمليها ....!!!
بحيرى
15-01-2012, 09:20 AM
:):):)

؟؟؟؟؟؟؟؟؟
!!!!!!!!!!

:D
لو سمحت
ما وضّحت لييه زعلان منهم للدرجة دي؟!!
:cool:

:):):)






لشئ فى نفس يعقوب ....
انشاء الله دايرانى انبسط .....!!!
هسه عليك الله اشولوكم انتو وانا اودونى قونتنامو ....
علشان ما عندى ضهر واسطه ....
بعد ده دايرانى اضحك واجى ابارك ليكم ....
والله ياهو الفضل ....
قايتو تقتلوا القتيل وتمشوا فى جنازتو ....!!!
بحيرى
15-01-2012, 09:23 AM
انا لو كنت محل خالد بحردا ليك
كل ما تتلفت خالد
يا اخى ما اكلت لحمه


لكن يا عمك .... الكلام ده بجى ....
علونى ياخ .... الكان يومو كلو ببكى ....
علونى ياخ .... كان بياكل معانا الفته .... واشرب معانا الشيشه .... وحق التمباك ما عندو ....
اجى بين يوم وليله ابقى مشرف ....
راكب عربيه اخر موديل .... ومظلل الغزاز كمان ...
يا عمك .... قول كلام تانى ياخ ...!!!!
بحيرى
15-01-2012, 09:27 AM
والله ما يحيري ما ليهم حق .. يا اخي اسي لو ادوك اي حاجة مالو ان شاء الله
حرس شخصي لأم رقبة والمسافر مالوا ... وشويه شويه العافية درجات .. لحدي
ما ( تنزغم ) وتبقي بدل واحد فيهم ... يس المشكلة انو الظاهر ثلجك ما ضابط كويس
امشي لمصنع الفكي الجيلاني ود فريقكم ... اديك ثلج ما فيهو نشارة عشان اضبط معاك
والدورة الجاية .. تكون معاهم .. والله يا بحيري ما عجبني لك ... الجاتك في شرفك سامحتك
ههههههههههههههههههههههههههههههههههههههه شفته شرفك دي حلوه كيف ؟ ههههههههههه


حبيب كولى توريه ...
حبيب قلبى ....
عليك الله بعد العملوهو فينى ده كلو .... دايرنى ابقى حرس لى ام رقبه والمسافر ....
على الطلاق اكان ما طعنتهم ليك .... تشوف عينك ....
ولا يسلم الشرف الرفيع من الاذى ... حتى يراق على جوانبه الدمُ ...!!!
عارفك الحاجات دى كبيره عليك ....
دى من كلمات التجانى حاج موسى ....
مايسة
15-01-2012, 09:29 AM
انت ما عارف ساي النوريك

هم هسي كدا بختبروك - عايزين يشوفو مدى تحملك للظلم كيف
بحيرى
15-01-2012, 09:31 AM
كر علي يا بحيري والله ما عجبني ليك ،،،
تستاهل مجلس الأدارة ذاتو ياخ ،،،
وناس أم سارة ديل خليهم بس ،، ولا يهمك يازول ،،،
وقول ليها : بتك سارة دي ذاتها انا ما بعرسها ليك ولا أي شيء بث !!!
وبعد كدة الحاجات تكون بالتصويت ،،،
والحشاش يملأ شبكتو !!! مث ؟


والله انتى الفيهم يا عونكوليبه ...
دى المحريه فيك ....
عارفك اخت اخوان ... وما بتقصرى ....

بالمناسبه :
ما عندك عونكوليبه صغيره تدينى ليها ....
وحاتك يا الغاليه شيلتى تسمع فى كلامك ....
دسته دسته .... للاباريق جبتهن ...
اها ... فى كلام تانى ...!!
بحيرى
15-01-2012, 09:34 AM
تحياتي
الواحد لو عندو واسطه ما كان دا حصل


والله كلامك صاح ....
الواسطه مهمه ....
هسه انت كان عندك واسطه .... كان ركبت ليك همر ....
بدل اليوم كلو تبرطع بحصانك ده ....!!!!
بحيرى
15-01-2012, 09:38 AM
الحبيب
يعلم الله مشتااااقين
قلت ليك ... دا كلو من المراوح ، عاملين ليك فيهن عمل
شيل عكاز وحتهن التلاته http://im9.gulfup.com/2012-01-15/1326604690181.gif (http://www.gulfup.com/show/X34utbc0bwle2)


المراوح عشيتها تطير.....
من ما نقيت لى فيها انت وهاترك ..... تانى ما إشتغلن ....
التقول ضربهن لورى .... الواحده تسكسك ذى بصات المزاد زمان ....
هسع داير اتبرع بيهن لمنظمة لن اعيش فى جلباب ابى ....
اهو ابقن صدقه جاريه ....
بحيرى
15-01-2012, 09:45 AM
الحبيب بحيري ،،،،
تحياتي ،،،،،
اولا مشتااااقين
ثانياً : اعرش على كدا


حبيبنا الجندى .... والله مشتاقين شديد ...
الشوق هين بنشتاق وبنتلاقى ....
لكن العرش ده ....
نعرش بشنو ....
هو ذاتو العارشلها شنو ...؟!!
على الطلاق يا تبنى يا تعرش .....
لكن الاتنين كضاب تلمهن ....
قايتو نحن بنينا تلاته غرف .... عرشنا منهن واحده بث ....
علشان كده ركبنا فيها تلاته مراوح ....
عليك الله ما رجال ....!!!
بحيرى
15-01-2012, 09:47 AM
ناس بتمشي سنين طوووووووووووووويله وناااااااااااااااااااس بدون ماتمشي توصل هيع هيع هييييييييييييييييييييييييييييييييييع


وناس بعد ما تصل .... تلقى الوصف طلع غلط ....
هيييييييع(تربيع) ....
اها رايك شنو ...؟!!!
بحيرى
15-01-2012, 09:51 AM
بحيري عندي ليك فكره جميلة خلاص تبقييك ادمن زاتو وتقول ام ساره قالت اعمل روحك مسافر انشالله الكامليين ياخ وكلم احمد علقم يعمل ليك جلسة وداع اها ولمن تجي ماشي الجلسة اقشي معاك المطبخ وامسح منديل بي شوية شطة ماتكترها انا كلمتك عشان في نهاية الجلسة تقض وشك وتنزل ليك كم دمعاية كدا وتعال شوف بكره لو ما بقوك مشرف بخلني السجن دا لو لمييت فيني سمح.


هاهاهاها ....
والله لقيتك لكن خاشه الفلم ده ....
وانا اقووووول ....
ده انتى طلعتى مشكله ....
صحى الشغال فى شارع النيل بقعد فى المساطب .....!!!
قايتو الببارى ريمون بتوديهو اسطمبول ....
انا نفسى اعرف علاقة ودعلقم بتركيا شنو ....
مع انو جارى والله ....واهلوا كلهم بعرفهم ...!!!
بحيرى
15-01-2012, 09:53 AM
اييييييييييييك باص المزاد دا جبتو من وين يا ابو وضاح
اتلفت بالجه التانية بتلقى ( العفش داخل البص على مسئولية صاحبه)


ده كان ما لقيت مكتوب ... ( يا سر مكتوم فى جوف اصداف ... فتشت عليك بقليب نزاف )
بحيرى
15-01-2012, 09:57 AM
أيوااااااااااااااا
يعنى نفهم من كدا إنو صاحبنا داك
دموعه ما أصليه ؟ ;)


قول الدموع ما اصليه .....
الجرسه والدردقه بالواطه والتكتح بالتراب لزومهن شنو ....؟!!
بحيرى
15-01-2012, 09:58 AM
انت ما عارف ساي النوريك
هم هسي كدا بختبروك - عايزين يشوفو مدى تحملك للظلم كيف



ليه ...
قالوا ليك دايرين اعينونى بدل الحسن والحسين ....؟!!
mahagoub
17-01-2012, 07:19 AM
حلاتك
ما عرفته ارد على ياتو فيهم
لو بالانتخاب كان بقيناك عمده
ريمون
17-01-2012, 11:06 PM
هاهاهاها ....
والله لقيتك لكن خاشه الفلم ده ....
وانا اقووووول ....
ده انتى طلعتى مشكله ....
صحى الشغال فى شارع النيل بقعد فى المساطب .....!!!
قايتو الببارى ريمون بتوديهو اسطمبول ....
انا نفسى اعرف علاقة ودعلقم بتركيا شنو ....
مع انو جارى والله ....واهلوا كلهم بعرفهم ...!!!


ياهو بلا سيبانك للراس ومسكك في الضنب شئ ضيعك ماف ..
غايتو جنس غايتو ..
ريمون
17-01-2012, 11:09 PM
والله انتى الفيهم يا عونكوليبه ...
دى المحريه فيك ....
عارفك اخت اخوان ... وما بتقصرى ....

بالمناسبه :
ما عندك عونكوليبه صغيره تدينى ليها ....
وحاتك يا الغاليه شيلتى تسمع فى كلامك ....
دسته دسته .... للاباريق جبتهن ...
اها ... فى كلام تانى ...!!

كر علي يا هناي لحقت فلان داك ..
بس اقبض في شعرك كويس ..
mahagoub
18-01-2012, 03:56 AM
كر علي يا هناي لحقت فلان داك ..
بس اقبض في شعرك كويس ..

هو وينو الشعر ده ؟