حكاية الرجل الذى طارت عصافيره

[العاقب مصباح]

لبشرى الفاضل قصة بعنوان (حكاية البنت التى طارت عصافيرها )

[العاقب مصباح]

متى تطير عصافير الرجل ؟؟

[العاقب مصباح]

طيرة الرجل ليست كتلك التى حلم بها رفيق سيدنا يوسف عليه السلام فى السجن , يحمل خبزاً فى رأسه تأكل الطير منه

[العاقب مصباح]

هى طيرة خاصة تشبه إلى حد كبير ( ود أبرق ) أو حرمه المصون

[العاقب مصباح]

حرمه المصون دى مربط الفرس زاتها ياخ

[abomazeen]

لبشرى الفاضل قصة بعنوان (حكاية البنت التى طارت عصافيرها )


صديقي وأخي الحبيب عقبة ...
كل مرررة منور المنتدى والله
فزيولوجيا الطفابيع ... كمان أحلى وأجمل

[العاقب مصباح]

نواصـــــــــــــل

[abomazeen]

كاتب يدرك مسؤولية المبدع تجاه كل قضايا مجتمعه


* خالد الكد ...

[abomazeen]

حرمه المصون دى مربط الفرس زاتها ياخ




يا ماااازن يا ولد ... جيب الجنبة والشاي والسكر+ و ....
في حضرة حروف العاقب ... المزاج لازم ينظبط للطيش...

[abomazeen]

كدي أول واحد يخش هنا يقول لي يا أبومازن

إنت ما حالمان .. ده العاقب بحروفو وشحمو

[خالد علونى]

كدي أول واحد يخش هنا يقول لي يا أبومازن

إنت ما حالمان .. ده العاقب بحروفو وشحمو


أبو مازن إنت ما حلمان

دا العاقب بحروفوا وشحموا ورقة حسو وقولو الراقي وحسو المرهف وزحمة ضيو

[بت أم درمان]

كدي أول واحد يخش هنا يقول لي يا أبومازن

إنت ما حالمان .. ده العاقب بحروفو وشحمو



يا ابو مازن انت ما حلمان
دا ابو القاسم بي شحمه ولحمه وخطه
بس عشان يثبت لينا لازم اجيب لينا شهادة الميلاد
عشان نتأكد وكدا يعني

[تغريدا]

لبشرى الفاضل قصة بعنوان (حكاية البنت التى طارت عصافيرها )


متى تطير عصافير الرجل ؟؟


طيب ماهى أسباب الطيران؟
وإلى أين تطير؟
وهل الطيران دا دليل على بداية أنه الرأس داير يبقى ماحلو ولا شنو الفهم؟

العاقب أخوى منووووور

[آلاء عبد الرحمن]

الف حمد الله علي السلامة
نورته
^_^

[ساريه]

ننتظر قصة الرجل الذى طارت عصافيره ...
وحبابك مليون يا ملك .....

[عبدالرحمن مدثر]

طبعا انا بتلازمنى حته كدا مبالغه بتاعت ودالفاضل

لما طارت عصافير صبيته الانيقه التى دخل عليها وانطبعت صورتها

فى مخيلته وفاتت بعيد لحدى اصبحت رئته التى يتنفس بيها و (فيسه )

الذى يخرج به على التاس وهو يتسكع فى الطرقاااااااااااات

ويغازله الناس

ماعارف لكن الحته كانت بتذكرنى بتاع السياره التى ترجع للخلف (ابو آيه )

وقعونجته التى كانت بدايات المغازله لماهيه الحركه

اما قصه الطيرااان دى عارفها قريبه ليك شديد

زى طيره اب ريش من الدريش

[العاقب مصباح]

فكلما سمعت أحدهم يسألنى عن حرمى المصون أشعر أن هنالك (طيرة ) تأكل من رأسى ورأس أفكارى الملعونة

[العاقب مصباح]

لحظة طار عصفور من صدرك رتب فينا إحساس بالإلفة ودوزن عصب الزمن الأشتر

[العاقب مصباح]

يا حنين زى عش العصفور معروش بالنور كله محبة ,

وهنا العش سوف يبدأ بالخراب , كما أنه سيطير . وما حيرك تانى

[العاقب مصباح]

الزول دا عنده طيرة فى راسو

[العاقب مصباح]

زمان عادى بنقول الزول دا طايرة ليهو , لكن طايرة ليهو شنو ما عرفناها , أظنها طيرة ما تشبه ( الخفاش ) أو (أم الكدينكو ) او أم الجنة على اسوأ الحلول , دا لو ما كنت (بومة )

[العاقب مصباح]

اهااااااااااااااا نجى للموضوع الأساسى ,,

العرس العرس العرس

وحتقولى لى علاقة الطيرة بالعرس شنو صح ؟

[العاقب مصباح]

تصحى من الصباح يجيك تلفون :_ يا زول العرس متين ؟؟؟

تمشى الشغل انت عندك أولاد ؟؟؟

تفتح الفيسبوك يا زول العرس سمح

تفتح المنتدى (العاقب الباير )

تمشى تنوم تحلم بى زول يقول ليك عرس ياخ انت خلاص عمرك ما فضل فيهو شئ

دحين يا اخوانى دا ما بخلى الطيرة الفى راسك تطير وما ترك ؟

ودا ما بخليك مجنون

ودا ما بخليك تفط سطر

ودا ما بخليك تقول غصبا عن بشرى الفاضل

حكاية الرجل الذى طارت عصافيره ؟؟

[العاقب مصباح]

ابو مازن طبعا ما بعرف اقتبس فى المنتدى دا , بحس بى روحى اشتر اشتر ,

وما بكون كلامى مطقم زى الكارينا بتاعة قبيل

اللابساها الفنانة ديك زى ما قالت القناة

الشوق بى هنا مدفق عديل ياخ

وخلى مازن يجيب ليهو حمل نضبحو ياخ

عارفك في الكرم أشتر

[بنت الرفاعي]

:):):)
:):)
:)

............
.......
...
.

حمداً لله على السلامة.

:):):)

[العاقب مصباح]

علونى يا كل الجمال ,,

جميل انت ياخ

وقت ما نشوفك وفى كل حين

جميلة دواخلك

يا إنسان

سعيد والله بمعرفتك شديد يا صاحبى

وبى صداقتك

[العاقب مصباح]

بت امدرمان , ولسة ابو قاسم يغالط فينى

وبرضو ابو قاسم داخل فى موضوع العصورة التى طارت من رأسى

وما أظن ترك

أزيك ياخ

[العاقب مصباح]

تغريدا ياهو كلامك زاتو ياخ

الراس بقى ما حلو

طار لى

وبقيت ما فاهم شئ

حالة احسن منها العرس ياخ

ولا عدس الوابل

[العاقب مصباح]

آلاء عبد الرحمن , النور نورك ومتشكر كتير لى وجودك دمتى بخير

[العاقب مصباح]

سارية ازيك , والعصافير ما بترك , بتطير وبتخلى راسك خالى الوفاض الا من شيب يعتريه وبعض الجلحات وكدا :p

[العاقب مصباح]

خرباش

خرجت ممتلئاً منها فغازلنى الناس فى الشوارع

بشرى مجنون بمصطلحاته الغريبة

الطفابيع

تلك الكائنات المختلطة الإنسانآلية

تجعلك تضع يدك على قلبك

حيناً للانثى التى غازلتها

وخوفاً فى أحايين أخرى حين تهاجمك الطفايع الكائنات غريبة التشكل

وهى تقود التراكتورات لترمى بنا فى النيل

[العاقب مصباح]

بنت الرفاعى ازيك ياخ

[بنت الرفاعي]

تصحى من الصباح يجيك تلفون :_ يا زول العرس متين ؟؟؟

تمشى الشغل انت عندك أولاد ؟؟؟

تفتح الفيسبوك يا زول العرس سمح

تفتح المنتدى (العاقب الباير )

تمشى تنوم تحلم بى زول يقول ليك عرس ياخ انت خلاص عمرك ما فضل فيهو شئ

دحين يا اخوانى دا ما بخلى الطيرة الفى راسك تطير وما ترك ؟

ودا ما بخليك مجنون

ودا ما بخليك تفط سطر

ودا ما بخليك تقول غصبا عن بشرى الفاضل

حكاية الرجل الذى طارت عصافيره ؟؟








:):):)

يا ربي الكلام ده قاعد يلاقيني قريب منو
وين؟!:cool:

:):):)

[ريمون]

العاقب حبابك الف ..
انت قايل العصافير حتقيف عن الطيران كان انتهيت من برنامج الزوجة ده ؟؟
تصدق انا من فترة خاته صورتي في المسنجر صورة البت ام عصافير وكاتبة البت التي طارت عصافيرها ..
اها انا عرست واولادي جنبي ..
لكن العصافير برضو طايرة ..

[ودالعمدة]

أديبنا الرائع عقبة
الغصن عايش ولو طارت عصافيرهـ
عقبة هل سمعت عن شقق للإيجار فى القمر
سأل طفل أمه ، لما السماء صافية
فـأبتسمت وقالت لأن البشر :
(! لا يعيشون فيها )

14091

[عثمان جلالة]

العاقب بتعرس متين ياااخ؟؟؟؟؟؟!!!!

ريقنا دا نشف .. نحاحي فيك من الفيس بوك .. للمنتدى يااااااخ

مخير الله في حكمو وفي مرادو .... التقول داير تعرسني أنا ... سريع بالله بتعرس متين :mad::rolleyes::):)

منور ... والكلام دا بقولو ليك بعد ما تجاوبني ؟؟؟ قال ابو القاسم قال هههههه

[mahagoub]

طيرك لو طار حتلف وتدور فى فراغات الدنيا
ام قدود اربعه
اربط ارسك بالعمه وطير على بلدك
واخد عفو والديك واقبل بما تم اختياره لك
عسى ولعل تجد عشوشه فى انتظارك


طيره لافه:


يا مسبت العقل والدين
يا طير يا طاير

[معتز الريح]

حمد لله على السلامة يا حبيب ومنور مكانك ..