علي العوقه

[الشمشار]

سلام من الله عليكم
وليكم وحشه بعد غياب اكثر من 4 ايام عن المنتدي لظروف صحيه وعمليه
ان شاء الله كلكم تامين ولامين ومبسوطين يارب العالمين
امس الاول كتبت في احد المنتديات المشارك فيها بوست كنت قد كتبته قبل سنه ونصف واعدت نشره قبل اكثر من اسبوع في هذا المنتدي وان كان بوست ذكرياتي في هارموني الذي اعنيه في حديثي هذا قد اوحي لي به صديق عزيز في احدي المنتديات فأن بوست علي العوقه (عوقه يعني بتوع يعني اهبل وغشيم وكده )
اوحي لي به سطر او سطرين في ذاك البوست الذي اعنيه
ذكرياتي في هارموني
انا جااااااااااااااااااااااااااااااااي

[الشمشار]

تخرج علي العوقه واسمه علي العوقه ده لقب ارتبط باسمه من احدي الجامعات المنتشره في الخرطوم
ورغم ان علي نشأ في الاقاليم او مايعرف الان بالولايات في قريه صغيره وفقيره جدآ الا انه بز اقرانه ورغم انو شاطر في الدراسه لكن علي زول بسيط جدآ واي زول ممكن يغشو
وخصوصآ البنات
اصلو من زمنو الصغير بكااااااااااااي وحبيب لكن حبييييب فااااااشل
في يوم من الايام وهو في الكليه وفي داخل القاعه وهو بيشرح في احدي السمنارات وقعت عينه في عين ميسون وميسون دي نجااااااااااضه
كدي نواصل

[الشمشار]

لم تكن ميسون ككل البنات
زوله تفتح الروح ضلفتين زي ماقال الشاعر
اصاب سهم الريده قلب علي العوقه
والزاد وغطي انو ميسون ابتسمت له ابتسامه جعلته يكلفت السمنار وريقو يزيد نشاف وحالتو تبقي حاله
سرقتوووووووووو
اي والله
سرقت قلبو في لحظتها الابتسمت لي
وتاني هو بقي مافاهم شئ
انا ذاتي
بقيت مافاهم شئ

نرجع لي علي
القرر في التو واللحظه انو
ميسون
تكون شريكته
ماتسمعو شريكته دي تتخلعو لي
بقصد
شريكته في الفطور الليله
يعني يعزمها فطور
خصوصآ انو لمح نظره الاعجاب
في عيونها
كدي نواصل بعد الفاصل

[الشمشار]

خلينا علي العوقه وقد قرر في التو واللحظه انو تكون ميسون شريكته في الفطور وبعد السمنار انتهي توجه اليها وبكل رومانسيه
(الود ده التقول تركي )
طلب منها ان تقبل عزومته علي الفطور
(ماصدقت صاحبتنا )
لكن اتاقلت شويه كده حتين وافقت
غايتو بنات الزمن ده الله يكفينا شرهن
دلف علي بصحبه ميسون المكسره شباب الجامعه كلهم للكافتريا بتاعه الجامعه جلسو في ركن قصي بعيد عن اعين الباكين في ميسون والمأملات في علي الذي لايملك مالاولاوسيم ذاتو لكنو برضو جواز مرورهن في الامتحانات
انت شاطر ماشاء الله عليك
نطقت ميسون هذه العباره بدلال ويبدو انها وجدت الطريق الي قلب المسكين الذي تجاوب مع اطرائها بلمحه خجل اعترت ملامحه البسيطه وتمتم شكرآ
وازاء كلماتها واطرائها عليه اخذت الكبكبه طريقها اليه فبدون قصد منه كشح جك العصير الكان في التربيزه علي هدومه
(البت قلنا سمحه )
استأذن علي من ميسون واسرع الخطي للحمام لكي ينقذ مايمكن انقاذه من ملابسه التي اصبح يفوح منها عصير المانجو المنعش وقلبو لسه برعش
نواصل بكره

[عاشق الترحال]

سلامات واشتيقات علي درب الفأل منثوره وخاطر يدعو لك الله بالشفاء العاجل .
وحقيقةً افتقدنا روائع ما تحطه اناملك في تلك الايام التي غبتها
واقول لك بملء فمي حمدلله علي السلامه .
ولك تحياتي


ودمت بود

[بنت الرفاعي]

:):):)


حمداً لله على السلامة،
ومن المُتابعين إن شاء الله.

:):):)

[ريمون]

الشمشار حبابك ..
متابعيييييييييييييييييين ..

[mahagoub]

يا اخى ما تطول تشحتف روحنا
ما خليتنا عوقات مع على عوقتك ده
تسلم متابعين

[مايسة]

يا عمو الشمشار ما تتم لينا شمار العوقة
تحياتي ومنور

[ودالعمدة]

حبيبنا الشمشار مشتاقين
حمداً لله على سلامتك

وباقى الحكاية نتمها خيال ؟

راجين عودتك وماتقول لينا كنت شنو مابعرف !!!

[نزار احمد كوارتي]

علي العوقه ده كان ما أخاف الكِضِب شفتو في الغربي قاعد في النجيله بتاعة أم بده ديك

كان ياهو تبقي مبالغه

وكان ما ياهو تبقي مبالغتين

وهههه هااااااااااااااااااااااااااااي

بالزقاق:-

غايتو كان ياهو الفي بالي !!!! المعاو نجاااااااااااااضه ولا كلمه

[الشمشار]

سوري اتأخرت عليك
نطق علي هذه الجمله وقلبه يرتعش
وعندما قالت له ميسون لا مافي مشكله سرح في جمال صوتها ونطقها للحروف ودلال لسانها الذي ينطق كلمه بشئ من الحلاوه
طالت جلسه علي وميسون وكل الذي دار بينهم نظرات حب ووله ومن اول نظره قطعها عليهم صوت احد الشباب
المحاضره بدت
وتاني علي مافهم شئ
بقي يومو كلو مع ميسون
وميسون مستمتعه بصحبه علي لكن مابتحبو
وعلي ميت فيها موووووت
نواصل بكره

[عنكوليب]

دي مااااااا ياها الشحفتــــــــــه ظاااااتا ،،،،،