أبوربا
25-01-2012, 09:38 AM
كل المعاملات الخاصة بالمواطن تم ربطها بالرقم الوطني....والفرصة المتاحة الآن لابناء الخرطوم فقط...لايوجد ولا مكتب واحد بجميع ولايات السودان...لماذا كل هذا التهميش؟نشيل بندقية عشان الولايات تأخذ حقها من الخدمات العامة؟كل مرة نسمع بعد 3شهور سوف ينتقل العمل بالولايات وحتى الآن لم يصل..ان شاء الله المانع خير زحمة مواصلات ول قلة الكادر...لماذا هذا التعجل يا وزارة الداخلية السودانية في اصدار قرار((رقم وطني)) دون تحديد فترة لانجازه...وتدريب اكبر قدر من الفنيين من الشرطيين في انجاز ذلك...أم رحلة من رحلات تلذذكم بتعب المواطن...وأكثرهم المغتربين لحوجتهم للمستندات الرسمية...اتمنى من الاخت العاملة بالمغتربين بمدني الرد عن سؤالي امكانية استخراج الرقم الوطني فقط من غير جواز في مكتب المغتربين بمدني..؟اذا كانت لا هذا يؤثر على دوركم الرائد في تخفيف العبء عن مواطن الجزيرة من السفر للخرطوم....ول نبيع بيوتنا في مدني ونشتري في الخرطوم عشان نستمتع بجميع الخدمات..؟ياناس ياهو يا الاخوة في المغتربين يا مدير المغتربين بمدني ...تحرك وبقوة لحل مشكلة الرقم الوطني كخطوة أولى...والجهاز قادر لسد العجز المادي اذا كانت المشكلة ماديات....سؤال ثاني هل مبنى المغتربين بمدني ايجار ول ملك للمغتربين....