نيـــــــــالا (البحــــــــير)

[عاشق الترحال]

http://im18.gulfup.com/2012-01-27/1327613462501.jpg (http://www.gulfup.com/show/Xw1618m4gw1tc)


الصوره حقيقيه ومأخوذه من اعلي برج المراقبه

تقع مدينة نيالا فى إقليم دارفور فى غرب السودان. وهى حاضرة غرب السودان وعاصمة جنوب دارفور.
نيالا باللغة المحلية لها عدت معانى منها انها تعنى إسم لامرأة عجوز إستقرت فى تلك المنطقة، ومنهم
من قال انها تعنى المسرح ولكن المعنى الشائع هو انها "مكان للونسة" ولكن وبغض النطر عما يرويه
الرواة انها ظلت محل إعجاب للجميع.

... تبعد مدينة نيالا عن الفاشر عاصمة شمال دارفور بحوالى 300 كيلومتر وعن الابيض بـ 600 كيلومتر
وعن جبل مرة بـ 200 كيلو متر وعن الجنينة عاصمة غرب دارفور بـ 450 كيلو متر وتعتبر نيالا المحطة
الاساسية للزائريين لمنطقة جبل مرة.

عدد سكانها حوالى الـ500000 الف نسمة حسب اخر تقدير سكانى من عام 2005 ، ولكن بعد بروز الاذمة
الحالية فى الاقليم أعتقد ان عدد السكان فى المدينة قد تجاوز المليون مواطن.

كانت فد رُشحت مدينة نيالا بأن تكون اكبر مدينة فى غرب افريقيا بعد مدينة لاغوس فى نجيريامن حيث
المساحة والحركة التجارية لولا الدمار الذى أحل بالاقليم.
يربط المدينة بباقى مناطق دارفور عدت طرق برية ولكن اشهرها طريق نيالا- كاس- زالنجى. كما يربطها
خط السكك الحديدية بالعاصمة القومية وباقى أقاليم السودان. يوجد بها مطار دولى يستقبل طائرات من
مختلف الدول العربية وغيرها.

[عاشق الترحال]

تعتبر مدينة نيالا بمثابة "كرش الفيل" أى الخرطوم فى صورة مُصغرة حيث تتمتع المدينة بميزات وخصائص نادرة قل ما نجدها فى
مدن واماكن اخرى. فمثلا من ناحية السكان، بالرغم من أنها تقع فى أقصى غرب السودان إلا انها إستطاعت أن تجزب خليط ومزيج من
السكان اصبح يشكل أبلغ تعبير لشعار "الوحدة فى التنوع" فاضافة الى القبائل الدارفورية المتعددة نجد ان الوجود الكثيف
لمختلف افراد القبائل السودانية الاخرى هو ما يميذها عن سائر مدن دارفور، فنجد جماعات وافراد من قبائل الدينكا- الشلك -
النوير - الذاندى - الكريج - المسلمية - الكواهلة - الكوارتة- الشايقية - الجعلية - الدناقلة - الحلفاويين - البنى عامر -
المحس - الهدندوة الخ بالاضافة الى الاخوان الذين هاجروا من بلاد اخرى ممثلا فى الاتراك - الاقباط - النقادة والرومان. فجميع هذه
المجتمعات وبمختلف ثقافاتها واعرافها استطاعت ان تعيش فى وئام ومحبة وسلام طيلة الفترة الماضية. فقد انعكس هذا التعاون والترابط
فى المناسبات الاجتماعية المختلفة التى يصعب ان نفرذ فيها من هم اهل المناسبة من دونهم .... إنها نيالا البحير

[مولانا جلال]

من اجمل المدن التى زرتها وعملت فى اغلب محلياتها تلس ، عد الفرسان ، كتيلة وزرت اسواقها الجميلة والتى تشابه اسواق محليات ولاية الجزيرة من حيث انها تقام مره فى الاسبوع ويتجه الناس لكل سوق فى يومه المخصص له الا ان نيالا فسوقها مفتوح يوميا ويعد من اكبر الاسواق فى السودان ، عاشق الترحال مابعرف انزل الصور كيف لوبعرف كان نزلت ليك مجموعه من الصور الجميلة لى فى جنوب دارفور

[عاشق الترحال]

من اجمل المدن التى زرتها وعملت فى اغلب محلياتها تلس ، عد الفرسان ، كتيلة وزرت اسواقها الجميلة والتى تشابه اسواق محليات ولاية الجزيرة من حيث انها تقام مره فى الاسبوع ويتجه الناس لكل سوق فى يومه المخصص له الا ان نيالا فسوقها مفتوح يوميا ويعد من اكبر الاسواق فى السودان ، عاشق الترحال مابعرف انزل الصور كيف لوبعرف كان نزلت ليك مجموعه من الصور الجميلة لى فى جنوب دارفور

اها اكيد كنتو بتمشو سوق المواشي تضربو لحم الابل شيه وكبدتو نيه ....
و سوق الملجه ما قاعدين تمشو ...لحمة الضان يااااااااااااااااسلام لها طعم انسي بس ي مولانا ...
اها كمان موقف الجنينه .....ايييييييييييييييك ولا السوق الشعبي ...ضان بالطريقه الصااااااااااااااااااااااح....
هي نسيت ...سوق صابرين ....المره البتعمل الهناي بي لحمة التيس (التيس دا في نااااااااااااس ما بعرفوهو ...../العتوت / للمابعرفوهو..) لسه موجووووووووووووده ..وماشاء الله عليها ...رواده كتااااااااااااااااااااااار ..عندنا ركن خاص هناك ...
الايامات دي المنقه وااااااااااااااااااااااااااااااااااالده ...

[عاشق الترحال]

عاشق الترحال مابعرف انزل الصور كيف لوبعرف كان نزلت ليك مجموعه من الصور الجميلة لى فى جنوب دارفور

اها كدي وريني كنته شغال في اي مؤسسه (طبعاً الناس البجيبوهم دارفور نقليه ...يا ضباط ..يا موظفين ..)
انتا ياتو فيهم .
لكن من خلال اسمك والاماكن التي عملت بها خمنته انك .... قاضي .

وماتنسي تحكي لي رحلتك فيها من وصلك مطارها

نجي لي موضوع الصور ...دي سااااااااااااااااااااااااااهله يا
مولانا ..فقط تابع بتركيز ..

[ريمون]

وانا كمان عشت في نيالا فترة غير قصيرة ..
نيالا فيها احساس مدني ..
المنقه الوااااااالده شجرها في الشوارع ..
وجبل مره ..
ذكريات لايام لا تنسي ..
نحن .. تبع ضباط .. للتوضيح وكده ..

[مولانا جلال]

اها اكيد كنتو بتمشو سوق المواشي تضربو لحم الابل شيه وكبدتو نيه ....
و سوق الملجه ما قاعدين تمشو ...لحمة الضان يااااااااااااااااسلام لها طعم انسي بس ي مولانا ...
اها كمان موقف الجنينه .....ايييييييييييييييك ولا السوق الشعبي ...ضان بالطريقه الصااااااااااااااااااااااح....
هي نسيت ...سوق صابرين ....المره البتعمل الهناي بي لحمة التيس (التيس دا في نااااااااااااس ما بعرفوهو ...../العتوت / للمابعرفوهو..) لسه موجووووووووووووده ..وماشاء الله عليها ...رواده كتااااااااااااااااااااااار ..عندنا ركن خاص هناك ...
الايامات دي المنقه وااااااااااااااااااااااااااااااااااالده ...
مفروض تقول المناصيص طبعا الناس الاكلوا عند ادم شيه قايلين نفسهم كملوا متعة اكل الضان فى نيالا الاكل بالمنصاص والمنصاص القطعة من اللحم زى الكتف وغيره ويدوك معاها ام مرين وهى فضلات البهيمة
عندما تفرز فيها عصارة المعدة فى مرحلة الامتصاص .

[مولانا جلال]

وانا كمان عشت في نيالا فترة غير قصيرة ..
نيالا فيها احساس مدني ..
المنقه الوااااااالده شجرها في الشوارع ..
وجبل مره ..
ذكريات لايام لا تنسي ..
نحن .. تبع ضباط .. للتوضيح وكده ..

فعلا ريمون فان نيالا فيها احساس ام المدائن

[كاظم]

وانا كمان عشت في نيالا فترة غير قصيرة ..
نيالا فيها احساس مدني ..
المنقه الوااااااالده شجرها في الشوارع ..
وجبل مره ..
ذكريات لايام لا تنسي ..
نحن .. تبع ضباط .. للتوضيح وكده ..


أنا كمان عشت فترة في نيالا وفعلا بتشبه مدني في الاحساس بيها يا ريمون .. ولا زالت هذه المدينة منحوتة في ذاكرتي كأنما لا زلت أعيش فيها .. شكراً عاشق الترحال على أن أفردت هذه المساحة لنيالا الجميلة، وعبرك أنضر تحياتي لريمون ومولانا جلال.

وكن بألف عافية

[ريمون]

أنا كمان عشت فترة في نيالا وفعلا بتشبه مدني في الاحساس بيها يا ريمون .. ولا زالت هذه المدينة منحوتة في ذاكرتي كأنما لا زلت أعيش فيها .. شكراً عاشق الترحال على أن أفردت هذه المساحة لنيالا الجميلة، وعبرك أنضر تحياتي لريمون ومولانا جلال.

وكن بألف عافية
اشتقنا ليك يا كاظم ..
ما تطول الغيبة ..

[عاشق الترحال]

أنا كمان عشت فترة في نيالا وفعلا بتشبه مدني في الاحساس بيها يا ريمون .. ولا زالت هذه المدينة منحوتة في ذاكرتي كأنما لا زلت أعيش فيها .. شكراً عاشق الترحال على أن أفردت هذه المساحة لنيالا الجميلة، وعبرك أنضر تحياتي لريمون ومولانا جلال.

وكن بألف عافية

مشكور علي الاطلاله الجميله اخ كاظم ،،،،