مشاهدة النسخة كاملة : قصيدة x إسبوع
أبوبكرحامد
27-02-2005, 05:01 AM
سنخصص هذه المساحة لنشر قصيدة إسبوعياً ، وسوف نقدم لشعراء من مختلف
بقاع الأرض دونما تقيد بوطن أو جنس لآيماننا أن الفعل الثقافى يتأبى على
التأطير ويجنح دوماً للتهوام فى عوالم وفضاءات لامتناهية .
كل المنى تصويبنا لمواضع الزلل ورفد المساحة بالأعمال الشعرية التى ترون
صلاحيتها للنشر .
مع مودتى
ود الماذون
أبوبكرحامد
27-02-2005, 05:19 AM
تَرَكَتكَ مُلتاذاً بِدَهشَتِكَ الأسيرة واختفت
هى لم تقُل ما إسمها
لكنها ذهبت لتوقد مسرجة الحرائق عنوةً
وجلستَ تقضم ماتبقى من خلايا الإرتباك
تركَتكَ مُلتهباً كأعنف ماتكون النار
وانصرفت تعالج وقتها المفتوح فى ألق المساء
هى لم تعدك بملتقى
لكنها انتهبت عليك مسافة الوجد القصى
وأغلقت خلجانها
مَدَت إليك أصابعاً عطريةً
ومَدَدتَ قَلبَكَ كى تنام على مساحته
فَرَدَت قَلبَكَ المُلتاع
واختبأت مُخَلِفَةً شتاءاً فى سماك
فَكُف عن ارتِباكِكَ واتَئد
كيلا زمانٌ آخرٌ يمضى عليك
وأنت تبحث فى الخليقةِ عن مسارِ الطَيف
تَرَكَتكَ وانصرفت
" من ديوانه تحولات الضوء والمطر "
madaniboy
28-02-2005, 02:51 AM
يسلموووووووووو اخوي ابو بكر حامد على هذه الفكره الجميله
وانا معاك في هذا المووووضع وترقبني قريببا انشاء الله
مع خاص تحياتي وامنياتي
فاقد حنان
أبوبكرحامد
28-02-2005, 04:14 AM
تشكر يانبع الحنان وهذا عهدى بك دوماً ، وفى انتظار إبداعاتك
مع مودتى
ود الماذون
ضياء الدين احمد
01-03-2005, 08:50 AM
احسدك علي الفكره الجميله ولا اقول شئ بعد ذلك!!!!
ابراهيم
01-03-2005, 06:04 PM
لي غريباً أن يأتي مبدع بهكذا أفكار
والصمت هنا ابلغ كما اشار اخي ضياء
لك التحية والود أخي ابو بكر
أبوبكرحامد
01-03-2005, 11:24 PM
الرائع ضياء ..........................................سلامات
تشكر على المرور ، هى فقط محاولة لإفراد مساحة للشعر .
مازلت أشعر ببعض التقصير تجاه المنتدى ، ومازال يخالجنى الإحساس
بالرهبة إزاء التكليف بالإشراف على منتدى " زاخر " بالمبدعين .
مع مودتى
ود الماذون
أبوبكرحامد
01-03-2005, 11:27 PM
المتميز أبو خليل .......................... تحايا ووداد
شكراً لكلماتك الطيبات ، وليتنى أكون أهلاً لهذا التكليف وثقتى لاتحد بعظيم
تعاونكم وتوجيهكم للأخطاء لتصويبها .
مع مودتى
ود الماذون
ضياء الدين احمد
03-03-2005, 04:34 AM
مافي اي رهبه انشاء الله يا ابوبكر وانت اهل لهذا التكليف
ونحن من خلفك انشاء الله نشد من ازرك
أبوبكرحامد
04-03-2005, 10:00 PM
يامنه – عبد الرحمن الأبنودى
والله وشبت ياعبد الرحمن
عجَّزت ياواد
مُسرَع
ميتى وكيف
عاد اللى يعجِّز فى بلاده
غير اللى يعجِّز ضيف!!
هلكوك النسوان ؟
شُفتَك مرَّه فى التلفزيون
ومرَّه .. ورُّونى صورتك فى الجورنان
قلت : كبر عبد الرحمن
أمال أنا على كده مُت بقى لى ميت حول!!
والله خايفة ياولدى القَعدة تطول
مات " الشيخ محمود "
وماتت " فاطنة اب قنديل "
واتباع " كرم اب غبّان "
وانا لسّه حية....
وباين ححيا كمان وكمان
عشت كتير
عشت لحدى ماشفتك عجَّزت ياعبد الرحمن
وقالولى قال خلَّفت
وانت عجوز خلَّفت يااخوى ؟؟
وبنات ...؟
أمال كنت بتعمل ايه
طيلة العمر اللى فات؟
دلوقت مافقت؟
وجايبهم تعمل بيهم إيه؟
على كلٍ .....
أهى ريحة من ريحتك ع الأرض
يونِّسوا بعض..
ماشى ياعبد الرحمن
أهو عشنا وطلنا منَّك بصَّة وشمَّة
دِلوَك بس مافكرت ف " يامنه " وقلت : ياعمَّة ؟؟
حبيبى انت ياعبد الرحمن
والله حبيبى .. وتتحبّ
على قد ماسارقاك الغربة
لكن ليك قلب
مش زى ولاد الكلب
اللى نسيونا من زمان!!
حلوة مرتك وعويلاتك
والاّ شبهنا..؟
سمِّيتهم إيه ؟ قالولى ( آيه ) و ( نور )
ماعارفش تجيب لك حتة واد ؟
والاّ أقولك :
يعنى اللى جبناهم..
نفعونا فى الدنيا بإيه ؟
غيرش الإنسان مغرور!!
ولسه يامنه حاتعيش وحا تلبس
لما جايب لى قطيفة وكستور؟
كنت اديتهمنى فلوس
أشترى للركبة دهان
آ..با..ى ما مجلَّع قوى ياعبد الرحمن
طب ده انا ليَّا ست سنين
مزروعة ف ضهر البيت
لم طلُّوا عليَّا أحبَّه ولا أغراب
خلِّيهم..
ينفعوا
أعملهم أكفان!!
كرمش وشِّى
فاكر يامنه وفاكر الوِشّ؟
إوعى تصدِّقها الدنيا..
غِشّ ف غِشّ!!
إذا جاك الموت ياوليدى
موت على طول
إللى اتخطفوا فِضلوا أحباب
صاحيين فى القلب
كإن ما حدِّش غاب
واللّى ماتوا حتَّه حيَّه
وِنِشفوا وهمَّ حَييِّن
حتَى " سلامو عليكم " مش بتعدِّى
من برَّه الأعتاب
أول مايجيك الموت ..افتَح
أوَّل ماينادى عليك .. إجلح!!
إنت الكسبان
إوعى تحسبها حساب
ولا واد ولا بت
ده زمن يوم مايصدق
كداب
سيبها لهم بالحال والمال وانفد
إوعى تبص وراك
الورث تراب
وحيطان الأيام طين
وعيالك بيك مش بيك عايشين!!
يُو ..ه يا "رُمَّان" *1
مشوار طولان
واللى يطوِّله يوم عن يومه ياحبيبى ..حمار!!
الدوا عاوزاه لوجيعة الرُّكبه
مش لطوالة العمر
إوعى تصدِّق ألوانها حُمرِ وصُفر
مش كنت جميلة ياواد؟
مش كنت وكنت
وجدعة تخاف منِّى الرجَّال؟
لكن فين شُفتونى؟
كنتوا عيال
بناتى ( رضيَّة ) و ( نجيَّة ) ماتوا وراحوا
وانا اللى قعدت
طيِّب يازمان
إوعى تعيش يوم واحد بعد عيالك
إوعى ياعبد الرحمن
فى الدنيا وجع وهموم أشكال والوان
الناس مابتعرفهاش
أوعرهم لو حتعيش
بعد عيالك ماتموت
ساعتها بس
حا تعرف إيه هو الموت
أول ميجى لك نُط
لسَّه بتحكى لهم بَحَرى حكاية
" فاطنه وحراجى القط "؟
آ ... باى ماكنت شقى وعفريت
من دون كل الولدات
كنت مخالف
برَّاوى
وكنت مخبِّى فى عينيك السِّحراوى
تمللِّى حاجات
زىِّ الحدَّايه
تخوِّى ع الحاجة .. وتطير
من صغرك بضوافر واعرة .. ومناقير
بس ماكنتش كدَّاب
وآدينى استنيت فى الدنيا
لما شعرك شاب
قِدِم البيت
إتهدَّت قبلُه بيوت وبيوت
وأصيل هوَّه
مستنينى لمَّا أموت
حاتيجى العيد الجاى؟
واذا جيت
حاتجينى لجاى؟
وحتشرب مع " يامنه " الشاى
,,,,,,,,,,,,,,,,,,,,,,,,,,,,,
حاجى ياعمَّه .. وجيت
لا لقيت " يامنه " ولا البيت!!!
" من ديوانه الأحزان العادية "
.................................................. ....................
*1 اسم التدليل للشاعر فى طفولته
ابراهيم
09-03-2005, 03:47 PM
(شنق زهران )
صلاح عبد الصبور
وثوى في جبهة الارض الضياء
ومشى الحزن الى الاكواخ
تنين له الف ذراع
كل دهليز ذراع
من أذان الظهر حتى الليل .. يالله
في نصف نهار
كل هذه المحن الصماء في نصف نهار
مذ تدلى رأس زهران الوديع
***
كان زهران غلاما
امه سمراء والاب مولد
وبعينيه وسامة
وعلى الصدغ حمامة
وعلى الزند ابو ريد سلامة
ممسكاً سيفاً ،
وتحت الوشم نبش كالكتابة
اسم قرية
(نشواي)
شب زهران قوياً
ونقياً
يطأ الارض خفيفاً وأليفا
كان ضحاكاً ولوعاً بالغناء
وسماع الشعر في ليل الشتاء
ونمت في قلب زهران .. زهيرة
ساقها خضراء من ماء الحياة
تاجها أحمر كالنار التي تصنع قبلة
حينما مر بظهر السوق يوماً
ذات يوم
مر زهران بظهر السوق يوماً
واشترى شالاً منمنم
ومشى يختال عجباً مثل تركى معمم
ويحيل الطرف .. ما أحلى الشباب
عندما يصنع حباً
عندما يجهد أن يصطاد قلباً
***
كان يا مكان ان زفت لزهران جميلة
كان يا مكان ان أنجب زههران غلاماً وغلاما
كان يا مكان ان مرت لياليه طويلة
ونمت في قلب زهران شجيرة
ساقهاً سوداء من طين الحياة
فرعها احمر كالنار التي تحرق حقلاً
عندما مر بظهر السوق يوماً
ذات يوم
***
مر زهران بظهر السوق يوماًَ
ورأى النار تحرق حقلاً
ورأى النار تصرع طفلاً
كان زهران صديقاً للحياة
ورأى النيران تجتاح الحياة
مد زهران الى الانجم كفاً
ودعا يسأل لطفاً
ربما سورة حقد في الدماء
ربما استعدى على النار السماء
***
وضع النطع على السكة والفيلان جاءوا
واتى السياف (مسرور) واعداء الحياة
صنعوا الموت لأحباب الحياة
وتدلى رأس زهران الوديع
قريتي من يومها لم تأتدم إلا الدموع
قريتي من يومها تأوى الى الركن الصديع
قريتي من يومها تخشى الحياة
كان زهران صديقاً للحياة
مات زهران وعيناه حياة
فلماذا قريتي تخشى الحياة!
أبوبكرحامد
18-03-2005, 10:31 PM
فى حضرة العنقاء - الطيب بشير الطيب
من بلقعِ الإحباطِ والخُواءْ
من أزمةِ السكّرِ والدواءْ
من ساحةِ اللاّ حظِّ في حياتيَ العدَمْ
حياةَ من يلُفُّهُ الجحيمُ والنّدَمْ
حياةَ من يخنُقُهُ الشقَاءْ
وتقتضي وجوده فلسفةُ البقاءْ
من وطأةِ الإحساسِ بالألَمْ
هطلتِ يا حبيبتي ..
رفعتِ في ساريتي العلَمْ
أعطيتِني الحُرُوف والسُطُورَ والقلَمْ
لأكتُبَ الأشعارَ عن .. حرارةِ اللقاءْ
* * * * *
تجاوَزَتْ إشارتي الحمراءْ
وهتَّكَتْ سواترَ الجفاءْ
إجتاحَتْ الحُدُودَ والسُدُودَ والبناءْ
فما فعلتُ غيرَ أنْ رفعتُ ساعدَيْ
برايَةِ التسليمِ والولاءْ
* * * * *
أسماءُ يا هديّةَ السماءْ
يا لوحةً رائعةَ البهاءْ .. يا صرحَ كِبرياءْ
أسماءُ أنتِ عشقيَ الكبيرْ
وأنتِ يا حبيبتي .. مقاليَ الأخيرْ
وأنتِ عطريَ الذي يضوعُ بالعبيرْ
ويملأُ الوجُودَ بالجمالْ
ويغسلُ الأحزانَ والشقاءْ
ويمسحُ الحسانَ من ذاكرتي ..
ويُسقِطُ النِسَاءْ
* * * * *
أسماءُ إستجابةٌ تُسابقُ النداءْ
وبلسمٌ بِسحرِهِ يعانقُ الشفاءْ
وومضةٌ .. شفيفةٌ تضِجُّ بالضِياءْ
أسماءُ يا ..
إجابةَ ال .. متى ؟ ..
يا فرحَاً بقلبنا أتى ..
فعربدَ الغرامُ بالفتى ..
وصاخت الأسماعُ للغناءْ
أسماءُ يا ..
أُنشودَةً .. للرقصِ والسمَعْ
يا فرحةَ الكرِيمِ يستبيحُ ما جَمَعْ
أسماءُ يا ..
صفاءَ روحِ زاهدٍ لربِّهِ دَمَعْ
فعانقَ الفُيُوضَ والفُتُوحَ والنقَاءْ
أسماءُ يا .. مدائنَ الوفاءْ
أسماءُ يا .. مِفتاحَ كلِّ بابْ
أسماءُ ها .. تقدّمي قائمةَ الأحبابْ
لا تسألي الحكمةَ والأسبابْ
لا تحفلي بهذهِ الأشياءْ
فأنتِ يا حبيبتي .. من الإلهِ هِبَتِيْ
وأنتِ لي إهْداءْ
أسماءُ يا رسالةَ العتابْ
بخاطِرِ الزنديقِ حينَ تابْ
يا صفحةً صغيرةً تضمّنتْ كتابْ
أسماءُ صوتُ الحقِّ وقتَ جاءْ
مبشِّراً بالوعدِ .. والرجَاءْ
* * * * *
أسماءُ قد أرهَقَني الصُعُودُ في ذُراكِ
ما بَلَغتُكِ ارتقاءْ ..
وجِئتِني من دهشةِ الزَمانْ
من بحثيَ الكثيرِ للعنقاءْ
أسماءُ يا مرافئَ الأمانْ
يا عذبَةً كنغمةِ الكمَانْ
أسماءُ يا ..
هديّةَ السَمَاءْ
يا آخرَ الحَدِيثِ في حكَايَتي
وآخرَ الأَسماءْ ..
الجمعة 17/11/1989م[
waheeb
18-03-2005, 11:29 PM
ود الماذون انت مبدع وكفى
أبوبكرحامد
18-03-2005, 11:39 PM
تشكر أخى وهيب على حضورك الزاهى وقد افتقدناك ردحاً من الزمان ، نرجوك عدم الإنقطاع
ود الماذون
Tayeb Bashir
19-03-2005, 09:59 AM
بكري حامد يا حبوب
في حضرةِ العنقاء .. تظل أقرب كتاباتي لذاتي ..
لأسباب تعلم بعضها أنت و أجهل أكثرها أنا ..
شكرآ لنشرها هنا .. و تحياتي لمدني و جرح ذاكرتي اليزهر فيها نزفآ حتى مطلع النصر ..
أبوبكرحامد
20-03-2005, 12:26 AM
حبيبنا الطيب بشير ............ سلاماً وتحية
قبل نشرى لقصيدتك هنا تنازعتنى مشاعر شتى بين العفوية التى حتمت نشرى لقصيدتك دون استئذان ، وبين البروتوكولات التى أرهقت بنى الإنسان ، وكان اختيارى للعفوية التى عودتنا عليها ، وبين هذا وذاك جاءت كلماتك تشكرنى على النشر فما أسعدنى بك إنساناً وقصيداً.
ابوبكرعيكوره
25-03-2005, 11:45 PM
! غـزل بوليـسي
شِعـرُكَ هذا .. شِعْـرٌ أَعـوَرْ !
ليسَ يرى إلاّ ما يُحـذَرْ :
فَهُنـا مَنفى، وَهُنـا سِجـنٌ
وَهُنـا قَبْـرٌ، وَهُنـا مَنْحَـرْ .
وَهُنَـا قَيْـدٌ، وَهُنـا حَبْـلٌ
وَهُنـا لُغـمٌ، وََهُنـا عَسْكـرْ !
ما هـذا ؟
هَـلْ خَلَـتِ الدُّنيـا
إلاَّ مِـنْ كَـرٍّ يَتكـرَّرْ ؟
خُـذْ نَفَسَـاً ..
إسـألْ عن لَيلـى ..
رُدَّ على دَقَّـةِ مِسكـينٍ
يَسكُـنُ في جانبِكَ الأيسَـرْ .
حتّى الحَـربُ إذا ما تَعِبَتْ
تَضَـعُ المِئـزَرْ !
قَبْلَكَ فرسـانٌ قـد عَدَلـوا
في مـا حَمَلـوا
فَهُنـا أَلَـمٌ .. وهُنـا أَمَـلُ .
خُـذْ مَثَـلاً صاحِبَنا (عَنتَـرْ)
في يُمنـاهُ يئِـنُّ السّـيفُ
وفي يُسـراهُ يُغنّي المِزهَـرْ !
**
ذاكَ قَضيّتُـهُ لا تُذكَـرْ :
لَـونٌ أسمَـرْ
وَابنَـةُ عَـمٍّ
وأَبٌ قاسٍ .
والحَلُّ يَسـيرٌ .. والعُـدّةُ أيْسَـرْ :
سَـيفٌ بَتّـارٌ
وحِصـانٌ أَبتَـرْ .
أَمّـا مأسـاتي .. فَتَصَــوَّرْ:
قَدَمــايَ على الأَرضِ
وقلـبي
يَتَقَلّـبُ في يـومِ المحشَـرْ !
**
مَـعَ هـذا .. مثلُكَ لا يُعـذَرْ .
لمْ نَطلُـبْ مِنـكَ مُعَلَّقَـةً ..
غازِلْ ليلاكَ بما استَيْـسَرْ .
ضَعْـها في حاشِيـةِ الدّفتَـرْ .
صِـفْ عَيْنيهـا
صِـفْ شَفَتيهـا
قُـلْ فيهـا بَيتـاً واتركْهـا ..
ماذا تَخسَـرْ ؟
هَـلْ قَلْبُكَ قُـدَّ مِـنَ المَرمَـرْ ؟!
**
حَسَـناً .. حَسَـناً ..
سَـاُغازِلُها :
عَيْناها .. كظـلامِ المخفَـرْ .
شَفَتاها .. كالشَّمـعِ الأحمـرْ .
نَهـداها .. كَتَـورُّمِ جسمـي
قبـلَ التّوقيـعِ على المحضَـرْ .
قامَتُهـا .. كَعَصـا جَـلاّدٍ ،
وَضَفيرتُها .. مِشنَقَـةٌ ،
والحاجِـبُ .. خِنجَـرْ !
لَيْـلايَ هواهـا استعمارٌ
وفـؤادي بَلَـدٌ مُستَعْمَـرْ .
فالوعـدُ لَديْها معـروفٌ
والإنجـازُ لديهـا مُنكَـرْ .
كالحاكِـمِ .. تهجُرني ليـلى .
كالمُخبرِ .. تدهَمُـني ليلا !
كمشـاريـعِ الدّولـةِ تَغفـو
كالأسطـولِ السّادسِ أسهَـرْ .
مالي منها غـيرُ خَيـالٍ
يَتَبَـدّدُ سـاعةَ أن يَظهَـرْ
كشِعـارِ الوحـدةِ .. لا أكثـرْ !
ليلـى غامِضَـةٌ .. كحقـوقي،
وَلَعُـــوبٌ .. كَكِتـابٍ أخضَـرْ !
**
يكفـي يا شاعِرَنا ..
تُشكَـرْ !
قَلَّبتَ زبالتَنا حـتّى
لمْ يبـقَ لمزبلـةٍ إلاّ
أنْ تخجـلَ مِـنْ هذا المنظَـرْ !
هـل هذا غَـزَلٌ يا أغبَــرْ ؟!
**
قُلتُ لكـم .
أَعـذَرَ مَـنْ أَنـذَرْ .
هـذا ما عِنـدي ..
عَقْـرَبـةٌ
تُلهمُـني شِعـري .. لا عبقَـرْ !
مُـرٌّ بدمـي طَعْـمُ الدُّنيـا
مُـرٌّ بفَمـي حتّى السُّكّـرْ !
لَسـتُ أرى إلاّ ما يُحـذَرْ .
عَيْنـايَ صـدى ما في نَفْسـي
وبِنَفسـي قَهْـرٌ لا يُقهَـرْ .
كيفَ أُحـرِّرُ ما في نفسـي
وأَنـا نفسـي .. لم أَتحَـرّرْ ؟!
أحمد مطر
أبوبكرحامد
26-03-2005, 04:42 AM
تشكر ياعيكورة على الإختيار الرائع ، وبك تزدهى سوح الثقافة
أبوبكرحامد
20-04-2005, 03:23 AM
أحبتى أعضاء المنتدى ..........هانحن نعاود مجدداً إدراج الأعمال الإبداعية ونأمل أن نوفق فى انتقاء الجيد من القريض .
القصيدة التالية للراحل المبدع صلاح عبد الصبور وأجهل عنوانها .
رسائل صلاح عبد الصبور
رسالة (1):
كانت تدعونى الرجل الرملى
وأناديها بالسيدة الخضراء
وتلاقينا فى زمنى الشفقى
وتنادينا فى مرحٍ طفلى
وتحسس كلاً منا مبهوراً ألوان الآخر
ثم تقاسمنا الأشياء وتفرقنا
رسالة (2):
لاتسألنى ماذا يحدث للأشياء إذ تتصدع
أو للأصداء إذ تهوى فى الصمت المفرغ
لكنى أذكر أنَّا ذات مساء
كنَّا قد خادعنا منجل حصاد الموت
رسالة (3):
غافلنا صيحة ديك الوقت
وطبعنا فوق جبين الليل تخطيطاً يشبه ظلينا
لونين مزيجين مسكوبين على طرف وسادٍ متجعد
منهارين على مسند مقعد
رسالة (4):
هاأنت ترانىأتملى هذى اللوحة فى أيامى الجرداء
وأنادمها حين يغيب الندماء
أسكب للوحة كأساً أرجوك
هذا إجمالُ القصة
...........................................
ود الماذون
نيازى كشك
21-04-2005, 11:51 AM
--------------------------------------------------------------------------------
في زيارة ا لأماكن المقدسة ـــ للأمير الصنعاني ..
ومن بعد مـا طفنـا طواف وداعنــا *** رحلنـا لمغنى المصطفى ومصـلاه
ووالله لو أن الأســنة أشـرعــت *** وقـامت حروب دونه ما تركنــاه
ولو أننـا نسعـى على الروس دونـه *** ومن دونه جفـن العيون فرشنـاه
وتمـلك منـا بالوصـول رقـابنــا*** ويسـلب منـا كل شيء ملكنــاه
لكــان يسـيرا في مـحبة أحمــد *** وبالروح لو يشرى الوصال شريناه
ورب الورى لولا محمــد لـم نكـن *** لطيبة نسـعى والركـاب شددنـاه
ولولاه مــا اشتقنـا العقيق ولا قبـا *** ولولاه لـم نهـو المدينــة لولاه
هو القصـد إن غنت بنجـد حـداتنـا *** وإلا فمــا نجـد وسـلع أردنـاه
ومــا مكة والخيف قل لي ولا منـى *** ومــا عرفـات قبل شرع أرانـاه
بـه شـرفت تلك الأمـاكـن كلهــا *** وربك قـد خـص الحبيب وأعطـاه
لمسجـده سـرنا وشـدت رحـالنـا *** وبين يديه شـوقنـا قـد كشفنـاه
قـطـعنـا إليـه كـل بر ومـهمـه *** ولا شــاغل إلا وعنـا قطعنــاه
كـذا عزمـات السـائرين لطـيبــة*** رعى الله عزمــا للحبيب عزمنـاه
وكم جبـل جـزنا ورمـل وحـاجـر *** ولله كم واد وشـعب عـبرنـــاه
ترنحـنـا الأشـواق نحـو محمــد *** فنسري ولا ندري بما قد سـرينـاه
ولمـا بدا جــزع العـقيق رأيتنــا *** نشاوى سكارى فـارحين برؤيــاه
شـممنـا نسـيما جاء عن نحو طيبة *** فأهلا وسهلا يا نسيمـا شـممنـاه
فقـد ملئت مـنــا القلـوب مسـرة *** وأي سرور مثل مـا قد سررنــاه
فـواعجبـاه كـيف قـرت عيـوننـا *** وقـد أيقنت أن الحـبيب أتينـــاه
ولقيـاه مـنــا بعـد بعـد تقـاربت *** فوالله لا لقيــا تعــادل لقيـــاه
وصـلنــا إليـه واتصـلنـا بقربـه *** فلله مــا أحلى وصـولا وصلنـاه
وقفنــا وسـلمنــا عليـه وإنــه*** ليسمعنـا مـن غير شك فدينـــاه
ورد علينــا بالســـلام سـلامنـا *** وقـد زادنـا فوق الذي قـد بدأنـاه
كـذا كـان خلـق المصطفى وصفاته *** بذلك في الكتب الصحـاح عرفنــاه
وثـم دعـونــا للأحبــة كلهــم *** فكم من حبيب بالدعـا قد خصصنـاه
وملنـا لتســليم الإمـامين عنــده *** فإنهمـا حقــا هنــاك ضجيعـاه
وكم قد مشينـا في مكـان به مشـى*** وكم مـدخـل للهـاشمي دخلنــاه
وآثــاره فيهــا العيـون تمتعـت *** وقمنـا وصـلينـا بحيث مصــلاه
وكم قـد نشرنـا شوقنـا لحبيبنــا *** وكـم مـن غليل في القلوب شفينـاه
ومسجــده فيـه سجدنـا لربنــا *** فلله ما أعـلى سـجودا سـجدنــاه
بروضتـه قمنـا فهــاتيك جنــة *** يـا فوز مـن فيهـا يصلي وبشـراه
ومـنبره الميمــون منـه بقيــة*** وقفنـا عليهـا والفـؤاد كـررنــاه
كـذلك مـثل الجـذع حـنت قلوبنـا *** إليـه كمــا ود الحـبيب وددنــاه
وزرنـا قبـا حبـا لأحمـد إذ مشـى *** عسى قدما يخطو مقامــا تخطــاه
لنبعـث يوم البعـث تحـت لوائــه *** إذ الله مـن تلك الأمـاكـن نــاداه
وزرنـا مـزارات البقيـع فـليتنــا *** هنـاك دفنـا والممــات رزقنــاه
وحمـزة زرناه ومـن كـان حولـه *** شهيـدا وأحـدا بالعيـون شهدنـاه
ولمـا بلغنـا مـن زيــارة أحمـد *** منانا حمدنــا ربنــا وشكرنــاه
ومن بعد هذا صـاح بالبين صـائـح *** وقـال ارحلوا يا ليتنـا ما أطعنــاه
سـمعنـا له صـوتـا بتشتيت شملنا *** فيـا مـا أمر الصوت حين سمعنـاه
وقمنـا نؤم المصطفــى لوداعــه *** ولا دمـع إلا للـوداع صـببنـــاه
ولا صـبر كيف الصـبر عند فراقـه *** وهيهـات إن الصـبر عنه صرفنـاه
أيصـبر ذو عقــل لفرقـة أحمــد *** فلا والذي من قـاب قوسين أدنــاه
فـوا حسـرتـاه مـن وداع محمـد *** وأواه مــن يــوم التفــرق أواه
سـأبكي عليـه قـدر جهدي بناظـر *** من الشوق ما ترقى من الدمع غربـاه
فيـا وقت توديعـي له مـا أمـره *** ووقت اللقـا والله مــا كـان أحـلاه
عسـى الله يدنيني لأحمـد ثانيــا *** فيـا حبذا قـرب الحـبيب ومدنــاه
فيـا رب فـارزقني لمغنـاه عـودة *** تضـاعف لنـا فيه الثواب وترضــاه
رحلنـا وخلفنـا لديـه قلوبنـــا *** فكم جســد مـن غير قلب قلبنــاه
ولمـا تركنـا ربعـه من ورائنــا *** فـلا نـاظــر إلا إليـه رددنـــاه
لنغنـم منـه نظـرة بعد نظـــرة *** فلمــا أغبنــاه الشـرور أغبنــاه
فلا عيش يهنى مع فراق محمـــد *** أأفقـد محـبوبي وعيشـي أهنـــاه
دعوني أمت شوقا إليه وحرقـــة *** وخطـوا عـلى قـبري بأني أهــواه
فيا صـاحبي هذي التي بي قد جرت *** وهذا الذي في حجنــا قـد عملنــاه
@@@@@@@@@@@@@@@@@@@@@@
أبوبكرحامد
24-04-2005, 05:33 AM
تشكر نيازى على المرور والمساهمة القيمة ، لك منى كل الود والتحايا.
خليني فيك
24-04-2005, 11:25 AM
إذا لم يخب ظني .... القدال :
إدفقي !!
ما تبقي رقراق
وابقي يا ضل .. يا شموس
وهجك
شوارع ذاتي
في ليل السراب
ما تشفقي !
العطش الرحيل
النيل ركيزة
ودمعة الأحباب سحاب
ما تخافي من دم الغروب
لو رتش اللوحة الضباب
ما دام ضمير ألفينا حي
ما دام عريق العشق حي
ملحوقة يا مدن السراب
نديانة بي فرح التساب
ادفقي !!
فيضان عمار
اتربعي !!
وفجي الوجع
دمع الألم ما يهددك
ما خاب غناك
فارسك رجع
اتوهجي !!
انتي الشمس
اتلهجي !!
نورك سطع
نور بوداينا الفساح
رقصت مزامير الصباح
مبكية قرية وقنبلة
مسقية دمعة وسنبلة
الليلة في إيدنا السلاح
ريشة
وكدنكة
ومطرقة
نبنيك احسن يا ظروف
مخضرة دانية القطوف
نطوي المسافات نسبقها
ادفقي !!
بلدك فداك
اتوهطي !!
وري البنيات العزيز
محمية بي عرق الترابلة
ونغمتك مسقية بالريد العتيق
انغام رباباتك تشيل
معزوفة الليل والرفيق
ما تصغري !!
ما تصغري !!
تكبر
أماني السنبلة
تصغر
معاني القنبلة
ما ترجعي الصد
للمداين والقرى
شيلي الشحوب والاصفرار
ادي البيوتات منظرها
ادفقي !!
في كل شارع
كل بيت
في روابينا المحبة
في ضمايرنا السهول
ادفقي !!
في كل حتة
وكل زول
وابقي
ابقي
شان
تحيا
الفصول
ابقي
شان
تحيا
الفصول .
أبوبكرحامد
25-04-2005, 05:19 AM
الرائع خلينى فيك .......تشكر على المرور والمساهمة الجميلة ، فى انتظار المزيد من الأبداع.
عزت الهادي
26-04-2005, 08:56 AM
ابوبكر حامد لك كل الشكر
وانت تنثر هزه الحروف قمه في الروعه
لك كل الشكر عزيزي..
أبوبكرحامد
26-04-2005, 11:00 PM
تشكر على المرور عزت الهادى وبوجودك تزدان سوح الثقافة فمرحباً بك ونتلهف لإسهاماتك.
شكرا للفكرة الرائعة يا ابو الزمل
واشارك في بوستك الجميل بهذه القصيدة للشاعر الدكتور بابكر البشير خليفه- خريج كلية الطب جامعة الخرطوم عام 1986م- والذي جاء لاداء العمرة مع وفد طلاب كلية الطب، وكنت آنذاك في مدينة الطائف بالسعودية ولم أعلم بحضوره للسعودية، فوصلتني رسالة منه بعد عودته للخرطوم علمت منها بكل شئ، ولم تكن تلك الرسالة غير هذه القصيدة، التي حكى بها عن تلك الرحلة وعن محاولته الاتصال بي أو الحضور اليّ في الطائف ثم فشله في ذلك ثم العودة الى السودان وكانت الرسالة/القصيدة مؤرخة 18/7/1984م:
نادي منادي القلب الواجف * ولبى البشر الصوت الخاطف
جينا البلد الطاهر عمره * وسال الدمع السابل وزارف
ركعنا.. سجدنا.. طفنا.سعينا * جلسنا دعينا تلينا مصاحف
زرنا الهمزه وسبعة مساجد * وزرنا بقيع الجيل السالف
بقيت بالحب النبوي متيم * مليت بالشعر الصوفي صحائف
قلت أزورك أعانق نورك * ونبض القلب الشوق الجارف
نويت أسقيك إحساس بالنيل * وغنوة ريد بصوت الكاشف
سألت عليك مليون متغرب * سألت عليك أحزاب وطوائف
طلبت العقل الآلي السنتر * لعله يحدد نمرة هاتف
كان الرد السلبي مسطر * قال العقل البنضم آسف
خلاص الأمل الشايلو اتبعثر * ورفض الحظ القاسي يحالف
ولما العقل احتار واتحير * قلت أسافر ليك وأجازف
أركب عربه ظريفه خفيفه * أأجر هنتر وطبعاً عارف
لو تترحل خالي إقامة * تكون في حساب الشرطي مخالف
مهما تحاول تختا الكشه * ليك العسكر لازم يصادف
يقول لك وخّر وري هويتك * جنب عندك وخليك واقف
رجعنا بلدنا وما تلاقينا * وماتهنينا بالونسات الفيها طرائف
ليك وصية تتم بالنية * من القلب الكلو عواطف
تعال اتهنى(1) وكمّل دينك * شقى في الغربة الزول العازف
ألف تحية لكل مهاجر * صان العشرة معاك في الطائف
حي جمال الطقس الساحر * وكل ثمار الشجر الوارف
وأقبل من سودانا تحية * إنت ضميرو وجرحو النازف
_________________________
(1) اتحنن
أبوبكرحامد
30-04-2005, 06:00 AM
تشكر يارائع على مرورك الأنيق والتحية عبرك للدكتور الخليفة .
.......................
حاشية :
كلمة أبو الزمل ترفعنى لمقامكم السامى وتقعد بى عن إدراك ماتصبو له النفس ، ليتك تكرمنا بنيشان حُوار فى حضرتكم السنية.
خالد حمد موسى
30-04-2005, 09:07 AM
ودالماذون ذاك النجم الامع
الزي يضئ هزا المنتدي ويزينه براوئعه
الجميله عمل رائع اخي ودالمازون
لك كل الشكر عزيزي....
أبوبكرحامد
02-05-2005, 03:31 AM
تشكر ياخالد على المرور والمداخلة ، وليتنى اكون كما وصفتنى أو قريباً من ذلك الوصف.
كلمة أبو الزمل ترفعنى لمقامكم السامى وتقعد بى عن إدراك ماتصبو له النفس ، ليتك تكرمنا بنيشان حُوار فى حضرتكم السنية
أخجلت تواضعي يا عزيزي الفاضل بكر
فأنتم ما شاء الله شعلة من النشاط والحيوية
وإبداعاتكم لا تخطئها العين
.. وإلى الأمام
ابراهيم
25-06-2005, 12:48 PM
آمنة وقصّة الحياة
رأيتها تسير في الطريق وحدها
حسيرة كأنّها السّهى
تمشي ولا يحس مشيها
كأنها لا شيء في الحياة
وفي الطريق صبية يتصايحون يلعبون الكرة
وطائرٌ يبعثر التراب يلقط الذرة
وأعنُزٌ جواثمٌ تجتر في كري
عيونهنّ نصف مقفلة
وربما رأيتها في أمسها القريب وهي فتنة البشر
ومتعة النظر
ولا حدث للقلوب غيرها
كلٌ ينادي حين تختفي يا ليتها تعود
لأنّنا .. نحبّها .. نعزّها .. نجلّها
وحينما يفتر عنها باب دارها الصغير
وتفتح الأبواب والكوى
وتلفظ البيوت أهلها
من الصّغار والكبار
إلى الطّوار...
وينظر الرجال في ذهول
لُعابهم يسيل
وفي قلوبهم نشيد
دقاتها الطّبول
وحينما يشاهد الشيوخ وجهها يأتلق
كأنه ذكاء في الأفق
يكبرون بارئ الفلق
ويهتفون في تُقى يردّدون
الله ما أروعها .. سبحان من أبدعها
تبارك الذي خلق
وتنظر النّساء في حسادةٍ لها
كلّ يسرّ قولها
يا ويلها.لله ما أجملها
يا ليتني خُلقت مثلها
وينظر الأطفال في براءة الطيور
فرحى يصفّقون
وينشدون
أنشودة السرور
... وفي الطريق في رشاقة تسير
تسحب فوق ذائب القلوب ذيلها
وخلفها تتبعها مواكب الكبار والصغار
كأنهم غبار
... وربّما رأيتها تضيء في مجالس السمر
كأنهم قمر
ومن عيون المعجبين هالةٌ تدور حولها
إن حدّثت فالكل منصتون
تكاد تشرب النفوص قولها
وربما .. قاطع الصديق جائراً صديقه
وخاصم الشقيق ظالماً شقيقه
من أجلها
وليس في حنانهم من الحنان ذرّة
وليس في فؤادها لهم من الوداد قطرة
واليوم .. ولهفى لها
تسير في الطريق وحدها
لو لم أكن رأيتها من قبل ما عرفتها
***
.................................................. .............................
مصطفى عوض الكريم
(1923 – 1962)
ولد في دلقو بالمديرية الشمالية
تخرج في كلية الآداب بالمدارس العليا (جامعة الخرطوم الآن) عام 1947.
عمل مدرساً.
سافر للدراسة بالمملكة المتحدة، وتفرع لدراسة الأدب الأندلسي حتى نال درجة الدكتوراه من جامعة لندن عام 1959.
أهم مؤلفاته:
فن التوشيح وابن صارة الأندلسي ثم ديوان السفير
باسم الدولية
27-06-2005, 06:29 AM
عزيزي الغالي / أبو بكر
تحية شوق وريدة
دوما تكون مبدعا ولك المقدرة علي توظيف اللغة وتطويعها فتأتي منك نغما شجيا شيقا . عشنا سويا لسنوات وكنا جماعة متميزة لم تتفق آرءنا إلا مرة حينما أجمعنا علي أنو الزولة دي فارة .
أنت بالبحرين وأنا بالسعودية أحمد عمر بقطر وحاتم جبارة بامريكا ووليد مبارك بالإمارات وناصر جبريل طافش وين ما عارفو كلنا نبحث عن ماذا ؟
تأمل في هذا المقطع من (الفتوحات المكية) للشيخ محي الين بن عربي .
(يا أبا يزيد ما أخرجك عن وطنك ؟ قال : طلب الحق . (قال) الذي تطلبه قد تركته ببسطام ،فتنبه أبو يزيد ورجع إلي بسطام ولزم الخدمة حتي فٌتح له."
و ببسطامنا سطت عليها السوام والهوام بليل ونخر الظلم جدرانها فتصدعت وعجبي لسوام جاءت أخيرا تريد قسمة (الكيكة ) قبل ما أشيلها الفأر الكبير براه
قال محمد عبد الحي :
مرحي ! تطل الشمس هذا الصبح من أفق القبول
لغة علي جسد المياه،
ووهج مصباح من البلور في ليل الجذور ،
وبعض إيماء ورمز مستحيل .
اليوم يا سنار أقبل فيك أيامي بما فيها من العشب الطفيليّ
الذي يهتز تحت غصون أشجار البريق .
اليوم أقبل فيك أيامي أيامي بما فيها من الرعب المخمّر في شراييني
وما فيها من الفرح العميق .
اليوم أقبل فيك كل الوحل واللهب المقدس في دمائك ،في دماي .
أحنو علي الرمل اليبيس كما حنوتُ علي مواسمك الغنية بالتدفق والنماء .
وأقول : يا شمس القبول توهجي في القلب
صفّيني ، وصفّي من غبار داكن
لغتي ، غنائي .
أبوبكرحامد
31-01-2006, 02:51 AM
تَرَكَتكَ مُلتاذاً بِدَهشَتِكَ الأسيرة واختفت
هى لم تقُل ما إسمها
لكنها ذهبت لتوقد مسرجة الحرائق عنوةً
وجلستَ تقضم ماتبقى من خلايا الإرتباك
تركَتكَ مُلتهباً كأعنف ماتكون النار
وانصرفت تعالج وقتها المفتوح فى ألق المساء
هى لم تعدك بملتقى
لكنها انتهبت عليك مسافة الوجد القصى
وأغلقت خلجانها
مَدَت إليك أصابعاً عطريةً
ومَدَدتَ قَلبَكَ كى تنام على مساحته
فَرَدَت قَلبَكَ المُلتاع
واختبأت مُخَلِفَةً شتاءاً فى سماك
فَكُف عن ارتِباكِكَ واتَئد
كيلا زمانٌ آخرٌ يمضى عليك
وأنت تبحث فى الخليقةِ عن مسارِ الطَيف
تَرَكَتكَ وانصرفت
" من ديوانه تحولات الضوء والمطر "
القصيدة للشاعر المبدع شوقى شفيق ومهداة للأمين ولكل من يحمل هم ووجع الثقافة .
الجميل جدا ود المازون ... تحياتي اولا ....
وده سهمي معاك يا ودالمازون ...
مقاطع من قصيدة (اتبرا الطيبة) لشاعرنا الشفيف محمد الحسن سالم حميد ..
و(اتبرا) تعلم انها (عطبرة ) وهذه القصيدة تكريم لهذه المدينة العمالية
الصامدة ما دام الصمود...
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية
نار التكل ماتت .. نار فينا شن حية
و روحك إذا فاتت .. روح الوطن جية
أماتي يا أمات .. كل الغلابة الجات
من حلفا لي نمولي .. من بارا لي سنكات
غضب الخلا اليغلي .. صرصيرة الغابات
في عب ضلوع النيل .. جيب القلب غيمات
أشواقا تالا الأرض .. والأرض شوقا نبات
أماتي يا أمات .. ود الحياة الصنديد
قولاً لكل عنيد .. وصاحب دقن همبات
قولنلو نحنا حديد .. زي المرمة شداد
اللي ضميمتو يخون .. ما أمنوهو بلاد
يا مستبداً بات .. حارساهو دبابات
كضاب وكضابات .. هواب وهوابات
شن ح###### الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد
ما يلقى الطِّري .. وضاقنبو السبل
العجل العري .. النار والبقل
خيري وسكري .. في الدقن ام قمل
يا الدقن ام قمل
شيلي وصدري .. وجيبي دمار دبل
زير ولباش كيري .. شامبو دلال وفل
غني وشكري .. يا كوز المثل
في الضيق منهري .. وحمدك الربل
وبت السمكري .. جيهتك للرجل
دهناً كركري .. الطلح الكحل
هوي يا العسكري .. غيرك من قبل
عامل فنجري .. وفاكر الناس هبل
بى اسم الدين يطل .. وبى أسمى المثل
يرغي وينفعل .. ضاحك بالعقل
ما داعب طفل .. لو..لو قالو كل
ينفرطق نعل .. في المرة والرجل
قاصد ننشغل بي سنن الغسل
عن موية وأكل .. لا توب لا في ضل
نقعد ننكتل .. في اوصاف الرسل
مين برعى الإبل .. وتبرا الغيمة ضل
والمن دوب طفل .. يفتي ويشفي غل
والوكتين يطل .. يلفح للعقل
حيلتك ما بتحل .. في فكرك عطل
زهدنا فاض فضل .. وما ناقصين مثل
وين يوجعنا وين .. ماك داريبو كل
ما شعنف دقين .. شنف حالنا ذل
عيشة يا مفتري .. ويوم كامل شغل
نسرق ننكري .. ولا بلاش تكل
غني وشكري .. يا كوز الدبل
زير ولباش كيري .. والآية بــ رطل
بس يا عسكري ..
يا عسكري التالفين .. ويا تالف العسكر
يا لايصاً في يمين .. والشعب قد أيسر
ما جف ساق ابريل .. اكتوبر الأخضر
يات شيمة ليهو تشيل .. كل ما الرياح تكتر
فرعو الهطيط بيميل .. بس ما بينكسر
يتسامى دغري عديل .. كلما الرياح تنتر
طير الخطى الجايين .. ما بتفزعو الهزات
لا صقورك النازات ..
من دم رعاف الطين .. ودنس الحياة ام لذات
فاكر رقبتك مين ... وفاكرنا مين بالذات
دي القرشي .. قاسم أمين .. ويا دا الشفيع ما فات
وما اعظم الجايين .. يا اتبره وجايات
حاضرنا ما ضنّين .. وكل الدروب صاحيات
يا لابساً كم وش .. على مين تدور وتحوم
شغلك ضلالي وغش .. نضمك عسل مسموم
قاصد عيونو تتش .. ويرغى البلد مقسوم
طقّت جبهتو شمس .. فارت في راسو دموم
الجاي بعدو يمش .. يعتب بعيد مكروم
تطفش طيورو تطش .. وبومك يعشعش شوم
يا ضاحكاً غياظ .. لي شعبك المأزوم
ظنك ليالي حراز .. ما دلدل الخروم
في مزارعو .. لافي رذاذ .. لاغيمة طاشة تحوم
لا زيت ولا أمباز .. قطّن مصانعو عموم
وانعكنن الإفراز .. وقد بلغت الحلقوم
وبرضك تنوني انقاذ .. ينقذنا منك يوم
بيناتو نمشي عزاز .. زي النبي المختوم
يا ضاحكاً غياظ .. لي شعبك المأزوم
من دكة التلفاز .. دايماً تطل ملخوم
وتنطاير الإنقاذ .. وزبدك يرك متخوم
عرب الكنانة حجاز .. مستقبلن مهموم
عشمان في كوتة جاز .. عربونا كم قدوم
من لذتك تنحاز .. مع غزو ما له لزوم
كان ماك نتن لذاذ .. فتان ولخبات كوم
شن غزتك في عكاظ .. شعب الكويت مو الروم
لا قصباً لا عكاز .. وقت الدميرة تقوم
لاك نافعاً حجاز .. وشن للعتاب واللوم
فوق العليك لاواز .. تشهد سما الخرطوم
غماز ويا لماز .. هماز ويا مفصوم
ما الفرق بين ملوك .. كادى الرعية تلوك
وعسكر وراهو بنوك .. ساوى الغلابا حنوك
طول النهار عوك .. عوك والليل تراب وصكوك
تملا وتفضي تنوك وتملص ضميرا هنوك
واسترني يا المبروك متل التكني أبوك
ناس بي أخوي وأخوك لا اخلاق لا دين لا سلوك
اخلاق ..دين وسلوك
يرمي الولد في الشوك أما البلد مشكوك
يا شعب يسلم فوك .. عطفك رضاك وعفوك
قول للخزين صل صوم ولا تنكسر مهزوم
ولو فضلت الخرطوم من تصحى قبل الطير
بعد النجيمة تنوم
ومنعاشى يا طيبة بخير مكفية راجية اليوم
ممنوع عليها السير غير لى كبار القوم
والسادة الأمجاد ..
لابد من يجي يوم ساعاتو ما ها بعاد
يجي من صراع اضداد
من امة حق الموت ما لا قيا وانتو سعاد
قول للدعي المتخوم
يا متفن التفاح .. وشغلك قيافة ونوم
في شعبك الكداح .. وفي أطفال مو لاقى الدوم
يا أرزقي ومرتاح .. ما جابهنو هموم
جاييك زمن كتاح .. جاياك رياح وغيوم
جاياك مطور الصاح .. جاي الصح المعلوم
من كل فج في كفاح ..ومو وحدا الخرطوم
البيننا بينك دم .. تاراً غريق وجراح
فينا البحرفو السم .. فينا البكفو سلاح
شهدانا ما قت كم ... لا ياتو فيها فلاح
لا ارتحت شلت الهم .. لكنو يا سفاح
لا الإندلق بنخم .. لا بتتوزوز أرواح
ان النفوس جم .. جم
ود الفضل ما راح .. وما طال فينا شهيد
عصيان وإضرابات .. ما بنفع التشريد
لا بجدي صالح خاص .. لا مسخك الشعبي
وغنايك الرقاص .. لا دفاعك الحزبي
لا حيلة ابن العاص .. لا السجن لا التهديد
يابوت ولاد الناس أشراف وما بتنداس ..
ما بمشي فيها وعيد .. وفيها الوعد متراس ..
فيها العشق صنديد .. وصاد أعزلاً دواس ..
يا أرذلاً رعديد .. يا أبخس الأنجاس
وسع مجاري الدم .. زيد السجن ترباس
يا هالكاً مجراس .. مصاص خزا ومصاص
خازوق بني العباس ..
زي ما انت عندك دين افريقيا ليها تراث
وكان تنهري وتنغاظ .. عبداللطيف والماظ ..
ما حرضم النخاس
يا رباية المنظمة .. المريبة المسجمة
دي البلد طيبة ملهمة .. ما بتزوّر ملاحما
كنتِ خدرا ومنسمة .. جنة طيبات مواسما
يا ارض جاك مسيلمة .. في ايدو كيزان مخرمة
فاضية فاضية ومعلمة الله من دين ولا انتما
بين دهاليز مضلمة .. وبي مراويد مسممة
تشتك وانتي مرغمة .. يا أرض صابك العمى
وكل شيء طار السما .. إلا المطر طار من السما
وما اكتفى السفه انعما .. دكن السفة دردمة
وقال نشرع نأسلما .. وفي البداية النقسما
ويا كضب .. لا بتقسما .. لا بتقدر تأسلما
ويا كضب .. لا دا بلسما .. لا ترابيك مرهما
كلكم ملة مجرمة .. والبلد في البيكرما
في الغلابة المنظمة .. في نقابات مصادمة
أو جماعات مقاومة .. من خصوم المساومة
واللا أحزاب مصمة .. سلطة الفرد تهدما
من أساسا وترايما .. وبالبنوك المرمرمة
من عرقنا ومخمخمة .. مافي خير غير نأمما
إلا وجعة ملاحما .. الغلابة المألمة
تنزع السلطة بالدمى .. وأي ثورة نقيما
الكروش المنعمة .. كش تلملم تخمخما
تصحى ذاتا المرخمة .. وللعساكر تسلما
دايرة فعلاً مأزمة .. إلا لابد لازما
يا الغلابة المأزمة .. من تجارب تعلما
من دروباً تقدما .. والديمقراطي أسلما
هو البوضح معالما .. والمعالم تفهما
إنو سبة مظالما .. في الارض ماهي في السما
ولو دي أفضل عوالما .. يبقى في خيلها مكرمة
ولو دي أفضل عوالما .. يبقى غييرا لازما
وعِن تلملم عزائما .. غيرا ما بيبقي حاكما
شعبنا وفارس الحمى .. ينطلق بي ملاحما
تصبح الدنيا سالمة .. والخلائق مسالما
الحبيب للحبيبة ما .. من عساكر نقاسما
شعبنا وفارس الحمى .. ينفرد بي ملاحما
الحبيب للحبيبة ما .. للعوارض يقاسما
منك براء .. ألديش إيمانو والإخلاص
يا سم بنوك العيش .. يا أرزقي ولحاس
ايد تقبض البقشيش .. وايد ترشي للحراس
يا كرشك القدر ايش .. واكبر فراغ الراس
ماك جايي منقذ ايش داعي الهلاك للناس
شن داعي للفتيش .. حالة الطواريء وفاس
حظر التجول ليش .. ليش كتمة الأنفاس
وليش جايي أصلاً ليش .. يا جايي من غير ساس
ما قابلك دقيش .. جوة القطر .. في الباص
حال حلة تشكي دغيش .. ما عشتو ها الإحساس
لا جُعْ لبست الخيش .. لا سهدك قراص
أطفال حفايا تكوس .. للموية في الحصحاص
يوم ما لبست البوت .. في هيصة الأعراس
تعب البرد والصيف .. حمى النفس والراس
طيب حتقدر كيف .. تلمس قضايا الناس
نار المدن والريف .. الضمة ما بتنقاس
كم نفنفت نفنيف والأقوى منك فات
فاكر الحكم طرطيش .. والسلطة قوة راس
كتيل رقاب في دغيش .. حميس جهالة حماس
مو رقصة يا درويش .. عليق بخور ونحاس
ملينا شعب وديش .. ملو الأرض والفاس
الهبة تبقى بشيش .. والحيطة من فد ساس
قول للحرامي بريش .. حلتنا مو تكساس
دم اخويا مو معليش .. وانا ماني نايم حاس
وين تمشي وين شقيش .. اترك برا القصاص
واهلي الغبش ديش ديش .. وكل البلد حراس
ديل نحنا مانا قريش .. وماك ود اخو العباس
والشعب ماهو قشيش .. حالك يصيدو يباس
وسوداننا ماهو حويش .. بيقفلو وبي ترباس
اماتي يا أمات .. قولن لكل عنيد على شعبنا وعاناد
قولنلو نحنا حديد زي المرمة شداد
وين تمشي يا رعديد .. وانا يا دا يا جلاد
جيت من قريب وبعيد .. من ادنى قول في البيد
وآخر فرع غابات
هبة رجال و ولاد
نسوان عزاز وبنات
أجداد وحبوبات
جيتك بكل جنس .. أحيانا والأموات
جيتك بكل لغة .. رطان وصاحب ضاد
جيتك هجمة السيل .. مطراً بلا ميعاد
لكني ما جيت ليل .. جيت في الضحى الوقاد
وما فوقي إلا نشيد ..
وما تحتي إلا ثبات ..
ما في إيدي إلا الأيد شعباً جنا حوبات
وين تمشو يا أوغاد ..يا شرزمة كابات
خانت ثرى الأجداد
بي 300 زول في خمشة دبابات
بدل البطمن خوف وبدل البيلم شتات
بدل البسند الجوف صفيق ومؤتمرات
بدل المدارس جات تملأ البلد ثكنات
بدل القلم رصاص بدل الفهم خوذات
محضر بدل كراس جيهة النشيد غارات
حس رنة الاجراس ابواق وصفارات
تمريناً للجمباز
بدل الشباطة ابوات الحصة كتم انفاس
درس العصر كشات
فتش بيوت الناس واستجوب الاموات
جز الفرع بالفاس ام العرق هيهات
انقاذ وما ادراك انقاذنا الاهلاك
انجاز وما اسماك تكويشة الملاك
يا مسخرة مأفون ترباية السفاك
يا مدعي وافاك زمبارات القصبة
حيكومتكم كعبه
بموروث الشعب والبسملة مغتصبة
ضراعات العمال الزراع الكتبة
سارقين لبس الديش باسم الشعب الطلبة
يا شناق القول يا ربط العقبة
يا خناق الزول يا كسار الرقبة
كنا بنأكل فول نرجى الله في الكربة
مر علينا الحول ضِقنا وضُقنا الادبة
وانت تجب كف كف تنضم لمن تغبى
مؤتمرات السف شكل لجان الضيبه
شنفت الاحزاب قت كوفية وعذبة
الجمعية ضراب زي الما منتخبة
حق الله الاضراب وأي حقوق مكتسبة
قلتو سياسة غاب
طيب لية يا كذبة ما وفرتو القوت ها الحالة الصعبة
ما وقفتو الموت والنهب البى قلبة
دقن فرشة البوت فوق جوطة وغلبة
ولانزيف الدم منو عمارة وعربة
وشر العيشة الغم ليكم خير يا كسبة
كسبة وضلاليين لي بنوكم الخربة
تحيو وحلاليين وللغير حرام وربا
السلطة للاحزاب الشعب ساقا غبا
ولح######م ده ثواب جاء من الله جابو هبة
بجيهة الله الجاب وبجيهة الله ابى
لي بيتو انتو قراب من بحرى بقببا
تنفرج امدرمان والمهدى في الكنبه
تنشايت ام ضبان ود الترابى وباء
فوق تربة السودان في ضرايحو كم غرباء
يا ملعبة كيزان دنيا وبلاش غلبة
وجيتاً ظهرتي بيان يا اتبرا التعبة
ما ضاقت الاديان والدنيا كم رحبة
وفي حضرتك فتيان ما بدلت جببا
الدروشة الغليان الهمهمات غضبا
وكم دوبت بمبان بمواقفا الصلبة
يا ملطشة فرعون
موسى الشوارع عاد
وعلى مين تحلقوا دقون كان اتخلقتو جداد
الشعب كلو عيون الأمة بالارصاد
اللي ضميمتو يخون ما امنوهو بلاد
وكان بيحكمونا بيوت لو بيحكمونا افراد
يا شعبنا الوقاد يا صاحب اعتى جهاد
يا ابن الغلابة الحر يا جيهة يا مشهاد
كتر السكات بيضر وقت المهادنة فات
بيك يا النضال المر تحلى البواكر هات
ايدك لعالم حر والتنهض الكلامات
طول ما الضلالة تضر زي ما هى جات بتمر
يا مفدر الظلمات يبقى اللقى بيسر
والمهدى حي ما مات
يا اتبرا الِبرة يا منجم الثورات
اتبرا ……. اتبرا
أبوبكرحامد
31-01-2006, 09:16 PM
الزعيم كاظم ..................
سعدت جداً بمساهمتك الرائعة التى اندهشتت لتسميتك لها " سهم" ، وأعلم أنها لدى بمثابة " حاملة صواريخ " تدك عروش التيه والضلال ، الصديق المبدع عز العرب حمد النيل لديه قصيدة بعنوان " مخاض تحت ظل المئذنة " ومن مقاطعها :
لايستطيعون التمثل فى ثياب الوجد
حين يروك تكبر فى عيون القادمين
تنثال عطراً من دفاق
وتصب فى محبوبةٍ
فضت بكارتها
وصارت حاملاً فى عامها المجنون
......................................
ومن مقاطعها أيضاً :
أو حين ترفع كفك البيت الحرام
مناجياً مالك الأسماء والأنباء
والسر المخبأ فى تجاويف الكلام
حينها ينبيك سر الله
أن الدين منسربٌ ومحتربٌ
ويشهرُ سيفهُ المكسور مابين اللحى
والقهر ينبت فى الضلال
.....................................
تلك كانت بعض مقاطع أسعفتنى الذاكرة الخربة لتذكرها وخانتنى فى أحايين كثر ، ويبقى الوعد أن أحصل عليها وأنشرها فى هذه الزاوية ، أشكرك لك هذه المثابرة والصبر على طباعة هذه الرائعة التى زادها الطول ألقاً على ألقها ، التجلة والتقدير للرائع محمد الحسن سالم حميد ولتهنأ به عزة إبناً باراً بوطنه وقضيته .
لك صافى الوداد .
ود الماذون
شكرا يا أبابكر على الفكرة الرائعة
أبوبكرحامد
06-02-2006, 08:59 PM
سعدت بطلتك البهية أستاذنا عمر غلام الله ، نتطلع لمشاركاتك المتميزة ونفتقدك شوقاً وعشقا.
عشوشه
06-02-2006, 09:50 PM
التجانى الحاج موسى
شن قولك
أها !! شن قولك معاي
قبلت جاي..
قبلت جاي..
القاك حداي .. شن قولك معاي؟
والعمير الباقي منو
ما يكفي احكيلك حكاية الوعد القبيل..
القلت ليك وكتبتو في طيات غناي
وشن قولك معاي!؟
يا رحلة الزمن الردي
يا سبة العمر الشقي
خمسين سنة وازيد
وأنا واقف على بوابة الافراح لا فتحوها شان ادخل
لا سدوها شان امشي
سنين شايل معاي جراح
واقف وبتأمل
مدارات العمر بتمر
وأنا وبوابة الاحزان
حكايات من سنين ضاعت
ولو باقي العمر بيحوق
بكلمكم عن الدنيا والفيها
بالظاهر يشوفوا الناس وخافيها
واحجيكم عن الخلان
واونسكم عن الحبان
عن اماتنا واولادهم
عن خالتنا واخواتهم
دويمنا وبخت الرضا
عن (البرزيخ) و(مبروكة)
عن البنطون .. و(طه جقون)
وحلة خدرة مفروكة
عن النفاج..
زريبة العيش
وعن سعدية بت الحاج
و(حاجة حليمة) وعم (مركز)
عن الشغيلة والعتالة والمشرع وعن تقابة للحيران
وحلقة نوبة في (عرشكول)
وفي شبشة حدا القيزان
عن الترعة
وعن المرتع
زمن ضاع مني ما برجع!!
وشن القول مع الرايحين والجايين
وشن القول مع الشفع
قبلت جاي.. قبلت جاي
القاك مصاقرني في حداي
وشنو الداخرنو لي باكر؟!
وباكر مهما طال اليوم
باكر جاي زي الموت
لو هسه أو بعدين بعد باكر
وحقو تكون كمان فاكر
عقاب الدنيا يوت ممجوق
زمن جبار زمن كافر
نكابس فيهو يعصرنا
يكابس فينا ونعافر
وقبلت جاي.. قبلت جاي
القاك حداي..
وشن قولك معاي
لما تعاين في شروق الشمس
وما تغسل عيونك بي شعاعا!!
ولما تشوف القمرة تحضن في السحاب
وما يبهرك القاها وضياها!
ولما تحاصرك نفسك كل يوم
في لجة الشك والمتاهة
ولمن تجيك اذاعات الدنيا في بيتك
بي خبر القنابل والكوارث والمجاعة
وانت ما هماك كأنو الامر
تمثيل أو اشاعة!
أها!! شن قولك معاي!
__________________
أبوبكرحامد
07-02-2006, 02:13 AM
كما عهدناك دوماً مرهفة الإحساس تنتقين من الشعر أجوده ، لك منى سلاماً وتحية وووووووووو أمنية :
داومى على الإطلال
ابو الزعيم
07-02-2006, 02:22 AM
العزيز ابوبكر حامد
تحياتي ... والف شكر على فكرتك الحلوة
واسمح لي ان اشارك معكم بهذه القصيدة
التيه
...
تحت سقف الضلام
مغروس
مستني الشمس
تصبح
وفي قلب الحزن
محبوس
متمني الفرح يصفح .
على باب الصبر
واقف
لو باب الامل يفتح
* * * * *
اقبل وين ؟ !
هدا العالم
ودي عيونك
محاصر بين غروب
وغروب
وبين ادغال
دروب ودروب
وفي صحرا العمر
مقطوع
مجابد بين هروب
وهروب .
* * * * *
اقبل وين ؟ !
وقع طيفك
من الخاطر
على نصل الكلام
المر .
كمل عسلك من
الدنيا
صبح طعم التلاقي
كتر
مشتت عمري ياعقلي
بين لعنة
زمن يجرح
وبين استار
ضلام يسرح
وفي رجى
الشمس تصبح
براي صاحي ومساهر
في فضا المسرح
اذاكر
قصة الرحلة
واقلب
دفتر المحنة
اعد نجم القصول
واجمع
واحس لهب الحوار
واسمع
اراجع عقدة المشهد
واردد ذروة المسمع
مشت رجلي
على جمر الدروب ساساقا
بين الغيمه والتربه
وبين الغربه
والغربه .
مشت رجلي
على ليل الدروب
ساساقا
بين الظلمه والشمعه
وبين الدمعه والدمعه
ولسع في الخلق
غصه .
وفي غيب العمر
قصه .
* * * * *
براي صاحي
ومساهر في فضا
الدنيا
اغمس في الالم قلمي
واسطر للوطن غنيه .
*******************
الاستاذ \ هاشم صديق
****************
مع محبتي ......
فدوى الحسن
07-02-2006, 09:55 AM
بقول غنوات
للشاعر محمد طه القدال
بقول غنوات .. بقول غنوات
فى البلد البسير جنياتها لقدام ..
وفى الولد البسل ضرعاتو فى العرضة ويطير فى الدارة صقرية ..
ولو السمحة تلت إيد و مدت جيد تقوم شايلاه هاشمية
يشيل شبال ختة ريد .. وفرحة عيد .. و غيمة روح .. وحمرة عين و ايدية
وفى الولد البشيل مدقاقو قولة خير على القمرة
يقابل الجاية متحزم ويقابل الجاية متلزم
سلام فاسك على أرضك يبقى عديلة يا بيضاء
ويبقى زفاف غنت ليه قمرية
قبال حول تغيم غيمة قبلية
ترش الدارة و الحدبة الصعيد الحلة
يا مرحب حباب الصفقة فى النسمة الصعيدية
يا هجرة نهار الليل
لما الليلة بدرية
فحيح جنياتنا فى الحدبة الصعيد الحلة
يا قمحاتنا هو لبلب
يا تمراتنا هو لبلب
و يا اللوز الفتق فى الوادى هو لبلب
ويا سمحاتنا يا قمحاتنا هو لبلب ..
ويا البحر الطمح مدادى هو لبلب
ويا حجواتنا يا دعواتنا هو لبلب
سألتك بالذى ركز الأرض معبد وسوى الناس عليها مقام
سألتك بى حجى الأمات ودعواتنا
سألتك بى قميراتن و دمعاتنا
شليل وين راح ..
يكون خير الخريف فاتنا
وزى برق السماك الجاية دغشية
وزى زغرودة للبطن الكبارية
مرق من شامة القمرة
ومجرتق بوداعة الله
ومقدم بالعديل يبراك
أبشروا تعالوا ياجنيات
شليل ما راح .. شليل ما فات
شليل عند المسور مرق بقالو حصاد
شليل فوق التقانت قام خضار و بلاد
شليل مشوار.. شليل مسدار
شليلنا أرضنا يا جنيات
شليل ما راح .. شليل ما فات
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
شليل قايم نصايص الليل يتمتم ليلو وردية
مزارع بات على عشقين تراب بلدو
وسماح فوق بت مزارعية
فدوى الحسن
07-02-2006, 09:57 AM
الطمباره والغناي
للشاعر محمد طه القدال
نحن اهل الفرحه جينا
لا المدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوقا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
سوباوي
08-02-2006, 04:57 AM
الرائع دوماً أبوبكر حامد ..
هنا يا رجل وبدون مقدمات سأضع لك أجمل سيرة لأجمل أمرأة "السرة بت عوض الكريم" أنه النص المدرسة
لأستاذنا الشاعر "محمد الحسن سالم حميد" معجب أنا عزيزي أبوبكر بهذه المرأة ولم أجد لسيرتها أنسب من
زاويتك هذه ...
تحياتي الوافرة،،،
سيرة السُرَّة بت عوض الكريم
محمد الحسن سالم حميد
جات داخُلِي ، زيْ مرْقَةْ غضَبْ
من جُوف حليم في زمن صعبْ ..
رَمَت السلامْ
زيْ شنْطَة من كتفْ المسافر .. بي تَعَبْ .
زيْ رُدخَة ربّ ..
الله يا ربّ ..
قعدت على طرف العنيقريب
المحاذي الواطة
ضايرت التراب أثر العويش الفوقو ..
شالت باصبعا
وشخَتتْ شخِيت
الله يا ربّ …
عاينَّا فيها نكُوس سبب
للكفرنة وفورة الزهجْ
من دروة البال الوهيط ..
ماعودتنا تدس عوج
تكتم فرح
زيْ حالة الزول البسيط ..
صنْقعْنا في قعدتنا
راجعت الوشوش
دنقرنا عند رفعةْ وشيها
المتعب .. الجاد .. الرحيم
الطيِّب .. السَمِح .. المعافَى .
رهاب … رهاب
ينشاف وسيم ..
إنوهطت فوق العنيقريب القديم
ومن تاني ضايرت التراب
اثر العويش الفوقو
شالت باصبعه وشختت شخِيت ..
وقالت .. تصدقوا يا ولادي .... بقيت
أبيت الليل أفكِّر في التميرات
القُدُر فوق راسا ما خمَّت سبيط
غّلبا الجرورة الفوق ضهرنا تنزِّلا
وتطلق وشينا مع الجماعة
وشن دهانا دي كم سنين
.. والحال وقفْ ..
قطَّ .. وحلف
ما فيهو لو نقاط بسيط
كان بوشنا في حش التمور
الليلة دوشنا مع اللقيط ..
أي لا حِكت ..
هي ولا بقت ..
ما كُنَّا قايلين في حياتنا
يجينا أقسى من المضى
ساعة مِروق الإنجليز
قلنا الظلم فات وإنقضى ..
تاريهو كمْترْ ..
وقام دقون حلفي ..
وعُشر .. معيوقة .. نال
دمْسِيس .. ضريسي .. وشوك جمال
الله يا ربّ ..
كربك .. كُربْ
عاولي التمور
الواطة بور
الناس حطب
بابور شهور غلبان يدور
مافيش مطور ..
ويجيك بعد دا عِلم طلب ؟
الله يا ربّ العالمين
الماجحدنا نعمتو
في الشوف والسمع
راحة الولادي
ولا قلوبنا قسن
ولا غيَّرنا دين ..
في الجابو ما قصَّر حمد
في الشالو ما قلنالو وين
ماشيبو وين .. ؟
عَدلت نعال مقلوبة
في الجيهي اليمين
حدرت شمال
زمن مُو دا الحيكومة
كانت بت حلال ..
بي حالا .. بي حرب الجنوب
بي قلة المال في الجيوب ..
كانت رخيِّة العيشي
إلاّ ترا العوين ..
الكبروا كبروا مليسين ..
علمن يطير ..
إن كان هو ما فدر عوج
ما فادنا شي ..
ومحق القبيل .. لمِّينا ..
هِين .. في هِين .. فِ هين ..
آحليل رجالاً سكَّتن
غدراُ غشاهم بالقفا ..
ولليلي سيفن في الجراب
يهرج سنين
دا زمن قواسي ..
زمن ضلالة .. أوانطجية
زمن حقارة زمن مهين ..
لاقين هواكن ضرُّوا
ضر يا .. عسكرياً
ما اتَّعظ كتل الرقاب بيودِّي وين ؟؟
ضرِّ يا جلاليباً رهاف
ذمماً خفاف ..
ضرَّ .. يا ضرر
ضرِّ يا دقين ..
منسلبطين عرق النبي
وبالنار بتلعبو يا عوين ..
للحول قريب درب السلامة
تخوجو بي درب الحرب ..
غطِّيي قلب واللاَّ الحرب ..
بقرةْ حَلِبْ ..
والأرضِ صين .
ما كان عمل ما كان دا دين
يا أرزقية تخمجوا دم ..
والدم مو موية ومانا طين ..
منسلطين في الناس دحين ؟؟
لامن يجي اليوم الفصل
والحق يبين ..
وين تمشوا .. وين تنسلُّوا وين ؟
وكان طال وكان قِصر الزمان
الحين بحين
كب يا رجالاً سكَّتن .. غدراً
غشاهم بالقفا
ولليلة سيفن في الجراب
يهرج سنين ..
وإنأوَّهت ..
وحسِّيت بأعماق الشوارع
والتواريخ المجيدة إتأوَّهت ..
وأدتني عين ..
صنَّت ..
شويتين .. كوركت ..
هُوي .. يا بنية .. وكتنا راح
يا بت .. شمشنا إندهدهت ..
شُوفيلي شافع ود فِطين
جا من الطحين ..
الله .. فترنا من الطحين
وكان الوكت زالف عصر
عين الشمش مشدوهة
بي دوشة سحاب
عرق المراكبية البعاد ..
راحل معَ ريحة التساب
ما تدري ..
مارقة من البيوت الحلة ..
ولاَّ من التراب ..
الناس تقول مدقوقة
طالعة على الحقاب
مفلوقة
بي حجر الصعاب المُرَّة
نازلة على البحر مشروقة
بي موية السراب..الفرَّة ..
مشنوقة عقاب ..
بالمرة
من كتر العذاب الحرة
في طايوقا ذاب
يا الحُرَّة ..
كيف بقت الرقاب
مسيوقة بي قيد السُلاب
وإنشرَّ..
من نشر الحجاب فِي عروقا
أشقدِّي الخراب
من بعدِ ما إنبلجْ الفرجْ
من ضيقتا ..
خدعوها .. بي حيلة كتاب
رفعوهو فوق سِن الحرابْ
ودهت الهزائم خلْقَتا
الناس بدل عن نِقَّتا
التلقى فكةْ ريقتا
وبدل القصور الفي الخيال
التبقى ماهلة كليرقتا
وما جاته راحةً طَلَقَتا
إلاَّ التعمِّر طلْقَتا
في بندقيةً حقتا
وبي ها الشوارع وبقَّتا
تنسدَّ منك دقَّتا
ودم فلْقَتا
ومُر شرْقتا
ونار شنْقَتا
يا دِقْنِ .. دينك .. سرقتا
قطعت وضوها .. إنشرفت
مسحت وشيها إنشهدت
وقالت نست ..
ماتاقت الأوضة التحت
عن مرْقَتا ..
دارت تقوم ..
جَبَد العِنِيقرِيب الحِنَيِّنْ طِرقَتا
عند نتْقَتا
رجفت بشيشْ ..
رجفت بشيشي
… من الغضبْ .. ولاَّ التعب ؟
فترْ السنين .. ولاَّ الكُبرْ .. ؟
ده الما قدِر يمسح سماحة خلْقتا .
زي نيَّتا البيضا الشَعَرْ ..
وزي موج بحرْ .. كان الجبين …
مدَّيت يميني أساعدا ..
ردَّت يسار تباعدا ..
وقالت لِي .. بويْ
وفِّر ضراعك للبلد
وأدخر مروَّتك آ ولد
لي يوم بحين …
أحفض كرامتك .. تحْفَضكْ
الموت .. ولا .. العيش المهين ..
الموت .. نفاد الما نفد
الموت .. حياةْ الميِّتين ..
أختاها .. جنِة مع الفِقَر
وأدخل جحيم المتعَبِين .
وإن ما قدرت على دا .. بوي ..
ربْلك دقين .؟!
وضحْكَت ..
"حمدنا الله الحنون ..
جيدن خلقنا .. بلا دقون "
وضحكنا .. زين ..
وتاقت حديثا على الخراب
الشوفتو ما دايرالا عين
عقبت مُتاقاتا .. الرياح ..
رفعت قُران شوكة سنط
ساسويي جايي من المُراح
يا خيري .. ودّي المستراح
والشوكي .. تحت الدوكِي ..
يا داك الرِكين ..
الشوك يمرق الشوك ..
وشوكاً فينا شين ..
مرَّاقو ربْ العزة .. شعباً ما بيلين ..
الجايي حيكومتنا ..
لكِن الزمن .. دِبُّويِي ..
داير النهْمِي .. وينكن .. يا الخزين ؟؟
ما قلَّ .. حاشا ..
صُبُرْنا .. لكِن لامتينْ ؟؟؟
دَعَكَتْ عيونا التوَّعتْ ..
مسحت وشيها وصنْقَعَت ..
كان الغيوم إنجمعت
تِقْلَت على الريح النصيح
كان المطور شوْ ترَّعت ..
زي باكي فوق دم الحسين
لكِن دا وين …
والتاني … وين …
وإنلوَّعت ..
معقول في ناساً ما وِعَت
ولليلة بالن بيْن .. بِين
وكيف وإنتو نوحنا من الدعت ْ
مؤمِنَّا من جحر الدقون الكاكي
يلدغ مرَّتين ؟؟
والتالتي .. قرْصَةْ أبو الحصين ؟؟
وحسِّيت بأنها دمَّعت ..
شهقت عيونا الدمعتين
حسِّيت بأنِّي متل حجر
جدعوهو في نص البحر
قام البحر .. بنى فوقو طين ..
حسِّيت بأعماق الشوارع
والتواريخ المجيدة ..
إنأوَّهت ..
وأدْتني عين ..
الجاي حيكومتنا كيف ومتين ووين
ومرقت .. متل دخلةْ غضب
صدر المسامح والحليم
في أيام عجاف ..
كَرَمَتْ .. صداها .. قفا السنين ..
" الجايي حاكومتنا ..
كيف ..
ومتين ..
ووين ؟؟"
مَرَقَتْ .. مَرَه ..
مَرَقَتْ .. مَرَه
مَرَقَتْ .. مَرَه
مَرَقَتْ .. مَرَه ..
دي السُرَّة بت عوض الكريم … ،
مَرَه .. مابتلاوز ..
لابتخاف ..
زيْ الضفاف المابتهابْ ..
ضنب التماسيح .. والكلابْ
قُومة البحر .. ولاَّ .. الجفاف ..
مَرَه .. من قديم ..
مره .. بت قبائل ..
قالوا لا ..
واختاروا في الحق .. الجحيم
ومن رِفْقَة الفَسل .. الخلا
وكانت نعم ..
تدِّي النعيم ..
مَرَه .. من صميم ضهر الغلابا
الماب تنكِّس راسا ..
غير ساعة الصلاة ..
أو ترْمِي تيراب في التراب ..
أو تستشف وجه السديم ..
السُرَّة .. بت عوض الكريم
ما فيها من عادة الحريم
غير السماحة القدَّمت
قُدْم الضهب
حافضنو في حُقَّاً قديم
في أقصى كين
ما فيها من طيع الرجال
غير الأيادي الخشنة
زي قولة النصيحة ..
وكت تكِّدب في الصميم
ساعة يكون الحُكْمِ ..
ضيم ..
تسعين سنة ..
ويا السُرَّة .. بت عوض الكريم
بصرك .. بصير
سمعك .. سميع
نضمك .. نضيم
بالك .. محلُّو صبي وسليم
تسعين سنة ..
تسعين سنة ..
وعودك .. أمدَّاً ما انحنى
شامخ بلا البان القديم ..
تسعين سنة ..
ومن فتنتك :: استغفر الله العظيم !
جوكي .. الرجال ..
آ .. السُرَّة بت عوض الكريم
من ويــن .. و .. ويـــن
لا .. الكلُّو طين أغراكِ
لا السمح .. الوسيم
آ .. السُرَّة .. صددت المشايخ والعُمد
مُرساله ليك ..
ضيعتي بي أنِفَة البشارة عليهُو
كيف قلبك صمد
يا بت قُصاد المغريات ..
والبشَّروك بالجنَّة
من فُقرا البلد
سقوكي .. بالغفلة .. المحايات
.. ما نفع ..
رتباً كبار .. قتيلا .. لا ..
شُعرا .. ومغنين .. ختَّا فيك
دُوداي غناهن .. ما شفع
الجان يجِن .. والهام .. يهيم ..
والإنجليزي .. أسلم ..
عشان خاطر هواك
ساعة طلعتي تجيبي
عود السيسبان إنصيَّدك ..
آ .. السُرَّة بت عوض الكريم
مرقنو كرعين الحصان ..
والجاكِ ناط ..
كتَّفتي بالليل في اللمينة ..
مع الفَجُر ..
طلبك عفو .. وسترة ..
وعفيتي .. سترتي
يا السُرَّة ..القويِّة ..
بقت لُه توبة سوِيِّة
من هتك العرِض ..
يا.. بت .. ها .. كيف بعد الحسن
ما تاورك قلبك
عَلى زول في الأرض .؟??؟
ستِّين سنة .. !
ويا بت بلا النيل .. وحَّدِك
.. واقفاها
..... هُو النيل انحنى !؟
ستِّين سنة ..
وما جهجهك .. فقد الحسن ؟
لا يقهك .. فجع الجنا ؟ . ؟
فجع الجنا الوِيحِيد .. تحِت خيل ميجر
السجم .. الرماد .. الإنجليزي
وكِت مرورُو على العباد ..
وجناكِ ناش عين الحصان بالنِبْلَة ..
ناشْ طربوشُو ..
قِيحة العسكري .. انحمَّى ..
وحَمَط بالسوط ..جناك
فِطن المسيمع .. وما اتلفت
وال هاشم الواقف .. وقع
والدم هدرْْْ ..
وكان زيْ محمِّر في الكَجَرْ ..
في إيدُه .. قابض نبلتو
وفي التاني غامت للحجر ..
صرختْ صليحة ..
وشكَّعَت فوق قِيحة ..
كلبينَا الزُرُقْ ..
ومن يومَا داك ما شافتن !!!
صيحة البُطان ..
قيـ ي ي ي يـحة البغل ؟.؟
نهمَت غُنا غضبْ البنات ..
عند زفَّتن ..
فِس .. يا كديس الإنجليز ..
كلب الترك ..
يطفر من الفارة وينيص
يا مكري صبرك يا رخيص ..
الفافنوس .. البوص ..
لِحايةْ الهردبيس
تمرْ البلد شال شيلة جد ..
إلاَّ الحصاتك .. شايلا صيص
كُوسْ لك بلد .. بلدك وأباك ..
رفسك رفيس ..
نفضك نفِض ..
بلدك تضادي ولا .. مغيث ..
قَلَبَت عليك بطن الرجال ..
شِقِّيشْ .. تقبِّل يا خسيس
آ.. قيحة .. حظَّك في الحياة ..
وفي الميتة أمان هُو مُو التعيس
عفْنَت كرشتك ..
دون تُرَب منفوخة للغربان فطيس
وفوق سكة الماظ الصعب ..
هاشم حلالي ..
قدل .. عريس
هِيلا .. آ .. رجالاً
عرستن شمش المشارق
ليها ميس ..
هيلا .. آ .. رجال .
هتفت نفيسة ..
وحرَّقت توبَا الوحيد ..
عقدت شديد .. قُرقَابَا ..
حافي ودون قميص
جرت الكرارِق زيْ برق ..
لفحت من السحَّارَة .. لي هاشم ..
حرِيرَة .. وقرمَصيص .
وكان الفريق إنخمـا ..
ما فضَّل .. بشرْ
ما هزَّا زلزال الفجيعة المُرة ..
والدمَّاع طَفَرْ
دايرات يَويْوِيِن الحريم ..
صَنَن .. وكت صوتك نَهَرْ
وكيِفِن زفتِّي وشي
ونعلتِ قفاهُو .. شيخ الحلِّة
حين قال لك .. قَـ دَ رْ
ولمِّيتي .. هاشمك .. ونِبْلتُو
وفي إيدو غامت للحجر ..
صبغ - الحريرة - القرمَصِيص –
الدم مَلاك
لمِّيتي زيْ لمَّة ملاك
آخد عن الخير في البشر .
جاكِي الصُبُر .. من ويـن ؟
ولا قلبك رجف ..
لا آهـة .. لا دمعاً طفَر
رشرشتي بي إبريق أبو
وبي دمُّو .. نبلَتُو .. والحجر
خيط الحريرة .. القرمصيص ..
كفَّنْتي بي رَفَت القماش الساكُوبِيس
الخاتَّه لي يوم الطهورة ..
مرقتي .. لاقوكي الرجال
بين الغُلُبْ .. ينْقلَبُو ..
ومتحزمين .. زيْ يوم أبو
ودمع الرجال .. هزَّاكِي ..
آه ..
خارت قواك
طفرت دموعك ..
والحريم كسرن عليك
قلدوك رجالات الفريق
فوقك ضَي الشمش إنتكى
وبعض المراضي المُقْرِفِين ..
قلدوكي لي شي ..
بلا البُكا … .؟.
وكانت دي أول مَرَّة
ينبكي في الفريق
وبي حُرقَة ..
زي كل الرجال الخيِّرِين ..
دَرْفُون .. ضرب بالنِبْلة ..
طربوش إنجليز
عوَّر حصان الإنجليز ..
ولا إنزحَّا ..
لا زاغ ..
لا جَرَى …
وكانت دي أول مرَّة
شافع في الفريق
وبي حُرْقَة زيْ كل الرجال ..
الناس .. تشِقَّ لو .. ود لحد ..
في مقْبَرة …
سبَّلْتِي .. ما انقطع الدرب ..
دفَّقْتي .. بي قرعُو الطَشِتْ
فنِّيتي .. في البير النحاس
جا .. طشت جديد
وقرع جديد
ونحاس جديد ..
وما اِنترُّوا ناس ..
ناساً .. تقلْبَ الدنيا
من فوق ..
لي تِحِت ..
لوْ لاقي رأس ..
دُور والمعاك ما انفرَّقُوا
وين وشِّك .. الصَعَب .. الصَلِب
كان صرَّة في الريح بعْزَقُو
وإن ترَّة للغيم دفَّقُو
وإن حرَّة في الموج غرَّقُو
آ .. بتْ ..
كِضِبْ …
معرُوفة ما مِن قُوَّةً ..
تحمِي الفرح .. ولاَّ التَرَحْ ..
حين إندلاقُو على القلب .
لي دُور حديث المُنْغَلِين ..
ما إنْدلا .. مِن فُورتو .. وهَبَدْ .
دمّـّّاً .. صَعَد مِن ها التراب
لابدَّ من ينْزِل مطَرْ رحْمَة .. وسعد ..
ما بَرُوحْ سرابْ ..
هاشم .. نَجِمْةَ الفنْجَرَة ..
نشْهَد .. على إنك ولد ..
طمَّنْتَ .. بي سيلَك بلد
من أولا .. ولى آخِره ..
رجَّعت بوكَ من القبُرْ
قصَّرت لسنات الكُتُر
بكَّمتَ خشم المسخرة
بزِّيت رجال جُوفُن غريق
بس كيف نضيق ..
ضيقاً .. عميق
ويبْقَى الحجر .. فِلْخَةْ جبل ..
والنِبْلَة .. تصبح منجَنِيق ..
أو بندقية معمَّرا .؟
ساق نخلة .. في الطين الطري
نازف .. تَفِج المقبرة ..
قصَبْ التواريخ ينبرِي
ودمَّك عمار المحبرة ..
نشهد على أنك ..
.. ولد ..
بركان جسارة .. ومفْخَرة
زيْ ما شِهدنا على أبوك
فرسان قبيلتك من ورا
ويا السُرَّة بت عوض الكريم
إنك ..مـَرَه ..
ولدك جدَعْ .. مابينْدِبو
حَيّ .. في وليداتنا الدَشَر
لعِبُن ..
طعيم الموت أبو ..
ولدك بخيت ما دام
رقد في صدر أبو
ولدك شفيعنا مع النبي
ولدك يمين يكْفِينا كلَّنا مغْفِرَة .
وهِنا دا الدَرِبْ ..
حِرَّة قَلِب .. صرَّة وشِي
وولدك وعدنا بكل شي
وما في إيدنا حاجةً .. نخْسَرَا ..
ويا السُرَّة .. بت عوض الكريم
معَ إنو كم سنوات ..
ولا بحراً طمح .. لا سمانا
كانت مُمْطِرة ..
كان كلما نحَفِر .. يلاقينا التَرا ..
عند جينا لي دفْنَ التُرَب ..
حسِّينا كم ملكاً .. دَفَنْ
جات غيمة من دون الوكت
جات نسمة ، هبهبت الكفن ..
وبي دمُّو ..
نِبلَتو ..
والحجرْ ..
خيط الحريرة ..
القرمصيص .
دُخْرِينا نامْ يا السُرَّة
في صدرَ الحسن ..
فاتونا بي قدمْ الصَلاح
سبقوك على جنَّة عدن
وسابوكِي نخلة وسط رياحْ
بين الزمن .
لكِن ضراعك هُو الضُراع
على رغم أقداراً قسَن
ماسكي الشُباطين في الصراع
لا بُودِي ..
لا سُوسْ ..
لا وَهَن .
تابِر قليبك زيْ شعاعْ
ما غيَّرن لونُو المِحن
بالك متل ضُلِّك وهِيطْ
عبرت مراكبك ..
بي شراع صبر اِحتمالك
كم محيطْ .
ورُّونا في الزمن العبيط
يا التُرْبَة ..
يا ..
كل الوطنْ …
ما فيش وسيط ..
إلاَّ الصراط المستقيم
السُرَّة بت عوض الكريم
الله .. أيا مرة من قديم
سلطانة
عند فزع البلد
مملوك نشيط
عادية زي قولة السلام
حلوة لسان
لكن إذا تغضب سليط
مرة ما بتفرط في الزمن
وفيها الزمن لحظاتو ابن
ساعة مروق الانجليز
ضبحت غنيماية اللبن
طلعت على ناس القبور
كشحت ورا طرف القبب
عيشاً مجودا للطيور
من زمزميتا والدموع
رشت قبر هاشم
عقب قبر الحسن
والباقي لي كل القبور
في توبا صرت هين من القبرين
بعد ما انبركت
بركة عشق بركة شكر
بركة وفــــا
غيبة الشمس
جبرت خطاها على الرجوع
والقلب من شوق ما اكتفى
ولسع
في غيمة من الدموع
تبراها لي طرف الفريق
شيلة نفس تنزل مطر
ختة نفس تطفى الحريق
آ السُرَّة يادوب يندمل
بين الضلوع جرحاُ غريق
فاتو انجليز ؟؟؟ فوق دا وأهم من انجليز
مبروك وحمديل السلامة
يذكرك ليلة الحسن سارلك عريس
أو من ضراوتو يذكرك
كتل المنيحيس التعيس
ناس تملا في الأزيار
وناس في كل كير واقدالا نار
ناس نازلة في الحيشان تقش
ناساً ترجّع في المضى
والجاي سودانية .. مش؟
السُرَّة ليلا قلب نهار
الواطة غبشا الناس غبش
والروك خدار
باكر دغش
شدت على صلب الحمار
أحموها للميجر تخش
عقبت على بيتو العصر
قصرت مع بتو الحديث
دهت المشايخ والعمد
سفهت عمايل الانجليز
ظلم الحكم يا هو الظلم
كان من جوامع كان كنيس
تبرا السما .. ييرا محمد سيدي
وببرا المسيح
ورجعت بلا الموية الملت حيضانا
لي جدول فسيح
لي دور معلق بالبخور
في بيتا عامر بالمديح
لي دور تزغرد
ما انقرش يا السُرَّة حسها
كيف نصيح
لي دور مع الشاي والزلابية
مع الضبيح
الجوك بالخرفان سمان
والجابو تور لي دور كبيباتك تدور
ما قصر الطمباري جاك
من خوردليب
رحلت بروش الزاوية عندك
في الفريق يا السُرَّة
ما فضى عنقريب
السُرَّة بينات الخلوق
مراتاً الليل آ بيحوق
لي دور على كف الفرح
تتعب عيونك وتستريح
لي دور تكلك قاج تكية
يالسُرَّة دارك ماج ضريح
وأيام بعد سقت الخدار
ود إيدا جيهت العقاب
قامت معاها تسع رجال
للنوبة فوق ضهر البخار
قالت عليها نذر قديم
واقع عليها نذر عزيز
إن حي في الدنيا ونصيحة
إن كان تشوف بي عينة فوتة الانجليز
إن كان تطق زغرودة في ضل العلم
خلوها تدخل للختم
احموها يكفيها الضريح
وشوف عين تشوف الأزهري
وبي ما يكون
صح النذر
ما راح وهم
دماعا جرى في العيون
في ساعة المحجوب نضم
وانشر عند زروق بزم
ما كان تكون يا قيحة حي
وأنا أفش مغستي وأصفي دم
من تاني يا رخم الوخم
ما دام حرسناها الأرض
تيربنا بوقنا ومسحنا
قمحنا هسع في الوحم
هاشم ولا أسفاً عليك
وعلى رفاقتك لا ندم
ما دام بقينا أسياد بلد
ما فتو يوم أبدا .. قسم
والفوتك يا الانجليز
يعقب على باقي السجم
آفاتم أولاد الحرام
أكبر من آفات العجم
يا السُرَّة بت عوض الكريم
سرة عقاب
سرة تواصل بينا بين رحم التراب
والجاي في الزمن الرحيم
مرة من قديم
مافيها علقنة الرجال
ما فيها دلقنة الحريم
مرة بت قبايل قالوا لا
واختاروا في الحق الجحيم
ومن رفقة الفسل الخلا
وكانت نعم تدي النعيم
مرة من صميم ضهر الغلابة
الما بتنكس راسا غير ساعة الصلاة
أو ترمي تيراب في التراب
أو تستشف وجه السديم
جات داخلة زي مرقة غضب
من جوف حليم
في زمن صعب
ومرقت متل دخلة غضب
يا السُرَّة ليم .
"محمد الحسن سالم حميد"
أبوبكرحامد
21-02-2006, 02:48 AM
تشكر أبو الزعيم ، لك وللقابض على جمر القضية هاشم صديق كل التجلة والتقدير.
أبوبكرحامد
21-02-2006, 02:58 AM
لك الشكر والثناء فدوى ولمبدعنا القدال ولكل من عبر عن أوجاعنا التحية والتقدير ، والرحمة والغفران للرائع مصطفى سيد أحمد تلكم الزهرة البرية التى أينعت قبل أوان الإيناع .
أبوبكرحامد
21-02-2006, 03:02 AM
شقيق الروح .................. سوباوى
لك أن تتخير من الأمكنة ماشئت لأن حضورك دوماً إستثنائى .
السرة بت عوض الكريم هى ضميرنا الحاضر ، وجمع مسودن سالم .
فدوى الحسن
21-02-2006, 04:27 AM
الشاعر / محي الدين الفاتح محي الدين
أتطلع لإمرأة نخله
النخلة
و أنا طفل يحبو
لا أذكر كنت أنا يوما طفلاً يحبو
لا أذكر كنت أنا شيئاً بل قل شبحا يمشي يكبو
قد أذكر لي سنوات ست
و لبضع شهور قد تربو
أتفاعل في كل الأشياء
أتساءل عن معنى الأسماء
و النفس الطفلة كم تشتط لما تصبو
في يوم ما ... إزدحمت فيه الأشياء
أدخلنا أذكر في غرفة
لا أعرف كنت لها إسماً
لكني أدركها وصفا
كبرت جسماً ... بهتت رسماً ... عظمت جوفاً... بعدت سقفاً
و على أدراج خشبية كنا نجلس صفاً صفا
و الناظرُ جاء ... و تلى قائمة الأسماء
و أشار لأفخرنا جسداً أن كن ألفة ... كان الألفة
أتذكرهُ إن جلس فمجلسه أوسع
إن قام فقامته أرفع
إن فهم فأطولنا إصبع
و لذا فينا كان الألفة
كم كان كثيراً لا يفهم
لكن الناظر لا يرحم
من منا خطأهُ الألفة
كنا نهديه قطع العملة و الحلوى
لتقربنا منه زلفى
مضت الأيام ... و مضت تتبعها الأعوام
أرقاماً خطتها الأقلام
انفلتت بين أصابعنا
و سياط الناظر تتبعنا
و اللحم لكم و العظم لنا
و مخاوفنا تكبر معنا
السوط الهاوي في الأبدان ضرباً... رهباً ... رعباً ... عنفا
الباعث في كل جبان هلعاً ... وجعاً ... فزعاً ... خوفا
و الصوت الداوي في الآذان شتماً ... قذفا
نسيتنا الرحمة لو ننسى يوماً رقماً
أو نسقط في حين حرفا
و المشهد دوماً يتكرر
و تكاد سهامي تتكسر
لكأني أحرث إذ أبحر
لا شط أمامي لا مرفأ
و جراحي كمصاب السكر
لا تهدأ بالا لا تفتر
لا توقف نزفاً لا تشفى
**********
و غدت تُخرسنا الأجراس
و تكتم فينا الأنفاس
و تبعثرنا فكراً حائر
للناظر منا يترأى وهماً في العين له الناظر
في الفصل على الدرب و في البيت
يشقينا القول كمثل الصمت
الصوت إذا يعلو فالموت
فانفض بداخلنا السامر
و انحسرت آمال الآتي
من وطأة آلام الحاضر
لكني أذكر في مرة
من خلف عيون الرقباء
كنا ثلة ... قادتها الحيرة ذات مساء
للشاطئ في يوم ما
إذ قامت في الضفة نخلة
تتعالى رغم الأنواء
تتراقص في وجه الماء
فإذا من قلتنا قلة
ترمي الأحجار إلى الأعلى
نرمي حجراً ... تلقي ثمراً
نرمي حجراً ... تلقي ثمراً
حجراً ... ثمراً ... حجراً ... ثمراً
مقدار قساوتنا معطاء
يا روعة هاتيك النخلة
كنا نرنو كانت تدنو و بنا تحنو
تهتز و ما فتأت جزلى
من ذاك الحين و أنا مفتون بالنخلة
و الحب لها و ليوم الدين
مطبوع في النفس الطفلة
**********
مضت السنوات و لها في قلبي خطرات
صارت عندي مثلاً أعلى
يجذبني الدرس إذا دارت القصة فيه عن النخلة
و يظل بقلبيي يترنم
الوحي الهاتف يا مريم
أن هزي جزع النخلة
في أروع لحظة ميلاد
خُطت في الأرض لها دولة
و مضت الأيام ... جفت صحف رفعت أقلام
فإذا أيام الدرس المرة مقضية
و بدأنا نبحث ساعتها عن وهم يدعى الحرية
كانت حلم راودني و النفس صبية
تتعشق لو تغدو يوما نفساً راضية مرضية
تتنسم أرج الحرية
وكدت أساق إلى الإيمان
أن الإنسان قد أوجد داخل قضبان
و البعض على البعض السجان
في سجن يبدو أبديا
فالناظر موجود أبداً في كل زمان و مكان
فتهيأ لي أن الدنيا تتهيأ أخرى للطوفان
و أنا إذ أمشي أتعثر
لكأني أحرث إذ أبحر
لا شط أمامي لا مرفأ
و جراحي كمصاب السكر
لا تهدأ بالاً لا تفتر
لا توقف نزفاً لا تشفى
************
أعوام تغرب عن عمري و أنا أكبر
لأفتش عن ضلعي الأيسر
و تظل جراحي مبتلة
تتعهد قلبي بالسقيا
أتطلع لامرأة نخلة
تحمل عني ثقل الدنيا
تمنحني معنى أن أحيا
أتطلع لامرأة نخلة
لتجنب أقدامي الذلة
و ذات مساء و بلا ميعاد كان الميلاد
و تلاقينا ما طاب لنا من عرض الأرض تساقينا
و تعارفنا ... و تدانينا ... و تآلفنا ... و تحالفنا
لعيون الناس تراءينا
لا يُعرف من يدنو جفنا منا و من يعلو عينا
و تشاركنا ... و تشابكنا
كخطوط الطول إذا التفت بخطوط العرض
كوضوء سنته اندست في جوف الفرض
كانت قلباً و هوانا العرق فكنت الأرض
و أنا ظمأن جادتني حباً و حنان
اروتني دفاً و أمان
كانت نخلة تتعالى فوق الأحزان
وتطل على قلبي حبلى
بالأمل الغض الريان
و تظل بأعماقي قبلة
تدفعني نحوالإيمان
كانت لحناً عبر الأزمان
يأتيني من غور التاريخ
يستعلي فوق المريخ
صارت تملأني في صمتي
و إذا حدثت أحس لها ترنيمة سعد في صوتي
أتوجس فيها إكسيرا
أبداً يحيني من صمتي
و بذات مساء و بلا ميعاد أو عد
إذ كان لقاء الشوق يشد من الأيدي
فتوقف نبض السنوات
في أقسى أطول لحظات
تتساقط بعض الكلمات
تنفرط كحبات العقد
فكان وداع دون دموع كان بكاء
لا فارق أجمل ما عندي
و كان قضاء أن تمضي
أن أبقى وحدي
لكني باق في عهدي
فهواها قد أضحى قيدي
و بدت سنوات تلاقينا من قصر في عمرهلال
لقليل لوح في الآفاق
كظلال سحاب رحال
كندى الأشجار على الأوراق
يتلاشى عند الإشراق
لكنا رغم تفرقنا
يجمعنا شيءٌ في الأعماق
نتلاقى دوماً في استغراق
في كل حكايا الأبطال
نتلاقى مثل الأشواق
تستبق بليل العشاق
نتلاقى في كل سؤال يبدو بعيون الأطفال
و لئن ذهبت سأكون لها و كما قالت
فبقلبي أبداً ما زالت
ريحاً للغيمة تدفعها حتى تمطر
ماءً للحنطة تسقيها حتى تثمر
ريقاً للوردة ترعاها حتى تزهر
أمناً للخائف و المظلوم
عوناً للسائل والمحروم
فلن ذهبت فلقد صارت
عندي جرحاً يوري قدحاً
يفلق صبحاً يبني صرحاً
لأكون بها إيقاعاً من كل غناء
لو يصحو ليل الأحزان
و خشوعاً في كل دعاء
يسعى لعلو الإيمان
ترنيماً في كل حداء
من أجل نماء الإنسان
من أجل بقاء الإنسان
من أجل إخاء الإنسان
__________________
أبوبكرحامد
26-02-2006, 04:25 AM
لك الشكر فدوى وأنت تعطرين هذه المساحة برائعة المبدع محيى الدين الفاتح ، فلك وله التحية والتجلة.
فدوى الحسن
01-03-2006, 12:36 PM
ياملهمتي..
للكاتب : صلاح الباشا... الدوحة
لم يقابلها.. لم يرها بعد .. وربما لا يراها .. لكن خياله المفعم بالوجد دوماً قد لامس خيالها وكأنه قد إستمع بأُذنه المرهفة إلي دفء صوتها.. فقديماً قيل .. (الأُذنُ تعشقُ قبل العين ِ أحياناً ) ..
ولعل دفقات الجمال التي رآها بخيال عيونه من بريق شعاع مفردات لغتها المتميزة التي أرسلتها له.. قد سرت حرارتها داخل جسده المعطون في رائحة تراب البلد .. فحبات اللؤلؤ الغالي قد تناثرت في كل المهاجر.. فهي - حبات اللؤلؤ تلك – تبقي مسترخية في أعماق بحار المهاجرفي إنتظار من يلتقطها00
لكل ذلك .. فقد خاطبها بحيائه المعروف لدي الكافة .. هامساً في شفافية أُذنها الصاغية بكل تودد ورقة وهدوء .. مستأذناً وقائلاً لها :-
يا ملهمتي
أتحرّقُ شوقاً للقيا
أحسبُ لحظات الدهـرِ
الوجهُ الهاديءُ .. يتفرّد
والشعرُ الأسودُ .. يتوسد
والقلبُ المرهفُ .. يتمدد
والحب الطاهرُ.. يتجسد
يا ملهمتي .. إني أشهد
اللهُ تعالي .. أكرمني
صّورُكِ .. وأبدعَ في المشهد
فلهُ الشكرُ .. وله أحمد
وبه أتوكلُ .. أتعبّد
يا ملهمتي..
الذوقُ العالي .. يدهشُني
والأدبُ الغالي.. يعلمُني
وصفاء الوجهِ.. يأسِرُني
ونقاءُ القلبِ.. يحاصرُني
فالحب الطاهرُ.. ينعشـُني
وحنان شعورُكِ..يجذبني
وحديث الوجد.. يداعبُني
همساتـُكِ.. تنسابُ وتجري
مجري التيارِ .. إلي بدني
ياملهمتي…000
اللحظة ُ .. تمضي والدهشه
والحبُّ .. يرفرفُ في عِـزّه
والليلُ قصيرُُ.. يسرقـُني
والقلبُ المُرهـَفُ .. في رعشه
فليهنأُ زمني.. بما يحوي
وليذهبُ عمريَ .. في لحظه
ياملهمتي…
الشِعرُ.. يأتيني خجـِلا ً
حدثـتـُه يوماً .. أن يهدأ
لكنه .. يأبي يطاوعني
ويقاومُ أمري.. ويقحـِمُني
أنساهُ .. وأهربُ أيـاماً
وأعودُ إليه.. فيسجنني
كالطفلُ سعيداً .. منتـشـياً
في المهدِ .. أنامُ ويحضنـُني
يا ملهمتي000
أسـألـُكِ .. أن تبقي قـُربي
لتخففي عنيَ أحزاني
في الليلِ .. أُغالبُ أشجاني
عينايَ.. تسعدُ برؤاكِ
وخيالي يسرحُ .. وكياني
وبريقُ عيونك.. يسحُرني
أهديكِ .. زماني .. ومكاني
فالصبرُ الأجملُ .. من طبعك
أسقيكِ .. حبي .. وحناني
حياكِ اللهُ .. فاتـنتـي
أبقاكِ.. ياقمرَ زماني
بشارك بهذه القصيدة لاني معجبة بيها شديد ومن أكثر الناس المتابعين للاستاذ صلاح الباشا وعندو معزة خاصة جواي........
أبوبكرحامد
01-03-2006, 09:00 PM
هى قصيدة رائعة بالفعل ، أحيى فيك فدوى الذوق السليم فى الإختيار ، ليتك تتحفينا بالمزيد من إبداعات الباشا وغيره من المبدعين ، لكما صافى الوداد.
أبوبكرحامد
06-03-2006, 02:37 AM
القصيدة أدناه هى للشاعر أمل دنقل - وهى منشورة بمجلة الشعر العدد 112 الصادر فى أكتوبر 2003 .
الخيول – للشاعر أمل دنقل
(1)
الفتوحات فى الأرض – مكتوبة بدماء الخيول
وحدودُ الممالك
رسمتها السنابك
والركابان : ميزان عدل يميل مع السيف
حيث يميل
**************
اركضى أو قفى الآن .. أيتها الخيلُ :
لستِ المغيرات صبحا
ولا العاديات – كما قيل – ضبحا
ولاخضرة فى طريقك تُمحى
ولاطفل أضحى
إذا مامررت به ... يتنحَّى
وهاهى كوكبة الحرس الملكى..
تجاهد أن تبعث الروح فى جسد الذكريات
بدقِّ الطبول
اركضى كالسلاحف
نحو زوايا المتاحف..
صيرى تماثيل من حجرٍ فى الميادين
صيرى أراجيح من خشبٍ للصغار – الرياحين
صيرى فوارس حلوى بموسمك النبوى
وللصبية الفقراء حصاناً من الطينِ
صيرى رسوماً ... ووشماً
تجف الخطوط به
مثلما حفَّ – فى رئتيك – الصهيل !
(2)
كانت الخيلُ - فى البدءِ – كالناس
برِّيَّةً تتراكضُ عبر السهول
كانت الخيلُ كالناس فى البدءِ ...
تمتلكُ الشمس والعشب
والملكوتِ الظليل
ظهرها... لم يوطأ لكى يركب القادة الفاتحون
ولم يلنِ الجسدُ الحُرُّ تحت سياطِ المروِّض
والفمُ لم يمتثل للجام
ولم يكن ... الزاد بالكاد
لم تكن الساق مشكولة
والحوافر لم يك يثقلها السنبك المعدنى الصقيل
كانت الخيلُ برِّيَّة
تتنفس بحرية
مثلما يتنفسها الناس
فى ذلك الزمن الذهبى النبيل
**************
اركضى ... أو قفى
زمنٌ يتقاطعُ
واخترتِ أن تذهبى فى الطريق الذى يتراجعُ
تنحدرُ الشمس
ينحدرُ الأمس
تنحدر الطرق الجبلية للهوَّة اللانهائية
الشهب المتفحمة
الذكريات التى أشهرت شوكها كالقنافذِ
والذكريات التى سلخ الخوفُ بشرتها
كل نهر يحاول أن يلمس القاع –
كل الينابيع إن لمست جدولاً من جداولها
تختفى
وهى ... لاتكتفى
فاركضى أو قفى
كل دربٍ يقودك من مستحيل إلى مستحيل !!
(3)
الخيولُ بساط على الريح ...
سار – على متنه – الناسُ للناسِ عبر المكان
والخيولُ جدارٌ به انقسم
الناس صنفين :
صاروا مشاةً وركبان
والخيول التى انحدرت نحو هوة نسيانها
حملت معها جيل فرسانها
تركت خلفها : دمعة الندى الأبدى
وأشباح خيل
وأشباه فرسان
ومشاةٍ يسيرون- حتى النهاية – تحت ظلال الهوان
أركضى للقرار
واركضى أو قفى فى طريق الفرار
تتساوى محصلة الركض والرفض فى الأرض
ماذا تبقى لكِ الآن ؟ ماذا ؟
سوى عرقٍ يتصببُ من تعبٍ
يستحيل دنانير من ذهبٍ
فى جيوب هواةِ سلالاتك العربية
فى حلبات المراهنةِ الدائرية
فى نزهة المركبات السياحية المشتهاة
وفى المتعة المشتراة
وفى المرأة الأجنبية تعلوكِ فى ظلالِ أبى الهول
( هذا الذى كسرت أنفه *** لعنة الإنتظار الطويل )
إستدارت – إلى الغربِ – مزولة الوقت
صارتِ الخيلُ ناساً تسيرُ إلى هوَّةِ الصمت
بينما الناسُ خيلٌ تسيرُ إلى هوَّةِ الموت !!
أشرف السر
07-03-2006, 05:08 AM
أبوبكر
أمل دنقل وعالمه الشعري أرض ثره و وعرة، قليل هم من يستطيعون التوغل في هذا العالم..
القصيدة جوهرة من جواهره بلا ريب.. واكثر من يعجبني فيها خاتمتها:
ماذا تبقى لكِ الآن ؟ ماذا ؟
سوى عرقٍ يتصببُ من تعبٍ
يستحيل دنانير من ذهبٍ
فى جيوب هواةِ سلالاتك العربية
فى حلبات المراهنةِ الدائرية
فى نزهة المركبات السياحية المشتهاة
وفى المتعة المشتراة
وفى المرأة الأجنبية تعلوكِ فى ظلالِ أبى الهول
( هذا الذى كسرت أنفه *** لعنة الإنتظار الطويل )
إستدارت – إلى الغربِ – مزولة الوقت
صارتِ الخيلُ ناساً تسيرُ إلى هوَّةِ الصمت
بينما الناسُ خيلٌ تسيرُ إلى هوَّةِ الموت !!
عشوشه
11-03-2006, 02:05 AM
علاقة الدم
لهاشم صديق
سوف اصنعُ لي فتاة من دمائي
كي تقدسني وتبكي عند موتي
دون زيف
سوف اصنع لي فتاة
من دخان سجائري
لتلم عن وجهي غبار الاغتراب
وكي تقيني من مكابدة النزيف
سوف اصنع لي حبيبة
تفهم الوطن الذي اشقى به
واخصها بالشعر والحمى
اسميها نضال
قد قلت يوما : هكذا تلد المدينة
من غزارتها غبارا
كي تسمية دماً
فتلفت الوجهاء حيث اشرت
ثم تناقشوا في اللون .. واللغة البذيئة ..والرغيف
كم تبعد الاشياء عن لغتي ..وانت تغادرين دمي
الي اقصى تفاصيل النقيض ..تتسللين الي نوافذ غربتي
وتهيئين القبر من أجلي لأرقد ..في سلام
كم يبعد الشعراء عن الحانهم ..كي يكتبوا اشياء اخرى
لاتخص العاشقات
اذن
ساعلن في المدينة عن حياتي
ثم اخرج عارياً .. في هيئة الاطفال
كي اجد البراءة في ثياب الانقياء
اكذا نموت ..كما ولدنا ..عاريين من البكاء
انه وطن جميل ..رغم التناقض في ازقته
ولكن كيف يمكن ان اعود الي السماء ؟؟؟
اني غريب..والان قد ادركت بعض خصائص الكون الرحيب
فلا مفر من الحبيبة
سوف اصنعها لتكتب عن دمي نثرا
وتضع ثورةً للحلم والوطن الحبيب
سوف اصنع لي حبيبة
سوف اصنع لي وطن
أبوبكرحامد
11-03-2006, 04:06 AM
الرائع أشرف السر ........... سعدت بإطلالك .
القصيدة بحق إحدى روائع الجنوبى " أمل دنقل " ، فرحت للتوافق حول روعة خاتمة القصيدة ، فخرجت منك ممتلئاً بك حتى غازلتنى الصبية " الشقية " أسفل مشاركتك.
أبوبكرحامد
11-03-2006, 04:08 AM
لك التحية والتجلة عشوشة وأنت ترفدين المساحة برائعة سيد الوجعة " هاشم صديق " ، لكما منى الحب والسلام والتحية .
سوباوي
11-03-2006, 05:27 AM
الراقية عشوشة ...
أستاذنا .. أبوبكر حامد .....
جميل هذا النص الذي ورد على قلم الأخت الرائعة عشوشة ... ولكني أعتقد أن النص للأستاذ الصادق الرضي وليس
للأستاذ هاشم صديق .. وقد ورد هذا الخلاف في بوست سابق بيني وبين الأخ خالد حمد موسى .. ولكنه كان على
يقين من رأيه في أن النص للأستاذ هاشم صديق وهنا سأورد ردي على الأخ المبدع خالد حمد موسى .. ولكنه وربما
لمشغولياته لم يعد للرد على ما أوردته له
************************************************** **
الودود خالد حمد موسى
عزيزي ود حمد لك الود وأنت تمطرنا بإبداعاتك المريحة على النفس تماماً ...
أعود لقولي بأن النص يخص الأستاذ الشاعر الصادق الرضي ....
وستجده له في مجموعته الشعرية غناء العزلة ... وهي من أجمل مجموعاته أتمنى أن تقتيها ما أمكن ... وستجد نص
"علاقة الدم" على الصفحة رقم (5) في هذه المجموعة .. والتي كتب الشاعر الصادق الرضي في مقدمة إهدائها أبيات
للشاعر الفذ "أمل دنقل" وهي :
آه ... ما أقسى الجدار ...
عندما ينهض في وجه الشروق ...
ربما ننفق كل العمر ...
كي ننقب ثغره ..
ربما لو لم يكن هذا الجدار ...
ما عرفنا قيمة الضوء الطليق "أمل دنقل"
وتضم هذه المجموعة عدد من النصوص الرائعة للشاعر الصادق الرضي وهي على التالي إبتداءً من الصفحة (5) التي
يحتلها نص "علاقة الدم" وتبتدئ به المجموعة ثم تليها "عن الأرض والحمى - رماد - زمن الياسمين إلى فاطمة - كتاب
الفقر واللعنة - من أوراق الغربة - القصيدة الأخيرة .. أو جنازة - كتابة الدم في رثاء الحبيبة - قصيدة النيل قراءة الشمس
- غناء العزلة ضد العزلة" وهي عنوان المجموعة وقصيدة الختام .
تحياتي الوريفة لك أخي خالد حمد موسى .. وكن بعافية دوماً
__________________
العزيز أبوبكر حامد .. الرائعة عشوشة الرجاء .. تصحيحي أن كنت مخطئ وأن أصبت فيكون التصحيح للنص بنسبته
لشاعره ..
ودمتم،،،
عشوشه
12-03-2006, 12:21 AM
الاخ سوباوى مشكور على التصحيح الا اننى سالت عن كاتب القصيده فقيل لى انه هاشم صديق الا اننى صرحة لم اجد فيها نفس اسلوب هاشم صديق .
أبوبكرحامد
12-03-2006, 02:52 AM
شقيق الروح ......... سوباوى
لك عميق الشكر لحضورك الزاهى وللتصويب بشأن شاعر القصيدة التى أرفقتها الرائعة عشوشة التى أوافقها الرأى أن القصيدة لاتحمل أنفاس سيد الوجعة هاشم صديق ، فله وللمبدع الصاق الرضى - ولكل من تخذ الكلمة بلسماً ومرسماً وأغنيات - عاطر التحايا .
سوباوي
12-03-2006, 03:03 AM
الراقية الأخت .. عشوشة ...
الأليف .. أبوبكر حامد ...
شكراً .. أنيقاً لكم .. بحوزتي الآن ديوان غناء العزلة ضد العزلة .. ويحوي هذه القصيدة كما ذكرت .. وكل التحايا
للأستاذين هاشم صديق والصادق الرضي ..ولكل منهم مدرسته المتفردة ...
وهنا أعزائي أبوبكر حامد - عشوشة .. نص أردده دوماً للشاعر محجوب شريف .. أهديه لكم ولهذا البوست الفائح
بعطر روعتكم ...
*****************
الطارق مين
أنا قاسم أمين
****
أهلاً بالراي
شيخ السراي
****
إتفضل جاي أعملّك شاي
اللحظة معاك بتساوي سنين
وعليك هالات من ضؤ لينين
بتحكى كتاب الزمن الجايي
تنحت تنحت فى الأعماق
أنفاق أنفاق
****
قاسم أمين يا قاسم أمين
خبرك شالوا وجابوا الريح
قطر إترنح فى القضبان
سكة فى سكة السنده تسيح
وجات اُم احمد فينا تصيح
****
ليكم يوم يا جلادين
ليكم يوم يا جلادين
ليكم يوم يا جلادين
أبوبكرحامد
12-03-2006, 09:51 PM
محجوب شريف وبلا تذويق هو انسان أصيل ، تجد فى مفرداته ومواقفه نموذج للمواطن السودانى فى أنبل ماتكون الإنسانية والمواطنة ، ندعو الله أن يحفظه للوطن الذى عشق ولمحمد أحمد فى قيده عساه يكسر القيد وينعتق ، والتحية لقاسم أمين وقد أنقضت أيام على الإحتفاء العالمى بيوم المرأة التى ندعوا لها بالتحرر من ظلمة الآخر وظلامات الشواذ فكرياً وإنسانياً .
zoolfrda
12-03-2006, 10:08 PM
أبوبكر حامد
أحبك أودك أعزك ياصاحب القلب الودود يا أعز ناسي وأغلى مافي الوجود
بيقولوا المحبه شوق وانا شوقي بيقتلني صحيح انك بعيد عني ولكن مسكنك قلبي
حلفتك مهما المسافه تبعدك تبقى معاي تبقى مثل غيمة فرح تحضن شقاي
الصبح كلمة فرح تفتح جسور الأمل والحب كلمه شوق تبدأ بصباح العسل
الصبح هادي والكون يانادي وين حبيبي اللي لي حبي جادي
ولو تعرف قدر الشايلو ليك جواى كبير وعظيم فرح الدنيا ما بسواه لا بتهد ولا بفنيه صباع دناميت
لو كان عندك للموده قوانين أديني حقوق المعرفه والصداقه
فرشت الود بساط اخضر كتبت الحب مداد احمر حرقت الند تواشيح ريد ختمت قليبى بى حبك بصمت العشره فوق الميه ما اتكفيت
محتار اقولك ايه ما لي معاكي صراح..يكفيك حنين قلبي اللي انتي زدتيه جراح
دست الآهه كم قاسيت عصرت دموع ضويتها شموع وشلتك كلمه فى نغماتى في اشعارى فى الدوبيت
اشتاق قلبي لي لقاه ويفرح ديمه في حداه ***وطالت شوفتي للراسيه****صبح لحن الهوي ومعاهو وصبحتوا والشادي غناه وطــــــــــــالت شوفتي للراسيه
وانا الموسوم بجمر الحب ونار الحب توجوج ديمه فى قليبى لا اتململت لا كليت ولا مليت وانا الهاتيت باسمك آهه فى ضلوعى
انا الحبيت وما جنيت وانا الغرقان فى بحر الريده واتحديت كل الناس اصارع الموج وانا العطشان عطش صحراء تقاسى الجديه فى عز الهجير الحار وما مليت
أبوبكرحامد
13-03-2006, 12:04 AM
الودود الزول الفردة ........... مرحباً بك فى رحاب المنتدى الثقافى الذى نسعى من خلاله لنفى الإتهام لجيلنا والأجيال التى تليه وهو اتهام بالخواء الفكرى فى ظل قنوات الفيديو كليب التى ألغت العقل والروح معاً ، ونحمد للمنتدى استقطابه لكوكبة من الرائعين وهم بحق مفخرة للوطن والثقافة .
لاقوانين او احكام تقيد عشقنا المطلق لكل ماهو جميل ، وأنت ابن شمبات ولديكم تناخ ركاب العشاق :
فى شمبات حليل مجلسنا
الهوى والعفاف حارسنا
أستاذ الغرام درَّسنا
لى شجر المحنَّة غرسنا
أبوبكرحامد
19-03-2006, 10:25 PM
قصيدة : لا ينزف العشق من جرح مرتين..
الشاعر د. معز عمر بخيت
من ديوانه / البحر رسول هواك
*********************************
يا ليل العشق الجاثم
بين النجوى والأحلام..
يا وعد الشمس القابض
في أطراف الفجر ظلام
يا شفق الحزن الصاخب
والأوهام..
ماذا خبأت بجيب الريح
وأنت تهاجر من أقصاك
لحد الأرض بكف غمام
ماذا أبقيت وأنت تغازل
عطر الوعي من استلهام
يا هذا النزف الجامح
ملء البحر
أما استكفيت من الآلام
ألم تستدرك
أن جميع قلاع الدنيا
في ذكراك تظل قيام
وأن الحج إلي عينيك
سيعتق بصري
حين الروح تذوب هيام
علمني عشقك كيف أغيب
وكيف أذوب وكيف أنام
بين الشمس وبين الظل
وبين التوبة والآثام
وبين الحلم وبين الظلم
وبين الرهبة والإقدام
وبين حريقي غيث شجوني
بين جنوني والإبهام..
عجباً يا رمح
متى استسلمت لضلع الأنثى
واستهديت بكل غرام..
ونزعت النور من القمرين
ومن نجمين ومن أنغام
وزرعت هواك بصدر هواي
وبين دماي حقول رخام
ميقاتك ولّى حين الشوق
من الأعصاب تدلّى ولهاً ثم أقام
قُدّاس مغيبك عند الفجر
وقصر الضوء تصدع هام..
في كفيك يسافر شوقي
ليل التوق يطوف وئام
زهاؤك ينمو في الآفاق
وصحو النور عليك منام
من يتسامى بالإيمان
يمس البرق الطالع منك
يضم الشمس بكل مقام
ومن يتهاوى من عليائك
يسقط شهباً
ناراَ ترقص بالإضرام
ومن يتحدى عين رؤاك
ويزرع في أحشاء الوجد رهام
ملك اللؤلؤ والمرجان
ونبض الشاعر والأقلام
فأنت الأسمى في إيثارك
في إصرارك
في أنهار البوح تمام
وأنت أريج النغم السامي
لحن هيامي.. عطر كلام
وأنت نبي الحسن سماحاً
صوت النور هدى الإلهام
وأنت العصب الدامي شبقاً
نبع الصدق وطيب مرام
وأنت الواحد بين زحامي
بين سقامي رشق سهام
تتلقاك بكف الغيب
على أبواب البدء ختام..
قصور الفرح الوعد الحلم
حريق الساعة والألغام
عام يمضي في لقياك
وفي ذكراك يسافر عام
عام يمضي عام يأتي
عام يسقط تلو العام
وكل سنين الماضي الحيرى
والمستقبل والأيام
أيا موعوداً بالملكوت
على جنات الخلد سلام
جلالك سحرٌ ليس يقاوم
عشقك موت كيف يُدام
وسحرك نورٌ ليس يُحد
وحبٌ غيرك ليس يُقام.
فدوى الحسن
20-03-2006, 11:30 AM
انت مافي
اسحاق الحلنقي
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي
انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي
انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي
انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي
أبوبكرحامد
20-03-2006, 10:16 PM
التحية والتجلة للحلنقى الرائع بروعة كسلا واهلها الكرام .
ولك أختى فدوى:
وانتى مافى .......... تجافى للشعر القوافى
شاكر لك هذا الحضور الأنيق.
أبوبكرحامد
25-03-2006, 10:03 PM
القصيدة التالية للصديق الطيب بشير ، منقولة من الموقع الرائع tabatpeople ، مهداة لكاظم الزعيم ولكل أعضاء المنتدى الثقافى.
................................................
دَمْعَـةٌ صَادِقَـة
هَـرَبتُ لأَحـرُفِي عَـلِّي أشَطِّــرُهَا أُقَـــفِّيهَا
وأقـدَحُ صَامِت الأشْعَـارِ والإلهَـــامُ يَجْــفِيهَا
وهَلْ في المَوْعِدِ المَزْعُومِ تَأتِـي كَـي أُوَافِــيهَا
أُحَـدِّثُهَا عَنْ الأشْــوَاقِ أُثْبِتُــهَا فَتَـنْـــفِيهَا
أَيَمْشِـي كَاسِـيَ الأَقْـدَامِ فِي الرَمْـضَا كَحَـافِيهَا
أَأَشْكُـو ظُلْــمَ قَاتِـلَتِي لِمَحْــكَمَةٍ .. أَيَكْـفِيهَا
وكَـيفَ يَطَالُهَا القَانُـونُ والمَقْــتُولُ يَعْــفِيهَا
وتُوقِـدُ للجَــوَى نَـارَاً وهَلْ دَمْـعِي سَيُطْـفِيهَا
وقَسْـرَ إِرَادَتِـي فَـرَّتْ دُمُـوعَاً كُنتُ أُخْــفِيهَا
ودَمْـعَةُ صَادِقِ الإِحْسَاسِ لا يُجْـــدِي تَـلاَفِيهَا
وَسَحَّـتْ عَبْرَتِي فَاضَتْ لَعَـلَّ الدَمْـعَ يَشــفِيهَا
وغَامَـتْ حَـوْلِيَ الرُؤيَا عَـن الدُنيَـا بِمَـا فِيهَا
هُمُـومُ الصَبِّ بَعْدَ جَفَاكِ اكْـتَمَــلَتْ أَثَــافِيهَا
أيَحْسُـو عَلْـقَمَ الأَيَّـامِ بَعْـدَ شَـرَابِ صَـافِيهَا
تُسَهِّـدُ أَعْـيُنِي بِاللَـيلِ ثُـمَّ تَـنَامُ غَـــافِيهَا
وأَهْـدَابِي عَلَى التِهْمَـالِ مَـا فَتِـئَتْ تُكَــافِيهَا
تُدَثِّـرُهَا مِن النَظَـرَاتِ خَـائِنِــهَا .. وَوَافِيهَا
وَرُوحِـي كُلَّمَا نَشَـدَتْ لِــقَاءً .. لاَ تُـوَافِيهَا
كَــأَنَّ اللهَ أَوْعَــدَهَا لَئِـنْ هَجَـرَتْ يُكَافِيهَا
الجامعة الأهلية مايو/1996م
أبوبكرحامد
09-04-2006, 02:17 AM
ريتا والبندقية .... محمود درويش
بين ريتا وعيونى .. بندقية
والذى يعرف ريتا ينحنى
ويصلى
لإلهٍ فى العيون العسلية
*****
وأنا قبّلت ريتا
عندما كانت صغيرة
وأنا أذكر كيف التصقت
بى وغطت ساعدى أحلى ضفيرة
وأنا أذكر ريتا
مثلما يذكر عصفور غديره
آه .... ريتا
بيننا مليون عصفور وصورة
ومواعيد كثيره
أطلقت ناراً عليها ... بندقية
*******
إسمُ ريتا كان عيداً فى فمى
جسم ريتا كان عرساً فى دمى
وأنا ضعتُ بريتا ... سنتين
وهى نامت فوق زندى سنتين
وتعاهدنا على أجمل كأس ، واحترقنا
فى نبيذ الشفتين
ووُلِدنا مرتين
آه .... ريتا
أىُّ شىءٍ ردَّ عن عينيكِ عينىَّ
سوى إغفاءتين
وغيوم عسلية
قبل هذى البندقية
*****
كان ياما كان
ياصمت العشيّة
قمرى هاجر فى الصبح بعيداً
فى العيون العسلية
والمدينة
كنست كل المغنين ، وريتا
بين ريتا وعيونى ... بندقية
رايعين يا شباب ننتظر منكم المزيد وفقكم الله
أشرف السر
10-04-2006, 04:27 AM
ريتا والبندقية
قصيدة كشهقة الطفل.. قصيرة ومؤثرة
فلتبق قصيدة × أسبوع حيرة زاخرة بالدر الثمين..
ودمت لنا أخي أبوبكر حامد
أبوبكرحامد
11-04-2006, 11:56 PM
رايعين يا شباب ننتظر منكم المزيد وفقكم الله
لك الشكر بشار على مرورك ، وفقنا الله واياكم لما فيه خير المنتدى والإنسانية.
أبوبكرحامد
12-04-2006, 12:04 AM
ريتا والبندقية
قصيدة كشهقة الطفل.. قصيرة ومؤثرة
فلتبق قصيدة × أسبوع حيرة زاخرة بالدر الثمين..
ودمت لنا أخي أبوبكر حامد
ليتنا نرفد المنتدى بكل الروائع ، فنحن هنا نؤسس لإهتمامات إبداعية تشغل الفضاء الذى أراد له الرجرجة والدهماء حكراً للغث والقبيح من السلوك والفعال.
ريم عبد العزيز
12-04-2006, 12:28 AM
مشكور كتييير على الفكرة أخ ابوبكر
وزى ماقال ابراهيم الابداع ماشئ غريب عليك
وتسلم..
أبوبكرحامد
15-04-2006, 04:24 AM
مشكور كتييير على الفكرة أخ ابوبكر
وزى ماقال ابراهيم الابداع ماشئ غريب عليك
وتسلم..
لك عاطر الشكر والثناء أختى ريم وانت تعطرين البوست بأريج مشاركتك .
طارق الطارق
15-04-2006, 06:44 AM
د / طلال دفع الله
وإصطفيت جرحك براك
وتر إنتباهك والنغم
ضفة تزرع في الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند في صدى الليل
الهياج الاحتضار
صاح إنتباهك في الزمن
لما أصطفاك
قدر العصافير الرحيل
غدر الشِباك شوك المتاهات الدوار
تحتك نسيج الليل طويل
الأناشيد الماخدة من حـِزم الشعاع
نار البدايات البتول
للسحابات التلوح قوس قزح
بشرة هطول
ولي ضِيا القمر المقرّح
ضد قوانين الأفول
ليك يا أخر الخيول
فرس الرِهان الما كبا
وهج الشموس الاشتعال
وانكسار المستحيل
شقيتو بي سيل الحروف
الطالعة دابا من الصدف مجرى البحر
تيارو والموج الرجوع
أديتو حيل مدو الزمان كان إنحسر
غيرت في الزمن الملامح
طعم الكلام لون الغنا
وطبع البذور كيميا التراب
طقس المطر
صاح إنتباهك في المكان
زهو السنابل بالقموح
وإجتراحك لي لسان لغة الجموح
وكتين يتوه بين السكات
وسيف القيود الارتهان
شمس الحقيقة الـ آه
بقت منفي ونزوح
وأقتباسك للصبر لغة اليقين
بانقسامك في الزمن
وإنصهارك
واقتسام الآهة بينك والمحن
وانتصارك لي صباحاً بكرة طالع
من مدارات الصهيل
يا صباحك
لما تنداح ضفة جراحك بالشجن
وتقلد الزمن العديل
يا جراحك
لما تفرد غيم جناحك
فوق عذابات الوطن
أبوبكرحامد
15-04-2006, 08:58 PM
لك أخى طارق وللدكتور طلال كل المودة والتقدير ...... نتطلع للمزيد من الإبداعات لنثرى البوست والمنتدى بعبق الحروف.
سوباوي
16-04-2006, 03:18 AM
الرحيب أبوبكر حامد ...
معذرة .. يا صديقي للإنقطاع .. أنه فقط اتساع المساحات بيننا وبين العيش مما يستدعي معه الكثير من الجري
لي ولنصوص الشاعر القدال .. علاقة خاصة .. جميل هذا الرجل في كل الأحوال وجميل حين تلتقيه عند نواصي ما خطت
يداه .. سأهديه لك الآن وأهديه لهذه المساحة وزوارها نصه بعنوان أحلام الحزن الفرعوني ...
أحلام الحزن الفرعوني
الشاعر / محمـد طـه القـدال
الحلم الأول
بحر المالح سيلاً ضرّع و موجاً فرّع من الشام
من هناك للسهلة النجدية
الأم البكر الزنجية
يا وادي الزنج
لو آخر خيمة إنقجت كانت ركزت فوق سنار
لي ريحة القهوة العربية
كانت فابريكة بن
كانت مشتل أبنوس
كانت فى الشعر القرقد قايم شتله تجامل الشتله
التفل الروس
كانت فى الطبع الحار
الريد الحار
الحزن الحار
الحزن الجن الأحمر
كان مهووس
*******************
الحلم التانى
الخيل فى الخيل
و الخيل فى الخيل
لي فاطمة أم حجل
العرجون
الخيل مرحات
النوق مرحات
الخيل الدفرت
دفرت وادي صعيد أسوان
للبت البكر الزنجية
النوبة تصيح
لي حلفا نبيح
للنهد السابح فوق الريح
للعشق الساخن رجاى
الخيل الدفرت
دفرت دنقلا دون لا جاى
الحلم التانى
المد التالت غاشي الدامر بالعطرون
النار ما حرقت دار شنقيط
النار ما بتحرق وادي الزنج
النار آبنيه
يابنية العرب الزنجية
و بنية الزنج العربيه
النار فى النار
نيران ألوان
شيتن قرأن
و شيتن يا حليوه الحزن الجاكى يكون غبيان
و شيتن فى الفرح التايه فيكى
كذا الضهبان
وشيتن فى قليب الجدية الهشة الرخص النيه
الريد الليك متحمد
سركى مسوكر جاك آبنيه بلا عنوان
**********************
الحلم الثالث
التربة الأولى الموس الشفرة الصغرى
التربة الأولى الموس الشفره الصغرى
التربة الكبرى الموس الشفره الكبرى
التربة الكبرى الموس الشفره الكبرى
الوجعه الكبرى
الستر العار
العار
العار
الشهوة انبهلت
إن المؤوده انسألت
يا ووب البطن الطلعت
يا ووب البطن الرجعت
يا ووب الروح الطلعت
روحا مرقت تردح يا فرعون
يا ووب الأم الجاضى حشاها
العين فى السما و الليد فى جناها
يا ووب الضاقت فى الميلاد
أم ستراً مكشوف غطيها
البت يا دوب بكريها
ألحق يا الطايل باعك
نادهاك فى الضيق
الفا الدركان بسراعك
سهل فى الحوبة قساى
وبرد في الحارة حشاى
الرحم انشقا
و دخلت مرقت دخلت مرقت
..صلت ندهت سكتت كتمت
ثكلت
إن المؤوده انسألت
اللهب الهبله النار
المهلة آ ناس
المهلة تطير
الرحم انشقا
المهلة متين ألقاها
و السهلة متين ألقاها
المهلة حليل
السهلة حليل
البلد الشجر البحر الطير ووباى
الريق نشفان من القوقاى
وكان فى الحلة الناس بتجض
و اللوز فى القطنه هناك بيجض
و النسمة التائهة وغاشية الحلة سموم بتجض
و البسمة انبهتت ونزلت دمعه وفوق للدمعة
عيون بتجض
وداك اليوم
مسيخه حليوه يا فرعون
لهيب بيبق
وقالوا قبيل كمسيب الغبينه يشق
و ألاّف الألوف رايح
و أكّال الكتوف رايح
و البمشى فوق زبد البحر
الببلع السيخ و الحجر
ويا الدمع النزل فى الحارة
دميع الرجال غلاب
و يا الغبن الوقف فى الحلة شوكت حوت
يكون حزناً فدر فى رجالنا مو كضاب
يكون حزناً فدر فى رجالنا مو كضاب
أبوبكرحامد
18-04-2006, 04:27 AM
الرحيب أبوبكر حامد ...
معذرة .. يا صديقي للإنقطاع .. أنه فقط اتساع المساحات بيننا وبين العيش مما يستدعي معه الكثير من الجري
كيف تدعوه انقاطعاً وأنت بهى الحضور ودائمه ......... اعلم شقيق الروح أنَّك تلجنا عند الشهيق ...... فنخبئك ..... بين الحنايا ....... ترفقاً.............. خشية عبث الزفير وتسلط عسس السلطان.
............................................
قاتل الله فرعون ...... تارةً يلاحق طفلاً للفتك به فيكون البحر بأمواجه المتلاطمة أفضل الخيارات لحفظ حياة الرضيع ، لها الله أُم موسى حين روعت بملاحقة فرعون لرضيعها ، وحين وأد أنوثة بنات جلدتها بعادةٍ موغلة فى التخلف وامتهان الكرامة .
*** هل من قبيل المفارقة أن الرضيع " موسَى " والأداة " موسِى "
للقدال مليون تحية وانحناءة.
سوباوي
23-04-2006, 04:17 AM
الشفيف .. أبوبكر حامد ...
أزيك .. يا زول .. يا ضوء .. أنت عارف يا ابوبكر بوستك بتاع القاصئد ده بوست معتق .. وأنا بدخل فيه بفتش لأبواب
الخروج .. وبسوي فيه زي ما قال أستاذنا محمد بادي .. "خبيبا بدع" .. أباري الرايحة فوق الراحلة لا قدام ..
عزيزي أبوبكر .. عميق هذا المحمد بادي .. ولنصه "بعد عشرين" طعم خاص وهو يسأل عن جده سعيد العكودابي ...
ذلك الرجل الذي أختار مكانا عاليا .. بين ما أختارهم عشيرة ...
سأهدي مساحتك الرائعة هذا النص .. لا مكان الآن غير ذاكرتي وعندك يمتعني إيداعه ...
بعد عشرين
محمد بادي محمد
بعد عشرين حسبتها يوم فوق يوم وعام فوق عام
حنينكم طش فى طشيش
ويا مالقيتو ليك بحر الحنين جمام
وأنا اتلفحت شال الشوق أحادي الراحلة لا قدام
كسحت شمال
وحس طمبوركم الولوال
نحاس ابواتكم الرزام
صليلن
يصحى فى الشوق اذا ما نسم النسام
نزلت قرير اهالى الشام بعشو الضيف بخيلم فنجرى وعزام
كرفت الطينة ارث الفاتوا ماكفانى الا بركت فوق الدار واتنسمت
من السام
شرفت على رمال القوز
واترحمت لي حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيت سيوفن المدروعة فى الحيطان
وزى ما هم رقادن طال رقادن طال
بكيت فرواتن المفروشه للجهال ويا ما قال ويا ما قال ويا ما عرض الصهال
نشدت الفى الضريح راقدين
عليكم الله يا خالدين
عليكم عزتن كان زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى
دحين يا ابواتى كان بينكم
قالوا اتربى فوق خيركم
ويوم الحارة شايل شيلتو من شيلكم
يخالطكم قداحة الخير ويتحزم وكت شينكم
وقالو الهيلو كانت في العرف هيلكم
وقالو أماتو مو دابن
حناضل المره شرابن
ولدن بمشي ديدابن
وشكاراتو سمعن قولى قالن سى
بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالةوالرقالة وام غره هو ركابن
الجهتية والقطنية والمحوية وام درة الباريهو حلابن
العشاية والشاشايةوالسباية وام ضرة لى ضيفانو بسخاين
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا أنسابن
ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الجار
وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنوابواتو صرتو في مراقد الخيل
عكود الكان بعبر الكيل
يمين الدنيا جاتو زلوله هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بي شفقة وحرص عبدنو والعقال لعابن يسيل
الا سعيد
سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن على سمنا مصفى تقيل
ويوم الودع الحبان
ونورو الضاو تحت التراب ما بان
كان الفقد فيهو كبير وكان اليوم ده ما خاتنو فى الحسبان
وكان ميراثو كل ميراثو قدحا ناز
وسيف فولاذ
وفروة ناس اصال وعزاز
وسبحة ملانة يا حنان ويا منان
وقبل الآل ..قبل العم وقبل الخال بكوا العدام ..بكوا الايتام
بكت الباديه والعربان
بكى الكرم الصبح مجدوع وكل ابواتو راحو وغابو فى الركبان
وعشنا وشفنا لازمنا قبل ما يبنوا فيه البيت
يكوسو الطبلة والجنزير مع البيبان
زمان الصالة والصالون زمان الرغوة والبالون حليل الكان
حليل الدانقة والديوان
حليل النافق اموالو
وتدى يمينو وما تعرف حسابو شمالو خليك من يعرفوا فلان
كل فضيلة فى الاجداد
ابت ما تبقى فى الاحفاد
ومسكت فى النعوش الطاهرة واندفنت مع الجثمان
وكل مكارم العابرين
معاهم راقدة فى شبرين
وبقت امجادنا كانوا زمان وكانوا زمان
أبوبكرحامد
24-04-2006, 12:31 AM
شقيق الروح سوباوى ............
كم انا ممتن لمرورك بمعية ودبادى وشمالنا الحنون ... وطنابير الشايقية التى شغلت حيزاً فى الوجدان ومكتبتى الغنائية لأنهم بحق أصفى الناس نفوساً وأصدقهم تعبيراً وأميزهم فى التوصيف ، وربما تندهش لعدم وجود صلة تربطنى بالشمال سوى رابط تاريخى مهترء يوصلنا بأهلنا الجعليين بشندى وماجاورها ، فأنا منتمى لوسط السودان وهو وسط يتجاوز الجغرافيا لآفاق وطنية أرحب تجعلنا نهتز لإيقاعات الأنقسنا مثلما نطرب لإيقاعات عبد القادر سالم والجالوا لدى أهلنا الزاندى ، ومثلما نعشق أوشيك بربابته وصديريته وخلاله الذى يعتلى مؤخرة فروته ويصد عنه هوج الرياح وبفمه تحكرت سفة زرعت فى أقصى الغرب .
فدوى الحسن
27-04-2006, 01:15 PM
وجهة نظر
الشاعر / سيد أحمد الحاردلو
--------------------------------------------------------------------------------
1
يا زول صلاتك بالنبي
واسمع كلامي
ان ما نفع ادو البحر
والبحر مليان بالكلام الما نفع
اسمع اخو ي
دايرين بدون تطويل ولف
انو الحجيوه ديك تقيف
حجوة منو الككتول
والكاتل منو
رايك شنو
2
عايزين نوفق اي تار
رايك شنو ؟
عايزين نوقف اي شئ
شعل البيوت خلاها نار
ونكفف الدمعات سوا
ونبقي سوا
ونبني ... وعمر في الديار
ونخلي كل الدار ,.... خدار
رايك شنو .؟
3
ايوة حصل
ماتو كتار
كتّلنا ... كتلونا ... كتار
انصار ... وشوعيين ... كتار
اولاد حلوين .. ماتو النار
واولاد ملانين .... بالخدار
واولاد تقول شمس النهار
فى الجيهتين ... وقعو كتار
هذا حصل ،
4
مين اللي صاح
مين الغلت
مين سيدنا في هذا البلد
مين عندو تلتين في البلد
مين اللي بادي بالغلت
ده كلام كتير ... ماليهو حد
وكلام غلت ..
رياك شنو ؟
5
انو الحصل ما قد حصل
والدنيا لازم تمش
والسودان اهل
لازم نصل
للوالطه .. ديكا الخدره
لا بد ... ان نصل
والحلوه منتظره انو .. والخير والامل
رايك شنو ؟
6
رايك شنو ؟
ننسي ونبطل اي تار
نقوم .. نطفئ اي نار
ونخلي بحر النيل يسيل
من دون سدود
حرا ... جميل
ونخلي تاني الحب يسود
من دون حدود
حرا ... جميل
رايك شنو ؟
7
يا زول صلاتك بالنبي
وجهة نظر
والزول نظر
وكلك نظر
,, وهذا الكلام
ان ما نفع
ادو البحر
والبحر مليان بالكلام الما نفع
رايك شنو ؟
ٍكنشاسا 1975
أبوبكرحامد
29-04-2006, 01:05 AM
عميق الشكر لك فدوى وأنتِ ترفدين هذه المساحة بالروائع ، أمد الله فى عمر شاعرنا الحاردلو وكأنى به يطلع على مآلات أحوالنا السياسية ، فبعد مضى أكثر من تلاثين عاماً نجد أنفسنا فى أمس الحوجة لهكذا دعوات للم الشمل الذى انفرط واكتسى بصبغة عرقية ترجعنا القهقرى لمرحلة ظننا اننا تجاوزناها بفضل نظمنا الإجتماعية والقانونية والسياسية .. له الله وطن الجدود.
أبوبكرحامد
29-04-2006, 01:09 AM
وصلتنى القصيدة التالية عبر البريد الإلكترونى من الصديق شهاب شكوكو ، فله وللقدال انحناءة تجلة وتقدير.
وهى مهداة لكل الأعضاء ، وإن كان ثمة تخصيص فلسوباوى وفدوى ولكل عشاق القدال... مع مودتى
الطمباره والغناى
للشاعر/ محمد طه القدال لحن الاستاذ/عثمان النو
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
فدوى الحسن
05-05-2006, 01:12 PM
الشكر للاخ ود المأذون على الهديه الرائعة
وده اجمل هدية بالنسبة لي لاني من عشاق للقدال
وشاعرة التاكا (روضة الحاج)
وتحترق الشموع..!
أترى ستجمعنا الليالى كى نعود ............ ونفترق ؟
اترى تضى لنا الشموع ومن ضياها .......... نحترق ؟
اخشى على الامل الصغير بان يموت ........ ويختنق ؟
اليوم سرنا ننسج الاحلام
وغد سيتركنا الزمان حطام
واعود بعدك للطريق لعلنى اجد العزاء
واظل اجمع من خيوط الفجر احلام المساء
وأعود اذكر كيف كنا نلتقى
والدرب يرقص كالصباح المشرق
والعمر يمضى فى هدوء الزئبق
ونظرت نحوك والحنين يشدنى
والذكريات الحائرات ... تهدنى
ودموع ماضينا تعود ... تلومنى
اتراك تذكرها وتعرف صوتها
قد كان أعذب ماسمعت من الحياة
قد كان اول خيط صبح اشرقت
فى عمرى الحيران دنيا من ضياه
اٌه من العمر الذى يمضى بنا
ويظل تحملنا خطاه
ونعيش نحفر فى الرمال عهودنا
حتى يجى الموج تصرعها يداه
مهيرة
15-05-2006, 08:04 PM
من النهايات المحزنة :
متي سنجأر بلا خشية
من جلاد متربص في الأعماق
ونرفع عقيدتنا عاليـــا
كفي عبثا
وأنت يا سطوات الخذلان
تذكري كم ستكون
نهاية المطاف
عاصفة وحارقة
أبوبكرحامد
15-05-2006, 09:53 PM
الفضليات : فدوى - مهيرة .......... شكراً لمروركن البهى والإضافات الثرة.
فدوى الحسن
24-05-2006, 02:05 PM
يابا مع السلامه (فى نعى عبدالكريم ميرغنى ) لمحجوب شريف
--------------------------------------------------------------------------------
يابا مع السلامه ياسكة سلامه
في الحزن المطير يا كالنخلة هامة
قامة واستقامة هيبة مع البساطة
******
أصدق ما يكون راحة أيديك تماما مثل الضفتين
ظلك كم تراما حضنا لليتامى
خبزا للذين هم لا يملكون
بنفس البساطة والهمس الحنون
ترحل يا حبيبي من باب الحياة لباب المنون
******
روحك كالحمامة بترفرف هناك
كم سيرة وسريرة من حولك ضراك
والناس الذين خليكم وراك
وعيونهم حزينة بتبلل ثراك
أبواب المدينة بتسلم عليك
والشارع يتاوق يتنفس هواك
*****
يحليلك حليلك يا حليل الحكاوي
تتونس كأنك يوم ما كنت ناوي
تجمع لم تفرق بين الناس تساوي
نارك ما تحرق ما بتشد تلاوي
ما بتحب تفرق من جيبك تداوي
الحلم الجماعي والعدل إجتماعي والروح السماوي
والحب الكبير في الزمن المكندك والحزن الإضافي
جينا نقول نجي نلقاه مافي
لاسافر مشرق لا فتران وعافي
وين عمي البطرق جواي القوافي
يا كرسيهو وسريرو هل مازلت دافي
يامرتبتو يمكن في مكتبتو قاعد يقرأ وذهنو صافي
******
ويا تلك الترامس وينو الصوتو هامس
كالمترار يساسق تمشي كما الحفيف
كم في الذهن عالق ثرثرة المعالق والشاي اللطيف
تصنيف الكبابي أجمل من صبايا
بينات الروابي والظل الوريف
أحمر ذاهي باهي يلفت إنتباهي
هل سكر ذيادة أم سكر خفيف
ينده للبنية يديها الحلاوة والخاطر يطيب
يدخل جنو منو محبوب الشقاوة
يتسنى النصيب الدفء النداوة السنا والعبير
كالغزلان هناك في الوادي الخصيب
حيث الموية عزبة والغصن الرطيب
كم تحت المخدة أكتر من مودة للجنا والغريب
عش وعشب أخضر جدول من حليب
يابا أبوي يابا
******
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقه
ننهل من بركتو ذي شيخ الطريقه
شاييهو وطرقتو والأيدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول دا وقتو لكنك حقيقة
النفاجو فاتح ما بين دين ودين
نفحة محمديه دفئا كالضريح
ميضة كم تلالي جيدا في الليالي
مجدا في الأعالي مريم والمسيح
قلنا نبضو واصل ما بين جيل وجيل
ما بين كان وحاصل أو ما قد يكون
ما تشوف فواصل الا الذكريات
والآم المفاصل بعضا من شجون
يابا مع السلامة
يا سكة سلامة
أبوبكرحامد
27-05-2006, 11:47 PM
الرحمة والمغفرة للراحل عبد الكريم ميرغنى ، وقد كرم بتحويل منزله لمركز ثقافى - لك التحية فدوى وعبرك نحيى ضمير الشعب محجوب شريف ودعواتنا له بالشفاء العاجل ، فعزة لاترتضى سواه عاشقاً وشاعراً.
فدوى الحسن
01-06-2006, 01:46 PM
مطر الشوار/محمد الحسن سالم حميد
هبَت نسَام جيتك .. ضوَا لحظاتو البكان
زين اركانو الزمان
فرهد الشوق المضارع
البلد بقت الشوارع
دافرة من كل المواقع
زى مطور هتكت سماها وسيَلت ملت المزارع
لهفة الزول الَجا راجع
من نخيجو تقول مودع
الفرح فى أعين الصابرين دموعو
الهتافات التندد بى عوارضو والتأكد لى رجوعو
والتبدد خوفو .. جوعو
والتجدد بخَة الدم فى عروقو .. وبين ضلوعو
تطرد الهم من جموعو .. من خطابن
لافتات اعلام بشابن
موكب العرسان شموعو .. الأصابع البى ترابن
الأكف الدم خضابن
لا فتات اعلام تهبهب زي صفق
الاناشيد .. يشتهنك فى سبق
المنديل التلوَح والطَرح
البنفسج والبراسيم التراقص فى مرح
العصافير الملونة فى مرايات الفضا المتكابى تالاك قوس قزح
استحمَت غيمة فى بحر الأفق
كان دعاش الغيمة بوقة وكانت الرغوة الشفق
جفَف اطرافو النسيم .. جر بشكيرو الغسق
خت فى كف المساحنة الزمن القديم
قالت الريح العجوز
ما استحت .. قالت يجوز
كالصبا ارجع صبية واسرى بى عطر العروس
ابرى فستانا البياضا .. نية الطيب حنين
بى ندم صادق امين عقبت قالت واتوب
ما أغش الأكسجين بالأعاصير العبوس
إلا شان للظلم ادوس
آه يا عشمى الحزين .. لو ترجَعنى السنين
باركنها نسمتين .. باختن بالا الرزين
آجرنَها فى اللى راح .. وطيبن نزف الجراح
وعمَدنها ريح صلاح .. من طرف شق الصباح
قاطعنها نجمتين .. يمه عقبالنا .. ومتين
من زفاف الغيمة وين .. ونحن نتشرق مرتين
انتشى العشب الصغير .. وتاوق القمرة التغيَر بين ضفاير تمرتين
وخفَ يتصنت مزارع ...
دخله المطر الموله أو زفافو على الشوارع
وحَم لقمح اليراهق فى المتر .. جبَد شتولو .. نوَر القش فى المراتع
نوَرت كل الخمائل .. السحر فوق راسو جايل
زى رسائل بينو بين الجاى راجع .. لى حصاد العمر شايل
ضوَا فى كل النفوس .. حُب تحت كل لشرائع
والشعائر والطقوس
جمَة العشق المضاجع .. حتى أصوات الضفادع
سنَ حنجرة المغني فى قلب زولو الحجر .. العنيد الما مطاوع
ضحَى من أجلو وصبر زمانات التدنى والمناحات التجنى
سنَ حنجرتو المغني .. وغنى غاية ما انفجر
شاحب الليل الألق .. الفجُر فرهد بهر
جديد الفرحة يا دابو انعتق فك قيد جرحو ونتق
لى جواد شوقو انطلق .. قولب الضَُل والصقايع
الوجود قدامو رائع .. خالى من صُرمة وفجائع
العصافير التطالع فى كتاب الصبح طالع
الندى فى سرابو ناقع .. الزهر يا دابو فاقع
انطلق للحلة شافع .. شال بشارة يوم جميل
الفراشات للأصيل .. والبنفسج للشفق
املو عينيكم غميد .. يا مجاريح لا أرق
ضمَو لى ليلكم شديد ضمَو بى عد ما وسق
لا تجمَوها السيوف .. لا ترمَوها الدرق
المطيرة الفى وشيكم .. هبَ نسَاما وبرق
ماها بى الساهل تجيكم إلا بالدم .. بالعرق
يا مطر يا نار حبابك ..
خدَر القصب المعوبس بلَل التعب التشابَك
روحنا شبَت بالقضية وتاوقت برقَك سحابَك
أيوة يا مطر الغلابة المن زمن صابر ترابك
والقلوب عشرق سرابك ..
أبوبكرحامد
04-06-2006, 02:21 AM
فدوى الحسن ........ ازدهت هذه المساحة بمجهوداتك الرائعة للتوثيق لمبدعى بلادى ، حميد قامة شعرية متفردة ، حين يهز بجزع الكلمة تساقط لحناً شجياً .
فدوى الحسن
17-06-2006, 04:26 AM
عاطف خيري وسيناريو اليابسة
--------------------------------------------------------------------------------
سيناريو اليابسة
الهدهد:
مخدوش الفضا
طويل الحزن .. مفتول الحنين
مصاب بالديانات والشرود
نوح:
يبلغ من الطول مسافة يشتهى الغرقان .. شهيق
لونو زى سرك .. تكلمبو الصديق
أمو تتوحـّم على طين البحر
قبال تقابل والدو .. صدفة على الطريق
عمرو ستة شهور حِلِم
إنو الأرض مسجونة فى موية .. وكل الناس مراكبية
اليابسة ... فِركة .. مدخورة لى يوم فيهو ساير النيل
قطـّاع رحط كل الجزاير
والبنات البفتحوا الباب للمطر
وأنا جدولك شارف على كل الجداول الصاحية فيك
والغباش فى دمى منك
لو كسر ضلعين عذرتو
لكن نهر كل العصافير البتلعب فى الوريد
وفنـّاكى جواى زى حجر
والبينـّا ما فات الدوائر
الليل خِمار القمرة .. مجدوع فى الفراغ
والرقصة لى البت فينا ..
فوق كل المسامير الندقها فى البساط
والرياح حكـّامة بى دلوكة مرّقت الشياطين .. منها
إتجنن فقير الحلة دقيناهو بى نفس السياط
كل المجرات .. النيازك والشُهُب
ودع راميهو الله على السما
والدنيا زار
ويا هدهد هنا مرت مراكب نوح
محملة بالبخور
مين اللى شال من طاقة الطين البعيدة
قنديل حبيبتى وطيـّب الجرح المثير
مين السرق من بابا مفتاحو الملون .. والصرير
منهوبة مقبرة الفواكه فيكى
قولى معاى يا شرف القبايل .. جر
الشاف تباريح الطلح فى النار
شافنى مرقت من عندك ضرير
أنا ليه تجينى الموية حفيانة ..
وأدنقر ألبِّسا شبط أخضر
وأبيت مبلول .. وأصلِّح فى الرباط
أنا ليه شبابيك البيوت الواجمة .. والناس البُساط
وليه يرجانى النخل
فى السكة يفتح قلبى خمارة .. وخلاوى ..
وبيت بكا
تعبت من المساسقة والهتاف .. ياغيمة
أتبنى جبهة القمرة
السهر والحمى طول الليل تهضرب
ويا هدهد لقيت أمك
ترشرش فى السعف من عينها
وتجبر خاطرا المكسور عليك
ينكسر خاطر السعف فى إيدا
يا هدهد قيام
من السما الأول قيام
من السما السابع قيام
وأنزل مسافة تهبشك غنوة .. وأناولك كاس
ومرت مراكب نوح محملة بالملوك
ركعت على الموج الجنود
من كل جندى تفوح ضحية
ودم مشتت فى الأبد
دسيت جبهتى من السجود
بكى فى مخاض الخوف .. ولد
إشتبهوا فينى ورا الجبل
شافونى دسيت الهداهد بالزبد
صفا !
إنتباه !
وقعت من الهدهد بلد
نهبوها .. وإتقسموا الحدود
ومرت مراكب نوح محملة بالطيور
واقف مع نوح الغراب
ينضم ويأشر فى إتجاه
باقى الطيور يتوسوسوا
إلاّ الحمام .. إتوضا مارق للصلاة
القانقرد فى حزنو يغزل ساله من صوف
الطواويس شارّة قمصانا المزركشة فى الضحى
الزرازير بى عراريقا المغبشة .. جات على
أرجينى يا صالحة !
ومشيت فى الموج
يا النبى نوح أصل سالم
يا النبى نوح أصل .........
حجر الدُّغُش فى الموية يقلع ضُفرى
يادم !
ده ما وكت الرسم واللون
وجات المغارب حننت إيدا .. ومشت
سبحانك الأديتنا من حزنك فوانيس
ــ الغراب يا نوح طفش
واليابسة وين ...؟
يا الله ما يابس سوى حلقى المجرح بالدعا
طير يا حمام !
ـ الحمام يا نوح يجامل فى السما
وبيّاع مناديل خضرا فى كل العصور
أنا ما خلقتك يا ظنون
شان تبيتى الليل معاى
وتجرى من فوقى الغُطا
ما تشُرّى فى حبلى الوساوس
والمعانى الداكنة .. والليل والشتا
الهدهد تميمة الموت
معلّق فى بيوت الناس .. نعش
من خرافاتن تعال
من دياناتن تعال
نفّض نعاسك من كل بيت
من كل حجوة حكوها عنك
فى الليالى الباردة والأطفال نيام
مين يشترينى من الملوك الخايدة فى الدم القديم
مين يوصف بيتنا لى هدهد يتيم
مين النبى القادم؟
من مكة !
أو من دكة !
فى شارع حميم
مين اليوصف للنحل ريق الحبيبة
وحبة القمح التقوم فوق محفضة حبوبة
فى الزمن اللئيم
مزيداً من الطين يا إله
أبنى خوفى عليك .. ومنك
أبنى آخر بيت .. حرام
ومرت مراكب نوح محملة بالحجيج
ــ وين ولدك ؟
ــ تركتو على الجبل .
ــ وين بلدك ؟
ــ ضربتها فى مثل .
ــ وين نحن ؟
ــ مرقت على عجل .
ــ يا نوح تخلينا
زيتونك مخلل بالشمس
نار الله والرِجل الغريبة
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر .. عبيد
مين يشترينى من الملوك
الخايدة فى الدم القديم
مين البوصِّف بيتنا لى هدهد يتيم
يا هدهدى المهدود
مين هدهدك .. نمت
كل الطيور غنت .. منك يجينى سكوت
مين الهداك للناس
أو هدّ فيك الموت؟
يا أوسم الجايين .. أنا قلبى حِلّة حنين
والشوق فتحنى بيوت
يا صالحة
لا جنبك .. لا فتّ منك فوت
دايماً معلق بين ..
بين الحياة والموت
أدخل ضلام الناس
نورك يجينى خيوط
وقبّال أقع فى الضو
جوّاك سندنى خِفوت
أنا برضى حلة شوق
لكنى فى التابوت
ومرت مراكب نوح محملة بالعبيد
الجنة .. زى هدهد معلقة فى الكتاب
ونحن العبيد
باب الحياة السرِّى
حرير فى فكرة الدودة الموجعة .. بالنسيج
وصيوان عزا نوح
.. المكفّن بالوعود
هدهد يرك فوق دفــّة المركب .. يدندن
الريح سكن خيمة حريمو الأربعة
النيل رجع فى اللوحة
للوادى القديم
البحار مكتوفة الأيدى
.. الشموس فاقت
ونوح بعاين فى مفاتن اليابسة
تغسل فى حصا .. ومتبرجة
سبحانك الأديتنا من ملكك سلاطين .. وإختفيت
هاك أنبياءك سالمين
وأنزل مسافة توجعك .. غابة
رقيصنا الحى
طبولنا...
وليك شبال
من اليابسة الممشّطة بالملح
... وهدهد
أبوبكرحامد
21-06-2006, 02:05 AM
يبقى سيناريو اليابسة من الأعمال التى تندرج تحت التصنيف ا لسوباوى ب " النص المدرسة " ، شكراً لك فدوى فقد أعدتينى بالذاكرة لأوائل التسعينيات حين كنا نلتهم هذا النص بمعية زملائى بالمكتب ونردد:
مزيداً من الطين يا إله
أبنى خوفى عليك ومنك
أبنى آخر بيت حرام
...............
لك التحية فدوى ، وصافى الوداد لعاطف خيرى .
فدوى الحسن
22-06-2006, 01:17 PM
قرنتية هاشم صديق
--------------------------------------------------------------------------------
قرنتية …
قرنتية ..
لا دبابة برمائية .
لا جاسوسة مدسوسة .. لا غواصة روسية .
جندية في "حركة" .. لا مختلسة مال شركة . لا
لا قصفت حدود "فشَلا" .
لا كسرت صريف كسلا .
لا معروفة ختمية .
قرنتية ..
لا صعلوقة لبست "شورت" .
لا بتعرف شنو البظبورت .
لا محتاجة جنسية .
هي قايلة النيل سقِف بيتها ..
وقايلة ضِفافو "محمية" .
جات منسابة عز الصيف ..
قايلة الناس بِكِرمو الضيف ..
وقايلة النيل أمان والقيف ..
وقايلة "الحاضرة" عصرية .
قرنتية ..
جات بصغارها دايرة الخير .
لا شافت يٍفَط تحذير .
لا نزحت تكوس توزير .
لا جاطت حركة السير .
لا دارت وسام تقدير .
لا مستلفة عشرين وش .
ولابتعرف تعيش بالغش .
كان محتاجة بس للقش .
وجات أحلامها دوغرية .
قرنتية ..
لا بلعت عديل السوق .
لا نضمت بدون طايوق .
لا كنزت دهب أو ماس .
لا ظلمت بدون احساس .
لا عصرت شباب الناس .
لا كتمت على الانفاس .
لا قطعت عشم بي فاس .
لا داستنا زندية .
قرنتية ..
لا دست سلع في الخيش .
لا شربت مريسة عيش .
لا ضبطوها في التفتيش .
لا خانت قسم او ديش .
لا اجتمعت "بمستر جون" .
لا أكلت "مؤنة العون" .
لا سدّت علينا الكون .
لا سبت كتاب أو دين .
لا سامتنا حمرة عين .
ولا باعتنا ضهرية .
قرنتية ..
جات مشتاقة للخرطوم .
تزور أحبابها خايفة اللوم .
تصيح وتنادي بالحلقوم :-
"جنينة النزهة" وين يا زول .
"جنينة النزهة" وين يا زول .
لقت حال الجنينة خلا .
حليل زمنها وحليل أهلها .
لا قرنتية .. لا أصلة .
لا صوت ككّو .. لا بغلة .
لا حلوف .. لا أسداً مهاب بالخوف .
لا نمراً يشد للشوف .
لا ضل فيل .. لا تيتل جريهو جميل .
ولا غزلان .. ولا طاؤوس يباهي النيل .
لا زفة طيور ونعام .
لا نمراً دفر قِدّام .
كل الشُلّة ياقرنتية غمضة عين ..
أحالوهم لصالح عام .
تقول الدنيا "مهدية" .
قرنتية ..
جات زي ضيفة ما غارة .
لا محتاجة لي فيزا .. ولا تصديق على زيارة .
جات والشوق دموع حارة .
تجدد في العيون الشوف .
بين توتي وعلالي أبروف .
قايلة الدنيا لسة سلام ما خيم زمان الخوف .
لسة هناك ضفاف حرة .
ما مطمورة للمُرّة .
قايلة الناس بعزو الضيف .
ما بسوقوهو لي حفرة وجوار القيف .
ما بياكلوهو في الصفرة ومصيرو مخيف .
قايلة الحاضرة ما غابة .
وقايلة حقوقها محمية .
قرنتية ..
لا قدلت في شارع القصر .
لا حامت في وكت الحظر .
لا خشت على المأمور .
ولا نطت سلك أو سور .
لا دخلت على أمد رمان .
ولا كسرت قفل دكان .
لا دفرت على التلفاز ..
ولا عضّت كراع فنان .
لا ذاعت بيان للناس .
لا احتلت كمان "حيشان" .
ولا نصبت شبك للحشّ .
جات بصغراها كايسة القش .
تلاقي القوت صبح محظور .
وخير البقعة جوة السور .
سماحة الدنيا منسية .
قرنتية ..
لا بتعرف عجن أو لخ .
وجات احلامها دوغرية .
عجب … ساقوها جوة الفخ .
عجب … من طولها وقعت تخ .
عجب … سلخوها صبحية .
عجب … ونحنا بنسلخ الانسان ..
كيف ما نغدر الحيوان .
عجب … والدنيا عصرية ؟!
قرنتية ..
لا دبابة برمائية ..
لا جاسوسة مدسوسة ..
لا غواصة روسية ..
لا جندية في حركة ..
لا مختلسة مال شركة ..
ولا حزبية بعثية ..
قرنتية !!!
شبندر
24-06-2006, 04:33 AM
خاطرك الغالى
كلمات عوض احمد الخليفة
دائما أطيب خاطرك الغالى واسامحك لو نسيت
ودعت من يهواك وقلبه بقربك مهما نسيت ....
كم حاول يفرق بينا حاسدا او عزول ..........
كم مره قالوا جنيت عليه بدلت ضوء ايامه ليل
لكنى يا نور العذراى انا ما بضيع حبى قول ..
تلقانى دايما في رجاك وغناى في حبك رسول
اسال عليك الليل ونجمه وحتى انوار الصباح
وكل طائر في سماه اسال مشاعر عن هوانا
وليه حنانك لى راح .......
تلقانى في غاية الألم آمالى تزروها الرياح
حيران اسال نفسى ايه كان السبب واصل الخصام
يمكن اكون في حقك اتلومت في ساعة مـــــلام
لكن ما معقول يكون انا قلبى ليك حفظ الغرام
ما اظنه من يعرف الهوى يعرف عدوه مع السلام
سوباوي
25-06-2006, 02:18 AM
الراقي كما العهد .. أبوبكر حامد ...
يعجبني محمد بادي .. رجل يحمل صفات الفرسان .. فهو فارس بلا شك .. يعجبني هذا البوست ..
أحمل إليه كل ما أنفعل به من نصوص .. وقبل هذا وذاك يا عزيزي معذرة لهذا الإنقطاع ..
بالله يا أبوبكر أتمطق معاي النص ده هو ذاتو محمد بادي بعد ما فارس كمان مجنون .. في زول عاقل في الدنيا
دي بيقول : والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
طيب خلينا نطمطق النص كامل :
بالحيل آجني
ود بادى
أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة ورقّ النص زي خيت الشلة
بالحيل آ جني إيه والله
الجنيات الحزمو الجبة
وعرق الشتوي عليهم نايا و صب
قول ما دل .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة.. الحلف الجاف اتبلّ
بالحيل آ جني إيه والله
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة
سمح الخمج الفوق أسيادو
سمح العز المن أجدادو
الجنيات المشو ما عادو
كان بالريده أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله
ذات في يوم والغيمة تهتّف مطرا نقّع
فوق نوار الطلح الفقع
ريحة البرد إن جاتك عطرا فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق رقدن
وكل تلاتة يمين سياف اتقبلو
حبوب القارح ... ما دلة
ولدا ما ختالن زلة
شن قولك فيهو عليك الله
بالحيل آ جني إيه والله
وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجايي حقايب سفرو تقال.. تقال من جنس كتاب ومجلة
الحكمة النضم إياهو الكان.. الحكمة الولد اتوضا وصلّ
عادة البلد الدخلت فيهم سكنت .. سكنت ماب تتخلا
نحن كما طارين الحلة ودرنا الطلة
نشيلا معاهم فرح وميتة
حلاة الموت كان في عبدلة
أبوبكرحامد
28-06-2006, 11:31 PM
يبقى هاشم صديق برمزيته الرائعة وانفاسه السودانية الأصيلة - لك التحية فدوى
أبوبكرحامد
28-06-2006, 11:43 PM
هى من الأغنيات الخالدة والقريبة لنفسى لطابع التسامح والصفح فى كلماتها ، لك عميق شكرى شبندر
أبوبكرحامد
29-06-2006, 12:15 AM
بالله يا أبوبكر أتمطق معاي النص ده
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجايي حقايب سفرو تقال.. تقال من جنس كتاب ومجلة
الحكمة النضم إياهو الكان.. الحكمة الولد اتوضا وصلّ
عادة البلد الدخلت فيهم سكنت .. سكنت ماب تتخلا
نحن كما طارين الحلة ودرنا الطلة
نشيلا معاهم فرح وميتة
حلاة الموت كان في عبدلة
تمطقتُ ... تذوقتُ كثيراً ... لكنى لم أعشق أبداً ..بستاناً يُشبِهُ بستانك ، لك التحية سوباوى ، وأنا عند وعدى بنشر قصيدة عز العرب حمد النيل " موتك والحياة فى كنف الرسالة " فابق بالجوار وتجاوز حبل الوريد أيها الوريف.
مهيرة
30-06-2006, 08:46 PM
قال الشاعر :
كن ابن من شئت واكتب أدبا
يغنيك محموده عن النسب
ان الفتي من يقول ها أنا ذا
ليس الفتي من يقول كان أبي
أبوبكرحامد
09-07-2006, 02:26 AM
لك عميق الشكر مهيرة على المشاركة ، جميلٌ أن يفاخر الفتى بمنجزه الشخصى .
أبوبكرحامد
09-07-2006, 02:46 AM
عز العرب حمد النيل .. خرج من قباب أبو حراز متبتلاً وسابحاً فى ملكوت الله وفضاءات الشعر ، تخرج من كلية الإعلام بجامعة امدرمان الإسلامية ، لديه العديد من القصائد التى لم تنل ماتستحقه من النشر ، وسنوردها تباعاً ، وسنفرد له بوست لرصد أشعاره ومقالاته ، وهذا نداءنا لعز العرب للمشاركة بمنتديات ودمدنى لأجل إثراء سوح الثقافة.
موتك و الحياة في كنف الرسالة
شعر: عز العرب حمد النيل
.....................
مدخل:-
قابلتها على حواف الشارع
نظرت في عينيها و نظرت
فقادتني عيناها الى مقعدين
متقابلين
قلت لها : سرقوا كلمي
قالت: افتح فمك .....
فتحت ......
فوجدت لساني مقطوعاً
النص :
لك ان يكون الحرف ابسطة و سجاداً
و ان يمشي على اعصابك
القنديل... و الازميل....و القلم
لك أن
يكون الدمع مصباحاً و مفتاحاً
و يشغل في المدى سفرا من التكوين
و الوجد القصي و يسكنك الهوى نيفا
ليّ ان اشد رسائلي
أو ان اشد حجارتي
آتيك من
موتي و من وجعي
و اسكن في خدود الله اصحبك الجنان
لك زهرتان .....
ان تكون العاشق المصلوب
بشعبتين من الندامة والندى
او ان تكون الفيصل المثقوب
بشقوة تمنيك في الموتى
و تسجدك القصيدة و القوافي
لك ان تصاب
او لا يصيب الموت
عرشك مرتين
في غمرة الفرح المجنح
يدمع الإبريق مغتسلا بامواه الوضوء
أو حين ترفع كفك البيت الحرام مناجيا
مالك الاسماء و الانباء
و السر المخبأ في تجاويف الكلام
حينها ينبيك سر الله
بأن الدين منسرب و محترب
و يشهر سيفه المكسور
ما بين اللحى و القهر ينبت في الضلال
لك ان تنال
او لا ينالك ذلك الزيف الممرغ في الضباب
فيغمغمون و يصيبهم رجف حين يروك
تمتشق الحقيقة في يدين و شيتين
و تعيد للارض الخراب
كينونة البدء القديم
و تصيبهم انشودة الارض
التي لا ارض فيها للحنين الى احد
لا يستطيعون التمثل
في ثياب الوجد
حين يروك تكبر في عيون القادمين
تنثال عطرا من دفاق
و تصب في محبوبة فضت بكارتها
و صارت حاملا في عامها المجنون
لك ان يحرك جوفك المسكون
تحنان لها فتصدها
تأتيك تمشي و هي تنظم في الخطى
أسفا بداخلها التشوق لإلتقاء
الفكرة الكبرى
و انت تنبذ هاتيك التصاوير الرفاة
و تموت كي تحيا
و يحيا بعدك الاموات منتصرين
تحيا و يحيا بعدك الاموات
منتظرين....منتصرين
سامي فداسي
03-08-2006, 03:18 AM
الأخ و الأستاذ المبدع أبو بكر حامد أرسل لك باقات من التحايا مضمخة بعبير الشوق لودمدني بيتي و مملكتي و معشوقتي الأولى و الأخيرة دون جدال و أتمنى من كل قلبي أمنية مقرونة بإجتهاد من لايمل أن أكون أحد أعضاء المنتدي الذي أطربني و أمتعني و ختاما لك و لودمدني كل الإعزاز و التقدير ،،،
أخوك سامي فداسي - الرياض
أبوبكرحامد
04-08-2006, 11:07 PM
و أتمنى من كل قلبي أمنية مقرونة بإجتهاد من لايمل أن أكون أحد أعضاء المنتدي الذي أطربني و أمتعني
الرائع سامى فداسى .... أحيطكم علماً أنك بداخل الدواخل ... فما أبهاك وما أزهاها بك
سامر حسن
12-08-2006, 05:01 AM
الجالوص
عاطف خيرى
*********
معتوقة ومعتقة ومنعتقة
نوافير إنتشاء وحشمة
وحَـمار العين ..
تضحك كلما وقعت مصيبة
تمشى على العجين وتلخبطو
وترطن إذا جاها الحنين
************
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
***************
صوتك وكت قطع البحر
قبال مراكب العمدة
ضهر النيل عرق ..
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
**********
مبنية مدن الخوف
من طينة آخر الليل
وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو ..
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت ؟
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الحريف
داسينى فيكى نضر
والأنبياء فاتوا
والأنبياء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ما ذنب جلد الطار
لو غنو بيهو شتر
ما تخافى الله معاك
وكل الملائكة سمر
سؤال ..
إتدفقي القدال أم قاسم أبو زيد
سوباوي
16-08-2006, 03:00 AM
الندي .. أبوبكر حامد ..
لك الود والسلام والتحية .. ولك الجمال والهطول والمطر .. ونحن نتمدد على امتداد هذا البوست الشهي ...
لك احترامي وهميم شوق ...
الراقي سامر حسن ..
تحياتي يا رجل .. آخر عهدي بك وأنت بالمستشفى بالرياض .. لك التحايا النواضر .. ولك الورود والرحيق والشذى ..
كن متعافي وبخير ..
لسؤالك الأجابة : "إدفقي" نص للأستاذ/ قاسم أبوزيد ...
إدفقي.....
ما تكوني رقراق
أبقى يا ضل يا شموس
غطي المساحات بالوضوح
استنهضي الشوق الجلوس
إدفقي....
وهجك شوارع ذاتي....
في ليل اليباب
ما تشفقي العطش الرحيل
النيل ركيزه...
ودمعة الأحباب سحاب
ما تخافي من دم الغروب....
لو رَتّشْ اللوحه الضباب
ما دام ضميرنا الفينا حي
ما دام عريق العشق حي
ملحوقة يا مدن السراب
نديانه بي فرح التساب
إدفقي....
فيضان عمار
اتربعي وفجي الوجع
دمع الألم ما يهددك
ما خاب غناك فارسك رجع
اتوهجي....
إنتِ الشمس إتلهجي
نجمك سطع
نوّر بوادينا الفساح
رقصت مزامير الصباح
متكيه قرية وقنبله
مبكيه دمعه وسنبله
الليله في ايدنا السلاح
ريشه..
وكدنكه ومطرقه
نبنيك أحسن يا ظروف
محضره دانيه القطوف
نطوى المسافات نسبقا
إدفقي....
بلدك فداك إتوهطي
وري البنيات العَزِيق
محميه بي عرق الترابله ونغمتك
مسقيه بالريد العتيق
أنغام رباباتك تشيل
معزوفة الليل والرفيق
ما تصغري...
تكبر أماني السنبله
هيا اكبري....
تصغر معاني القنبله
ما ترجعي الصد للمداين والقري
شيلي الشحوب والاصفرار
أدي البويتات منظره
إدفقي......
في كل شارع وكل زول
في روابينا المحنه
في ضاميرنا السهول
إدفقي.....
في أي حته وكل بيت
أبقي شان تحيا الفصول
أبوبكرحامد
19-08-2006, 01:37 AM
سامر حسن وعاطف خيرى والجالوص ، وهل أملك سوى الهذيان - زملونى - دثرونى ، ومن عجبٍ أننى أتثر بكم ومنكم .
أبوبكرحامد
19-08-2006, 01:47 AM
الندي .. أبوبكر حامد ..
لك الود والسلام والتحية .. ولك الجمال والهطول والمطر .. ونحن نتمدد على امتداد هذا البوست الشهي ...
لك احترامي وهميم شوق ...
[/COLOR]
مضت نصف ساعة وأنا متنازع بين الشوق لك والسعادة بإطلالتك ، ومؤشر الكتابة كما النبض يستحثنى على الكتابة ، فقررت أن أنقل لك هذا التوصيف ، ولك حرية التجوال بين اللهفتين.
فدوى الحسن
21-08-2006, 11:37 AM
القصيدة ده مهداة للجميع
صدّاح الغُنـا المكتوم
كلمات : محمد طه القدّال
يامحبوبي ..
هـاك منّى مكتوبي .
صـدّاح الغُنـا المكتوم
ومدّاح الجمال والنور
كلمة حُـب فى قلب حبيبي
وقليب حبيبي من توبي
تشـوِّش جـوّه قلب النيل
مع اللهفة العلى ولدى
يا معشوقي ..
ليك من شوقى كل الشوق
فيا الخرطوم إذا نامت عليك عيون
تشوف الضلمة في الضحى
والنَهار مخنوق
ولو غنيتِ والغُـنا للسلام مخنوق
أعرفي إنك الزمن اللى جاي شـروق
وأعرفي إنك .. الزمن الحبيبوحنون
فيا الخرطوم ..
عيون الحق ما بتنوم
عيون الحق ما بتنوم
أعرفي إنك ..
الزمن اللى جاي شـروق
وأعرفي إنك ..
الزمن الحبيبوحنون
صائغ الحروف
24-08-2006, 03:33 AM
ابوبكر حامد اجمل ماكتبت فى اميل
لك يارائعك كل الشكر والتقدير
ودمت لمنتدانا
أبو الزيك
25-08-2006, 11:17 PM
في رثاء الأستاذ الراحل المقيم مصطفى سيد أحمد
صلاح حاج سعيد
السفر الأبيد.....
ماكنت قايل نفسى يوم
أرثيك يا أصدق خليل
أنا كنت بتخيّل أكون قبلك
أسافر غنوة فى الوتر الجميل
زى ما عبرت معاك صروف زمن المسافة
وجينا للى الحزن النبيل
أنا كنت داير الدنيا تمهلنا
ونغنى الفرحة لى الزمن الخرافى .. المستحيل
********
ورحلت ما كان ده الأوان
رحت وحرقت حشا الغنا
خليتنا لى الزمن الهوان
والإرتهان لى خيول زمان الشنشنة
*********
كل المطارات والموانى
وشفع البلد الفتارى
... لسة بارين القطارى
يسألوا الناس عن خبر زولاً
مسطّر إسمو فى قلوب العذارى
وفى عيون كل المساكين ... الحيارى
زول بيطلع من نفس طورية ضامة الطين
تكابد طول نهارا
زول بيسكن فى عيون أطفال
تأمّل ديمة يديها البشارة
ياخى والله الفرقة حارة
وفقدك أكبر من محيط الدنيا
وأكوانها ... ومدارا
*********
طليتنا زى حلماً جميل
فجأة فى غفلة أنسرق
أسطورة تحكى أمانى جيل
فى حب غناك كان ليهو حق
أديتو فى الدنيا الأمل
وريتو كيف فى الحق يقيف
من غير وجل أو إنبهار
علمتو بى حس النغم إنو الكلام
لازم يكون واضح كما شمس النهار
صدقك ملاهو حماس .. يقين
بالخير وبالحق .. والنضار والإفتخار
إنو الحبيبة هى الأرض
والتضحيات عشان عيونا هو الفرض
والدنيا ورّاثا الصغار
*********
وعرفنا يازول قسوة الضنا والتعب
والإرتحال فى غفلة الزمن الصعب
وقولة الوداع بالضبط
والسفر الأبيد من غير رجوع
أو غير متاع
وبكت عليك كل الشوارع فى المدينة
ناحت عليك كل الفواصل
... فى الغنيوات الرصينة
وإنكتم نبض الغنا
جلل سواد حزنك سنا
وإتوشح المنا بالضياع
وكان بدرى يازول الوداع
لا سكة لى درب الرجوع
بعدك أغانيك إلتياع
مسكونة بالأسى .. والخشوع
لكن بريقك ما خبا
أبداً بريقك ماهو ضاع
ساطع كما نور الشعاع
**********
منو قال هو فات
زولاً وهب كل الحياة للأغنيات
منو قال هو فات
ما أظنو زيّك يقولوا فات
يامن وهب كل الحياة للأغنيات
يا من ترك فى قلوبنا أنبل ذكريات
يا من ترك أحلامو فى كل الجهات
وخلّد معانى الروعة بى كل الصفات
ما أظنو زيّك يقولوا فات
يامن وهب كل الحياة للأغنيات
***********
ورحلت ما كان الأوان
رحت وحرقت حشا الغنا
خليتنا لى زمن الهوان
سامر حسن
26-08-2006, 09:21 PM
لا إله الا الله ..... محمد رسول الله
بالغت يا ابو الزيك ....
**************
شكرا جميل زيك
شكرا ابوبكر حامد على هذه الفكرة المريحة
.
.
.
.
مزيد يا شباب
alimony
30-10-2006, 05:10 AM
نم حبيبي فأنت لم تنم منذ زمن بعيد
الصادق ساتي
11-11-2006, 03:46 AM
تحية واحتراما
أخي أبوبكر ... لا فضّ فوك
ألا تتفق مع أن ابتسامتها جميلة جميع بناتنا ابتسامتها كما أعبر عنها هنا
يا منوليزا يا ليزا
قالو فيك سحر ابتسامة
يرجع الزول المهاجر لي ديارك بي بريزة
إلا لكن باختصار وجمل وجيزة
ابتسامتك ما لزيزة
ما فيها عزة ولا عزيزة
ولا فيها هزة قلب عاشق بالغريزة
لا بريق من فيها يملع ... أو حتى ميزة
إلا كان (لاجوكوندا) تبقى ماها (ليزا)
لآنو يا دافنشي عارف ؟
لما حبيبي يبسم ؟
أبقى محتاج لي ركيزة
راسي لافي وقلبي يرجف
والأيادي تقول فريزا
برضو بتقول لي ليزا ؟!!!
الصادق ساتي
11-11-2006, 03:47 AM
تحية واحتراما
أخي أبوبكر ... لا فضّ فوك
ألا تتفق مع أن ابتسامتها جميلة جميع بناتنا ابتسامتها كما أعبر عنها هنا
يا منوليزا يا ليزا
قالو فيك سحر ابتسامة
يرجع الزول المهاجر لي ديارك بي بريزة
إلا لكن باختصار وجمل وجيزة
ابتسامتك ما لزيزة
ما فيها عزة ولا عزيزة
ولا فيها هزة قلب عاشق بالغريزة
لا بريق من فيها يملع ... أو حتى ميزة
إلا كان (لاجوكوندا) تبقى ماها (ليزا)
لآنو يا دافنشي عارف ؟
لما حبيبي يبسم ؟
أبقى محتاج لي ركيزة
راسي لافي وقلبي يرجف
والأيادي تقول فريزا
برضو بتقول لي ليزا ؟!!!
أبوبكرحامد
26-07-2009, 08:50 PM
الجميل جدا ود المازون ... تحياتي اولا ....
وده سهمي معاك يا ودالمازون ...
مقاطع من قصيدة (اتبرا الطيبة) لشاعرنا الشفيف محمد الحسن سالم حميد ..
و(اتبرا) تعلم انها (عطبرة ) وهذه القصيدة تكريم لهذه المدينة العمالية
الصامدة ما دام الصمود...
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية
نار التكل ماتت .. نار فينا شن حية
و روحك إذا فاتت .. روح الوطن جية
أماتي يا أمات .. كل الغلابة الجات
من حلفا لي نمولي .. من بارا لي سنكات
غضب الخلا اليغلي .. صرصيرة الغابات
في عب ضلوع النيل .. جيب القلب غيمات
أشواقا تالا الأرض .. والأرض شوقا نبات
أماتي يا أمات .. ود الحياة الصنديد
قولاً لكل عنيد .. وصاحب دقن همبات
قولنلو نحنا حديد .. زي المرمة شداد
اللي ضميمتو يخون .. ما أمنوهو بلاد
يا مستبداً بات .. حارساهو دبابات
كضاب وكضابات .. هواب وهوابات
شن ح###### الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد
ما يلقى الطِّري .. وضاقنبو السبل
العجل العري .. النار والبقل
خيري وسكري .. في الدقن ام قمل
يا الدقن ام قمل
شيلي وصدري .. وجيبي دمار دبل
زير ولباش كيري .. شامبو دلال وفل
غني وشكري .. يا كوز المثل
في الضيق منهري .. وحمدك الربل
وبت السمكري .. جيهتك للرجل
دهناً كركري .. الطلح الكحل
هوي يا العسكري .. غيرك من قبل
عامل فنجري .. وفاكر الناس هبل
بى اسم الدين يطل .. وبى أسمى المثل
يرغي وينفعل .. ضاحك بالعقل
ما داعب طفل .. لو..لو قالو كل
ينفرطق نعل .. في المرة والرجل
قاصد ننشغل بي سنن الغسل
عن موية وأكل .. لا توب لا في ضل
نقعد ننكتل .. في اوصاف الرسل
مين برعى الإبل .. وتبرا الغيمة ضل
والمن دوب طفل .. يفتي ويشفي غل
والوكتين يطل .. يلفح للعقل
حيلتك ما بتحل .. في فكرك عطل
زهدنا فاض فضل .. وما ناقصين مثل
وين يوجعنا وين .. ماك داريبو كل
ما شعنف دقين .. شنف حالنا ذل
عيشة يا مفتري .. ويوم كامل شغل
نسرق ننكري .. ولا بلاش تكل
غني وشكري .. يا كوز الدبل
زير ولباش كيري .. والآية بــ رطل
بس يا عسكري ..
يا عسكري التالفين .. ويا تالف العسكر
يا لايصاً في يمين .. والشعب قد أيسر
ما جف ساق ابريل .. اكتوبر الأخضر
يات شيمة ليهو تشيل .. كل ما الرياح تكتر
فرعو الهطيط بيميل .. بس ما بينكسر
يتسامى دغري عديل .. كلما الرياح تنتر
طير الخطى الجايين .. ما بتفزعو الهزات
لا صقورك النازات ..
من دم رعاف الطين .. ودنس الحياة ام لذات
فاكر رقبتك مين ... وفاكرنا مين بالذات
دي القرشي .. قاسم أمين .. ويا دا الشفيع ما فات
وما اعظم الجايين .. يا اتبره وجايات
حاضرنا ما ضنّين .. وكل الدروب صاحيات
يا لابساً كم وش .. على مين تدور وتحوم
شغلك ضلالي وغش .. نضمك عسل مسموم
قاصد عيونو تتش .. ويرغى البلد مقسوم
طقّت جبهتو شمس .. فارت في راسو دموم
الجاي بعدو يمش .. يعتب بعيد مكروم
تطفش طيورو تطش .. وبومك يعشعش شوم
يا ضاحكاً غياظ .. لي شعبك المأزوم
ظنك ليالي حراز .. ما دلدل الخروم
في مزارعو .. لافي رذاذ .. لاغيمة طاشة تحوم
لا زيت ولا أمباز .. قطّن مصانعو عموم
وانعكنن الإفراز .. وقد بلغت الحلقوم
وبرضك تنوني انقاذ .. ينقذنا منك يوم
بيناتو نمشي عزاز .. زي النبي المختوم
يا ضاحكاً غياظ .. لي شعبك المأزوم
من دكة التلفاز .. دايماً تطل ملخوم
وتنطاير الإنقاذ .. وزبدك يرك متخوم
عرب الكنانة حجاز .. مستقبلن مهموم
عشمان في كوتة جاز .. عربونا كم قدوم
من لذتك تنحاز .. مع غزو ما له لزوم
كان ماك نتن لذاذ .. فتان ولخبات كوم
شن غزتك في عكاظ .. شعب الكويت مو الروم
لا قصباً لا عكاز .. وقت الدميرة تقوم
لاك نافعاً حجاز .. وشن للعتاب واللوم
فوق العليك لاواز .. تشهد سما الخرطوم
غماز ويا لماز .. هماز ويا مفصوم
ما الفرق بين ملوك .. كادى الرعية تلوك
وعسكر وراهو بنوك .. ساوى الغلابا حنوك
طول النهار عوك .. عوك والليل تراب وصكوك
تملا وتفضي تنوك وتملص ضميرا هنوك
واسترني يا المبروك متل التكني أبوك
ناس بي أخوي وأخوك لا اخلاق لا دين لا سلوك
اخلاق ..دين وسلوك
يرمي الولد في الشوك أما البلد مشكوك
يا شعب يسلم فوك .. عطفك رضاك وعفوك
قول للخزين صل صوم ولا تنكسر مهزوم
ولو فضلت الخرطوم من تصحى قبل الطير
بعد النجيمة تنوم
ومنعاشى يا طيبة بخير مكفية راجية اليوم
ممنوع عليها السير غير لى كبار القوم
والسادة الأمجاد ..
لابد من يجي يوم ساعاتو ما ها بعاد
يجي من صراع اضداد
من امة حق الموت ما لا قيا وانتو سعاد
قول للدعي المتخوم
يا متفن التفاح .. وشغلك قيافة ونوم
في شعبك الكداح .. وفي أطفال مو لاقى الدوم
يا أرزقي ومرتاح .. ما جابهنو هموم
جاييك زمن كتاح .. جاياك رياح وغيوم
جاياك مطور الصاح .. جاي الصح المعلوم
من كل فج في كفاح ..ومو وحدا الخرطوم
البيننا بينك دم .. تاراً غريق وجراح
فينا البحرفو السم .. فينا البكفو سلاح
شهدانا ما قت كم ... لا ياتو فيها فلاح
لا ارتحت شلت الهم .. لكنو يا سفاح
لا الإندلق بنخم .. لا بتتوزوز أرواح
ان النفوس جم .. جم
ود الفضل ما راح .. وما طال فينا شهيد
عصيان وإضرابات .. ما بنفع التشريد
لا بجدي صالح خاص .. لا مسخك الشعبي
وغنايك الرقاص .. لا دفاعك الحزبي
لا حيلة ابن العاص .. لا السجن لا التهديد
يابوت ولاد الناس أشراف وما بتنداس ..
ما بمشي فيها وعيد .. وفيها الوعد متراس ..
فيها العشق صنديد .. وصاد أعزلاً دواس ..
يا أرذلاً رعديد .. يا أبخس الأنجاس
وسع مجاري الدم .. زيد السجن ترباس
يا هالكاً مجراس .. مصاص خزا ومصاص
خازوق بني العباس ..
زي ما انت عندك دين افريقيا ليها تراث
وكان تنهري وتنغاظ .. عبداللطيف والماظ ..
ما حرضم النخاس
يا رباية المنظمة .. المريبة المسجمة
دي البلد طيبة ملهمة .. ما بتزوّر ملاحما
كنتِ خدرا ومنسمة .. جنة طيبات مواسما
يا ارض جاك مسيلمة .. في ايدو كيزان مخرمة
فاضية فاضية ومعلمة الله من دين ولا انتما
بين دهاليز مضلمة .. وبي مراويد مسممة
تشتك وانتي مرغمة .. يا أرض صابك العمى
وكل شيء طار السما .. إلا المطر طار من السما
وما اكتفى السفه انعما .. دكن السفة دردمة
وقال نشرع نأسلما .. وفي البداية النقسما
ويا كضب .. لا بتقسما .. لا بتقدر تأسلما
ويا كضب .. لا دا بلسما .. لا ترابيك مرهما
كلكم ملة مجرمة .. والبلد في البيكرما
في الغلابة المنظمة .. في نقابات مصادمة
أو جماعات مقاومة .. من خصوم المساومة
واللا أحزاب مصمة .. سلطة الفرد تهدما
من أساسا وترايما .. وبالبنوك المرمرمة
من عرقنا ومخمخمة .. مافي خير غير نأمما
إلا وجعة ملاحما .. الغلابة المألمة
تنزع السلطة بالدمى .. وأي ثورة نقيما
الكروش المنعمة .. كش تلملم تخمخما
تصحى ذاتا المرخمة .. وللعساكر تسلما
دايرة فعلاً مأزمة .. إلا لابد لازما
يا الغلابة المأزمة .. من تجارب تعلما
من دروباً تقدما .. والديمقراطي أسلما
هو البوضح معالما .. والمعالم تفهما
إنو سبة مظالما .. في الارض ماهي في السما
ولو دي أفضل عوالما .. يبقى في خيلها مكرمة
ولو دي أفضل عوالما .. يبقى غييرا لازما
وعِن تلملم عزائما .. غيرا ما بيبقي حاكما
شعبنا وفارس الحمى .. ينطلق بي ملاحما
تصبح الدنيا سالمة .. والخلائق مسالما
الحبيب للحبيبة ما .. من عساكر نقاسما
شعبنا وفارس الحمى .. ينفرد بي ملاحما
الحبيب للحبيبة ما .. للعوارض يقاسما
منك براء .. ألديش إيمانو والإخلاص
يا سم بنوك العيش .. يا أرزقي ولحاس
ايد تقبض البقشيش .. وايد ترشي للحراس
يا كرشك القدر ايش .. واكبر فراغ الراس
ماك جايي منقذ ايش داعي الهلاك للناس
شن داعي للفتيش .. حالة الطواريء وفاس
حظر التجول ليش .. ليش كتمة الأنفاس
وليش جايي أصلاً ليش .. يا جايي من غير ساس
ما قابلك دقيش .. جوة القطر .. في الباص
حال حلة تشكي دغيش .. ما عشتو ها الإحساس
لا جُعْ لبست الخيش .. لا سهدك قراص
أطفال حفايا تكوس .. للموية في الحصحاص
يوم ما لبست البوت .. في هيصة الأعراس
تعب البرد والصيف .. حمى النفس والراس
طيب حتقدر كيف .. تلمس قضايا الناس
نار المدن والريف .. الضمة ما بتنقاس
كم نفنفت نفنيف والأقوى منك فات
فاكر الحكم طرطيش .. والسلطة قوة راس
كتيل رقاب في دغيش .. حميس جهالة حماس
مو رقصة يا درويش .. عليق بخور ونحاس
ملينا شعب وديش .. ملو الأرض والفاس
الهبة تبقى بشيش .. والحيطة من فد ساس
قول للحرامي بريش .. حلتنا مو تكساس
دم اخويا مو معليش .. وانا ماني نايم حاس
وين تمشي وين شقيش .. اترك برا القصاص
واهلي الغبش ديش ديش .. وكل البلد حراس
ديل نحنا مانا قريش .. وماك ود اخو العباس
والشعب ماهو قشيش .. حالك يصيدو يباس
وسوداننا ماهو حويش .. بيقفلو وبي ترباس
اماتي يا أمات .. قولن لكل عنيد على شعبنا وعاناد
قولنلو نحنا حديد زي المرمة شداد
وين تمشي يا رعديد .. وانا يا دا يا جلاد
جيت من قريب وبعيد .. من ادنى قول في البيد
وآخر فرع غابات
هبة رجال و ولاد
نسوان عزاز وبنات
أجداد وحبوبات
جيتك بكل جنس .. أحيانا والأموات
جيتك بكل لغة .. رطان وصاحب ضاد
جيتك هجمة السيل .. مطراً بلا ميعاد
لكني ما جيت ليل .. جيت في الضحى الوقاد
وما فوقي إلا نشيد ..
وما تحتي إلا ثبات ..
ما في إيدي إلا الأيد شعباً جنا حوبات
وين تمشو يا أوغاد ..يا شرزمة كابات
خانت ثرى الأجداد
بي 300 زول في خمشة دبابات
بدل البطمن خوف وبدل البيلم شتات
بدل البسند الجوف صفيق ومؤتمرات
بدل المدارس جات تملأ البلد ثكنات
بدل القلم رصاص بدل الفهم خوذات
محضر بدل كراس جيهة النشيد غارات
حس رنة الاجراس ابواق وصفارات
تمريناً للجمباز
بدل الشباطة ابوات الحصة كتم انفاس
درس العصر كشات
فتش بيوت الناس واستجوب الاموات
جز الفرع بالفاس ام العرق هيهات
انقاذ وما ادراك انقاذنا الاهلاك
انجاز وما اسماك تكويشة الملاك
يا مسخرة مأفون ترباية السفاك
يا مدعي وافاك زمبارات القصبة
حيكومتكم كعبه
بموروث الشعب والبسملة مغتصبة
ضراعات العمال الزراع الكتبة
سارقين لبس الديش باسم الشعب الطلبة
يا شناق القول يا ربط العقبة
يا خناق الزول يا كسار الرقبة
كنا بنأكل فول نرجى الله في الكربة
مر علينا الحول ضِقنا وضُقنا الادبة
وانت تجب كف كف تنضم لمن تغبى
مؤتمرات السف شكل لجان الضيبه
شنفت الاحزاب قت كوفية وعذبة
الجمعية ضراب زي الما منتخبة
حق الله الاضراب وأي حقوق مكتسبة
قلتو سياسة غاب
طيب لية يا كذبة ما وفرتو القوت ها الحالة الصعبة
ما وقفتو الموت والنهب البى قلبة
دقن فرشة البوت فوق جوطة وغلبة
ولانزيف الدم منو عمارة وعربة
وشر العيشة الغم ليكم خير يا كسبة
كسبة وضلاليين لي بنوكم الخربة
تحيو وحلاليين وللغير حرام وربا
السلطة للاحزاب الشعب ساقا غبا
ولح######م ده ثواب جاء من الله جابو هبة
بجيهة الله الجاب وبجيهة الله ابى
لي بيتو انتو قراب من بحرى بقببا
تنفرج امدرمان والمهدى في الكنبه
تنشايت ام ضبان ود الترابى وباء
فوق تربة السودان في ضرايحو كم غرباء
يا ملعبة كيزان دنيا وبلاش غلبة
وجيتاً ظهرتي بيان يا اتبرا التعبة
ما ضاقت الاديان والدنيا كم رحبة
وفي حضرتك فتيان ما بدلت جببا
الدروشة الغليان الهمهمات غضبا
وكم دوبت بمبان بمواقفا الصلبة
يا ملطشة فرعون
موسى الشوارع عاد
وعلى مين تحلقوا دقون كان اتخلقتو جداد
الشعب كلو عيون الأمة بالارصاد
اللي ضميمتو يخون ما امنوهو بلاد
وكان بيحكمونا بيوت لو بيحكمونا افراد
يا شعبنا الوقاد يا صاحب اعتى جهاد
يا ابن الغلابة الحر يا جيهة يا مشهاد
كتر السكات بيضر وقت المهادنة فات
بيك يا النضال المر تحلى البواكر هات
ايدك لعالم حر والتنهض الكلامات
طول ما الضلالة تضر زي ما هى جات بتمر
يا مفدر الظلمات يبقى اللقى بيسر
والمهدى حي ما مات
يا اتبرا الِبرة يا منجم الثورات
اتبرا ……. اتبرا
إهداء للرائع ودتابر ولكل أهلنا بمدينة الحديد والنار
ابوخالد
28-07-2009, 06:58 PM
إهداء إلى كل الأحبه بمنتدى ست المدائن
وإهداء خاص لأخى وصديقى ونسيبى وجارى الرائع
أبوبكر حامد (ودالماذون)
فى قرية عناتر بين سفوح التاكا ورباه وعلى ضفة نهر ستيت
عاش الشاعر العشقى الرهيف الإحساس
المحلق ود على
وهذه مقتطفات من شعره
ــــــــــــــــــــــــــــــــــ
بشد وأركب على الياخذ له عَـنه
فِـريوة الريف مع التوب المِـتنى
يَـتِـب عجلان قبل ما نلم رسنا
بيوت نورة أم شليخ وين من أهلنا
******
بشد وأركب على ود البشارى
فريوة الريف مع المحزم تجارى
يتب عجلان قبل ما لم حكارى
بليد نورة أم شليخ الليلة طارى
******
بشد واركب على أب زردآ مدانة
متل ود الأرايل فى البطانة
نضوهر من كريكا اليوم ترانا
نسارى الليل على الخدير فلانة
******
******
فظ الماظ مركب فوق مجمر
فص عينيك يا أم خشمآ متمر
فوق بستان تحت سالك مضمر
جليدك طاقة الكيدى المنمر
*****
ما بتجيك تمشى وتخب
وما دنقرت حلبت شخب
وريقاتك الفوق الصلب
جَرحَنِى داخل القلب
*****
ولنا لقاء ....
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir