المساعد الشخصي الرقمي

مشاهدة النسخة كاملة : ادخل بريد الأعضاء فلديك رساله هنا



ابراهيم
01-03-2005, 08:43 PM
هذه لعبة جميلة جداً وهي انا ترسل للعضو البعدك رسالة اي كانت مثلاً

بيت شعر ،غنية ، قطعة نثرية ، تسأله سؤال او اي حاجة حلوة يعني اي واحد يدخل يلقى رسالة تركها له العضو السابق له ووتتوالى هكذا؟



وانا بهدي للبعدي هذه الكلمات:


يا ضنين الوعد أهديتك حبى
من فؤاد يبعث الحب نديّا
إن يكن حسنك مجهول المدى
فخيال الشعر يرتاد الثريّا
كلما اخفيته فى القلب تنبى
عنه عيناك ولا يخفى عليّا
أنا إن شئت فمن أعماق قلبى
أرسل الألحان شلالا رويّا
وأبث الليل أسرار الهوى
وأصوغ الصبح ذوبا بابليّا

اتمنى ان تنال اعجابكم

aborawan
01-03-2005, 09:31 PM
ابراهيم تسسسسسسسسسسسسسسسسسسسسسسسسسسسسسلم ةالله ويديك الف عافية لعبتك حلوة وممتعة وشيقة والله ومشكور على الاغنية ودمت لي نعم الاخ



للبعدي بقووول

القمر وكتين يضوي يستدين منك مهابة .. انتا ما الفرح الحقيقي بسمة في زمن الكآبة .. أنتا نورك لما يسطع يقهر الشمس المهابة .. وتبقى غيرك كل حيانتا صفحة بس من غير كتابة ..

امير عبدالباقي
01-03-2005, 09:41 PM
ابراهومه يامبدع
للبعدي هاك

داير قـُربك .. لكن محتار

وتجافيني .. وتكويني بنار

وإن عاتبتك .. بتسويه هظار

وأنا ليه إحتار .. بين الأسرار

وصوني أحب .. لسابع جار

وإنت أول جار.. يا أجمل جار

ابراهيم
01-03-2005, 10:12 PM
تسلمو يا حلوين ابو روان وامير على المرور والتشجيع

عطرتوا المكان

وبهدي للبعدي هذه الحكم والامثال ...


اذا اردت ان تقول الشي الصواب في اللحظة المناسبة فعليك ان تسكت معظم الوقت

خير الكلام مـا قل ودل

الحـــذر لايمنـع الــقدر

الندم على السكوت خيرُُ من الندم على القول

صالح ابوشوارب
01-03-2005, 10:24 PM
.

ابراهومة تحياتي

السؤال للمحظوظ اللبعدي

هل تعرف الشرقانيـــــة .......؟؟؟؟؟؟؟؟؟

-------------------------------------------------

ابو شوارب

madaniboy
01-03-2005, 11:27 PM
والبعدي هاك دي رساله

عاشر من تعاشر فلا بد من الفراق

aborawan
02-03-2005, 01:28 AM
السؤال للمحظوظ اللبعدي

هل تعرف الشرقانيـــــة .......؟؟؟؟؟؟؟؟؟

عمي ابو شوارب يبدو انو فاقد ما اخد بالو من السؤال بس جد انا الشمار قتلني شديد عشان كده قلتا يا ولد لازم تعرفا الحاجة دي طبعا يمكن تضحك علي من جوابي علي الشرقانية وعندي ليها خيارات

غايتو الشرقانية يا اما انها شجرة
او انها تكون حاجة خاصة بالقهوة طبعا دي اقتبستها ليك من الشرقرق بتاع الجبنة داك :D:D



وبرضو عشان البعدي ما يزعل مني بهديه

االطلة منك لينا عيد ياعيدنا طالت وقفتك
الناس بتسأل وين تكون والناس بكت يوم شافتك
والحالة عرفوك من بعيد كيف القريب من إلفتك

ابراهيم
02-03-2005, 10:07 AM
ابو روان شكراً على الابيات الرقيقة والهدية من ايدك مقبولة

عمنا ابو شوارب.... لك التحية

"الشرقانية" تقريباً نسيج من القش ويطلق عليه احياناً اسم "الصريف" ويستخدم في بناء المنازل في القرى ...

اتمنى ان تكون اجابتي صحيحة

أهدي شاكراً للبعدي......

مهما يكون ذكراك باقية وما بتهون
يا منبع الافراح ويا نور العيون
بتمنى ليك كل السمح
لا تضوق عذاب لا تنجرح

http://www.arabiyat.com/forums/images/smilies/taheya.gif

تلش

aborawan
02-03-2005, 08:49 PM
مشكور اخوي ابراهيم على هذه الكلمات وشاءت ارادة الله اني اكون انا الوراك فلك ودي وحبي الغالي ابراهيم


للبعدي بقول

ثانية ثانية ولحظه لحظه ودقه دقه الشوق نعدو .. قلنا يمكن مره نوصل نحنا حدو .. الحروف صاغت رسائل .. والعيون بي لهفة ردو .. شوقنا اكبر من رسائل ومستحيل نقدر نصدو

ابومرام
02-03-2005, 10:10 PM
ابراهيم صراحة قمة في المتعة والشكر للشباب والتشجيع من الحبايب دائما هم اهل لذلك ابوراوان - امير -ابو شوارب -فاقد حنان - كللللللللللللللللللللللكم ليكم مليون تحية وتحية 00
وانا بقول للبعدي احترت فيك انا شن اقول كل الحروف اتمحنن قالن خلاص مابقدرن وكيف الوصول يانسمة شيلي من الدعاش وياموجة اجري علي الصفاف وياغيمة اسرعي بالهطول ذولاً عزيز بالحيل علينا حيوهو بي عطر الفصول

أبوبكرحامد
02-03-2005, 11:25 PM
شكراً ابراهيم على الموضوع خفيف الظل ، وشكراً لأبومرام وبقية المتاخلين.

بقول للبعدى :

البدر لو شافك يذوب

من الأنوار الجيده

أما الشمس لو شافتك

ترجع أسيرة مقيدة

aborawan
02-03-2005, 11:43 PM
معقولة قدر ده :):) شكرا ابوبكر على الكلمات دي ويديك الف عافية

بقول للبعدي

قليل في حقك المشوار بدور من اجلك امشي كمان و كمان
وتحـفى رجـلي تقـطـر دم و اصــبح في الطريق عـطـشان
محـــبة كــــــــبيرة في قـــلبي و دعـــــوة تمجـــد الانـسان
و انت نمــــــوذجي الطـــيب نمــــــوذج يلـــــهم الفــــــنان

خالد حمد موسى
02-03-2005, 11:56 PM
مشكوريابراهومه علي الموضوع ..

اوتشكر ياحمااادة علي الكلمات....

وبقول لي البعدي

ياربيع بزهوره فايحه في الوجود مالي سواك

ارعي عمري الباقي لي خلي قلبي يعيد هواك

اشوف سعاتك واقترابي اوتزكرالدنيافي شزاك...

صالح ابوشوارب
03-03-2005, 01:51 AM
0
ابراهومة انت صاااااااااااااااااااااااح

والمحظوظ الثاني ( اذا لم تستطيع الاجابة لاتستمر .. جاوب حتي لو خطأ )

يعني خمن ذي ابو روان الله يعطيه العافية .. شرقرق ؟؟؟؟ هههههههه

----------
السؤال للمحظوظ الثاني هـــو

ما هي ×× المـوليتا ×× للمعلومية هذا الاسم ينفع يكون سيارة يابانية

يعني ( موليتا كراون موديل 2005 ) حلوة

==============

ابوشوارب

aborawan
03-03-2005, 02:21 AM
انتا عارف المشيئة ارادت اني اجي انا تاني بس المرة دي جد الله يستر من الضحكة انا حا اخمن لكن انشاء الله المرة دي تخميني حا يكون في السليم لاني زي السمعتا بيها الموليتا دي وتقريباً هي وجبة بياكلوها او بعملوها سلطة تقريباً وشكلا قريب للجرجير ان ما خاب ظني :):)


اها يا غالي المرة دي لقيتني كيف :D:D


للبعدي بقول

ما هي مكونات ملاح ام تكشو ؟؟:D :D


عرف لينا ما هو المشلعيب ؟؟:D :D )

صالح ابوشوارب
04-03-2005, 10:25 PM
.
الاخ ابو روان تحياتي

وشكرا للمكالمة التي اسعـد تني

والله ملاح امتكشو سمعت بيه ولكن لن اتركك

وسوف اخمن تضحك تضحك

هو ملاح ويكه بدون شرموط ههههههههههه

أما المشلعيب هي ثلاجة 3 قدم
0

0
0

0

0

0

0

0

0

0

هي عبارة عن معلاق معمول له ((( قعر))) من السعف علي ثلاثة

علاقات من السعف يوضع عليه الاكل او اي شي وذلك للاسباب الاتية

اولا لكي يتعرض للتيارات الباردة ويقوم مقام الثلاجة

ثانيا خوفا من الكدايس ( القطط )

ولن اسأل حتي اترك المجال للاخوان

---------------
ابوشوارب

aborawan
04-03-2005, 11:19 PM
مشكور اخوي ابوشوارب وانا كمان سعدتا جدا جدا بسماع صوتك


طبعا جيت داخل وراك قلتا اكون جاهز لاجوبتك بس لقيتك ما عملتا سؤال يلا نشوف منو القادم عشان يواصل :):)

ابومرام
05-03-2005, 03:46 AM
توقعنا منك حاجة كدا ياابو روان انشاء ملاح روب ساي
بقول للبعدي ::
رسالة كل ما تستطيع ان ترسلها لغيرك ( لا اله الا انت سبحانك اني كنت من الظاليمن ) دعوة زنون في بطن الحون وما جري عليها 0

ابراهيم
05-03-2005, 04:45 PM
ابو روان
ابو مرام
ابوبكر
ابوشوارب
ابو الخلد

حضور رائع، وحوار أروع، وعيني باااااردة لكم عاطر التحايا

~*¤ô§ô¤*بهدى للبعدي*¤ô§ô¤*~



http://rds.yahoo.com/S=96062883/K=rose+flower/v=2/SID=w/l=IVI/SIG=11tf1en4q/EXP=1110158752/*-http%3A//www.rosefarm.com/images/rose1a.jpg

وبقول ليك تأتى الهدايا على قدر هاديها
ولو كانت تأتى على قدر من تهدى له
لكان مقدارك لا تحده حدود

صالح ابوشوارب
05-03-2005, 10:24 PM
.
الاخوان بالله بلاش عمو (( ماطيروا علينا البلوم )) ههههههه جد

-----------------------------------------------------
ياشباب صحصحو ؟؟؟؟؟؟؟؟؟؟؟

. قلنا الشرقانية والموليتا عملتوا نايمين ابو روان قال

المشلعيب وملاح امتكشوا

عملتوا خ خ خ خ خ خ خ وين ياناس الجزيرة وين ناس

الكاملين وين ناس ودالنور وين ناس الكريبة وين ناس

الحصاحيصا و علي ما اظن ماسمعتو بيهم ؟؟ قدييييمه

السؤال للبعدي

ماهو ملاح ((( ام بق بق )))

وما هو ((( البني كربو )))

يالا يا شباب الجزيرة

-------------------------------
ابو شوارب

aborawan
05-03-2005, 10:44 PM
شنو الحظ ده تاني جيت انا يا غالي وراك :):)

طبعا بخلي فرصة للبعدي عشان يجاوب على اسئلة اخوي ابوشوارب :):)









دي زوغة بي باب البيت عديل كده :D:D

ابراهيم
06-03-2005, 06:05 PM
ابو شوارب لك التحية انت قاعد نكت الحاجات دي وييين؟؟؟

"ملاح ام بق بق " دا ملاح البامية المفروكة

"والبني كربو" دي العصيدة

صاح ولا ما صاح

البعدي:

عندي ليك هدية ثمينة اصلو ما حتتخيلا


























\/\/\/ \/\/\/\/\/\/\/
مفجأة
/\/\/\/\/\/\/\/\/\/\






























طول بالك







































http://www.biznaseducation.com/sraab/funnypics/meltpc.jpg

رايك شنو؟

صالح ابوشوارب
06-03-2005, 11:50 PM
.
الاخ ابراهيم

لك التحية

الكمبيوتر بقي شكله ذي البني كربو

اما الاجابة خليها شوية

الاولاد طبعا عاملين خرطوميين

--------------

ابوشوارب

عشوشه
07-03-2005, 11:16 PM
ازيكم
والله الفكرة جميله خالص
وشكرا على الابتكارات والتنويع بس انا عايزة اسال الى يجى بعدى
الريكه يعنى شنوا













زمان القهر علمنا بان الحب سلطان بلا اوطان
وان ممالك العشاق اطلال واضرحه من الحرمان
فيكفى اننا يوماً تمردنا على الاحزان
فعشنا العمر ساعات ولم نقبض لها ثمناً
ولم ندفع لها ديناُ ولم نحسب مشاعرنا ككل الناس فى الميزان

madaniboy
08-03-2005, 05:09 AM
خخخ
ما عارف
الي بعدي
الريكه يعني شنووو

aborawan
08-03-2005, 08:33 AM
السلام على الكل

العم العزيز ابوشوارب المرة دي ود اخوك جاء يتضرع وكالعادة محاولات على حسب الشئ الفي الذاكرة وبحاول اجتهد ليك عشان اجاوب ليك على سؤال اختي عشوشة


المهم يا عشوشة

الريكة دي تقريبا بتكون مصنوعة من السعف وبختو فيها الكسرة :):)


اها انشاء الله النجرة تكون صاح طبعا هو ما نجر نجر بس بجي من الذاكرة


لك ودي وتحياتي اختي عشوشة



للبعدي بقول عرف لينا الآتي ذكره بالعربية الفصحى :D:D


1 / الدحش
2 / اب قرنبع
3 / ام سي سي
4 / حبوبة ونسي

أبوريلان
09-03-2005, 06:53 AM
سلام للكل

الدحش صغير الحمار

أب قرنبع حشرة لونها بنى وعادة تكون فى المستراح وبعدين عرف المستراح .

أم سى سى تشبه الفأر ولكن حجمها صغير وتوجد دائما فى المطبخ مكان

الأكل .

حبوبه ونسى - دى شيخ طه - لمبة أضاءة تصنع من علبة وأوزجاجه بداخلها

خيط وعليه جاز وتشعل بها النار للإضاءة . أها رأيك شنو يا أبو روان .

سؤالى للبعدى :

# ماهو الواثوق ؟
# ماهى التبروقه ؟
# ماهى السحاره ؟
# ماهى الحرايه ؟

سنين
10-03-2005, 02:16 AM
ابراهومة نحي الحماس واللعبة الجميلة والهادفة ..وهي عبارة عن ثقافة تراثية

ودمت اثراءاً لهذا المنتدى الرايع بكم دوماً

ابو ريلان ... انت باين عليك تربية حبوبات ...
جبت الحاجات دي من وين؟:confused:

# ماهو الواثوق ؟

هو آلة زراعية تقليدية وهي اصلاً "الواسوق"



نحن اهل السواقــي اللتـــرفع واسوقا*
نهدي الصافنـــات للضيف ركوبا يسوقا

وكت الشوف يشوف والحـارة* يعمر سوقا

زي كور المــــعيز* قدامنا نحن نسوقا

# ماهى التبروقه ؟

التبروقة هي مصلاية من الجلد

# ماهى السحاره ؟

السحارة حاجة بحفظو فيها الاكل
# ماهى الحرايه ؟
دي انا بستعين بي صديق
************************************************** ****

الزوول الجاي ده


انا عايزك توريني كور المعيز الاتذكرت فوق دي معناها شنو؟

ودمتم

LighT^RosE
11-03-2005, 07:38 AM
koor alma3eeez !!!!!!!!!!!!!!!! wallahi awl mara asm3 behaa ento ya jam3a alkalam da ana 3mro ma sm3ta beha laken mnkom nstafeed ............ o bakhali alejaba ll3odo alb3de le2ni ma b3refa.

marwa
11-03-2005, 03:25 PM
wallahy ana zaty ma 3rfta laken alshmar 7rgny al'7leeeeehal allzool alb3dy

waheeb
11-03-2005, 06:48 PM
نحن اهل السواقــي اللتـــرفع واسوقا*
نهدي الصافنـــات للضيف ركوبا يسوقا

وكت الشوف يشوف والحـارة* يعمر سوقا

زي كور المــــعيز* قدامنا نحن نسوقا



أولا لكم مني كل الود.. وأحب اقول انو دي فكره رائعه تدعم الاعضاء بزخيره وافره من الكلمات والمعاني التراثيه الاصيله..كوم المعيز تعني مجموعه من الغنم وأهلنا بيقولوا للغنمايه معزه.. ولا ما كدا يا أهلنا..

waheeb
11-03-2005, 06:50 PM
سؤالي للزول البعدي..

بتعرف عنقريب القد؟

ابراهيم
11-03-2005, 07:53 PM
العزيز ............................ ابو اشرف

وين الغيبة الطويلة يا راجل حمد لله على السلامة

وبركة الشفناك طيب

عنقريب القد تقريباً هو العنقريب المجلد بالجلد

والله أعلم
........................................

سؤال للبعدي ===========>


الطين .. هل هو تراب حاول الغرق .. أم ماء حاول النجــــاة !؟

ودمتم

ابراهيم
11-03-2005, 08:03 PM
عفواً

ليست هناك اجابة فرضية للسؤال السابق

يعني ممكن تجاوب حسب فلسفتك وخيالك



تحياتي

صالح ابوشوارب
12-03-2005, 07:27 AM
0
الاخ ابراهيم

لك التحية

الجواب علي ما اعتقد ( تراب حاول الغرق )

سؤال

ما هو

( 1 ) ملاح أم شعيفه

( 2 ) ملاح أم بق بق ( الجواب السابق غير كافي )

_______________

ابو شوارب

هناد
12-03-2005, 11:01 AM
ها البعديني هاك دا




يا غاليه يا زينه حياتي
مشتاق لي شوق كان ليه زمن
ما انتي عارفه شبابي كله
وهبتو لي قربك تمن
القاك متين وحيات سنين
واتهني بي قربك زمن






طبعا دا غزل ولي بنت لو ما في مانع

waheeb
12-03-2005, 01:36 PM
الريكه يعني شنو؟ والله دا كلا عجيب .

انتو من وين في زول ما بعرف الريكه والطبق! ولا ما بعرف الكسره..

الريكه دي طبق مصنوع من السعف توضع فيه الكسره

لمحتك والعيون تعبانه شايله الهم علي الاهداب.. لمحتك والقلب ملتاع ومن اقدارو

كان مرتاب..ولملم لي سعادتو طواها من قصص الغرام كان تاب..

ابراهيم
12-03-2005, 08:00 PM
الأخ أبو شوارب ... لك مني الود والتحيات الطيبات


بالنسبة لملاح أم بقبق هو نوع من ويكة الخلا وهي لا تزرع إنما تنبت كنبتة طبيعية لكنها تؤكل خضراء ولا تجفف..


لكن ملاح ام شعيفة دا والله علا اتصل بي حبوبة في البلد

يا ريت تجي لأنو شمار ملاح ام شعيفة دا حرقني

ابراهيم
12-03-2005, 08:19 PM
سلامات كميات يا وهيب

وشكراً للطلة الحلوة وعلى الابيات الجميلة

بدور اقول ليك هذا زمان طغت فيه كنتاكي وماكدونلدز على الريكة والويكة

والناس بقت تشتغل Delivery ..

وانا بقول للبعدي ... :


إنت يا الأبيض ضميرك

وصافى زي قلب الرضيع

في كلامك

وابتسامك

أحلى من زهر الربيع

صالح ابوشوارب
12-03-2005, 11:56 PM
.
الاخ ابراهيم

لك حبي وتقديري

اجابة ام بق بق صااااااااااااااااااااااااح يا ابرهومة

نحن في انتظار ملاح ام شعيفة للبعدي

---------------------------------

ابو شوارب

waheeb
13-03-2005, 02:08 AM
أخي ابو الشوارب.. لك التحايا العطره..ملاح أم شعيفه هو ملاح ويكه

خفيفه جدا..

وللبعدي اهدي..

كل الغات رفضت أبت كل الحروف ما توصفك..

وحتي القلم كتب اعتزار واخر قرار أخذو القلم..

لو يعتزل رسم الحروف ما بوصفك..

والحبر رفض النزول لي سنه القلم التكون أداة الجريمه

يوم تحاول أغتيال لوحة جمالك بالوصف..

ابراهيم
13-03-2005, 08:02 PM
كلام عذب ورقيق زيك يا وهيب

بصراحة سرحت في سطور هذه العبارات الرائعة والجميلة
وبشكرك عليها بحرارة اتمنى لك التوفيق والى الامام

وبهدي للبعدي ....

لو قالو ليك ..

اوصف جمالك تفتكر....!!

تقدر تقول كل الحقيقة

دي الحديقة

جمالا يا زين

دون جمالك
:) :)

waheeb
13-03-2005, 09:16 PM
دا بس من ذوقك يا ابراهومه .. وهاك دي للبعدي...

جهرا انادي باسمك المنسوج من برد التوهج والجمال..

حسبي لقاءك في عيون الناس في بلدي جنوبا او شمال..

سمر الملامح يشبهونك مشية أو قامة,

لكنهم لا يشبهونك في الخصال..

امير عبدالباقي
13-03-2005, 10:24 PM
المشلعيب هو شنو
اعتقد سوال ساهل

صالح ابوشوارب
14-03-2005, 01:02 AM
.
الاخ امير

صح النوم المشلعيب راجع الصفحة الاولي

الاخ وهيب

ام شعيفة لسة ناقصة شوية ومهمة عشان تكون ام شعيفة

==============

ابوشوارب

waheeb
14-03-2005, 01:25 AM
أخي ابو الشوارب..

ملاح أم شعيفه ملاح ويكه وبصل ومويه بدون لحمه .. اها كدا ان شاء الله اكون كفيت ووفيت

هناد
14-03-2005, 01:45 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه دا رساله والله

أبوريلان
14-03-2005, 02:06 AM
ههههههههههههههههههههههههههه

أبو شوارب يا خى ما تريح وهيب والناس وتقول أم شعيفه ناقصوا شنو .

وسؤالى :

# ما هى المسلة ؟
# ما هى الكونشيه ؟
# ما هى الخرزه ؟

سنين
14-03-2005, 02:12 AM
اها يا اخوانا المسأل واقفة وين
ولا نسال انحنا



1/ القرقريبة
2/ المرحاكة
3/ الموليتة
4/الكجيك

aborawan
14-03-2005, 02:19 AM
سلام يا حلوين ومشتاقين

العم العزيز ابوشوارب افزعنا بي ام شعيفةعشان نعرف المكونات



ما انتا يا يسوري جيتك انا ابو التنظير وبقعد انظر ليك هسه

المسلة دي ابرة خياطة مقاس XXXL تستخدم في النجادة ( ابره كبيرة )

الكونشية دي ما عرفتها واظنك قاصد كنش البعملو بيه العصية ولا انا غلطان

الخرزة تقريبا دي خيط النجادة او البكره البتلفا فيها خيطة النجادة



طيب للبعدي بقول عرف لينا السفروق ؟؟

المحارة ؟؟

أبوريلان
14-03-2005, 03:28 AM
أبو روان

سلام

أجابة المسلة صحيحه . بس ما زال باقى سؤالى رد كان ما صحيح .

# ما هى الكونشيه ؟
# ما هى الخرزه ؟

أما بخصوص أسئلتك بسيطة وهاك الحل :

السفروق ؟ من الخشب مقوس لأصطياد الحيوانات مثل الأرانب ويستخدم فى غرب السودان بكثرة .
المحارة ؟ من الخشب برضو وتستخدم فى اللياسه أو كما نقول فى السودان التخشينة ( ولو شفت محارة مكى شقى تقول شنو ) هههههههههههههههههه

الأخ سنين

1/ القرقريبة : تستخدم القرقريبة فى عواسة الكسرة
2 المرحاكة : قطعة من القماش تستخدم فى عواسه الكسرة برضو
3/ الموليتة : نبات يقوم فى الخلاء ويعمل فى شكل سلطة بعد غسله بالماء والملح لمرارته وكذلك أهلنا فى السودان يستخدموه لعلاج الملاريا .
4/الكجيك : الكجيك سمك ناشف ورائحته عفنة شديد ويستخدمه أهلنا فى جنوب السودان .

أتمنى أكون أوفيت وكفيت ويا سنين بمناسبة الكجيك ليك نكتة فى بريدك الخاص ما بتتقال هنا يلا تعال .

البعدى يرجع لباقى الأسئلة التى غلبت أبو روان ؟

waheeb
14-03-2005, 09:54 PM
أخي ياسر اجاباتك صحيحه الا في المرحاكه.. لانها ما من القماش دى عباره عن حجرين يطحن بهما الذره والبقوليات (اللوبيا مثلا)

صالح ابوشوارب
17-03-2005, 12:10 AM
. والله كل الاخوان روعة

وهذا يدل الدنيا بخير ويسقط الهابرقر

وتعيش الكسرة بام بق بق

الاخوان عرفوا ام بق بق

هل تعرفوا (( أم تريبات ))

__________________

ابو شوارب

aborawan
18-03-2005, 01:41 AM
شنو يا عمنا ده ملااااااااااااااح ولا اسم قرية ده :(:(

انا غايتو والله لا بعرفو ولا سمعتا بيه قبل كده

عزيز عيسى
18-03-2005, 12:42 PM
أبو مروان
أم تريبات اعتقد اسم قرية في الجزيرة.
انشاء الله يكون صاح.

أها الشرقرق شنو؟

عزيز

سنين
18-03-2005, 09:51 PM
صباح الفل والياسمين




ام تريبات دي والله ما مرت علي قبال كده

اخوي عزيز عيسي
الشرقرق ..قطعة من السعف بتتختا في راس الجبنة
وهي تستخدم كمصفاة للقهوة

الزول الجاي بعدي ...
انت وجاي عليك الله كورك لي ابو شوارب خليهو يجي يشوف ام تريبات دي

:rolleyes:

سنين
24-03-2005, 12:19 AM
up

rasheed
24-03-2005, 02:29 AM
أب شوارب هوووووووي قالولك تعال ورينا ام تريبات دي شيني ؟؟؟ ملاح ولا حلة ،، أنا غايتو عارفها حلة ،،،
لللبعدي ،
ما هو المرس
والكول
والويكاب
واب شوك
وبهدي لكل الحبابيب وأطلب أنو كل زول يكون ليه قيمة
أبقى زولاً ليه قيمة ،، أسعد الناس الغلابة ،،
والباقي طار مني تموها براكم والحافظ يسمع

aborawan
24-03-2005, 02:58 AM
ام تربيتات دي قرية من قرى محافظة سنار جهات الحاج عبدالله والحوش

الزمن المريح
24-03-2005, 06:38 AM
تلسلموا يا شباب

ام تريبات ؟؟؟؟؟؟؟؟؟؟؟؟؟؟؟؟؟؟؟
احتمال تكون قرية لكن ،، الناس فى السودان كل منطقة تلقاهم مسمين ليك نفس المادة اسم ثانى
تعدد ثقافات
لووووووووووووووووووووول

رشيد اها اولا اديك العافية و يطول عمرك
المرس : افتكر انه بقايا عصير القصب ،، و البعض يطلقه على البلح بعد ما يصفوه ما لل.......... لكن للشربوت

الكول : و الله افتكر انك قاصد الكعكول ( المشلعيب) ان ما قاصد المشلعيب الكول ديه اسم اسرة وزير الخارجية الامريكى الاسبق او لاعب الارسنال الانجليذى ( الباك الشمال )
الويكاب : الويكاب رماد القصب يبرد بما بارد يصبح عجينة تجفف ليصنع منها ملاح باللوبة و مرات كدة باللبن،،

ابو شوك : اما انك تكون قاصد ابو القنفد او و الله عندى صاحبى اسمه وليد ابو شوك انت بالله برضو صاحبك

خطاب العبيد
25-03-2005, 11:20 AM
الاخ فاقد لك كل الود والاخلاص والحب من الزول الشين
والريكة دى هى البضعو فيها الكسره وأوعى تقول مابتعرف الكسرة والريكة تصنع من السعف لتوضع عليها الكسرة بعد عواستها طبعًا .

كيف اقول مشتاق وانا العلمت وصل الشوق

يسافر ليك ويطمنا ،،،،،

ويشيل اخبار ويزيل احزان ويزيد اشجان .

والبعدى بقول ليه ....؟؟؟؟


أما الفؤاد فحسبيه أنتا ساكنه

وساكن البيت أدرى بالذى فيه



الزول الشين

ابراهيم
26-03-2005, 09:18 PM
السلام عليكم يا شباب
حسب معرفتي

المرس: الدهن بتاع البهيمة

الكول : نوع من النباتات يجفف يسحن ويوضع في ملاح الويكة (والله اعلم)

وزي ما قال اخونا الزمن المريح الشغلانة فيها (تعدد ثقافات)


اخونا راشد
الهدية من ايديك مقبولة :D

اسئلة خفيفة ... ما هي:

الغباشة ، القدوقدو ، امجنقر


:D :confused: :p

صالح ابوشوارب
29-03-2005, 08:50 AM
تعال جاي

nana
30-03-2005, 12:18 AM
الاخ ابو الشوراب لك التحية
الريكة طبق من السعف بيضعوا فية الكسرة ولا ما صاح
وبهدي للبعدي
اجمل حاجه تكون متعذب بانسان متعذب بيك
تقاسي الزمن القاسي عشانو وبرضو يقاسي زمانو عليك
تكون بتفتش عنو وتسال وبرضو يكون بفتش فيك
تبقى الريدة عذاب متواصل
وتشتاق ليهو ويشتاق ليك

ابراهيم
30-03-2005, 06:49 PM
مشكور/ة الأخ/ت

نانا على المرور ومرحب بيك في البيت الكبير والملاذ العامر منتدى ود مدني

بالنسبة للريكة سبقك في تعريفها اخونا وهيب

أما الهدية ابداع عديييييل



اجمل حاجه تكون متعذب بانسان متعذب بيك
تقاسي الزمن القاسي عشانو وبرضو يقاسي زمانو عليك
تكون بتفتش عنو وتسال وبرضو يكون بفتش فيك
تبقى الريدة عذاب متواصل
وتشتاق ليهو ويشتاق ليك

وبهديها تاني للبعدي

صالح ابوشوارب
05-04-2005, 09:11 PM
.
الاخ ابو روان

لك التحية ام تريبات فعلا هي قرية

بريفي الحوش

في المنتدي دا أحسن حاجة فيه مواضيع

تكتب فيها وما في زول يعمل ليك فيها (( الفة ))

ما معني (( الفة ))

-----------------------------

ابو شوارب

سنين
06-04-2005, 12:13 AM
السلام عليكم ..تحية ندية

الغباشة ، القدوقدو ، امجنقر, الفة

دي الاسئلة

الغباشة ..دي موية بدوها عجين ..وبتبقي عاملة زي النشا..بس خفيفة شوية
"" يا ود دهاشة القلبتة الموية غباشة""
القدقدو::: دي ما قادر افتي فيها يا برهتة ..لكن هي من الطيبات
امجنقر ::: اكلة فيها قايمة عريضة طويلة من التركيبات ..وكل زول بكب العايزو ..لانو ام جنقر ما محصورة ..ولكن التكونيات الاساسية لي ام جنقر
الدقيق الطحنية الزبادي السمنة ..ولا شنو ؟

الالفة ::: ده زول غايتو ..لكن جنو شمشرة ..يعني انسان ما عادي فيهو بعض الخوارق:D

الاسئلة الجاية هي تعسفية ..والشباب يمتنع من سن 30 وانت نازل ما في زول يرد ...ومن 30 ولي فوق ابقو قدر الكلام ده

طبعا معروف لي كل جيل اللغة والكلمات الشبابية المداولة بيناتهم ..والاسم العلمي طبعا (اللغة السوقية)

عايزين الترجمة للنص ادناه::

اول امبارح يا سان كتلنا ليك الطربانة .. كشفنا للحسس وضربنا العشمانة..اخوك كان مهوي ..دقية ليهم جرس ..قلتا ليهم الا تعملو لي زيدان ابراهيم ..لكن عملو فريد الاطرش:D

ممنوع كل وسائل المساعدة ;)

ابراهيم
23-04-2005, 07:18 PM
الاسئلة الجاية هي تعسفية ..والشباب يمتنع من سن 30 وانت نازل ما في زول يرد ...ومن 30 ولي فوق ابقو قدر الكلام ده

طبعا معروف لي كل جيل اللغة والكلمات الشبابية المداولة بيناتهم ..والاسم العلمي طبعا (اللغة السوقية)

عايزين الترجمة للنص ادناه::

اول امبارح يا سان كتلنا ليك الطربانة .. كشفنا للحسس وضربنا العشمانة..اخوك كان مهوي ..دقية ليهم جرس ..قلتا ليهم الا تعملو لي زيدان ابراهيم ..لكن عملو فريد الاطرش

ممنوع كل وسائل المساعدة

marfa
24-04-2005, 08:53 AM
وانا كمان ماعارفه معناها
يالله نشوف البعدي

بابكر
24-04-2005, 01:01 PM
بشكى ليكم يا مظاليم الهوى
اصلى مجروح مرتين
امكن القى الزى فيكم
ضاق جراح الحب
ومتعذب سنين

شكرا لكم

elshaigi
24-04-2005, 01:14 PM
اخوي بابكر انت قاعد لي انصاص الليالي مالك الليلة
أول مرة الاقي معاي واحد نص الليل على العموم اهلاً بوجود..
واكيد منتظر تشوف الحل على العموم انا عرفت نص الكلام والنص التاني بحاول اترجموا لكن بكرة كان مافي حد جاوب اجاوب ليكم ..

مع تحياتي للجميع ............ الشايقي

ابراهيم
29-04-2005, 03:39 PM
للبعدي بهدي ..

قدري معاك

إنك وطن مكتوب اعيش في غربتو

إنك عمر اعشق سنينو ورحلتو

إنك فرح أهوى غناهو وضحكتو

إنك محال لابد أنال من روعتو

إنك حبيب تبكي العيون من فرقتو

Du3ash
30-04-2005, 05:40 AM
تحياتي للجميع ......
وللبعدي ..

ذنبك انك ...
اني بريدك أكتر منك ...
نفسك ولونك وصوتك وحسك ...
وبراق سنك ...
وسنة سيف العين الطعنت ..
قلبي الرادك ..
وحي بي حنك ..
زادن شوق الشوق الشاقي ..
مسافة شقة راسك وآخر قدمك ...
ولسة الناس بالشوق راجيينك ...

قمر الزمان
30-04-2005, 08:51 AM
مرحبا ..

للبعدي ..

بتستاهل يجوك الناس
ويعمرو بالفرح بيتك ،
يغنو لك غناوي الفال
وتبقى البهجة عيديتك ،
ويغرسو ليك شتول الريد
عشان تسقيها حنيتك ،
تنور بالجديد دنياك
تكون حققت امنيتك .

مــ سواح ــازن
02-05-2005, 10:07 AM
تسلمي يا قمر الزمان

وبهدي ليك يا البعدي وحداي

منك بديت رحلة هواي
كان ضقت فيك طعم الشجن
شديت رحالي نويت أجيك
إخترت أعماقك سكن
أسرجت خيل سفري الطويل
سافرت ليك قاصدك وطن
غنيت علي أرضك غناي
ودعت ليلات الحزن
لاك معاي يلاك معاي
أجمع هواك مع هواي
وأسقيك من ريدي ووفاي
عيزك معاي في كل حين
نرسم فرحنا على الجبين
ندي الملامح لون غروب
شوقنا في العينين يبين
في الساعه ديك يا غاليه
مييييييييييييييييييييين بفرقنا مين ..............

الزبير محمد عبدالفضيل
02-05-2005, 08:43 PM
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا(10)يُرْسِلْ السَّمَاءَ عَلَيْكُمْ مِدْرَارًا(11)وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا(1

مرافئ الابداع
03-05-2005, 04:16 AM
لو ضليت طريق قلبك وصار درب الوصال قاسي
وضاع في السكه احساسي تأكد اني ميت فيك
وانك اخر انفااااااااااااااااااااااسي

ابومرام
03-05-2005, 11:39 PM
] تسلم يامرافي الابداع لكن الكلام دا ما كتير علي لك التحية والتجل وانت تعطر المكان بين اهليك واخوتك وخلينا نشوفك 00وانا بقول ليك 00
راجى منك بس إشارة

وكلمة تدينى البشارة

ولاّ بيناتنا المسافة 00

[] للبعدي ماهي الطورية والكدنكة والملود (عرف انكم كلكم اولاد حبوبات )

ابراهيم
08-05-2005, 04:09 AM
ابشر يا ابو مرام

وهدية من ايدك مقبولة
معناه اني على بالك

بالنسبة لأسئلتك :
ماهي الطورية والكدنكة والملود (عرف انكم كلكم اولاد حبوبات )

الطورية والكدنكة آلات بدائية تستخدم في الزراعة

لكن آلة تستخدم لاستخراج الحشائش الصغيرة التي تضر بالزراعة

اها (لقيتني كيف؟)؟:confused:

البعدي بهديه ....

قدري معاك إنك وطن

مكتوب اعيش في غربتو

وانك عمر اعشق سنينو ورحلتو

انك فرح اهوى غناهو وضحكتو

وانك محال لابد انال من روعتو

وانك حبيب تبكي العيون من فرقتو
:D :D :D

ودأبكرش
08-05-2005, 10:14 AM
يعني انك انسان متردد
السؤال
الوجبه المضله لك؟
بدون خجل

asma elamin
08-05-2005, 11:14 AM
فاقد حنان لو كنت بتعرف الريكه ما كان فقدته الحنانلانه الريكه فيها حنان حبوباتنا وهي الطبق الذي توضع فيه الكسره والسؤال للبعدي
التبروقه هي شنو
المقطف هو شنو
طبعا اختكم قرويه قدييييمة وما اتوقع اجابه صحيحه الا من الاخ بابكر

aborawan
08-05-2005, 09:26 PM
اهلا بالقروية القديمة وجيتك انا

التبروقة هسه بقت المصلاية والتبروقة دي كانت تصنع من السعف


اما االمعطف ده الشهادة لله غلبني وما عرفتو ادي فرصة للبعدي

ابراهيم
11-05-2005, 05:06 PM
مشكور ابو روان للمعلومة اضف اليك انو التبروقة مصلاية شكلها دائرية

والمعطف على ما اعتقد هو لبس يرتدونه في البرد والله أعلم ...


رسالة للبعدي ---------------------->


أريت لوشفت في غيابك عزابنا الكنا حاضننو

وكيف الشوق لعب بينا وفضح كل المدارنو

وراك ليل الشقا القاسي نساهرو ونجمو عادنو

نقول للنسمة بالآهات حالو الليلةكيفنو..؟

waheeb
11-05-2005, 10:41 PM
ازيكم يا جماعه والله طولنا منكم لكن والله مشاغل الدنيا الما بتنتهي..
والله أخي ابراهيم انت تستحق التميز لانك فعلا مميز..

وللبعدي بقول..

بتنفسك.. لحظه زفيرك شهقتي...

بتحسسك.. في حته جواك حقتي...

يا أغلي زول مسجل حضور في دنيتي...
رايك شنو أكتب عليك ممنوع دخولك ومرقتي..
وأقفل وراك كل السكك.. يا سكتك يا سكتي...

waheeb
11-05-2005, 10:42 PM
ازيكم يا جماعه والله طولنا منكم لكن والله مشاغل الدنيا الما بتنتهي..

والله أخي ابراهيم انت تستحق التميز لانك فعلا مميز..

وللبعدي بقول..

بتنفسك.. لحظه زفيرك شهقتي...

بتحسسك.. في حته جواك حقتي...

يا أغلي زول مسجل حضور في دنيتي...

رايك شنو أكتب عليك ممنوع دخولك ومرقتي..

وأقفل وراك كل السكك.. يا سكتك يا سكتي...

نونا
12-05-2005, 12:12 AM
تماااااااااااااااااااااام

أحمدالجاك
12-05-2005, 04:51 AM
العافية ليكم ام دقوقة والطرادة ديل شنو

محمد صلاح
12-05-2005, 05:16 AM
أهلا بك معنا في هذا المنتدى الرائع يا أحمد
وإجابة عن سؤالك:
أم دقوقة هي التقلية أما الطرادة دي ما عارفها شنو وبخليها للعضو اللي بعدي

مزوني
12-05-2005, 05:25 AM
والله العظيم غلبتني عدييييييييييييييل
يالله انا بهدي دي للبعدي
قسما بمن شق المياه من الحجر
وأقام في الآفاق آيات العبر
أبدافلن أنساك مادام الهوى ينساب
في أعماق قلبي كالمطر
فأهنأ بقصرك في مرابع خافقي
نقشت به عفواً
("- هنا أغلى بشر-")

عزيز عيسى
12-05-2005, 06:08 AM
والله اما انكم حناكيش تمام..

ام دقوقه دي ملاح الويكة الخفييييييييف.
والطراده دى.. نوع من العملة تعادل 25 قرش.. سحبوها الكيزان من السوق زمان.
امشوا قولوا لي قرش ده شنو كمان؟

اها اللى بعدي:

السكسكانية.. والمشبك.. والشكشاكة شنو؟
وكله كاف في كاف.

ونزلت شكشااااااااااااااااكه في جبال النوبة.
الليله ما جاء.. سيد ريدي ما جاء

الله يديكم العافية،

عزوز

ابراهيم
18-05-2005, 05:00 PM
السكسكانية دي حاجة كدا زي الشعيرية بس صغار

والشعيرية حاجة كدا عاملة زي لساتك القروش

والمشبك أداة خشبية بيثبتو بيها الملابس في السلك

الشكشاكة دي المطرة الخفيفة

اها كيف يا عزوز

اها بقول للبعدى
بدعو ليك من كل قلبي
الله يفتحا في وشك























علبه ببسي مخجوجه
:D :D :D :D :D :D

قمر الزمان
19-05-2005, 12:39 PM
دا شنو يا ابراهيم ؟؟؟
لكن مقبولة منك ..

للبعدي
The most wonderfull heart
is the heart that fear Allah
The most beautiful words
are the words for Allah
The purest love
is the love for Allah

[[ اروع القلوب قلب يخشى الله ،، واجمل الكلام ذكر الله ،، وانقى الحب حب الله ]]

marwa
19-05-2005, 08:19 PM
tslmy gmar alzman
wa allah ya'7leeeeeeeek
ya ebraheeeeeem almoshabk da 3la ma a3tged esem alkla

زيكو منيب
22-05-2005, 11:26 AM
القلب لك ينادي

و الروح بعدك سراب

كل الوجوه تغيب عادي

و انت غيابك عذاب

saly
24-05-2005, 08:41 PM
اولا ازيكم ده امكن اول كتابه لي في المنتدي منذ اشتراكي فيهو لانو بصراحه لقيت كلمات و اسأله انا اول مره اسمع بيها تقول الواحد ما عايش معاكم مثلا الريكه-ملاح أم بق بق - ام شعيفه - الشرقانيه - ملاح ام تكشو - الكدنكه - الملود ، والله ده كلام عجيب انتو بتجيبوهو من وين كده حسستوني كاني ما قاعده و عايشه في السودان معاكم يعني انا لو كان دخلت مسابقه بالكلام ده الا استعين بصديق و ياريت يكون أبو روان عشان شايفاهو جاوب كلو صاح و انا اعتقد الولد ده عمرو ما صغير لانو الكلام ده ما يعرفو الا جدي و لا حبوبتي و انا والله ما حنكوشه لانو الموليتا اكلتها و العنقريب رقدت فيهو و ام سي سي جرت قدامي لكن الكلام الفوق ده اول مره اسمع بيهو

النار أن تحبك امرأة غيورة .. والجحيم أن تحبها أنت
هناك طريقتين لقتل المرأة التي تحبك بان تقتلها بصدق .. أو أن تحب غيرها
حينما تقول المرأة .. أكرهك جدا .. لا اطيق رؤيتك أود أن أطلق عليك الرصاص ..
اتمنى لقاء الموت ولا لقائك حينما تمقلب شعرها من البغض .. وتعضعض أضافرها
من الغيض وتتمتم في وجه حبيبها وتقول أشوف العمى ولا أشوفك ..
حينها تكون في حالة حب وليست كراهيه
بت مدني

aborawan
27-05-2005, 02:07 AM
سمح يا بتي عمك جاهز لو احتتجي اي مساعدة قولي عووووك

ابراهيم
25-06-2005, 04:27 PM
ما بتقصر يا عمنا ابو روان

للبعدي هاك دي =====================>

كنت معانا

وكان الشوق في الكرسي الفاضي

وطعم الحتة حزين

ولو القلب بنفسج

كانو جميعاً بسألوا عنك

وين الزول اشجار الصندل؟

وين منقاية الروح

وثمار المشتل؟

وانت لأنك كنت ومافي

كان الشاي بس ناقص سكر

الدبلوماسي
26-06-2005, 02:15 AM
الله على الكلمات الجميلة مشكور ابرهوما على الكلمات وعلى الموضوع الرائع .
بسئال البعدي وينك من زمان مالك مستخبي ليه؟...
احنى فتضار عينيك ... وسماع صوتك الرنان

welly
26-06-2005, 09:36 PM
يا ابويوسف قاصد البعدك ولا اللى على بالك
والله ما مستخبيين لكن انت بعيد
وبسال البعدى ....
ما هو شعورك الآن منذ اول يوم دخلت فيه المنتدى ؟؟؟

الدبلوماسي
02-07-2005, 02:16 AM
شعور أي سوداني في الغربة ... وشعوري لا توصفة الكلمات ولاكن اختصرة في انني مبسوط بين أهلي وناسي ...
أسئال البعدي ..الغربة أما من حل لها ؟...........

welly
02-07-2005, 04:09 AM
كده وووووووووووووووب
وكده ووووووووووووووبين


والسؤال للبعدى

ابراهيم
08-07-2005, 04:28 PM
انا غايتو يا ويلي ما عرفت الاجابة عشان كدة

اخلى الفرصة للبعدي وكمان بهديه=============>


انا لست احد سلاطين الحب ولا ملكا من الملوك


ولا املك عصا سحرية كي اجبرك على حبي


لكنني عاشق مرهف الاحساس


لا املك ما يملكه غيري من مال او جاه ولكنى املك....
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
سفنجة ماركة باتا كان اديتك بيها فوق راسك حتعرف ان الله حق.

التيمان
09-07-2005, 05:18 AM
والله ماعارفه
























السؤال للبعدى مافى سؤال تفتكر ليه مافى سؤال مثلا ماعارف

الزبير محمد عبدالفضيل
10-07-2005, 09:43 PM
هذي وصف لوحه سريعه لجماعه كانو قاعدين مع واحد قبطي وكان الشخص

هو رباطابي وقام وقال الاتي :



حسن حسنين وايضا حنا الجدي حنننوه وفي خناصره الحنه قليبي هريتيه


تب قلبك علي ما حنا يا شاتل الورد اشتل معاه الحنه




وهذي لوحه لواحد قبطي صاحب محل اسمه حنا ومعاه اثنينين تيمان


هم حسن وحسين بيعملوا معاه في المحل وبت القبطي كمان موجوده معاهم



وجاء الرباطابي ودخل المحل وشاف بت القبطي وقطع فيها بيت الشعر




ربنا اغفر لنا ذنوبنا ونجينا من القوووم الكافرين