ابوي محجوب وصاحبو في الديوان ..!!!!

[عاشق الترحال]

http://im12.gulfup.com/2012-02-16/1329339814911.gif (http://www.gulfup.com/show/Xbt0gw6jr04u)





كو كو كو ،،،،مرحب ،،مرحب .
كوكو كو ،،، اي اي جاينك ،،،منو الفي الباب ...دا انا يا حاج ..
انت منو ،،،،معقوله يا عمك ،،،الاصوات بقيت ما بتفرزه ....
الاصوات لكن ما كتااااااااااااااااااار ،،زي اصوات الانتخابات لكن ....
اوووووووووو،،،،،، حبيبنا مطرطر ... زيك ياخ ،،،
نص ساعه عشان تفتح الباب ... اتقول داير تفتح بوابة عبدالقيوم ...
اصلك دي حالتك ...علي الطلاق مما عرفتك في الدنيا دي عرفتك مسيخ وصليط ...
_ كدي يا حاج خلينا اندخل يا منقبيل موقفنا في الشارع ... ما تاخذني نسيت والله .
اتفضل خش الديوان ...

[عاشق الترحال]

اهل البيت ،،،يا الجوه ..سلام عليكم ..
_ وعليكم السلام يا ود المطامير ..شنو ليك كم يوم ماااااااااااا ظاهر ..
والله يا المبروكه ... مشغوليات بس ..
_ قالو لي مشيت البندر وجيت ...
هي يكا البندر ما بندر ،،، والله يا المبروكه فيها جنس شئ ...
محجوب .. يا مره كدي ادخلي لي جوه والحقينا بي الغدا سريع علك الله ..
المره نضامه التقول اذاعة لندن ..
خش خش لي جوه ،،، يا ولد يا ولد ..
ايوه جيت يا ابوي ...
شيل الكوره دي ملاها من التيبار البااااااااااااارد ..
سمح يا ابوي ..
املاء معاك الابريق ...
كدي اديني انتوضاء العصر ما صليتو يا صاحبي ....
يا ولد التبروقه وديته وين ....؟ هاك ليها كنا قاعدين فيها بي قادي تحت الضل بتاع التكل ...
المبروكه ... يا حاج ياحاج محجوب ...اها يا وليه في شنو ..
_ اجي يابنات امي ،، ماقلتة داير الغدا ..هاك امسك الصينيه ..

[عاشق الترحال]

كدي يا صاحبي ناولني ،،البصله الخدرا الجمبك ديك ،،،
جنك بصل التقول امك متوحمه علي مسمس ..هههههههههههههههه ..
يا حاج عليك خلينا اناكل بي ادب ...
انت يا مطاميرو ،،، اها شنو ..خليت اكل اللبوبه ولا شنو ..شايفك مدخل يدك في الويكه بس ...
ههههههههههه
والله يا صاحبي ... طعم البيرقر والداهيه ديك ...كدي انتذكر ليك اسمه ...
ايووووووووووووووا ..شاورمه ..لسه وحاتك طعمه في لساني ... دايرني اخربا بي لوبتك دي ..
والله الشفاك بعد يومين اكلته السخينه واملاح ام شعيفه ما كضب ...
بكره الله كريم يا حاج ...
يا وليه جيبي الشاي سريع ....
_ اها نطلع الورق نلعب حريق ولا نتونس ...
انت ليك كم يوم ما فيش ...كدي ونسني بي البندر شويه عليك الله ...
آآآآه من البندر ....
والله البندر عجيب ورهيب ..
كيفنو ..الكلام دا ..
الناس دي هناك منطلقه ساي ..
زوووووووووووول شغال بي زول ما في ..المره الفي تطلع من الصباح ..اكان تجي بعد المغرب ..
الولد الفي طلعة الفجر اجيك داخل البيت الساعه اتناشر ...والعطاله ما ادوك الدرب نوم لي الساعه واحده ضهر ...
الواحد اصحي من النوم ...بفطر في الاول واشرب شاي الصباح ودييييييييييك المرقه تاني ...

[عاشق الترحال]

اها اها ما تسمعني المبروكه .... النسوان النسوان هناك كيف ..
ههههههههههههههههههههه
ما قلتة نوبه ،،،
النسوان ديل هناك لله درهن ...
_ انا يومي في السوق ..واحده لابسه ليها توب ساي ما في ...
الشي يعني ما شات ساي ...
_ والله يا حاج بلبسن الداهيات الضيقات ديل قايتو ..مابعرف جنسن شنو .. وواحدات لبسن قصيييييييييييييييييييير ...
والعجب العجيب ..الشئ البمسحو بي الوش ..
الكريمات ..الكريمات ...سمعتو بتكلمو بي في الرادي ..
البت الواحده اتقول حنبل المطر (قوزقزح) .
الوش بي لون والشلاليف بي لون ..وباقي الجسم تحت بلون تاني برا ..
_ قالو هناك النسوان بسوقن عربات الكلام دا صحي ....
اييييييييييييييييييك ،، سواقه ساي في واحدات بسوقن مواصلات لكن ديل ما قابلني ..
نسوانن ديل بسوقن جنس سواقه ...ومتفلهمات فلهمه ... لكن بسوقن العربات الصغار المتل القعونجات ...
واي واحده تخش الجامعه ولا تشتغل ابوها اجيب ليها عربيه ...
_ حكمتو بالغه ..

[عاشق الترحال]

_ والمواصلات انشاء الله متوفره ...
المواصلات خليها ساي ...
عندهم عمدان كدا قازنهن في الشوارع ... العربيه تكون ماااااااااااااشه ..اول ما النور اولع احمر اكان تقيف ...
واولع اخضر اكان اشوفه ليك تتحرك تاني ..ولا في زول جنبها .
_ دا ما التطور ،،،،
صحي والله ....
ومن المغرب إجي حافله ساي عشان تركبا مافي ..بمشن وين عليمو الله ..
الموقف بكون فااااااااااااااااضي ..والناس كتيرا ..واقفه ..
والله تشوفن واقفين كدا ،،اتقول بشيعو ليهم في جنازه ..
_ هي لكن المشكله دي ما احلوها ،،،،
هو منو زاتو الفاضي عشان اجي احلها ...كدي خلي احلو مشكلة البترول دي في الاول ..
كدي عليك الله خلينا من كلام السياسه دا ... جارنا دا جا اجازه شغال مع ناس اللمن (الامن) ،، ما يقوم اسمعنا كمان اودينا اللومان ...
لانهم ماااااااااااااااااعندهم ضمان ،،،، ديل بكتلو الكتيل وبمشو في جنازتو ،،في اكتر من كدا .

خلينها تب ..

[عاشق الترحال]

العيشه قالو هنا رخييييييييييييييييييييصه ،،،،
والله يا صاحبي محجوب ... الناس ديل في البندر اشوفن ليك وكت الفطور شايلين بساكلون وجرادلن ومتعنين الدكاكين،،،
عشان اسو شنو ..؟
_ بمشو اجيبو الفول للفطور .. فول بي خمسميه ااكل البيت جت علي ,,, وافضل كمان منو ،،،
هو فول نصاح لكن ،،،الفول الحبتو كبيره داك ،،
هههههههههه دا الفول السيوبر ... كان بتكلمو عنو في نشرة الساعه عشره اول تمس ...
هو الفول براهو ،،،فيو البيض والجبنه والسمك الجاهز ومصايب كدا تاني ما عرفتهن ..... تحلف تقول ما يكمل .
ولا الجداد المرصوص في الفضيات ... الجداده جووووووووووه الفضيه وبتعوم في الهواء ..
والزيت دا انقط منها ،،،اجيبوها ليك في الصحن كدا عامله زي تنكر المولاص اللنقلب .. واول ما تبدا تاكل فيها ،،، عوقك اعمل ..اتح اتح ..
لشنو ...؟
ما الدم بقي راااااااااقد في العروق ههههههههههه.
والناس دي هناك لا بتاكل ولا حاجه ،،،
كيفنو الكلام دا ..
سندوشتات ساي ...بتاعت شاو ،،شاور،، شاورما وكباية برتكان ...
وكدا خلاص الواحد اكل .....
_ عليك في زمتك الشندوشتات دي هسي اكل ،،،كدي خليهم اجو هنا عشان نوريهم الاكل المابعرفو ...
يا حاج سيبنا عليك الله ،،انحنا عندنا شنو غير ...الويكه والويكاب ،،وملاح النعيميه وملاح السوسيو ...واللوبه .. والسخينه ..


فاصل ومن ثم نواصل ان بقينا حيين من الموت

[ام ساره]

اخي عاشق الترحال اجمل شي الكتابة بلغتنا السودانية غايتو الحمدلله شي فهمتو وشي لا مشالله عليك.

[mahagoub]

مطره ده جننا كل يوم يجى وقت الغدا
لكن بونسنى ويقضى لى وكت
نلاقيك مع شراب الشاى والجبنه

[ود المطامير]

هع هع هع هع
شكيت محنك يال الحبيب
يديك العافيه قطعت مصارينى بالضحك من الصباح

غايتو عمك لقى ليهو فرصه فينى وهو كايس ليها من زماااان ;)

[mahagoub]

هع هع هع هع
شكيت محنك يال الحبيب
يديك العافيه قطعت مصارينى بالضحك من الصباح

غايتو عمك لقى ليهو فرصه فينى وهو كايس ليها من زماااان ;)

ماشى وين ؟؟
ما تزعل من كلامى
كدى اقعد اشرب الشاى
ما تخلينى اطلق الوليه

[مايسة]

دراما حلوة جدا
وواقع معاش -
ربنا يديك العافية عاشق الترحال

[عنكوليب]

عاشق الترحال ،،،

دراما ناااافذه الى الواقع والقلب ،،،

الرساله واااضحة وجدا ،،،،

وبعد ده يقولوا النفاج فاااااااااااااااااااضي !!!!

تسلم الأنامل ،،، يسلم الفهم ،،،،


النفاجة كلكم لكم مني معزة بحجم هذا الوطن الشامخ بكم يا أهله ،،،

[mahagoub]

دراما حلوة جدا
وواقع معاش -
ربنا يديك العافية عاشق الترحال

ماش وين انتى كنتى قاعده معانا
لكن فعلاً معاش وخاصه عند اهلى الغبش

[mahagoub]

عاشق الترحال ،،،

دراما ناااافذه الى الواقع والقلب ،،،

الرساله واااضحة وجدا ،،،،

وبعد ده يقولوا النفاج فاااااااااااااااااااضي !!!!

تسلم الأنامل ،،، يسلم الفهم ،،،،


النفاجة كلكم لكم مني معزة بحجم هذا الوطن الشامخ بكم يا أهله ،،،

النفاج فاضى دى بقولوها العساكر
ناس كايسه الجد ولوى البوز
وانحنا بنوصل رسالتنا بنوع فكاهى
يخليك تتقبلا وانت باسم
ولا لازم الكلام الدراب

[عنكوليب]

المحجوب انا اكتشفت انو لازم

نفلق الناس ،،، كنت زمااان معترضة ،،،

لكن وحياتك من الليلة انا عاملة نبلة ( ما بالحجارة ،، بالجلل) ،،،

[عاشق الترحال]

اخي عاشق الترحال اجمل شي الكتابة بلغتنا السودانية غايتو الحمدلله شي فهمتو وشي لا مشالله عليك.

الله يخليك ...
المابتفهميهو ،،،،امشي لي حرمشه ،،اقصد ود المطامير خلي اترجم ليك ..

[عاشق الترحال]

مطره ده جننا كل يوم يجى وقت الغدا
لكن بونسنى ويقضى لى وكت
نلاقيك مع شراب الشاى والجبنه

قلتة لي عامل ليك وجع وش ،،وفلقة مخ .

[عاشق الترحال]

هع هع هع هع
شكيت محنك يال الحبيب
يديك العافيه قطعت مصارينى بالضحك من الصباح

غايتو عمك لقى ليهو فرصه فينى وهو كايس ليها من زماااان ;)

داير اسدا قطيعك لي مصاريني زمان ،،،
هههههههههههه


ام ساره فهمتي شي

[عاشق الترحال]

ماشى وين ؟؟
ما تزعل من كلامى
كدى اقعد اشرب الشاى
ما تخلينى اطلق الوليه

يا ستار يا ستار ،،،هسي الوليه ذنبها شنو ..؟

[عاشق الترحال]

دراما حلوة جدا
وواقع معاش -
ربنا يديك العافية عاشق الترحال

تسلمي يا الاخت مايسه ،،،، وربنا ادي جميع أُمة محمد (ص) العافيه .
عندنا جارتنا اسمها العافيه ،،،ما تكون دي القاصداها يا مايسه .
هع هع هع هع

[عاشق الترحال]

عاشق الترحال ،،،

دراما ناااافذه الى الواقع والقلب ،،،

الرساله واااضحة وجدا ،،،،

وبعد ده يقولوا النفاج فاااااااااااااااااااضي !!!!

تسلم الأنامل ،،، يسلم الفهم ،،،،


النفاجة كلكم لكم مني معزة بحجم هذا الوطن الشامخ بكم يا أهله ،،،

خالتي ،، هنا في فهم ..هنا في زكاوه ..
كهكهكهكهكه .
تسلمي علي المرور الجميل .. وربنا اديك العافيه

[عاشق الترحال]

النفاج فاضى دى بقولوها العساكر
ناس كايسه الجد ولوى البوز
وانحنا بنوصل رسالتنا بنوع فكاهى
يخليك تتقبلا وانت باسم
ولا لازم الكلام الدراب

رسالتنا برااااااااااااااااااااااااااحه بتصل يا عم محجوب زي ما قلتة ،،

[عاشق الترحال]

المحجوب انا اكتشفت انو لازم

نفلق الناس ،،، كنت زمااان معترضة ،،،

لكن وحياتك من الليلة انا عاملة نبلة ( ما بالحجارة ،، بالجلل) ،،،

قايتوالله يعينك ،،،

[عاشق الترحال]

بس الواحد ما امرق ،،اجي القي الديوان ملان جت عطاله ،،،،هههههههه


عدنا

نحنا كنا واقفين وين ،،،واقفين وين ....

[عاشق الترحال]

آآآه من الخرطوم يا مطاميرو ،،،مرات قلبي بقول لي ...
يا محجوب بيع الحواشه ،،، والكارو ..والحمار .. و السعيه بيع نصها والنص التاني ادي لي مطاميرو ..خلي استفيد منو ،،
وارحل الخرطوم ،،،بي اولادك ...
واقنع من البلد نهائي....
_ هسي عليك الله يا محجوب البلد دي بتنفات ... الحمد لله والله نحنا في نعمه ...
هوا الله دا ساكت رااااااااااقد عندنا ،،،،، والله في البندر بفتشو لي ما لاقينو ....
بيوتم ضيقاااااااااااااااااااااااااا ،،،،، البيت اتقول ود الاحد ..
سخانه ..وعطش ..وجري ليل ونهار .. وطيارات بي فوق ...وعربات تحت ما تديك الدرب ،،، عليك الله سيبنا يا عمك ...
خرطوم شنو ياخ ..
اصلا دي حالتك ،،،ما بتهدي ليك زول نهائي ..
_ لكن التعليم هناك متوفر ومسهلين ليهم اي حاجه والكتب عندهم رااااااااااقده هبطرش ،،،،
عاد زينا هنا ،،، ستة تنفار في كتاب واحد ...
والشافع عندو عربيه تجي تشيلو المدرسه وتاني ترجعو البيت ...
علي الطلاق شافعنا هنا ...اعديها كلها لعب في الشارع قبل ما احصل البيت ...
الشافع شايل شنطتو في ضهرو زي عساكر المظلات ... ههههههههههه ...الليله ما خليت فيهم عضم .
ويا كافي المحن الشنطة تلقا فيها خممممممممممممسه سندوتشات .. وقارورة المويه معلقه بي جمبه في الشنطة كان شفته .
والله نحنا شافعنا اجي جاري جري ..علالتو لي حد السما .. جاري للويكه وملاح ام تكشو ..

[عاشق الترحال]

_ اها يا اخوي زراعتي كيف في الايام القبتهن ديل ..
الزراعه تمام والله .. امس سقيت البصل ،،والعدسيه ..
الكبكبي لسه عليهو بدري ...خلي ياخد ليهو عطشه .. عشان ياخد الملحه بتاعتو وينسقي طوالي ..
_ عفيت منك والله عارفك ما بتقصر ..
_ والحاصل شنو في الحله ،،،
والله ما في شيتن حصل غير ،،،مرة اهناي داك جابت ليها ولد ...
لكن عمك ود علقم قالو الايام دي محموم ...زي العندو ملاريا كدا .
حاج علوني الليله فات الضهريه ... اشتت ملحة البصل التانيه ..وعنكوليبه كايسه ليها دين عشان تشتري شوال سماد ..
بارك الله فيهو المشاتر دينه ...
_ وتاني الحصل شنو ..؟
ود العمده ،،، قال داير اسفر بقرو الصعيد ...
وتاني غير شراب الجبنه ولعب الكتشينه ما عندنا شيء .
زكرتني الجبنه ...،،،!!!
يا وليه ،،،يا المبروكه ...ارح قوام الجبنه ..
المبروكه ..: خاتها في النار شيلو الصبر ..
_ انا كان بصبر كان صبرتة في بطن امي ،،،
يا ولد .... الولد دا فات وين ... يا ولد ..
اي يا بوي ..
تعال هنا سريع ...
وين كنته ...
كنتة قاعد العب بره ،، تلعب شنو ؟؟
بنلعب بلي .
_مطاميرو ،، بلي شنو عليك الله ،،
في البندر الزيك ديل بلعبو بي الكمبيوتر والبلي ستيشن .
_ هاك يا ود القروش ديل امش دكان حاج ازرق ..جيب منو كيس صعود ...
كدي اديني انسف من باقي كيسك دا يا صاحبي ..
دا قديم ،،،، قديم دايرو ...!!!
_ يا حاج ..هاك الجبنه

[عاشق الترحال]

فاصل ونواصل

[عاشق الترحال]

جبتيها يا المبروكه ... تسلم ايدك انتي .
_ بعد نشرب الجبنه نمش نصلي المغرب وطووووووووووووالي نطلع نمش دكان ازرق ...
نمش نتونس معاهم شويه كدا ..

وحاتكم دان ازرق رفوفو كتاااار وفاضيات ...وفيهو حاجات بالعدد ...
بطاطير .. حجار بطاطير .. بسكويت بركه ..سكر ..بن .. شاي ..زيت .. وسفنجات .. اضافه للبقوليات ..
وفي حاجات تاني ما خابرن ..اتقول ..ويكاب ولا شنو كدا ماعارف ..


_ السلام عليكم ..
وعليكم السلام والرحمه ..
_ حمدلله علي السلامه يا مطاميرو ...ربنا اقبل حمدك ..
_ بركه الشفناك بخير ي مطرطر ...تشوفك العافيه يا ود حليمه .
_ مطاميرور والله لونك فتح وعملتة ليك جضيمات ..
ههههههههههههههههههههههه
_ اذا كان خلا ركوب الحمير كيفن ما ببقي نااااااااير ..
_ اها انشاء الله هناك ما رحتة ... هي رواحه ساي يا ود اخوي ...
المحل مرات امش واجي فيهو تلاتة مرات ....ههههههههههههههههه..
_ والله يا حاج ازرق لو شفتة الدكاكين هناك حرم إلا تحرد دكانك دا ... رف بي الغلط ساي فاضي حرم ما في ..
_ مطيرو هناك ما لقيت ليك واحده تعرسه .... هع هع هع ...والله بتبالغ انتا ..
انا زول كوعي من بوعي ما بعرفو ..تعرسني ولا ترضي بي واحده من البندر ... والله دا عشم الكلب في موية الابريق .
هع هع هع هع هع هع هع هع هع هع هع هع
انحنا ديل ناس خلاء ساااااااااااااااااااااااي ....
_ ديل دايرين البمعط في النجيله ...وبياكل الاسكريم ..
ومرتب مريح ...ورصيد في البنك وبنزين في التنك ..
عريس قال ....هع هع هع هع هع هع هع هع هع .
_ زمان انا بعرف واحد فات البندر ...ولقي لي واحده سمحه سماحه ...تحلف تقول حوريه ...
زولك طواااااااااالي باراها ليك لي بيتم ..
كو كو كو ...
فتح لي الباب ابوها ... مرحب
سلام يا حاج ...وعليكم السلام يا ابني ...
والله في الحقيقه ما قادر اقول ليك شنو ...!!!
لكن ساقني الجمال ..آحم ،،آحم .
والله يا عمي في الحقيقه شفتة البت الدخلت هسي دي .. وعجبتني شديد والله ..وقلتة في نفسي احصل البيت وراها ..
و ,و ,,, و ..هدا انا قدامك ..
داير يد بتك يا حاج ..ولو وافقتة بجيب اهلي كلهم بكره عشان تتعرفو عليهم ..
_ يا ولد انا ما عندي بنات للزواج ..وكدي في الاول امش ..غسل هدومك الآبسن ديل ...
وغير شكلك دا ......وتاني اتقدم ليك لي واحده .


هع هع هع هع هع هع هع هع هع

_ ومن ديك وعيك ..زولكم لليله ما عرس .. وابا اتقدم تب تاني لي بت ...
_ المعني جاتو نفسيات عديييييييييييييييييييييل كدا ...
من الزعل تلاتة يوم ما اكل .... ولا شئ .
اها في داعي لي جنس دا ..
هي الزول ما احلم ساكت ....
_ قالو اي زول انوم قدر سريرو ....
والله زولكم دا فات حد سراير الغيرو ذاااااااااتم ..

__ انتهت ___

[ود المطامير]

ماشى وين ؟؟
ما تزعل من كلامى
كدى اقعد اشرب الشاى
ما تخلينى اطلق الوليه
هع هع هع هع

وحاتك أنا قلت كلامى وكلامك دا شفتو هسى

على فكره ، الليله صاحبنا جانى ;)

[ود المطامير]

الحبيب
إمتاع والله
واصل لحد ما أرجع وكرى فى جزيرتى بكره إن شاء الله

[ودالعمدة]

قلت لى ياعاشق الترحال
البوست اسمه صاحب ابوى ومحجوب فى الدكان
مطرة دا معاه حرمشة واحد
لكن انت معاك قبيلة حرمشتان كلها
وبعدين انا بقراتى ماببيعهن الا لعمك محجوب

[عاشق الترحال]

قلت لى ياعاشق الترحال
البوست اسمه صاحب ابوى ومحجوب فى الدكان
مطرة دا معاه حرمشة واحد
لكن انت معاك قبيلة حرمشتان كلها
وبعدين انا بقراتى ماببيعهن الا لعمك محجوب

هههههههههههههه

انا زول مسكين ،،،وبيتنا طرف ...تقول لي قبيله بتاعت حراميش .
والبقيرات ضمهن عليك قوي خلاص ...
عمك محجوب خلاء سبابة البقر ...

[mahagoub]

هههههههههههههه

انا زول مسكين ،،،وبيتنا طرف ...تقول لي قبيله بتاعت حراميش .
والبقيرات ضمهن عليك قوي خلاص ...
عمك محجوب خلاء سبابة البقر ...



ما هو البيت الطرف ده البجيب الهوا
بعدين البقر لازماتنى لمصنع اللبن والجبنه

[عنكوليب]

ما هو البيت الطرف ده البجيب الهوا
بعين البقر لازماتنى لمصنع اللبن والجبنه

عاد نبقى في كدي ،،،،

ود العمدة ، الناس دل بودرووووووك ،،، ديل الحراميش

ماسكنهم من حلوقن ،،،، هههههههههههههههههههههههههههها ,,,

[عاشق الترحال]

عاد نبقى في كدي ،،،،

ود العمدة ، الناس دل بودرووووووك ،،، ديل الحراميش

ماسكنهم من حلوقن ،،،، هههههههههههههههههههههههههههها ,,,

عاد انا ابري منهم يا خالتي ...

[mahagoub]

عاد انا ابري منهم يا خالتي ...

تتبرا وين ؟؟
نسيت بيتك المطرف داك
وانت معدى الليل كله مع حرمشه فى الامارات
على الاسكايب

[عنكوليب]

عاد انا ابري منهم يا خالتي ...

هو حرمشا يفوتك وين ، انت وصاحبنا واحد كدة
لينا كم يوم ما شايفنو ،،،يكون حرمشا ساقو البحر
ولا وين ما بعرف ،، الله يستر بس ؟؟؟

[عاشق الترحال]

تتبرا وين ؟؟
نسيت بيتك المطرف داك
وانت معدى الليل كله مع حرمشه فى الامارات
على الاسكايب



انا كنت في بيتي المطرف ،،، في الامارات ..
لكن انت كنت وين ..؟

[عاشق الترحال]

هو حرمشا يفوتك وين ، انت وصاحبنا واحد كدة
لينا كم يوم ما شايفنو ،،،يكون حرمشا ساقو البحر
ولا وين ما بعرف ،، الله يستر بس ؟؟؟

والله انا اكتر زول ،،ممكن تتوفر فيني الثقه ... صحبنا شايفو ودوهو محل كدا لكن زي الداير يطلع منو .

[عاشق الترحال]

كدي انتو الاتنين افتحو الاسكايب بتاعكم

[عنكوليب]

الغداء يا زول ،،،

بعدين ان شاء الله ،،

[عاشق الترحال]

الغداء يا زول ،،،

بعدين ان شاء الله ،،

والله ذكرتيني ،،،،،انا جعااااااااااااااااااااااااااااااااااااااااااان .

[عاشق الترحال]

والله ذكرتيني ،،،،،انا جعااااااااااااااااااااااااااااااااااااااااااان .

وعايش في غربه ...

[mahagoub]

الغداء يا زول ،،،

بعدين ان شاء الله ،،

هم ختوه خلاص
ما قالوا لسه ماحشوا السلطه

[عاشق الترحال]

هم ختوه خلاص
ما قالوا لسه ماحشوا السلطه

انتظرو ،،،الولد فات اجيب كيس عيش من البقاله ..