الإتيكيت وريم

[مايسة]

الإتيكيت هو:
فن التعامل/ السلوك / أخلاق / ذوق / تصرف/احترام الذات والآخرين / فن التعامل مع الآخرين / فن الخصال الحميدة / فن التصرف الراقي المقبول اجتماعيا.

مفهوم الإتكيت في الموسوعة البريطانية:
السلوك الذي يساعد على الانسجام والتلاؤم مع بعضهم البعض ومع البيئة التي يعيشون فيها.


مفهوم الإتكيت في الموسوعة البريطانية:
الاتيكيت كلمة تعني التهذيب واللياقة وتحمل الفرد على تحسين علاقته بالآخرين.
الاتيكيت يعني حسن التصرف واللطف للحصول على احترام الذات وتقدير الآخرين.

أصل كلمة اتكيت :
كلمة فرنسية لفظيا معناها البطاقة : The ticket - (ما علاقة البطاقة بالإتكيت – بطاقات الدعوة للمناسبات – لو دعيت الى برج العرب مثلا : كيف أتصرف – خلف بطاقة الدعوة التعليمات / الوصول – سلم المعطف على باب الفندق ... ادخل سلم على الداعي .. اجلس في غرفة الشاي ... كلم كبير الخدم وهو يعطيك التعليمات.


لماذا الاتكيت
لأن أي تصرف أو سلوك قد يعطي صورة عن ذاتك جيدة أو سيئة.
الاتكيت يحميك من أي اساءة في أي مكان
الاتكيت الدولي : مقبول في أي مجتمع




الكلام الفوق دا كلو منقول عن المحاضر محمد حسن المرزوقي (الاتيكيت العائلي)

[مايسة]

نخش في القصة الحلوة التي لا تخلو من عِبر يمكننا ان نستفيد منها جميعا في منتدانا وحياتنا
بإعتبارنا عائلة وأسرة واحدة وإن إختلفنا في كثير الصفات

جاتني ريم ماخدة في خاطرها (زعلانة وعايزة تطق ) –
خير يا ريم –
قالت لي - يا ماما انا الليلة زعلانة شديد جدا من واحدة معانا في المدرسة وفي نفس الصف –

واليكم القصة ببساطة شديدة

ريم بتلعب مع صديقتها (عائشة) - في الفسحة في امان الله وموعد الفسحة قرب ينتهي
جات واحدة تالته (أريام) صديقتهم برضو ولكن ليس الانتيم (يعني ما شديد خالص )- ومن غير أي مقدمات بقت تلعب مع عائشة وخلت ريم في (الرف)

اها لحد هنا القصة إنتهت

[مايسة]

طيب يا ريم انت المزعلك شنو


ريم : يا ماما لكن ما ما ممكن انا وعائشة بنلعب المفروض أريام دي تقول لي يا ريم انا عايزة اشيل منك أريام ونلعب سوا
او على الاقل تقول لي شكرا يا ريم خلاص دورك انتهى وأمشي خلينا نلعب سوا (انا عائشة )

[مايسة]

كلامي لريم : يعني يا ريم انت حردانة (زعلانة) كدا عشان البت الاسمها أريام دي ما قالت ليك عن إذنك يا ريم ولا حتى عبرتك
ولا حتى إشتغلت بيك والمفروض يكون عندها إتيكيت وذوق وفن التعامل بالذات كمان انتو في حوش واحد وقوقعة واحدة
وهى ما عارفة انو بتصرفه دا خلتك تفكري مليون حاجة انو هي مثلا ما بترتاح ليك عشان كدا انتقمت منك كدا
وباي طريقة حاولت تنزلك من المصطبة الكنتو بتلعبو فيها انت وعائشة
صراحة يا ريم صحبتك أريام دي تفتقر للذوق العام واللباقة
وما راعت مشاعرك وأحاسيسك المفرطة والمفعمة بالأمل خصوصا هى عارفاك انك شخصية عامة ومهمة في الصف
ويمكن كمان غارت عشان انتى طوالي ضاربه الرقم القياسي في حُسن المعشر والطيبة بشهادة من هم حولك

[مايسة]

ريم نست مشكلتها وبقت عايزة تفهم معاني الكلمات الفوق دي كلها :confused:

[مايسة]

اها قعدته مع نفسي كدا وقلته دي أكيد قصة دسمة وممكن الواحد يستفيد منها هنا في المنتدى
خلال تعاملنا مع بعضنا البعض وإن إختلفت المواضع (بوستات) والشخوص أكيد –
وبالذات من يكون في يديهم ذمام الأمور


مشاركة واحدة تجبر بها خاطر شخص لا تكلفك شئ وإن كنت تحمل في نفسك شئ إتجاهه – فنحن جميعا إخوة يربطنا حُسن المعشر

البوست دا للجميع

فتكم بعافية

[isamzaki1978]

البوست دا للجميع

فتكم بعافية

عافك الله من كل سوء
من اعلاه لى الحق فى التعليق

الاتكيت بتاع ناس برطانيا دا انا بعرفوا من المستحضره الآن حديث رسول الله صلى الله عليم وسلم فى معناه : ( اذا تحدث احدكم فليقل خير او يصمت )
والثانى : ( حب لاخيك كما تحب لنفسك )
الحديث الثانى دا عجيب شديد بغنيك من حاجات كثيرة اهمها الحسد والحسد دا فى تعريفى انا: " اعتراض على قسمة الله : اهلنا بقولوا كلام فارغ وخطير جدا زى يعطى الحلق ل الماعندو اضان - الله يهدينا ويهديهم " ربنا قال : ( أَمْ يَحْسُدُونَ النَّاسَ عَلَى مَا آتَاهُمُ اللَّهُ مِنْ فَضْلِهِ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا (54) النساء)
تلقى الواحد حاسد زول فى شطارة ولا فى قروشو ولا فى سماحة ولا ولا .....
ناسين دى قسمة رب العالمين
اها شطحته ، نرجع لى موضوع الاتكيت واقول قول احد الصحابه
وانا لنبش " نتبسم " فى وجوه اقوام وان باطننا ليمقتهم "ليكرههم"

[حنونة.]

الغالية ميسو ازيك وكيفك ، ياخى ريم ده قمة فى الفهم والذوق زى امها مهتمة بمراعاة مشاعر الاخرين واحترامهم وتقديرهم
اها جبر الخواطر ده ماحاجة هنية فى المعنى وللشخص المحتاج ليه
وفى نفس الوقت هو هين بس للشخص القمة فى الذوق والفهم والاتكيت مهم فى كل تعاملاتنا مع الاخرين بصورته البسيطة الراقية فهو حسن خلق واحتواء للاخرين وتفهم ومراعاة .......الخ
شفت ياميسو ريم ليها حق تحرد وليس تزعل الاولى حلوووة

[الشريف الهندي]

تحياتي يا أم ريم ..
القصة وتصرفك حيال الموقف رائع جداً وأثار فيني الكثير .. وإن كُنا فعلاً ننظر للجانب المُضيئ دوماً في حياتنا لما أصابنا النصب والتعب .. القضية تتلخص في حسن الظن دوماً ، فعندما يفتح الانسان في قلبه نافذة تُشرق على النور .. سيأتي النور مقتحماً اعماقنا.

ربنا يحفظ ليك ريم وأسلوبك في الحديث معها اعجبني جداً وتصرفك في لفت انتباهها لشيئ آخر يمحو ضيقها عين العقل

كوني بعافية

[مايسة]

عافك الله من كل سوء
من اعلاءه لى الحق فى التعليق

الاتكيت بتاع ناس برطانيا دا انا بعرفوا من المستحضره الآن حديث رسول الله صلى الله عليم وسلم فى معناه : ( اذا تحدث احدكم فليقل خير او يصمت )
والثانى : ( حب لاخيك كما تحب لنفسك )
الحديث الثانى دا عجيب شديد بغنيك من حاجات كثيرة اهمها الحسد والحسد دا فى تعريفى انا: " اعتراض على قسمة الله : اهلنا بقولوا كلام فارغ وخطير جدا زى يعطى الحلق ل الماعندو اضان - الله يهدينا ويهديهم " ربنا قال : ( أَمْ يَحْسُدُونَ النَّاسَ عَلَى مَا آتَاهُمُ اللَّهُ مِنْ فَضْلِهِ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا (54) النساء)
تلقى الواحد حاسد زول فى شطارة ولا فى قروشو ولا فى سماحة ولا ولا .....
ناسين دى قسمة رب العالمين
اها شطحته ، نرجع لى موضوع الاتكيت واقول قول احد الصحابه
وانا لنبش " نتبسم " فى وجوه اقوام وان باطننا ليمقتهم "ليكرههم"


الله يخليك عصام
وأكيد ديينا الحنيف وضح ذلك جليا
كما قال صل الله عليه وسلم: إن من أحبكم إلي وأقربكم مني مجلسا يوم القيامة أحاسنكم أخلاقا. رواه الترمذي

لكن تقول شنو في الناس البتحب الانتقام لشئ في نفسها -

[مايسة]

الغالية ميسو ازيك وكيفك ، ياخى ريم ده قمة فى الفهم والذوق زى امها مهتمة بمراعاة مشاعر الاخرين واحترامهم وتقديرهم
اها جبر الخواطر ده ماحاجة هنية فى المعنى وللشخص المحتاج ليه
وفى نفس الوقت هو هين بس للشخص القمة فى الذوق والفهم والاتكيت مهم فى كل تعاملاتنا مع الاخرين بصورته البسيطة الراقية فهو حسن خلق واحتواء للاخرين وتفهم ومراعاة .......الخ
شفت ياميسو ريم ليها حق تحرد وليس تزعل الاولى حلوووة



حنونة الحنينة - كويسين كلنا ياخ بس مشتاقين ليك
كسر الخواطر دا صراحة أصعب حاجة بالجد - بالذات كمان لمن تكون انت اصلا بعيد كل البعد عن المشاكل
وهدفك وهمك الاساسي هو المصلحة العامة -
قصة ريم يمكن تكون بسيطة ولكن في داخلها تحمل معاني كثيرة
تحياتي ليك يا دُرة

[isamzaki1978]

الله يخليك عصام
وأكيد ديينا الحنيف وضح ذلك جليا
كما قال صل الله عليه وسلم: إن من أحبكم إلي وأقربكم مني مجلسا يوم القيامة أحاسنكم أخلاقا. رواه الترمذي

لكن تقول شنو في الناس البتحب الانتقام لشئ في نفسها -

سبحان الله حتى الانتقام بقولوا فيه
افضل انتقام هو الغفران
وبقولوا اذا ابتسم المهزوم فقد المنتصر لذة النصر

[مايسة]

تحياتي يا أم ريم ..
القصة وتصرفك حيال الموقف رائع جداً وأثار فيني الكثير .. وإن كُنا فعلاً ننظر للجانب المُضيئ دوماً في حياتنا لما أصابنا النصب والتعب .. القضية تتلخص في حسن الظن دوماً ، فعندما يفتح الانسان في قلبه نافذة تُشرق على النور .. سيأتي النور مقتحماً اعماقنا.

ربنا يحفظ ليك ريم وأسلوبك في الحديث معها اعجبني جداً وتصرفك في لفت انتباهها لشيئ آخر يمحو ضيقها عين العقل

كوني بعافية


سلامات أخي الشريف

القلوب عندما تكون صافية - لا تكترث كثيرا للغبار حولها -
كثيرا ما أجد التعامل صعبا جدا مع الأطفال - فهم محدودي التفكير -
ولكن مع هذا - يعطونا دروس نحاول بقدر الامكان نستفيد منها في حياتنا

ودائما أقول بأن حُسن الظن يريح كل الأطراف -

-----------------
سعدت أيما سعادة بمداخلتك هذه - فأنت من الزمن الجميل
تحياتي لك أينما كنت وجعل الله نوافذ وليس نافذة بقلبك دائما يدخل الضوء من خلالها
تشكراتي مرة أخرى

[مايسة]

سبحان الله حتى الانتقام بقولوا فيه
افضل انتقام هو الغفران
وبقولوا اذا ابتسم المهزوم فقد المنتصر لذة النصر


تسلم أخي عصام -
حتى في الغنية بقولو
البحب دائما مسامح والمسامح هو الكريم

[آلاء عبد الرحمن]

كلامي لريم : يعني يا ريم انت حردانة (زعلانة) كدا عشان البت الاسمها أريام دي ما قالت ليك عن إذنك يا ريم ولا حتى عبرتك
ولا حتى إشتغلت بيك والمفروض يكون عندها إتيكيت وذوق وفن التعامل بالذات كمان انتو في حوش واحد وقوقعة واحدة
وهى ما عارفة انو بتصرفه دا خلتك تفكري مليون حاجة انو هي مثلا ما بترتاح ليك عشان كدا انتقمت منك كدا
وباي طريقة حاولت تنزلك من المصطبة الكنتو بتلعبو فيها انت وعائشة
صراحة يا ريم صحبتك أريام دي تفتقر للذوق العام واللباقة
وما راعت مشاعرك وأحاسيسك المفرطة والمفعمة بالأمل خصوصا هى عارفاك انك شخصية عامة ومهمة في الصف
ويمكن كمان غارت عشان انتى طوالي ضاربه الرقم القياسي في حُسن المعشر والطيبة بشهادة من هم حولك


كدي النسعلك ريم دي عمرها كم

[آلاء عبد الرحمن]

الكلمة زي الرصاصة
مابترجع

واحسن شي تتعامل بصورة واسلوب حلو في النهاية ماف حد عايز من حد شي غير الكلمة الطيبة
تسلمي يا مايثة

[المسافر]

يا أخوانا ( أم ريم ) دي عندها حكمة كبيرة ورا القصة المؤثرة دي
ويا ريت نلتفت وننظر ليها بنظرة فاحصة ودقيقة وهي العلاقة بيينا
كأسرة المنتدى .

[آلاء عبد الرحمن]

يا أخوانا ( أم ريم ) دي عندها حكمة كبيرة ورا القصة المؤثرة دي
ويا ريت نلتفت وننظر ليها بنظرة فاحصة ودقيقة وهي العلاقة بيينا
كأسرة المنتدى .

ازيك ياشخس

[mahagoub]

كدي النسعلك ريم دي عمرها كم

شفته لكن
عايزه تعملى ليها باى نق تربيع وتطلعى عمرها كم

مايسه
ده شنو ده
البت اديتيها كميه بتاعة دراب
انا لو كنت محلها بزعل منك انتى

[ريمون]

هسه يا مايسه انا قلت من العنوان ده الزوله دي جايه تشكرني ولا تنبذني ؟؟
وياربي انا عملت شنو ؟؟
للاختصاص وكده تاني اكتبي ريم الصغيره .. ريم بتي .. اي شئ ..
في داعي للهجمه دي ياخ ..؟؟!!





كلام مائة في المائة وتربية حديثة صحيحة ..
ورد فعل ريم بيدل علي فعل مايسه ..
وانا اشهد ليك انك حتي في افعالك في المنتدي بتحاولوي تبثي _ شفتي تبثي دي حلوه كيف _ روح الاخلاق الحميده والتعامل الجميل ..
مع انك مرات كده بتكوني هبابة بجد .. وما تزعلي ..
يا ريت لو التزمنا بالتعامل الراقي في المنتدي ..والاهم حسن النية ..









وش بحب يجيب المشاكل لي روحه ..
البوست ده ما تحولوه العام ..

[بحيرى]

والله يا مايسه اول ما قريت البوست ....
كنت قايلها خالتى ريمون ....
اصلوا عدم الاوتكيت ده ما غريب عنها ...!!!
الكلام ده بينى وبينك .... ثمح ....!!!

[mahagoub]

والله يا مايسه اول ما قريت البوست ....
كنت قايلها خالتى ريمون ....
اصلوا عدم الاوتكيت ده ما غريب عنها ...!!!
الكلام ده بينى وبينك .... ثمح ....!!!

قمنا للخميج وعجن الطين

[isam saboon]

الاخت مايسه
احييك بشده على تناولك لهذا الموضوع
مدخل اخر:
نحن كسودانيين ينقصنا الكثير والكثير من الاتكيت وفن التعامل بالاتكيت - داخل الاسره الواحده وفى المجتمع عامة - مدارس - الشارع - المكتب وبصوره عامه حياتنا غير منظمه وسلوكنا غير مهذب وتعاملنا مع انفسنا ومع الاخرين فى اغلب الاحيان عشوائى جداً - حتى فى اكلنا وفى شربنا وفى لبسنا وفى اشياء اخرى كثيره تحتاج لتقويم وترقيه فى السلوك وتعلم الاتكيت حتى نكون شعبا اكثر تحضراً
قصدت من هذا المدخل ان نهتم جميعا بترقية السلوك العام وتعلم فن الاتكيت ولنعلم بعضنا البعض وارجو ان يتم تثبيت هذا الموضوع وان يكون تحت رعايتك حتى نستفيد جميعا منه.
والله الموفق

[مدنيّة]

تعرفي ياميسو
انا ما زعلانة من اريام
انا زعلانة من عائشة
لانها ما احترمت ريم صاحبتها
واول ما لقيت ليها صاحبة تانية
نزلت ريم من حسابها
شفتي كيف الزمن غدار كيف!!

[عنكوليب]

ميوسا ،،،، اشرت لهذا التعامل في كثير من مشاركاتي ،، وأتفهم تماما ماذا كان رأي الناس
في المنتدى عن كلماتي تلك والتي تتعلق بأن الكلمة جواز سفر ، وأن الأنسان لا يعيش
بين الناس وحيدا ،، وان الأسلوب في المشاركة يجب أن يدرك صاحبه أنه رساله كاملة
في حروف ، وأن المتلقي أي من كان يصله القصد بطريقته هو ،،، فيجب علينا تدارك الحروف
والألفاظ والمكنونات ،،، وما يسمو اليه الحرف ،،،
أن أحترم الآخرين لكي أحظى بحبهم ، واحترامهم ، وأن يصل مفهومي لهم بطريقة تلائم من هم
وذلك باتباع الأسلوب السامي ، لأنني أحترم نفسي ، وفي احترام النفس ، احترام الأخرين ،
أي كلمة في غير مكانها أو معناها بعيد ، قد تجرح كثيرين ، وأي أسلوب ، أن كان واضحا
او غير واضح يصل لأخرين بطريقتهم هم ،،، وقد حدث أن نزلت بوست هنا في النفاج ، ولم أقصد
به شخص معين ، ولم أتناول شخصه لا من قريب ولا من بعيد ،، ولكن أسلوبي كان به ركاكة
نعم ركاكة ،، وأعترف ، ولكنني تداركت ذلك بعد ثواني من ذلك وأقمت الدنيا ولم أقعدها ن حتى
أعدت الحرف الى مساره لكي لا أفقد شخصا أعزه وجدا ،،،ولم أنم الليل ،، وعندما أصبح الصبح
تنفست الصعداء لأنني نجحت في ذلك بمساعدة بعض الأبناء - جزاهم الله خيرا -

من هنا أتمنى ألا نجرح الأخرين كما جرحت ريم ،، والأنتيمات وغير ذلك من الأساليب ،،،وأن
نحسن من فن النقاش والتجادل ،، واحترام الأخرين ، ورأيهم ،،

ميوسا ،،،
أصبتيني في مقتل ،،، لك أجمل التحيات العطرات ،،،

[ريمون]

والله يا مايسه اول ما قريت البوست ....
كنت قايلها خالتى ريمون ....
اصلوا عدم الاوتكيت ده ما غريب عنها ...!!!
الكلام ده بينى وبينك .... ثمح ....!!!

انت يا ابو مراوح ..!!!!!!!!!!!!!!!!!!!!!!!!
احسن ليك اختاني ولا برد علي مدنية سؤال الكرسي الابيت تجاوبه ..

[مدنيّة]

انت يا ابو مراوح ..!!!!!!!!!!!!!!!!!!!!!!!!
احسن ليك اختاني ولا برد علي مدنية سؤال الكرسي الابيت تجاوبه ..


شفتي ياريمون
ابي يختاك
اصلك ما تسكتي ليه
ووريني جواب السؤال الاباه

[بنت الرفاعي]

تعرفي ياميسو
انا ما زعلانة من اريام
انا زعلانة من عائشة
لانها ما احترمت ريم صاحبتها
واول ما لقيت ليها صاحبة تانية
نزلت ريم من حسابها
شفتي كيف الزمن غدار كيف!!


:):):)

ولا حتى دفاع أو رفض
إلا بمُشاركة ريم لهما،
ربما هم أطفال وقد لا ينتبه أغلبهم لأشياء كتلك،
ولكن ما عُذرنا نحن؟!!

لكِ خالص التحايا مع كل الشكر والتقدير أختي مايسة،
ولمجهوداتك والتي نتمنى أن يكون حصادها
ليس ببعيد بإذن الله.

:):):)

[بحيرى]

قمنا للخميج وعجن الطين


والله يا عمك زول غيرك انت معجن النسوان ديل مااااافى ....!!!
خلينا ننتقم شويه منهن ..!!!

[بحيرى]

انت يا ابو مراوح ..!!!!!!!!!!!!!!!!!!!!!!!!
احسن ليك اختاني ولا برد علي مدنية سؤال الكرسي الابيت تجاوبه ..


ما تكلميها ...!!!
بخاف منك ولا بخاف منك يعنى ...!!!!

[بحيرى]

شفتي ياريمون
ابي يختاك
اصلك ما تسكتي ليه
ووريني جواب السؤال الاباه


الزول ذاتو قطعوا معاااى ارتحتى ...!!!
قايتو يا خالتو ...
كان مسكتوا ليكم حاجه الا تقطسوا حجرها ..!!!

[بحيرى]

مايسه ...
معلييش ...
عارفك هسه حتقولى غيرنا ليك مسار البوست ... اصلك محيله ...!!!
لكن والله ديل الخالات ديل ...!!!

[مايسة]

كدي النسعلك ريم دي عمرها كم


ريم مولودة يوم 6-1-2005 -يوم الخميس الساعة السابعة صباحا ;)


الكلمة زي الرصاصة
مابترجع

واحسن شي تتعامل بصورة واسلوب حلو في النهاية ماف حد عايز من حد شي غير الكلمة الطيبة
تسلمي يا مايثة


فعلا الكلمة زي الرصاصة -
مرات بتكون في السطح فتشفى بسرعة
ومرات كمان بتشفى وأثر الندب بيكون ظاهر
ومرات كمان الواحد بعمل عمليات تجميل فتختفي

تحياتي ليك

[مايسة]

يا أخوانا ( أم ريم ) دي عندها حكمة كبيرة ورا القصة المؤثرة دي
ويا ريت نلتفت وننظر ليها بنظرة فاحصة ودقيقة وهي العلاقة بيينا
كأسرة المنتدى .


تسلم كثيرا -
كما تفضلت أسرة - وكفى -

[telecom]

انتى عارفة يا ميسو ....... انا مع مدنية عائشة دى طلعت صحبت قرقر ساكت مفترض كان تعمل حساب لصحبتا الانتيم
ربنا يخليهم ليك يا عسل

[مدنيّة]

ميسو اسمحي لي اخت الاغنية دي هنا


--------
تبعا اعتبرتك سمحتي وكدا ):




http://www.youtube.com/watch?v=6KZ4_YRNpbE

[مايسة]

انتى عارفة يا ميسو ....... انا مع مدنية عائشة دى طلعت صحبت قرقر ساكت مفترض كان تعمل حساب لصحبتا الانتيم
ربنا يخليهم ليك يا عسل


عزرا يا جماعة بس حا ارد على الجميل دا
لأنو بالجد فاقداها - وينك يا زولة -
منال مشتاقة ليك يعلم الله
لا تبقى على انت والقدر
خليك قريبة - طالما انت من ريحة الحبايب
------------------------
اها نرجع لريم -
ريم يا ستي عندها مبادئ -
وبحكم هى طفلة رأت فقط تدخل أريام في الأمر
لها العذر فهي طفلة أما نحن فما هو عذرنا

[مايسة]

شفته لكن
عايزه تعملى ليها باى نق تربيع وتطلعى عمرها كم

مايسه
ده شنو ده
البت اديتيها كميه بتاعة دراب
انا لو كنت محلها بزعل منك انتى


عم محجوب - سلامات -
ماهو الدراب دا هو النجدني من الموقف -
هى زعلت مني بس لاني ما شرحته ليها معاني الكلمات :o

[مايسة]

هسه يا مايسه انا قلت من العنوان ده الزوله دي جايه تشكرني ولا تنبذني ؟؟
وياربي انا عملت شنو ؟؟
للاختصاص وكده تاني اكتبي ريم الصغيره .. ريم بتي .. اي شئ ..
في داعي للهجمه دي ياخ ..؟؟!!




حاضرين يا ستي نكتب ليك ريم بت مايسة الصغيرة






كلام مائة في المائة وتربية حديثة صحيحة ..
ورد فعل ريم بيدل علي فعل مايسه ..
وانا اشهد ليك انك حتي في افعالك في المنتدي بتحاولوي تبثي _ شفتي تبثي دي حلوه كيف _ روح الاخلاق الحميده والتعامل الجميل ..



تسلمي - كل مافي الموضوع اني حاولته اسمعه للنهاية
وأعرف وجهة نظرها بالضبط شنو في الموقف والزعل الهى فيهو
وبقدر الامكان حاولته امتص غضبها بطريقة هى ما تحس بيها
ففي النهاية هى هم جميعهم أطفال وإن كنت أرى بأن التصرفات السلوكية تظهر في شخصية الشخص في أوائل عمره
شكرا على حديثك بخصوصي
وأكيد مع الجميع الحلقة بتكمل




مع انك مرات كده بتكوني هبابة بجد .. وما تزعلي ..
يا ريت لو التزمنا بالتعامل الراقي في المنتدي ..والاهم حسن النية ..




في هذه الجزئية طالما أعقبتي بكلمة لا أزعل - فلن أغضب ولكن
من حقى عليك أن أعرف في اي مكان كنت كما وصفت
حتى يتثنى لي في المرات المقبلة أن لا أكون
--------------------------------
التعامل الراقي يأتي اذا كنا نحسب كلامنا وتصرفاتنا جيدا
ونفكر فيه وقبلها نضع أنفسنا في مكان من نوجهه له الكلام

تحياتي ليك






وش بحب يجيب المشاكل لي روحه ..
البوست ده ما تحولوه العام ..


:eek::eek:

[مايسة]

والله يا مايسه اول ما قريت البوست ....
كنت قايلها خالتى ريمون ....
اصلوا عدم الاوتكيت ده ما غريب عنها ...!!!
الكلام ده بينى وبينك .... ثمح ....!!!


ولا بعرفك -


قمنا للخميج وعجن الطين


أحلى حاجة ياخ عجين الطين دا بالذات لمن كنا صغار

[مايسة]

الاخت مايسه
احييك بشده على تناولك لهذا الموضوع
مدخل اخر:
نحن كسودانيين ينقصنا الكثير والكثير من الاتكيت وفن التعامل بالاتكيت - داخل الاسره الواحده وفى المجتمع عامة - مدارس - الشارع - المكتب وبصوره عامه حياتنا غير منظمه وسلوكنا غير مهذب وتعاملنا مع انفسنا ومع الاخرين فى اغلب الاحيان عشوائى جداً - حتى فى اكلنا وفى شربنا وفى لبسنا وفى اشياء اخرى كثيره تحتاج لتقويم وترقيه فى السلوك وتعلم الاتكيت حتى نكون شعبا اكثر تحضراً
قصدت من هذا المدخل ان نهتم جميعا بترقية السلوك العام وتعلم فن الاتكيت ولنعلم بعضنا البعض وارجو ان يتم تثبيت هذا الموضوع وان يكون تحت رعايتك حتى نستفيد جميعا منه.
والله الموفق


تسلم أخي الكريم عصام
تعرف من مشاكلنا برضو شنو -
لو بقيت تتعامل برقي وذوق وفن - بقولو
عاينو دا فاكيها كيف في نفسو (دلالة على العجرفة )
هو قايل نفسو منو
نحن شعب بسيط - ولكن للاسف بساطة فايته الحد

تحياتي ليك

[مايسة]

تعرفي ياميسو
انا ما زعلانة من اريام
انا زعلانة من عائشة
لانها ما احترمت ريم صاحبتها
واول ما لقيت ليها صاحبة تانية
نزلت ريم من حسابها
شفتي كيف الزمن غدار كيف!!


مدنية ست الذوق
تعرفي عائشة دي معزورة لأنو أريام ما ادته فرصة
وزي ما تقولي دخلت زي القطر
ويمكن كمان تكون عايزة تلفت الإنتباه لشخصها وكدا
---------------
اتذكرته جاك ياخ لمن صاحبو داك خانو
بتتذكري البوست النزلتيهو

[مايسة]

ميوسا ،،،، اشرت لهذا التعامل في كثير من مشاركاتي ،، وأتفهم تماما ماذا كان رأي الناس
في المنتدى عن كلماتي تلك والتي تتعلق بأن الكلمة جواز سفر ، وأن الأنسان لا يعيش
بين الناس وحيدا ،، وان الأسلوب في المشاركة يجب أن يدرك صاحبه أنه رساله كاملة
في حروف ، وأن المتلقي أي من كان يصله القصد بطريقته هو ،،، فيجب علينا تدارك الحروف
والألفاظ والمكنونات ،،، وما يسمو اليه الحرف ،،،
أن أحترم الآخرين لكي أحظى بحبهم ، واحترامهم ، وأن يصل مفهومي لهم بطريقة تلائم من هم
وذلك باتباع الأسلوب السامي ، لأنني أحترم نفسي ، وفي احترام النفس ، احترام الأخرين ،
أي كلمة في غير مكانها أو معناها بعيد ، قد تجرح كثيرين ، وأي أسلوب ، أن كان واضحا
او غير واضح يصل لأخرين بطريقتهم هم ،،، وقد حدث أن نزلت بوست هنا في النفاج ، ولم أقصد
به شخص معين ، ولم أتناول شخصه لا من قريب ولا من بعيد ،، ولكن أسلوبي كان به ركاكة
نعم ركاكة ،، وأعترف ، ولكنني تداركت ذلك بعد ثواني من ذلك وأقمت الدنيا ولم أقعدها ن حتى
أعدت الحرف الى مساره لكي لا أفقد شخصا أعزه وجدا ،،،ولم أنم الليل ،، وعندما أصبح الصبح
تنفست الصعداء لأنني نجحت في ذلك بمساعدة بعض الأبناء - جزاهم الله خيرا -

من هنا أتمنى ألا نجرح الأخرين كما جرحت ريم ،، والأنتيمات وغير ذلك من الأساليب ،،،وأن
نحسن من فن النقاش والتجادل ،، واحترام الأخرين ، ورأيهم ،،

ميوسا ،،،
أصبتيني في مقتل ،،، لك أجمل التحيات العطرات ،،،


عنكوليب - تحياتي ليك

تعرفي مرات كدا الواحد بخت في راسو حاجات بكون ما عندها اساس من الصحة أصلا
ودا طبعا بيعتمد على الحالة المزاجية للشخص ووقت تعرضه لذلك الموقف
كان يوجد بوست في العام قبل فترة يتحدث عن النمطية كاتبته الاخت (الأميرة) (لها تحياتي اينما كانت)
تناولت الكثير من السلوكيات في مجتمعنا بصورة جميلة جدا
----------------
التعامل بفهم وذوق وحب مريح جدا - لك وللشخص الآخر
وكمان ضيفي ليها التعامل بوضوح
شكرا ليك كتير على وضوحك -
وأكيد من الجميل جدا أن لا نجرح أو نتسبب بجرح شخص
وأن نضع النية السليمة في البدء

تخريمة : خليك قريبة

[مدنيّة]

اتذكرته جاك ياخ لمن صاحبو داك خانو
بتتذكري البوست النزلتيهو

دا بوست بتنسي ياميسو!
قلبي موجوووووووووووووووووع
ووحاة الله قلبي اتوجع لخيانة صاحبه

------
تسلمي حبيبتي

[مايسة]

:):):)

ولا حتى دفاع أو رفض
إلا بمُشاركة ريم لهما،
ربما هم أطفال وقد لا ينتبه أغلبهم لأشياء كتلك،
ولكن ما عُذرنا نحن؟!!

لكِ خالص التحايا مع كل الشكر والتقدير أختي مايسة،
ولمجهوداتك والتي نتمنى أن يكون حصادها
ليس ببعيد بإذن الله.

:):):)







سلامات مرام
كما تفضلتي هم أطفال فما هو عذرنا نحن

أحكي قصة لريم خلتني أعاين ليها بث
بالأمس القريب كنا بنتونس انا وهى - قامت قالت لي ياماما قبيل لمن مشينا الحديقة
واثناء ما بنلعب وبجوار المرجحانية في اتنين بنات كانو بلعبو (جنسيات مختلفة) -
قامت واحدة منهم قالت لي انت سودانية قالت لي رديت ليها قلته ليها أيوا
قامت البت دي قالت لصحبتها تعالي نتعيب عليها -
قلته ليها يا ريم يعني قصدك تتريق عليك (قالت لي ما عارفة)
(لأنو طبعا ريم اصلا ما بتعرف كلمة تتريق)
اها ريم بتواصل في القصة

قامت البت التالته قالت للسألت ريم (حرام)
يعني البت طلعت مؤدبة وما بتتلسن على الناس عكس صحبتها


قمته انا صراحة اتحرقته قلته ليها يا ريم البت دي جنسها كدا كدا
قالت لي آي -
طيب ما كان تشاكليها وتقولي ليها انتو كدا وكدا وكدا
طبعا انا قلته لريم كلمات بسيطة على حسب فهمها
لكن برضو فيها رد اعتبار على الاقل لينا كسودانين
قامت ريم ما تتخيلي إنفعلت كيف وقالت لي انا ما بقول كدا نهائيا
قلته ليها ليه ما هم عابوك
قالت لي انا ما بقول لأنو اصلا حرام

طبعا أدتني درس في الأخلاق :o

تحياتي ليك

[مايسة]

مايسه ...
معلييش ...
عارفك هسه حتقولى غيرنا ليك مسار البوست ... اصلك محيله ...!!!
لكن والله ديل الخالات ديل ...!!!


لا ياخ العفو -
وفيها ايه الدنيا دي -

وما محيلة ولا شئ بس عندي سعال حارقني ممكن أسألك ليهو
انت كنت وين وجيت وين وماشي وين :cool:

[مايسة]

ميسو اسمحي لي اخت الاغنية دي هنا


--------
تبعا اعتبرتك سمحتي وكدا ):





ما قدرتي تبقى عندك ذوق مُش :cool:
صراحة الغنية جميلة جدا
ونور بيتنا دي بتذكرني كرسيني الساخن
ولمن انتي جيتي فيهو رديت ليك بنفس الغنية دي
سبحان الله

[مايسة]

دا بوست بتنسي ياميسو!
قلبي موجوووووووووووووووووع
ووحاة الله قلبي اتوجع لخيانة صاحبه

------
تسلمي حبيبتي


أصعب شئ خيانة الصديق لصديقه
------------
لكن برضو زي ما قلته ليك
جاك هسي بكون في هاييتي بتفسح
وانت قلبك مواجعك :p:cool:

[مدنيّة]

ما قدرتي تبقى عندك ذوق مُش :cool:
صراحة الغنية جميلة جدا
ونور بيتنا دي بتذكرني كرسيني الساخن
ولمن انتي جيتي فيهو رديت ليك بنفس الغنية دي
سبحان الله

سبحان الله ياميسو والله
شكلنا تيمان ياخ
تعالي نغير اسمنا التومات ، زي التيمان!

----------
جد والله محتارة
لكن بيني وبينك زي مابيقولوا
القلوب شواهد ياخ

--------
معقولة بث كان اصبر ليك (بداعي الذوق) لمتل الساعة دي عشان تردي علي!!
هههههههههههههههههههههههههههههههه

[مايسة]

سبحان الله ياميسو والله
شكلنا تيمان ياخ
تعالي نغير اسمنا التومات ، زي التيمان!

----------
جد والله محتارة
لكن بيني وبينك زي مابيقولوا
القلوب شواهد ياخ

--------
معقولة بث كان اصبر ليك (بداعي الذوق) لمتل الساعة دي عشان تردي علي!!
هههههههههههههههههههههههههههههههه


سبحان الله ياخ
بركة الطمنتيني انو إحنا بنتشابه
خلاث موافقة بس السماية على منو
-----------------
هههههههههههههههههههههه
طبعا دا كان إختبار لقدرة تحملك وصراحة طلعتي مية مية
دنا متعوووووووووووودة :cool::p

[mahagoub]

دا بوست بتنسي ياميسو!
قلبي موجوووووووووووووووووع
ووحاة الله قلبي اتوجع لخيانة صاحبه

------
تسلمي حبيبتي
الظاهر عليك من النوع الببكى فى اى فلم هندى

[مايسة]

الظاهر عليك من النوع الببكى فى اى فلم هندى

ههههههههههه دا مسلسل أجنبي - كرهتنا بيهو
جاك دا مؤثر فيها شديد
الحمد لله هسي إنتهى
واكيد هى منتظرة السيزون الجاي بفارق الصبر لو عملو ليها تاني

[مايسة]

لا تتحدث عن أموالك أمام فقير - لا تتحدث عن صحتك أمام عليل . لا تتحدث عن قوتك أمام ضعيف - لا تتحدث عن سعادتك أمام تعيس . لا تتحدث عن حريتك أمام سجين - لا تتحدث عن أولادك أمام عقيم . ولا تتحدث عن والدك أمام يتيم - فجراحهم لا تحتمل المزيد ... زن كلامك في كل أمور حياتك واجعل ( مراعاة شعور الآخرين ) جزء من شخصيتك حتى لا يأتي يوم تجد نفسك فيه وحيدا مع جرحك فلا ترقص على جراح الآخرين لكي لا يأتي يوم تجد فيه من يرقص على جرحك ..


(د.ابراهيم الفقي -رحمه الله)

[عنكوليب]

ميوسا ،،،

انتي يا يما لا تخجلي لا تداري ،،،،
وحسك ما يدسك ،،، قولي آمين ،،

[عبدالرحمن مدثر]

ام ريم تحياتى ياااخ ... وجميل جدا انو تستفذى جوانا من خلال يراعك الطروب ...

ممكن ادخل مزونه .. هنا واندفق حتى لو فى اتجاه مشاتر .. لكنو باتيكيت اكيد لانو جاااى طالع من دون مكياج

بس حاركز فى جزئيه اللخ بتاع العجين اللغوى بتاعك العمل لريم انبعاااج تواصلى .. وخلا الفجوه تتسع اكتر

بمناسبه حته انو عيالنا دايرين يعرفوا كلو حاجه ... لكن بطريقتهم

اها النندفق ليييييييييييييييييك

وانا بين نااائم صاااحى ... سامع ليييك ام مزن بتحكى ليها قصه سيدنا ابراهيم عليه السلاااام ... وهى زهجااانه عشااان

هى لسه صاحيه طبعا ... وبدت الحكااايه .. لحدى ماجات فى حته انو ابونا ابراهيم عليه السلاااام تزوج اولا بساره ولم تنجب له

وبعدها تزوج بهاااجر وانجبت له اسماعيل عليه السلااااام

وبعدها بدت لخبطه مزونه نص الليل

- هو لييييه ياماما اتزوج تااانى

- والتانيه الاتزوجها كانت حلوه

- ماما العرس عملوهو وووين .. زى ناس عمو متوكل وخالتو افناااان

- ماما انتى الحنانه كنت عمتو اقباااال ... ولا مشوا لاريج البعيده دييييييك


اريج حنتها عمتو سميه قااالت سمحه

- - ماما انا دايره ابوى يعرس تااانى عشان البس فستان الزفاااف بتاعى

وانا بقرقر .. طبعا .... والقصه اخرها لسسسسسسسه

اخر قنبله موقوته طلعت من ام مزن












يابت ماتتتخمدى يااااااااااااااخ ... عذبتينا


بجيك راااجع

دى اندفاااقه ساااااى

[عنكوليب]

ههههههههههههههههههههههههههههههههههههههههههههههاي

مبالغة جد ،،، ياخي انت العسل كلو ،،،

انا غايتو بكتلوني يوم بسبب مشاركاتي دي ،،، وانتو مخيريييين

تقولوا لينا في الحاجات الحلوة دي وكمان ما نعلق ،،، ربنا يستر ،،،

[عبدالرحمن مدثر]

هاهاهااااااااااااااا

عنكوليبه ياانيقه .. انا طبعا من المدمنين على حروف مزرعتك السعيده .. الفيها مالذ وطاااب اكيد

وام ريم دى عندها مكانه خاااصه .. اكيد .. زوله دفعه جامعه .. وشالت منى كل الحاجات الحلوه هاها

يعنى البوست دا انا عندى فيهو نص .. بحكم تراااكم التجااارب وكدا .. فى رحله بحثنا عن الوطن الكنز

لما تكون الدواخل نديه

وماتقولى كمااان فى جااائزه ..



خربشه


تحيه نديه لكل النفاجاااااب المرابطين على حلاوه الطله .. وجمال الصحبه .. وعشراقه الفرفشه

ساعات بتخذلنا ظروفنا ... يخذلنا احساسنا حتى .. لما يكون مامكوى .. وملبوس كم يوم

عندها بنشغل مقاعد المتفرجين

وبنستمتع باللعبه الحلوه

والبصااات الملعوبه

[عنكوليب]

يااااااا عُبد انت حالتك عيان ،،،،

ياخي المرض ده ، ان شاء الله يموت ذاتو ،،،

أنا لا أستطيع أن أجاري حروفك ذات الزخم والألق العتيق ،،،

لا أمتلك حتى الجرأة أن تقول حروفي ،،، بمثلما تنبع به كلماتك ،،،

نتحسس الدريب ،، نتحسس النغم ،،

نباري القماري ،، نناشد القمر ،،

نتوه مابين الألق بالقمر ،، والغبر في الثرى ،،

تتفتح الزهور بعد المغيب ،،، ولكنها نرجس العنبر ،،

يصبح الصبح والجو معطر بالعبق ،،،

ونذهب في درب السقيا ،، والعلم والأدب ،،

ونعود لنجد الحرف المضمخ بالحب والأمل والأجل ،،،

[ابوالنور]

ازيييييييييييييييييييييييييييكم يا حلوين
وتحية خاصة جدن للاخ الشريف الهندي
وبث

[عنكوليب]

ابو النور تتجازى وما تاخد الأجازة ،،،

والله يا خي كتر خير ميوسا أولا ،،،

وود الشريف ثانيا ،،

وفرحانين بوجودك هنا وهناك ،،، عشت ،،،

[مايسة]

ميوسا ،،،

انتي يا يما لا تخجلي لا تداري ،،،،
وحسك ما يدسك ،،، قولي آمين ،،


اللهم آآآآآآآآآآآآمين يا رب
ويخليك يا رب

دعوة حبوبات أصيييلة من زول أصيل ومعتق

[مايسة]

ام ريم تحياتى ياااخ ... وجميل جدا انو تستفذى جوانا من خلال يراعك الطروب ...

ممكن ادخل مزونه .. هنا واندفق حتى لو فى اتجاه مشاتر .. لكنو باتيكيت اكيد لانو جاااى طالع من دون مكياج

بس حاركز فى جزئيه اللخ بتاع العجين اللغوى بتاعك العمل لريم انبعاااج تواصلى .. وخلا الفجوه تتسع اكتر

بمناسبه حته انو عيالنا دايرين يعرفوا كلو حاجه ... لكن بطريقتهم

اها النندفق ليييييييييييييييييك

وانا بين نااائم صاااحى ... سامع ليييك ام مزن بتحكى ليها قصه سيدنا ابراهيم عليه السلاااام ... وهى زهجااانه عشااان

هى لسه صاحيه طبعا ... وبدت الحكااايه .. لحدى ماجات فى حته انو ابونا ابراهيم عليه السلاااام تزوج اولا بساره ولم تنجب له

وبعدها تزوج بهاااجر وانجبت له اسماعيل عليه السلااااام

وبعدها بدت لخبطه مزونه نص الليل

- هو لييييه ياماما اتزوج تااانى

- والتانيه الاتزوجها كانت حلوه

- ماما العرس عملوهو وووين .. زى ناس عمو متوكل وخالتو افناااان

- ماما انتى الحنانه كنت عمتو اقباااال ... ولا مشوا لاريج البعيده دييييييك


اريج حنتها عمتو سميه قااالت سمحه

- - ماما انا دايره ابوى يعرس تااانى عشان البس فستان الزفاااف بتاعى

وانا بقرقر .. طبعا .... والقصه اخرها لسسسسسسسه

اخر قنبله موقوته طلعت من ام مزن



يابت ماتتتخمدى يااااااااااااااخ ... عذبتينا


بجيك راااجع

دى اندفاااقه ساااااى


أبو مزن العثولة -
تحياتي ليك والله وأنا أرى بأن البرطعه بتبرطع معانا وحوالينا
وإحساسك عالي ومزاجك عامل زي الزول
القاعد بشرب في قهوة بجنزبيل وبيتمطق بطعمها
وفي نفس اللحظة بتعاين ليك في منظر جميل قدامك ;)

أها يا أخوي مزن دي عارفة الاتيكيت ياخ
بدليل إنها إستأذنت امها بخصوص الفستان وبخصوص كمان
عايزة تاخد الإذن عشان تديك انت الاوكي
وتمشي في درب الما بنوم الليل
وتخليك تشغل في العربية شريط
راجل المرة حلو حلا

بالمناسبة دي - هو أساس الغنية دي شنو

طبعا خليتني أتخيل المنظر ومزونة بتسمع في النهرة
وعيونا منططة
وانت تسترق السمع ومزاااجك عالي
عشان في مؤازرة ليك من مزونة


ربنا يحفظ ليك الاسرة يا رب
وأكيد منتظرة جياتك عشان تورينا
نضال ومعارك الاطفال في حياتنا

[مايسة]

ههههههههههههههههههههههههههههههههههههههههههههههاي

مبالغة جد ،،، ياخي انت العسل كلو ،،،

انا غايتو بكتلوني يوم بسبب مشاركاتي دي ،،، وانتو مخيريييين

تقولوا لينا في الحاجات الحلوة دي وكمان ما نعلق ،،، ربنا يستر ،،،

عنكوليب

المبالغة بالجد لمن تشوفيهو في الحقيقة كدا
ويقعد يحكي ليك موقف ولا قصة
إنسان بشهادة الكل

تحياتي

[مايسة]

هاهاهااااااااااااااا

عنكوليبه ياانيقه .. انا طبعا من المدمنين على حروف مزرعتك السعيده .. الفيها مالذ وطاااب اكيد

وام ريم دى عندها مكانه خاااصه .. اكيد .. زوله دفعه جامعه .. وشالت منى كل الحاجات الحلوه هاها

يعنى البوست دا انا عندى فيهو نص .. بحكم تراااكم التجااارب وكدا .. فى رحله بحثنا عن الوطن الكنز

لما تكون الدواخل نديه

وماتقولى كمااان فى جااائزه ..



خربشه


تحيه نديه لكل النفاجاااااب المرابطين على حلاوه الطله .. وجمال الصحبه .. وعشراقه الفرفشه

ساعات بتخذلنا ظروفنا ... يخذلنا احساسنا حتى .. لما يكون مامكوى .. وملبوس كم يوم

عندها بنشغل مقاعد المتفرجين

وبنستمتع باللعبه الحلوه

والبصااات الملعوبه

النورس

البوست كلو حقك وحق مزن كمان
بس المرة الجاية قول ليها
إتكلمي في حاجة معقولة - عشان الهواء
والكتاحة كتيرة شديد قالو -


وعشان كمان الجنس اللطيف دا لمن يقوم
زي روتانا سينما - بالضبط
مش حا تقدر تغمض عينيك - وانت زول شغال وكدا



تعرف الدواخل لمن تكون نقية
والعُشرة صادقة
بتبقى الدنيا حلوة بالجد

[مايسة]

ازيييييييييييييييييييييييييييكم يا حلوين
وتحية خاصة جدن للاخ الشريف الهندي
وبث


سلامات أبو النور
ومنورنا اليوم ياخ -

والتحية له ايضا ثانية
وبث

[مايسة]

ابو النور تتجازى وما تاخد الأجازة ،،،

والله يا خي كتر خير ميوسا أولا ،،،

وود الشريف ثانيا ،،

وفرحانين بوجودك هنا وهناك ،،، عشت ،،،

ههههههههههههه
عنكوليب هنا عرفتها
هناك وين

[عنكوليب]

هناك وين


هيا أخوانا ،،، حسي ما قلنا ما عايزين كتاحات ،،،

بعرفها هو برااااااااااااهو ؟؟؟؟ ولا شنو يا أبو الشباب !!!

[مايسة]

هيا أخوانا ،،، حسي ما قلنا ما عايزين كتاحات ،،،

بعرفها هو برااااااااااااهو ؟؟؟؟ ولا شنو يا أبو الشباب !!!


يعني ما نسأل ولا شنو
خلاص جاوب يا أبو الشباب

[عنكوليب]

المبالغة بالجد لمن تشوفيهو في الحقيقة كدا ويقعد يحكي ليك موقف ولا قصة إنسان بشهادة الكل

أتمنى لقاء كل الأخوان يا ميوسا والأخوات في أسرع فرصة والله ،،،

وربنا يديه العافية له يراع ينقط فهم ،،،،

[ابوالنور]

ابو النور تتجازى وما تاخد الأجازة ،،،

والله يا خي كتر خير ميوسا أولا ،،،

وود الشريف ثانيا ،،

وفرحانين بوجودك هنا وهناك ،،، عشت ،،،



سلامات أبو النور
ومنورنا اليوم ياخ -

والتحية له ايضا ثانية
وبث
يفرحوكم وليداتكم ان شاءالله يا يمة والنور نوركم وحاة الله
عليك الله يا عنكوليب امن توري مايسة هناك وين
بقي يا ستي

وريني معاكم ياخ

[عنكوليب]

يفرحوكم وليداتكم ان شاءالله يا يمة والنور نوركم وحاة الله
عليك الله يا عنكوليب امن توري مايسة هناك وين
بقي يا ستي

وريني معاكم ياخ

الا يجروكم ياخي ،،، ازيك يا ابو النور ،،،
ليك وحشه ياخي ،،، ما تغيب تاني ،،، ثمح ،،،

[عبدالرحمن مدثر]

هاها
طبعن ياعنكوليب .. من محاسن الصدف .. واخلاص ذاتو .. انو انا عديت فتره جميله جدا فى حى الروضه بام درمان

كان عندنا معرض بتاع سيراميك وادوات صحيه وتوصيلات مويه وصرف صحى (نستغل البوست للدعايه ) فاحين على السادسه

جنب صيدليه الروضه وفاين فنش .. فكانت اجمل الايام بحق وحقيقه ... بتذكر حاجه زينب فى الفيحاء وهى دايره تشترى سيراميك

وبتقول لى ياولدى انا ماعارفه دايره كم متر .. تمشى تقيس لى البيت

فكانت روعه الروعه .. انو تخلى معرضك وتبقى فنى بلاط .. وتمشى تمتتتتر ...

فاصبحت علاقه اكتر من انو حدها السيراميك .. وبسبب

هاها

وبعد دااك عملت اضافه جميله فى العمل التجارى لما تجيب احساسك ومترك

وتخش كل البيوت باريحيه


ايييييييييييييك .... كانت اياااااااااااااااام

[عبدالرحمن مدثر]

ام ريم ياانيقه

ماشاء الله على الحضور الجميل ... عينى بارده .. وجائزه البوست دا شنو .. طقم ملايات

ولا ابجوره ...

[عنكوليب]

طبعن ياعنكوليب .. من محاسن الصدف .. واخلاص ذاتو .. انو انا عديت فتره جميله جدا فى حى الروضه بام درمان

علييك الله جد ،، يارييت لو كنت عارفة ،،،،
اسمو فاين فنش مش ؟

نباري القماري ،، نناشد القمر ،،

نتوه مابين الألق بالقمر ،، والغبر في الثرى ،،

وتتابع المباراة ،،، والقمر كما هو ،،،
وتزيد الغبرة ،، والأرض كما هي ،،


تحياتي يا رائع ،،، وكان حييين بنتلاقى قرييييييييييييييييب ،،، في اليومين الجايات ديل ،، ان شاء الله ،،،

[ابوالنور]

الا يجروكم ياخي ،،، ازيك يا ابو النور ،،،
ليك وحشه ياخي ،،، ما تغيب تاني ،،، ثمح ،،،
اتحداك وحاة الله وان شاءالله ماف غياب تاني
ومعاك معاك معاك مطرح ما تروح معاك
تمي الباقي يا مايسة ياخ

[مايسة]

ام ريم ياانيقه

ماشاء الله على الحضور الجميل ... عينى بارده .. وجائزه البوست دا شنو .. طقم ملايات

ولا ابجوره ...


هههههههههههههه
ولا هذا ولا ذاك -
تذكرة لحفلة الكابلي :cool:

[مايسة]

اتحداك وحاة الله وان شاءالله ماف غياب تاني
ومعاك معاك معاك مطرح ما تروح معاك
تمي الباقي يا مايسة ياخ




لو ماياها وريني ثمح


http://www.youtube.com/watch?v=ptCd3XDFWd0