اهداء للهمباتة الغبش ودجلالة وأب سفروق

[ودالعمدة]

اتمشيت غشيم سهل الغرام فترني
ما ملّيت عبارو الفي السهر خترني
انمطّ الحنين سرت الخيال عترني
جاني الطيف طويل قال ليا قوم مترني!

[ودالعمدة]

ودجلالة: داب الليل نجومو اتلاقن
اتحوشن منامي علي العلي إتّاقن
حسايساً فيني لا بمرقن ولا بنطاقن
إنهبرن نواتح في القليب اتشاقن

[ودالعمدة]

أب سفروق:من بعد البراحات ضاقن ..
أذرف دم عروقي اللا هدن لا راقن ..
الآذاني حوقت الحروف ما حاقن ..
في وصف الجميل الليو عيوني اشتاقن