هذا البوست فيه علاج لكثير من الامراض ... وايضا علاج للحمير !!!!!!!!!

[الجندي المجهول]

http://i42.tinypic.com/35dani8.jpg

بصراحة الزول دا ما قصر نهائي بعد ما عالجنا انحنا البشر قبل على (الحمير) غايتو لي في مكان في هذه اللوحة لكتب عليها

يوجد ايضا علاج (للفساد)


تخريمة : الزول دا بعد الرجل تخف منو (يعني الزباين يبقوا شوية) بيقلب المحل (مطعم) وفي رواية اخري (عجلاتي) اسال الله المرة الجاية يقلبوا (البرلمان زاتو) عشان تبقى من دقنوا وافتلوا ..

باللفة كدا : الزول دا ما عندو فرع ( هناك)

واعرشوا على كدا ،،،،

[ضياء الدين احمد]

هو ذاتو يالجندي البصير ده مؤتمر وطني اها رايك شنو؟

[ودالعمدة]

هو ذاتو يالجندي البصير ده مؤتمر وطني اها رايك شنو؟

أكيد لأنو مستثمر بدرجة امتياز
ولو ماعمل كدة ينطبق عليه المثل :
الشعره الما بتعرف الواجب
تقوم في الأضان وتخلي الحاجب

الجندى تعال اعرش لينا ياخ وبعدين اتصل

[نزار احمد كوارتي]

هههههههههههههههههههههههههههههههه

شكيت محنكم الإتنين

[سلمي ابوالكيلك]

خلي الناس تاكل عيش

[nehroo]

كدي النتصل عليهو ..
اصلو عندي حومار مهم
داير اعمل ليه عملية تجميل في وشو ..

[بابكر]

الشئ المخزى إنه كاتب رقم الجوال بتاعه !! يعنى عينه قويه !! بالله أين وزارة الصحه ؟؟؟ وأين البلديه ؟؟؟ وأين الشرطه ؟؟؟ أم هذا الرجل لايخاف من أحد,, بحيث إنه وضع هذه اللافته بدون خوف من أى عواقب ,, كان الله فى عونك ياوطنى ,, فقد وصل بنا الحال إلى الدرك الاسفل , ولاحول ولاقوة الابالله

[بابكر]

كدي النتصل عليهو ..
اصلو عندي حومار مهم
داير اعمل ليه عملية تجميل في وشو ..
حومار دى حلوه يا نهرو

[آلاء عبد الرحمن]

والله الزي ده بقو كتااااااااااااار
قبل فترة انا مارة بشارع لقيت عربية صغيرة واقفة واحد بكورك علاج لالام المفاصل وشنو كدة وتعال جرب والناس متلمة وقاعدين في الشمس ويجربو