أتحسس مسدسي

[بابكر عباس]

- يقال انو العسكري لو سمع كلمة "ثقافة" طوالي بتحسس مسدسه!

- المرحوم عبد الخالق محجوب سألوهو: ماذا أحدثتم داخل المجتمع السوداني خلال الفترة السابقة؟
قال ليهم: قليل من الوعي

- متابع لمنتدى ود مدني دا، منذ زمن طويل، لا أدري مقدار الوعي الذي أحدثه؟ لكني متأكد من صفة واحدة للمنتدى، وهي محافظة المنتدى على نمطيته وعقلية الألفا وأبو الفصل! بإختصار المنتدى بشبه الجرايد الحائطية المدرسية

- عليك الله يا الشايل عكازك وتنقل في البوستات من هنا، إنتظر شوية وبعدين كش البوست دا! ما معقولة بتكون قاعد تعرف وجهة البوست من العنوان والمداخلة الأولى؟!

- لو كشيت البوست دا، وحات سيدي الحسن، أنده ليك ود كنان.

[فراس]

سلامات بابكر واهلا بك
في دارك .
نتابع معاك ونحدد مسار
البوست حتي نتداخل
تسلم

[بابكر عباس]

سلامات بابكر واهلا بك
في دارك .
نتابع معاك ونحدد مسار
البوست حتي نتداخل
تسلم

شكرا يا فراس على الترحيب
ناس مدني عامة يا فراس، يضعون للمدينة مكانة أكبر من حقيقتها وإذا تحدث أي زول عن مسالب المدينة، تجدهم بسرعة شديدة تحسسوا طبنجاتهم.
مرة في المنتدى دا، قبل الهزيمة الأخيرة للمنتدى، وصفت مدني بأنها مدينة "وهم" في لمح البصر قام مشرف المنتدى بسحب الكلمة من المداخلة؟؟
المحلل الرياضي الكبير الأستاذ النجيب من شدة حبه للمدينة ذكر مرة انو الملاكم عبد الحميد لوممبا فاز بميدالية أولمبية بميونخ 1972، قلت ليهو الكلام دا غلط وجبت ليهو الموقع بتاع الأولمبياد، قال لي أبدا الموقع غلطان!!

[بوتشى]

- يقال انو العسكري لو سمع كلمة "ثقافة" طوالي بتحسس مسدسه!

- المرحوم عبد الخالق محجوب سألوهو: ماذا أحدثتم داخل المجتمع السوداني خلال الفترة السابقة؟
قال ليهم: قليل من الوعي

- متابع لمنتدى ود مدني دا، منذ زمن طويل، لا أدري مقدار الوعي الذي أحدثه؟ لكني متأكد من صفة واحدة للمنتدى، وهي محافظة المنتدى على نمطيته وعقلية الألفا وأبو الفصل! بإختصار المنتدى بشبه الجرايد الحائطية المدرسية

- عليك الله يا الشايل عكازك وتنقل في البوستات من هنا، إنتظر شوية وبعدين كش البوست دا! ما معقولة بتكون قاعد تعرف وجهة البوست من العنوان والمداخلة الأولى؟!

- لو كشيت البوست دا، وحات سيدي الحسن، أنده ليك ود كنان.

صدقت اخي بابكر عباس في كل ما ذهبت اليه والمؤسف ان هنالك مواضيع متشابهه اذا كتب المشرف بوست ترك في المنتدى العام ورغم انها تحمل نفس المضمون وهذه هي احد اسباب ركود المنتدى ونفور الناس منه

[محمد الجزولى]

- يقال انو العسكري لو سمع كلمة "ثقافة" طوالي بتحسس مسدسه!

- المرحوم عبد الخالق محجوب سألوهو: ماذا أحدثتم داخل المجتمع السوداني خلال الفترة السابقة؟
قال ليهم: قليل من الوعي

- متابع لمنتدى ود مدني دا، منذ زمن طويل، لا أدري مقدار الوعي الذي أحدثه؟ لكني متأكد من صفة واحدة للمنتدى، وهي محافظة المنتدى على نمطيته وعقلية الألفا وأبو الفصل! بإختصار المنتدى بشبه الجرايد الحائطية المدرسية

- عليك الله يا الشايل عكازك وتنقل في البوستات من هنا، إنتظر شوية وبعدين كش البوست دا! ما معقولة بتكون قاعد تعرف وجهة البوست من العنوان والمداخلة الأولى؟!

- لو كشيت البوست دا، وحات سيدي الحسن، أنده ليك ود كنان.

مليون مرحب اخى العزيز بابكر عباس وسعيد جدا بوجود قلمك بيننا
تابع اخي العزيز ولن ترى إلا ما يسرك
فكلنا هنا جنود لرفعة هذا المنتدى

[خالد الزين]

شكرا يا فراس على الترحيب
ناس مدني عامة يا فراس، يضعون للمدينة مكانة أكبر من حقيقتها وإذا تحدث أي زول عن مسالب المدينة، تجدهم بسرعة شديدة تحسسوا طبنجاتهم.
مرة في المنتدى دا، قبل الهزيمة الأخيرة للمنتدى، وصفت مدني بأنها مدينة "وهم" في لمح البصر قام مشرف المنتدى بسحب الكلمة من المداخلة؟؟
المحلل الرياضي الكبير الأستاذ النجيب من شدة حبه للمدينة ذكر مرة انو الملاكم عبد الحميد لوممبا فاز بميدالية أولمبية بميونخ 1972، قلت ليهو الكلام دا غلط وجبت ليهو الموقع بتاع الأولمبياد، قال لي أبدا الموقع غلطان!!

حبيبنا العزيز
كنت قد حزمت امري على عدم المشاركة هنا لعلمي التام ان الجودية هي الحاكم بامر القانون
واحسب ان مشرفي المنتدى اقل خبرة ودراية في كيف يدار الحوار وفق ما تواثقنا على قبوله من شروط القانون عند التسجيل

دعهم لمسدساتهم فالدكتاتوريات لن تورثنا اهداف نحلم انها ممكن هنا
الشي البذعل انو هولاء المشرفين شغالين بالجودية في وجود دستور

[بوتشى]

مليون مرحب اخى العزيز بابكر عباس وسعيد جدا بوجود قلمك بيننا
تابع اخي العزيز ولن ترى إلا ما يسرك
فكلنا هنا جنود لرفعة هذا المنتدى

شكرا اخي الجزولي يا زول يا رئع

[بوتشى]

حبيبنا العزيز
كنت قد حزمت امري على عدم المشاركة هنا لعلمي التام ان الجودية هي الحاكم بامر القانون
واحسب ان مشرفي المنتدى اقل خبرة ودراية في كيف يدار الحوار وفق ما تواثقنا على قبوله من شروط القانون عند التسجيل

دعهم لمسدساتهم فالدكتاتوريات لن تورثنا اهداف نحلم انها ممكن هنا
الشي البذعل انو هولاء المشرفين شغالين بالجودية في وجود دستور

لا اخي خالد لماذا تحزم امرك نحن في حوجة لكل قلم حر ومن يخطئ نقومه حتى لو زعل لكن في الختام سوف تتضح الرؤيه وينعم الجميع في سعاده استميحك عزرا بقاء الاقلام يهمنا فتقبل جوديتنا عشان عين تكرم الف عين لان بهذا المنتدى من نقدرهم امثال الاستاذ عصام حسين والاستاذ محمد الجزولي والاستاذ معتز الريح والاستاذ صلاح الطاهر والاستاذ خالد ابوقرجه والاستاذ ابوبكر حامد والاستاذ عوض صقبر والاستاذ نزار حسن وغيرهم من الناس الجميلين

[بدر الدين احمد الطائف]

اول ما شفت العنوان بتاع البوست هبشته مسدسى .

ناس مدنى بالتاكيد مدركين بان مدينتهم اصبحت عبارة عن ذكريات جمليه والناس لسه عايشه على الماضى الجميل ده يا بابكر.

ننتهز فرصه البوست ده للترحيب بيك دكتور بابكر عباس .

[خالد الزين]

لا اخي خالد لماذا تحزم امرك نحن في حوجة لكل قلم حر ومن يخطئ نقومه حتى لو زعل لكن في الختام سوف تتضح الرؤيه وينعم الجميع في سعاده استميحك عزرا بقاء الاقلام يهمنا فتقبل جوديتنا عشان عين تكرم الف عين لان بهذا المنتدى من نقدرهم امثال الاستاذ عصام حسين والاستاذ محمد الجزولي والاستاذ معتز الريح والاستاذ صلاح الطاهر والاستاذ خالد ابوقرجه والاستاذ ابوبكر حامد والاستاذ عوض صقبر والاستاذ نزار حسن وغيرهم من الناس الجميلين

احترامي لكل الاسماء وشخوصها
ثم الا تتفق معي ان في السودان من الاسماء والعقول التي يمكن ان تدير كل تفاصيل العالم بكل حنكة ودراية ولكن انظر حال البلد من خراب الى خراب
اسفي ان اسقطت هذه الجزيئة على المنتدى
الاشراف هنا اقل قامة وسيردي سيرة هذا المنتدى وما حققه موارد الهلاك

[عبدالله محمد العقاد]

-



وهي محافظة المنتدى على نمطيته وعقلية الألفا وأبو الفصل! بإختصار المنتدى بشبه الجرايد الحائطية المدرسية

- .

هههههههههههههها
باكمبا ابداع يا مان و الله ايام يا زمان ياخي اليوم الجابك ده عيد عديل كده و حقو نغني ليك المنتدى الجاب ناس لينا ما جابك و برضو منتظرين

[عبدالله محمد العقاد]

-
- لو كشيت البوست دا، وحات سيدي الحسن، أنده ليك ود كنان.


تعرف يا باكمبا ده الا تغني له الصلاح رجال كسلا يخلوا بوستي ده بمهلة

[عبدالله محمد العقاد]

وصفت مدني بأنها مدينة "وهم"!!



تعرف يا دكتور بابكر المدينة بريئة مما يتصفون به البعض فالمدينة طيبة كمؤسسها و لكن يمكن ان نقتبس جزء من المثل تمخض الجبل فولد مبدعين و اتحفونا بما لم يكن في ابائنا الاولين .
اذا المدينة مرة اخرى ما لهاش دعوة و لكن المشكلة في انسان المدينة الذي حبس نفسه في الماضي و تغزل في ماضيه و تشبث به دون ان يكون له يد في خلق ذلكم الابداع والتميز الذي عرف عن المدينة .
فالمدينة كانت عبارة عن بوتقة لصهر كل سحنات السودان و ثقافاتهم المتابينه فالمدينة كانت قبلة لكل اهلنا في السودان و تم الانصهار هذا بين كل سكان السودان فنشأ فينا الابداع قديما و التميز في اجدادنا العظماء .
و لكن هناك من (ينمر ) لاهلنا في الجزيرة و مدني عامة و بدا الاستهداف بورود هؤلاء المبدعين للسلطة و منها بدات التدمير الممنهج للجزيرة و مدني و مواطنيها عبر تدمير مشروع الجزيرة وتم زرع اشياء لم تكن في ابائنا الاولين و هي ( الوهم ) زي ما انت تفضلت في بداية مشاركتك الثانية ، و طبعا الوهم لم يزرع في الكل و انما البعض و حقو نغني ليهم ( ناس تعيش في وهم كبير )

[بابكر عباس]

- تلد الغربة القرب الواحد يا بوتشي، طبعا أنا وانت كشوا لينا بوستاتنا، لكن تعرف ناس المنتدى العام ديل، نسكهم ليك سك شديد وبالقانون وكمان ما تقول الريس رجل قانون ومحبة، وأصلو يا خالد الزين، ما ح نحرد ليهم، ولا بنكل ولا بنمل وح نعذبن ليك عذاب شديد، ود سمير دا، إلا يقول الروب!
- المنتدى دا، أسمو العام ونحن أبدا ما فايتنوا، نحن ناس عام بس! ما تقولوا لي مدنيات! ثقافي! رياضي! وحركات وزارات البشير الكتيرة ديك الحابي فيها يوزر أصحابو فيها ديك!
- محمد الجزولي يا أخي، إهتمامك بي دا، موش زايد شوية؟! يا سيدي قلم شنو؟ يا أخي أنا دحش ساكت -وزي ما كتبت قبل كدا في منتدى تاني- أبرطع ساكت لحدي ما ألقى لي كيس بلاستيك طائر (قبل المنع) شايلو الهوا، أسكو وأعفصو برجلي اليسار من عند مفتوح لحدي ما يتنفخ وأطرشقو بالكراع التانية (اليمين طبعا ما الخلفية).... شكرا يا سيدي على الترحيب الودود.
- بالله يا بدر الدين طلعت من دردق؟ ح تتعبونا انت والعدو بتاعي عبد الله العقاد، لكن نسوي شنو؟ دا مصير رسل المعرفة، ومباراتكم واجب علينا! انت يا العقاد هسع لو إتوسطت لينا عند ود البيان دا، موش كان أحسن من تخسرنا بياض رجال كسلا!

[ZANOON]

-

- متابع لمنتدى ود مدني دا، منذ زمن طويل، لا أدري مقدار الوعي الذي أحدثه؟ لكني متأكد من صفة واحدة للمنتدى، وهي محافظة المنتدى على نمطيته وعقلية الألفا وأبو الفصل! بإختصار المنتدى بشبه الجرايد الحائطية المدرسية



بابكر عباس ...

اذا كنت متابعا للمنتدي منذ زمن طويل ....

ولم تحس ان به ما تستفيد منه فلم التسجيل ..وانت تراه كجريده حائط...؟؟؟!!!!

ولم اهدار وقتك الثمين في مكان يحمل نمطيه وعقليه الالفه...

انده ليك ليك شيخي ودكنان ان تكون (حر)..وتجد المكان الذي يرضيك...

شكرا،،،

[بابكر عباس]

بابكر عباس ...

اذا كنت متابعا للمنتدي منذ زمن طويل ....

ولم تحس ان به ما تستفيد منه فلم التسجيل؟

عشان أحاول أُحدث تغيير

[خالد الزين]

بابكر عباس ...

اذا كنت متابعا للمنتدي منذ زمن طويل ....

ولم تحس ان به ما تستفيد منه فلم التسجيل ..وانت تراه كجريده حائط...؟؟؟!!!!

ولم اهدار وقتك الثمين في مكان يحمل نمطيه وعقليه الالفه...

انده ليك ليك شيخي ودكنان ان تكون (حر)..وتجد المكان الذي يرضيك...

شكرا،،،

اهو جاك لحدي عندك

مثال حي لضيق الفكر والسخرية من مشرف المفروض فيه سعة القدرة على الردود التي تحترم الراي الاخر

مشكلتنا بالجد فيكم كبيرة
يامشرفين
ا

[ZANOON]

عشان أحاول أُحدث تغيير


مشكووور علي شعورك...

[ZANOON]

اهو جاك لحدي عندك

مثال حي لضيق الفكر والسخرية من مشرف المفروض فيه سعة القدرة على الردود التي تحترم الراي الاخر

مشكلتنا بالجد فيكم كبيرة
يامشرفين
ا

احترم الراي الاخر نعم....

ولكن التهكم وتقليل شأن الاخر لا اقبله ...(بإختصار المنتدى بشبه الجرايد الحائطية المدرسية)

عندما تعرف مشكله نفسك ستعرف مشكلتنا....

[خالد الزين]

احترم الراي الاخر نعم....

ولكن التهكم وتقليل شأن الاخر لا اقبله ...(بإختصار المنتدى بشبه الجرايد الحائطية المدرسية)

عندما تعرف مشكله نفسك ستعرف مشكلتنا....

شكرا لك لانك قبلت لنفسك مالا تقبله من غيرك

ما هذا الاستعلا
فلو رددت بغير الذي جادت به نفسك هنا لاثبت لي خرف راي وفداحة امري

ومشكلتي ياسيدي عظيمه

شكري يامشرف

[خالد الزين]

اسف جدا دكتور بابكر نحوت بالبوست منحى اخر

ولكنه الضيق بقدرة المشرفين على الاشراف فقط على التحاور بدون اخطاء
وهي في النهاية قدرة الفكر على استيعاب الاخر ودي مفقودة هنا

[ضياء الدين احمد]

الاخ العزيز بابكر لك التحية اود المداخلة فيما ذهبت اليه وقد اوافقك الراي في البعض واختلف معك في جزئية تناولك للموضوع اوافقك في انه لابد ان يكون هنالك حراك فصراحة يوجد ركوض كبير جدا في تناول بعض الموضوعات ومضمونها واختلف معك فيما ذهبت اليه من عنترية الحديث وحذف البوستات والالفة عموما ما اخلص اليه اخي بابكر المنتدى ده زي بيتك والواحد لو عاوز ارمم الحيطة او اصلح واظبط بيتو مامحتاج لي تصريح انت اعكس ارائك وابتكر افكار جديدة ومفيدة وانا علي يقين تماما انو ح اعملوا بيها بعدين كونك ما بتحرد المنتدى ده شعور طيب لانو الواحد ما بحرد في بيتو وتاني مرة بحيك بس هدي اللعب ياغالي

[Isam Hussien H]

سلام كبير لقلوب كبيرة وعقول مميزة .. بكم ننطلق إلى ما تريدونه .. الآن المنتدى يشتعل بمداخلاتكم وحرصكم على إستهداف معايير عالية للجودة .. دكتور بابكر .. المنتدى مفتوح بالقلوب ونقبل الآخر بهذا الفهم وإن رفضنا .. غيابكم لمدة طويلة بخلينا ما قادرين نربط العقول مع بعضها لننقل بعضنا إلى مثالية الحوار والفهم العميق .. تجربتكم ليست مثلي ولا غيري ونريدها هنا بحيث نأخذ معنا أبناء وقلوب مليانه بأن تعمل للمدينة ولإنسانها ..

برجع ليك للمواصلة يا دكتور حول الموضوع وأتمنى من الإشراف الإبتعاد من سياسة التخويف بالحذف وغير ذلك من إجراءات .. وأنا متأكد كل منا مليان بالآخر وستذوب كل الخلافات في البوست دون حذف ..

[بوتشى]

بابكر عباس ...

اذا كنت متابعا للمنتدي منذ زمن طويل ....

ولم تحس ان به ما تستفيد منه فلم التسجيل ..وانت تراه كجريده حائط...؟؟؟!!!!

ولم اهدار وقتك الثمين في مكان يحمل نمطيه وعقليه الالفه...

انده ليك ليك شيخي ودكنان ان تكون (حر)..وتجد المكان الذي يرضيك...

شكرا،،،

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

[بوتشى]

سلام كبير لقلوب كبيرة وعقول مميزة .. بكم ننطلق إلى ما تريدونه .. الآن المنتدى يشتعل بمداخلاتكم وحرصكم على إستهداف معايير عالية للجودة .. دكتور بابكر .. المنتدى مفتوح بالقلوب ونقبل الآخر بهذا الفهم وإن رفضنا .. غيابكم لمدة طويلة بخلينا ما قادرين نربط العقول مع بعضها لننقل بعضنا إلى مثالية الحوار والفهم العميق .. تجربتكم ليست مثلي ولا غيري ونريدها هنا بحيث نأخذ معنا أبناء وقلوب مليانه بأن تعمل للمدينة ولإنسانها ..

برجع ليك للمواصلة يا دكتور حول الموضوع وأتمنى من الإشراف الإبتعاد من سياسة التخويف بالحذف وغير ذلك من إجراءات .. وأنا متأكد كل منا مليان بالآخر وستذوب كل الخلافات في البوست دون حذف ..

كما يقول السعوديون صح لسانك اخي عصام

[بابكر عباس]

واختلف معك فيما ذهبت اليه من عنترية الحديث وحذف البوستات
تحياتي ضياء الدين،
الحصل يا سيد ضياء انو أنا كتبت بوست في المنتدى قبل ثلاثة سنوات بإسم: ودمدني، البوست دا تم حذفة مباشرة بعد المداخلة الأولى؟!
أعدت تسجيلي للمنتدى مرة أخرى في الشهر الفات، وحبيت أختبر مستوى هامش الحرية بالمنتدى فقمت بنشر نفس البوست، بعد دقائق معدودات تم حذف البوست من غير إرسال أي رسالة توضح مخالفة البوست للوائح المنتدى.

[بابكر عباس]

وأنا متأكد كل منا مليان بالآخر وستذوب كل الخلافات في البوست دون حذف ..

يا أخي والله لو كنت عارف انك انت الريس، أبدا ما كان تجرأت وكتبت كلامي الفوق داك! والله يا أخوانا عصام حسين دا، زمان، شدة ما ماهل وجميل، لو ماكل ليك ملاح خضرة مفروكة وقشيت يدينك في جلابيتو، طوالي يطلع منديلو الأبيض يمسح ليك خشمك.
الوجيه الأنيق عصام حسين هو رئيس المنتدى؟ معقولة بس؟ وبعد دا كلو يجينا واحد زي العقاد يقول ليهو أتنحى؟! عليك الله يا عصام أعفي لينا وأعفي للعقاد، إنه لا يعلم.
أكيد يا عصام (من غير أستاذ) كلنا مليان بالآخر، ولا أقول نستطيع إذابة الخلافات، ولكن نستطيع قبول بعضنا بهذه الخلافات ونقول كما قال الطيب صالح: المكان يسع الجميع

[مدنيّة]

نقول كما قال الطيب صالح: المكان يسع الجميع

ومابالك لما يكون المكان دا
بيضمن ناس مدني
اكيد ح يسع الجميع بصدر رحب بعون الله

------
كنت ح اقوليك دكتور بابكر
لكن شايفاك قلت لبدرالدين مايقولها ليك
عشان كدا ح ارحب بيك باسمك
مرحب بيك اخي الكريم عباس
في بيتنا الكبير
وباذن الله موعودين بالكثير من قلمك الشفناه دا

-------
تحاياي

[عبدالله محمد العقاد]

يا أخي والله لو كنت عارف انك انت الريس، أبدا ما كان تجرأت وكتبت كلامي الفوق داك! والله يا أخوانا عصام حسين دا، زمان، شدة ما ماهل وجميل، لو ماكل ليك ملاح خضرة مفروكة وقشيت يدينك في جلابيتو، طوالي يطلع منديلو الأبيض يمسح ليك خشمك.
الوجيه الأنيق عصام حسين هو رئيس المنتدى؟ معقولة بس؟ وبعد دا كلو يجينا واحد زي العقاد يقول ليهو أتنحى؟! عليك الله يا عصام أعفي لينا وأعفي للعقاد، إنه لا يعلم.أكيد يا عصام (من غير أستاذ) كلنا مليان بالآخر، ولا أقول نستطيع إذابة الخلافات، ولكن نستطيع قبول بعضنا بهذه الخلافات ونقول كما قال الطيب صالح: المكان يسع الجميع



ههههههههههههههها كرو كرو كسير التلج شنو يا باكمبا ، الظاهر كبرت يا باكمبا على الكفاح انا شايف احسن تبقى مؤتمر وطني و ترتاح باقي حياتك ، يبدو لي يا باكمبا لو راجعت طلبي لعرفت لماذا طلبت من الريس ان يتنحى ، انت يا يادكتور باحث عن العلاقات الاجتماعية ونحن باحثون عن الحرية و اعلاء الكثير من القيم ، ما قلتوا انتو مميزين اي ناس مدني و بتعلموا الناس التميز يلا قدام ده اختبار حقيقي بين الادعاء و التطبيق و بين الحقيقة و الوهم يا حبة [/right]

[بابكر عباس]

اكيد ح يسع الجميع بصدر رحب بعون الله


أكيد يا ستي بسع الجميع، محتاجين يا مدنية تكبروا مساحة الإختلاف مع الآخر وناس زي ناس العقاد ديل، يا هم الغنى ليهم مصطفى: ما برضى غير الريح تجادلو وتقنعو، يسكن مع البدو في الخلا!
أها، الناس ديل لو ما رخيتوا ليهم الحبل، بعذبوكم وح يبقى موضوع إدارة المنتدى هو الشغل الشاغل.
أنا شخصيا لو كنت مسعول من إدارة المنتدى، بتدخل فقط في حالة يكون هناك تعدي على الأشخاص (الإساءة الشخصية)، ما عدا ذلك، كلو قابل للإختلاف

[بابكر عباس]

انت باحث عن العلاقات الاجتماعية ونحن باحثون عن الحرية و اعلاء الكثير من القيم [/right][/right]

عبد الله العقاد الثائر سلامات
أعتقد انو رسالتك ورسالتي ورسالة ود الزين وبوتشي وصلت، والناس ديل يبدو انهم أكثر مرونة مننا.
دحين خلينا نوجه سهامنا دي للفقر، المرض، الظلم، الفساد وإحياء المشروع

هامش:
نقد الإدارة مسارقا نتيجتو بتكون أجدى يا شيوعي

[بدر الدين احمد الطائف]

------


وباذن الله موعودين بالكثير من قلمك الشفناه دا

-------
تحاياي

دى المناظر

[مدنيّة]

أكيد يا ستي بسع الجميع، محتاجين يا مدنية تكبروا مساحة الإختلاف مع الآخر وناس زي ناس العقاد ديل، يا هم الغنى ليهم مصطفى: ما برضى غير الريح تجادلو وتقنعو، يسكن مع البدو في الخلا!
أها، الناس ديل لو ما رخيتوا ليهم الحبل، بعذبوكم وح يبقى موضوع إدارة المنتدى هو الشغل الشاغل.
أنا شخصيا لو كنت مسعول من إدارة المنتدى، بتدخل فقط في حالة يكون هناك تعدي على الأشخاص (الإساءة الشخصية)، ما عدا ذلك، كلو قابل للإختلاف

اخي الكريم عباس
باذن الله كل المساحات مفتوحة للاخر
لانه لو لا الاخر لفقدت الحياة طعمها

--------
العقاد من الاقلام المميزة جدا في المنتدي
وشخصيا بتكيف جدا لكل البوستات اللي بينزلها
وبحس بيه صادق في كل حرف بيقوله

--------
ربنا يصلح حال الجميع
ويعينا جميعا علي العمل لرفعة ورقي المدينة التي انجبتنا

--------
تسلم عباس

[مدنيّة]

دى المناظر

مرحبين بالفيلم كله يابدر والله ):

[عبدالله محمد العقاد]

أها، الناس ديل لو ما رخيتوا ليهم الحبل، بعذبوكم وح يبقى موضوع إدارة المنتدى هو الشغل الشاغل.



باكمبا يا رائع انت غبت وين الفترة دي كلها و بقت تلولو المواضيع و تغم على الاهداف و تاتي باهداف اخرى لا علم لنا بها و لم نقصدها الظاهر يا باكمبا انت تبع الجمهورية الثانية واضح .
تعرف يا حبه انا اصلا ما استهدفت الادارة و لا عندي طموح اكون فيها او مشرف و والله العظيم كلفت قبل كم سنة بالاشراف و رفضت والرسالة للان موجود عشان ما تخلبط المواضيع با مؤتمرجي يا برلوم الناس عايز تطلع انت يا دوب داخل .
المستهدف يا حبه حرية التعبير و قبول الآخر و الوطن اللي بنحلم بيه بيبدا من هنا من مشاركاتنا و من قبولنا لبعضنا البعض و ان نتيح للبعض الخروج من الانا للجماعة و من الخاص للعام
باكمبا انا مليت كل شوية ادي محاضرات ساعدنا يا باكمبا بتغيير النظارة

[عبدالله محمد العقاد]

أنا شخصيا لو كنت مسعول من إدارة المنتدى، بتدخل فقط في حالة يكون هناك تعدي على الأشخاص (الإساءة الشخصية)، ما عدا ذلك، كلو قابل للإختلاف


طيب يا باكمبا ما ده كلام زي العسل و هذا ما نرنوا اليه ، انت يا باكمبا مرة كلامك عديل و مرة ملولو الظاهر بتكتب سطر و تشيل ليك بقه ، ساعدنا بالمستورد يا حبه

[عبدالله محمد العقاد]

عبد الله العقاد الثائر سلامات
أعتقد انو رسالتك ورسالتي ورسالة ود الزين وبوتشي وصلت، والناس ديل يبدو انهم أكثر مرونة مننا.
دحين خلينا نوجه سهامنا دي للفقر، المرض، الظلم، الفساد وإحياء المشروع




كلامك اختلف يا باكمبا بين الليلة وامبارح ، ده تنظير جميل و سهامنا لن تتحد حتى نفرغ من صراع الرؤى و ان تكون الكلمة العليا لينا مجتمعين و لكن ما اراه غير ذلك ما اراه هو نظرية احادية بقبضة حديدية يبدو لي انت ذاتك اختبرتها

[عبدالله محمد العقاد]

هامش:
نقد الإدارة مسارقا نتيجتو بتكون أجدى يا شيوعي


هههههههههههههههههها ابداع والله يا باكمبا و هذا نهجهم و نهجك الجديد في الغاء الآخر ما قلت ليك انت بقيت ما زي زمان و يبدو لي انك من الصحفيين الاخيرين اللي ارسلوهم لايران للتدريب . انا يا باكمبا اسأل مني في منظمة الدعوة الاسلامية فرع الملكية جوبا

[عبدالله محمد العقاد]

--------
العقاد من الاقلام المميزة جدا في المنتدي
وشخصيا بتكيف جدا لكل البوستات اللي بينزلها
وبحس بيه صادق في كل حرف بيقوله

--------



تسلمي اختنا ام جمال و عليك الله وري المهاجرين ديل من طيبة الخواض ، النبقى زي نواب ولاية الخرطوم قبل كم يوم قاعدين يفرزوا في منو المواطن الاصلي في ولاية الخرطوم و ياتو المهاجر لولاية الخرطوم من الارياف