الحب عمرو 3 سنوات فقط

[عنكوليب]

دراسه علميه : صلاحية الحب تنتهي بعد ثلاثه سنوات (بس)

كشفت دراسه علميه حديثه ان الحب لايدوم اكثر 3 سنوات وان تسارع دقات القلب ومايصاحبها من سعاده ليست سوي اعراض نفسيه وفسولوجيه طبيعيه ناتجه لزيادة في افراز بعض هرمونات المخ التي تقل بمرور الوقت مايصيب العلاقه بالفتور والتوتر والملل.
وقطع باحثون في طب الاعصاب ان الحب شعور ناتج عن افرازات تصدر عن (كوكتيل ) من الهرمونات العصبيه مثل (الفيرومون , الانروفين , الاوسيتوسين ,والدوبامين ) تجعل البشر يشعرون بنوع من السعاده واشاروا ان تلك الهرمونات تجتمع كلها لانجاز عمل بيولوجي هو السعي للبقاء .وان مفعول هذا الكوكتيل السحري لايتعدي الثلاثه سنوات كحد اقصي تتوقف بعدها افرازات تلك الهرمونات .
وقالت الدكتوره (لوسي) من فريق الباحثين في حوار اجرته معها مجلة (سايكولوجي) الفرنسيه ان المخ هو المتحكم الرئيسي في الحب .وفي معرض اجابتها عن كيفية تفسير ان نختار شخص بعينه كحبيب اجابت : ان الدراسات القائمه حول تفاعل المخ والياته اوضحت ان هنالك العديد من العوامل الخارجيه التي تودي لتفاعل المخ مع شخص في حد ذاته كالشكل مثلاً .
وفي ذات السياق اشار الفريق الي اان بعض التجارب التي اجريت في هذا المجال اظهرت ان كيمياء المخ المنتجه لهرمون الاسيتوسين المسؤول عن افراز مشاعر الحب تبدو بعد3 سنوات وكأنها بطاريه افرغت من طاقتها تماماً, لكن بمقدور الحبيبين ان يحفزوا الهرمون اذا عرفا كيف ينميان علاقتهما من خلال الكلام الجميل والحوار البناء والتعامل اللطيف والعوده بالذاكره الي ايام العلاقه الاولي .



(((((( منقول )))))

شباب ،،، العمل شنو ؟؟؟
المواضيع دي قاعدة تخوفنا عديل كدة ؟؟؟ الله يستر بس !!!!

[خالد علونى]

دراسه علميه : صلاحية الحب تنتهي بعد ثلاثه سنوات (بس)

كشفت دراسه علميه حديثه ان الحب لايدوم اكثر 3 سنوات وان تسارع دقات القلب ومايصاحبها من سعاده ليست سوي اعراض نفسيه وفسولوجيه طبيعيه ناتجه لزيادة في افراز بعض هرمونات المخ التي تقل بمرور الوقت مايصيب العلاقه بالفتور والتوتر والملل.
وقطع باحثون في طب الاعصاب ان الحب شعور ناتج عن افرازات تصدر عن (كوكتيل ) من الهرمونات العصبيه مثل (الفيرومون , الانروفين , الاوسيتوسين ,والدوبامين ) تجعل البشر يشعرون بنوع من السعاده واشاروا ان تلك الهرمونات تجتمع كلها لانجاز عمل بيولوجي هو السعي للبقاء .وان مفعول هذا الكوكتيل السحري لايتعدي الثلاثه سنوات كحد اقصي تتوقف بعدها افرازات تلك الهرمونات .
وقالت الدكتوره (لوسي) من فريق الباحثين في حوار اجرته معها مجلة (سايكولوجي) الفرنسيه ان المخ هو المتحكم الرئيسي في الحب .وفي معرض اجابتها عن كيفية تفسير ان نختار شخص بعينه كحبيب اجابت : ان الدراسات القائمه حول تفاعل المخ والياته اوضحت ان هنالك العديد من العوامل الخارجيه التي تودي لتفاعل المخ مع شخص في حد ذاته كالشكل مثلاً .
وفي ذات السياق اشار الفريق الي اان بعض التجارب التي اجريت في هذا المجال اظهرت ان كيمياء المخ المنتجه لهرمون الاسيتوسين المسؤول عن افراز مشاعر الحب تبدو بعد3 سنوات وكأنها بطاريه افرغت من طاقتها تماماً, لكن بمقدور الحبيبين ان يحفزوا الهرمون اذا عرفا كيف ينميان علاقتهما من خلال الكلام الجميل والحوار البناء والتعامل اللطيف والعوده بالذاكره الي ايام العلاقه الاولي .



(((((( منقول )))))

شباب ،،، العمل شنو ؟؟؟
المواضيع دي قاعدة تخوفنا عديل كدة ؟؟؟ الله يستر بس !!!!


يا خالتي عنكوليب نهارك صافي إن شاء الله

في حكمة بتقول
التجربة خير برهان


بعدين ناس مراكز الابحاث ديل مرات بنجرو ساي


بعدين دكتور خالد دا بقول لي الكلام دا تخيلي ساي
ومافي معايير محددة لي قياس العمر الزمني لي شكل العلاقة








الكلام الكبار دا ما حقي عشان الاختساس وكده






شترة:
المصيبة انو هو بقول انو عاش معاهو تلاتة سنة بس
هع هع هع

[مدنيّة]

غايتو بالدراسة دي
انا فهمت حاجة ):

---------
تسلمي عنكوليب

[مايسة]

ههههههههههه
وانت خايفة من شنو يا عنكوليب ياخ -
تعرفي بكونو قاصدين الملل والرتابة البتصيب العلاقة بس
هسي انت لمن تكوني كل يوم بتاكلي عدس مش بتزهجي منو
لكن إتخيلي العدس دا يعملو ليهو دعاية
ويقدونا بيها كل ربع ساعة - لازما وحتما تحبي العدس
والعجب لو من غير توابل كمان

انا شكلي شطحته برا الموضوع -
ياخ الحب دا أكسجين الحياة وما في حد بيقدر يعيش من غيرو
ما تسمعي كلام الناس ديل - هم الأجانب ديل ما زينا زاتو

[mahagoub]

يعنى الواحد يجكس تلاته سنين
وقبل ما يفتر
يشوف شوفه تانيه

[بحيرى]

هاهاهاها ...
الموضوع ده جانى فى جرح ....
اعتقد انو الموضوع ده دعوه صريحه علشان الناس تتفكفك وتشوف ليها شوفه تانيه ....
والله الكلام ده جميل وتلاته سنه دى معقوله جداً ... رغم انو سنه واحده مناسبه ....
ودى سنة الحياة يا جماعه ...
التغيير ده هو اساس الحياه عديل كده ...
انا من هذا المنطلق ... بدعو للإنكشاح والتفكفك والزوغانات والعين الطايره ...
ويلا ...
نربى كتكوت ... يكبر يفوف واشخت لينا كمان ...!!

[عنكوليب]

نربى كتكوت ... يكبر يفوف واشخت لينا كمان ...!!

بحيري هوووووي ما تلخبت الكيمان ،،،
متين قال كدة ،،، هم الخواجات ديل ذاتهم ما عندهم تغيير نهائيا ،، الا الموت !!!!

عشان كدة هو ما مجنون ، عشان يكون ده قصدو ،،،

ودي دعوة للحب والكلام اللطيف والاختيار الصاح من الاول !!!!
ويادوبهم هم عاوزين يدعو للحب بعد الزواج ، والقرآن أمرنا به من الاف السنون
امرنا بالحب والسكينه والرحمة ، وانت عاوز تعملها زوغان ،،،، ماااااااااااااااااااااافي ليك !!!

بعدين انت اختيارك للكتكوت ده كان خاطيء ،،، من الأول شوف النسل النضيف !!!

ولا شنو ؟؟؟

[ود المطامير]

غايتو أنا بقول للدراسه دى
يا الكضوووووووووب وبس

[عنكوليب]

تكون بتقرأ قيس وليلى ،،، وابن الملوح ،،، وابن زيدون ،،وعنتر وعبلة ،،،

[ود المطامير]

تكون بتقرأ قيس وليلى ،،، وابن الملوح ،،، وابن زيدون ،،وعنتر وعبلة ،،،
لا لا لا

أنا لا أقرأ

أنا أعيشه على أرض الواقع

[mahagoub]

لا لا لا

أنا لا أقرأ

أنا أعيشه على أرض الواقع

يعنى مكتول تحت كرعين ام عمرو

[عنكوليب]

هكمة الهية ،،، يأني ،،،

اللهم زد وبارك ،،،،

شايف يا بحيري ،،، واحد مثل ؟؟؟؟

[ود المطامير]

يعنى مكتول تحت كرعين ام عمرو
وراقد صلطه ;)

[عنكوليب]

يعنى مكتول تحت كرعين ام عمرو

موت حرمشاوي جدا !!

[ود المطامير]

أنا هسى لو ما عايش فى جزيره ذى طرزان
كنت ح أكون مشهور أكتر من ناس قيس ديل

[عنكوليب]

وراقد صلطه

سنة يا انا !!!!!!

المحجوب الحقوا برحلة لجزر القمر ،،، لكن معاهو الفرده ،،،

[ود المطامير]

وبعدين أنا مصنع ال (الفيرومون , الانروفين , الاوسيتوسين ,والدوبامين )
شغال عندى بالطريقه الصاح

إنتا يا عم محجوب ؟

الدوبامين يعنى شنو ؟

[ود المطامير]

سنة يا انا !!!!!!

المحجوب الحقوا برحلة لجزر القمر ،،، لكن معاهو الفرده ،،،
هو حلف تانى ما يبارنى ;)

[ود المطامير]

وبعدين الدكتوره لوسى دى
عملت الدراسه على ناس منو ؟

أنا غايتو ما سألتنى

[عنكوليب]

هههههههههههههههههههههههههههههههها

[mahagoub]

وبعدين أنا مصنع ال (الفيرومون , الانروفين , الاوسيتوسين ,والدوبامين )
شغال عندى بالطريقه الصاح

إنتا يا عم محجوب ؟

الدوبامين يعنى شنو ؟

ده حقن ولا حبوب

[mahagoub]

هو حلف تانى ما يبارنى ;)

ما كفايه الاولى
جيت لقيت المرا قافله الباب ابت تفتح لى
شابكنا فى المنتدى هاييتى لمان جبتوا لينا الهوا
هسع انوم وين ؟

[عنكوليب]

ما كفايه الاولى
جيت لقيت المرا قافله الباب ابت تفتح لى
شابكنا فى المنتدى هاييتى لمان جبتوا لينا الهوا
هسع انوم وين ؟

ها ها ها ها ها ها ها هاهههههههههههههههههههها

والله عسل يا المحجوب ،،،
أها خليها ال تشوف عسل دي ،،،
يفتحوا ليك الباب ويفطروك بالصبغة ،،،

استغفر الله العظيييم ،،، الله يجازي محنكم ،،،

[mahagoub]

ها ها ها ها ها ها ها هاهههههههههههههههههههها

والله عسل يا المحجوب ،،،
أها خليها ال تشوف عسل دي ،،،
يفتحوا ليك الباب ويفطروك بالصبغة ،،،

استغفر الله العظيييم ،،، الله يجازي محنكم ،،،

غير الهوا ما بتجيبوا لينا حاجه
وانا عامل حسابى
كل السكاكين والسواطير
قافلا فى دولابى
انا بقطع السلطه وبرجعا تانى
صبغه نهى

[عاشق الترحال]

الله يجازيكم ،،،،خليتوني اعضي اصبعي واسوي
احيييييييييييي انا

[آلاء عبد الرحمن]

ههههههههههههههههههههههههه
مباااالغة

[عنكوليب]

ألوية ،،،
انتي ليك كم سنة كده حب ؟ برااااااااااااحة ،، عشان ما يسمعوا ؟؟!!!!

تسلمي Boss

[ود المطامير]

ها ها ها ها ها ها ها هاهههههههههههههههههههها
والله عسل يا المحجوب ،،،
أها خليها ال تشوف عسل دي ،،،
يفتحوا ليك الباب ويفطروك بالصبغة ،،،
استغفر الله العظيييم ،،، الله يجازي محنكم ،،،
بسسسسسسسسسسس خلاص

المرحوم كان طيب ;)