الرسالة الثانية الي م.م/م

[صابر مدني]

السيد مدير مستشفي مدني \السلام عليكم يا حليلك ياالنايم علي حيلك
الداخل لغرفة العناية المكثة في مستشفي ودمدني يعرف انك مش نايم يااخي انت ميت عديل
وبالدارجي من غير مقدمات العناية المكثفة دي سلخانة الكريبة ولا مطبخ حسن جاد الله للاسماك
دي عناية اسمها مكثفة الكدايس دي شنو يا اخوي يااخي اختي جبتها في حالة غيبوبة اول ما فتحت
ابت تقعد وباقي الدربات اخدتها بره ورفضتت الدخول رفضا باتا
الكدايس دي شنو يا اخوي بس ورينا عديييل دايربا شنو
واسألك بالله امشي شوف العناية المكثفة في مستشفي القلب الجديد عشان تخجل انك دكتور ومتعلم زاتو
قلت لاحد الحراس في البوابة حا اجيب ليكم زول اقبض الكدايس دي وارميها بعيد قالو لي اوعا في واحد
عمل كده مات هل هذا كلام صحيح
وبعدين وين التكييف واذكر عندما اتينا بمريض قالو لينا جيبو معاكم مروحة دي عناية شنو يااخوي
قلت لك هذا الكلام لاني في جلسة واحدة عديت اكثر من سبعة وتلاتين كديسة اربعة بشاكلو وستة بياكلو والباقي تحت السراير
ولاخوتي اعضاء المنتدي الما مصدق امشي الان واشوف بي عينو عديييل

[صابر مدني]

الزول دا او الدكتور دا لو التقينا حا يقول الامكنيات وقروش مافي والسؤال طوالي نديهو ليهو قروش البوابات ويييين ؟

[تغريدا]

أخى الكريم صابر مدنى نهارك طيب
حقيقة دى قضية والله نسأل فيها ربنا بس بشوف حال العباد المساكين ويلطف بيهم
والسؤال بتاع قروش البوابات دا نفسسسسسسسسسسسى بس ألقى أجابة!
وأحب أبشرك انه مش العناية المكثفة براها المستشفى كلها خم وأرمى البحر حال جميع الأقسام يغنى عن السؤال
مبانى قديمة ومنهارة وزيد على ذلك لايوجد شبيه أو مايشبه كلمة نظافة
يعنى لوجبت مريض يتشافى يطلع ليه بمرض تانى دلا لو ما قدر الله ومات نتيجة الأهمال
لك الشكر على أثارة هذه القضية والتى نأمل أن يكون لها حل

[صابر مدني]

أخى الكريم صابر مدنى نهارك طيب
حقيقة دى قضية والله نسأل فيها ربنا بس بشوف حال العباد المساكين ويلطف بيهم
والسؤال بتاع قروش البوابات دا نفسسسسسسسسسسسى بس ألقى أجابة!
وأحب أبشرك انه مش العناية المكثفة براها المستشفى كلها خم وأرمى البحر حال جميع الأقسام يغنى عن السؤال
مبانى قديمة ومنهارة وزيد على ذلك لايوجد شبيه أو مايشبه كلمة نظافة
يعنى لوجبت مريض يتشافى يطلع ليه بمرض تانى دلا لو ما قدر الله ومات نتيجة الأهمال
لك الشكر على أثارة هذه القضية والتى نأمل أن يكون لها حل
اعدك اختي تغريدا ان لا اثير الا القضايا التي تمسنا تماما وبها وجعنا ودم قلوبنا والمستشفي باب كل الناس داخله يواما لانه لابد يوم ان نمرض
فلذلك لابد لنا من مناقشة هذا الامر حتي يستجيب وينتبه المسؤلين لما نكتب ونريد
احييك تغريدا لسرعة انفعالك بالمواضيع التي تهم الناس
شكرا

[الجندي المجهول]

اخونا صابر
والله والله انا مصدقك من غير ماامشي
لانو السفارة زاتو قبل كدا انا لقيت فيها ( كديسة والدة)

يا اخوي يا صابر نحن في بلد (ماشي ) بالبركة ودعاء الطيبين

لكن لا تخطيط لا مسؤول لا حكومة كله بيضحك على كله

تخريمة : اسال الله ان يكتب لاختك الشفاء وما تشوف شر تاني

واعرش على كدا ،،،،

[بت النعمة]

العم صابر
تحياتي
إنت حسبت الفي مستشفي ودمدني بس لو كنت مشيت مستشفي الاطفال كانو حيبقو مية عديل وللأسف بياكلو باقي الصحن المقدم للطفل بعد يخلص منو ويضعو علي الارض وبيرجعو يغسلوه ويقدم بيه الاكل تاني (والله لا وراك طريقة الغسيل)

[تغريدا]

أسأل الله يشفى أختك ويعافيها وكل مرضى المسلمين وربنا لايورى حبيب ولاقريب ولايدخله مستشفى مدنى القال تعليمى

[أبوربا]

أخي صابر...والله ضحكتني...تصدق في عيد الضحية الوالدة تعبت شوي وقرر الطبيب تنويمها بالعناية المكثفة...تصدق مالقينا سرير فاضي....أنا لي 30سنة مادخلت المستشفى لمان دخلت والله بكيت على حالها...واكملك الموضوع بعد واسطة لقينا سرير في الانعاش...صراحة دا ما انعاش دا سلخانة الكريبة بس...البيئة الصحية للانعاش صفر...المسافة بين السرير والسرير نصف متر اذا جيت تحول مريضك لاي مكان بالنقالة الله يعينك الا تشيل النقالة على ررؤس المرضى...اما النقالة والله رابطنها بجنيز ماتدفع شيء لايطلق صراحها لك...تم فراغ سرير بالعناية المكثفة..والمكثفة الصفة تعود على المرضى يعني ممتلأ بالمرضى ...تصدق مريض يروح الحمام يحصل رقدوا في مكانه واحد..والله اكلمك بصدق..وصارت مشادة داخل العنية المكتظة أسف المكثفة...لم تنتهي المشكلة الا بموت المريض المتعدي على سرير المريض الاخر بعد 10دقايق...والله اقترح على مدير المستشفى تغيير العاناية المركزة للعناية المكتظة بالبشر...والانعاش الى سلخانة مستشفى مدني..والله المستعان..اين ياوزير الصحة من تدهور حال مستشفى مدني الذي تعتمد عليه معظم قرى ومدن الولاية...

[سلمي ابوالكيلك]

غايتوا الله يسهل الامور حقيقه مستشفي لا يوصف كدايس وعدم نظافه وسؤ معامله بي طريقه قبيحه وماعندك قروش في مستشفي ودمدني التعليمي تموت
انا عشته تجربه صبحان الله عندي خالتي واضعه كانت ومعاها في الغرفه زوله محددين ليها عمليه تاني يوم وما معاها زول والدتها مشت البيت تجيب ليها حاجات وصت ناس بيتنا قاعدين عليها شاءالله انوا يعملوا ليها عمليه مستعجله للولاده ومامعاها زول تخيلوا طالبوها بي قروش العمليه قبل مايدخلوها قالت ليهم انا قاعده معاكم بس يجوا ناس بيتنا بكره وبسدد قالوا ليها مافي كلام زي دا
والله لحدي ما امي طلعت خاتم من يدها وسلمتوا للممرضه حتي دخلوا بت الناس العلميه
ديل نقول عليهم شنو

[صابر مدني]

[quote=الجندي المجهول;670997]اخونا صابر
والله والله انا مصدقك من غير ماامشي
لانو السفارة زاتو قبل كدا انا لقيت فيها ( كديسة والدة)

يا اخوي يا صابر نحن في بلد (ماشي ) بالبركة ودعاء الطيبين

لكن لا تخطيط لا مسؤول لا حكومة كله بيضحك على كله

تخريمة : اسال الله ان يكتب لاختك الشفاء وما تشوف شر تاني

واعرش على كدا ،،،،[/
يا اخوي الجندي الناس المسؤلين ديل كدايس ولا شنو ؟
شنو علاقتم بالكدايس دي بعدين الكدايس دي تذوقت لحم ود ابن آدم .تعرف كيف اخي الجندي
طبعا تحدثنا عن الكدايس لكن الكوش الجوة حدث ولا حرج وفي الكوش بترمي بقايا العمليات وباقي الولادات
واقرب مخلوق لهذه النفايات الكدايس وبعدين الكدايس جيعانة حا تاكل شنو ولو لم تجد النفايات حاتمشي وين
وبعدين اخي الجندي كديست السفارة دي بتكون مك بتكون محتاجة للفكة بس السفاسف راااقده

نعرش يازول .
قبل مانعرش اشكرك جدا جدا علي شعورك الطيب نحو مرض اختي فهي مريضة بالقلب اسأل الله ان يشفيها
=

[صابر مدني]

العم صابر
تحياتي
إنت حسبت الفي مستشفي ودمدني بس لو كنت مشيت مستشفي الاطفال كانو حيبقو مية عديل وللأسف بياكلو باقي الصحن المقدم للطفل بعد يخلص منو ويضعو علي الارض وبيرجعو يغسلوه ويقدم بيه الاكل تاني (والله لا وراك طريقة الغسيل)
بت النعمة الله اعرس ليك وكان معرسة احججك قولي آمين
اخخيييي ماذكريني كنت قاعد والفطور قدامي باكل وبكتب حسي خليتيني اوقف تماما (والله لا وراك طريقة الغسيل)
بعدين يا بت النعمة بالنسبة لمستشفي الاطفال دي فيها اخونا دكتور حبور الرجل الراقي جدا لكن دا شنو مابعرفو
قبل اعوام احضرنا طفل لابن اخي ابن عمي مصاب في حادث وكانت الضربة في راسه والله هذا الطفل نزف حتي الموت وهو في الانتظار
ولم نجد زول ساي اقول لينا البركة فيكم ولا زالت الحال كما هي عليه

[ضياء الدين احمد]

باخوي يا صابر دحين كان عايز تدخل العناية المكثفة تابع الحاجات دي يا ابوي مالك عايز تجيب لنفسك ضغط ولاسكري ديل الكلب عمرو ماينعدل

[صابر مدني]

أخي صابر...والله ضحكتني...تصدق في عيد الضحية الوالدة تعبت شوي وقرر الطبيب تنويمها بالعناية المكثفة...تصدق مالقينا سرير فاضي....أنا لي 30سنة مادخلت المستشفى لمان دخلت والله بكيت على حالها...واكملك الموضوع بعد واسطة لقينا سرير في الانعاش...صراحة دا ما انعاش دا سلخانة الكريبة بس...البيئة الصحية للانعاش صفر...المسافة بين السرير والسرير نصف متر اذا جيت تحول مريضك لاي مكان بالنقالة الله يعينك الا تشيل النقالة على ررؤس المرضى...اما النقالة والله رابطنها بجنيز ماتدفع شيء لايطلق صراحها لك...تم فراغ سرير بالعناية المكثفة..والمكثفة الصفة تعود على المرضى يعني ممتلأ بالمرضى ...تصدق مريض يروح الحمام يحصل رقدوا في مكانه واحد..والله اكلمك بصدق..وصارت مشادة داخل العنية المكتظة أسف المكثفة...لم تنتهي المشكلة الا بموت المريض المتعدي على سرير المريض الاخر بعد 10دقايق...والله اقترح على مدير المستشفى تغيير العاناية المركزة للعناية المكتظة بالبشر...والانعاش الى سلخانة مستشفى مدني..والله المستعان..اين ياوزير الصحة من تدهور حال مستشفى مدني الذي تعتمد عليه معظم قرى ومدن الولاية...
ابوربا وين انت يا زعيم كيف حالك
ان اؤيد اقتراحك واتفق معك تماما في كل ما ذكرت فلنسميها سلخانة مستمرض مدني بدل مستشفي مدني وبدل العناية المكثفة الئامة المكثفة لانها بي حالتا دي كمان جايبالها لئامة برة خليها ساي (مركزة)
بعدين شايفك اتغرضت للسرير ابو جنزير هاهاها

[صابر مدني]

باخوي يا صابر دحين كان عايز تدخل العناية المكثفة تابع الحاجات دي يا ابوي مالك عايز تجيب لنفسك ضغط ولاسكري ديل الكلب عمرو ماينعدل
ضياء احييك خلينا نحاول نعدلو نعمل شنو اصلو يا انعدل ولا نكتلو لانو اخي ضياء السكات علامة الرضا ونحنا والله مارضيانين من البحصل دا طب

[صابر مدني]

غايتوا الله يسهل الامور حقيقه مستشفي لا يوصف كدايس وعدم نظافه وسؤ معامله بي طريقه قبيحه وماعندك قروش في مستشفي ودمدني التعليمي تموت
انا عشته تجربه صبحان الله عندي خالتي واضعه كانت ومعاها في الغرفه زوله محددين ليها عمليه تاني يوم وما معاها زول والدتها مشت البيت تجيب ليها حاجات وصت ناس بيتنا قاعدين عليها شاءالله انوا يعملوا ليها عمليه مستعجله للولاده ومامعاها زول تخيلوا طالبوها بي قروش العمليه قبل مايدخلوها قالت ليهم انا قاعده معاكم بس يجوا ناس بيتنا بكره وبسدد قالوا ليها مافي كلام زي دا
والله لحدي ما امي طلعت خاتم من يدها وسلمتوا للممرضه حتي دخلوا بت الناس العلميه
ديل نقول عليهم شنو
والله يا اختي سلمي دي قصة محزنة ومخجلة ومؤسفة دا شنو ياااخ

[صابر مدني]

أسأل الله يشفى أختك ويعافيها وكل مرضى المسلمين وربنا لايورى حبيب ولاقريب ولايدخله مستشفى مدنى القال تعليمى
كتر خيرك شديد تغريدا انشاء الله اآمين يارب ربنا يشفي كل المرضي ولا يحوجنا لمستشفي مدني ابدا
ولحوجة المساكين لها نسأل الله ان يولي عليها من يصلح ثم يوفر له الدعم

[بت النعمة]

ربنا يشف جميع المرضي ياعم صابر وربنا لايحوج زول للمستشفيات وربنا يصلح الحال
واعذرني علي الاسلوب لكن انا سنه كاملة في الالزاميه في مستشفي الاطفال مافطرت خاااااااالص

[صابر مدني]

ربنا يشف جميع المرضي ياعم صابر وربنا لايحوج زول للمستشفيات وربنا يصلح الحال
واعذرني علي الاسلوب لكن انا سنه كاملة في الالزاميه في مستشفي الاطفال مافطرت خاااااااالص
ا
اللهم آآآآآآآآآآآآآآمين يارب اشفي المرضي يارحيم ياااالله
وهذا الامر نرفعه الي الله كاشف البلاء ان يكشف كربنا وييسر امرنا ويولي علينا خيارنا ولا يولي علينا شرارنا
اما اسلوبك ليس فيه شئ كلامك محترم جدا يامحترمة بس بقينا هامين عليكم من عضة الكدايس.
شكرا

[أبوربا]

كيفك أخي صابر...الصابر...موجود بس هذه الأيام زحمة عمل شوية....كيف صحتك وكيف عيالك عساهم بخير...انت ساكن في أي حي بودمدني...خايفين تكون ساكن الزمالك ول الواحة ول الحي السوداني...هاااا وهاا..والله حبيناك من جوه قلبنا على الرغم من عدم شوفتك على الطبيعة....بس هذه الاجازة ان شاء الله اسجل ليك زيارة بالبيت..لتعرف على شخصك ياغلي...واخذ رقم جوالك للتواصل

[أبوربا]

والله حتى الخدمات الطبية المساندة تعبانة....الممرضة تدور عليها عشان تجي تركب درب أو تشيل الدرب...والله هملا....اذا شافوا الخدمات الطبية بالمستشفيات السعودية وكيف الممرضة توقف على خدمة المريض....تصدقوا زوجتي وضعت بمستشفى بجدة وكانت والدتها معها حاولت والدتها مساعدتها فقط الممرضة رفضت ذلك وتقول هذا شغلي انا يا ماما استريحي....شوف الفرق ....الله المستعان

[صابر مدني]

والله حتى الخدمات الطبية المساندة تعبانة....الممرضة تدور عليها عشان تجي تركب درب أو تشيل الدرب...والله هملا....اذا شافوا الخدمات الطبية بالمستشفيات السعودية وكيف الممرضة توقف على خدمة المريض....تصدقوا زوجتي وضعت بمستشفى بجدة وكانت والدتها معها حاولت والدتها مساعدتها فقط الممرضة رفضت ذلك وتقول هذا شغلي انا يا ماما استريحي....شوف الفرق ....الله المستعان
حكو لينا والله يا اخي الخبيب ابوربا قصة الفلاتي القالوا ضربتو العربية في السؤدية وكان في غيبوبة وعندما افاق قالوا وجد حوله الممرضات العجيبات ديلك الماخمج والفواكه من العنب لييييييي التفاح قال الهمد لله الذي اماتنا واهيانا وادهلنا الجنة برهمته ان وعد الله حق
وهذه كناية عن مستوي المستشفيات عندكم في السعودية
لكن يا ابوربا تصدق مستشفي القلب مدني من ممرضاته لي شكله داخلا وخارجا واطباءه لا يقل من مستوي اجمل مستشفي في السعودية
اما مستشفي مدني اعووووذ بالله.
وعشان اضحكك شوية بمناسبة اعوذ بالله دي قالو واحد في صفاء قال لي زوجتو في العهد العباسي الامراء اسماءهم المنتصر بالله والمتصم بالله والمتوكل بالله تفتكري انا ياحبيبتي كان كنت في الوكت داك بسموني شنو قالت ليهو كان بسموك اعوذ بالله هاها.

[ودسمير]

صابر ... الصابر ..

أنا.. قلتها كتيييييييييير ...

دى افريقيا .......... مافى فائده ..

اين النظافة ... دلنى عليها ؟!!

ليس المسئولين فقط هم من يقع عليهم اللوم ... ولكن المواطن السودانى لا يعرف شئ اسمه النظافه ...

والله انا امس اردت ان ان اصلى الجمعه فى مسجد يعتبر جديد فى قلب ودمدنى ... وعندما دخلت لكى اتؤضأ كانت الحمامات ..حدث ولا حرج !!!

والله انا لست متشائم ولكن .......... يا صابر انسى مافى فائده !!

[الزبير محمد عبدالفضيل]

الاستاذ / صابر أشكرك جزيل الشكر علي هذا الطرح المهم جدا . مستشفي ودمدني الغير تعليمي وهو مكان لتجمع الامراض والفايروس هل يعقل

لمستشفي عمره أكثر من خمسون سنه ونظامه نظام أنجليزي بعد خروج المستعمر يصل الي هذه الحاله المؤلمه هل يعقل ياااااااااااااااااوزير صحة الجزيره

العنايه المكثفه تكون بهذه الطريقه . ما معني العنايه المكثفه ؟ معناها يندرج في النظافه التامه للمكان والتجهيز الطبي الكامل والكادر الطبي المؤهل والخاص بالعنايه المكثفه itnsef care uent ثم العنايه والمراقبه المكثفه والمتواصله للمريض

يعني بهذه الحاله وزير الصحه بولاية الجزيره لم يقوم باي زياره لمستشفي ودمدني الغير تعليمي او مستشفي ودمدني المقبره الي متي ويكون الاستهتار
واللعب بأرواح المواطنيين الان الكثير من مواطني ودمدني يذهبون بمرضاهم ونقلهم الي الخرطوم او اي جهه أخري وأذا حبيت تذهب الي مستوصفات
خاصه لازم يكون برفقتك بنك متحرك والله المستعان علي حالة مواطني الجزيره عامه ودمدني خاصه

[صابر مدني]

صابر ... الصابر ..

أنا.. قلتها كتيييييييييير ...

دى افريقيا .......... مافى فائده ..

اين النظافة ... دلنى عليها ؟!!

ليس المسئولين فقط هم من يقع عليهم اللوم ... ولكن المواطن السودانى لا يعرف شئ اسمه النظافه ...

والله انا امس اردت ان ان اصلى الجمعه فى مسجد يعتبر جديد فى قلب ودمدنى ... وعندما دخلت لكى اتؤضأ كانت الحمامات ..حدث ولا حرج !!!

والله انا لست متشائم ولكن .......... يا صابر انسى مافى فائده !!
اخي ود سمير لك شكرنا علي هذه الاضافة وجميل اخي ان لا تكون متشائم بل كن متفائل
فبالنقض البناء يمكن ان نبني وطننا وبمزيد من المسؤلية والمحاسبة الفورية بل والعقوبات قد نطفر طفره مزهلة
وذلك يكون بوجود الاكفاء من ابناء بلدنا الملئ بالمبدعين مثلا السوداني كمال همزه يروي انه له اليد الطولي في تطوير بلدية دبي
حاتقول الامكانيات انا اقول لك ان الحكومة في عهد المعتمد السابق علي همزه كانت توفر في اليوم الواحد عشرون مليون جنيه ذهبت سدا لانو مافي اخلاق ومافي عقوبات والموضوع كبير اخي الحبيب

[صابر مدني]

الزبير محمد عبد الفضيل
ارجو الله ان يجزيكم خيرا علي هذه الغيرة
حقيقة اخي الكريم ما دعاني لكتابة هذا الموضوع بهذا الشكل هو وجود الكمية الكثيرة جدا جدا من الكدائس في مستشفياتنا
وخاصة داخل العناية المكثفة التي كما تفضلت ينبغي ان يكون فيها الكادر المؤهل والنظافة والتهوية والمراقبة المتواصلة من الممرضين والممرضات الممتازات وحتي لحظة كتابتنا الكدائس موجوده واشياء سلبية اخري موجودة هل وزارة الصحة ما عندها واحد بيسمع انتقاد المواطنين ويوصله للوزير ام ان الوزير ومدير المستشفي بسمعو بي هنا وبفضو بي هنا .
شكرا اخي الحبيب

[أم سماح]

ود سمير صدقا لكلامك أنا الاسبوع الماضى
كنت أرافق شقيقتى بمستشفى التوليد ولمدة تسعة أيام
عاملة النظافة تغسل البلاط وبالصابون والمطهر ثلاث مرات فى اليوم
وفى كل مرة عندما تنتهى من الجزء الأخير تجد الأول قد اتسخ تماما
ورق وبقايا أكل وتفاف ( لا مواخذة ) وقوارير مياه وغسيل أيدى
فعلا المواطن السودانى مشكلة محافظته فقط لممتلكاته وأشيائه الخاصة
والله المعين
وأصبر يا صابر مدنى

[صابر مدني]

ود سمير صدقا لكلامك أنا الاسبوع الماضى
كنت أرافق شقيقتى بمستشفى التوليد ولمدة تسعة أيام
عاملة النظافة تغسل البلاط وبالصابون والمطهر ثلاث مرات فى اليوم
وفى كل مرة عندما تنتهى من الجزء الأخير تجد الأول قد اتسخ تماما
ورق وبقايا أكل وتفاف ( لا مواخذة ) وقوارير مياه وغسيل أيدى
فعلا المواطن السودانى مشكلة محافظته فقط لممتلكاته وأشيائه الخاصة
والله المعين
وأصبر يا صابر مدنى
صااااااااااااااااااااااااااااااااااااااااااااااااا اااااااااااااااابر

[صابر مدني]

كم انت عزيزة يا مدني يستطيع اهلك ان يلتقو في لحظة واحدة في يوم واحد
يوم الجمعة الفائتة التقينا كلنا ابناء مدني في زواج ابن بابكر الخواض وفي نفس اليوم كان اللقاء اكبر في جامعة الجزيرة حيث حضرنا مراسم العقد لابن العم بابكر من ابنة الدكتور علي عثمان بجامعة الجزيرة وفي نفس اليوم سمعنا بوفاة الفاضل الصوفي هذا الرجل الامة وجلسنا حتي وارينا الجثمان الثري ونحن في رفع الفراش بكل هذا الكم الهائل جائنا خبر وفاة الاستاذ السياسي البارز محمد الامين سنهوري والله بدون اي كل او مل انتقلنا الي المقابر بعد صلاة المغرب ليذهب بعضنا الي بيت الفراش وبعضنا ذهب الي عقد زواج تأخر الي بعد صلاة العشاء
التحية لابناء مدني. بهذا التضافر وهذا الرباض الاسري القوي الا يستيع ابناء مدني ان يحققو مايريدون والله لو اجتمعنا لتحويل جبل لحولناه
ناهيك عن صيانة مستشفي اواو او

[ودسمير]

صابر ... كده حاول ان تسافر او تسأل او تسمع أو تشاهد اى دوله افريقيه ( سوداء ) وشوف لو لقيت فيها مظهر حضارى !!!!

وطبعا جنوب افريقيا خارج الحسابات لان الرجل الابيض عاش فيها كتييييييييييييييييييييييييييييير ، يعنى السود لم يضيفو شئ !

النظافه والنظام سلوك فردى ليس الا ...

ح تنتظر مليون سنه شان تشوف افريقيا متحضره ...

[صابر مدني]

ود سمير لك التحية ياخوي الحبة الزرقا دي عندك معاها حساسية ولا شنو رئيس اكبر دولة وانظف دولة اسواااااااد وبعدين الخرطوم المابعيدة دي من غير ما اسافر بره انا والله شايفا نظيفة جدا بعدين امشي كينيا او امشي ادس الوساخة دي جايبنا لينا ناس اهل العوض كان موطنين كان مسؤلين ابزقو في البلاط واغسلو ايديهم وكشحوا باقي الكل في الشارع ساااي لكن كان ما عاف اعرف النظافة حقت الحبة الزرقا المكجنة دي

[صابر مدني]

ايها السادة الاكارم الافاضل ابناء مدينة ودمدني العامرة
لكم التحية اين ماكنتم علي اختلاف قاماتكم ومؤهلاتكم
نسبة لكثرة قضايانا ارجو ان اقترح عليكم اقتراح لو قبلتوه خير وبركة واذا لم يقبل فسامحوني
اقتراحي ان نشكل من هذ المنتدي مناديب للذهاب للجهات التي يري المنتدي انها مقصرة في واجباتها وتحرير خطاب باسم منتدي ودمدني والذهاب وتسليم المذكرة لاي كان حتي الوالي
ان يمثل المنتدي اشخاص معينين لحضور منتدي الوالي الذي يعقد كل يوم اثنين في قصر الثقافة وطرح مشاكلنا عن طريق المنبر ومتابعتها حتي التنفيذ
رايكم شنو

[أم سماح]

ايها السادة الاكارم الافاضل ابناء مدينة ودمدني العامرة
لكم التحية اين ماكنتم علي اختلاف قاماتكم ومؤهلاتكم
نسبة لكثرة قضايانا ارجو ان اقترح عليكم اقتراح لو قبلتوه خير وبركة واذا لم يقبل فسامحوني
اقتراحي ان نشكل من هذ المنتدي مناديب للذهاب للجهات التي يري المنتدي انها مقصرة في واجباتها وتحرير خطاب باسم منتدي ودمدني والذهاب وتسليم المذكرة لاي كان حتي الوالي
ان يمثل المنتدي اشخاص معينين لحضور منتدي الوالي الذي يعقد كل يوم اثنين في قصر الثقافة وطرح مشاكلنا عن طريق المنبر ومتابعتها حتي التنفيذ
رايكم شنو

يا سلام ياصابر
عن نفسى موافقة وأبصم بالعشرة

[الزبير محمد عبدالفضيل]

نتمني من السيد / وزير صحة الجزيره وودمدني العنايه بصحة المواطن المغلوب علي أمره ومراقبة مستشفي ودمدني التعليمي الذي وصل به الحال

الي اسواء حال ويجب تأهيل الكادر الطبي حتي تكون هنالك خبرات طبي تليق بخدمة المريض والمستشفي

[صابر مدني]

يا سلام ياصابر
عن نفسى موافقة وأبصم بالعشرة
قولي الف عارفة ليه لاني اعتقد تماما بأنك مرة صالحة والمرأءة الصالحة بألف رجل
نشوف باقي الاخوان ونبدأ بي منبر الوالي يوم غد الثلاثاء ونرشح من يتحدث عنا
شكرا علي عونك

[صابر مدني]

اخي الزبير عاطر التحايا تغشاك

يجب علي وزير الصحة ان ينصاع لنقدنا له ويبدأ باعلي هرم في المستفي وهو العناية المكثفة ثم غرف العمليات ثم العناية بالعنابر والا سوف نستعمل معه كل الادوات الكتابية من المنتدي حتي الوالي
ولن نخشي في الحق لومة لائم
شكرا يا ابوالزبير