هل حقا ان المدارس ماسكه بلاوى ؟!!

[ودسمير]

بدأت العطله الصيفيه لمرحلة الاساس من الصف الاول وحتى السابع وقريبا الصف الثامن ثم الثانوى على الابواب ...

كثير جدا من الاسر السودانيه تعتبر ان المدارس ( ماسكه بلاوى ) ! لان البيت بكون نظيف ورايق حتى الساعة الثالثه تقريبا ، وست البيت فى فترة المدرسة تجد

الراحه الكامله من نوم وجلسات القهوه والقيل والقال الا من رحم ربه ..

دخول العطله الصيفيه تعنى الكثير من الازعاج والصرف المالى الكتير الى الخ ..

السؤال المهم للاخوه الاعضاء ..

كيف نجعل العطله الصيفيه مفيده لكل الاطراف ؟

[مدنيّة]

يامعتز
المدارس تفتح
الناس تنقنق
المدارس تقفل
الناس تنقنق
يعملوا ليهم شنو ما عارفين!!

--------
الاستفادة من العطلة في اشراك الاطفال في مناشط رياضية
اتخيل لي بيكون مفيد

-------
شكرا معتز

[أم سماح]

ود سمير حكايتكم شنو حتى ستات البيوت ما بسلمن من لسانكم ؟
هم فى المدرسة الناس مطمئنة عليهم .. لكن فى الاجازة فى شوية خوف عليهم من نواحى كتيرة
العطلة مافيها صرف بل فيها توفير مصروفهم المدرسى يوميا .. وتوفير حق الترحيل وكمان بفطرو بالموجود فى البيت
أنا ضد الكورسات الدراسية أثناء العطلة .. مع الاشتراك فى المناشط الرياضية وممارسة هواياتهم بكل أشكالها .
وربنا يحفظهم من عوجات الزمن وإيدينا نحن ليهم العافية نوصلهم

[آلاء عبد الرحمن]

اول الناس ترتاح من تعب السنة الدراسية والهم
وتريح
تاني ممكن تشارك في المناشط
زيارات الاهل

[mahagoub]

النسبه تقريباً واحده
لانو الطفل من قام من النوم
يا الشارع جاك زول

[بنت الرفاعي]

:):):)


لك التحية أخي ود سمير،
الأفضل إشراكهم في المراكز الصيفية
بأنشطتها المتنوعة،
والأهم تحفيظ القرآن،
وإن لم تتوفر المراكز الصيفية،
شراء القصص والكتب والمجلات وتحفيزهم على مداومة
القراءة (بأنواعها).

:):):)