اخوانا ناس المجلس التشريعي

[صابر مدني]

سلا هوي يا ناس المجلس التشريعي سلام
انتو وين نايمين ولا حايمين ما سامعين ليكم اي خبر الحكاية شنو جابوكم فزعة بقيتو وجعة
يا اخوانا انتو 80 عضو لولاية الجزيرة مصاريفكم اخدتوها بدلاتكم اخدتوها نجم طك طرق
سلفيات العربات اها دقش تمام الولاية بتديكم 80*2500=2000000 في الشهر يعني لي حسة ماخدنلكم قريب الاتنين مليار ودقداقة من عرقنا اها تاني خلولكم شنو
وحتي الان برقم كل هذه الاشياء لم نسمع لكم اعتراض واحد ولا نقصتو ليكم سعر حاجة واحدة
القروش الانكنست دي كلها ما جبتو ليها اي خبر ولم تستدعوا احد عليكم الله دي مقسة شنو يوم واحد عاينو لمجلس الخرطوم وشيلو ليكم منو ولو مس جلسة عشان تحللو البدبونس البتشيلو دا بسسسسسسسسسسسسسسسسسسسسسسسسسسم الله
رسالتنا يجب ان تتطلعو بالدور الذي رشحكم من اجله الشعب وان تكرسو اوقاتكم لجلب ما فيه رفاهيتنا والا نلتقي قدام

[أبوربا]

والله طيب...مجلس تشريعي..ديل في غيبوبة.....تصدق ذكرني قصة الجاهل الدخل مجلس الشعب رجع يحكي لناس الدائرة....شربنا ببسي ساقط وكلام كتير....وبس...معظم اعضاء المجلس من خارج مدني ولايمكن يهمهم مدني..لان قراهم ومدنهم لها اولوية...لذا كل تفكيرهم بس في مناطقهم...اما الكهرباء مع الموية أو الموية مع الكهرباء..او عدم وجود الموية بأحياء الحي الشرقي مايهمهم هذا....حتى الوالي ما افتكر يعرف ذلك...والله لشتريت بيت بدردق يا اخي صابر الواحد يساهر للموية أو تصحى قبل الاذان...ويكون عندك خزان...الا كل اليوم تجلس من غير موية...والله حاجة تضحك مدني عندها مشكلة موية وهي على ضفاف النيل الازرق....تصدق بيت الوالد مايو اللي فاتحة على الواحة((سينماء الزمالك سابقا)) الموية زمان كانت مررة قوية و24 ساعة هذا سنة 1995أما الآن الا بالموتور والخزان...الحكاية شنو ياصابر...مافي رجال بمدني عشان يحلوا مشاكلها...وتجي تقولي المجلس التشريعي......قولي شنو تقولي منو....بس مارديت وين تسكن يا صابر

[أم سماح]

أخى صابر لك التحية
أعلم أنك كنت من المرشحين فى دوائر مدينة ود مدنى ولكن لم يحالفك الحظ
بربك خبرنا ماذا كنت فاعل لوحالفك الحظ وفزت بالدائرة
والملايين دى حتعمل معاها شنو ؟
ومدنى .. مدنى يا صابر مدنى
كنت حتغير فيها شنو ؟
صدقنى كلكم واحد .. و لكن الفى البر عوام

[صابر مدني]

[QUOTE=أم سماح;671620][I][FONT=Tahoma]أخى صابر لك التحية
أعلم أنك كنت من المرشحين فى دوائر مدينة ود مدنى ولكن لم يحالفك الحظ
بربك خبرنا ماذا كنت فاعل لوحالفك الحظ وفزت بالدائرة
والملايين دى حتعمل معاها شنو ؟
ومدنى .. مدنى يا صابر مدنى
كنت حتغير فيها شنو ؟
صدقنى كلكم واحد .. و لكن الفى البر عوام[/FO
ا
ام سماح عليك الله السلام عليكم انت بقيت لاحقة الجماعة ديل نايمة ولا شنو
الموضوع دا انا كتبنو ومشيت الدمازين وجيت .مالكم ملاوزين
لكن برضو كتر خيرك علي حضورك .شجاعة عفارم عليك
انا فعلا ياام سماح كنت من المرشحين والحمد الله اني ما فزت
لاني فعلا ما كنت حا اعمل حاجة بس اشيل ليكم القريشات وابقي مارق
خليك من النواب الوزراء المشاركين عملو شنو الحاصل دا توجه حزب حاكم
قابض علي زمام الامور وبنفذ في سياستو
































ظ

[صابر مدني]

الحبيب جدا وكأني اراه ولم اراه الا بعيني قلبي ابوربا لك التحية واطيب الاماني في حلك وتسفارك
اشكرك لكلماتك التي جعلتني اتحشرج من شدة حلاوتها في بوستك السابق فقد والله اصبحت اضافة جميلة وصديق لا يمكن مفارقته
انا صابر محمد عبد الله موسي من اعرق احياء مدني ومن اول المربعات منزلنا في مربع واحد وبيتي رقم واحد وعشرين اه شنو ليك مدناوي جد ولا لا وكما قلت مشكلة الموية بتغلب ناس مدني مع انها بترقد بالطول علي ضفاف النيل الازرق
بورسودان الان اصبحت ما عندها مشكلة موية وبجرو ليها الموية من عطبره ودا لانو نوابا ماراقدين زي جماعتنا ديل
انا في رائي ان ندق النحاس عشان الجماعة اصحو ان دا رايي رايك شنو يا حبيب؟
اسم الحي في الحلقة القادمة

[أم سماح]

الاخ / صابر مدنى
السلام عليكم ورحمة الله وبركاته
البلد ليها رب من أسمائه الرحمن الرحيم
وكمان الوهاب الرزاق ونحن من فضله ما قنعنا
رب يمهل ولا يهمل
نقول الحمدلله ونصبر

[صابر مدني]

الاخ / صابر مدنى
السلام عليكم ورحمة الله وبركاته
البلد ليها رب من أسمائه الرحمن الرحيم
وكمان الوهاب الرزاق ونحن من فضله ما قنعنا
رب يمهل ولا يهمل
نقول الحمدلله ونصبر

وعليكم السلام الاخت الفاضلة المحترمة جدا ام سماح
قال تعالي (انما يوفي الصابرون اجرهم بغير حساب )
الصبر خير اختي لا يأتي الا بخير
ونسأل الله الرحمن الرحيم الوهاب الرزاق من فضله ان
يهب لبلادنا الامن والاطمئنان والرخاء وسعة الرزق
وان يجنب بلادنا كل مكروه ويولي علينا قيادات صالحين
امينين يخافون الله فينا آمين

[صابر مدني]

اخي ابوربا ماتزعل انا آسف لو تقلت دمي لكن عايز اسخنك شوية
سألتني من وين اي حي ولم اجب الان اخي اريحلك بالك بس مابي خمسين جنيه زي سوداني
انا من سكان حي العشير وهو الحي الذي بداء منه ترقيم مدينة ودمدني يعني مربع واحد القطعة واحد عندنا هنا
ومرحبا بك وانا منتظر الاجازة وبالله ادينا تلفون وانت في المطار لاتشرف بانتظارك وتوصيلك حتي عتبة بيتك

[آلاء عبد الرحمن]

عليك الله اكان سمعوك
قول ليهم قانون زوي الاحتياجات ده حدو متين ماعايزين تنشطو لينا

[صابر مدني]

عليك الله اكان سمعوك
قول ليهم قانون زوي الاحتياجات ده حدو متين ماعايزين تنشطو لينا
والله كان سمعوني يا الاء اول حاجه اقولا ليهم كلامك دا لكن الله اعلم اسمعوا

[آلاء عبد الرحمن]

والله كان سمعوني يا الاء اول حاجه اقولا ليهم كلامك دا لكن الله اعلم اسمعوا


ربنا موجود
:)
الله يصبرنا

[صابر مدني]

ربنا موجود
:)
الله يصبرنا

الجماعة ديل طبعا بعد ما تعبو شديد من الجلسات قاموا اجزو ليهم وقالو تاني زادوهم اجازة الله اجيبم بالسلامة نقول آمين