مشاهدة النسخة كاملة : الــسفـيه
عاشق الترحال
06-03-2012, 06:52 AM
14451
قلبني الشوق وقلتا كدي انرجع
اها هدا رجعتة ،،، بس الواحد ما ياخد لي سفره إلقا الواطه جت بي ورا اتبدلت . والله قايتو .
شئ تلفونات وشئ رسائل في البريد وشئ تمبلولات وشئ مكلامات بي الاسكاي وشنو ما عارف وكمان في ناس حردووووووو عديييييييييييييل كدا .
الله يجازي الكان السبب .
14452
الفضل لود المطامير ،،، تابعتة موضوع شلاقه ،،، وشلتة الفكره منو ،،، وقلتة انا ذاتي ما مطامير تاني . كه كه كه كه كه كه كه .
واسم السفيه دا لقب ،، لقبني لي اخوي الذي لم تلده لي امي
وسبحان الله ابوي كان زمان بقول لي : السفيه .
ومما اشتغلتة في الحكومه ،،،حكمة الله نساها .
المهم لقب السفيه دا جني من اخوي القلت ليكم عنو دا هنا في نيالا ،،، يومي البكون فيهو رست في البيت ،بكون فاتح الابتوب لساعات طويله جداً جداً ،،، واكثر من 13 ساعه والله في اليوم ،،،
يوم كدا جي من شغلو ولقاني انا والعندليب قا عدين امام الابتوب ،،،قال لي السفيه دا برضو علمتو السفاهه معاك ،،،
عاشق الترحال
06-03-2012, 07:00 AM
14453
ورجعنا تاني وتاني ،،،،وتاااااااااااااااااني تاني
14454
شفتو النعم دي كيف ،،، دي السفره ولا بلاش .
عاشق الترحال
06-03-2012, 07:05 AM
14455
الالتهاب الايام دي قدة صدري قد عديل كدا ،،،دا كلو من شرب السجائر ،،،
قلطان المرحوم انا الخلاني ،، اشربو شنو ذاتو من الاول ،،، الله ياذي السجائر والزرع التباكو .
انا اتعلمتة السجائر دا من زمني البدرس في الاساس ،،،سنه رابعه ولا خامسه ما عارف ،،،
انا الخلاني اباري ود الجيران شنو ،،،اول لي سجاره في حياتي كانت في رمضان ،،، طبعاً الوكت داك رمضان كان ما مقرر علينا .
نضرب ونلهط ساي بالنهار وبالمساء وقت الفطور تلقانا صابقين الصايمين ،،
طبعاً علبة القولدن بتكون جاهزه ،،مدفونه جمب الحوش وبفوق ليها طوبه قدر الهجمه ،،علامه يعني .
القاسيه بس ارجع صحن العصيده البيت ،،اكان اكورك لي ود جيرانا بالحيطه ،،يقول ارح وانا بقول لي ورحكا ،،، وهواء علي علبة السجائر المدفونه ،،، وولعتنا زناد ،،، عشان الزناد ماعندو صوت كشكشه زي بيت الكبريت
وبنمشي بعيـــــــــــــــــــــــد ياخ بره الحله مره واحده ،،، اتقول دايرين نشرب بنقو ،،،
14455
عاشق الترحال
06-03-2012, 07:07 AM
14456
النسيم عليل ،،،والنجوم ساطعه ،،، والقمر يعانق السماء ،،،وشفتي يتصاعد منها اعمدة الدخان .
ومن محلنا داك النادي عدل نشاهد لينا باقي فلم كده من نصو ،،،
وبعد داك البيت عدل .
الحكايه دي كانت في رمضان وبعداك اتطورت واي واحد فينا بقي بي علبتو براهو ،،، وسجائر القولد الزمان داك زاتو خليناهو ،،،حرم بقينا نشرب ونر
ولا بكتبوها كيف ،،قايتو علي معتقد وينر ،،،
ياخ الوينر دا عندنا ليهو حكايه عجيبه ورهيبه في حلتنا ،،
تصدقو في حلتنا عندنا فريق كوره اسمو الوينر ،، حكمة الله اللعيبه فيهو كلهم بشربو وينر ،،، وشعارو فانيلة شركة الوينر الحمرا ،،،ودا الزي الرسمي للفريق ،،
_ في الحله في دكان عامل زي دكان ودالبصير ،،،يوووووووومي بالليل بمش ليهو ،، دي محطة سااااااابتة ،، وبعملو فيهو طع 100 حلوه كيف
ورغم انو الواحد بتغدي متاخر ،،،بتلافي ليك الطع 100 وهي في طريقها للصحن وجب جوه العيشه ،، وسجائر الوينر دا أتقول بجيبو عشانا نحن والله
وفعلاً بجيبو عشانا نحن ،، كوز مويه بي جاي وبعدة السجاره طوالي ،،، عاد البطن ما اتملت ،، املاها قوي .
وانت جاي من بعيد يتخيل ليك نو في قدامك كمينة طوب بحرقو فيها ،،،هع هع هع علم ،،دا سجاير ساااااااااااااي .
_ مره من المرات وانا قاعد عنقريب الدكان والساعه اتقول عامله 9 م
ومولع لي ونرايه وبطني ملانه ومتكيف اشيل واجبد في النفس اشيل واجبد
الساعه الاشوف ليك زول مكمكم واقف جمبي ،، وطاااااااااااااااخ كف لمن اضاني عملت صي وشفتا الواطه لي فوق والسما لي تحت ،، وسجارتي نطت بعيد كيف ماعارف ،،، كمان بقيت تشرب سجاير يا وسخ ،،، تفهني كدا ومشي قايتو سيرة بوري ليك ابوي دي مااااااا قاله لي ،،، دا واحد ببقي عم بي لفه كدا .
خلي ليك خشمي ملح ملح ،،،والقبينه شاقه ليك صدري علي السجاره النصها راح ساي في الهواء ،،، ومما اداني ليك عرض اكتافو طوالي شفتة باقي السجاره بي وين وكملتة عقابه .
isamzaki1978
06-03-2012, 07:30 AM
اييييييييييك
الله يعين المسلسل بدأ بالسجائر
دقائق امشى اجيب الكرسى بتاعى واجى البنبر دا ما بنفع
عاشق الترحال
06-03-2012, 08:30 AM
اييييييييييك
الله يعين المسلسل بدأ بالسجائر
دقائق امشى اجيب الكرسى بتاعى واجى البنبر دا ما بنفع
كه كه كه كه كه كه كه كه كه كه
وحاتك احلي زول
وخت معاك للكرسي مخده
خوفاً عليك من البواسير
mahagoub
06-03-2012, 09:20 AM
كدى النخت سفة ود المطامير
نصها فى خشمه والنص التانى فى النخره
ونستناك
عاشق الترحال
06-03-2012, 09:39 AM
كدى النخت سفة ود المطامير
نصها فى خشمه والنص التانى فى النخره
ونستناك
رايك شنو في جبنه كمان
ود المطامير
06-03-2012, 09:39 AM
قلت لى الفكره جاتك من حرمشه ؟ ;)
هع هع هع هع هع
أها دردم لى معاك سفه
عاشق الترحال
06-03-2012, 09:56 AM
قلت لى الفكره جاتك من حرمشه ؟ ;)
هع هع هع هع هع
أها دردم لى معاك سفه
مع حرمشه مش حتقدر تغمض عينيك
ود المطامير
06-03-2012, 09:58 AM
السفيه وحرمشه خريجي كليه واحده ;)
عاشق الترحال
06-03-2012, 10:01 AM
السفيه وحرمشه خريجي كليه واحده ;)
كلية ودالمطامير ،،،الحرمشيه والسفهيه
mahagoub
07-03-2012, 07:28 AM
انتو بقيتو مخاوين
شوفوا ليكم صاحب غيرى
انا ما ناقص
عاشق الترحال
07-03-2012, 09:14 AM
انتو بقيتو مخاوين
شوفوا ليكم صاحب غيرى
انا ما ناقص
مطاميرو الحق الزول دا
نكرنا حطب
عاشق الترحال
07-03-2012, 09:57 AM
ابوي اتاري جابو ليهو الخبر لكن عمل مطنش وزي الماعارف حاجه وحاتكم تلميح ساي ما لمحو لي ،، لابد لي سااااااااااااي .
وخلاني ليك بعد ما عملتة غلط في البيت ،،، وانا ما جايب خبر اتاريهو كان لاميها لي ،، وعلي العلي شجرة النيمه تعجبك مكنة فروعه ،،ما خلا فيها سوط سمح ومتين ما جابو ،،، انا مما شفتة ليك السيطان ديل قلبي قعد اعمل دل دل دل وعيوني رقرقن وبقن صغار ،،، وامي قالت لي سجم خشمك الليله بكتلك ،، قلطك العملتو دا ما بستحق كل السيطان الجايبه ليك ،،انت عملتة شنو ..؟ من الخوفه ما قدرتة اجاوبه ،،،
جني وجن ادخلوني البرنده واتربسه علينا بي جوه ،،، حجاز ساي انجدني ما بلقي ولا طفاي النار ،، وقع ليك فيني خبت تحلف تقول بخبت لي عيش فتريتة تحت قمرا ،، وجاني اساس وهو بدقني اني زي الماولدو ،،، في زول بدق ولدو زي دا يا جماعه .
صفحه انوم عليها ما خلاها لي ،،، آآه ضهري وبي جاي بطني زاتا ما سلمت من السيطان ،،، العجب الراس عمل بقاق ،،، هي دقة نصاح ،،، الله يجازي الكان السبب قايتو .
انتو قال ليكم انا تبتة ،،، بعد ما شرب شاي الصباح مورق بي جاي ،، انا طوالي مرقتة بي جاي ،،، وحاتكم برنجي قلتة اتنفس بيها شويه ،ما سجارة الصباح .
والله امي طيبه كيف ،، كان جيت مارق النادي بالليل ساي تقول لي خلاص زمنا جا . زمن شنو الجا يا امي ،،؟
يعني ما عارف ..؟
_ لا والله .
السجاره ،،
مرات بقول ليها شربتها قبيل ومرات بقول ليها ماعندي مزاج الليله .
_وابوي بعاين لي بي الرقراق ومتابع خطواتي كلها ،،، المعرسين ما كتار ،،،
ياخ مره مشيت البحر مع خالي ومعنا تاني ناس ،،، اها كان مسكوني ليك وادوني كم كاس كدا لامن شرقتا وقربتة اموت ،،، اكان ألقا ليك الخبر بعد ماجيت من البحر عند ابوي ،، ودقه من امها .
المهم يوم من الايام وبعد السواك عندي كوز مويه يومي بقطعو قبل الشاي ابوي زاتو جا اشرب ووقف جمبي وختاها لي عديييييييييييل كده
السجار ضار بالجيب وضار بالصحه ،،، امك الكلام دخل الحوش ،، قاصدني انا عديييييييييييل ،،، وحتكم قربتا اشرق ،، ناولتو المويه وبراحه شلتة كباية الشاي واتخارجتة الغرفه .
مره كدا معاي خلاً لي بالفه ،،، لافاتي كتار مش هع هع هع هع
اها والزمن داك كان عمرنا زي اتقول كدا 8 سنين لقينا كيس تمباك (صعود) واقع في الواطه قديم لمن مشمس وفيهو باقي تمباك ,,وقلتة لي خالي الليله نسف رايك شنو ،، قال لي : كدي اديني اندردم انا اول ،، مطا ليك شلوفتو وختها وانا بي ورا ختيت حقتي ،،، انت حاسي بي الانا حاسو ،،، انا حاسي بي راسي لافي وبطني طامه وكرعي ما شايلاتني وخشمي شطة شطة ،،، قلتة ليهو نفس الاعراض العندي ،، وفي دقيقه بس الكلام دا او اقل ،، وتف تف بصقنا التمباك والكيس فننننننننننننننننننننن.
ومن ديك تاني ما جربتة الصعود دا الا بعد ما عملتة 17 سنه ،، قعدين في الديوان وغرتني ليك قعدة الكيس جمب كراع العنقريب ،،، حرمشه اشيل واوسوس لي في اضاني ،،، يازول سف ،، مافيهو حاجه كدي خت الاولي ودبله ليها بالتانيه وتاني بتكون عادي وكيسك في جيبك تاني قدر الليله وباكر
_ نا مالي ومال العفن والسجم ،،، سنوني بعدين وسخانات وعفنات لا لا دي ماااااااااااابعمله ،، سنون شنو الببقن شينات يازول ،، الصيدليات فيها مبيض اسنان ،،والفحم عندكم راقد يومي حك بيهو سنونك الصباح ...
يا ابوي مالي ومال اتعب نفسي كدا ،،، وبعدين يا اخوي لو بقيت كبير فنجان جبنه ساي ما بقدر اوصلو ملان خشمي ،، الله ينعلك يا حرمشه .
الحرمشه التاني الكبير ود عمتي القاعد بي حداي قايتو حرمشه الاول ما اقنعني لكن دا شكيت محنو لي الله ،،، ناولني ليك سفه كدا ،،دردمه لي هو براهو ،، انا ما ما بعرف الف هي اقصد اسف ،،، الساعه الما ختيتا ليك اي شعره في جسمي وقفت صوف
اومن ديك انا والصعود بقينا خطين متوازييييييييين
isamzaki1978
07-03-2012, 11:49 AM
ومن ديك تاني ما جربتة الصعود دا الا بعد ما عملتة 17 سنه ،،
علي أنا الكلام دا
عاشق الترحال
07-03-2012, 12:10 PM
علي أنا الكلام دا
اهاااااااااااااااا
mahagoub
08-03-2012, 09:50 AM
بعد الفضايح التمباكيه دى
فى بت بتعاين ليك
عاشق الترحال
08-03-2012, 11:27 PM
بعد الفضايح التمباكيه دى
فى بت بتعاين ليك
والله يا حاج غير سفتين علي سبيل التجربه في حياتي دي
ماعملتة اي حاجه تاني
وبعدين كان للعرس ،،،المهم الجيب يكون تقيـــــــــــــــــــــــــل
باقي الاصلاحات علي المره
وبعدين نسيبي منعم ماااااااااااااا بقصر
mahagoub
09-03-2012, 06:07 AM
وبعدين نسيبي منعم ماااااااااااااا بقصر
كان نسيبك منعم خدر
ما تشيل هم
ده شفته دقار لورى
عاشق الترحال
09-03-2012, 12:45 PM
كان نسيبك منعم خدر
ما تشيل هم
ده شفته دقار لورى
حرام عليك يا عمو محجوب
مهما كان ،،دا الراجل نسيبي
،،،،،،،،،،،،،،،،،،،،،،،،،،
شفتة ليك زول برضي في نسيبو
mahagoub
09-03-2012, 08:29 PM
حرام عليك يا عمو محجوب
مهما كان ،،دا الراجل نسيبي
،،،،،،،،،،،،،،،،،،،،،،،،،،
شفتة ليك زول برضي في نسيبو
كدى ابقى راجل وسف قداموا
كان ما يسوق بته ويمشى
عاشق الترحال
10-03-2012, 05:01 AM
كدى ابقى راجل وسف قداموا
كان ما يسوق بته ويمشى
وين يا عمك قال اسف قال
وحاتك دا كان لاقاني كيس صعود في الشارع مدردقو الهواء ساي
جسمي بتقشعركلو واي شعره ومن جسمي بقيف صوف
عاشق الترحال
10-03-2012, 09:23 AM
الجاتني في سماعتي وماوسي سامحتني
في ظل يزمين اخسر سماعه وماوس ولا والله الحكايه فيها إنه ،،لا قاصدني عدييييييييييل كدا
عرفنا الماوس دا خربتو براي بي لبعه في درداقتو ،،،لكن الخرب السماعه شنو
عاشق الترحال
10-03-2012, 09:26 AM
والله بقيت مع ودالمطامير زي خديجه الوصافه
في تلفزيون السودان مش في واحد بتاع اشاره
بس بس
انا بقيت زيو الليله والله
اوصف ليهو لا من يدي وجعني ،،، احيييييييييييييي انا سماعه وماوس
عاشق الترحال
10-03-2012, 09:29 AM
قالو الجايه من السماء
تحملا الواطه
اها ذاتا الواطه صحراء
telecom
10-03-2012, 10:51 AM
كنتا بتدبى ولابسة نقاب بس فجاة لقيتو وقع منى
الله غالب والله الاولاد ديل عندهم جنس محن
عاشق الترحال
10-03-2012, 11:16 AM
والله الاولاد ديل عندهم جنس محن
ديل ما الخربو سماعتي
وخلوني ليك شغال قدام الكاميرا بتاعت الاسكاي زي خديجه الوصافه.
أسئلي مطاميرو هو،،، بقول ليك شكلي كان كيف .
telecom
11-03-2012, 09:47 AM
مطاميرو شكلوا كان كيف يا ربى حديجة الوصافة دا
ود المطامير
11-03-2012, 10:01 AM
مطاميرو شكلوا كان كيف يا ربى حديجة الوصافة دا
كان شغال معاى بالإشاره
ذى الأطرش
عاشق الترحال
11-03-2012, 10:35 AM
مطاميرو شكلوا كان كيف يا ربى حديجة الوصافة دا
مطاميرو ،،،ياخ دا قرب اموت من الضحك .
شغال الولو ليهو في يدي زي بتاع المرور الاشتر
عاشق الترحال
11-03-2012, 10:39 AM
كان شغال معاى بالإشاره
ذى الأطرش
الحمدلله الليله
المويه رجعت لمجاريها
mahagoub
11-03-2012, 08:40 PM
الحمدلله الليله
المويه رجعت لمجاريها
المويه بترجعوها قبل نسقى
عاشق الترحال
18-05-2012, 09:04 AM
المويه بترجعوها قبل نسقى
خلاث المره الجايه ،،اسقي انت في الاول بعداك بنرجع المويه
mahagoub
18-05-2012, 08:16 PM
حليت مشكلة الصوت
باقى ليك مشكلة الاخراج
دى ما بحلها الا الشمشار
بدر الدين احمد الطائف
18-05-2012, 10:52 PM
قلت لى جربته السفه وعمرك 8سنين.
كدى طيب واصل نشوفك امن بقيت 18عملته شنو.
تشيلو وترمو فى حرمشه.
وحرمشه زاتو احتار فيكم.
mahagoub
18-05-2012, 11:55 PM
ده ما جن افرنجى
حرمشه كم طويل
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir