هل (بطاقه الانتماء ) للمنتدى ... تكفى ....!!؟؟

[عبدالرحمن مدثر]

سوال ساااى .. اتحكر فى فى الصفحه الاولى من خربشااات هذا الصباااح

وبعد احساس بالانتماء لاناس كانو ملء السمع والنظر .. وبعدين اصبح شوف

***

مابين 2009 وحتى تاريخ هذا الاعلان الداخلى .. كانت لنا ايام .. لن نبكى عليها كثيرا

كعادتنا نحن السودانين عند اجترار الذكريات .. وتدخين لفافه المواقف .. عند محطات التلاقى

الكانت غريبه .. مانلقى يافطه بعينها تحذر من عدم التدخين

[عبدالرحمن مدثر]

بوصفى احد الذين (كانت ) لاعلاقه لهم بمدنى .. لامن قريب .. ولامن بعيد حتى

حتى زياره الترخيص اياها .. فى زمن ما اجبرتنى عليها تلك (الكيلك ) وكتبت لى

وقتها بطاقه (مخالفه ) من بتاع المرور وانا ابرطع بدون وعى داخلى وبسيارتى فى شارع

اتجاه واااحد ... بطلعك من السوق الشعبى .. وليس العكس


خربشه :

اول زياره لمدنى كان عنوانها بطاقه (مخالفه )

[عبدالرحمن مدثر]

كلمه السر اهدتنى اياها .. المرحومه تيسير .. بعد ايام رحل فيه احساسنا مع النوارس

وهى تبيض فراخها بين السفائن

اصعب شىء انو تعيش غربه الذات والاحساس فى جواااك

فكانت كلماتها تشبه رحيلها الذى خلف غصه فى الحلق .. وفى العين دمع لايكفكف

كانت كلماتها الضوء ..


- ادخل منتدى ودمدنى ... لعلك تجد ذاتك بعد فراااق






وقد كان

[abomazeen]

بوصفى احد الذين (كانت ) لاعلاقه لهم بمدنى .. لامن قريب .. ولامن بعيد حتى

حتى زياره الترخيص اياها .. فى زمن ما اجبرتنى عليها تلك (الكيلك ) وكتبت لى

وقتها بطاقه (مخالفه ) من بتاع المرور وانا ابرطع بدون وعى داخلى وبسيارتى فى شارع

اتجاه واااحد ... بطلعك من السوق الشعبى .. وليس العكس


خربشه :

اول زياره لمدنى كان عنوانها بطاقه (مخالفه )



يا جمال ذكاء ذلك العسكري الوليف ...
فقد عرف كيف ولمن يعطي المخالفة
ومثلك لا أبكي على الأيام الماضيات
فأكيد معكم وبكم الايام أحلى دوماً ..
صــوت مشاركة لهذا الإندياح العذب
تقبلني كمان أنا في عشقي لحرفكم

[عبدالرحمن مدثر]

لمبه قلووووز



اذا كنت من مدنى .. فانك ستاخذ كل الصفحه هنا ..

واذا كنت من غير مدنى ... فيكفيك الهاااامش

[عبدالرحمن مدثر]

ابوميزاب .. صديقى

على غير العاده سياتى اندياحى هنا (نازفا )

يكفى اننا وجدنا مانبحث عنهم بينكم

عارفنى برييييييدك

[الجندي المجهول]

يا حبيب واصل بدون فواصل

[abomazeen]

ابوميزاب .. صديقى

على غير العاده سياتى اندياحى هنا (نازفا )

يكفى اننا وجدنا مانبحث عنهم بينكم

عارفنى برييييييدك







صديق الحرف الشجي أبومُـزن... لا أنزف الله لك إندياحاً هنا
ولو كات لابد منه ... فدعنـي ألقي عليه ماعــون عطشي وحبي
فالذي يـنزف هنا أكيد هو أكسير نبـض حياة يـنير لنا قارعة طريق
حروف السطر الأخير لا شكك يدخل على قلبي منها ... وبالمثل لكم

[isamzaki1978]

ونحن كان لنا شرف التلاقى
وحسن الاخاء

[عبدالرحمن مدثر]

جميله حته انك ماحبيت المكان بقدر حبك لمن يعطرون المكان .. واصبح العطر زخات زخات

ملا الدواخل .. وواصل مسيره للمكان ... زى حصه التعبير والانشاء زمان لما تبدا فى

وصف الشخوص والامكنه ... بكون عندك خيارين يمكن تبدا باى واااحد فيهم


البداية بوصف الشخصية ثم الانتقال إلى وصف المكان

او

البداية بالمكان ثم الانتقال إلى وصف الشخص


اها نحن (وانا هنا بمثل تنظيم ماعندو رقم وطنى )

كانت البدايه من خلال الخيار الاول الاكثر عمقا اكيد بدليل عمك دااااك لمن جااات ساعه الفراااق وقالها بكل احساس


ودع هريره ان الركب مرتحل ... وهل تطيق وداعا ايها الرجل

[عبدالرحمن مدثر]

انت مامن مدنى ............!!

عباره دقشت اضانى فى زمن ما .. فى مكان ما .. الجميل بس انو الرااابط بتاع التلاقى كان عنوانو الخير

***

والخير لما يندفق سااااى بدون لجان منبثقه .. واجتماعات بكون جميل ...


وعلى حسب تداعيات تلك الذاااكره الخربه ... لان الحاااضر ليس من مدنى ...!!

وجب على الانبثاقات (اللجانيه ) ان تستعين بصديق (مدناوى ) غائب عن ان يغبر قدميه من اجل هذا الخير

**


دى كانت اولى الانكسارات الداخليه

[عاطف عولي]

كلمه السر اهدتنى اياها .. المرحومه تيسير
- ادخل منتدى ودمدنى ... لعلك تجد ذاتك بعد فراااق

كان

يا الله يا خرباش

من مدة وأنا أحاول الخربشة علي دفتر روان

عن مطلع بعنوان

تيسير التي عرفت

يا سلام يا خرباش
العسكري جابك صاااااااااااح ما غلت
وانت ما غلت صاااااااااااااح لمن أنت ومانجو
دايرين تشيلوني القفة في حوار الكلمات بين هؤلا القامات
وأنت تدعو بالقاب وكنيات
وكانت تسير الباقية فينا أبدآ هي المقصودة
العسكري جابك مدني وأنتي وديتني تيسير
ولك السؤال اللغز
زول ما من مدن يحب مدني
ويعالج واحد قرييييييييييييييب من مدني بدخول مدني
أحبك يا مدني واموت في البحبك يا مدني
مدني تجمع ولا تفرق
تزيد ولا تنقص
والسويتي فينا يا مدني
ما سوتوا ليلي في قيس

[عبدالرحمن مدثر]

يقال ان اهل مدنى اكثر تحيزا لمدينتهم .. فنحن نراها اجمل مدن العالم ..

هذا الجمال لاتجده (سااااى ) على قارعه الطريق .. انما هو صناعه احساس بشرى تراكمى

وتاريخى .. جعل منها كذلك ..

وعندما يذكر اسم مدنى .. اكيد بتظهر من غير قيوووود .. بتكون فى عموميه فى اللفظ والاحساس بتجمعنا مع القاطنين فى مدنى

يكفى ان مدنى (مانشيت كبير لكل الجزيره )

ويكفى ان منتدى مدنى وعاء جااامع لكل الاختلافات الفكريه ... والاجتماع اكيد حول دور مدنى الرائد والتاريخى

[عبدالرحمن مدثر]

هل بطاقه الانتماء لمنتدى مدنى كااافيه لكى تبرطع على كيفك ؟؟

ام ان هنا قيود اخرى ..!!

**

منتدى مدنى منتدى قام اكيد من طوبه (فكره ) .. وطوبتى وطوبتك بلغ البنياان تمامه

واصبح وعاء جامع للكل بمختلف الامزجه .. والثقافات .. والافكار ..

**

لو انا واحد مثلا مامن مدنى .. اجتمعنا فى ضل فكره .. واختلفنا مع زول من مدنى .. يقوم يقول لى (قوم من شدرتنا )

مع انو انا يمكن اكون سقيت الشدره اكتر منو ....

داير القى اجابه

مع انو انا رديت بانو انا مابقوم من الضل والشدره ... لانو الشدره ماحقت زول (الشدره حقت الله )

















تلحيقه

الشدره شدره المنتدى .. ماعندها اى علاقه بشدره تانيه عشان مانلقى البوست دا فى السياسى

[ahmed algam]

متابعين ايها الخرباش

[الباشا السوداني]

هل بطاقه الانتماء لمنتدى مدنى كااافيه لكى تبرطع على كيفك ؟؟

ام ان هنا قيود اخرى ..!!

**

منتدى مدنى منتدى قام اكيد من طوبه (فكره ) .. وطوبتى وطوبتك بلغ البنياان تمامه

واصبح وعاء جامع للكل بمختلف الامزجه .. والثقافات .. والافكار ..

**

لو انا واحد مثلا مامن مدنى .. اجتمعنا فى ضل فكره .. واختلفنا مع زول من مدنى .. يقوم يقول لى (قوم من شدرتنا )

مع انو انا يمكن اكون سقيت الشدره اكتر منو ....

داير القى اجابه

مع انو انا رديت بانو انا مابقوم من الضل والشدره ... لانو الشدره ماحقت زول (الشدره حقت الله )

















تلحيقه

الشدره شدره المنتدى .. ماعندها اى علاقه بشدره تانيه عشان مانلقى البوست دا فى السياسى



هه هع هه هع ضحكت مطاميرو معدله

وحات الله قبال يوم بس قربوا ناس مدني اقولوا لي قوم من شدرتنا عشان صلحت غلط في مسابقة المنتدى

ممكن اقولوا ليك لكن الشجره حقت الله ما بقوم

[مايسة]

كلمه السر اهدتنى اياها .. المرحومه تيسير .. بعد ايام رحل فيه احساسنا مع النوارس

وهى تبيض فراخها بين السفائن

اصعب شىء انو تعيش غربه الذات والاحساس فى جواااك

فكانت كلماتها تشبه رحيلها الذى خلف غصه فى الحلق .. وفى العين دمع لايكفكف

كانت كلماتها الضوء ..


- ادخل منتدى ودمدنى ... لعلك تجد ذاتك بعد فراااق


وقد كان


الوريف النورس - عبدوش - الخرباش
وشتان ما بين كل اسم
ولكن الحنية والشوق الشفيف
قاسم مشترك بينهم أكيد

نفس كلماتها أهدتني لها صاحبة دعوة فرح
لها الرحمة والمغفرة

أصبح تعلقي بالمكان يجسد ذكريات أبت أن تندثر
داخلى
فالشدرة فرعت وأصبح لديها اغصان
ومهما قيل لنا قومو الشدرة شدرتنا

والزارعنا غير الله يجي يقلعنا :o

تحياتي ليك كتير

[عنكوليب]

لتكن الشدرة ، هي شدرة سدرة المنتهى ،،
لنكن جميعنا تحت ظلالها ،،
لتكن هي الأم الحنون الرؤوم التي جمعتنا ،،

من بين المتواجدين تحت ظلها الكثيرين الذين تجمعني بهم
أنواع العلاقات والمسميات للروابط الأنسانية بين البشر ،،
ولما نقبت بينهم وجدتني بين أحبه لا عنوان لهم سوى الحب ،،

وجدتني أنهل من معينهم نضرة الحرف ووسامة الكلم ،،
أتنقل فرحة بين ضلوعهم التي تغطي كوامنهم الحبلى بالوفاء والأخلاص ،،

ورشفت من الوعاء الكبير الملون بألوان الحياة المتناسقة داخلك يامدني ،،
رشفة تغلغلت داخلي ،، لا بل سرت ،،، لا بل انسابت بين حنايا أضلاعي لأجدهم
أحبتي الذين شربوا معنا من معين الحب والوفاء ،، وهم ما من مدني ،،،

أجمل الحرف هنا لكم ،، وأحلى الحروف منكم ،،، فتلاقى الأثنان ،،
مع من وهبهم العزيز برقيق القول ،،،

وكما قالت أمي : تبقى الصداقة قرابة ونكسب الودين ،،

[عبدالرحمن مدثر]

ودالامين .. جندينا المعلوم جدا .. بقرأ فى سطوركم حياتى ... وانتو تشيلوا مننا صحن الفته ... هاها

تحياتى ياانيق .. ليتنا نستطيع ان نواااصل بدون فواااصل .. السكه طويله .. يكفى انك حاضرا

[عبدالرحمن مدثر]

اللذيذ عصام زكى ...

واللقيا ذاتها سبب فى البحث عن احساس انتماء حقيقى

لان الذى يجمعنا اكبر من ان تستوعبه مساحه (اضف الرد السريع ) هنا

او (موضوع جديد ) ....


عشانا

وعشان احساسنا

وعشان نتعلم كيف بكون شكل الدنيا

لمن نجيب احساسنا

ونزرع شتله

وبدل المويه نجيب انفاسنا

[عبدالرحمن مدثر]

ابوميزاب

انه فعل (المقاومه ) لاحساس دخيل .. قد ياتى فى لحظه امسك (الغضب ) بالريموت

وتحكم فى الدواخل .. مرات ياعمك .. كلمه عابره .. ادقت فى كيبورد ممكن تلسعك بنارها

تعليق مشاتر .. بشيل من جواك الهدوء ... ويزرع فيها شوك .. وانت بداخلك كل الشوق


خربشه

واحد مره قال لى .. شفت (الامل ) دا بخخخجه احساس غريب بصبح بعمل بعثره حروف لتتحول المفرده الى (الالم )

[عبدالرحمن مدثر]

ابوروان

سعيد انا بمعرفتك الكنز ..

واكيد برااااك عارف كيف لما يكون

هجره عصافير الخريف فى موسم الشوق الحلو

[عبدالرحمن مدثر]

علقم ياصفوه .. ليك حق تتابع بعد مافرتقتو الخيط الرااابط بيناتنا

وضربتو الرااابطه نص دسته بفضل جهود اولادنا

تسلم ياانيق

[عبدالرحمن مدثر]

هاهاها ياباشا منور والله

انت معانا يعنى ... نحن بتلقانا فى طرف الشدره .. عينا قويه .. ومفرجخيييين

ياخ ماتجى راااجع

تتم لينا باااقى الشمار

[عبدالرحمن مدثر]

ام ريم تحياتى

الهدف الاساسى كان انو تلقى نفسك .. من خلال احساسك بالاخرين

واحساس الاخرين تجاهك ... لما تصل مرحله (تماهى ) وذوبان كدا بتنتهى معاها

كلمه (اخرين ) ... وبنصل لحته

كنت انا .... وانا

كنت انااااااى

وآآآآآسف جدا انى نسيتك فى جواااااااااااااااى


***

واسف لاسف يفرق

زى نسيان ... وتناسى

بنسى لانو مفروض انسى هكذا هى النفس البشيريه

وبتناسى دا شىء مشاتر ضدها .. لكن الانا الجواااك مرااات بتعاااند

**

يعنى نقعد سااااى

مفروض يكون عندنا (حق لجوء ) .. ويصرفوا لينا بالدولار

ويمنعوا مننا غبار بعد التعليقات العاااكله

[عبدالرحمن مدثر]

وانا مثلك ياعنكوليبه ..

فى هذه الدوحه الوارفه الظلال اجتمعنا .. نسينا كل همومنا مع نضاره احساس الاحباب هنا

جمعنا المكان .. رتبنا الدواخل من خلال حروف .. دفوف .. ووحدنا الصفوف




لذلك اجد نفسى يعتصرنى كل الحزن .. عندما اجد حرف مشاتر .. او تعبير مجافى

لحقيقه اننا هنا .. جمعنا هذا الحب العجيب ..

نحن اساسا هربنا من عالمنا الخارجى .. بحثا عن الصدق والدفء والامان .. وبحثا عن

الاحساس الرائع بالاشياء .. عندما تدور كلها فى دائره متصله تغذيتها المرتده دوما

الاخوه الحقه


عنكوليبه .. رغم معرفتنا بمزرعه احساسك السكر (منذ فتره قصيره ) جمعتنا هنا ... لكن احساس الصادق

صادر طول السكه

وسهل حته انو نكون جوااااك

ناخد منك وهج النور

النااابع منك

وننشد سويا

غااااااااااااايه انو نكوووووووووووووووووووووووون

عشان احساسك هو اللوووون

يلا ارسمى لوحه جميله تضم الكل

[عبدالرحمن مدثر]

سؤال ساااااى

يبحث عن اجااابه


هل (وسام فخر المنتديات ) مثلا يمنح على اساس (مدناوى ) .. ولا على اساس تواجد .. تفاعل .. مشاركه ...؟؟


ومع الاجابه لو كان فى نموذج يدعم من الاجابه

[عبدالله محمد العقاد]

ابومزن يا رائع متابعين بس ما فاهمين القسة و يبدو انه نهايتها لسه هذه يا ابومزن قسة انسان حب الانسان من اجل انه انسان و اتضح لم يكن ذلك الانسان فهذا انسان من ذلك الزمان ما يوصف بالقبلي قبل الحضارة و الانارة و كان مثل هذا الانسان انقرض من ذلك الزمان الا في بعض النماذج التي كانت تعيش في الظلام و لا ترضى بغير هذا الظلام .
و لكن انسان مدني لم يكن بمعزل عما يدور في العالم اجمع
فردتي و ودخالتي كان شغال في ايرلندا و بيحضر في لندن و كان احيانا كل اسبوع عنده سفره للندن في ذات مرة استوقفه احد ضباط الجمارك و قال له اكثرت من الطلة يا من لا تشبههنا لونا و انتماءا من خلال جواز سفرك وبعد ان تيقن الضابط بان لصاحبي له الحق في البرطعة ما بين ايرلندا و لندن بما فضله الله على الاخرين بالاستنارة و الهداية اعتذر له بشده فما كان صاحبي ان قال لهذا الخواجة لماذا استوقفتني من دون خلق الله آلانني اسود البشر و لا انتمي لهذا المكان بمقياسك الخاص
فصديقي قال لي ان هذه عقوبة يحاسب عليها القانون في تلكم البلاد الراقية التي تعامل الانسان من اجل انه هو انسان او كانها تترجم اغنية مصطفى سيداحمد والله نحن مع الطيور اللي ما بتعرف ليها خرطة و لا في ايدها جواز
فما كان من ضابط الجمارك ان اكثر من الاعتذار و اتي له بمدير المطار شخصيا و اكالوا من الاعتذارات بما خفف شوية عن صاحبي ولكن يبقى ان هناك سلالة لذلك الانسان الظلامي الخفاشي المنغلق على ذاته
و هذا ابو مزن يكون في ذمة من تحاوز هذه الاوهام و ايقن بضرورة تساوي الانام في شكل حضاري يعكس صفاء النفوس و كنوز المحبة التي تحدث عنها الراحل المقيم .
و لكن اخي ابومزن نستحضر مقولة الامام الشافعي ان احكم الناس اعذرهم للناس و ان هذه الامراض طفحت للسطح في تزامن مع كثير من السوالب الاخرى التي نراها في المجتمع عامة .
اخر الحكي صديق عزيز من اولاد مدني تشالق و تقدم لواحدة ( مرطبة ) شوية معانا هنا في الرياض و هي من بنات الخرتوم فلما تقدم لها حتى اوعدته اللقيا و عندما عاد من اللقيا كان وجهه يقمر عيش زي ما بيقولوا المصاريا
وسالت عن السالفة فقال لي البت قبل ما تعرف انا منو قال لي انت من وين يا جنى قال لها انا من مدني الجميلة
قالت معليش انا ما عايز عريس من ( الاقاليم )
فلا زلت ابومزن اضحك حتى تدمع عيناي بالرغم من انه الحكاية لها اكثر من ثلاث اشهر
فالحالة عامة ابومزن و لاتخص مجتمع ما ، هذا ليس دفاع عن هذه العادة السالبة او هذا المجتمع و انما محاولة للتخفيف عليك

[ايمن عبد الله]

تسلم اخي العزيز عبد الرحمن مدثر ..

حبينا نسجل حضور في البوست الرائع الى حين ان تتجمع الافكار لنكون مشاركة هادفة ومفيدة ..

[ايمن عبد الله]

سؤال ساااااى

يبحث عن اجااابه


هل (وسام فخر المنتديات ) مثلا يمنح على اساس (مدناوى ) .. ولا على اساس تواجد .. تفاعل .. مشاركه ...؟؟


ومع الاجابه لو كان فى نموذج يدعم من الاجابه

هو على حسب اللائحة لا يخصص حامله ولا يصفه بوصفة منطقية وانما كل من قدم خدمة للمنتدى او المدينة لكن لا اعتقد انه يخص ابناء مدني وحدهم وهنالك ممن يحملون الوسام وهم ليسو من مدني ..

[عبدالرحمن مدثر]

العقاد .. دائما مشاركاتك عناقيد ..

وعناقيد العنب .. ياخى الدلال من غير سبب .. والمساكين اكيد ليها رب

جميله السياحه بتاعتك دى .. اكيد بتكون جوووه القصه العائمه هنا مابين نهذيب اجنبى

وادب الاعتذار (وكمان باصرار ) .. وبين عصير دهشه ودسيداحمد المعهوده

واحد صاحبى عندو حساب فى الفيس بوووك .. بس لمشغولياته ماقاعد يخش .. فمرات بقول لى انا اخش اعمل شنو

قلت اكتب مايخطر ببالك ...

اها الله قدرو على كتابه مقوله معهوده



الكلمه الطيبه جواز سفر


اها والناس المرابطين ليهو كانوا كتار ... فندموا على مقولتو دى ... واحد يعمل ليهو تعليق

- انا لو داير اسافر السعوديه اعمل شنو هاها


مرات ياعقاد .. الكلمه بتجرح .. القصه ومافيها .. لما تجيك كلمه مشاتره مثلا

-
ياخى انت اساسا مامن مدنى ....!!


بجيك احساس بالدونيه .. او انت دخلت غلط .. زى صاحبك الوقفوا من دون خلق الله

انا متاكد انو مافى تمييز داخل المنتدى هنا .. لاكن مرات كدا فى حاجات كدا بتظهر (ضمنيا )

طبعا الكلام دا بعيدا عن جدليه

هل منتدى ودمدنى للجزيره .. ام لمدنى ؟

هل مدنى تمثل مدنى (الرقعه ) ام تتحرر لتشمل كل الجزيره ؟


طبعا الحته دى كان فيها نقاااش مستفيض ..


لكن ممكن تقول بتكلم بلسان من لاعلاقه لهم بالجزيره ذاااتو .. لكنهم احبوا هذا المكان

وطابت لهم الاقامه ...

[الباشا السوداني]

هاهاها ياباشا منور والله

انت معانا يعنى ... نحن بتلقانا فى طرف الشدره .. عينا قويه .. ومفرجخيييين

ياخ ماتجى راااجع

تتم لينا باااقى الشمار

زمان ناس الانقاذ ناسنا الحلوين جابوا لمدني حاكم اسمو عبد الوهاب كل ما اعملوا معاه لقاء اقول ليهم انا كلامي دراب دراب اها انا ذاتي زيو كلامي دراب اقول ليك شكلي ذاتو دراب المهم عملت ليك فيها خبير ومشيت اشوبرته في المسابقة بعد داك عينك ماتشوف الا النور انت وانت وضربت ليك لقيت جوالك مقفول والرسايل تطاقش ما فضل ليهم الا اقولوا لي رقمك الوطني كم تلاته مراقبين وانور النور ذاتو ماقصر معاي رقعني بحصة عصر

شفت الدراب بعمل شنو امرقك من الشدره وضلها

[عبدالرحمن مدثر]

ابواسيل .. منور والله .. خاصه مع (الستااات ) البتلخم دى

وشكرا لحضوركم الانيق .. ونطمح فى المزيد ... انا سالت السؤال دا تحديدا

لانو بتذكر مره جمعتنا لمه كدا (منتداويه ) ولكنها ليست (مدناويه )

وقتها كان هناك بوست مثبت (لوسام فخر المنتديات ) طبعا هى جائزه (مثيره للجدل ) اكيد

فماتظنه انت يستحق

يجده غيرك لا

وهكذا النفس البشريه تتباين فى افكارها ورؤاها

وعلى انغام الونسه ... جات سيره الوسام .. خزنت من ذاك الحوار بعض الدردشه والاختلاف

- انا شايف انو فى ناس بستحقوا الوسام دا ماادوهو ليهو

- وانا ذاااتى شايف انو فى ناس اساسا ماعندهم اسهامات عشان ياخدو الوسااام

- انتو عارفين الوسااام دا اساسا عاملين مقاسوا لناس مدنى بس


الونسه دى مخزنه فى حته قصيه استدعيتها لزوم مايلزم .. ابواسيل مشكور ... ولو لقيت لى لسته بالناس المامن مدنى

واخذوا الوسام تكون ماقصرت .. عشان تزيل ماعلق من ظنون

[الباشا السوداني]

هاهاها ياباشا منور والله

انت معانا يعنى ... نحن بتلقانا فى طرف الشدره .. عينا قويه .. ومفرجخيييين

ياخ ماتجى راااجع

تتم لينا باااقى الشمار

زمان ناس الانقاذ ناسنا الحلوين جابوا لمدني حاكم اسمو عبد الوهاب كل ما اعملوا معاه لقاء اقول ليهم انا كلامي دراب دراب اها انا ذاتي زيو كلامي دراب اقول ليك شكلي ذاتو دراب المهم عملت ليك فيها خبير ومشيت اشوبرته في المسابقة بعد داك عينك ماتشوف الا النور انت وانت وضربت ليك لقيت جوالك مقفول والرسايل تطاقش ما فضل ليهم الا اقولوا لي رقمك الوطني كم تلاته مراقبين وانور النور ذاتو ماقصر معاي رقعني بحصة عصر

شفت الدراب بعمل شنو امرقك من الشدره وضلها

[مايسة]

البوست دا إحساسو جميل خلاص
وبصراحة أكتر خفف على كتير
وأكيد المعاي كتار برضو

عبدوش أقول لمن قال

انت أساسا ما من مدني

- يا سيدي الفاضل
هكذا هى الحياة - لامة الكل بمسمى نطلق عليه
الدنيا
وربما فهمنا للمنتدى بأنه ليس مكان
وانما مجموعة من الاشياء المعنوية
متجسدة ومتجمعه بتدينا تشكيلة كدا ما مفهومة
بس حلوة وجميلة

فرفقا بأناس يحملون كل الود والخير داخلهم لمدني
وكل السودان
وأحبو من فيها من غير حتى أن يروهم
واعتب عليك (العنصرية) التي طالما نحاول نبزها في مجتمعنا ككل

--------------------

بوست بنكهة العتاب الجميل
وكمان سلطة فواكهه فيها ليمون بسيط
تحياتي ليك

[خالد عباس (أبوعمرو)]

بوست طاعم ،،،

- عشان كدة واصل بنفس الشبكة " وما تفك اي شفرة "

[محمد الجزولى]

الخرباش ... يا راقي الإحساس
تعرف يا أبو مزن ..زمان لما غني وردي لطيور شاعرنا الجميل ( بالله يا طير قبل ما تشرب تمر ...الخ ) كنا نحن نحط رحالنا كما تلك الطيور في أرجاء مشروع الجزيرة العظيم ...
وكان الهوى يعبرنا مع نسائم ارض الخير الغرة .. كنا نغازل تلك الفتاة التي( تحيك ) منديل الإنتماء رغم تعدد الأمكنة... ورغم تعدد اللهجات والسحنات ...
كان منا من يغني لعثمان اليمني .. ومن يغني لعثمان حسين ... ومن يغني لدوشكا .. ومن يطربه عبد القادر سالم وعبد الرحمن عبد الله ..ولكن إلتقاء أرواحنا كان هو البطاقة التي تمنحنا حق الإنتماء..
ليس من الضروري أن تكون من أين أتيت .. ولكن حديث أرواحنا كان يحدثنا بوحدة المكان ومدى أثره في تشُكل وجداننا وأحاسيسنا...
الخرباش .. يا صديق .. لك في الوجدان كل الإنتماء

[النويري]

ود مدثر يا هامتنا ويا قامتنا المدادية

سعيد أنا بالمتابعة والإستمتاع بكل حرف سكبته هنا ليتني ألتقيك لأرتشف من هذا الرحيق صورة وصوت

واصل ياحبيب معاك هنا وبرجاك هنا وبرجاك لو مليون سنة

البوست دا أنا برشحو من الأن لنجومية شهر مارس وتعال يا الجندي أعرش على كده

[عنكوليب]

البوست دا أنا برشحو من الأن لنجومية شهر مارس وتعال يا الجندي أعرش على كده


،،،،،،أُثني ،،،،،

[عبدالرحمن مدثر]

باشا ( بتاع الدراااب ) هاها

الفكره ومافيها انو وجهات النظر يجب ان تحترم طالما ليس هناك مساس بشخص .. خلينا (شخصنه )

للامور .. اكيد على الكل احترام وجهه نظرك مهما كانت .. ومقارعه الحجه بالحجه .. بدون اقصاء

والمؤلم حقا انو الاقصاء يرتدى عباءه سوداء تسمى التمييز .. او العنصريه

وقلاده الراى .. والراى الاخر

ماقاله الامام الشااافعى

راى صواااب يحتمل الخطأ ... وراى غيرى خطأ يحتمل الصوااااب

[عبدالرحمن مدثر]

ام ريم (فرده جناحى التانيه )

الله على كلماتك العذبه

رفقا بأناس يحملون كل الود والخير داخلهم لمدني
وكل السودان
وأحبو من فيها من غير حتى أن يروهم

وهنا نحن نؤكد على اواصر الاخوه الحقه .. والمحبه ..

جمعتنا صفحات بيضاء ... لذلك نطالب بحاجه ماصعبه شديد

بيضوا النيه ياحبااان

والبيت كبير بشيلنا

يعنى تبقى علينا (دسته غربه )

غربه احساس

وغربه داخل جلباب الوطن البالى

وغربه حرف ياخذك من سدره منتهاك ... ويضرب بيك الدلجه

[عبدالرحمن مدثر]

مشاركه للانيق اشرف السعيد (سيد الركشه ) جيت بها لتزين المكان والدواخل




سأكتب هنا ..
فأنا رجل أصارع الواقع وإن صرعنى إرتضيته وعشته حتى أصيره ما أنشده من واقع هكذا أقتنعت بما قاله لى صديق شفيف..
سأكتب هنا..
وسأجعل هنا مدائن تسع كل أحلامى وأفعالى ومقدراتى..
سأكتب هنا..
لن أدعو أحدا للكتابة هاهنا..فهاهنا المجيئ طوعا..والعمل طوعا..والحب طوعا..والقناعة طوعا..
سأكتب هنا..
حتى يعمر المكان أو أدفن تحت أوهن البيوت ..بيوت العنكبوت..

[عبدالرحمن مدثر]

خربشه ساى

بخصوص ترشيح نويرى وتثنيه عنكوليبه .. على العين والراااس اكيد

لكن انا طماااع .. وقائد لتنظيم مناهض .. عشان كدا اقل شى دايرين عن طريقو

نشيل (رئيس مجلس اداره ) .. طالما مستشارنا فى جنينه (على الميرغنى ) هاها

[عنكوليب]

سيدي / رئيس مجلس الأدارة ،،،

تحية واحتراما ،،

هلا أنصفنا ،، نصفنا الجميل الراقي ،،،
انهم يدعون أننا لا نعطيهم كل مايجب علينا اعطائه لهم ،،، وقد توالت
التدحيضات لما أشاروا له بهمس الكلمات ورقيق القول ،،، تفانى أهل
مدني لهم ، بأنهم منهم واليهم ،، وانهم لا يشعرون بما يحسون به هــــم
وأننا أكثر حرصا عليهم ، منهم ،،،

منهم من هو جدير بالتكريم والثناء ،،،

تخريمة : لقد تعاهدنا على الشفافية أعزائي ،،،،،

[عاطف عولي]

خربش جابت ال م ال ع

كتاحه بث حلوة

أسئلة بث ما ممنوعة

تطلعات بث مشروعة

بعد الكتاحة بتجي الهبايب ام بروق ورعود

بجيك م ال إ

ماأنت في أخيرة قلت شنو كدي ما عارف

ولو جو

ح تكون المرة الأولي

ومن جنينة لي جنينة

وما بين الروض وتم الباقي خيال

[عبدالرحمن مدثر]

الجزولى صديقى الذى لم التقى به .. لكنه احسه (يتقدل ) فى كل منطقه احساس نديه

انه حديث الروح الذى اكدت عليه من خلال حرفك وتعاملك .. والذى سيجعل المكان راكوبه

يدخلها الهوى من حيث شاء دليل توحد الاحساس والمكان كذلك ...

لكن ياصديقى فى قمه هذا الاحساس الممراح .. قد تجد من يعكر هذا الجو الجميل

قد تكون احيانا (من دون قصد ) .. هذا الذى اتحدث عنه .. وبصحى فى جوانا حاجه

منسيه .. يعنى غربه احساس قاعد ع الهبشه ..


كسره


الاغنيه دى جميله يااااخ ياجزولى .. تعال نشرك بيها سوا ومعاها (طُعم ) تداعيات

السنين ضاعت واحسرتي
لا الطيبة أجدت لا دمعتي 
وكم في الخيال زينت بيك دنيتي
وإحتضنتو غرامك خبيتو في مهجتي
ما كنت متصور في يوم خداع في هواك أصادف
ياريت
ياريتنى كنت عااااااااااارف

[عنكوليب]

ما كنت متصور في يوم خداع في هواك أصادف


خليتنا صُغــــــــــــــــــــــــار يا أبو مُزن ،،،،،

[عبدالرحمن مدثر]

حكمه اليوم :

نقل بوست واحد ... يخلف وراءه 5 بوستاااات ساخطه



اذا المشكله فى (النقل )

[ايمن عبد الله]

ابواسيل .. منور والله .. - وانا ذاااتى شايف انو فى ناس اساسا ماعندهم اسهامات عشان ياخدو الوسااام

- انتو عارفين الوسااام دا اساسا عاملين مقاسوا لناس مدنى بس


الونسه دى مخزنه فى حته قصيه استدعيتها لزوم مايلزم .. ابواسيل مشكور ... ولو لقيت لى لسته بالناس المامن مدنى

واخذوا الوسام تكون ماقصرت .. عشان تزيل ماعلق من ظنون

تسلم يا خرباش ..
وانا معاك في بعض ما كتبت .. واعتقد انه توجد بعض المجاملات ايضاً ولا ننكرها ..
وهناك من عمل في الاشراف لفترة طويلة ورأت الادارة انه يستحق فمنح .. الوسام ..
على فكرة يا عبد الرحمن عندنا في منتدى الجزيرة بنعطي الوسام للاعضاء الذين ينضمون لنا وهم ليسو من آل الجزيرة لأننا نفخر بوجودهم بيننا وهنا الكلام عكس كلام البوست مش كده ؟ ما عارف الصاح نحن هناك ولا الصاح نحن هنا ؟

وتأكد لو الوسام بي يدي لكنت اعطيته وخصصته لغير ابناء مدني لأننا نفخر بأن يكون احد ابناء أي منطقة اخرى بيننا وهذا يشجع البقية الذين يترددون في الانضام للمنتدى ان كانو من اي منطقة اخرى غير مدني .. ولا رأيك شنو ؟
وصراحة انا شايف انه في اعضاء بستحقو الوسام لو نظرنا لمشاركاتهم من حيث الكم والكيف .. مثل الاخ الرائع ود المطامير ومايسة وانت يا عبدالرحمن وغيركم كثر ...

[بدر الدين احمد الطائف]

-
ياخى انت اساسا مامن مدنى ....!!

...



عندى ودخالتى ياودمدثر اتولد فى مدنى وقعد فيها فترة بسيطه وبعد كده رحل الخرطوم .
الان عمره تعدى 35سنة ولوسالته انت من وين يقول من مدنى.
الموضوع ما موضوع بيت وشهادة سكن بقدر ما انه احساس بالانتماء والالفه .
تحياتى ياعبدالرحمن.

[عثمان جلالة]

أنا برضو ما من مدني

لكن مدني وشوارعها ونيلها وشجرها وناسها .... ساكنه جوه الجوه في قلبي ... لأنو أنا بمثلها وهي بتمثلني .. لأنها أمي وأنا ولدها ... ما مهم مولود وين ؟؟ أو في ياتو قريه أو تفتيش المهم إني من الجزيرة الكل ... وعاصمتها ود مدني الجزء .. وأزيدك من الشعر بيت في ناس سودانيين وغير سودانيين بينتموا لمدني لأن ود مدني ساسة صنعوا التاريخ .. ود مدني شعراء وفنانون صاغوا الوجدان الانساني بأكمله .. ود مدني لاعبين كرة قدم صفقت للمساتهم الساحرة المدرجات و و و و و

المشكلة زي ما قالوا الشباب ليست في هؤلاء فقط .. المشكلة مشكلة نظام دولة كامل يدعم بشده إزكاء النعرات والتعصب والجهوية والقبليه ... ولو ما انتبهنا يا حبيب ما بعيد في يوم ترجع ود مدني وعموم الجزيره لزمن الهمبته .. الفيهو الحشاش يملا شبكتو ههههه

"وأبقى العاتي زي سنطتنا .. زي صبرا نلوك في مرو زي الزاد" يا حبيب

الشوق ليك .. وللصلعه .. أقصد للاشراق الفي عينيك ههههه:):)

[أبوعمرو]

.... عبد الرحمن...
الموضوع ده طوووووووووووويل نهايتو في الفيس بوك