عاجل / الادمن خرج من شقته ولم يعد إلا بعد الاتصال بكفيله

[روبش]

بالامس اتصلت على العزيز الادمن بعد ان استقر به المقام نهائياً بدوحة الخير لزيارته في شقته بالمنصورة ، والتي يستعد لتجهيزها لاستقبال العيال بها، وقد ذكر لي بأنه بالجمعية، فذهبت له بالجمعية وهي بالقرب من شقته للسلام عليه ومعرفة مكان شقته بالمنصورة، وبعد تبادل الحديث والترحاب، ركبنا سيارتي للذهاب للشقة وإذا بالادمن يتوه عن الشقة ففضلنا نتجول بين العمارات بين هذه وتلك، وبين هذا الشارع وذلك الجامع، فقد احتار به الدليل ، إلا أن اخرج موبايله واتصل على كفيله هيثم ساتي لمعرفة وصف شقته .... فقد بدأ هيثم بوصف الشقه لي فاستقر بنا المقام جوار شقته التي لا تبعد كثيرا عن الجمعية، فكانت مسألة مخجله جدا للادمن البحث عن مكان الشقه علماً بأنه يردد دائماً أنا ابن مدني ، أنا في امريكا ما تهت ، أنا وأنا ....... ، فحقيقة كان يوم صعيب على الادمن وهو يبحث عن مكان شقته.
اقول ::: قايتو كمل لي الفاين بتاعي الفي العربية من العرق..

اقول ::: يكون الادمن فرحان بجيت العيال

[مدنيّة]

ههههههههههههههههههههههههههههههه
غايتو ياروبش
مايقع في يدك زول

---------
الادمن
وقت ماعارف المكان
الفلهمة العليك شنو!!

---------
ياكفيله
رحل الزول دا عشان ما يكتر الروحات

[الجندي المجهول]

ههههههههههههههههههه
ياخ قطر كلها أصغر من (امبدة) وتروح فيها يا ادمن ،،،

تخريمة : انا كدا ممكن احلف انو الادمن عمرو ما مشى (لاس فيغاس) ..
واعرش على كدا ياروبش (امس قربتو تلحقونا) البركة في ولدنا (القادم)

[روبش]

ههههههههههههههههههههههههههههههه
غايتو ياروبش
مايقع في يدك زول

---------
الادمن
وقت ماعارف المكان
الفلهمة العليك شنو!!

---------
ياكفيله
رحل الزول دا عشان ما يكتر الروحات

والله يا عمتي لو شفتي الجرسه بتاعته
اقول :: ما خلي لي فاين في العربيه من العرق والغريب في الامر الدنيا برد

[روبش]

ههههههههههههههههههه
ياخ قطر كلها أصغر من (امبدة) وتروح فيها يا ادمن ،،،

تخريمة : انا كدا ممكن احلف انو الادمن عمرو ما مشى (لاس فيغاس) ..
واعرش على كدا ياروبش (امس قربتو تلحقونا) البركة في ولدنا (القادم)

الحبيب الجندي اديك العافيه
الادمن اثبت انو ما عنده علاقة بامريكا
اقول :: ولدكم منو يا حبيب
اقول :: انت مسعول من الخير بله جابر وين

[كارلوس2008]

ياجماعة الزول معذور بالو اليومين دي مع العيال القادمين قريبا للدوحة

والشوق للعيال وأم العيال ولا يهمك يابكور حقك علينا الما فسحنــاك

كارلوس

[روبش]

ياجماعة الزول معذور بالو اليومين دي مع العيال القادمين قريبا للدوحة

والشوق للعيال وأم العيال ولا يهمك يابكور حقك علينا الما فسحنــاك

كارلوس

يا كارلوس الادمن ما عامل تفتيحه، ظهر على حقيقته

[هيثم عبدالعال]

الكلام ده حصل أمبارح :confused: !!!






واحد خايف على العدة

[كارلوس2008]

أين التكنولوجيــا في هذه الحالات يا أدمـــن

طالما جاي من أمريكا عليك بالأتي عشان ما تفشلنا ياود جيــرانا وتخلي ناس العشــيـر ودردق يضحكـوا علينا :ــ

احتياجات الدوحــة،

دريــول هندي أو سوداني

خط تلفــون وليس إدخـال رصيــد

بوصلــة لتحديد الإتجاهــات

التعـرف على أقرب سوداني في المنطقـة باسرع وقت ممكن


وربنا يرعاكــم في الدوحــة أصلكـم في ذمتنــــا

كارلوس

[أم سماح]

غايتو يا روبش بالغت عديل
كان تستره وبينى وبينك جية الأولاد مش تنسى الشقة
دى تنسى الزول نفسه و أصحابه كمان
وبركة الجات على كدة

[mahagoub]

روبش والادم
سلام
انت الادمن شايل معاه باقة ودسمير
ولا شنو؟؟

[ahmed algam]

ههههههه ههههه هههههه

روبشكو والله بالغت لكن مع الادمن دا


الكفيل دا ماوصيناهوا علي الادمن

[ايمن عبد الله]

ما بتستر اصلو انت يا روبش يا عتيق .. زي ما قالت عمتك اصلو الواحد مايقع في يدك ..


وانا من ما شفتك في النفاج عرفتك جايبا كبيرة يا عتيق ..

[ود المطامير]

وانا من ما شفتك في النفاج عرفتك جايبا كبيرة يا عتيق ..
الموضوع كان فى العام يا فرده وجابوهو لينا هنى كتر خيرهم والله

يا روبش يا حبيبنا

إن شاء الله بعد داك الادمن وسم العماره بحاجه

[ايمن عبد الله]

الموضوع كان فى العام يا فرده وجابوهو لينا هنى كتر خيرهم والله




أهااااااااا
والله كان كده روبش ده بقى هواء زاتو ...

[مدناوية]

غايتو جنس كشف حال ..
(: (: (:



-----------------------

هو زاتو الأدمن بالغ لكن ..

[روبش]

الموضوع كان فى العام يا فرده وجابوهو لينا هنى كتر خيرهم والله

يا روبش يا حبيبنا

إن شاء الله بعد داك الادمن وسم العماره بحاجه

الحبيب ود المطامير
اديك العافيه
ولي الشرف بلقاءك عبر النفاج
قالوا الواحد لمن يدخل النفاج يشرب قهوة تقيله الحاصل شنو عندكم
اقول ::: قهوتكم كيف عشان نتحكر سمح
اقول :: عندكم بنبر ولا اجيبو معاي

[روبش]

غايتو يا روبش بالغت عديل
كان تستره وبينى وبينك جية الأولاد مش تنسى الشقة
دى تنسى الزول نفسه و أصحابه كمان
وبركة الجات على كدة

لكن نعمل شنو يا ام سماح الادمن عايز يعمل فيها تفتيحه وما سمع الكلام

[روبش]

روبش والادم
سلام
انت الادمن شايل معاه باقة ودسمير
ولا شنو؟؟

العم محجوب اديك العافية
اقول :: باقة ودسمير بقت من المناقل يعني لازم تدخل خط المناقل

[روبش]

ههههههه ههههه هههههه

روبشكو والله بالغت لكن مع الادمن دا


الكفيل دا ماوصيناهوا علي الادمن


اقول : يا علقم الادمن كره الكفيل الدوحة

[روبش]

ما بتستر اصلو انت يا روبش يا عتيق .. زي ما قالت عمتك اصلو الواحد مايقع في يدك ..


وانا من ما شفتك في النفاج عرفتك جايبا كبيرة يا عتيق ..

اقول :: الطواقي كيف الموسم ما بدأ

[روبش]

غايتو جنس كشف حال ..
(: (: (:



-----------------------

هو زاتو الأدمن بالغ لكن ..



مدناوية انشاء الله بعافيه مختفيه الحاصل شنو
اقول ::: الادمن جيت العيال طلعتو خارج الشبكة