المساعد الشخصي الرقمي

مشاهدة النسخة كاملة : خمشو ليك جنس خمشه



نزار احمد كوارتي
19-03-2012, 12:54 AM
خمشو ليك جِنِس خمشه !!!
خمشه ونُص ؟؟؟

هييي يكاااا

دي شنو حركات بحيري دي انا إتبحرتَ يا ربي وللا جنيت ؟؟؟ وفي الحالتين يا ربي انا وين ؟؟؟

هيي يا ربي دي شنو دي كمان حركات ابو النور دي ؟؟؟

غايتو جِنِس غايتو

المُهِم

السلااااااااااااامو عليكوم

وحاة الله جِنِس شوق !!! من هنا لحدي هنا زاتو ( وفقاً لنظرية أن إذا أردت الوصول إلي أقصي الغرب فعليك الإتجاه شرقاً)

عليك الله هسي الزول القال النظريه دي جادي ؟؟؟

مره واحد كسلان ساكن ودكنان عندو مشوار مارنجان دسَّ الجُزلان وفكر إطبق النظريه دي قَبَّل جهة الدباغه ما سمعنا بيه إلا غرقان في النيافه ( النا دي طبعاً معطشه زي بتاعة النانا البقولوها للشفع ديك), قال أقصي الشرق قال !!!

مره الجماعه قاعدين بتونسو وينظرو سااااااي واحد فيهم قال الكُره الأرضيه دي مدوره وبِتلِف حول شنو كده ما عارف وبِتلِف حول نفسها وعامل ليك فيها للجماعه زي الجماعه العاملين لينا فيها شنو ديك ما عارف وبجو بقولو لينا بُكره ما العيد وكيييييييتن ليكم تصومو ديك.

أها في واحد بلدياتنا قاعد وساكت ساااااااااااي خلاه لمن كمل كلامو قال ليه :

هسي الواطه دي الأنحنا قاعدين فوقا دي مدوره ؟؟؟

أييِ

أمانه في زُمتك إنت جادي في البتقول فوقو ده ؟؟؟

أييِ والله

عليكم الله شوفو الجنا ده بقول في شِنو ؟ ياخينا نِحنا من قمنا لقينا الحِلي دي فوق بكانا ده, والبحر داااااااااااك شايفو ؟؟؟

أيي ها مالو ؟؟؟

إن كلامك البتقول فوقو دا صاح, البحر ده مالو يوم ما جا مُنكبي فوقنا شووووووووو كدي, من الله ما خلقنا ما ياهو في بكانو ده ؟؟؟

المُهِم

نسيتونا الخمشه زاتو,

زول كِده عندو كوريلا نضيييييييييفه عاجباهُ جنس عجب, وأيي زول مِدخِل فيها قدومو, ومرات مرات الناس بوقفوهو في الشارع, تبيع ؟؟؟ إقول ليهم مااااااااا للبيع, وبِسوقه مرررررره مره وعلي طول مركونه وماخده راحتها ومِرطِبه رِطوبه جد

هي والله قصة الرطوبه دي زكرتني صاحبي قبل كم يوم ضحكني ليك جنس ضِحِك, قاعدين نتونس السودان وما السودان قام قال لي ياخ عليك الله سودان شنو ياخ, ياخ كان إستحميت العصر ساي وإتريحت وجيت مارق الناس كلهم يقولو ليك عليك الله عان الزول المِرطِب ده.

نرجع للكوريلا

أها صاحبكم سايق عربية الشركه وراكنها ليك ومن فتره لي فتره يطلعها يمشي يغسلها وياخد ليه بيها مشوار مشوارين كده ويجيبا يوقفها, أهااااااااااااا قبل كم يوم كده هفت ليك ليه يقوم يسلم عربية الشركه, وقعد يتفلسف وينظِر وقام سلمها وطلع ليك عربيتو مشي غير ليك ليها أربع لساتك جدااااااااااااد سوووووووووود ومشي ظللها ليك وإشتري ليها مُعطِر وغير الأيم بي 3 وزبطها ليك زي فتة مطعم أحمد بس كابين ليها زيت أدنوك بدل زيت السمسم,

اليوم الأول

اليوم التاني

اليوم التالت

الساعه سبعه إلا خمسه دقايق صباحاً وهو ماشي علي الدوام, والدوام لله وحده

تسمع ليك كووووووووووك تووووف وعينيك ما تشوف إلا دفار وكوريلا مكوجنه خاشه جوه الجزيره الفاصله بين الإتجاهين والحديد الفاصل بتاع عبور المشاه في غضب الله وناس ملمومين وتلاته سيارات شرطه تكورك

أجمل ما في الموضوع العسكري لمن جا سألو قال ليه أحكي لينا الحاصل شِنو ؟؟؟

قال ليهُ بتاع الدفار خمشو ليك جنس خمشه

العسكري قعد يضحك قال ليه يا زول يعني شنو كلامك ده ما فاهمو

هه هه هه هه هه هه هه هه

التقول هو يعني الكان فاهم حاجه ؟؟؟؟؟

عنكوليب
19-03-2012, 12:59 AM
أمانة فييييييييييييييييييي زمتك دي يا نزار ات ما فاهم ؟؟؟؟

انت ،،، تجينا وتقول : ناس القبور واقفين طابور ،،،

شكيت محنك يا المجنن ،،،

بت الناس يا حليلها ،،،

روبش
19-03-2012, 01:13 AM
يا نزار خبارك ده عرس ولا سجاره
اقول ::: جيب المرأة لاهلها احسن قبال ما تلحقك

نزار احمد كوارتي
19-03-2012, 01:26 AM
أمانة فييييييييييييييييييي زمتك دي يا نزار ات ما فاهم ؟؟؟؟

انت ،،، تجينا وتقول : ناس القبور واقفين طابور ،،،

شكيت محنك يا المجنن ،،،

بت الناس يا حليلها ،،،



هههههههههههه
والله الحمد لله بت الناس الوكت داك في سابع نومه,
إنتي قايله شنو يا عنكوليبه هي بتصحي معاي الصباح انا بمشي علي الحمام من دون مؤاخزه وهي بتمشي علي التلاجه
تخلط لي برتكان وتحمر لي بيض بي الطماطموتجيبم لي مع كباية شاي وهي عين مفتحه وعين مغمضه, قبل ما أقول بسم الله بتكون نامت تاني
هسي انا زاااااااتي كان شفتيني بعد العرس لوني بقه بُرتُكاني وقام لي ريش

نزار احمد كوارتي
19-03-2012, 01:33 AM
يا نزار خبارك ده عرس ولا سجاره
اقول ::: جيب المرأة لاهلها احسن قبال ما تلحقك

إنت قايل شنو يا روبش

وحات الله العرس ده مرات مرات أقوي من السيجاره
هو زاتو هسي السيجاره بت الناس دي الناس بشربوها نفس نفس
لكن العرس ده بعدمك النفس مرررررره واحده

قلت لي قبل ما تلحقني ؟؟؟

تلحقني وتنقُدني موش كِده ؟؟؟

بالزقاق:-

ياخ جماعتكم ديل دايرين يفتحو فيز الإقامات متين ياخ ؟؟؟

عنكوليب
19-03-2012, 01:45 AM
هههههههههههه
والله الحمد لله بت الناس الوكت داك في سابع نومه,
إنتي قايله شنو يا عنكوليبه هي بتصحي معاي الصباح انا بمشي علي الحمام من دون مؤاخزه وهي بتمشي علي التلاجه
تخلط لي برتكان وتحمر لي بيض بي الطماطموتجيبم لي مع كباية شاي وهي عين مفتحه وعين مغمضه, قبل ما أقول بسم الله بتكون نامت تاني
هسي انا زاااااااتي كان شفتيني بعد العرس لوني بقه بُرتُكاني وقام لي ريش

يعني بقيت فرخ بط

نزار احمد كوارتي
19-03-2012, 02:05 AM
يعني بقيت فرخ بط

شكيت محنك جبتي التشبيه ده من وين ؟؟؟

mahagoub
19-03-2012, 07:45 AM
وانا اقول الزول ده بقى يكاكى مالو

ود المطامير
19-03-2012, 08:32 AM
الحبيب
والله دى سلامه كبييييره والحمد لله
ولازال حاجز الشارع مكسر

يا جماعه هووووى اعملو ليهو كشف

ود المطامير
19-03-2012, 08:35 AM
يا نزار
إنتا سواقتك طلعت ذى سواقة ناس هنايه ;)

عنكوليب
20-03-2012, 05:31 AM
وانا اقول الزول ده بقى يكاكى مالو

يا المحجوب هو ال بكاكي البط ولا الجداد ؟؟

عنكوليب
20-03-2012, 05:33 AM
الحبيب
والله دى سلامه كبييييره والحمد لله
ولازال حاجز الشارع مكسر

يا جماعه هووووى اعملو ليهو كشف

بت حربي : جوز صواميل دماغ

يوي يوي يوووووي



اها تموا الباقي ،،،،

mahagoub
20-03-2012, 07:08 AM
الف حمد لله على السلامه
انا كنت قايلوا موضوع نفاجى
والجاتك فى حديدتك سامحتك


تانى اكل بيض

mahagoub
20-03-2012, 07:10 AM
يا المحجوب هو ال بكاكي البط ولا الجداد ؟؟

البكاكى نزار
بكاكى ويبيض

isamzaki1978
20-03-2012, 10:07 AM
الحبيب
والله دى سلامه كبييييره والحمد لله
ولازال حاجز الشارع مكسر

يا جماعه هووووى اعملو ليهو كشف


يا نزار
إنتا سواقتك طلعت ذى سواقة ناس هنايه ;)


الف حمد لله على السلامه
انا كنت قايلوا موضوع نفاجى
والجاتك فى حديدتك سامحتك


تانى اكل بيض

الف الف حمد لله على السلامة يا نزار يا سغيرونى
وزى ما قال عم محجوب الجاتك فى الهديده ثامحتك

وانا بقرأ فى الموضوع لما وصلت كوريلا قلت ايييييييييييييك يا حرمشة كوريلا وجزيرة طوالى افتكرتو موضوع نفاجى يدور شيخ مطرة لكن طلعت انت المدور

لكن بتاع الدفار خمشو ليك جنس خمشة

مناقب قوم عند قوم فوائد

الف حمد لله على السلامة

وانا من هنا ارشح هذا البوست لجائزة بوست النفاجى المميز

ويا سعادة المشرف البوست دا ما مثبت

نزار احمد كوارتي
21-03-2012, 11:49 PM
وانا اقول الزول ده بقى يكاكى مالو

يا عم محجوب زكرتني مثل حلو (هو يا ربي ده مثل واللا النوع ده بسموهو شنو) زمااااااااااان كنت بقولو كتير خلاص

تكاكو عندنا وتبيضو عند الجيران ؟؟؟

نزار احمد كوارتي
22-03-2012, 12:01 AM
الحبيب
والله دى سلامه كبييييره والحمد لله
ولازال حاجز الشارع مكسر

يا جماعه هووووى اعملو ليهو كشف


وحاة الله كلو ما أجي ماشي بي جنب المحله الكسرتها ديك كراعي برااااااااها تترفع من الأبنص

نزار احمد كوارتي
22-03-2012, 12:21 AM
يا نزار
إنتا سواقتك طلعت ذى سواقة ناس هنايه ;)


هههههههههههه

تعرف يا الحبيب عندنا ود جيرانا كده النوع البحب السواقه و ونستو كلها قرصتو ليك في الشارع وختيت ليها نمره كم كده ما عارف وشنو وشنو, أها يوم كده نسيبو جاهم سايق أمجاد وقفها قدام البيت وخشا بي جاي صاحبك الشليق سرقها بي جاي وشارع الكريبه جاك زول, صاحبك بس وصل جهة الزريبه ديك والقلبه التالته كندك ليك العربيه في نُص البَعَر,
أها لمن لاقيناهو وسألناهو قعد يحكي لينا بي مزااااااج, قال لينا والله كان شفتو قلبتها ليك بي طريقه!!! أحرف سواق ما يقلبها بيها

هسي يا عمك عليك أمان الله انا الحادث السويتو ده أحرف سواق ما يقدر يعمل زيو

نزار احمد كوارتي
22-03-2012, 12:25 AM
يا المحجوب هو ال بكاكي البط ولا الجداد ؟؟


بِهنِق البعوض

نزار احمد كوارتي
22-03-2012, 12:28 AM
بت حربي : جوز صواميل دماغ

يوي يوي يوووووي



اها تموا الباقي ،،،،


صواميل تجاريه ما بتنفع معانا من هسي كلمتك

نزار احمد كوارتي
22-03-2012, 12:39 AM
الف حمد لله على السلامه
انا كنت قايلوا موضوع نفاجى
والجاتك فى حديدتك سامحتك


تانى اكل بيض


الله يسلمك يا الحبيب والله بالجد سلامه

والحديد طاير

قلت لي أخلي أكل البيض ؟؟؟ منطقتنا دي ما فيها مستشفي علاج إدمان, ياخي انا بقيت بفتح عيني من النوم بقول لي المدام صفار الخير وبياض الورد.

نزار احمد كوارتي
22-03-2012, 12:54 AM
الف الف حمد لله على السلامة يا نزار يا سغيرونى
وزى ما قال عم محجوب الجاتك فى الهديده ثامحتك

وانا بقرأ فى الموضوع لما وصلت كوريلا قلت ايييييييييييييك يا حرمشة كوريلا وجزيرة طوالى افتكرتو موضوع نفاجى يدور شيخ مطرة لكن طلعت انت المدور

لكن بتاع الدفار خمشو ليك جنس خمشة

مناقب قوم عند قوم فوائد

الف حمد لله على السلامة

وانا من هنا ارشح هذا البوست لجائزة بوست النفاجى المميز

ويا سعادة المشرف البوست دا ما مثبت


تعرف يا هترشه تاني يوم من الحادث شديت لي عربيه هكره كده من واحد زميلنا, أها وانا جايي من غياثي ألقي ليك عربيه قدامي طالعه من الدوار لمن عاينت ليها حمدت الله علي عربيتي الراكبها وحسيت نفسي راكب جاكوار, قلت كدي النوري ليك الفاره ده عضلاتي

وعصرت ليك العربيه وجيت مخرم ليك منو, كحلت كده جوه العربيه لقيتو ليك سوداني بس شكلو ما واضح كويس جوه العربيه مشيت مساااافه كده والزول جاري بي وراي بس كان جاني ليك تلفون من مطاميرو, فتحت الخط لقيتو ليك بضحك قال لي السايق المتسوبيشي ده إنت ؟؟؟

عنكوليب
22-03-2012, 12:57 AM
بِهنِق البعوض
:p:o:p
مممممممم

isamzaki1978
23-03-2012, 12:00 PM
تعرف يا هترشه تاني يوم من الحادث شديت لي عربيه هكره كده من واحد زميلنا, أها وانا جايي من غياثي ألقي ليك عربيه قدامي طالعه من الدوار لمن عاينت ليها حمدت الله علي عربيتي الراكبها وحسيت نفسي راكب جاكوار, قلت كدي النوري ليك الفاره ده عضلاتي

وعصرت ليك العربيه وجيت مخرم ليك منو, كحلت كده جوه العربيه لقيتو ليك سوداني بس شكلو ما واضح كويس جوه العربيه مشيت مساااافه كده والزول جاري بي وراي بس كان جاني ليك تلفون من مطاميرو, فتحت الخط لقيتو ليك بضحك قال لي السايق المتسوبيشي ده إنت ؟؟؟

هاهاهاهاهاهاها
يا نيزو قلت تورى حاجة طلع زميل " الله يغربلك يا عروة"

تخريمة : يا نيزو اسعل السعال دا لى شيخى مطرة وقول ليه احكى لى قصة مقولة الله يغربلك يا عروة عشان انا كنت غايب ما حاضر القصة دى

mahagoub
24-03-2012, 03:21 AM
يا عم محجوب زكرتني مثل حلو (هو يا ربي ده مثل واللا النوع ده بسموهو شنو) زمااااااااااان كنت بقولو كتير خلاص

تكاكو عندنا وتبيضو عند الجيران ؟؟؟

هو انتا لازم تستحما