كان عمرك طال بتشوف ضبح الجمال

[الشمشار]

سلام من الله عليكم
عنوان البوست غريب كألعاده
كان عمرك طال بتشوف ضبح الجمال
(بضم الجيم والمقصود الابل )
وتنطق بالضم رغم ان الكلمه جمال بكسر الجيم لكن بالعاميه يقال الجمال بالضم
والعنوان اعلاه هو مثل سوداني جميل من تراثنا الرائع ويعني
ان طال بك العمر ستري الشئ الغريب والعجيب لان الجمال او الابل لاتذبح بل تنحر
والتشبيه ضبح الجمال كنايه عن الشئ المستحيل حدوثه او الغريب ان يحدث
قبل ان ادلف للموضوع
كل سنه وكل الامهات بخير اليوم عيد الام والموضوع ذاتو عندو علاقه بالامهات
ثوووووووواني جااااااااي

[الشمشار]

اليوم صحيت بدري علي غير العاده
(اتعودت لي علي كسل وخماله غايتو اليومين دي خلوهم ساي )
في الحقيقه انا مانمت خالص او يعني ممكن تقولو زي نوم الديك في الحبل
والسبب انو الليله يوم 21 مارس
عيد الام
ربي يخلي كل الامهات ويرحم من توفين الي رحمه مولاهن واولهم والدتي رحمه الله عليها
قلت انو الليله عيد الام الاتعودت من 3سنه مرت انو احتفل بي في دار المسنات
مع ماما عشه
واي زول مابعرف منو ماما عشه الرجاء زياره موضوع من دار المسنات حسره وآهات علي الرابط التالي
http://wadmadani.com/vb/showthread.php?t=43644&highlight=
نرجع للموضوع عدم نومي
كنت منتظر الشمس تشرق عشان اكحل عيوني بماما عشه
ذهبت الي دار المسنات مرات عده
وفي كل مره كنت اخرج بحصيله من العبرات والاحزان تكفيني لعام كامل والشمس شرقت وانا جهزت نفسي للذهاب للدار
كدي انا جاااااااااااااي

[الشمشار]

اعذروني للفواصل فكل ما اتذكر ماجري ومايجري هناك في تلك الدار اجد نفسي سجينآ لدموعي وعبراتي عن الكتابه حتي اكون عقلانيآ في كتاباتي وان اجنب العاطفه بعيدآ في مناقشه مايحدث
ولاتلوموني ان احسستم ان العاطفه هي من تسير كلماتي
ذهبت الي دار المسنات
دلفت للدار واتجهت الي حيث ماما عشه وجدت معها امرأه مسنه هي نزيله جديده في دار التعيسات نعم هي دار التعيسات وليس المسنات
فما اتعس من ان يتنكر لك اولي القربي ويتركونك في كبرك وحيدآ حزينآ يائسآ
بعد السلام علي ماما عشه عرفتني بماما ستنا وماما ستنا امرأه في السبعين من العمر تقريبآ
اتت بها ابنتها التي وجدت فرصه ذهبيه في فك البوره من عريس غفله اتزوج غافله واجبرها انها تترك امها في دار التعيسات لتتمتع معه بحياه قد تظنها الان سعيده لكنها ستشرب من نفس الكأس واتمني صادقآ من الله ان يمد في عمري وعمر ماما ستنا لنري هذا اليوم
جااااااااااااي احكي ليكم حواري مع ماما ستنا

[الشمشار]

انا
حاجه ستنا ازيك
هي
اهلا ياولدي
انا
شايف ماما عشه بقت صاحبتك
هي
مالينا غير بعض بعد اولادنا نكرونا كبرناهم وفاتونا ياولدي مخير الله
(نطقت بهذه الكلمات بحزن كبير والم عظيم)
حاولت تغيير الموضوع حتي لاتفضحني دموعي وعبراتي
انا
الجو الليله سمح اخير من الايام الفاتت يعني جو كويس اخير من السخانه
هي

من محلنا ده مابنمرق خلاص ياولدي فات علينا الفوات يا الله حسن الختام
انا ممازحا
ياحاجه لسه انتو شباب هسي انا جيت لي ماما عشه دي جايب ليها عريس
ضحكت ماما عشه
والله معاويه ولدي مطموس خلاص
واردفت انت موش قلت لي بجيب خطيبتي معاي وينه ؟
ضحكت ومازحتهم
خايفها تغير منكم
ابتسمت ماما ستنا وحدقت فيي مليئآ وقالت لي فجأه الجابك لينا شنو؟
انا
كيف الجابني ليكم شنو؟ انا جيت ازوركم
هي
ياولدي انا من جابوني هنا مافي زول جاء زارنارمونا وما جونا
انا
انتي جيتي هنا متين ؟
سرحت في البعيد كأنها تتندم علي اليوم الذي رزقت فيه بتلك المسماه ابنتها
تمتمت
قبل 5 شهور
انا
ومافي زول جاء زارك
هي
اذا كانت بتي اقرب الناس لي هي الجابتني هنا ياولدي حيجي يزورني منو؟
ياحليهم جيراني لو عارفين انا وين كانو جوني وونسوني ولاكانو ساقوني
وانخرطت في نوبه بكاء حار ومعها ماما عشه
كانتا تبكيان مجتمع تهتك وقيم قبرت وقلوب تحجرت وضمائر ماتت اما انا فكنت في دواخلي استرجع هذا المثل
كان عمرك طال بتشوف ضبح الجمال
واتأسف علي ذبح الاخلاق والمثل والاعراف والمبادئ الجميله التي كنا نتصف بها قبل ان ننزلق للدرك السحيق الذي وصلنا اليه
ليتني لم يطل عمري لاري زمن يتخلي فيه الابناء عن ابائهم
البحيا بشوف
والبتسوي في والدك بقالدك
واعمل ماشئت فكما تدين تدان
وتذكر ان الديان لايموت
فتكم بي عافيه

[الشمشار]

اهااااااااااااا
تااااااااااااااني رجعتو لي عاده عدم الردود والاكتفاء بالمشاهده
ماتكتلو البوست الموضوع حيوي وهام ويحتاج ارائكم
شوله
ده المنتدي الوحيد المافيه ردود علي الموضوع ده انا كاتبو في كم منتدي وماشاء الله الردود كتيييييره ماتطفشوني منكم

[الشمشار]

المشاهدات 57
الردود 0
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عنكوليب]

معاوية العزيز ،،،
اولا طفشان ليك مااااافي ،،،

كنت اسكن الحارة الرابعة بالثورة ،،، في يوم من الايام سمعت صراخ امرأة وعويل اخرى ،،
فخرجت مسرعة نحو الباب ، فوجدت بنتا في ريعان الشباب تجري وتبكي وتسيء لوالدتها التي
تجري وراءها وهي تصرخ بها ان تعود للمنزل وهي رافضة ،،

عرفت بعد ذاك انها بنت عاق ( اعوذ بالله ) ،، وهي على علاقة غير سوية مع ابن الجيران
وتركت منزلها وهي تسيء لأمها ،،،

وكان حديث الناس القدامى بالحي : ان هذا السيناريو مكرر مع أمها نفسها ، وقد جرت بنفس
الطريقة من والدتها وهي تسيء لها ،،،،

[عنكوليب]

معاوية العزيز ،،،
اولا طفشان ليك مااااافي ،،،

كنت اسكن الحارة الرابعة بالثورة ،،، في يوم من الايام سمعت صراخ امرأة وعويل اخرى ،،
فخرجت مسرعة نحو الباب ، فوجدت بنتا في ريعان الشباب تجري وتبكي وتسيء لوالدتها التي
تجري وراءها وهي تصرخ بها ان تعود للمنزل وهي رافضة ،،

عرفت بعد ذاك انها بنت عاق ( اعوذ بالله ) ،، وهي على علاقة غير سوية مع ابن الجيران
وتركت منزلها وهي تسيء لأمها ،،،

وكان حديث الناس القدامى بالحي : ان هذا السيناريو مكرر مع أمها نفسها ، وقد جرت بنفس
الطريقة من والدتها وهي تسيء لها ،،،،

[عثمان جلالة]

العزيز معاوية لك مني كل الود

فعلا ما طرحته هنا حيوي وهام ... وتعرف أنا أحي شجاعتك في السرد وتفصيل المشاعر وفي قدرتك على الدخول في مجتمعات هذه الدور ... دار العجزه، دار الاطفال فاقدي النسب.... لأنها تهزك من الداخل وتريك جانب سيء ووجه قبيح من تعامل البشر مع بعضهم البعض .... وهي ظواهر غريبة على مجتمعاتنا التي كانت تتميز بالترابط والقيم الجميلة ... لكن ما سردته هنا يجعل العين تدمع .. والقلب يحزن ... أنا غايتو يمكن قبل ما أدخل أي واحد من الدور دي كان دار عجزه ومسنين أو أطفال فاقدي النسب بفكر ألف مره لأنو عارف ما ح أشوفوا في داخل هذه الدور من مآسي يمكن عمري ما أنساه .. لكن برجع وبقول لازم ندخل عشان نحس بمعاناة الآخرين وعشان نعرف كيف الانسان ممكن يكون قاسي وشرير تجاه أخوهو الانسان .. لكن شر وقسوه تجاه أمك؟؟؟!!!! فعلا دي غريبه وما مبلوعه تماما زي عنوان البوست.

كل الود،،،،

[عاشق الترحال]

جعلتني ابكي ،،،حتي ارتوت خدودي من دموعي

ايا صديقي ،،،،انا موعود بزياره معك الي تلك الدور ،،،اليس كذلك .

حتي تعرفني عليهم لانك ،،،علي معرفة تامه بهم

ووفقك الله في ما تصبو اليه .

متخاف يازول ،،،ماهسي ،،،بعد اجي راجع من بلدي الفيها دي .

نسيت اقول ليك ،،،حق المواصلات،،، علي

[الشمشار]

معاوية العزيز ،،،
اولا طفشان ليك مااااافي ،،،

كنت اسكن الحارة الرابعة بالثورة ،،، في يوم من الايام سمعت صراخ امرأة وعويل اخرى ،،
فخرجت مسرعة نحو الباب ، فوجدت بنتا في ريعان الشباب تجري وتبكي وتسيء لوالدتها التي
تجري وراءها وهي تصرخ بها ان تعود للمنزل وهي رافضة ،،

عرفت بعد ذاك انها بنت عاق ( اعوذ بالله ) ،، وهي على علاقة غير سوية مع ابن الجيران
وتركت منزلها وهي تسيء لأمها ،،،

وكان حديث الناس القدامى بالحي : ان هذا السيناريو مكرر مع أمها نفسها ، وقد جرت بنفس
الطريقة من والدتها وهي تسيء لها ،،،،

عنكوليب ازيك
لا صدقيني بالطريقه دي بطفش ههههههه
ماذكرتيه يندرج تحت ماذكره المثل
التسوي في والدك بقالدك
شكرآ للاضافه ياعنكوليب
شوله
رائيك شنو في مقترح يوم ترفيهي تعملو منتديات ود مدني للمسنات ديل نمش ليهم كل شهر مره نونسهم ونقعد معاهم ونحسسهم بادميتهم ؟

[الشمشار]

العزيز معاوية لك مني كل الود

فعلا ما طرحته هنا حيوي وهام ... وتعرف أنا أحي شجاعتك في السرد وتفصيل المشاعر وفي قدرتك على الدخول في مجتمعات هذه الدور ... دار العجزه، دار الاطفال فاقدي النسب.... لأنها تهزك من الداخل وتريك جانب سيء ووجه قبيح من تعامل البشر مع بعضهم البعض .... وهي ظواهر غريبة على مجتمعاتنا التي كانت تتميز بالترابط والقيم الجميلة ... لكن ما سردته هنا يجعل العين تدمع .. والقلب يحزن ... أنا غايتو يمكن قبل ما أدخل أي واحد من الدور دي كان دار عجزه ومسنين أو أطفال فاقدي النسب بفكر ألف مره لأنو عارف ما ح أشوفوا في داخل هذه الدور من مآسي يمكن عمري ما أنساه .. لكن برجع وبقول لازم ندخل عشان نحس بمعاناة الآخرين وعشان نعرف كيف الانسان ممكن يكون قاسي وشرير تجاه أخوهو الانسان .. لكن شر وقسوه تجاه أمك؟؟؟!!!! فعلا دي غريبه وما مبلوعه تماما زي عنوان البوست.

كل الود،،،،

اخي عثمان
اي شئ هناك مامبلوع للاسف
الامر لايحتاج الي شجاعه الامر يحتاج الي اراده علي الفعل
اي زول ماشي انا متبرع اسوقو
اي زول داير اي معلومه انا موجود
الشئ المؤسف يا اخوي عثمان اني كما ذكرت في بدايه هذا البوست انني ذهبت للدار مرات عده وفي كل مره اجد مايمخول راسي عدييييييييييل
ربك يستر

[الشمشار]

جعلتني ابكي ،،،حتي ارتوت خدودي من دموعي

ايا صديقي ،،،،انا موعود بزياره معك الي تلك الدور ،،،اليس كذلك .

حتي تعرفني عليهم لانك ،،،علي معرفة تامه بهم

ووفقك الله في ما تصبو اليه .

متخاف يازول ،،،ماهسي ،،،بعد اجي راجع من بلدي الفيها دي .

نسيت اقول ليك ،،،حق المواصلات،،، علي

عاشق الترحال
ربي يوصلك بالسلامه البلد دي وانا علي استعداد
وحق المواصلات صدقني مابنضطر ندفعو لا انا لاانت

[عبدالرحمن مدثر]

حق المواصلات على انا

شمشااار .. ماعارف اقول شنو ياخى ..

معقوله فى الدنيا دى فى بشر زى ديييل ..

شكرا لاحساسك الذى نقلنا الى هناااك ... وهناك صعب الاحتمال

لمن تكون باحساسك حاضر بين امهااات ليست تعيساات .. لكنهن فى اغرب حاله

يرضعن الابناء والبنات بيااض اللبن .. وصفاء النيه

ويجدن المقااابل سواااد فى القلب .. وتصرف لازلت احسبه دخيل علينا

لانو نحن من قمنا .. كان احساس انو تكون الحله كلها امهاتك

والحوش الكبير

والقلب الكبير

والحضن الدااافىء

الحاجات دى كنت مفتكرها دخيله علينا ممكن نشاهدها فى مسلسل .. فى دراما اجنبيه

لكن عندنا هنا

آآآآآآآآآآآآآآآآآآآآآآآآآه

وآآآآآآآآآآآآه لو تفيد مكلوم

****

من احساسك الوريف دا ... ليتنا نجتمع سويا .. ونذهب ساعه

نشارك الامهات بعض الحزن

وندخل فى نفوسهن السرور الذى خرج من بااااب كبير

تحياتى

[عنكوليب]

عنكوليب ازيك
لا صدقيني بالطريقه دي بطفش ههههههه
ماذكرتيه يندرج تحت ماذكره المثل
التسوي في والدك بقالدك
شكرآ للاضافه ياعنكوليب
شوله
رائيك شنو في مقترح يوم ترفيهي تعملو منتديات ود مدني للمسنات ديل نمش ليهم كل شهر مره نونسهم ونقعد معاهم ونحسسهم بادميتهم ؟

أبصم بالعشرة ،،،

[بدر الدين محمد]

عندنا في الحلة حمعية لنسوان الحي .. قامو مشو زيارة لدار المسنات واخدو معهم مواد تموينية وحنا وريحة وقضوا يوم كامل في مؤانستهم وحننوهم ووعدوا بأن يكونوا هم امتداد لاسرهم المفقودة

يا ريت لو كل نساوين الجمعيات يترددوا على دور المسنات

[wad alballal]

عارف يا معاوية زمااان كان عندي ود عمي طبيب وكان بقضي في الزاميتو في دار الامل بالمايقوما اعتقد ... وكنت بمشي معاهو مرات كتيرة ... وكنت بشوف حكاوي وقصص تقطع مصارين البطن والله وتقريبا دار المسنين ودار الايتام وجهين لعملة وااااحدة ربنا يتولاهم بي رحمتو ..
اعتمدوني معاكم في الزيارة ...

[الشمشار]

حق المواصلات على انا

شمشااار .. ماعارف اقول شنو ياخى ..

معقوله فى الدنيا دى فى بشر زى ديييل ..

شكرا لاحساسك الذى نقلنا الى هناااك ... وهناك صعب الاحتمال

لمن تكون باحساسك حاضر بين امهااات ليست تعيساات .. لكنهن فى اغرب حاله

يرضعن الابناء والبنات بيااض اللبن .. وصفاء النيه

ويجدن المقااابل سواااد فى القلب .. وتصرف لازلت احسبه دخيل علينا

لانو نحن من قمنا .. كان احساس انو تكون الحله كلها امهاتك

والحوش الكبير

والقلب الكبير

والحضن الدااافىء

الحاجات دى كنت مفتكرها دخيله علينا ممكن نشاهدها فى مسلسل .. فى دراما اجنبيه

لكن عندنا هنا

آآآآآآآآآآآآآآآآآآآآآآآآآه

وآآآآآآآآآآآآه لو تفيد مكلوم

****

من احساسك الوريف دا ... ليتنا نجتمع سويا .. ونذهب ساعه

نشارك الامهات بعض الحزن

وندخل فى نفوسهن السرور الذى خرج من بااااب كبير

تحياتى

حبااااااااااااااابك تلفوني عندك في اي وقت حابي تمشي نمش سوا

[الشمشار]

أبصم بالعشرة ،،،

كلااااااااااااام جمييييييييييييل جدآ