حلو الكلام ... كمال الدين المرضي

[خالد علونى]

المتابع للنشاط الادبي الثقافي علي المواقع الاجتماعية يلحظ الوجود الفريد للقامة صاحب المفردة المتميزة الاستاذ كمال الدين المرضي وهو بلا شك من المجيدين في مجال شعر المرابيع والممتلكين لناصية الشعر في هذا الضرب الفريد من ضروبه
لذلك دعونا نطلع عن كثب لما خطه بنانه
وقبل ذلك نقول ان الاستاذ كمال الدين المرضي من مواليد 1956م، ودرس في جامعة أم درمان الإسلامية كلية الآداب قسم الصحافة والإعلام ويعمل في ديوان الحكم المحلي
........

[خالد علونى]

موعود بي عشقك
قبل العين ماتبدا الشوف
وبديت إتذكر
إنك كنتي الصرخة الأولي
مع الميلاد
الإيد القطعت حبل الصرة
الضحكة الكبري
الفرح الساكن بطن الجوف

[خالد علونى]

اريد الإشارة إلي نقطة مهمة ان كل القصائد والمرابيع التي أُدرجها في هذا الموضوع هي في الاساس عبارة عن كتابات الاستاذ كمال الدين المرضي وخلاف ذلك سأشير إليه بما يحدد مساره

[خالد علونى]

القلب إتحول _ يد بتأشر
من شباك الغيم الشال
في لحظة قليبك كان إتحول
بين شفتين في أحلي تعال
يا أحلي تعال إتقالت مره
وفضلت ساقية حنين ووداد
يازول بتراد

[ياسر عمر الامين]

دائما ما تاتينا بالروائع يا رائع...

وحتزداد الروعه اكتر لو سطرت تعريف "بسيط" بشعر المرابيع...

[خالد علونى]

دائما ما تاتينا بالروائع يا رائع...

وحتزداد الروعه اكتر لو سطرت تعريف "بسيط" بشعر المرابيع...

الحبيب ياسر اسعد الله مساك
.. المسادير أو مرابيع الشعر ضرب من شعر اشتهر به أهل البادية ..
وهو فن جميل ويتطلب ملكة و زخيرة لغوية عالية لاختزال كم من المعاني الجميلة
.. في العدد القليل من ابيات الشعر ..
وفي الحقيقة أنا معجب كثيرا بهذا النوع من الشعر لما فيه من سلاسة وجمال من حيث المفردة والمضمون

[خالد علونى]

شايقني سيد الشوق
شقيت بحر شوقي

قاصد السماح والذوق
نار الغرام فوقي

ألقاهو قصدي أروق
سيد ريدي سيد زوقي

وبعد وصلت القيف
قال ليا عندك أقيف
صداني معشوقي

[خالد علونى]

قالت جايه
فرحه داخل الروح المنوره آيه
البتقود علي الريد والحنان ودايه
شوفتن تسعد البال المشعتف غايه

[خالد علونى]

علمتيني أغني عشانك
أحاول أرتب كل حياتي وأرجي مع اشواقي زمانك
وامد إيديا
مع الحنيه
تداعب في صبحيه بنانك
ألقي حناني يضوي معاني
يعانق في إحساسو حنانك
وبيننا الريد يمتد مواسم
وأنا أكتبلك ألف روايه
وكل حكايه
تغني عشانك
وأنا راجيكي وراجي زمانك

[خالد علونى]

فيك سر شوفي مرواد العوينات وصلك
وعالي سماك بهاك ضاوي وكريم في أصلك
ياالبتعالجي جرح الروح.. .يروح.. بي مصلك
دروس قانون هواك... نزلن غزار. في فصلك

[خالد علونى]

بتضوي الصباح.....شوفتو.. وتزيد إشراقو
وتسعد فيهو.... منطقة. ساها ضلمة. فراقو
يارب السري......... وفرحن تشيلو. براقو
تفرح قلبي... بي ناسن سعيدييين . راقو

[خالد علونى]

شقيت لجة.... لجن خوف.... بنات أفكاري
ومن دبوكة سايقة الشوق.. شقني. بكاري
جفلن.... أبعدن.. صدن........ جفن تزكاري
خليت ردهن ... وصفيت..... معاي. أذكاري

[عاشق الترحال]

خالد التحيه لك ولـ كمال المرضي


ونحن في انتظار جيت المرضي يا علوني

[محمد الجزولى]

شكرا يا خالد ياخ
وأنت تتحفنا بهذا الضرب من الشعر
خشيت على صفحة الاستاذ كمال المرضي ولقيتها مليانه إبداع
عجبني من مرابيعه
ومن سمح النميم قالت غناها الغالي
قنديل كلو معزولن متمر وحالي
ياست العفاف البي الحنان حافالي
روحي وحس بهاي زاد تجرتي وراسمالي
شكرا علوني
وشكرا للمبدع كمال المرضي

[أم سماح]

خالد علونى التحية والشكر لك على هذا السرد وهذا الشعر
وا لتحية موصولة أيضا للأستاذ / كمال المرض
بس فى خاطرى سؤال وهو .. ماهى العلاقة بين كتابة الشعر وقبيلة الضباط الإداريين
أمثال جابر حسين - كمال المرضى - كامل عبد الماجد ومامون محمد عباس
متعهم الله بالصحة والعافية

[خالد علونى]

خالد التحيه لك ولـ كمال المرضي


ونحن في انتظار جيت المرضي يا علوني


عاشق الترحال

لك التحايا تترى ولكل شعراء بلادي

وأنا أرجو ذلك معك

[خالد علونى]

شكرا يا خالد ياخ
وأنت تتحفنا بهذا الضرب من الشعر
خشيت على صفحة الاستاذ كمال المرضي ولقيتها مليانه إبداع
عجبني من مرابيعه
ومن سمح النميم قالت غناها الغالي
قنديل كلو معزولن متمر وحالي
ياست العفاف البي الحنان حافالي
روحي وحس بهاي زاد تجرتي وراسمالي
شكرا علوني
وشكرا للمبدع كمال المرضي

الشفيف ود الجزولي



ياااااااا ياخ والله طولنا منك في الثقافي هنا ياخ

الاستاذ كمال المرضي صاحب حرف شجي
تسرح بين ثنايا حروفه
وتغوض في دوامة ممتعه
لا يخرك منها إلا حرف جديد لتدلف إلي أخري


كن دوما يا حبيب بكل الود

[خالد علونى]

خالد علونى التحية والشكر لك على هذا السرد وهذا الشعر
وا لتحية موصولة أيضا للأستاذ / كمال المرض
بس فى خاطرى سؤال وهو .. ماهى العلاقة بين كتابة الشعر وقبيلة الضباط الإداريين
أمثال جابر حسين - كمال المرضى - كامل عبد الماجد ومامون محمد عباس
متعهم الله بالصحة والعافية

ام سماح أسعد انا حين أوثق لأحد قامات بلادي
وأسعد جداً عندما يقول لي بـ(إن لي الشرف أن انتمي لمدني بأي صيغة فهي معقل الأدب)


سؤالك أختي أم سماح يحتاج للرجوع إلي المكتبة لقيلا لإيجاد مداخل ومخارج بين المهنة والموهبة

لكن هناك رابط آخر في من ذكرتهم فالاستاذ كامل عبد الماجد هو صاحب (حنتوب الجميلة)
والاستاذ جابر حسين هو من خريجي حنتوب وهو مقيم بود مدني

أختي أم سماح لي عودة إن شاء الله


إلي ذلك الحين
كوني دوما بكل الخير

[mahagoub]

يا خالد
حق الحبر بندفعه ليك
ارجع كبر حجم الخط عشان نستمتع بما تكتب

[خالد علونى]

قانص... وبي جواد صيدي. ونفس, رجاية
ونايمة حظوظي....... لولاية الغنا. الحجاية
سهم الصيد.... رميتو...... و جلتو. أم نجاية
نفسي أصبري ..نرجي من القنيص. الجاية
(وشن في الدنيا غير صبر الرشيد الحاري!!!)










اها يا عم محجوب كده كيف معاك

[عاشق الترحال]

اها يا عم محجوب كده كيف معاك



لسه لسه زيدو ليهو شويه

[خالد علونى]

وعنب الشام ....نزل رسم الفرح في شفايفك
حسنك خمرو..... يسكرنا. وتروعنا..رشايفك
كعبة عاشقين......طرب السعد لي الشايفك
يبقي هناهو متموم... شرقة ..... خلي الطايفك

[خالد علونى]

تصبح عافية يا الحسنك مرايتي وشوفي
وعسلن من صفا نفسك لذيذ مرشوفي
الضاريتو من الناس صبح مكشوفي
ماهماني يانفسي وبراك بتشوفي

[خالد علونى]

كيف أصبحتو..... من ليلن ضلامو. عصيبكن
عافية. سرور .حبور.. تبقي السعادة. نصيبنكن
يزيد وادي المحبة................حنان . تملي خصيبكن
تنجو من الشرور.......شين الأمور. مايصيبكن

[خالد علونى]

محتاااااج..جلسة..مي في خلسة .قداام ناسك
أتكرف.. نسيم طيبك.........وطيب. إيناسك
ياالحشمة....... ومهذب. وياالرقيق إحساسك
أصلي حقيقي.. مبسوط. من بنايتك. وساسك

[مصطفى هاتريك]

شكرا علوني على نثرك كل هذا الجمال هنا

[ساريه]

عارف يا خالد البوست دا دخلتو اكتر من عشره مرات بقرأ وبستمتع بهذه المرابيع جداً .....
وما قادره اعلق غير انى اقول ليك ..... شكراً

بوست للاستمتاع على وزن غنيه للاستماع فقط ....
ومتابعين معاك ومع كمال الدين المرضى ....

[خالد علونى]

ياحافظ النظام......... متقن مسارو.. رسمتو
ومن وسط السموم............ تمرق عبيره.. نسمتو
ياراسم جمالك......... في الصغير.. وبسمتو
عبدك راضي....... حالو. و راضي بيها.. قسمتو



صباحاتكم رضا

[خالد علونى]

أنطبقن..... عليك أمغاس....حشاك. حزمتو
وخاطرك.......... بي حمول أيوب صبور. لزمتو
قسمك برو........... عهدن لي التريدو.. جزمتو
لو مر الحناضل......... في رضاو.. كزمتو

[خالد علونى]

غابت شمسو.... يوم الجمعة. والليل عسعس
هبت ناسمة........... حن. حر النهار.. إتدسدس
بال الشوق...... سكت... وإرتاح. سماح.. ماوسوس
ونسيتو القبيل........... في حقي.. كذبن. نسنس
( وصبري مع الزمان..... ولزومي بيتي...... أفادني)

[خالد علونى]

إنعدل الغنا................ وأسمر جميل. جواهو
ليون......... فرعو بانة تميد... ونسمة. هواهو
فوقا القمري قوقا........... فريعا صار.. مؤاهو
إنفدع الفريع............. شعلق هواي. في هواهو
(وعجب الأغنيات.... عجبت!! وقامتا. بانة)

[خالد علونى]

بس قمر السبوع............. ما عندو فاطرن. باسمو
والبان......... وإن أبان.... ما ليهو توبن... راسمو
جمالن........... رتبو الخلاق.. وواهبو.. وقاسمو
لو بان لون....... ولو بدرن.... ينير.. في مواسمو
( وكلك.. كل.. وضل.. زي. زينة. حس. وسماحة)

[خالد علونى]

أفتح باب كلامك....... وسددو باب... الريح
وخلي القول... يعيشو الزول. شفيف... ومريح
أيا البتعاجي قلبن.... بي حسايسو... جريح
تعال وأحقني بي الريد. الصحيح.... وصريح

[خالد علونى]

أرعي حقوق ونيسك.... وراعي عندك... قدرو
ريدن.. كاتمو في داخل تجاويف... سدرو
يا شمسو....ونجوم سعدو...وشروقو.... وبدرو
فككو...... حجاب لحاظن.......أصلو.... ما بينقدرو

[خالد علونى]

ترديدك........تفاصيل...... الأمــــــــــور... مابريحك
وكتر الشكوي......... بيجدد حســـــــــار... تبريحك
أنسي العذبوك....... علشان تداوي... جـــــــريحك
أجدع مشرطك ............وأترك شروح.... تشريحك