ما بين غارزيتو وهيثم

[روبش]

بداية المشكلة بين المدرب واللاعب قال غارزيتو هيثم قال لي كلام لا يمكن ان اقوله لكم انتم الاعلاميون وهو كلام سر بيني وبينه كلاعب ،و اضاف لكنه غير مقبول منه في حقي كمدرب للفريق،وعاد غارزيتو تحت سيل وضغط اسئلة الاعلاميين قال هيثم قال لي انا لن أجلس على دكة البدلاء واي مباراة خارج الخرطوم يجب ان أكون فيها أساسيا فكيف لي ان أتعامل معه وإشركه في المباريات؟،وعاد غارزيتو مرة أخرى وقال هيثم مصطفى حاليا غير موجود معنا وقال مصاب وسافر قبلها الى دبي وعاد ودخل وفي اول دقيقتين وفي اول تدريب له قال انه اصيب مرة أخرى ،وطالب غارزيتو هيثم بالعودة والتدرب مع الفريق كما يفعل زملائه وأكد سنقوم باشراكه في المباريات اذا اصبح جاهزا.

وأجاب غارزيتو على سؤال هل فريقه محتاجا لهيثم في الفترة القادمة أم لا ؟قال " ما قاله لي هيثم غير مقبول ولا يمكن ان اعتمد عليه مرة اخرى وها هو الفريق ينتصر بدونه من مباراة لأخرى وااضاف انا أقوم بتدريب 25 لاعبا ليست هيثم فقط،وتحدث عن ذهاب زين الدين زيدان من ريال مدريد وعن مالديني في ميلان ، وقال غارزيتو فرقهم لم تتأثر بذهابهم وما زالت تحقق الانتصارات كما كانو موجودين.

وعن تعامله مع هيثم وهو يقوم بإستشارة المعز محجوب وعلاء الدين يوسف في ظل وجود كابتن الفريق قال غارزيتو انا لم أستقصد هيثم مصطفى ولكنني قضيت ايام أكثر مع هؤلاء اللاعبين الذين استشيرهم ولذلك تعرفت عليهم كما أنني حاليا اتعامل مع من جالس معي في المنصة دون ان اتعامل مع أحدكم وذلك بحكم معرفتي بهم.
وبرأ غارزيتو ثنائي الهلال محمد عبد القيوم ابوشامة وخالد بخيت من مشكلته مع هيثم وقال هذا الثنائي يعمل معي بتناغم جيد وهم ينجزون كثير من الاعمال المفيدة للهلال ،وقال غارزيتو اذا كان جمهور الهلال يرى انني أخطأت في حق الكابتن والهلال فيجب على الجمهور إبلاغ ذلك الامر الى دائرة الكرة وانا سأقوم بحزم حقائبي والذهاب بعيدا عن الهلال لانني لن أعمل في وضع كهذا؟


وعن معرفة مجلس الادارة بهذه المشكلة قال غارزيتو حتى اذا لم أقم أنا بابلاغ المجلس بذلك الامر فهو واضح للجميع وهم يتابعون التدريبات واللاعب غير موجود.(كفر ووتر )
اقول :: على ما اعتقد ده نهاية الكابتن هيثم لو ترك للمدرب الحرية في نطاق عمله دون التدخل من اي فرد بالادارة

[الجندي المجهول]

والله يا روبش دا كلام عجيب وغريب

وغير كدا المدرب دا اوروبي (ولا اعتقد) ان في يوم من الايام (شاهدنا في ملاعبنا) مدرب من اوروبا (ضعيف الشخصية) عكس البرازيلي والعربي ديل ( ممكن ) ابو جريشة يوديهم يمين ويوديهم شمال ..

واكبر دليل على صدق كلامي ( كروجر ) هل تدري لماذا لم يستطيع الجلوس في المريخ بالرغم من النجاح الذي حققه ..

السيد /جمال الوالي (رئيس طوالي) عاوز لما يجي الاستاد (يتفرج في التمرين) .. ان يترك المدرب كروجر التدريب وياتي ليسلم عليه (تتصور الكلام دا)

وكروجر من قبل ( اوقفه) وقال له لا شأن لك بالجانب الفني (انه لي وانا من اقرر من سيلعب) وكان وقتها الوالي يريد ان يشرك واحد من اللاعبين ( الغائبين) كروجر قطعوا معاهو 6/صفر ... وطبعا الوالي ما ( متعود) زول يرفض ليهو طلب ... عشان كدا يا روبش مقدما ( مبرووك) الحصول على هذا المدرب وياريت يستمر

اقول ليك سر ( مش في الكورة بس) ياريت زاتو يجينا رئيس (للحكومة) اوروبي عشان نرتاح من الفساد الحاصل دا ،،، لا الحكومة نافعة ولا المعارضة نافعة ( كلهم للكوشة ) وبس .

[روبش]

والله يا روبش دا كلام عجيب وغريب

وغير كدا المدرب دا اوروبي (ولا اعتقد) ان في يوم من الايام (شاهدنا في ملاعبنا) مدرب من اوروبا (ضعيف الشخصية) عكس البرازيلي والعربي ديل ( ممكن ) ابو جريشة يوديهم يمين ويوديهم شمال ..

واكبر دليل على صدق كلامي ( كروجر ) هل تدري لماذا لم يستطيع الجلوس في المريخ بالرغم من النجاح الذي حققه ..

السيد /جمال الوالي (رئيس طوالي) عاوز لما يجي الاستاد (يتفرج في التمرين) .. ان يترك المدرب كروجر التدريب وياتي ليسلم عليه (تتصور الكلام دا)

وكروجر من قبل ( اوقفه) وقال له لا شأن لك بالجانب الفني (انه لي وانا من اقرر من سيلعب) وكان وقتها الوالي يريد ان يشرك واحد من اللاعبين ( الغائبين) كروجر قطعوا معاهو 6/صفر ... وطبعا الوالي ما ( متعود) زول يرفض ليهو طلب ... عشان كدا يا روبش مقدما ( مبرووك) الحصول على هذا المدرب وياريت يستمر

اقول ليك سر ( مش في الكورة بس) ياريت زاتو يجينا رئيس (للحكومة) اوروبي عشان نرتاح من الفساد الحاصل دا ،،، لا الحكومة نافعة ولا المعارضة نافعة ( كلهم للكوشة ) وبس .

الحبيب الجندي
اديك العافيه
ان كان ما ذكرته صحيح وهو على لسان كفر ووتر فهذا المدرب كفء ولو الادارة تريد المضي قدما للامام فالتدعه يفعل ما يشاء حتى ولو كان هيثم، فلكل لاعب يأخذ فرصته وزمنه وعلى ما اعتقد زمن هيثم قد ولى

[صلاح الدين محمد]

الهم ارحم حال الكوره في السودان

[عمرسنهوري]

حبيبنا روبشاني
تحياتي
هيثم مصطفى لاعب كبير و مر عليه في الهلال و المنتخب الوطني عدد كبير جدا من المدربين
لذلك فهو كفؤ في الشئون الفنيه و لكن في عهد صلاح ادريس و حوارييه جعلوا من هيثم فرعون
وتمادى هو في تسجيد الدور حتى اصبح سلوكه معيبا . وان هيثم قال عن صحفي الهلال
( هم ديل صحفيين الواحد منهمة بي صحن فول تشتريهو )
و كثيرون طالعوا في الصحف بعض تصريحات هيثم التي تكبر من شان الارباب
وكلنا يعلم العداء المستحكم بين البرير و الارباب و البرير في ظل مشالكه الكثيره
لايريد ان يفتح جبهه جديده مع هيثم و صحافيي الارباب هو في غنى عنها, لذلك لا استبعد ان يكون البرير
قد اعطى الضوء الاخضر للمدرب ليفعل ما عجز عنه و باعتقادي ان غارويتو ينفذ
في سياسة البرير سوى انه علم او لم يعلم .

[ZANOON]

اولا..سلام وشوق الالاف..
ظروف صعبه جدا حرمتني من الحضور بينكم في الايام السابقه وسأكون بينكم في نهايه الاسبوع بمشيئه من نحب ونعبد...
يلا الكلام ...بالبلدي...
هيــــثم مصطفي ...
من وين عرف غارزيتو بمكانه هيثم وجبروته وهو مدرب جديد...؟؟
ابوشامه وحمد كمال وخالد بخيت ...لدائره الكوره ...ارجعوا لتاريخهم مع هيثم...!!!
التلاته ديل قدموا شنو للهلال اكتر من هيثم ...؟؟؟
بقياده هيثم اصبح الهلال صديقا لدور المجموعات...شئنا ام ابينا مريخاب او هلالاب ...لهيثم الدور الاكبرفي ما وصل اليه الفريق....
فهو لاعب من الدرجه الاولي ومكابر من يقول غير ذلك....جعل لشاره الكابتنيه هيبه لم نجدها حتي في كبار اللاعبين خارجيا...
وهو اداري يبعد الاعبين عن مجلس الاداره ويوجه تركيزهم للملعب فقط ....هل تتذكرون عندما افلس مجلس الهلال ...من اتي بالمياه للاعبين ومن دفع لل.....ومن دفع....
نتائج الهلال الآن تجعل مشكله هيثم وابعاده قائمه ..ولكن عندما تحين المباريات الكبرئ ستعرفون من هو هيثم وما دوره ..في اعاده الفريق لوضعه الطبيعي بحنكته ودرايته التي استمرت لسنوات وسنوات...
كلام بسيط ....لن يفتح الله علي المريخ ببطوله قاريه وعجب يحمل قطعه القماش تلك في يده ..
حتي وان كِبر سيدا وسيد ابوا كمان ...من هو خليفته ..؟؟؟
القياده والشاره لا تشتري من البقالات ..وانما هي فطره في الانسان..وهيثم كابتن بالفطره...يعرف دوره...
السوال الهام هل هيثم قوي ام ان مجلس الاداره ضعيف ...؟؟حتي ياتي بغارزيتو كدرع وقائي من شخصيه هيثم..
ثم من هو غارزيتو حتي يحارب لاعبا احببناهو لموهبته واسلوبه الكروي الساحر وصاحب بصمه داخل الملعب ..ويكفي انها بصمه لن تتكرر قريبا....هو شخص سيدرب الهلال ومع اول خروج سيغادر...فهل تكون مغادره هيثم علي يديه هو...
ان مسح تاريخ هيثم بمثل تلك الافعال لهو جريمه لن تغتفر لي كمريخابي غيور ناهيكم انتم كهلالاب ...
ادخلو هيثم التشكيله اليوم قبل الغد ودعوه يلعب موسما او أخر فبعدها سيترجل من تلقاء نفسه عزيزا مكرما... وستزرفون الدموع علي وداعه..لحبه لكم ولحبه لهلال وضعه علي صدره ردحا من الزمان..واخلص لكم وله ..
انتم هلالاب هل نسيتم يوم ان ضحي بصحه ابنه لاجل مشوار الهلال الافريقي...؟؟؟
اقول كلامي وانا لا احب هيثم ومريخابي ولكن من باب شكر وتقدير للاعب لن يري السودان لاعبا يضاهيه موهبه ونبوغ وخبث كروي..
سيدا سيدا ....هتاف ستندمون لفراقه...وستعرفون عما قريب لما يحارب في الخفاء...

[الامين عبدالقادر]

لابدان يفهم هيثم بان الهلال اكبر من الجميع ولمصلحة هيثم وهو فى اخر مواسمة ان يتعاون مع المدرب والادارة حتى تسير سفينة الموج الازرق لبر الامان

[عثمان جلالة]

والله يا جماعه ... إنتو دايرين رائي في الموضوع ده؟

أنا شايف القصه كلها لعبه بس لا في مشكله بين هيثم وغارزيتو ولا حاجه كل الموضوع محاولة من الجهاز الفني بالتفاق مع هيثم لتشتيت الانتباه فقط لا غير .. ما بعيد هيثم يكون مفتاح انتصارات الهلال الجايه.

يااااخ الكوره بقت زي السياسه .... تفسيرها مش حسب ما يراه الجميع.

[روبش]

الحبيب الصهويني العتيق عمر سنهوري
اديك العافيه
والله مشتاقين والله مشتاقين شنو الغيبة ده ياخي
نتمنى ان يكون الانقطاع خير اشتقنا لمواضيعك الشيقه وحقيقة فقدناك
اقول :: اوعه تكون داخل غلط اصلو الايام ده بعد فوز مازمبي الصهاينة جميعا بدخلو غلط
يعني ممكن عادي تطلع بدون قميص ده حاصل الايام ده
اقول :: اخونا زنون الايام ده ببيع اي حاجة بالغلط يعني ممكن عادي يديك ماسورة بدل خرطوش
اقول اخيرا :: ياخي ما تنقطع المنتدى فاقدك والله

[روبش]

حبيب عمري ... زنون
اديك العافيه
رغم مريخيته فهو حبيب العمر، اخ وصديق ورفيق درب بمعنى الكلمة رغم قصر التعارف به، فوجدت به انسان اخر ، فيكفي انه زنون صاحب الاخلاق العاليه
اقول :: اديك العافيه على هذه الكلمات الطيبات في حق اللاعب هيثم بغض النظر عن لونيتك فهذه حقيقة لا ينكرها الا مكابر،
نتمنى عودة البرنس بسرعة للملاعب

[روبش]

العزيز ... جلاله
اديك العافيه
والمنتدى نور بطلتك الغير عاديه على الرياضي
اقول :: نتمنى ان نراك دوما بالرياضي بالمفيد
ممكن يكون رأيك صحيح فهي احتمال تكون مسرحية لانشغال الناس بهذا الموضوع
اقول ::: ام تريبات كيف

[الريح الحسين]

ذكر لي احد الهلالاب والعهده عليه ان المدرب فرسني وفي ادارة الهلال واحد ثقافته فرنسيه ومابين هذا الاداري وكابتن هيثم عدم احترام اي يتهم هيثم بعدم تقدير تاريخه الطويل مع الهلال لذلك الب عليه الكوتش وغدا لناظره قريب