المساعد الشخصي الرقمي

مشاهدة النسخة كاملة : تعالو نتكلم بصراحة شديده



روبش
02-04-2012, 09:23 PM
حقيقة انا واحد من الناس بشكر الشخص الذي حول لي موضوع للنفاج
وحقيقة وجدت نفسي في النفاج من حيث الذين يشاركون فيه
وحقيقة تعرفت على اشخاص منهم ود المطامير اتمنى ان يجمعني به الزمن
النفاج منتدى رائع جدا جدا تتنفس فيه بكل حرية
الجميع صدره رحب بهذا المنتدى يجعل الابتسامه الحاسة السادسة له
موضوعي ما يدور وما دار في الاونة الاخيرة بالمنتدى والحملة التي تعرض لها بعض الاخوة المشرفين
اكيد يا جماعه يوجد فينا من هو مؤتمر شعبي ومن هو اتحادي ومن هو مؤتمر وطني ومن هو حزب البهجة
لا اريد ان اقول عم محجوب جبهة شعبية ولا ود المطامير مؤتمر وطني ولا انا حزب البهجة
الكل اخوان والكل يعمل لخدمة هدف واحد في هذا المنتدى هو الرقي بمديتنا لمصاف المدن التي نحلم بها
فهنالك فئة تتحدث باسلوب غريب جدا بالمنتدى وكأن المنتدى مسيس من قبل فئة معينة
فهنالك ما يطالب باستقالة الادارة والمشرفين جميعا وكأن الكل اخطأ في هذا المنتدى
والشهادة لله تعرفت بمجموعة جيده جدا واكيد يكون معظمكم تعرف عليهم .. انهم شباب يعملون بدون اي مقابل بكل جد واخلاص وفناء في سبيل هذه المدينة ولا ننكر اعمالهم التي يقومون بها .. وكثر منهم ترك اشغالهم الخاصة وتفرق للمنتدى ..
اكيد همنا الاول والاخير هو السعي بالنهوض بمدينتنا الحبيبة لما هو أجمل لها
والخوف الخوف بعد تكوين اللجنة القانونية وما تخرج به انشاء الله من قرارات اكيد هي موضع احترام وتقدير واكيد سوف تكون في مصلحة المنتدى والمدينة.. ولكن السؤال الذي يطرح نفسه .
هل تلك الفئة التي تسعى لما تصبو إليه سوف تقتنع بقرارات اللجنة ؟ السؤال اكيد من الان اجابته واضحة وهي لا، لان هدفهم معروف وهي زعزعة المنتدى..
عليه اتمنى واتمنى ان نرى اولئك في مقدمة الذين يقودون دفة هذا المنتدى..
والله الموفق

الجندي المجهول
02-04-2012, 09:43 PM
الحبيب روبش أن تأتي متاخراً خيراً من أن لا تأتي

بجيك راجع بي رواقة .... باذن الله ،،

آلاء عبد الرحمن
02-04-2012, 09:52 PM
الاجابة علي سوالك كانت نفس اجابتي لما كان في اجتماع للمشرفين في مدني
ومهما حصل صدقني في ناس همها بث المشاكل مااكتر ولا اقل
انا صراحة عادة مابخش لي في نقاش لما تكون في مشاكل حاصلة ماعشان شي غير انو في ناس اذا رديت عليها حيزيدو فيها
ياروبش انت جيت وشفته الناس وتعاملها كيف
والله العظيم انا احلي من ناسنا ديل مالقيت
والناس البتقول المنتدي مابيقدم شي
اليراجعو الحاجات العملته الجمعية ياخي حتي لو كانت بسيطة برضو الناس تدي الناس حقها مش كل دقيقة هو عمل شنو وماشنو
وانا بصفتي من اتحاد ذوي الاعاقة ناس المنتدي ماقصرو معانا اقل شي كفايه جيتهم لينا في الاتحاد ومشاركة الناس قعدتم والله الناس كانت مبسوطة من جيتهم لانو ماف زول بجي ليهم ده غير الحاجات التانية الاتعملت
ياجماعة الناس تدي الزول حقو ماينكرو ليو
والله ياروبش خليتي اتفشة شوية
هههههههه

آلاء عبد الرحمن
02-04-2012, 09:55 PM
غايتو الببقي مشرف ياتكون اعصابو اكتر من باردة يا يجيو ضغط

المسافر
02-04-2012, 10:21 PM
كلامك حكم يا روبش
وهذا السؤال دائماً ما أردده ، ماذا يستفيد المشرف أو الإداري في المنتدى من عمله ؟
الإجابة لا توجد أي إستفادة بقدر ما هو إلتزام وتقيد . . . وأعتقد هذه المعلومات لو عرفها الكثيرين سوف بنكون بسلام .

روبش
02-04-2012, 11:21 PM
الحبيب الجندي
اديك العافيه
ما تطول الغيبة منتظرك بالجبنه

روبش
02-04-2012, 11:24 PM
العزيزة الاء
اديك العافيه على المداخله
حقيقة هنالك ناس يعملون في صمت ولهم بصمتهم الواضحة في هذا المنتدى، اي نعم التغيير سنة الحياة ولكن لابد من شكرهم على ما بذلوه وليس زمهم في اشياء تكاد تكون هامشيه..
دكتوره الكل في هذا المنتدى يسعى لخدمة مدني اولا ياريت الناس التي تتحدث عن التغيير تتحدث عن مدني وتشيل همها
مع تحياتي

روبش
02-04-2012, 11:36 PM
الحبيب المسافر
متعك الله بالصحة والعافيه
كلنا نعمل لهدف منشود نتمنى قدر ما متاح لنا من امكانيات ان نصله وهو النهوض بهذه المدينة
الكلام والحديث عن اشياء ليست منطقية لا يجدي ابدا
المهم الكلام بالعمل ومدني محتاجه لينا اكثر مما نحتاجه من تغير وخلافه اي كان من الاعضاء يستحق ادارة دفة الامور بالمنتدى الكل يحمل هم هذه المدينة، فدعونا نعمل بصمت من غير حذف ولا تغيير ولا اساءات لا تخدم عملنا بشيء

صلاح ودالطاهر
02-04-2012, 11:43 PM
كلامك حكم يا روبش
وهذا السؤال دائماً ما أردده ، ماذا يستفيد المشرف أو الإداري في المنتدى من عمله ؟
الإجابة لا توجد أي إستفادة بقدر ما هو إلتزام وتقيد . . . وأعتقد هذه المعلومات لو عرفها الكثيرين سوف بنكون بسلام .

يا سلام عليك يا مسافر ده بيت القصيد شكرا اسامه

روبش
03-04-2012, 12:50 AM
ود الطاهر
اديك العافيه
رأيك شنو انت في الموضوع ده
بعيد عن النص ::: اخبار الريس معاك

ايمن عبد الله
03-04-2012, 02:16 AM
تسسلم يا روبش كلامك جميل جداً

روبش
03-04-2012, 09:00 AM
اديك العافيه ابو اسيل ونتمنى نتمنى ان يتكاتف الجميع في تحقيق الهدف المنشود بعيدا عن الاحتكاكات التي لا تخدم غرض