حزب البهجه والمعانا يجي يجي يجي

[نزار احمد كوارتي]

زمانك أيام الجامعه كنا انا وفردي إتنين من أولاد مدني مشهورين بالهزل وعدم الجديه حتي في أحلك المواقف, غايتو انا كنت شويه كده أحسن لكن حبيبنا الدحيش للناس البتعرفو وهو من أولاد عووضه آخر محطه فريق الشوايقه, ده كان ما جادي كلو كلو, مره من المرات والجامعه كانت عامله زي منتدانا الأيامات دي ( الواحد طبعاً بقي لمن يجي يفتح المنتدي يقيف بعييييييد من الشاشه زي الطيره لمن تجي تنقد الشرك وهي عارفاه ده شرك).
إنتخابات الإتحاد والكواريك مدوره والجوطه والحيط كلها ملصقات, الكافتريا جاااااااااايطه الساعه التسمع ليك الدحيش قام يكورك في نُص الكافتريا وطلع ليك في الطربيزه فوق وألَّف ليه كولِنق قطعو من راسو وقال للناس نحن حزب البهجه وعايزين نعمل لينا حفله هسسسسسسسسي دي هنا ده والمعانا يجي يجي يجي,
ياخ هي زاتو كليتنا دي والله العظيم كانت شي عجيب خلاص, مره كان عندنا دوري الأقسام وأخوكم طبعاً كان أساسي في قسم ميكانيكا ( صاحبي قال لي تعرف يا أبو النيز أيي ولد بقول ليك انا زمان كنت لعاب وأيي بت بتقول ليك انا شعري زمان كان طوال).
أهاااااا الكوره مسخِنه والتشجيع مِدوِر والقيامه رابطه إنتهينا من الكوره جايين مارقين من الجامعه نلقي ليك الطوب مكسر في نص الشارع (المين روود) والكراسي مجدعه والدنيا مقلوبه, ياناس في شنو ؟؟؟ وقلعنا ليك عيوننا
قالو لينا إنتو وين؟؟؟ إنتو معانا هنا في الجامعه دي ؟؟؟ ياخ المظاهرات قامت والإحتياطي كبس والناس دقوها دق القطن والمظاهرات إتفرتقت ونحن بس يانا الحسانيه في شنو زاااااتها.

مقطع من أغنيه عاجباني:-

كل الناس كيمان كيمان

مقطع من بيت شعر عاجبني أكتر:-

كيمان مقنبِره للمديح من غير ضريح

والخيل مجهزه للسباق آخر النهار فوق السَهَل

لما الجدل يبقي الدجل, والآيدولوجيا هي البوليس كتال كُتَل

ليش البلاد ما تستباح يوماتي كل ما الليل دخل ؟؟؟

بالزقاق :-

برئ يا بيه,

بالسوداني كده :-

ما عندي أيي روح للحركات حركات والردود الكيف كيف ديك, عندي باقي طاقه محتفظ بيها لليوم الأسود إمِكن بترول هجليجي يقِط وللا يحتلو ناس.

بيت شِعِر إتزكرتو هسسسسسسسي دي :-

وكت ما الشفوت بصوتك تصوط
تعلق بكارتو على الميضنة
تحرم عليك ملاقاة طيوفك
مناجاة ولوفك ... وراء المشجنة
تغمض تشوفك
تفتش حروفك
تعبر كلامك
تعد احتلامك بباكر زنا

[عبدالرحمن مدثر]

الدحيش دا ذكرنى ودالعباس اللذيذ

كنا وقتها فى المتوسطه .. ودالعباس بتاع شراط بضم الشين

وهو نوع من التحدى مصحوبه (بالم ) زى لما تنسف ليك صينيه بااسطه

وصندوق بارد .. ويكون التحدى مربوط بقيمه ماليه كجائزه لما تكمل الحاجه

المتشارط عليها .. ولا الضحك يشرطك عندما تقف فى النص بين تكمل وبين مانى قااادر

اها المؤسف شديد انو امس كان فى شراااط غريب

ملوه فيتريته

فماكان من ودالعباس الا تحزم .. وتلزم .. ووافق على الشرااااط

وكان له ما اراد

بقدره قادره قششششط الملوه الليله الفتيريته

وخرج من مظله السباااق معسسسسم

اها نجى ليوم درس العصر .. بعد ماخلاس قربنا للنهايه

وطلعنا ليك من السور

شوف عينى لود العباااس .. رفس بكراعو رفسه واااحده ..

وقعد يهنق ... بصوته المحشرج :)

هاها وكمان معاها قررربى ... زى الحمار دااك الشفع الربطو فى ضنبو

دقسته بتاعت علب صلصله

ولسوء حظه

ان الهنيييق .. وصل لمسامع استاذ (نعيم )

هو طبعن فى افعالو (جحيم )

فما كان منه فى اليوم التانى الا ان قرع الجرس .. وطابور مستعجل نصت نهااار

وجاء استاذ جحيم


- والله شايف فى تطور ملحوظ فى مدرستنا .. فى ناس بتتحول بالامسيات لحمييير

- اها الليله جمعناكم عشان نحتفى بحمار جديد فى مدرستنا

- الكااان بهنقق امبارح بعد درس العصر يطلع فى نص الطابور هنا (بلهجه حاااده )

اها الطابور كلو قعد يفتش لودالعباااس واقف بوييييين (فضيحه خلاس كنا زمااان )

فتقدم ودالعاباس خطوه للامام

ومن يوميها ارتبط الموقف بكل محطااات التلاقى

ومن يوميها ابتعد ودالعباااس عن (الشورررراط )



خربشه

ماطالبنى حليفه ... زمان انا كنت لعاااب (مايسترو ) وملك السنتر ... وكان شعرى

اكتر من شاروخااان .. لكن تقول شنو فى حركااات الجكسى

المابتلحقوا ... اكتبوا :)

بالجنبه .. شوفت بوستيك طااعم كييف .. بخلينا نضرب (مندى هااايتى ) هنا

ونخلى عم محجوب ياكل (طحنيه ) :)

[المسافر]

والله يا أبو النيز أنا زمان كان عندي شعر ( دي حتحسبها تحت ياتو بند )
وبعدين طلعت إنت من زمان برة الشبكة ، أنا قايل دي حالة جديدة لما بقيتو (2)
وشنو حكاية الإيدلوجية والإستباح والكلام الكبار ده ، إنت إتغيرت آخر حاجة !!!

[مايسة]

هههههههههههههههههههه
كل يوم اقول نزار دا ما بكتب ساااي اكيد عندو رأي
لكن اليوم دا اتأكدته تماما

ياخ ربنا يبسطتك -
ضحكتنا بالجد

[بنت الرفاعي]

:):):)

والناس تجي وتلقى رئيس الحزب مافي؟!!

:):):)

[نزار احمد كوارتي]

هههههههههههههههههههه
كل يوم اقول نزار دا ما بكتب ساااي اكيد عندو رأي
لكن اليوم دا اتأكدته تماما

ياخ ربنا يبسطتك -
ضحكتنا بالجد


إتأكدتي عديل كده ؟؟؟

كيف يعني ؟؟؟ هو انا ما متأكد .

بالزقاق :-

زعلان منك وما داير معاك أيي كلام. عرفنا ناس هناي وهناي نسوانهم قالعات تلفوناتم إنتي ما بتردي مالك ؟؟؟ راجلك قالع تلفونك برضو ؟؟؟

زقاق أضيق شويه :-

بهزر ساي ما تقومي تصدقي, بيني وبينك الأيامات دي الواحد بقي يخاف من التِزِعل القايم علي الناس ده.

[نزار احمد كوارتي]

:):):)

والناس تجي وتلقى رئيس الحزب مافي؟!!

:):):)



رئيس حزب بتاع شنو يا دكتوره ؟؟؟

نحن حزبنا ده كان ما عندو أيي رئيس كلو زول هو الرئيس وكلو زول هو الغفير وما كان في أيي زول حابي إنو يبقي رئيس تعرفي ليه ؟؟؟؟

لأنو جيبنا كان واحد وأيي واحد فينا بفرح لمن صاحبو أهلو يرسلو ليه قروش.

[بنت الرفاعي]

رئيس حزب بتاع شنو يا دكتوره ؟؟؟

نحن حزبنا ده كان ما عندو أيي رئيس كلو زول هو الرئيس وكلو زول هو الغفير وما كان في أيي زول حابي إنو يبقي رئيس تعرفي ليه ؟؟؟؟

لأنو جيبنا كان واحد وأيي واحد فينا بفرح لمن صاحبو أهلو يرسلو ليه قروش.




:):):)

و
الحصل شنو؟!

:):):)

[نزار احمد كوارتي]

الدحيش دا ذكرنى ودالعباس اللذيذ

كنا وقتها فى المتوسطه .. ودالعباس بتاع شراط بضم الشين

وهو نوع من التحدى مصحوبه (بالم ) زى لما تنسف ليك صينيه بااسطه

وصندوق بارد .. ويكون التحدى مربوط بقيمه ماليه كجائزه لما تكمل الحاجه

المتشارط عليها .. ولا الضحك يشرطك عندما تقف فى النص بين تكمل وبين مانى قااادر

اها المؤسف شديد انو امس كان فى شراااط غريب

ملوه فيتريته

فماكان من ودالعباس الا تحزم .. وتلزم .. ووافق على الشرااااط

وكان له ما اراد

بقدره قادره قششششط الملوه الليله الفتيريته

وخرج من مظله السباااق معسسسسم

اها نجى ليوم درس العصر .. بعد ماخلاس قربنا للنهايه

وطلعنا ليك من السور

شوف عينى لود العباااس .. رفس بكراعو رفسه واااحده ..

وقعد يهنق ... بصوته المحشرج :)

هاها وكمان معاها قررربى ... زى الحمار دااك الشفع الربطو فى ضنبو

دقسته بتاعت علب صلصله

ولسوء حظه

ان الهنيييق .. وصل لمسامع استاذ (نعيم )

هو طبعن فى افعالو (جحيم )

فما كان منه فى اليوم التانى الا ان قرع الجرس .. وطابور مستعجل نصت نهااار

وجاء استاذ جحيم


- والله شايف فى تطور ملحوظ فى مدرستنا .. فى ناس بتتحول بالامسيات لحمييير

- اها الليله جمعناكم عشان نحتفى بحمار جديد فى مدرستنا

- الكااان بهنقق امبارح بعد درس العصر يطلع فى نص الطابور هنا (بلهجه حاااده )

اها الطابور كلو قعد يفتش لودالعباااس واقف بوييييين (فضيحه خلاس كنا زمااان )

فتقدم ودالعاباس خطوه للامام

ومن يوميها ارتبط الموقف بكل محطااات التلاقى

ومن يوميها ابتعد ودالعباااس عن (الشورررراط )



خربشه

ماطالبنى حليفه ... زمان انا كنت لعاااب (مايسترو ) وملك السنتر ... وكان شعرى

اكتر من شاروخااان .. لكن تقول شنو فى حركااات الجكسى

المابتلحقوا ... اكتبوا :)

بالجنبه .. شوفت بوستيك طااعم كييف .. بخلينا نضرب (مندى هااايتى ) هنا

ونخلى عم محجوب ياكل (طحنيه ) :)




هههههههههههههه

والله لكن ود العباس بتاعك ده ظريف خلاص

تقول لي أب كرنكي بتاعنا داك, ياخ داك مره شارطنا في أكل باسطه وشراب بيبسي, حنكنا ليك لقط قريشاتنا وقال ماشي الشانزلزيه لي يوم الليله ما جا راجع.

الحبيب والله إنت المِطعِم البوست ويا ريت نسمع بي ناس هاييتي كوللللللهم بضربو في المندي بي جاي قريييييييييييييب قول آمين